ঙসি প্রধান মন্ত্রী শ্রী নরেন্দ্র মোদীনা ২০২৫ গী নোংজু মীফম মমাঙদা পাউমীশিংদা ৱা ঙাংখ্রে। নোংজু মীফম অসিদা মীওই খুদিংমক তরাম্না ওক্লদুনা, প্রধান মন্ত্রীনা হায়খি মদুদি নোংজু অসি অনৌবা অমসুং ময়োল চোংবগী খুদম্নি, লৈবাক শীনবা থুংনা হৌজিক লৈরিবা নোংজু-নুংশাগী ফিবম অসি য়াম্না ফরি অমসুং লৌউ-শিংউদা য়াম্না কান্নগনি হায়রি। নোং চুবা অসিনা খুঙ্গংগী শেন্মিৎলোন্দা মরুওইবা থৌদাং অমা লৌবতা নত্তনা হিরম খুদিংমক্ত লৈবাক অসি চাউখৎহনবা অমসুং ইমুং খুদিংমক নুংঙাইহনবদা অচৌবা থৌদাং লৌরি। হৌজিক ফংলবা ই-পাউগী মতুংইন্না, চহি অসিগী ঈশিংগী ইমায়শিং অসি হৌখিবা চহি ১০ গা চাংদম্নবদা শরুক অহুম হেল্লে। হেনগৎলক্লিবা অসিনা তুংদা ভারতকী শেন-থুমদা কান্নবা পীগনি।
প্রধান মন্ত্রীনা হায়খি হন্দক্কী নোংজু মীফম অসি লৈবাক অসিগী চাউথোকচবা মিকুপ অমা ওইরি, ঐখোয়গী অপুনবা মাইপাকপশিং হরাওবা ফোঙদোকপা অমনি। পুৱারিদা অহানবা ওইনা ইন্তরনেসনেল স্পেস স্তেসন্দা ভারতকী মচু অহুমগী ফিরাল পাইহনখিবা অসিদা ভারতমী মীওই খুদিংমক য়াম্না চাউথোকচনবগী হৌরকফম অমা ওইরে। মসিগী মাইপাকপা অসিনা সাইন্স, তেক্নোলোজি অমসুং ইন্নোবেসন্দা লৈবাক শীনবা থুংনা হরাওবা পোক্নরে। মসিগী মাইপাকপা অসিদা লোক সভা অমসুং রাজ্য সভা অনিমক অমসুং ভারতকী মীয়াম মখোয়গী চাউথোকচবা ফোঙদোক্নবা অমতা ওইরে। মসিগী অপুনবা ওইনা হরাওবা ফোঙদোকপা অসিনা ভারতকী তুংগী স্পেসকী খোঙচৎশিংগী থৌনা ওইরগনি।
চৎলিবা নোংজু মীফম অসি ভারতকী মাইপাকপশিংগী হরাওবা ফোঙদোকপা অমনি হায়না শিংথারদুনা, প্রধান মন্ত্রী মোদীনা হায়খি মদুদি মালেম্না ভারত লান্মীগী থৌনা উখ্রে, ওপরেসন সিন্দুরদা ভারতকী লান্মীশিংনা মখোয়গী পান্দম চাদা ১০০ ফংলে, মখোয়গী লোৎফমদা তেরোরিজম শৌগৎলিবশিং মাঙহনখ্রে। ওপরেসন সিন্দুরগী মখাদা শুপ্নগী মিনিত ২২ দা ভারতকী ফোর্সশিংনা মখোয়গী বেজশিংদা মমল য়াম্লবা তার্গেতশিং মাঙহনখি। মসিগী ওপরেসন অসি বিহারদা মীয়ামগী থৌরম অমদা লাউথোকখি অমসুং লান্মীনা মখোয়গী থবক য়াংনা পাংথোকপা ঙম্বা অদু উৎখি। মেদ ইন ইন্দিয়াগী ঙাক-শেনগী তৌবা ঙম্বশিংদা মালেমগী লৈবাকশিংনা পাম্নবা হেনগৎলক্লে অমসুং হন্দক মহাক্না মালেমগী লৈবাকশিংগী লুচিংবশিংগা ৱারি শানবদা মখোয়না ভারতনা শাজবা মিলিতরগী খুৎলায়শিংদা খোইদবা ফোঙদোরকখি। মীফম মনুংদা মসিগী মাইপাকপা অসি সংসদনা অমতা ওইনা হরাওবা ফোঙদোক্কনি হায়বগী থাজবা থম্লি অমসুং মসিনা মখা তানা ভারতকী মিলিতরিগী থৌনা হাপকনি। মসিগী অপুনবা ৱাখল অসিনা মীয়াম ইথিল পীগনি অমসুং দিফেন্স সেক্তরগী থিজিনবা, অনৌবা থবক পায়খৎপা অমসুং মেনুফেকচরিং ফগৎহনগনি অমসুং ভারতকী নহারোলশিংদা অনৌবা থবক ফংহনগনি।
প্রধান মন্ত্রীনা হায়খি হৌখিবা চহি ১০ অসিদা থবক খুদিংমক লেপ্তনা চাউখৎলকপগা লোয়নান শান্তি অমসুং চাউখৎপা খুৎশম্নদুনা চৎমিন্নরে। নিংতম্বা হেক ফংবদগী লৈবাক অসি তেরোরিজম নত্ত্রগা নেক্সালিজমগী অহিংশাগী থৌদোক কয়া মায়োক্নদুনা লাক্লি। অদুবু ঙসিদি নেক্সালিজম অমসুং মাওইজমগী ইথিল হন্থরক্লে। অনৌবা থাজবা অমসুং থবকশিং য়াংনা পায়খৎতুনা ভারতকী সেকুরিতি ফোর্সশিংনা নেক্সালিজম অমসুং মাওইজম মপুংফানা মুৎথৎনবা পান্দম অদুদা য়াংনা চংশিল্লি। হৌজিক লৈবাক শীনবা থুংবগী জিলা চা কয়া নেক্সালগী অৱাবদগী কোক্লে। বোম্বশিং অমসুং নোংমৈশিংদগী সংবিধান্না হেন্না পাম্নরে। মতম অমগী রেদ কোরিদোরশিং হৌজিক চাউখৎপগী গ্রিন জোনশিং ওন্থোক্লে। থৌদোকশিং অসি সংসদকী ইকায়খুম্নরবা মেম্বর খুদিংমক্কী চাউথোকচনবা মিকুপ অমা ওইরে অমসুং লৈবাক্কী য়াইফনবা কৎথোকপা অমসুং মরৈবাক নুংশিবনা ইথিল মাঙজিল থারে। চৎলিবা সংসদকী নোংজু মীফম অসিদা লৈবাক শীনবা থুংনা লৈবাক অসিগী চাউথোকচবা অসি হরাওবা ফোঙদোক্কনি অমসুং সংসদকী মেম্বর খুদিংমক অমসুং রাজনিতি দল খুদিংমক অমতা ওইনা লাউরে।
মখোয়গী সরকারনা ২০১৪ দা লৈবাক ঙাকপা হৌখিবা অদু পল্লদুনা, প্রধান মন্ত্রীনা হায়খি মতম অদুদা ভারত ফিবম শোক্লবা ইকোনোমি মঙাগী শরুক অমা ওইরমখি। মতম অদুদা ভারত মালেমগী ইকোনোমিগী ১০শুবা মফমদা লৈরমখি, অদুবু ঙসিদি ভারত মালেমদা অহুমশুবা খ্বাইদগী চাউবা ইকোনোমি ওইনবা মাইকৈদা য়াংনা চঙশিল্লি অমসুং মাইপাকপা অদু থোংজিলদা থিল্লরে। লৈবাক অসিগী মীওই করোর ২৫ লায়রবা কোক্লে অমসুং অওনবা অসি মীয়াম্না থাগৎনরে অমসুং মালেমগী লুপশিংনা থাগৎনরে। ২০১৪ গী মমাঙদা ভারতকী পোৎ-চৈগী মমল হেনগৎপা অসি দিজিত অনি ওইখি। ঙসিদি পোৎ-চৈগী মমল হেনগৎপা অসি চাদা ২ রোম ওইরে অমসুং মীয়াম হিংবদা লাইবা হেনগৎলক্লে। চাউখৎলকপগা লোয়ননা পোৎ-চৈগী মমল হন্থরকপা অসিদা লেপ্তনা চাউখৎলকপগী খোঙচৎকী মমি তারে।
প্রধান মন্ত্রীনা হায়খি দিজিতেল ইন্দিয়া অমসুং য়ু.পি.আইগুম্বা থবকশিং অসিনা মালেমদা ভারতকী তৌবা ঙম্বা উৎলে অমসুং ভারতকী দিজিতেলগী থবকশিংদা পাম্নবা য়াংনা হেনগৎলক্লি। দিজিতেল ইন্দিয়ানা মালেম ইথক হৌহল্লে, লৈবাক কয়াদা য়ু.পি.আই পাম্নবা হেনগৎলকপগা লোয়ননা, ফিনতেক্কী তাইবংদা মসি মীয়াম্না খঙনরবা মমিং অমা ওইরে। মালেমগী লৈবাক অতোপ্পশিংদগী হেন্না, খুদক্ত দিজিতেল ত্রান্সসেক্সনশিং পাংথোকপদা ভারতনা মালেমদা মাংজিল থারে।
প্রধান মন্ত্রীনা হায়খি হন্দক পাংথোকখিবা মালেমগী লুপশিংগী মীফম অমদা ভারত য়াম্না চাউনা মাইপাক্লে। হৌজিক ভারতকী লনাই মীওই করোর ৯০ হেন্না সোসিএল সেকুরিতিগী মখাদা কোনশিল্লে হায়না ইন্তরনেসনেল লেবর ওর্গনাইজেসন্না ফোঙদোকখ্রে। ৱার্ল্দ হেল্থ ওর্গনাইজেসন্না ভারত অসি ত্রাকোমা কৌবা নোংজু থা মনুংদা মীৎ নাবগী লায়নাদগী কোক্লে হায়না লাউথোকখ্রে। মসিগী মাইপাকপা অসি ভারতকী মীয়ামগী হকশেলগী থবকশিংগী শিংথানিঙাই ওইবা মাইপাকপা অমনি।
পেহালগামগী তমথিরবা মীহাৎনা মালেম শীনবা থুংনা থম্মোয় কায়হনখি অমসুং তেরোরিজম অমসুং মসিগী হৌরফমদা মালেমগী পুক্নিং চিংশিনখিবা অদু নিংশিংলদুনা, প্রধান মন্ত্রীনা হায়খি দলগী খেন্নবা লৈতনা, পাকিস্তানগী থৌদাং খঙহন্নবা ভারত শীনবা থুংবগী মীহুৎশিং অমতা ওইখি। অপুনবা কুতনিতিগী খোঙজং অদুনা মালেমগী ফম্বাক্ত পাকিস্তান অসি তেরোরিজম শৌগৎপা লৈবাক অমনি হায়বা খঙহনখি। মসিগী লৈবাক্কী মরুওইবা থবক অসি পাংথোকপগীদমক সংসদকী মেম্বরশিং অমসুং রাজনিতি দলশিং থাগৎপা ফোঙদোকচরি। মখোয়গী থবকশিংনা লৈবাক অসিদা অফবা ফিবম অমা পুরক্লে অমসুং তেরোরিজমগী মতাংদা ভারতকী মীৎয়েং মালেমগী মীয়ামদা খঙহল্লে অমসুং লৈবাক্কী য়াইফনবা অফবা থবক অসিদা শরুক য়াখিবশিং থাগৎপা ফঙবা অসি মহাক্কী লাইবক ফবনি।
লৈবাক অসি থৌনা হাপখিবা অমসুং ইথিল পীখিবা অপুনবা অমসুং অমতা ওইবা খোল্লাউগী শক্তি অদু পল্লদুনা, প্রধান মন্ত্রীনা হায়খি হৌজিক চৎথরিবা নোংজু মীফম অসিদা মসিগী ৱাখল্লোন অসি মাইপাকপা ওইনা হরাওবা ফোঙদোক্লি, ভারত লান্মীগী থৌনা অমসুং লৈবাক অসিগী তৌবা ঙম্বা ইকায়খুম্নবা উৎলি অমসুং মীয়াম করোর ১৪০ পুক্নিং থৌগৎনবা হৌরকফম অমা ওইরি। অপুনবা থবকশিং অসিনা দিফেন্স সেক্তরনা মশা মরোমদোম লেপচবা ঙম্নবা ভারতনা পায়খৎলিবা থবকশিং ফগৎহনগনি। আর্মদ ফোর্সশিংগী থৌনা লৈবাক অসিনা ইকায়খুম্নগদবনি। মীয়াম অমসুং রাজনিতি দলশিংদা প্রধান মন্ত্রীনা হায়খি মদুদি অপুনবা অমসুং অমতা ওইবা খোল্লাউদগী শক্তি লাকখিবনি।
মসিগী ৱাখল্লোন অসি সংসদকী মেম্বর খুদিংমক্না ফগৎহনগদবনি। রাজনিতি দল কয়া অমসুং মখোয় মখোয়গী পান্দমশিং লৈরি। দলগী য়াইফনবা ৱাখল্লোনশিং খেন্নবা য়াই, অদুবু লৈবাক্কী য়াইফনবা থবকশিংদা অমতা ওইগদবনি। মীফম অসিদা লৈবাক অসি চাউখৎপা হেনগৎনবা মরুওইবা বিলশিং পাস তৌগনি হায়বগী থাজবা থম্লি। কান্নবা অমসুং মগুন লৈবা মরৈ য়েৎনবগী থবকশিং পায়খৎনবা মহাক্না সংসদকী মেম্বরশিংদা য়াইফ পাউজেল পীখি।
ৱা ঙাংখিবগী মপুংফাবা ৱারোল পানবা মসিদা নম্বীয়ু
The Monsoon Session stands as a proud moment for the nation, a true celebration of our collective achievements: PM @narendramodi
— PMO India (@PMOIndia) July 21, 2025
The world has witnessed the strength of India's military power. In Operation Sindoor, Indian soldiers achieved their objective with 100% success, demolishing the masterminds behind terrorism in their hideouts: PM @narendramodi
— PMO India (@PMOIndia) July 21, 2025
India has endured many violent challenges, be it terrorism or Naxalism, but today, the influence of Naxalism and Maoism is shrinking rapidly. The Constitution prevails over bombs and guns. The red corridors of the past are now transforming into green zones of growth and…
— PMO India (@PMOIndia) July 21, 2025
Digital India is making waves globally, with UPI gaining popularity across many countries. It has become a recognised name in the world of FinTech: PM @narendramodi
— PMO India (@PMOIndia) July 21, 2025
The brutal massacre in Pahalgam shocked the entire world and drew global attention to terrorism and its epicentre. Rising above party lines, representatives from across India united to expose Pakistan's role: PM @narendramodi
— PMO India (@PMOIndia) July 21, 2025
