Mera Saansad
Search Search
Manipuri language

লোক সভাদা রাস্ত্রপতিগী ৱারোলদা থমখিবা মোসন ওফ থেঙ্কসতা প্রধান মন্ত্রীগী পাউখুম

Published By : Admin | February 7, 2022 | 17:32 IST
“ঐগী ৱারোল থমদ্রিঙৈগী মমাংদা, ঐনা ইচে লাতাদা ইকাই-খুম্নবা উপা পাম্মী৷ মহাক্কী ইশৈগী মতেংদগী, মহাক্না ঐখোয়গী লৈবাক অসিবু অমতা ওইনা পুনশিনবীখি”
“লাক্কদৌরিবা চহিশিংদা মতৌ করম্না ভারতনা গ্লোবেল লিদরশিপকী ওইবা থৌদাং অমা লৌবা ঙমগদগে হায়বা অসিগী মতাংদা খন্নবগী চপ-চাবা মতম অদু 'অজাদি কা অমিৃত মহোতসব'না ওইরি”
“ক্রিতিসিজম হায়বসি দেমোক্রেসীগী য়াম্না মরু ওইবা শরুক অমনি হায়বসি ঐখোয়নসু থাজরি৷ অদুবু শুকখং খঙদনা খুদিংমক্কী মাইয়োক্তা লৈবা হায়বসিনা কৈদৌনুংদা মাংলোমদা চংশিন্নবগী লম্বী ওইরোই”
“বোকেল ফোর লোকেলগী মতাংদা ঐখোয়না পনবা তারবদি, ঐখোয়না মহাত্ম গান্ধীগী মংলানশিং অসি মংফাওনহনবা ঙমদ্রিবরা? অদু ওইরবদি, মসিবু ওপোজিসননা করিগীদমক নোক্নবিরিবনো?”
“ভারতকী ইকোনোমিক স্ত্রাইদশিং মদুসু পুন্সি অমদা অমুক্তং থোকপা মালেম শিনবা থুংনা শন্দোক্লিবা লাইনা-লাইচৎ অসিগী মনুংদা ওইরিবা অসি মালেম অসিনা খঙজিনখ্রে”
“লাইনা-লাইচৎ অসি লৈনা-লৈনা ভারত সরকারনা ভারত মচা কোতি ৮০ হেনবদা লেম্না রেসন পীখ্রে৷ ভারত মচা অমতবু পুক হাংলগা থমদনবা হোৎনবা হায়বসি ঐখোয়গী থৌদাংনি”
“ভারত চাওখৎহন্নবগীদমক, অপিকপা লৌমীশিংবু থৌনা হাপ্পিবা হায়বসি য়াম্না মরু ওই৷ অপিকপা লৌমীনা ভারতপু চাওখৎহনবদা মপাঙ্গল হাপ্লগনি”
“ঐখোয়গী ইনফ্রাস্ত্রকচর চেলেঞ্জশিং অসি মাইয়োক্নবা ঙম্নবা পি.এম. গতি শক্তিনা হোলিস্তিক ওইবা এপ্রোচ অমা উৎলি৷ হেন্না ফবা কন্নেক্তিবিতী লৈহন্নবা ঐখোয়না মীৎয়েং থম্লি”
“সরকারশিং খক্তনা প্রোব্লেম পুম্নমক থেংনবা ঙমগনি হায়বসি ঐখোয়না থাজদে৷ ঐখোয়না লৈবাক্কী প্রজা, লৈবাক অসিগী নহাদা থাজবা থম্লি”
“ঐখোয়গী নহা, ৱেল্থ ক্রেতরশিং অমদি ওল্তরপ্রিনরশিংদা অকিবা পোকহন্নবগী খোংথাং অসিদা ঐখোয়না য়ানিংদে”
“দিফেন্স সেক্তরদা ইশা-ইরোমদোম লেচবা ঙম্বা হায়বসি খ্বাইদগী চাওবা নেস্নেল সর্ভিসকী মনুংদা অমনি”
“ঐখোয়গী ওইনদি লৈবাক হায়বসি অহিংবা থৱাই অমনি, মসি শক্তি নত্রগা সরকারগী এরেঞ্জমেন্ত অমা খক্তা নত্তে”

পার্লিয়ামেন্ততা পীখিবা রাস্ত্রপতিগী ৱারোল অদুদা থাগৎপা ফোংদোকখিবা অদুগী পাউখুম ঙসি প্রধান মন্ত্রী শ্রী নরেন্দ্র মোদীনা লোক সভাদা পীখি৷ মহাক্কী ৱারোল ঙাংবা হৌদ্রিঙৈগী মমাংদা প্রধান মন্ত্রীনা লাতা মঙ্গেসকরদা ইকাই খুম্নবা উৎখ্রে৷ “ঐনা ৱা ঙাংদ্রিঙৈগী মমাংদা, ঐনা ইচে লাতাদা ইকাই খুম্নবা উৎপা পাম্মী৷ মহাক্কী ইশৈগী মতেংদগী, মহাক্না ঐখোয়গী লৈবাক অসিবু অমতা ওইনা পুনশিনলমখি”, হায়না মহাক্না ফোংদোকখি৷

অনৌবা রিজোলুসনশিং শেম্বদা অমদি লৈবাক অসি শেমগৎপদা হৌজিক ওইরিবা মতম অসি য়াম্না মরু ওই হায়না প্রধান মন্ত্রীনা পনখি৷ “লাক্কদৌরিবা চহিশিং অসিদা ভারতনা মতৌ করম্না মালেমগী ওইনা লুচিংবগী থৌদাং লৌবা ঙমগদগে হায়বা অদুগী মতাংদা খন্ন-নৈননবগী চপ-চাবা মতম অদু 'অজাদি কা অমিৃত মহোতসব' অসিনা ওইরি৷ হৌখিবা চহি খরা অসিদা ভারতনা চাওখৎপা পুরক্নবগী খোংথাং কয়া অমা থাংখ্রে হায়বা অসিসু অচুম্বা ৱাফম্নি”, হায়না মহাক্না ফোংদোকখি৷ মখাতানা, পোস্ত-কোরোনাগী মতমদা অনৌবা ৱার্ল্দ ওর্দর অমনা খোংলৈ-থুনা লৌরক্লি হায়না মহাক্না মখাতাখি৷ “ঐখোয় ভারত মচা অমা ওইনা খুদোংচাবা অসি মাংহল্লোইদবগী মতম অদু মসিনা ওইরি”, হায়না মহাক্না মখাতাখি৷

খুদোংচাবশিং ফংহন্দুনা নৌবা ইকাই খুম্নবা ফংলিবা লাইরবা অমদি শোৎথরুরবশিংগী হোংলক্লিবা ফিভম অদু প্রধান মন্ত্রীনা পনখি৷ “মমাংগী মতমদা, গ্যাস কন্নেক্সন অসি স্তেতস সিম্বোল অমা ওইরমখি৷ হৌজিক্তি, কান্নবা অসিনা লাইরবশিংগী মরক্তগী খ্বাইদগী লাইরবা অদুনা কান্নবা অসি লৌরি অমদি মসিনা মরম ওইদুনা মসি য়াম্না অঙকপা ওইরিবনি৷ লাইরবা মীওইশিংনা মখোয় মশাগী ওইবা বেঙ্ক একাউন্তশিং হাংখ্রে, সর্ভিস দেলিভরীদা দি.বি.তি.না মতেং পাংলি...মসি অচৌবা অহোংবশিংনি”, হায়না মহাক্না ফোংদোকখি৷ লাইরবা ইমুংগী মীওইশিংনা মখোয় মশাগী ময়ুমদা মৈ পুশিল্লকপা মতমদা ফাওরিবা মহাক্কী নুংঙাইবা অদুনা লৈবাক্কী হরাউ-নুংঙাইবদা থৌনা পীরি হায়না মহাক্না মখাতাখি৷ লেম্না গ্যাস পীবনা মরম ওইদুনা লাইরবা ইমুংশিংদা মৈখু চেন্দবা চাকশং থম্বগী নুংঙাইবা অদুগী মতাংদসু মহাক্না পনখি৷

দেমোক্রেসী নিংথিনা মথৌ তৌনবগী মরু ওইবা অদু প্রধান মন্ত্রীনা পনখি অমদি ভারতকী চহি চা কয়া শুরবা দেমোক্রেতিক্কী ওইবা চৎনবী অদু পনখি৷“ঐখোয় দেমোক্রেসীদা চেৎনা থাজজবা মীওইশিংনি৷ অমদি, ক্রিতিসিজম হায়বা অসিসু দেমোক্রেসীগী য়াম্না মরু ওইবা শরুক অমনি হায়নসু ঐখোয়না থাজরি৷ অদুবু শুকখং খঙদনা খুদিংমক্কী মাইয়োক্তা লৈবা হায়বসিনা কৈদৌনুংদা মাংলোমদা চংশিন্নবগী লম্বী ওইরোই”, হায়না মহাক্না ফোংদোকখি৷ পোলিতিকেলগী ওইবা মরমগীদমক লাইনা-লাইচৎ অসিবু শিজিন্নবা অসিগীদমক প্রধান মন্ত্রীনা নুংঙাইতবা ফোংদোকখি৷ গাইদলাইনশিংগী মতুং ইন্না মীয়াম্না লৈরিবা মফম অদুমক্তদা লেংদনা লৈনবা ফোংদোকখিবা মতমদা, উত্তর প্রদেশ অমদি বিহারদা লৈরিবা মখোয় মখোয়গী ময়ুমগীদমক মু্ম্বাই অমদি দিল্লী থাদোক্তুনা চৎখিনবা হায়খিবা অমদি অকিবা পোকহন্দুনা লোকদাউনশিং ঙাক্না চৎচরিবা মীওইশিংবু তানবিবা অসিদা মহাক্না পেন্দবা ফোংদোকখি৷

ময়াম পুম্নমক্না সপোর্ত তৌগদৌরিবা ইফর্তশিং অসি নিংথিনা খঙদনা য়ানিংদবা উৎপা অসিদা শ্রী মোদীনা পেন্দবা ফোংদোকখি৷ “বোকেল ফোর লোকেলগী মতাংদা ঐখোয়না পনবা তারবদি, ঐখোয়না মহাত্ম গান্ধীগী মংলানশিং অদু মংফাওনবা ঙমদ্রিবরা? অদু ওইরবদি, করিগীদমক্তা মদুবু ওপোজিসননা নোক্নবিরিবনো? ঐখোয়না য়োগ অমদি ফিৎ ইন্দিয়াগী মতাংদা পনখি অদুবু মদুসু ওপোজিসননা নোক্নবিখি”, হায়না মহাক্না ফোংদোকখি৷ “ভারতকী ইকোনোমিক স্ত্রাইদশিং অসি মালেম অসিনা খঙজিনখ্রে অমদি মদুসু পুন্সি অমদা অমুক্তং থোকপা মালেম শিনবা থুংনা শন্দোক্লিবা লাইনা-লাইচৎ অসিগী মনুংদনি”, হায়না মহাক্না মখাতাখি৷

চহি চাম্মগী মমাংদা থোকখিবা ফ্লু পেন্দেমিক অদু প্রধান মন্ত্রীনা নিংশিংখি অমদি মতম অদুদা শিখিবা অদু অয়াম্বনা চাবা থকপা ফংদবা অসিনা ওইখি হায়নসু পনখি৷ হৌজিক শন্দোক্লিবা লাইনা-লাইচৎ অসিদদি, ভারত মচা অমতা চাবা থকপা ফংদবা অসিনা মরম ওইরগা শিহনখিদে অমদি খ্বাইদগী চাওবা সোসিএল সেক্যুরিতী মিজরশিংগী মনুংদা অমা ওইরিবা মিজর অমা লৌখৎখি হায়না মহাক্না ফোংদোকখি৷ “লাইনা-লাইচৎ অসিগী মনুংদা ভারত সরকারনা ভারত মচা কোতি ৮০ হেনবদা লেম্না রেসন পীখ্রে৷ ভারত মচা অমতা চাবা থকপা ফংদনা লৈহন্দনবা হোৎনবা হায়বসি ঐখোয়গী ইথৌনি”, হায়না মহাক্না ফোংদোকখি৷

অপিকপা লৌমীশিংবু ঙাকপি-শেনবিবা অমদি য়োকখৎপিবা হায়বা অসিনা লাইরববু থেংননবগী খ্বাইদগী ইফেক্তিব ওইবা লম্বী অদু মসি খক্তনা ওইরি হায়না প্রধান মন্ত্রীনা ফোংদোকখি৷ অপিকপা লৌমীশিংবু মতম শাংনা মীরাইবিদুনা লাকখিবা অসুদা মহাক্না নুংঙাইতবা ফোংদোকখি৷ “চহি কয়া অমা লৈবাক অসিবু ঙাকলম্বা মীওইশিংনা নিংথিরবা য়ুমশিংদা লৈদুনা অপিকপা লৌমীগী য়াইফ-থৌরাংগীদমক করিগুম্বা খরা ফোংদোক্কনি হায়বসি কাওথোকলম্লে৷ ভারতকী চাওখৎ থৌরাংগী ওইনা, অপিকপা লৌমীশিংবু থৌনা হাপ্পিবা হায়বসি য়াম্না মরু ওই৷ অপিকপা লৌমীনা ভারতকী চাওখৎ লমজেল অসি হেন্না মপাঙ্গল লৈহল্লগনি’, হায়না মহাক্না ফোংদোকখি৷

সাসনগী অনৌবা খোংথাং অমদি প্রোজেক্ত দেলিভরী অসিগী মতাংদা প্রধান মন্ত্রীনা শন্দোক্না ফোংদোকখি৷ লৌজিক পাল্লিবা সরকার অসিনা মপুং ফানা লোইশিনখিবা উত্তর প্রদেশতা মতম শাংনা পন্দুনা লৈরমখিবা প্রোজেক্তশিংগী মনুংদা অমা ওইরিবা সার্হু নহর নেস্নেল প্রোজেক্তপু মহাক্না পনখি৷ ইনফ্রাস্ত্রকচর চেলেঞ্জশিং অসি মাইয়োক্নবা ঙম্নবা হোলিস্তিক ওইবা এপ্রোচ অমা উৎলিবা গি.এম. গতি শক্তিবু খুদম ওইনা মহাক্না পনখি অমদি মসিনা ইন্দস্ত্রীগী লোজিস্তিক চোইস অসি হন্থহল্লগনি হায়না ফোংদোকখি৷ অফবা কন্নেক্তিবিতী থম্বা অসিদা মরু ওইনা মীৎয়েং চংলি হায়না প্রধান মন্ত্রীনা ফোংদোকখি৷ “ঐখোয়গী সরকার অসিনা এম.এস.এম.ই.শিংগী দেফিনিসন অসি হোংহনখি অমদি মসিনা সেক্তর অসিবু মতেং পাংখি”, হায়না মহাক্না মখাতাখি৷

ইন্নোবেতিব ওইবা পোলিসীশিংনা ঙাকলৌ পীদুনা চৎলিবা অত্মনির্ভারতাগী অনৌবা ৱাখল্লোন অদুগী মতাংদসু প্রধান মন্ত্রীনা পনখি৷ অনৌবা সেক্তরশিং হাংদোক্তুনা লৈবাক অসিগী তেলেন্ত লৈরবা নহাশিংবু শিজিন্ননবা মহাক্না পনখি৷“সরকারশিং খক্তনা লৈরিবা প্রোব্লেম পুম্নমক থেংনবা ঙমগনি হায়বসি ঐখোয়না থাজদে৷ ঐখোয়না লৈবাক অসিদা লৈরিবা মীয়াম, লৈবাক অসিগী নহাশিংদা থাজবা থম্লি৷ খুদম ইনা স্তার্ত-অপ সেক্তর অসিবু লৌখৎতুনা য়েংবিয়ু৷ স্তার্ত-অপশিংগী মশিং অসি হেনগৎলখ্রে অমদি মসিনা ঐখোয়গী প্রজাগী শক্তি অদু উৎলি”, হায়না পল্লদুনা হন্দক্তা ইকুই কুইদ্রিবা মতমশিংদা ক্বালিতী লৈবা য়ুনিকোর্ন হেনগৎলকখিবা অদুসু মহাক্না পনখি৷ প্রধান মন্ত্রীনা হায়খি “ঐখোয়গী নহা, ৱেল্থ ক্রেতরশিং অমদি ওল্তরপ্রিনরশিংবু অকি-তুজুংবা পোকহনবগী খোংথাং অদু ঐখোয়না য়াজনিংদে৷” ২০১৪গী মমাংদা স্তার্তঅপ ৫০০ খক্তমক লৈরমখি৷ হৌখিবা চহি তরেৎ অসিদা, স্তার্তঅপ লিশিং ৬০ হেন্না থোকলকখ্রে অমদি ভারতনা য়ুনিকোর্নশিংগী চহি চা অমরোমদা চংশিল্লক্লি৷ স্তার্তঅপশিং অসিগা মরী লৈননা ভারতনা অহুমশুবা মফম য়ৌবা ঙমখ্রে৷

‘মেক ইন ইন্দিয়া’বু নোক্নবা হায়বসি ভারতকী ওল্তরপ্রিনরশিপ,ভারতকী নহা অমদি মেদিয়াগী ইন্দস্ত্রী অসিবু নোক্নবগা চপ মান্নৈ হায়না মহাক্না ফোংদোকখি৷ দিফেন্স সেক্তরদা মশা মরোমদোম লেপচবা ঙম্বা হায়বা অসি খ্বাইদগী চাওবা নেস্নেল সর্ভসকী মনুংদা অমনি হায়বসি মহাক্না ঙাক্না চৎলি৷

হৌখিবা মতমদা থোকখিবা ইনফ্লেসন অসি মালেমগী প্রোব্লেমশিং অসিনা ঙাকপিদুনা ফোংদোকখি অদু ঙসিদি মালেমগী লুরবা ফিভম অসি লৈনা-লৈনা মদুগীদমক ঙাকপিবা তৌদনা ভারতনা ইনফ্লেসন থেংনরি৷

“লৈবাক হায়বসি ঐখোয়গী ওইনদি শক্তি নত্রগা সরকারগী এরেঞ্জমেন্ত অমা খক্তা নত্তে, মসি অহিংবা থৱাই অমনি”৷ ভারত পুম্ববু অহিংবা থৱাই অমনি হায়না লৌরিবা ভারতকী লৈরিবা কন্সেপ্ত পুম্নমক্কী মতাংদা শন্দোক্না তাক্নবা মহাক্না পুরানাস অমদি সুব্রামনিয়া ভারতি পনখি৷ পান-ইন্দিয়া নেস্নেল সেত্তলমেন্তগী খুদম অমা ওইনা তামিল নাদুগী প্রজানা সি.দি.এ. জেনেরেল বিপিন রাৱাততা পীখিবা ইকাই খুম্নবা অদু মহাক্না পনখি৷

অমিৃত কালগী য়াইফরবা মতম অসিদা পোজিতিব ওইবা সেন্তিমেন্তগা লোইননা পোলিতিকেল পার্তীশিং, প্রজাশিং অমদি নাহশিংনা শরুক য়াবিনবা তকশিনবগা লোইননা প্রধান মন্ত্রীনা ৱারোইশিন পীখি৷

 

 

 

 

 

 

 

 

 

 

 

 

 

 

 

 

 

 

 

 

 

 

 

 

ৱা ঙাংখিবগী মপুংফাবা ৱারোল পানবা মসিদা নম্বীয়ু

Login or Register to add your comment
Explore More
প্রধান মন্ত্রীনা শ্রী রাম জন্মভুমি মন্দির দ্বাজরোহন উৎসবতা পীখিবা ৱারোলগী মৈতৈলোন্দা হন্দোকপা

Popular Speeches

প্রধান মন্ত্রীনা শ্রী রাম জন্মভুমি মন্দির দ্বাজরোহন উৎসবতা পীখিবা ৱারোলগী মৈতৈলোন্দা হন্দোকপা
View All
India’s economy resilient despite West Asia headwinds

Media Coverage

India’s economy resilient despite West Asia headwinds
View All
NM on the go

Nm on the go

Always be the first to hear from the PM. Get the App Now!
Download App
...
PM Modi receives a phone call today from President of Sri Lanka
March 24, 2026
The two leaders discuss disruptions affecting global energy security.
Both leaders reiterate the importance of keeping shipping lines open and secure.
The two leaders review progress on various initiatives aimed at strengthening bilateral energy cooperation and enhancing regional security.
PM reiterates India’s firm commitment to work closely together in addressing shared challenges.

Prime Minister Shri Narendra Modi received a phone call today from the President of Sri Lanka, H.E. Anura Kumara Disanayaka.

The two leaders discussed the evolving situation in West Asia with an emphasis on disruptions affecting global energy security.

Both leaders reiterated the importance of keeping shipping lines open and secure in the interest of the whole world.

The two leaders reviewed progress on various initiatives aimed at strengthening India-Sri Lanka energy cooperation and enhancing regional security.

Prime Minister reiterated India’s firm commitment to work closely together in addressing shared challenges in line with India’s Neighbourhood First policy and MAHASAGAR Vision.

The two leaders agreed to stay in touch.