প্রধানমন্ত্রী শ্রী নরেন্দ্র মোদীনা ঙসি ভিদিও কনফরেন্সকী খুত্থাংদা ইন্দিয়া ইনর্জী ৱিক লিশিং অনিগা কুন তরুক্কী সঙ্গাবগী থৌরমদা মীয়ামদা ৱা ঙাংখি। থৌরম অসিদা ৱা ঙাংলদুনা শ্রী মোদীনা পনখি মদুদি ইনর্জী ৱিক্কী অণৌবা ইদিসন অসিদা চাওরাক্না লৈবাক চামগা কুনমঙাগী মিহুৎশিংনা গোৱাদা পুনশিল্লে। ইনর্জী-সেক্যুর ওইবা অমসুং সস্তেনেবল ওইবা তুংলমচৎকি মতাংদা খন্ননবা মখোয় ভারত্তা লাকখিবনি হায়না মহাক্না ফোংদোকখি অমসুং শরুক য়ারিবা পুম্নমকপু তরাম্না ওকখি।
ইন্দিয়া ইনর্জী ৱিক অসি য়াম্না অতেনবা মতমগী মনুংদা, ৱারি শান্নবা অমসুং থবক পায়খৎপগী মালেমগী ওইবা প্লেৎফোরম অমা ওইনা থোরক্লে হায়বা ফোংদোক্লদুনা প্রধানমন্ত্রীনা ৱাফম অসি ফোংদোকখি মদুদি ঙসি ভারত অসি ইনর্জী সেক্তরগীদমকতা অচৌবা খুদোংচাবশিংগী লম অমা ওইরে। মহাক্না অন্দরলাইন তৌখি মদুদি ভারত অসি মালেমগী খ্বাইদগী য়াংনা চাওখৎলক্লিবা ইকোনোমিনি, মসিনা তাকপদি লৈবাক অসিদা ইনর্জীগী পোত্থোকশিংগী দিমান্দা লেপ্তনা হেনগৎলক্লি। মহাক্না অকনবা ৱাফম থমখি মদুদি ভারতনা মালেমগী দিমান্দা ফংহন্নবা অফবা খুদোংচাবশিংছু পীরি। শ্রী মোদীনা পনখি মদুদি ভারত অসি মালেমদা পেত্রোলিয়ম প্রদক্তাশিংগী মকোক থোংবা এক্সপোরঢ় মঙাগী নুংদা অমনি, মসিগী এক্সপোর্ত কভরেজ অসি লৈবাক চামগা য়াঙ্খৈদগী হেল্লে। মহাক্না ফোংদোকখি মদুদি ভারতকি মসিগী কেপাসিতী অসিনা পুম্নমক্তা য়াম্না কান্নগনি। মহাক্না মখা তানা অকনবা ৱাফম থমখি মদুদি ইনর্জী ৱিক প্লেৎফোরম অসি পার্ত্নরশিপশিং থিজিন্নবা অফবা মফম অমনি অমসুং সরুক য়ারিবশিং পুম্নমক্তা মহাক্কি য়াইফ-পাওজেল পিখি।
প্রধানমন্ত্রীনা ফোংদোকখি মদুদি মহাক্কি ৱাফমশিং অদু মাংলোমদা চংসিনদ্রিঙৈ মমাংদা মহাক্না অচৌবা অহোঙবা অমা পুরকপা পাম্মি। মহাক্না নোৎ তৌখি মদুদি ঙরাং খক্তাদা ভারত অমসুং য়ুরোপিয়ন য়ুনিয়নগী মরক্তা মশক থোকপা য়ানচে অমা খুৎযেক পিনখি, মদুবু মালেম শিনবা থুংনা লৈরিবা মীওইশিংনা “দিল পুম্নমক্কি মমা” হায়না কৌরি। শ্রী মোদীনা অকনবা ৱাফম থমখি মদুদি য়ানচে অসিনা ভারতকি মীওই কোতি চামগা নিফু অমসুং য়ুরোপিয়ন লৈবাকশিংগী কোতি লাখ কয়াগীদমক অচৌবা খুদোংচাবা কয়া অমা পুরকই। মহাক্না অন্দরলাইন তৌখি মদুদি মসি মালেমগী খ্বাইদগী চাওবা ইকোনোমি অনিগী মরক্তা কোওরদিনেসনগী শিংথানিংঙাই ওইবা খুদম অমা ওইনা লেপ্লি। প্রধানমন্ত্রীনা পনখি মদুদি য়ানচে অসিনা মালেমগী জি.দি.পি.গী চাওরাক্না চাদা কুনমঙা অমসুং মালেমগী ললোন-ইতিক্কী চাওরাক্না সরুক অহুম থোকপগী অমা রিপ্রজেন্ত তৌরি। মহাক্না ফোংদোকখি মদুদি ললোন-ইতিক্কি মথক্তা, য়ানচে অসিনা গনতন্ত্র অমসুং আইনগী চৎনবিগী মতাংদা সেয়র তৌরবা ৱাশক অদু মপাঙ্গল কনখৎহল্লি।
শ্রী মোদীনা ইয়ুগা লোয়ননা ফ্রি ত্রেদা এগ্রিমেন্ত অসিনা ব্রিতেন অমসুং ই.এফ.তি.এ.গা লোয়ননা য়ানখিবা য়ানখিবা অদু মপুং ফাহনগনি, মসিনা ত্রেদা অমসুং গ্লোবেল সপ্লাই চেন অনিমক হেন্না মপাঙ্গল কনখৎহনগনি হায়না ফোংদোকখি। মহাক্না মায়পাকপা অসিগীদমক ভারতকি নহারোলশিং অমসুং নাগরিক পুম্নমকপু থমোই শেংনা নুংঙাইবা ফোংদোকখি, অমসুং তেক্সতাইল, রৎন অমসুং জ্যুলারি, লেদর, অমসুং খোংউপ অসিনচিংবা সেক্তরশিংদা থবক তৌরিবা মীওইশিংদছু মহাক্কি য়াইফ-পাওজেল পিখি, য়ানচে অসিনা মখোয়গীদমকতা য়াম্না কান্নগনি হায়বা পনখি। প্রধানমন্ত্রীনা অকনবা ৱাফম থমখি মদুদি ত্রেদা দিল অসিনা ভারত্তা মেন্যুফেকচরিং হেঙ্গৎহনবতা নত্তনা সর্ভিস সেক্তরসু মখা তানা পাকথোক চাওথোকহল্লগনি। মহাক্না চেৎনা হায়খি মদুদি ফ্রি ত্রেদ এগ্রিমেন্ত অসিনা মালেমগী বিজিনেস অমসুং ভারত্তা ইনভেস্তরশিংগী থাজবা হেনগৎহনগনি।
সেক্তর খুদিংমক্তা মালেমগী ওইবা পার্ত্নরশিপশিংদা ভারতনা এক্তিব ওইনা থবক তৌরি হায়বশিদা অকনবা ৱাফম থম্লদুনা শ্রী মোদীনা পনখি মদুদি ইনর্জী সেক্তর খক্তদা ইনর্জী ভেল্যু চেনগী তোঙান- তোঙানবা লমশিংদা শেল থাদবগী চাওনা খুদোংচাবশিং লৈরি। শ্রী মোদীনা ভারতনা মসিগী এক্সপ্লোরেসন সেক্তর অসি মশক থোক্না হাংদোক্লে হায়না ফোংদোকখি অমসুং সমুদ্র মন্থন মিশন হায়না খঙনবা দিপ-সি এক্সপ্লোরেসন ইনিসিয়েতিবকি মতাংদা পনখি। মহাক্না ফোংদোকখি মদুদি চহি তরাগী খুজিং অসিগী লোইরকপদা ভারতনা ওইল অমসুং গ্যাস সেক্তরদা শেল থাদবা অসি দোল্লর বিলিয়ন চামাদা হেনগৎহন্নবা পান্দম থম্লি, মশিদা এক্সপ্লোরেসনগী ছ্কোপ অসি স্ক্বার কিলোমিতর মিলিয়ন অমা ফাওবা হেনগৎহন্নবা পান্দম থম্লি। প্রধানমন্ত্রীনা নোৎ তৌখি মদুদি ব্লোক চামগা হুম্ফুতরা হেন্না হান্ননা পিখ্রে, অমসুং অন্দমান অমসুং নিকোবর বেসিন অসি মথংগী হাইদ্রোকার্বোনগী আশা ওইনা থোরক্লি।
নো-গো এরিয়াশিং হন্থহনবা য়াওনা এক্সপ্লোরেসন সেক্তরদা রিফোর্ম কয়া পায়খৎলে হায়না ফোংদোক্লদুনা শ্রী মোদীনা মখা তানা হায়খি মদুদি ইন্দিয়ানা ইনর্জী ৱিক্কী মমাংগী ইদিসনশিংদা ফংখিবা সজেসনশিং অদু এক্তা অমসুং রুলশিংদা অহোঙবা পুরকপদা য়াওহনখ্রে। মহাক্না চেৎনা হায়খি মদুদি এক্সপ্লোরেসন সেক্তরদা শেল থাদরিবা কম্পেনিশিংনা শেন্দোং হেনগৎলকপা শোইদনা উবা ফংগনি।
ইনর্জী সেক্তরদা শেল থাদবা অসি য়াম্না কান্নবা ওইহল্লিবা ভারতকি অতোপ্পা তোপ তোপ্পা পাঙ্গল অমা প্রধানমন্ত্রী মোদীনা ফোংদোকখি। মহাক্না রিমার্ক তৌখি মদুদি ভারত অসি য়াম্না চাওবা রিফাইনিং কেপাসিতী লৈ অমসুং হৌজিক হীরম অসিদা মালেমদা অনিশুবা মফমদা লৈরি। শ্রী মোদীনা অকনবা ৱাফম থমখি মদুদি অথুবা মতমদা ভারত অসি রিফাইনিং কেপাসিতীদা মালেমগী ওইনা মকোক থোংবা লৈবাক অমা ওইরগনি। মহাক্না নোৎ তৌখি মদুদি ভারতকি হৌজিক লৈরিবা রিফাইনিং কেপাসিতী অসি চহি অমদা চাওরাক্না এম.এম.তি. চনিগা হুম্ফু লৈরি অমসুং চহি অমদা মেত্রিক তোন চহুমদগী হেন্না হেনগৎনবা মখা তানা কন্না হোৎনরি। প্রধানমন্ত্রীনা অন্দরলাইন তৌখি মদুদি মসিনা ইনভেস্তরশিংগীদমক্তা অচৌবা এদভান্তেজ অমা রিপ্রজেন্ত তৌরি।
ভারততা এল.এন.জি.গী দিমান্দা লেপ্তনা হেনগৎলক্লি, অমসুং লৈবাক অসিনা মসিগী অপুনবা ইনর্জি দিমান্দগী চাদা তরামঙা এল.এন.জি.গী খুত্থাংদা ফংহন্নবা পান্দম থম্লি হায়বা ফোংদোক্লদুনা প্রধানমন্ত্রী এল.এন.জি.গী ভেল্যু চেন পুম্নমক্তা থবক তৌবগী মথৌ তাবা অদুদা অকনবা ৱাফম থমখি অমসুং ত্রান্সপোর্তেসনগী লমদা ভারতনা চাওনা হোৎনরি হায়না পনখি। মহাক্না অন্দরলাইন তৌখি মদুদি ভারতকি পোর্তশিংদা এল.এন.জি. তর্মিনেলশিং শাবদা ইনভেস্তমেন্ত তৌবগী খুদোংচাবশিং লৈহনখ্রে।
প্রধানমন্ত্রীনা অকনবা ৱাফম থমখি মদুদি ভারতনা এল.এন.জি. মহাক্না পনখি মদুদি সিতী গ্যাস দিস্তরিব্যুসন নেতৱর্কশিং অসি ভারতকি সহর কয়াদা হান্নদগী য়ৌরক্লে অমসুং অতোপ্পাশিংদা য়াম্না থুনা পাকথোক চাওথোক্লি, মসিনা সেক্তর অসি শেল থাদবদা য়াম্না পুক্নিং চিংশিন্নিংঙাই ওইহল্লি।
শ্রী মোদীনা য়েংশিনখি মদুদি ভারতকি মী মশিং য়াম্না লৈবা অমসুং লেপ্তনা চাওখৎলক্লিবা শেন্মীৎলোন অসিগা লোয়ননা পেত্রোকেমিকেলগী পোত্থোকশিংগী দিমান্দ অসি মখা তানা হেনগৎলক্কনি, মসিনা পাক চাওরবা ইনর্জি ইনফ্রাস্তরকচরগী মথৌ তাগনি। লম অসিদা শেল থাদবনা চাওনা গ্রোথ পুরক্কনি হায়না মহাক্না চেৎনা হায়খি অমসুং ইনভেস্তরশিংগীদমক্তা দাওনস্ত্রীমগী থবক থৌরমশিংদসু খুদোংচাবশিং মরাং কায়না লৈরি হায়না মখা তানা হায়খি।
শ্রী মোদীনা অকনবা ৱাফম থমখি, “ঙসিগী ভারতনা রিফোর্ম্স এক্সপ্রেসতা চেল্লি অমসুং সেক্তর খুদিংমক্তা য়াম্না থুনা রিফোরমশিং তৌরি।” মহাক্না অকনবা ৱাফম থমখি মদুদি মালেমগী ওইনা পুন্না থবক তৌমিন্ননবা অরোন-অথুপ লৈতবা অমসুং ইনভেস্তর-ফ্রেন্দলি এনভাইরনমেন্ত অমা শেমগৎপগা লোয়ননা দোমেস্তিক হাইদ্রোকার্বোনশিং মপাঙ্গল কনখৎহন্নবা রিফোরমশিং তৌরি। প্রধানমন্ত্রীনা অন্দরলাইন তৌখি মদুদি ভারতনা হৌজিক ইনর্জি সেক্যুরিতিগী মথক্তা ইনর্জি নিংতম্বগী মিসনগী মায়কৈদা চংশিল্লি। মহাক্না ফোংদোকখি মদুদি ভারতনা লোকেলগী দিমান্দা ফংহনবা ঙম্বা ইনর্জি সেক্তরগী ইকোসিস্তেম অমা শেমগৎলি অমসুং মমল হোঙবা রিফাইনিং অমসুং ত্রান্সপোর্তেসনগী সোলুসনশিংগী খুত্থাংদা এক্সপোর্তশিং অসি মালেমগীদমক য়াম্না কম্পিতিতিব ওইহল্লি।
প্রধানমন্ত্রীনা অকনবা ৱাফম থমখি মদুদি ভারতকি ইনর্জি সেক্তর অসি জাতি অসিগী অপাম্বশিংগী মরুমদা লৈরি, মসিনা দোল্লর বিলিয়ন চামঙাগী শেল থাদবগী খুদোংচাবশিং পীরি। মহাক্না মহাক্কি ৱাফম অদু লোইশিনখিবদা মালেমগী মীয়ামদা পাওজেল অসিগা লোয়ননা পাওজেল পীখি: মেক ইন ইন্দিয়া, ইনোভেৎ ইন ইন্দিয়া, স্কেল ৱিথ ইন্দিয়া, ইনভেস্ত ইন ইন্দিয়া।
থৌরম অদুদা পেত্রোলিয়ম অমসুং নেচরেল গ্যাসকি কেন্দ্রগী মন্ত্রী শ্রী হরদিপ সিংহ পুরি, গোৱাগী মুখ্য মন্ত্রী শ্রী প্রমোদ সাৱন্ত য়াওনা অতোপ্পা শক্নাইরবা মীওইশিং শরুক য়াখি।
