প্রধান মন্ত্রীনা শ্রী রাম বহাদুর রাইগী লাইরিক 'ভারতিয়া সম্ভিধানঃ অনকহি কহানি' হায়বা লাইরিক ফোংবদা ভিদিও মেসেজকী খুত্থাংদা ৱা ঙাংখি। ৱারোল পীবা হৌরকপা মতমদা, প্রধান মন্ত্রীনা শ্রী রাম বহাদুর রাইগী পুন্সি চুপ্পা অমগী ওইনা খুন্নাই অসিগী মমাংদা করিগুম্বা অনৌবা অমা খুদোল তম্নবগীদমক অনৌবা ৱাখল্লোনশিং অমসুং অপাম্বা কয়া থিদুনা লাকখিবদু পনখি। ঙসি ফোংলিবা লাইরিক অসিনা সংবিধানবু অপুনবা মশক অমা পুরকপা ঙমগনি হায়বসিগী আসা মহাক্না ফোংদোকখি। শ্রী মোদীনা মসিমসু পনখি মদুদি জুন ১৮দা রাস্ত্রপতি রাজেন্দ্র প্রসাদনা সংবিধানগী অহানবা শেমদোকপা খুৎয়েক পীরদুনা সংবিধান অসিগী গনতন্ত্রিক ওইবা দাইনামিজম অমা ইহান হানবা ওইনা উৎখ্রে, মসিবু প্রধান মন্ত্রী অসিনা ঐখোয়গী খ্বাইদগী চাউবা পাঙ্গল অমনি হায়না ফোংদোকখি।
প্রধান মন্ত্রীনা মসিমসু পনখি মদুদি "ঐখোয়গী সংবিধান্না লৈবাক অসিগী চারোল কয়াগী মংলান মংফাওনবা ঙমহনগদবা নীংতম্বা ভারত অমগী শক্তম লৌদুনা ঐখোয়গী মাংদা লৈ।" মহাক্না নিংশিংখি মদুদি সংবিধানগী ইহান হানবা কন্সতিত্যুএন্ত এসেমব্লিগী মীফম অসি নীংতমদ্রিঙৈ থা খরগী মমাংদা ঐখোয়গী নীংতম্বা অমসুং গনতন্ত্র অদু শোইদনা ফংলগনি হায়বগী থাজবা অদু উরদুনা দিসেম্বর ৯, ১৯৪৬তা ফমখি। মসিনা উৎলে হায়রদুনা প্রধান মন্ত্রীনা হায়খি মদুদি "সংবিধান অসি ইচম চম্না লাইরিক অমখক ওইদে। মসি ৱাখল্লোননি, ৱাশক অমনি অমসুং নীংতম্বদা লৈবা থাজবা অমনি।
প্রধান মন্ত্রীনা আসা তৌখি মদুদি শ্রী রাইগী লাইরিক অসি অনৌবা ভারত অমনা তুংদা লাক্কদবা ভারতনা হৌখিবগী ৱাখল্লোনশিং মপাঙ্গল কলহন্নবা কাওথোক্লুরবা ৱাখল্লোন কয়া নিংশিংনবা হোৎনরিবা থৌরাং অসিদা চুন্নগনি। মহাক্না হায়খি মদুদি লাইরিক অসিনা নীংতম্লকপগী পুৱারীগা লোইননা অমসুং ঐখোয়গী লীথোক্ত্রিবা সংবিধানগী ৱারী কয়াগা লোইননা লৈবাক অসিগী নহাশিংদা অনৌবা ৱাখল্লোন অমা পীরগনি অমসুং মখোয়গী ৱাখল্লোন পাকথোক চাউথোকহনগনি।
শ্রী রাইগী লাইরিক অসিদা য়াওরিবা এমর্জেন্সীদা পল্লদুনা প্রধান মন্ত্রীনা হায়খি মদুদি " অচুম্বা অমসুং ইথৌদাং হায়বসিগী অপুনবা অসিননি ঐখোয়গী সংবিধানবু অদুক্কী মতীক তোপ-তোপহল্লিবা। করিগুম্বা ঐখোয়দা হক লৈরবদি, ঐখোয়দা ইথৌদাংসু লৈ অমসুং করিগুম্বা ঐখোয়দা ইথৌদাং লৈরবদি, হক অদু চপ মান্ননা মপাঙ্গল লৈগনি। মরম অসিননি আজাদিগী অম্রিৎ কালদা, লৈবাক অসিনা ইথৌদাংগী ৱাখল চেনবগী মতাংদা অমসুং ইথৌদাং হায়বসিদা হেন্না শাফু পীরিবসি।" প্রধান মন্ত্রী অসিনা সংবিধানগী মতাংদা পাক শন্না মীয়াম ভাপ তাহন্নবা হোৎনবগী তঙাইফদবা লৈরিবা অসিগী মতাংদা পনখি। "মতৌ করম্না গান্ধীজিনা সংবিধানগী মতাংদা লুচিংবা অমা ওইখিবা, সরদার পতেলনা ধর্মদা য়ুম্ফম ওইদুনা পাঙথোকপা মীখলগী থৌওংবু মুৎথৎতুনা ভারতকী সংবিধানবু কম্ম্যুনেলিজমদগী মনীং তমহনখিবা, দাঃ অম্বেদকরনা সংবিধানগী প্রিএম্বলদা ফ্রেতর্নিতী হায়বসি পুশিন্দুনা "এক ভারত শ্রেস্থা ভারত'কী মশক ওইহনখিবা, অমসুং দাঃ রাজেন্দ্র প্রসাদকুম্বা লাইরিক লাইশুগী মীওইশিংনা সংবিধানবু ভারতকী থৱাইগা মরী লৈনহনখিবা, লাইরিক অসিনা ঐখোয়বু অসিগুম্বা মীয়াম্না খঙনদ্রিবা ৱারী কয়া অসিদা মায় পাংহল্লি", হায়না মহাক্না হায়খি।
সংবিধানগী অহিংবা মতৌ অসিদা পল্লদুনা প্রধান মন্ত্রীনা শন্দোক্না পনখি মদুদি " ভারত অসি মহৌশাদগী হৌদুনা মনীং তম্না ৱাখল খনবা লৈবাক অমা ওইরক্লি। হোংদবা হায়বসি ঐখোয়গী মহৌশাদগী য়াওজরকপা শরুক অমা নত্তে। কন্সতিত্যুএন্ত এসেমব্লি হায়বসিনা শেমদুনা দিবেৎ লাকপা ফাওবা, সংবিধান লিংখৎপদুগীনা হৌজিক লৈরিবা ফিভমসিফাওবা, ঐখোয়না লেপ্পা লৈতনা মমাই য়াম্বা চাউখৎপা লেপতবা সংবিধান অমা উরি। ঐখোয়না য়েৎনখ্রে, ৱাহং কয়া পুখৎখ্রে, দিবেৎ তৌনখ্রে, অমসুং অহোংবা ক্যা অমা পুরকখ্রে। ঐহাক্না থাজৈ মদুদি হায়রিবা মওং মতৌ অসি ঐখোয়গী মীয়াম অমসুং মীয়ামগী ৱাখলদা হায়রিবসি লেপ্পা লৈতনা চত্থখিগনি।"
