প্রধান মন্ত্রী শ্রী নরেন্দ্র মোদীনা ২শুবা ইন্দিয়া-নোর্দিক সম্মিৎকী মনুংদা কোপেনহেগন্দা স্বিদেনগী প্রধান মন্ত্রী ঐচ.ই. মিস মেগদালেনা এন্দরসনগা মীফম পাঙথোকখ্রে। মসি লুচিংবা অনি অসিগী মরক্তা পাঙথোকপা অহানবা মীফমনি।
মান্নবা ৱাখল্লোনশিং; মপাঙ্গল কনবা বিজিনেস, ইনভেস্তমেন্ত অমসুং আর এন্দ দিগী মরীশিং; অমসুং মালেমগী শান্তি, ঙাকশেল অমসুং চাউখৎ-থৌরাংগী মান্নবা থৌশিলদা য়ুম্ফম ওইরগা ভারত অমসুং স্বিদেনগী মতম শাংলবা অনকপা মরীশিং লৈনৈ। ইনোবেসন, তেক্নোলোজী, ইনভেস্তমেন্ত অমসুং আর এন্দ দি কোল্লাবোরেসনশিংনা মতমগা চুনরবা মরী অসিগী য়ুম্ফম থোল্লি। প্রধান মন্ত্রী মোদীনা অহানবা ইন্দিয়া-নোর্দিক সম্মিৎকী থৌরমদা ২০১৮দা চৎখিবা স্বিদেনগী খোঙচৎ অদুদা নাকল অনিদগী জোইন্ত এক্সন প্লান মখল কয়ামরুম পাইখৎনবা অমসুং জোইন্ত ইনোবেসন পার্তনরশিপ অমা খুৎয়েক পীনখি।
ঙসিগী মীফম অসিদা লুচিংবা অনিনা ঐখোয়গী বাইলেতরেল পার্তনরশিপকী খুমাং চাউশিল্লিবা অদুবু য়েংশিনখি। মখোয়না লীদ আই.তি. ইনিসিএতিবতা খুমাং চাউশিল্লিবা অদুদা অপেনবা ফোঙদোকখি। মসি লো-কার্বন ইকনোমীগী মাইকৈদা মালেমগী খ্বাইদগী লুম্বা গ্রীনহাউস গ্যাস (জি.ঐস.জি.) থাদোরকপা ইন্দস্ত্রীশিংবু লুচিংবদা মতেং পাংনবা সেপ্তেম্বর ২০১৯দা পাংথোকখিবা য়ু.এন. ক্লাইমেৎ এক্সন সম্মিত্তা ইন্দস্ত্রী ত্রাঞ্জিসন (লীদআই.তি.)দা লীদর্শীপ গ্রুপ অমা শেম্নবা ভারত-স্বিদেনগী অপুনবা গ্লোবল ইনিসিএতিব অমনি। মসিগী মেম্বরশীপ অসি লৈবাক ১৬ অমসুং কম্পনী ১৯গা লোয়ননা হৌজিক ৩৫ শুরে।
লুচিংবা অনিনা ইনোবেসন, ক্লাইমেৎ তেক্নোলোজী, ক্লাইমেৎ এক্সন, গ্রীন হাইদ্রোজেন, স্পেস, দিফেন্স, সিভিল, এভিএসন, আর্কতিক, পোলর রিসর্চ, সস্তেনেবল মাইনিং অমসুং ললোল ইতিক অমসুং শেন্মীৎলোনগী মরিশিংগুম্বা লমশিংদা কোওপরেসন পীনবা হেনগৎহন্নবা ওইথোকপা য়াবশিংগী মতাংদা খন্নখি।
রিজনেল অমসুং গ্লোবল দিভেলপমেন্তশিংদসু খন্ন-নৈনবা পাঙথোকখি।
Cementing ties with Sweden.
— PMO India (@PMOIndia) May 4, 2022
PM @narendramodi and @SwedishPM Magdalena Andersson held extensive talks on further diversifying the India-Sweden friendship. pic.twitter.com/d1bXP5JW5u
