প্রধান মন্ত্রী শ্রী নরেন্দ্র মোদীনা ঙসি ভিদিও কন্ফরেন্সিংগী খুত্থাঙদা রোজগার মেলাদা ৱা ঙাংখ্রে। থৌরমদুদা ৱা ঙাংলদুনা, প্রধান মন্ত্রীনা চহি অসিগী মৈগী কুমহৈ দিৱালীনা মীপুম খুদিংমক্কী পুন্সিদা মঙাল পীরক্লি হায়খি। কুমহৈগী মরকসিদা পর্মেনেন্ত থবক্কী এপোইন্তমেন্ত লেত্তর ফংবসিনা – কুমহৈগী নুংঙাইবসু অমদি থবক্কী লমদা মায় পাকপদসু হরাওবা শরুক অনি ফংহল্লে। শ্রী মোদীনা ঙসি লৈবাক শিনবা থুংনা নুংঙাইবা অসি নহা ৫১,০০০ য়ৌরে হায়খি। মসিনা মখোয়গী ইমুংশিংদা হরাও তয়াম্বা পুরক্লি হায়রদুনা, মহাক্না এপোইন্তমেন্ত লেত্তর ফংলিবা অমদি মখোয়গী ইমুং মনুংগী মীওইশিংদা নুংঙাইবা ফোঙদোকখি। মহাক্না মখোয়গী পুন্সিদা অনৌবা তাঙ্কক অমা লাকপদা য়াইফ পাউজেল পীখি।
নৌনা থবক ফংলবা নহাশিংগী মরক্তা মথুম মরাং হৌবা, শুবা নোম্বা কনবগী মতিং, অমদি মঙফাওনরবা মঙলানশিংদগী লাকপা মশান মশাদা থাজবশিংগী মতাঙদা পল্লদুনা শ্রী মোদীনা ৱাখল্লোন অসিগা লৈবাক্কী থৌগল তৌনবা ৱাখল্লোনগা পারগা মখোয়না মায় পাকপা অসিনা মখোয়গী মায় পাকপা ওইরক্লি অমদি লৈবাক্কী মায় পাকপা পুরক্লি। প্রধান মন্ত্রীনা ঙসিগী এপোইন্তমেন্ত অসি ইচম চম্না লৈঙাক্কী থবকখক্তা নত্তনা লৈবাক শেমগৎপদা ইচঙ থৌনা থৌদাং য়ানবা তাঞ্জা অমনি হায়খি। থবক ফংলবশিং অসিনা ইন্তেগ্রিতী অমদি পুকচেল শেংনা থবক তৌগনি, অমদি তুংদা ভারতকীদমক হেন্না ফবা সিস্তেম অমা শেমগৎপদা মরুওইবা থৌদাং লৌরক্কনি হায়না থাজবা ফোঙদোকখি। প্রধান মন্ত্রীনা নৌনা এপোইন্ত তৌরবশিংগী মফমদা ‘নাগরিক দেবো ভব’ লাইৱা কাউদনবা অমদি থৌগল অমদি কত্থোকপগী ৱাখল্লোন ঙাক্না চৎনবা ৱাফম থমখি।
“হৌখিবা চহি ১১ সিদা, লৈবাক অসিনা চাওখৎপা ভারত অমা শেমগৎনবা অচেৎপা ফিরেপকা লোয়ননা মাঙদা চঙশিল্লি অমদি নহাশিংনা খোঙচৎ অসিদা খ্বায়দগী মরুওইবা থৌদাং লৌরি”, হায়রদুনা প্রধান মন্ত্রীনা নহাশিং মপাঙ্গল হাপ্পনা মখোয়গী লৈঙাক্কী মরুওইবা প্রাইওরিতীনা হায়না ফোঙদোকখি। হৌখিবা চহিশিংদা মেলাশিং অসিগী খুত্থাঙদা এপোইন্তমেন্ত লেত্তর লাখ ১১ হেন্না য়েন্থোকখিদুনা, রোজগার মেলানা নহা ওইরিবা ভারত মচাশিংগী মঙলান মঙফাওনহন্নবা মপাঙ্গল কনবা মেদিয়ম অমা ওইরক্লি হায়না মহাক্না ফোঙদোকখি। লৈঙাক্না নহা করোর ৩.৫ দা থবক পীনবা পান্দম অমগা লোয়ননা ‘পি.এম. বিক্সিত ভারত রোজগার য়োজনা’ লৈঙাক্না হৌদোকখিবনি। স্কিল ইন্দিয়া মিসনগুম্বা থৌশিলশিংনা ননহাশিংবু মথৌ তাবা ত্রেনিংশিং পীরি, অদুগা নেস্নেল করিয়র সর্ভিসকুম্বা প্লেতফোর্মশিংনা মখোয়বু অনৌবা খুদোংচাবশিংগা শম্নহল্লি। ফম্পাক অসিগী খুত্থাঙদা, ভেকেন্সী করোর ৭ হেনবগী ইনফোর্মেসন নহাশিংদা ফংহল্লি।
প্রধান মন্ত্রীনা ‘প্রতিভা সেতু পোর্তেল’ কৌবা UPSC গী ফাইনেল লিস্ত য়ৌরগা খলহৌদবা কেন্দিদেতশিংদা খুদোংচাবা পীগদবা নহাশিংগী ওইবা অচৌবা ইনিসিএতিব অমা লাউথোকখি। মখোয়না হোৎনখিবশিং লেম্না মাঙহল্লোই, মরমদি প্রাইভেত অমদি পব্লিক ইন্সতিত্যুসন অনিমক্না হৌজিক্তি পোর্তেল অসিগী খুত্থাঙদা হৈথোই শিংথোইরবা নহাশিং অসিগা মরী শম্নহল্লি। নহাশিংগী হৈশিংববু নীংথিনা শীজিন্নবা অসিনা ভারতকী নহাশিংগী মতিং মালেমগী মফমদা উৎলগনি হায়না শ্রী মোদীনা ফোঙদোকখি।
GST বচত উতসবনা মতিক হাপ্লিবা কুমহৈ হরাওগী মতমগী মতাঙদা পল্লদুনা, শ্রী মোদীনা লৈবাক পুম্বদা GST রেত হন্থহন্নবা পায়খৎখিবা মশক নাইবা রিফোর্মগী মতাঙদা ফোঙদোকখি। নেক্স-জেন GST রিফোর্ম অসিনা এমপ্লোইমেন্তকী খুদোংচাবা পাকথোক চাউথোকহন্দুনা রিফোর্ম অসিগী ইথিল কঞ্জ্যুমরশিংদা শেল ওইজহল্লি। নুংতিগী শীজিন্নবা পোৎলমশিংগী মমল হোঙথরক্লবা মতমদা, দিমান্দ হেনগৎলকই; দিমান্দ হেনগৎলকপনা পোত্থোক পুথোকপা অমদি সপ্লাই চেন খোঙজেল য়াঙখৎহল্লি; অমদি ফেক্তরী আউতপুত হেনগৎলকপনা অনৌবা থবক কয়া পীবা ঙম্মি। মরম অদুনা GST বচত উতসব অসি এমপ্লোইমেন্ত ফেস্তিবেল অমসু ওইরক্লি। প্রধান মন্ত্রীনা ধন্তেরা অমদি দিৱালী কুমহৈ মতমদা উবা ফংখিবা রেকোর্দ থুগাইদুনা পোৎ য়োনখিবা, অনৌবা রেকোর্দ শেমদুনা অরিবা রেকোর্দ থুগাইদুনা GST রিফোর্মনা লৈবাক্কী শেন্মিৎলোন্দা অনৌবা খোঙজেল অমা হাপ্লি হায়না ৱাফমশিং থমখি। রিফোর্মশিং অসিনা MSME সেক্তর অমদি রিতেল ত্রেদতা পীরিবা অফবা ইথিল অসিনা মেনুফেকচরিং, লোজিস্তিক্স, পেকেজিং, অমদি দিস্ত্রিব্যুসন্দ অনৌবা এমপ্লোইমেন্তকী খুদোংচাবশিং পুরক্লি হায়বা ৱাফমশিং মহাক্না ফোঙদোকখি।
“ভারতনা হৌজিক মালেমগী খ্বায়দগী নহা ওইবা লৈবাক ওইরি অমদি ভারতকী নহাশিংগী মতিক মপাঙ্গলনা লৈবাক অসিগী খ্বায়দগী চাউবা লন ওইরি,” হায়রদুনা শ্রী মোদীনা অসিগুম্বা থাজবশিং অসিনা ভারতকী নহাশিংদা মীৎয়েঙ থম্লগা শেম্লিবা ফোরেন পোলিসী য়াওনা সেক্তর পুম্নমক্তা লৈবাকসিনা খুমাঙ চাওশিন্না চঙশিল্লিবা অসিবু লমজিংলি হায়খি। ভারতকী দিপ্লোমেতি্ এঙ্গেজমেন্ত অমদি মালেমগী MoU শিংদা নহাশিংগী ত্রেনিং, অপস্কিল্লিং, অমদি এমপ্লোইমেন্ত জেনেরেসনগী ৱাফমশিং হেন্না হেন্না হাপচিল্লি হায়বা ৱাফম প্রধান মন্ত্রীনা থমখি। য়ুনাইতেদ কিংদমগী প্রাইম মিনিস্তরনা হন্দক্তা লাক্লম্বা অদুদা, লৈবাক অনিমক্না AI, ফিনতেক, অমদি ক্লীন ইনর্জীনচিংবা সেক্তরশিংদা শেল থাদবা হেনগৎহন্নবা য়ানখি। ভারত অমদি UK অনিগী মরক্তা থা খরগী মমাঙদা খুৎয়েক পীনখিববা ফ্রী ত্রেদ এগ্রীমেন্ত অসিনা অনৌবা খুদোংচাবা কয়া পুরক্লগনি হায়না মহাক্না মখা তাখি। মতৌ অসুম্না, তোঙান তোঙানবা য়ুরোপিয়ন লৈবাকশিংগা ইনভেস্তমেন্ত পার্ত্নরসিপ শেম্বনা অনৌবা থবক লিশিং কয়া পীবা ঙমগনি হায়না পারি। ব্রাজিল, সিঙ্গাপোর, কোরিয়া, অমদি কেনাদানচিংবা লৈবাকশিংগা য়ানরিবা ৱাফমশিংনা ইনভেস্তমেন্ত হেনগৎহনগনি, স্তার্ত-অপ অমদি MSME শিংদা ঙাক্লৌ পীগনি, এক্সপোর্ত হেনগৎহনগনি, অমদি মালেমগী প্রোজেক্তশিংদা নহাশিংদা অনৌবা খুদোংচাবা পীগনি হায়না শ্রী মোদীনা ফোঙদোকখি।
ঙসি থম্লিবা মায় পাকপা অমদি মীৎয়েঙশিং অসিদা নৌনা থবক হাপ্লবা নহাশিংনা তুংদা অচৌবা থৌদাং লৌরক্কনি হায়রদুনা, প্রধান মন্ত্রীনা চাওখৎপা ভারত অমগী পান্দমদা লেপ্পা লৈতনা হোৎনবা মথৌ তাই, অমদি মখোয়গুম্ব নহা ওইণিবা কর্ময়োগীশিংনা মহৈ য়ালহন্নবা লমজিংগনি হায়বা ৱাফম থমখি। মহাক্না খোঙচৎ অসিদা ‘i-Got কর্ময়োগী ভারত প্লেতফোর্ম’গী শীজিন্নফম পল্লদুনা লৈঙাক্কী শিন্মী করোর ১.৫ রোম্না মসিগী খুত্থাঙদা লৌশিং তানশিল্লি হায়খি। মহাক্না নৌনা থবক হাপ্লবশিংগী মফমদা ফম্পাক অসিদা শরুক য়াশিন্নবা ৱাফম থম্লদুনা মসিনা অনৌবা থবক্কী মচৎ অমদি অফবা লৈঙাক্কী ৱাখল্লোন চেলহনগনি হায়খি। মখোয়গী হোৎনজমলনা ভারতকী তুংলমচৎ লেপকদৌরিবনি অমদি মীয়ামগী মঙলান মঙফাওনহনগদৌরিবনি হায়বা ৱাফম ফোঙদোক্লদুনা প্রধান মন্ত্রীগী ৱারোল লোইশিনখি। মহাক্না থবক হাপ্লবা পুম্নমক্কী মফমদা য়াইফ পাউজেল অমুক্কা হন্না পীখি।
