অসিয়ানগা মরী লৈনবা মীফমশিং শরুক য়ানবা জোকো ৱিদোদোনা চেবাউ পীরকপদগী ঐ ইন্দোনেসিয়াগী জাকারতাদা চৎলি।
ঐনা অহানবদা ২০শুবা অসিয়ান-ইন্দিয়া মীফম শরুক য়াগনি। চহি ৪০ শুরবা অসিয়ানদা, ঐখোয়গী মরুপ-মপাং ওইবগী মরীশিংগী তুংগী ফিবমগী মতাংদা অসিয়ানগী লুচিংবশিংগা ৱা খন্নগনি হায়বনা ঐনা থাজবা থম্লি। অসিয়ানগা থবক তৌমিন্নবা হায়বসি ভারতকী “এক্ত ইস্ত” পোলিসিগী মরুওইবা য়ুম্বী অমনি। হৌখিবা চহিদগী চৎনখিবা কমপ্রেহেন্সিপ স্ত্রাতেজিক পার্তনর্সিপনা ঐখোয়গী মরীশিংদা অনৌবা থৌনা পীরে।
মতুং তারকপদা, ঐনা ১৮শুবা ইস্ত এসিয়া মীফম শরুক য়াগনি। হায়রিবা মীফম অসিদা ঐখোয়না চীঞ্জাক অমসুং ইনর্জি ৱাৎহন্দবা, মহৌশাগী অকোয়গী ফিবম, হকশেল অমসুং দিজিতেলগী অওনবা য়াওনা লমদম অসিগী মরুওইবা ৱাফমশিং খন্নগনি। মালেমগী অৱাবশিং অপুনবা ওইনা কোকহন্নবা থবক ওইনা মতেং পীন্নবা অতোপ্পা ইস্ত এসিয়া লৈবাকশিংগী লুচিংবশিংগা ৱারি শানগনি হায়না ঐনা থাজবা থম্লি।
হৌখিবা চহিদা বালিদা জি-২০ মীফম শরুক য়ানবা ঐগী ইন্দোনেসিয়া খোঙচৎ অদু ঐনা নিংশিংলি অমসুং হন্দক্কী খোঙচৎ অসিনা অসিয়ান লমদমগা ঐখোয়গা থবক তৌমিন্নবা মখা তানা চেৎশিনহনগনি হায়না ঐনা থাজবা থম্লি।
