Share
 
Comments
স্মারক্তা শারিবা ম্যুজিয়ম গেল্লরীশিং অদুসু প্রধান মন্ত্রীনা শঙ্গাখ্রে
জলিয়ানৱালা বাঘকী ৱালশিংদা চমজরবা নুপাশিং অমসুং নুপীশিংগী মংলানশিং অদু বুল্লেত মার্কশিং ওইনা অদুমক তাবা উরি : পি.এম.
১৯১৯, এপ্রীল ১৩গী মিনত ১০গী মতম অদু ঐখোয়গী নিংতম ইহৌগী মুৎপা নাইররোইদবা ৱারি ওইখ্রে, মসিনা মরম ওইদুনা ঙসি ঐখোয়না নিংতম্বগী অমিৃত মহোতসব পাংথোকপা ঙম্লিবনি: পি.এম.
লৈবাক অমা হেক্তগী হৌখিবা ৱারিশিং মীরাইদুনা থম্বা অসি অচুম্বা নত্তে৷ মরম অদুনা, ভারতনা চহি খুদিংগী ওগস্ত ১৪ অসি 'পার্তিসন হোরর্স রিমেম্ব্রেন্স দে' ওইনা পাংথোক্নবা ৱারেপ্নখ্রে: পি.এম.
নিংতম ইহৌদা ঐখোয়গী ত্রাইবেল কম্ম্যুনিতীনা অচৌবা থৌদাং লৌখি অমসুং চাওনা কৎথোকখি, মখোয়না কৎথোক্লম্বশিং অদুগী মতাংদা পুৱারিগী লাইরিকশিংদা ইগদবা চাং অদুদগী ৱাৎনা ইরবনি: পি.এম.
কোরোনাবু ওইরবসু নত্রগা অফগানিস্তান্দবু ওইরবসু, ভারত মচাশিংগীদমক ভারতনা লেপ্লি: পি.এম.
অমিৃত মহোতসবকী মতমদা, লৈবাক অসিগী মফম খুদিংমক্তা অমসুং খুঙ্গং খুদিংমক্তা নিংতম লান্মীশিংবু ইকাই খুম্নবা উৎলি: পি.এম.
নিংতম ইহৌগী মরু ওইবা স্তেজশিং অসিদা শাগোন্নরিবা মফমশিং অসি ঙাক শ

পঞ্জাবকী রাজ্যপাল শ্রী ভি.পি. সিংহ বদনোরজী, পঞ্জাবকী মুখ্য মন্ত্রী কেপ্তেন অমরিন্দর সিংহজী কেন্দ্রগী মন্ত্রী-মন্দলদা ঐহাক্কা পুলিবা শ্রী জি কিশন রেদ্দীজী, শ্রী অর্জুন রাম মেঘৱালজী, শ্রী সোম প্রকাশজী, পার্লিয়ামেন্তদা ঐহাক্কা পুলিবা শ্তী শ্বাইত মলিকজী, থৌরম অসিদা শরুক য়াবীরিবা ইকাই খুম্নরবা মুখ্য মন্ত্রী পুম্নমক, অথৌবশিংগী ইমুং-মনুংগী মীওইশিং, ইচিল-ইনাওশিং!

পঞ্জাবকী অথৌবশিংগী পোক্নফম, জলিয়ানৱালা বাগকী শেংলবা লৈপাকপু, ঐহাক্না ইকাই খুম্নবা উৎচরি! মখোয়গী নুংদা নীংতম্বগী চাক্লিবা মৈরিবু মুত্থৎনবা মীওৎ-মীনৈগী কয়া খাংখ্রবা, ইমা ভারতকী মচাশিংবুসু ঐহাক্না ইকোক নোন্না খুরুমজরি। চমজরবা অঙাংশিং, ইচে-ইচলশিং, ইচিল-ইনাওশিং অদুগী মঙলানশিং অদু ঙসিসু জলিয়ানৱালা বাগকী ফকলাংদা তারিবা নোংমৈ মরুশিংগী মমি অদুদা উবা ফংলি। অথৌবশিংগী খুভম ওইরিবা গুহা, মফম অদুদা মশিং লাকঙমদ্রবা ইমাশিং অমসুং ইচে-ইচলশিংগী মচাশিংগী মুনবীখি, মখোয়গী থৱায় লৌবীখি। মখোয়গী মঙলান অদু থুগাইখি। মখোয় পুম্নমকপু ঙসি ঐখোয়না নীংশিংলি।

ইচিল-ইনাওশিং,

জলিয়ানৱালা বাগ অসি সরদার উধম সিংহ, সরদার ভগত সিংহ অসিগুম্বা মশিং লাকঙমদ্রবা য়াওল্লোইশিং, থৱায় কতখিবশিং, লান্মীশিংবু হিন্দুস্তানগী নীংতম্বা ফংনবগীদমক থৱায় থাবদা থৌনা পীখিবা মফমনি। ইং কুমজা ১৯১৯গী এপ্রিল ১৩গী মিনিত ১০ অদু ঐখোয়গী নীংতম লানগী অমর ওইবা ৱারী ওইখ্রে, মসিনা মরম ওইরগা ঙসি ঐখোয়না আজাদী কা অমৃত মহোৎসব পালন তৌবা ফংলি। নীংতম্বা ফংখিবগী চহি ৭৫শুরকপা অসিদা লৈবাক অসিনা জলিয়ানৱালা বাগ স্মারক্কী অনৌবা শকলোন অমা উবা ফংজবা অসি ঐখোয় পুম্নমক্কী ওইনা অচৌবা ইথিল পীনবগী খুদোংচাবা অমনি। জলিয়ানৱালা বাগকী শেংলবা লমদম অসিদা ঐহাক্না কয়ারক লাকপা ফংজবা, শেংলবা লৈপাক অসি ঐহাক্কী লাইবক্তা তৈবা ফংজবা অসি ঐহাক্কী লাইবক ফবনি। ঙসি নৌনা শেমজিনবগী থবক চত্থখিবা অসিনা অমর ওইবা থৌদোকশিং অদু হেন্না থৱায় হাপ্লরে। মফম অসিদা শাখিবা তোঙান-তোঙানবা গেলরীশিং, ফকলাংদা অথৌবশিংগী লাই হক্লিবা, শহীদ উধম সিংহজীগী মীতম, পুম্নমক অসিনা ঐখোয়বু মতম অদুদা পুদুনা চৎলি। জলিয়ানৱালা বাগকী মীনুংশি য়াওদনা মীয়ামবু হাৎখিবগী থৌদোক অদুগী মমাংদা মফম অসিদা শেংলবা বাইসাখী কুহ্মৈগী মেলা তৌরমখি। নুমিৎ অসিদা গুরু গোবিন্দ সিংহজীনা ‘সরবত দা ভলা’গী ৱাখল্লোনগা লোইননা খালদা পন্থ অসি হৌদোকখি। নীংতম্বগী চহি ৭৫ শুবা চহি অসিদা জলিয়ানৱালা বাগকীঅনৌবা শক্লোন অসিনা ইরৈবাকচাশিংদা শেংলবা মফম অসিগী পুৱারী, মসিগী হৌখ্রবা থৌদোকশিং অদুবু হেন্না খঙনবা ইথিল পীরগনি। মফম অসিনা অনৌবা মীরোলদা ঐখোয়গী নীংতম খোঙচৎ করম তৌবগে, মফম অসি য়ৌনবা ঐখোয়গী ইপা-ইপুশিংনা করি তৌরমখি, কয়াম কত্থোকখি, মশিং লাকঙমদ্রবা খোঙজংশিং অসিগী মরমদা মতম চুপ্পদা নীংশিংহনদুনা লৈরগনি। লৈবাক অসিগীদমক ঐখোয়গী থৌদাংশিং অসি করিনো, ঐখোয়গী থবক-থৌরম খুদিংমক্তা লৈবাকপু করম্না ৱাংনা থমগনি, হায়রিবশিং অসিগী ইথিল অসি অনৌবা ইনোৎকা লোইননা মফম অসিদগী ফংগনি।

 

মরুপশিং,

লৈবাক খুদিংমক্না মখোয়গী পুৱারী ঙাকশেন্দুনা থম্বগী থৌদাং অমা য়াফম থোকই। পুৱারীদা থোকখিবা থৌদোকশিংনা ঐখোয়বু মাংদা চংশিন্নবা তাকপী-তম্বীরি অমসুং লম্বী তাক্লি। জলিয়ানৱালা বাগকুম্বা তমথিরবা অতোপ্পা থৌদোক অমসু ঐখোয়না ভারতকী পার্তিসন তৌবা মতমদা উবা ফংখি। পঞ্জাবকী হোৎনবা কনবা অমসুং হরাও-তয়াম্বা মীওইশিংনা পার্তিসনগী চাওনা চৈথেং ফংখি পার্তিসনগী মতমদা থোকখিবশিংনা ভারতকী কাচিন-কোয়া খুদিংদা অমসুং মরু ওইনা পঞ্জাবকী ইমুং-মনুংশিংদা পীখিবা চৈথেং অদু ঙসিসু ঐখোয়দা ফাওরি। লৈবাক অমত্তনা মখোয়গী হৌখিবা মতমগী তমথিরবা থৌদোকশিং কাওথোকপদি চুমলোই। মরম অসিনা ভারতনা চহি খুদিংগী ওগস্ত ১৪ অসি ‘পার্তিসন হোরর মেমোরিএল দে’ হায়না পালন তৌনবা ৱারেপ লৌখি। ‘পার্তিসন হোরর মেমোরিএল দে’না তুংগী মীরোলশিংদা ঐখোয়গী নীংতম্বা ফংনবা ঐখোয়না কয়াম চাওনা কত্থোকখিবগে হায়বসু নীংশিংহল্লগনি। মখোয়না পার্তিসনগী মতমদা ভারত মচা করোর কয়ানা খাংখিবা অৱাবা, চৈথেং অদুসু খঙবা ঙমহল্লগনি।

মরুপশিং,

গুরুৱানীনা ঐখোয়দা তাকপীরমখি – সুখু হোবাই সেব কমানীয়া।

হায়বদি, নুংঙাইবা হায়বা অসি অতোপ্পা মীওইশিংগী থৌগল তৌবদগী ফংই। ঐখোয় ইশা লোইননা ঐখোয়না নুংশিজরিবশিংগী অৱাবা অদু ঐখোয়না ফাওবা ঙম্লবা মতমদতা ঐখোয়না নুংঙাইগনি। মরম অসিনা ঙসি মালেমগী মফম অমা হেক্তদা, করিগুম্বা ভারত মচা অমনা খুদোংথিবা নংলবদি ভারতনা অঙম্বা থৌনা পুথোক্তুনা মহাকপু মতেং পাংনবা লেপ্লি। কোরোনাগী মতম ওইরবসু নত্ত্রগা অফগানিস্তানগী অৱাবা ওইরবসু মালেমদা মসি লেপ্তনা থেংনরি। ওপরেসন দেবী শক্তিগী মখাদা অফগানিস্তানদগী মরুপ করোর কয়া ভারতনা পুরক্লি। শীংনবা কয়া লৈ, ফীভম অসি য়াম্না লুই অদুবু গুরুনা মতম পুম্বদা ঐখোয়বু থৌজাল পীনবীগনি। ঐখোয়না মীয়ামগা লোইননা ভারত্তা গুরুগ্রন্থ সাহিবকী শেংলবা ‘স্বরুপ’সু ভারত্তা পুরকখি।

মরুপশিং,

হৌখিবা চহিশিংদা লৈবাক অসিনা মশাগী থৌদাং অসি লৌনবগীদমক কন্না হোৎনখি। মীওইবা খুন্নাইগী মরমদা গুরুশিংনা ঐখোয়দা তাকপীখিবশিং অদু মাংদা থম্লগা লৈবাক অসিনা অসিগুম্বা ফীভম অসি মায়োক্নদুনা মাগী মীয়ামগীদমক অনৌবা আইনসু শেমখি।

মরুপশিং,

ঙসি মালেমগী ওইরিবা মওং অসিনা ঐখোয়দা এক ভারত শ্রেস্থা ভারত অসি করিনো হায়বা ফাওহল্লি। থৌদোকশিং অসিআ ঐখোয়দা লৈবাক অমা ওইনা করিগীদমক থাক খুদিংমক্তা আত্মনির্ভর ওইবা অমসুং থাজবা থম্বা অসি মরুওইরিবনো হায়বা নীংশিংহল্লি। মরম অসিনা ঙসি ঐখোয়না নীংতম্বগী চহি ৭৫শুবগী পালন তৌবা অসিদা ঐখোয়গী লৈবাক অসিগী য়ুম্ফম চেৎশিনহনবা, মসিগীদমক চাওথোকচবা পোকপা মরু ওই। ফিরেপ অসিগা লোইননা ঙসি আজাদী কা অমৃত মহোৎসবনা মাংদা চংশিল্লি। ঙসি অমৃত মহোৎসব অসিদা খুঙ্গং-খুঙ্গংদা লৈরিবা লান্মীশিংবু নীংশিংলি, মখোয়বু ইকাই খুম্নবা উৎলি। লৈবাক অসিগী চত্থখিবা নীংতম ইহৌগী মরু ওইবা তাঙ্কক খুদিংমক মখোয়ু মাংদা পুরক্নবা কত্থোকপগী ৱাখল্লোন অমগা লোইননা থবক পাইখৎলি। লৈবাক অসিগী নীংতম ইহৌগী অথৌবশিংগা মরী লৈনবা মফমশিং য়োকখৎপগা লোইননা মসিদা অনৌবা দাইমেনসনশিংসু হাপচিল্লি। জলিয়ানৱালা বাগকা মান্নবা মওংদা নীংতম্বগা মরী লৈনবা অতৈ নেস্নেল মোন্যুমেন্তশিংসু নৌনা শেমজিল্লি। ইং কুমজা ১৮৫৭দগী ১৯৪৭ ফাওবগী ইহৌ খুদিংমক উৎলিনা লৈবাক অসিগী অহানবা ইন্তরেক্তিব গেলরী অসি ইলাহাবাদ ম্যুজিয়মদা অথুবদা শাবা লোইশিল্লগনি। ক্রান্তিভীর চন্দ্রসেখর আজাদতা কত্থোক্লবা ‘আজাদ গেলরী’ অসিনা খুৎলাই পাইদুনা ইহৌ হৌখিবা মরমগা মরী লৈনবা ৱাফমশিং দোক্যুমেন্ত তৌগনি, মহাক্কা মরী লৈনবা ৱাফমশিংগী দিজিতেল এক্সপরিয়েন্সসু ফংহল্লগনি। মসিগা মান্ননা কোলকাতাগী বিপ্লোবী ভারত গেলরীদা মোদর্ন তেক্নোলোজীগী খুত্থাংদা নীংতম ইহৌগী খুদম-চাংদমশিং অদুনা তুংগী মীরোনগী পুক্নীং চিংশিল্লি। মমাংদা সরকারনা পুৱারীগী মমাংগী লাইশিংদগী আজাদ হিন্দ ফৌজনা শরুক তমখিবা অদু খঙহন্নবা হোৎনখি। অন্দমানদা নেতাজীদা অহানবা ওইনা মচু অহুমগী ফিরাল চিংখৎখিবা মফম অদুনা অনৌবা মশক তাক্নবসু হোৎনখি। মসিগা লোইননা অন্দমান ইথৎশিংগী মমিংসু নীংতম ইহৌদা কত্থোকখি।

ইচিল-ইনাওশিং,

নীংতম্বগী অচৌবা লাঞ্জংদা ঐখোয়গী ত্রাইবেল ইচিল ইনাওশিংগী খুন্নাইনা অচৌবা থৌদাং লৌখি। ত্রাইবেল ইচিল-ইনাওশিংনা কত্থোকখিবশিংগী অমর ওইরবা ৱারীশিংনা ঙসিসু ঐখোয়দা ইথিল পীরি।  পুৱারীগী লাইরিকশিংদা মখোয়না ফংফম থোকপা মফম অদু মখোয়না ফংদ্রি। লৈবাক অসিগী রাজ্য ৯দা হৌজিক ত্রাইবেল ইচিল ইনাওশিংগী নীংতম লান্মীশিং অমসুং মখোয়গী খোঙজংশিংগী মরমদা উত্থোক্নবা ম্যুজিয়মশিংদা থবক পাইখৎলি।

মরুপশিং,

থৱায়না পোন্থা পীদুনা কত্থোকখিবা ঐখোয়গী লান্মীশিংগীদমক্তা জাতিগী ওইবা নীংশিং খুভম অমা থম্বা হায়বা অসিসু লৈবাক অসিগী অনীংবা অমনি। নেস্নেল ৱার মেমোরিয়লনা ঙসিগী নহারোলশিংদা লৈবাক অসিগী ঙাকশেল অমসুং লৈবাক অসিগীদমক্তা লৈজবা পুম্নমক কত্থোকপা ঙম্বগী ৱাখল্লোন অদু ফাওহল্লি, মসিদা ঐহাক্না অপেনবা পোকই। পঞ্জাব য়াওনা লৈবাক অসিগী কাচিন-কোয়া খুদিংদগী লৈবাক অসি ঙাকশেন্নবগীদমক্তা থৱায়না পোন্থা পীখ্রবা ঐখোয়গী থৌনা ফরবা লান্মীশিংবু ইকাই খুম্নবা উৎলি। মসিগা মান্ননা ঐখোয়গী পুলিস পর্সনেল অমসুং পেরামিলিতরী ফোর্সশিংগীদমক্তা নীংতম্লবা মতুংদসু চহি কয়া নেস্নেল মেমোরিএল অমত্তা লৈরমখিদে। পুলিস অমসুং পেরামিলিতরী ফোর্সশিংদা কত্থোকপা নেস্নেল মেমোরিএলশিং অসিনা ঙসি লৈবাক অসিগী অনৌবা মীরোলশিংদা ইথিলসু পীরি।

মরুপশিং,

লিংজেল অমসুং মথৌনা লৈবগীদমক ৱারীনদবা পঞ্জাবতা খুঙ্গং নত্ত্রগা লম্বী অমত্তা লেতে। গুরুশিংনা তাকপীরম্বা লম্বেলদা পঞ্জাবকী মপারী-মমোমশিংনা চৎতুনা ইমা ভারতপু শীংনরকপাশিংগী মায়োক্তা চীংজাওগুম্না লেপখি। ঐখোয়গী হেরিতেজ অসি হেন্না মগুন হাপ্নবা লেপ্তনা হোৎনখি। গুরু নানক দেবজীগী ৫৫০শুবা প্রকাশোৎসব, গুরু গোবিন্দ সিংহজীগী ৩৫০শুবা প্রকাশোৎসব নত্ত্রগা গুরু তেগ বহাদুর সিংহজীগী ৪০০শুবা মপোক কুমওন ওইরবসু, মরুওইবশিং অসি লাইবক ফদুনা হৌখিবা চহি তরেৎ অসিনা লোইনা তাররে। কেন্দ্র সরকারনা লৈবাক অসিতা নত্তনা মালেম পুম্বদা শেংলবা হরাও-কুহ্মৈগী খুত্থাংদা ঐখোয়গী গুরুশিংনা তাকপীরম্বশিং অদু শন্দোক্নবা হোৎনরি। সুলতানপুর লোধিবু হেরিতেজ তাউন অমা ওইনা শেমগৎপা নত্ত্রআ করতারপুর কোরিদোর শেমগৎপগী থবক ওইরবসু মমল য়াম্লবা হেরিতেজ অসি তুংগী মীরোমশিংদা পীরম্নবা থবক লেপ্তনা পাইখৎলি। মালেমগী তোঙান-তোঙানবা লৈবাকশিংগা এয়র কনেক্তিবিতী লৈহন্নবা নত্ত্রগা লৈবাক অসিদা লৈরিবা গুরুশিংগী লাইফমশিংগী কনেক্তিবিতী থম্নবা হোৎনরি। স্বদেশ দর্শন স্কীমগী মখাদা আন্দপুর সাহিব – ফতেহগর সাহিব – ফিরোজপুর -অমৃতসর – খতকর কলান – কলানোর – পতিয়ালা হেরিতেজ সর্কিত অসি শেমগৎলি। ঐখোয়গী মমল য়াম্লবা হেরিতেজ অসিনা তুংগী মীরোলশিংদা ইথিল পীনবা অমসুং তুরিজমগী মওংদা থবক পীনবা লম্বেল অমসু ওইহন্নবা ঐখোয়না হোৎনরি।

মরুপশিং,

নীংতম্বা ফংখিবগী মতম অসি লৈবাক পুম্বগী ওইনা য়াম্না মরু ওই। ঐখোয়না হেরিতেজ অমসুং চাওখৎ-থৌরাং পুন্না চৎমিন্নবা তাই অমসুং পঞ্জাবনা ঐখোয়দা মতম চুপ্পদা ইথিল পীরি। ঙসি পঞ্জাব অসি হীরম খুদিংদা চাওখৎপা, ঐখোয়গী লৈবাক্না হীরম পুম্নমক্তা খুমাং চাওশিনবা হায়বা অসি মথৌ তাই। মরম অসিনা ঐখোয়না ‘সবকা সাথ, সবকা বিকাস, সবকা বিশ্বাস অমসুং সবকা প্রয়াস’কী ৱাখল্লোনগা লোইননা পুন্না হোৎনবা তাই। ঐহাক্না জলিয়ানৱালা বাগকী লমদম অসিনা ঐখোয়গী ফিরেপ অসি ফংনবা ঐখোয়দা ইথিল পীগনি অমসুং লৈবাক অসিনা অথুবদা পান্দমশিং অসি ফংবা ঙমগনি হায়না ঐহাক্না মপুং ফানা থাজবা থম্লি। য়াইফ-পাউজেল অসিগী লোইননা ঐহাক্না মতমগা চুনরবা খুভম অসিগীদমক ময়ামদা অমুক হান্না নুংঙাইবা ফোঙদোকচরি! হন্না-হন্না থাগৎচরি!

সেবা অমসুং সমর্পনগী চহি 20 তাক্লিবা ফোতো 20
Mann KI Baat Quiz
Explore More
জে. অমসুং কে.গী নৌশেরাগী দীপাবলি কুহ্মৈদা ইন্দিয়ন আর্ম ফোর্সেসকী লান্মীশিংগা প্রধান মন্ত্রীগা ৱারি-ৱাতায় শানখ্রে

Popular Speeches

জে. অমসুং কে.গী নৌশেরাগী দীপাবলি কুহ্মৈদা ইন্দিয়ন আর্ম ফোর্সেসকী লান্মীশিংগা প্রধান মন্ত্রীগা ৱারি-ৱাতায় শানখ্রে
India Inc raised $1.34 billion from foreign markets in October: RBI

Media Coverage

India Inc raised $1.34 billion from foreign markets in October: RBI
...

Nm on the go

Always be the first to hear from the PM. Get the App Now!
...
PM’s message on International Day of Persons with Disabilities
December 03, 2021
Share
 
Comments

On the International Day of Persons with Disabilities, Prime Minister Narendra Modi said, 

"On International Day of Persons with Disabilities, I would like to appreciate the stellar achievements and contributions of persons with disabilities to India’s progress. Their life journeys, their courage and determination is very motivating.

The Government of India is actively working to further strengthen infrastructure that empowers persons with disabilities. The emphasis remains on equality, accessibility and opportunity".