“হন্দক্কী চহিগী বজেৎনা চহি ১০০গী মনুংদা থোকপা খুদোংচাদবগী মরক্তা চাউখৎ-থৌরাংগী অনৌবা থাজবা অমা পুদুনা লাক্লি”
“বজেৎ অসিনা শেন্মিৎলোনগী মপাঙ্গল হাপ্পগা লোয়ননা মীচম মীয়ামগী পুন্সিদা অনৌবা খুদোংচাবা কয়া শেম্লগনি”
“বজেৎ অসিদা অহেনবা ইনফ্রাস্ত্রকচর, অহেনবা ইনভেস্তমেন্ত, অহেনবা শাহৌ অমসুং অহেনবা থবক কয়া পীবগী খুদোংচাবা কয়ানা থল্লি”
“লাইরবশিংগী নুংঙাই য়াইফবগী হীরম্না বজেৎ অসিগী খ্বাইদগী মরু ওইবা মিৎয়েংনি”
“বজেৎ অসিগী কাংলোনশিংনা লৌউ-শিংউববু শেন্দোং হেন্না লৈহনবা অমসুং মসিদা অনৌবা খুদোংচাবা কয়া লৈহন্নবা পান্দম থম্লি”

প্রধান মন্ত্রী, শ্রী নরেন্দ্র মোদীনা হন্দক্কী চহিগী বজেৎনা চহি ১০০গী মনুংদা থোকপা খুদোংচাদবগী মরক্তা চাউখৎ-থৌরাংগী অনৌবা থাজবা অমা পুদুনা লাক্লি হায়খ্রে। “বজেৎ অসিনা শেন্মিৎলোনগী মপাঙ্গল হাপ্পগা লোয়ননা মীচম মীয়ামগী পুন্সিদা অনৌবা খুদোংচাবা কয়া শেম্লগনি”, হায়না মহাক্না ফোংদোকখি।

য়ুনিয়ন বজেৎ অসিবু লোক সভাদা পুথোকখ্রবা তুংদা, প্রধান মন্ত্রীনা বজেৎ অসিদা অহেনবা ইনফ্রাস্ত্রকচর, অহেনবা ইনভেস্তমেন্ত, অহেনবা শাহৌ অমসুং অহেনবা থবক কয়া পীবগী খুদোংচাবা কয়ানা থল্লি হায়না পাউদমখি। মসিনা মখা তানা গ্রীন জোব সেক্তর অমবু হাংদোক্লগনি। বজেৎ অসিনা হৌজিক্কী মতমগী তঙাই ফদবশিংদসু মিৎয়েং চঙদুনা লৈবাক্কী হয়েংবুসু য়াইফহল্লগনি হায়না মহাক্না মখা তাখি।

কিসান দ্রোন, বন্দে ভারত ত্রেন, দিজিতেল করেন্সী, বেঙ্কিংগী সেক্তরদা দিজিতেল য়ুনিৎ লৈরকপা, ৫জি. সর্বিস হৌবা, নেস্নেল হেল্থকীদমক্তা দিজিতেল ইকোসীস্তেমগী খুত্থাংদা পুন্সিগী হীরম খুদিংদা মতমগা চুনবা অমসুং তেক্নোলোজী শিজিন্ননবা হোৎনরিবা অসিনা মরম ওইরগা ঐখোয়গী নহারোল, মিদ্দল ক্লাস অমসুং দলিৎ-শোত্থরবা মীওইশিংদা কান্নবা ফংহনগনি হায়না প্রধান মন্ত্রীনা ফোংদোকখি।

প্রধান মন্ত্রীনা হন্দক্কী বজেৎ অসিদা লাইরবশিংগী নুংঙাই য়াইফবগী হীরম অসিনা খ্বাইদগী মরু ওইবা ৱাফম্নি হায়না ফোংদোকখি। লাইরবা খুদিংগী পক্কা য়ুম লৈবা, তোতিদগী ঈশিং লাকপা, অমাংশঙ লৈবা, গ্যাসকী খুদোংচাবা লৈবা হায়বসি বজেৎ অসিগী পান্দম্নি। মসিগা লোয়ননা মতমগা চুনবা ইন্তর্নেত কন্নেক্তিবিতীদসু ঐখোয়না মান্নবা মিৎয়েং চঙখি।

প্রধান মন্ত্রীনা হিমাচল, উত্তরাখন্দ, জম্মু অমসুং কশ্মির, অৱাং নোংপোক্কুম্বা লমদমশিং অসিগীদমক্তা লৈবাক অসিদা অহানবা ওইনা চিংগী লমদমগী স্কিম অমা হৌদোকখ্রে হায়খি। মসিগী স্কিম অসিনা চিংগী লমদমশিংদা ত্রান্সপোর্তেসন অমসুং কন্নেক্তিবিতীগী মতমগা চুনবা খুদোংচাবা কয়া লৈহল্লগনি।

মীওই মিলিয়ন কয়াগী লাইনীংবগী মফম অমা ওইরিবা গঙ্গা তুরেল শেংবগী খোঙথাংগা লোয়ননা সরকারনা উত্তরাখন্দ, উত্তর প্রদেশ, বিহার, ঝার্খন্দ, নোংচুপ বেঙ্গোলগুম্বা রাজ্যশিং অসিদা গঙ্গাগী তোর্বান্দা নেচরেল ফার্মিং পাংথোকহন্নবা পুক্নিং থৌগৎকনি হায়না প্রধান মন্ত্রীনা ফোংদোকখি। মসিদি লৌমীশিংগী য়াইফ য়ুম্বালগী মরু ওইবা খোঙথাং অমনি অমসুং মসিনা ইমা গঙ্গাবু কেমিকেলশিংদগী মনীং তমহনবদসু য়াম্না তেংবাংগনি হায়না প্রধান মন্ত্রীনা মখা তাখি।

বজেৎ অসিনা লৌউ-শিংউববু শেন্দোং হেন্না লৈহন্নবা অমসুং মসিদা অতোপ্পা অনৌবা খুদোংচাবা কয়া শোইদনা লৈহন্নবা পান্দম থম্লি। অনৌবা এগ্রিকলচরেল স্তার্ত-অপশিংবু পুক্নিং থৌগৎনবগীদমক্তা অখন্নবা ফন্দ লৈহনবা, নত্ত্রগা ফুদ প্রোসেসিং ইন্দস্ত্রীগী অনৌবা পেকেজ লৈহনবগুম্বা অখন্নবা খোঙথাংশিং অসিদগী লৌমীশিংগী শেন্থোক হেনগৎহনবদা য়াম্না তেংবাংগনি। এম.এস.পি.দা পোত্থোক লৈবগী খুত্থাংদগী লৌমীশিংগী বেঙ্ক একাউন্ততা লুপা করোর লাখ ২.৫ হেনবগী শেনফমশিংসু হৌজিক হকথেংননা পীরিবনি হায়না মহাক্না মখা তাখি।

বজেৎ অসিদা ক্রেদিৎ গেরেন্তীদা হান্না তৌখিদবগুম্না য়াম্না হেনগৎহনবগা লোয়ননা অতোপ্পা স্কিম কয়া অমসু লাউথোকখ্রে। “ভারতকী এম.এস.এম.ই.শিংনা দিফেন্সকী কেপিতেল বজেৎকী ৬৮%বু লৈবাক্কী ইন্দস্ত্রীগীদমক্তা খাকপগী থৌওং অসিদগী চাউনা কান্নবা ফংগনি। লুপা করোর লাখ ৭ মখায়গী পব্লিক ইনভেস্তমেন্ততগী শেন্মিৎলোন্দা অনৌবা পাঙ্গল হাপ্পগা লোয়ননা অপীকপা অমসুং অতোপ্পা ইন্দস্ত্রীশিংদসু অনৌবা খুদোংচাবা কয়া পীগনি।

 

 

 

 

 

 

 

 

ৱা ঙাংখিবগী মপুংফাবা ৱারোল পানবা মসিদা নম্বীয়ু

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
How Varanasi epitomises the best of Narendra  Modi’s development model

Media Coverage

How Varanasi epitomises the best of Narendra Modi’s development model
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 26 ফেব্রুৱারি, 2024
February 26, 2024

Appreciation for the Holistic Development of Critical Infrastructure Around the Country