বিহারদা পাংথোক্লিবা খেলো ইন্দিয়া য়ুথ গেমসদা শরুক য়ারিবা শান্নরোয়শিংদা য়াইফ পাউজেল পীজরি. থৌরম অসিদা অদোম খ্বাইদগী ফজনা শান্নবা অমসুং শান্নবগী অশেংবা হৈথোই-শিংথোইবা য়োকখৎপা ওইরসনু: প্রধান মন্ত্রী
চহি ২০৩৬ দা ঐখোয়গী লৈবাক্ত ওলেম্পিক্স পাংথোক্নবা ঙসি ভারতনা থবকশিং পায়খৎলি: প্রধান মন্ত্রী
লৈবাক অসিদা শান্নবগী মচাক-মথুমশিং মতমগা চুনবা মওংদা শেমগৎনবা সরকারনা মীৎয়েং চঙলি: প্রধান মন্ত্রী
হৌখিবা চহি ১০ দা শান্নবগী বজেত শরুক অহুম হেনগৎলে. চহি অসিদা শান্নবগী বজেত লুপা করোর ৪,০০০ রোম ওইরে: প্রধান মন্ত্রী
লৈবাক অসিদা অফবা শান্নরোয়শিং পুথোক্নবা অমসুং শান্নবগী শীনফম অসিদা মতিক চাবা মীওইশিং পুথোক্নবা পান্দমগা লোয়ননা অনৌবা নেসনেল ইজুকসন পোলিসিদা ঐখোয়না শান্নবা অসি ইজুকেসনগী শরুক অমা ওইহল্লে: প্রধান মন্ত্রী
ঙসি ভিদিও কনফরেন্সকী খুৎথাংদা প্রধান মন্ত্রী শ্রী নরেন্দ্র মোদীনা ৭ শুবা খেলো ইন্দিয়া য়ুথ গেমস হৌদোকপা থৌরমদা ৱা ঙাংখ্রে। থৌরম অদুদা শান্নরোয়শিং, কোচশিং অমসুং স্তাফ মেম্বরশিংদা ৱা ঙাংবদা প্রধান মন্ত্রীনা হায়খি লৈবাক শীনবা থুংবগী শান্নরোয়শিং পুল্লে অমসুং অখন্নবা লৌশিং অমসুং অচেৎপা ফিরেপ উৎলে। শান্নরোয়শিং অসিগী কৎথোকপা অমসুং হোৎনবা কনবা অসিনা অসিদা শান্নবগী অকনবা থৌনা অমা লৈহনবদা মতেং পাংলি। মখোয়না শান্নবা পামজবা অমসুং লেপ্তনা ফজনা শান্নবদগী লৈবাক অসিগী মিংচৎ পুরকপনি। মখোয়গী তুংগী থবক থৌরমশিংগীদমক শান্নরোয়শিংগী মফমদা য়াইফ পাউজেল পীজরি।
প্রধান মন্ত্রীনা হায়খি খেলো ইন্দিয়া য়ুথ গেমস মনুংদা পাত্না, রাজগির, গয়া, ভাগলপুর অমসুং বেগুসারাই য়াওনা বিহারগী তোঙান তোঙানবা সহরশিংদা অকন্নবা চাংদম্নবশিং পাংথোক্কনি। মখোয়গী মঙলানশিং অমসুং অনিংবশিং পুদুনা লাক্লিবা নহা ওইরিবা শান্নরোয় লিশিং ৬ রোম থৌরম অসিদা শরুক য়াগনি। হৌজিক ভারত্ত শান্নবা অসি তোপ-তোপ্পা নাৎকী মশক অমা ওইরক্লে। ভারত্ত শান্নবা চাউখৎলকপগা লোয়ননা, মালেমগী ফম্বাক্ত লৈবাক অসিগী সোফ পৱার হেনগৎলক্কনি। খেলো ইন্দিয়া য়ুথ গেমস অসিনা লৈবাক অসিগী নহারোলশিংদা মরুওইবা মফম অমা পীরে।
প্রধান মন্ত্রীনা হায়খি শান্নরোয়শিং লেপ্তনা ফগৎহনবা অসি য়াম্না মরুওই, মখোয়গী হৈশিংবা হেনগৎহন্নবা মেতচ মশিং য়াম্না শান্নবা অমসুং চাংদম্নবশিং হেন্না শরুক য়াবা য়াম্না মরুওই। হিরম অসিদা লৈঙাক্কী থৌশিলশিংদা মখোয়গী সরকারনা মতম পুম্নমক্ত মরুওইনা লৌরি। খেলো ইন্দিয়াগী মখাদা তোঙান তোঙানবা থাকশিংদা লৈবাক শীনবা থুংনা য়ুভর্সিতি গেমস, য়ুথ গেমস, ৱিন্তর গেমস অমসুং পেরা গেমসশিং পাংথোক্লি। হায়রিবা চাংদম্নবশিং অসিনা শান্নরোয়শিংগী থাজবা হেনগৎহল্লে অমসুং মখোয়গী হৈথোই-শিংথোইবা মাঙলোমদা পুখৎলে। ক্রিকেতকী খুদম অমা পীরদুনা, প্রধান মন্ত্রীনা নহা ওইনা আই.পি.এলদা ফজনা শান্নবগীদমক প্রধান মন্ত্রীনা বিহারগী ভাইভাব সুর্য়াভান্সি থাগৎপা ফোঙদোকখি। মহাক্না হায়খি মদুদি ভাইভাবনা কন্না হোৎনবা অসি য়াম্না মরুওই, মহাক্কী হৈথোই-শিংথোইবা অসি ওইরক্নবা হোৎনবদা তোঙান তোঙানবা চাংদম্নবশিং শরুক য়াবা অসিনা মরুওইবা থৌদাং অমা লৌরি। শান্নরোয় অমা হেন্না শানরিবমখৈ, মখোয় হেন্না ফগৎগনি। জাতি থাক্কী শান্নবগী খেন্নবশিং মশক খঙনবা অমসুং মমল য়াম্না লৌশিং কয়া ফংনবা খেলো ইন্দিয়া য়ুথ গেমসনা নহা ওইরিবা শান্নরোয়শিংদা খুদোংচাবা অমা পীরে।
প্রধান মন্ত্রীনা হায়খি ভারতনা ওলেম্পিক্সকী য়ুম্বু ওইবা হায়বসি মীওই খুদিংমক্না মতম কয়াগী মমাঙদগী মঙজরক্লবা মঙলান্নি। চহি ২০৩৬ দা ঐখোয়গী লৈবাক্ত ওলেম্পিক্স পাংথোক্নবা ঙসি ভারতনা থবকশিং পায়খৎলি। মালেমগী শান্নবগী থৌরমশিংদা লৈবাক অসি শরুক য়াবা হেনগৎহন্নবা লৈবাক অসিনা থবক পায়খৎলি। স্কুলগী থাক্ত শান্নবগী হৈথোই-শিংথোইবা মশক খঙদোক্নবা অমসুং মখোয়গী ত্রেনিং মতিক চানা পীনবা সরকারনা মীৎয়েং চঙলে। অফবা শান্নবগী ফিবম অমা শেমগৎনবা হোৎনবদা খেলো ইন্দিয়া অমসুং তার্গেত ওলেম্পিকগুম্বা থবকশিংনা মতেং পাংলে, বিহার শীনবা থুংনা অমসুং লৈবাক্কী অতৈ মফমশিংগী শান্নরোয় লিশিং কয়াদা কান্নবা পীরে। মখল কয়াগী শান্নবশিং থিদোক্নবা খুদোংচাবশিং শান্নরোয়শিংদা ফংহনবা য়াম্না মরুওই। ভারতকী ইনাখুল্লবা শান্নবগী পুক্কৈ চাউখৎনবা খেলো ইন্দিয়া য়ুথ গেমসতা অরিবা অমসুং মমাঙঙৈগী গেমশিং হায়বদি গাতকা, কালারিপায়াত্তু, খো-খো, মাল্লাখাম্বা অমসুং য়োগগুম্বা য়াওহল্লে। অনৌবা মশান্নশিংদা ভারতকী শান্নরোয়শিং শরুক য়াবা হেনগৎলক্লে। ৱুসু, সেপাক তাক্রো, পেনকাক সিলাত, লাউন বাউলস অমসুং রোল্লার স্কেতিংগুম্বা মশান্নশিংদা হন্দক শিংথাবা য়ানা শান্নবা উরে। ২০২২ কম্মনৱেল্থ গেমসতা ভারতকী নুপীগী তিম্না লাউন বাউলসদা মেদল অমা ফংখি, শান্নবা ভারত মালেমদা মশক তাকখি।
প্রধান মন্ত্রীনা হায়খি লৈবাক অসিদা শান্নবগী মচাক-মথুমশিং মতমগা চুনবা মওংদা শেমগৎনবা সরকারনা মীৎয়েং চঙলি। হৌখিবা চহি ১০ দা শান্নবগী বজেত শরুক অহুম হেনগৎলে. চহি অসিদা শান্নবগী বজেত লুপা করোর ৪,০০০ রোম ওইরে। বিহারদা সেন্তর ৩৬ য়াওনা লৈবাক শীনবা থুংনা খেলো ইন্দিয়া সেন্তর ১,০০০ হেন্না থবক তৌরি। রাজ্য সরকারনা থবক কয়া পাংথোক-চাউথোকহন্দুনা বিহারনা কেন্দ্র অমসুং রাজ্য সরকারশিংদগী কান্নবশিং ফংলে। রাজগিরদা খেলো ইন্দিয়া স্তেৎ সেন্তর ওফ এক্সলেন্স অমসুং বিহার স্পোর্তস য়ুনিভর্সিতি অমসুং অমসুং স্তেৎ স্পোর্তস একাদেমী লিংখৎলে। পাত্না-গয়া হায়ৱে পরিংদা স্পোর্তস সিতি অমা শেমগৎলি অমসুং বিহারগী খুঙ্গংশিংদা শান্নবগী মফম কয়া শেমগৎলে। লৈবাক অসিগী শান্নবগী মেপ্তা বিহারগী মফম অমা কনবদা খেলো ইন্দিয়া য়ুথ গেমসনা মখা তানা মতেং পাংলগনি।
প্রধান মন্ত্রীনা হায়খি শান্নবগী তাইবং অমসুং মসিগা শাগোন্নরিবা শেন্মিৎলোন অসি শান্নবুংগী ৱাংমা ফাওবা য়ৌরি, শান্নবনা নহারোলশিংদা থবক ফংনবা অমসুং ওন্ত্রাপ্রেন্যুরশিপগী অনৌবা খুদোংচাবশিং ফংহল্লি। ফিজিওথেরাপি, দেতা এনাইলাইসিস, স্পোর্তস তেক্নোলোজি, ব্রোদকাস্তিং, ই-স্পোর্তস অমসুং মেনেজমেন্তগুম্বা অনৌবা হিরমশিংনা থবক ফংনবগী খুদোংচাবা কয়া পীরে। নহারোলশিংনা কোচশিং, ফিতনেস ত্রেন্নরশিং, রিকুইতমেন্ত এজেন্তশিং, ইভেন্ত মেনেজরশিং, স্পোর্তস লোয়ারশিং অমসুং মেদিয়া এক্সপার্তশিং ওইনবা হোৎনগদবনি। ঙসিদি, স্তদিয়ম অসি শুপ্নগী মেতচশিংগী মফম অমা ওইদ্রে, মসি থবক লিশিং কয়া ফংহন্নবা মফম অমা ওইরে। নেসনেল স্পোর্তস য়ুনিভর্সিতি লিংখৎলকপা অমসুং অনৌবা নেসনেল ইজুকেসন পোলিসিগী খুৎথাংদা লাইরিক তম্বদা শান্নবা য়াওহল্লকপদগী স্পোর্তস ওন্ত্রাপ্রেন্যুরশিপগী খুদোংচাবশিং হেনগৎলক্লে। পুন্সিগী হিরম খুদিংমক্ত শান্নরোয় অমা ওইবগী ৱাখল্লোন চেনবা অসি য়াম্না মরুওই, শান্নবগী পুন্না থবক তৌমিন্নবা অমসুং খাংবা কনবগী গুনশিং চেনহল্লি। শান্নরোয়শিংনা মখোয়না হৈজবা মওংদা ফজনা শান্নগদবনি অমসুং ব্রান্দ এম্বেসেদরশিং ওইনা ‘এক ভারত, শ্রেস্থা ভারত’ গী ৱাখল্লোনগী মহুৎশীনগদবনি। শান্নরোয়শিংনা বিহারগী নুংঙাইরবা থৌদোকশিং পুদুনা চৎখিগনি হায়বগী থাজবা থম্লি। অতোপ্পা রাজ্যশিংদগী লাকপা শান্নরোয়শিংনা লিত্তি চোখা অমসুং বিহারগী মমিং লৈরবা মখানা মহাও তংগদবনি।
খেলো ইন্দিয়া য়ুথ গেমসনা শান্নরোয়শিংগী মরক্ত শান্নরোয় অমা ওইবগী ৱাখল্লোন অমসুং মরৈবাক নুংশিবগী ৱাখল অনিমক হেনগৎহনগনি হায়বগী থাজবা ফোঙদোকপগা লোয়ননা, প্রধান মন্ত্রীনা ওফিসিএল ওইনা ৭ শুবা খেলো ইন্দিয়া য়ুথ গেমস হৌদোক্লে হায়না লাউথোকখি।
থৌরম অদুদা শরুক য়াখিবা অতোপ্পা শক্নাইরবা মীওইশিংগী মনুংদা বিহারগী চীফ মিনিস্তর শ্রী নিতিস কুমার, য়ুনিয়ন মিনিস্তরশিং শ্রী মনসুখ মন্দাবিয়া, শ্রীমতি রক্ষা খারসে, শ্রী রাম নাথ থাকুর য়াওখি।
