Share
 
Comments
Hunar Haat has given wings to the aspirations of artisans: PM Modi
Our biodiversity is a unique treasure, must preserve it: PM Modi
Good to see that many more youngsters are developing keen interest in science and technology: PM Modi
New India does not want to follow the old approach, says PM Modi
Women are leading from the front and driving change in society: PM Modi
Our country's geography is such that it offers varied landscape for adventure sports: PM Modi

ঐগী নুংশিজরবা ইরৈবাকচাশিং, মন কী বাত অসিনা পাম্বৈ ওইরগা কচ্ছতগী কোহিমা ফাওবা, কশ্মীরদগী কন্যাকুমারী ফাওবা, লৈবাক অসিগী মীয়াম পুম্বগী মফমদা অমুক হন্না খুরুমজনবগী তঞ্জা ফংজবা অসি ঐগীদি লাইবক ফবনি। ময়াম পুম্নমকপু খুরুমজরি। পাক চাউরবা ইরৈপাক অমদি মখল মথেল কয়ামুক অসিবু নিংশিংবা, নৈনবা হায়বা অসিনা ভারত্তা লৈরিবা পুম্নমক্কী চাউথোকচনিঙাই ওইরি। অদুগা অসিগুম্লবা মখল মথেলশিং অসি হকথেংননবগী তঞ্জা ফংলকপদা শুমহৎনিঙাই ওইবা, নুঙাইবনা পিক থলহনবিবা, মায়কৈ অমরোমদা হায়জবা তারগদি থৌইনশিন পীবিবা লৈরাং হায়বদুনি। নুমীৎ খরনিগী মমাংদা ঐহাক দিল্লীগী হুনর কৈথেলগী পিক্লবা মফম অমদা ইরৈবাক অসিগী নাৎ, মহৌশাদগী চৎনরকপশিং, চাবা থকপা অমদি পুক্নিং ইহুলগী ওইবা মখল মথেল কয়া উবা ফংজখি। মহৌশাদগী চৎনরক্লবা ফিজোল, খুৎনা শাবা পোৎলমশিং, ফিদা, কোল-লিক, ৱাগী পোত্থোকশিং অমদি পিথ্রাইগী পোৎলম, পঞ্জাবকী খুৎনা লোনবা পোৎলম, অন্ধ্র প্রদেশকী শউনগী পোত্থোক, তামিল নাদুগী অয়েকপা লাইশিং, উত্তর প্রদেশকী পিথ্রাইগী পোত্থোক, ভাদোহিগী ফিদা, কচ্ছকী কোরিগী পোত্থোক, ইশৈ নোংমাইদা শিজিন্নবা মখল মথেলগী য়ৈন-খোংনবশিং, ভারত পুম্বগী কালা অমসুং নাৎকী মশকশিং অদু তশেংনমক অঙকপনি। মসিবু পুথোকপীরিবা খুদোলশিং অদুগী লাইনিং, হোৎনবিবা অমদি শিনফমশিং অদুবু নুংশিজবগী ৱারীশিং অদু থোইদোক্না পুক্নিং থৌগৎনিঙাই ওই। হুনক কৈথেলদুদা শোইনাইরবা নুপী অমগী ৱা তারুবদা য়াম্না অপেনবা ফাউখি। অহানবদা অয়েকপা লাইশিং ফুৎপাথতা য়োল্লম্মী হায়না মহাক্না তম্মি, অদুবু হুনর কৈথেলগা শমজিন্নবদগীদি মহাক্কী পুন্সীদা অওনবা অমা লাকখ্রে। ঙসিদি মহাক মশানা মশাবু থাজজবতা নত্তনা মশাগী য়ুম অমসু লৈশিনজরে। হুনর কৈথেলদা ঐ অতোপ্পা খুৎহৈবা কয়া অমগা থেংনবা, ৱারী শাবা ফংজরকই। ঐঙোন্দা হায়বিরকপগী মতুং ইন্না হুনর কৈথেলদা শরুক য়াবিরিবা খোৎলোইবশিং অসি চাদা ৫০দি নুপীনি হায়। অদুগা হৌখিবা চহী অহুম অসিগী মনুংদা হুনর কৈথেল অসিগী পাম্বৈদগী খুৎ-শা হৈবা কাংবুশিং অসি চাউরাক্না মীওই লাখ অহুম্মুক থবক ফংজনবা তঞ্জা ফংজবা ঙমজরে। হুনর কৈথেল অসি খুৎ-শা হৈবা উৎননবা ফম্বাক অমা অদুম ওইজরিবনি, মসিগা লোয়ননা মীওই কয়াগী মংলানবুসু শাখপ পীরিবনি। লৈবাক অসিগী মখল মথেল কয়াগী মরক্তা থৌশাদবা শুকঙম হেক ঙমজদবা মফম অমা লৈরি, খুৎ-শা হৈবা অসিগা লোয়ননা ঐখোয়গী চানা থক্নবগী মখল মথেলশিং অদুনি। মফমদুদা পরেং অমত্তদা ইদলি-দোসা, ছোলে-ভতুরে, দাল-ভাতি, খামন-খান্দবিনচিংবা মখল মথেল কয়া কয়ানি। ঐ ইশামক মফমদুদা বিহারগী হাওখ্রবা লিত্তি-চোখা চাজরকই। ওন্থোক্না হাওখ্রে। ভারতকী মফম কয়ামুক্তা অসিগুম্বা মেলানচিংবশিং অসি পাংথোক্তুনতা লৈরিবনি। ভারতপু খংননবগীদমক্তা, হকথেংননবগীদমক্তা তঞ্জাবু ফংলবদি চৎপীগদবনি। এক ভারত শ্রেস্থ ভারত হায়বা অসিদা মপুং ফানা হিংজনবগীদমক মসিনা তঞ্জা অমা পীরিবনি। লৈবাক অসিগী কালা অমদি নাৎকা অদোম্না ফংজবতা নত্তনা হোৎনবা কনবা খুৎহৈবশিং, মরুওইনা নুপীশিং অসিনা তানখৎচরপা অদুসু মতেং ওইগদৌরিবনি, শোইদনমক চৎপীয়ু।

ঐগী নুংশিজরবা ইরৈবাকচাশিং, ঐখোয়গী লৈবাক অসিগী মহৌশাদগী চৎনরকপা থোইদোক হেন্দোকপা লৈজরি। থৱাই পানবশিংবু নুংশিবা, মহৌশাবু নুংশিবনচিংবা মহৈদগী মশিংদগী ঐখোয়গী ইপা ইপুশিংনা ঐখোয়গী লন ওইনা থম্বীরম্মি। ভারতকী অসিগুম্লবা ফিভম অসিদনি মালেমগী মফম পুম্নমক্তগী তোঙান তোঙানবা উচেকশিংনা চংজফম লৌররিবা, ভারত্তা লাক্লিবা। চহী চুপ্পা মাইগ্রেতরী স্পেসিসশিং অসিগী ময়ুম ওইররিবনি। তোঙান-তোঙানবা মফমশিংদগী তোঙান-তোঙানবা উচেক মখল ৫০০ হেন্না লাকই হায়রি। হৌখিবা নুমীৎ খরনিদা গান্ধীনগরদা সি.ও.পি.-১৩ কনভেন্সন পাংথোক্তুনা হিরম অসিদা খন্ন-নৈনখি। মসিদা ভারতপু থোইদোক্না থাগৎপীখি। ঐখোয়গীদমক চাউথোকচনিঙাই ওইরিবা ৱাফমদি লাক্কদৌরিবা চহী অহুম অসি মাইগ্রেতরী স্পেসিসতা পাংথোক্কদৌরিবা সি.ও.পি. কনভেন্সন অসি ভারতনা থৌরম মপুং ওইগনি। অসিগুম্লবা তঞ্জা অসিবু করম্না কানহনশিগে হায়বসিগী মতাংদা ইশা ইশাগী সজেসন থাবিরকউ।

সি.ও.পি. কনভেন্সনগী মতাংদা নৈনরিঙৈ মরক অসিদা ঐহাক মঘালয়াগী মরী লৈনবা মরুওইবা ৱাফম অমা নিংশিংলকই। হন্দক্তা বাইওলোজিস্তশিংনা মঘালয়াগী শুরুং খক্তদা ফংবা ঙা মখল অমা পুথোরক্লি। হায়রিবা ঙা মখল অসি শুরুংগী লৈনুংদা লৈবা ঈশিংদা হিংবা থৱাইপানবশিংগী মনুংদা খ্বাইদগী চাউবনি হায়না লৌনরি। ঙা অসি মঙালনা য়ৌশিনবদা ৱানা থোক্লবা অন্দরগ্রাউন্দ কেবকী অমম্বদা য়াম্না লুনা লৈ। অসুক চাউখ্রবা ঙা অসি অসুক লুখ্রবা শুরুংসিদা কমদৌনা হিংবা ঙম্লিবনো হায়বসিদা বিজ্ঞানিকশিংসু অঙকপা ফাওরি। নুঙাইজরিবা ৱাফমদি ঐখোয়গী ভারত অদুগা মরু ওইনা মাঘালয়াদা অসিগুম্বা তাংলবা মখল অসিগী ময়ুম ওইররি। ঐখোয়গী অকোইবদা অসিগুম্লবা অঙকপা কয়া অমা পুথোক্তনা লৈরি। অঙকপশিং অসিবু থিজিন্ননবা কন্না হোৎনবা অমা চংই।

তামিলগী অথোইবা কবিয়া অভাইয়ারনা অসুম্ন ইরি: কত্তাত কেমাভুন কাল্লাদারু উদগাদভু, কাদ্দাত কামিয়ান অদভা কাল্লাদার ওলাদু।

মসিনা হায়রিবদি, ঐখোয়না খংলিবা অসিদি লৈঙোই খুবাম অমখক্তনি, ঐখোয়না খংদ্রিবা অসিদি তাইবং মালংপান অসিগা চপ মান্নৈ। ঐখোয়গী লৈবাক অসিগী মতাংদসু অসুম্না ওইরিবনি। ঐখোয়না খংলিবা অসিগী মতিক ৱাৎপনা হেল্লিবনি। ঐখোয়গী বাইওদাইবর্সিতী অসিসু মীওইবা খুন্নাইগীদমক্তদি অঙকপা পুক্কৈনি। মসিবু ঐখোয়না তাশি খোমজিনবিগদবনি, ঙাকপী শেনবিগদবনি অদুগা এক্সপ্লোরসু তৌবিগদবনি।

ঐগী নুংশিজরবা ইনখৎলক্লিবা মরূপশিং, হন্দক মরক অসি ইরৈবাক অসিগী অঙাংশিং, ইনখৎলক্লিবশিং অসিনা সাইন্স অমদি তেক্নোলোজীদা থৱাই য়াওশিনবা অসি হেঙ্গৎলক্লি। মালংদা রেকোর্দ সেতেলাইত থাগৎপা, অনৌ-অনৌবা রেকোর্দ, অনৌ-অনৌবা মিসনশিংনা ভারত মচা পুম্ববু চাউথোকহল্লি। অঙাংশিংদা ইনখৎলক্লিবশিংদা থৌনা পীননবগীদমক সাইন্তিফিক তেম্পর হেঙ্গৎহন্নবগীদমক থৌরাং অমগা অমুক পায়খৎলে। হৌজিক্তি ময়াম্না শ্রীহরি কোতাদা পাংথোকপা রোকেৎ লোঞ্চিং অসি মাংদা ফমদুনা য়েংবা য়ারে। মসি ময়ামগীদমক্তা হন্দক্তা হাংদোক্লবনি। ভিজিতর গেলরী শারে, মসিদা মীওই লিশিং ১০ ফম্বা য়াননবা থৌরাং লৈরে। ইসরোগী ৱেবসাইত্তা পীরিবা লিঙ্ক অদুদগী ওনলাইন বুকিং তৌবসু য়ারে। মতুংদদি মসিগী খুদোংচাবা অসি লৌবিনবা ঐহাক্না স্কুলগী প্রিন্সিপাল অমদি ওজাশিংদসু হায়জগনি।

মরূপশিংগী মফমদা নুঙাইরবা ৱাফম অমত্তগা থমজনিংই। ঝারখন্দগী ধনবাদ হায়বা মফমদুদা লৈবা পারসকী কমেন্ত অসি ঐনা নমো এপতা পাজৈ। পারসনা পামজরিবা অসি ঐহাক্না ইনখৎলক্লিবা মরূপশিংগী মফমদা ইসরোগী ‘য়ুবিকা’ প্রোগ্রমগী মরমদা পাউদম্বনি। ‘য়ুবিকা’ অসি ২০১৯দা স্কুল তম্লিবা মহৈরোইশিংগীদমক্তা লোঞ্চ তৌখিবনি। ‘য়ুবিকা’ হায়বদি ‘য়ুব বিজ্ঞানি কার্য়ক্রম’ হায়বনি। হায়রিবা প্রোগ্রম অসিদা এগজাম লোইখ্রবা ছুতি ওইদুনা লৈবা মতম অদুদা মহৈরোইশিংনা ইসরোগী তোঙান তোঙানবা সেন্তরশিংদা চৎতুনা স্পেস তেক্নোলোজী, স্পেস সাইন্স অদুগা স্পেস এপ্লিকেসনগী মরমদা তম্মি। মসিগী মতাংদা ত্রেনিংনা কমদৌবগে, করম্বা মখলগীনো, কয়াম নুঙাইনিঙাই ওইবনো হায়বদো মমাংদা এতেন্দ তৌরুরবশিংগী এক্সপরিয়েন্সশিং অদু শোইদনা পাবীয়ু। ইশামক এতেন্দ তৌবিনিংবা ওইরগনা ইসরোগা মরী লৈনবা ‘য়ুবিকা’গী ৱেবসাইত্তা চংবিরগা ইশাগী রেজিস্ত্রেসনসু তৌশিনবিবা য়াই। ঐগী ইনখৎলক্লিবা মরূপশিংগী মফমদা ৱেবসাইত্তুগী মমিং অমুক্তং থমজগে শোইদনমক মসিদা ভিজিৎ তৌবিয়ু – www.yuvika.isro.gov.in. অদোম্না মসি ইশিনবিরব্রা?

ঐগী নুংশিজরবা ইরৈবাকচাশিং, ২০২০গী জনুৱারী ৩১দা ইতিহাসকী ওইবা থৌদোক অমগী সাক্ষি লদাখকী নিংথিরবা মহৌশা লাইরেম্বীগী তম্পাক্না ওইখি। লেহগী কুশোক বাকুলা রিম্পোচে এয়ারপোর্ততগী ইন্দিয়ান এয়ারফোর্সকী এ.এন.-৩২ এয়ারক্রাফ পায়খৎপা অসিনা অনৌবা ইতিহাস অমা শেম্লে। পায়খৎপা অদুদা ইন্দিয়ান বাইও-জেৎ ফ্যুএল চাদা ১০ য়ান্সিন্নখি। ইঞ্জিন অনিমক্তা অসিগুম্লবা য়ানসিন্নবা অসিবু শিজিন্নবা অসি মসিনা অহানবনি। মসিদসু নত্তনা লেহগী এয়ারপোর্ত অসিদগী পায়খৎলিবা এরোপ্লেন অসি ভারত খক্তগী নত্তনা মালেমগী খ্বাইদগী ৱাংবা মফমশিংদা লৈরিবা এয়ারপোর্তশিংগী মনুংদা অমনি। মরুওইরিবা ৱাফমদি বাইও-জেৎ ফ্যুএল অসি নন-ইদিবল ত্রী বোর্ন ওইলনা শেম্বনি। মসি ভারতকী তোঙান তোঙানবা ত্রাইবেলশিংদগী লৈবনি। অসুম্না হোৎনবা অসিনা কার্বোন থাদোকপদসু হন্থরকপদা নত্তনা শুংদোক্ত্রিবা থাউ ভারতনা লৈশিল্লিবা অসিসু হন্থগনি। চাউখ্রবা থবক অসিগা মরী লৈনরিবা পুম্নমকপু ঐ ইশাগী মায়কৈদগী থাগৎপা ফোংদোকচরি। থোইদোক্না সি.এস.আই.আর. অমসুং ইন্দিয়ান ইন্সতিত্যুৎ ওফ পেত্রোলিয়ম, দেহরাদুনগী বিজ্ঞানিকশিংবু থাগৎচরি। মখোয়ননি বাইও ফ্যুএলনা এরোপ্লেন পাইবগী তেক্নিক ওইথোকহল্লিবা অসি। মখোয়গী হোৎনজমন অসিনা মেক ইন ইন্দিয়াবুসু হেন্না মথৌ শংলে।

ঐগী নুংশিজরবা ইরৈবাকচাশিং, ঐখোয়গী অনৌবা ভারত অসি অরিবা এপ্রোচকা লোয়ননা চৎমিন্ননরোই। মরুওইনা ন্যু ইন্দিয়াগী ঐখোয়গী ইচল-ইচে অমদি ইমাশিংদি মাংজিল থাদুনা শিংনবশিং অদু মখুৎতা পায়রবনি। মসিনা খুন্নাই অসিদা অফবা অওনবা অমা উবা ফংলি। বিহারগী পুর্নিয়াগী ৱারী লৈবাক পুম্বগী মীওইশিংদা পুক্নিং থৌগৎনিঙাই ওইরিবনি। মফম অসি দিকেদ কয়াদগী হৌনা ঈশিং ইচাউগী খুদোংথিবা মায়োক্নরি। মসিনা মফম অসিদা লৌউ-শিংউ অমদি শেন্থোক লম্বীগী মচাকশিং খোমজিনবদা ৱানা থোক্লিবনি। অদুবু অসিগুম্লবা মফম অসিদা পুর্নিয়াগী নুপী খরনা তোঙানবা লম্বী অমা থিরকখি। অহানবদা লমদম অসিগী নুপীশিং অসিনা কাব্রংচাক পাম্বীদা মুগা তিন য়োক্তুনা মহুম শেম্মি, অদুগা মদুগী মমলদি য়াম্না হোংনা ফংই। অদুগা অমরোমদা মসিবু লৈরিবা কাংবুনা হায়রিবা মহুমশিং অসিদগী মুগা লং শেম্দুনা শেন্দোং চাউনা তাল্লি। অদুবু ঙসিদি পুর্নিয়াগী নুপীশিং অসিনা থৌরাং অমা হৌদোক্তুনা শক্তম পুম্বা হোংদোক্লে। নুপীশিং অসিনা লৈঙাক্কী মতেং লৌদুনা অপুনবা কাব্রংচাক্কী পোত্থোক অমা শেমগৎলে, অদুদগী মখোয়না মহুম অদুদগী মুগা লে শেম্দুনা মখোয় মশাগী সারি ফীশিং শাবা হৌগৎখি। ময়াম্না তাবদা ঙকপীগনি, অহানবদা মহুম য়োন্দুনা শেনফম খরা খক্তা ফংলম্বা অদু হৌজিক্তি মদুনা শারি শাদুনা লুপা লিশিং কয়াদা য়োল্লি। ‘অদর্শ জীবিকা মহিলা মলবেরী প্রদক্সন গ্রুপ’কী ইচল-ইচেশিংনা পাংথোকপীরিবা থৌওং অসিগী থৌইনশিন হৌজিক্তি খুঙ্গং কয়াদা উবা ফংলে। পুর্নিয়াগী খুঙ্গং কয়াগী লৌমী ইচল-ইচেশিং অসি হৌজিক্তি শারি শাবতা নত্তনা অচৌ অচৌবা মেলাশিংদা মশাগী স্তোল লৌদুনা য়োল্লি। মসি মসিগী নুপী মীরোলশিং অসিগী অনৌবা পাঙ্গল অনৌবা ৱাখল্লোনগা লোয়ননা কমদৌনা অনৌ পান্দম ফংখিবগে হায়বদুগী খুদম অমনি।

ঐহাক্কী নুংশিজরবা ইরৈবাকচাশিং, ঐখোয়গী লৈবাক্কী নুপীশিং, ইচানুপীশিং অসিগী ইন্তরপ্রিনরশিপ, মখোয়গী থৌনা, ঐখোয় পুম্নমক্কীদি চাউথোকচনিঙাইনি। ঐখোয়গী অকোয়বদা অসিগুম্লবা খুদম কয়ামরুম ফংলিবনি, মসিদগী ঐখোয়না খংবা ঙম্লিবদি ইচানুপীশিং অসিনা অরীবা লীপুন কয়া থদৎতুনা অৱাংবা মফম অমা ফংবা ঙমজরে হায়বসিনি। চহী ১২দা ঙায়রিবী ইচানুপী কাময়া কার্তিকেয়ানগী এচিবমেন্তপু ঐহাক ময়ামগী মফমদা সেয়ার তৌজনিংই। চহী ১২ খক্তা ঙাইরিবী কাময়ানা মাউন্ত একোনকাগুৱা কাদুনা শিংথানিঙাই ওইনা মায় পাকপা ঙমখ্রে। মসি অমেরিকাগী এন্দেস চিংশাংগী খ্বাইদগী ৱাংবা চাউরাক্না মীতর ৭০০০ ৱাংবা চিংদোলনি। থাবুম অসিগী হৌগৎলকপদা কাময়ানা চিংদোল অসিদা মায় পাক্না কাদুনা ইহান হান্না ভারতকী মচু অহুমগী ফিরাল পায়হল্লুবা অসি ঐখোয় ভারতকী মীওই পুম্নমক্কী থমোইবু হুমদুনা পুবা ঙম্বা ৱাফম্নি। ঐঙোন্দা খংহনবিরকপগী মতুং ইন্না লৈবাক অসিগী চাউথোকচনিঙাই ওইরিবী কাময়া অসি হৌজিক অনৌবা মিসন অমদা লৈরি, মমিংনা ‘মিসন সাহস’ কৌই। মসিগী মখাদা মহাদ্বিপ পুম্নমক্কী খ্বাইদগী ৱাংবা চিংদোলশিংবু মতোল লোম্না কাননবা হোৎনরি। হায়রিবা মিসন অসিদা মহাক নোর্থ অমসুং সাউথ পোলদসু স্কী থৌগনি।

ঐহাক্না ‘মিসন সাহস’কীদমকসু কাময়াগী মফমদা য়াইফ পাউজেল পীজরি। কাময়াগী অসিগুম্লবা এচিবমেন্ত অসিনা ময়াম পুম্নমকপু ফিৎ ওইনা লৈননবা থৌইনশিন অমসু পীরিবনি। চহী অসুক নৌরিবী কাময়ানা ৱাংলবা চিংদোল লোম্বা ঙম্বা হায়বা অসিদা ফিৎনেসকীসু অচৌবা থৌদাং অমা লৈরিবনি। ফিৎ ওইরিবা লৈবাক অদু মতম চুপ্পগী ওইনা হিৎ ওইগনি। তৌবগীসু লাক্কদৌরিবা থা অসিদি এদবেঞ্চর স্পোর্তসকীদমক্তা য়াম্না চুনবা মতমনি। ভারতকী জিওগ্রাফী অসিদি এদবেঞ্চর স্পোর্তসকী তঞ্জা য়াম্না পীরিবা মফম অমনি। মায়গৈ অমরোমদনা ৱাংল-ৱাংলবা চিংজাওনি অদুগা অমরোমদনা পাক্ল-পাক্লবা লৈঙোই লম্নি। মায়কৈ অমদনা শক্না মম্লবা উমং, অদুগা অমরোমদনা মপাল নায়দ্রবা ইপাক শন্দোক্লি। মরম অদুনা ময়াম পুম্নমক্কী মফমদা ঐহাক্না থোইদোক্না থমজনিংবা ৱাফমদি অদোমসু ইশাগী অপাম্বা মফম, অপাম্বা এক্তিবিতী খনবিয়ু, অদুগা ইশাগী পুন্সীবু এদবেঞ্চরদা শোইদনমক্কী শনজিন্নবিয়ু। পুন্সীসিদা এদবেঞ্চর হায়বসি লৈফম থোকপা নত্রনে? মরূপশিং চহী ১২ খক্তগী কাময়ানা মায় পাকপগী ৱারী তারবগী মতুংদা চহী ১০৫ শুরবী ভগিরথী অম্মানা মায় পাকপগী ৱারী তাবিরগদি হেন্না ঙকপীগনি।

মরূপশিং, করিগুম্বা ঐখোয়না পুন্সী অসিদা থোইগৎহনগে, হেঙ্গৎহনগে, করিগুম্বা খরা তৌগা হায়না লেপ্লগদি অহানবা পোন্থা অসি ঐখোয়গী নুংদা য়াওরিবা মহৈরোই অদু মুৎহনবীরোইদবনি। চহী ১০৫ শুরবী ঐখোয়গী ভগিরথী অম্মানা ঐখোয়দা পীরিবা থৌইনশিন অসি মসিনি। ময়াম্না খনবীরমগনি, ভগিরথী অম্মা অসি কনানো হায়না! ভগিরথী অম্মা অসি কেরলাগী কোল্লামদা লৈবিনি। য়াম্না ঙল্লিঙৈদগী হৌনা মমা কায়নখ্রবীনি। চহী নৌরিঙৈদা য়ুম্বাল্লবা মতুং মপুরোইবগসু কায়নরে। অদুবু ভগিরথী অম্মাগী থৌনা হনখিদে, পুক্নিং ইহুল নেমখিদে। চহী ১০ ফাদ্রিঙৈদা মহাক স্কুল থাদোকপা তাখি। চহী ১০৫ শুরকপদা মহাক্না অমুক স্কুল তম্বা হৌরে। চহী অসুক য়াম্লবসি ফাওবা ভগিরথী অম্মানা লেভেল ৪গী একজাম পীরিবনি, অদুগা য়াম্না লাংতক্ননা মদুগী রিজল্ত ঙাইরিবনি। পরিক্ষাদা মহাক ৭৫ পর্সেন্ত ফংই। অদুদসু নত্রি, অঙ্কদদি সেন্ত পর্সেন্ত ফংলি। অম্মানা হৌজিক মখা তমথবা পাম্লি, মখা তাবা পরিক্ষাশিং থানিংলি। ভগিরথী অম্মাগুম্বীশিং অসি লৈবাক অসিগী পাঙ্গলনি হায়বসি মসিনা তাকচরে। পুক্নিং থৌগৎনিঙাইগী অচৌবা ইফুৎ অমনি। ঙসিদি ঐহাক মরুওইনা ভগিরথী অম্মাবু খুরুমজরি।

মরূপশিং, পুন্সীগী তায়োন্নবা তঞ্জাদা ঐখোয়গী থৌনা, ঐখোয়গী পাঙ্গলনা ওইরক্লিবা ফিভম অদুবু ওন্থোকপা ঙম্মি। হন্দক্তা মীদিয়াদা ঐহাক্না ৱারী অমখক পাজৈ, মদু ঐহাক্না ময়ামগী মফমদা সেয়ার তৌজনিংই। ৱারী অসি মোরাদাবাদকী হমিরপুর খুঙ্গংদা লৈবা সলমানগীনি। সলমান পোকপদগী শোয়নাইরক্লবনি। মহাক্তি খোংগী থৌনা য়াওদ্রবনি। অৱাবা অসি মায়োক্নদুনসু মহাক মায়থিরে হায়না য়াবা ঙমজখিদে, অদুনা মহাক মশামক্না মশামক্কী থবক হৌজনবা ৱারেপ লৌজখি। মসিগা লোয়ননা মহাক্না মহাক্কুম্বা অতৈবুসু মতেং পাংলগে হায়না ৱারেপ লৌখি। অদুদগীদি সলমান্না মহাক্কী খুঙ্গংমক্তদা চপল অমদি দিতর্জেন্ত শাননবগী থবক হৌগৎখি। মরুওইরিবা ৱাফমদি সলমান্না মহাক্কুম্বা মহাক্কী মরূপশিংদা মহাক মশামক্না ত্রেনিং পীরি। হৌজিক্তি মখোয় ময়াম পুন্সিন্দুনা শাবসু শারি অদুগা য়োনবসু য়োল্লি। মশানা হোৎনজবা অসিনা মখোয়না মশাগী থবক পীজবতা নত্তনা মখোয়গী ক্পেনীসু শেন্দোং লৈহল্লে। হৌজিক মখোয়শিং অসি পুন্সিন্নদুনা নোংমদা চপল ১৫০ শাবা ঙম্লে। মসিদসু নত্তনা সলমান্না হন্দক্কী চহী অসিদা নামা শোয়রবা ১০০দসু থবক পীনবা ৱারেপ লৌরি। ঐহাক্না পুম্নমক অসিগী থৌনা, মখোয়গী ইন্তরপ্রিনরশিপ্পু ইকায় খু্ম্নবা উৎচরি। অসিগুম্লবা নিংবগী পাঙ্গল অসি গুজরাতকী কচ্ছ হায়বা মফম অদুগী অজরক খুঙ্গংগী মীওইশিংনসু উৎলি। ২০০১দা থোকখিবা মাং-তাক্নিঙাইগী মশক ওইরবা য়ুহা হাবা অদুগী মতুংদা মীপুম খুদিংমক খুঙ্গং থাদোক্তুনা চৎনরবা মতম্নি। মতমদুদা ইস্মাইল খাত্রি কৌবা মীশক অসিনা খুঙ্গংদুমক্তদা লৈদুনা অজরক প্রিন্তকী মশাগী মহৌশাদগী চৎনরকপা কালা অদুবু য়োকখৎনবা ৱারেপ লৌখি। অদুদগীদি উনা-উনা মহৌশাদগী ফংজবা মচুশিংনা শেম্বা অজরক আর্ত অদুনা মীপুম খুদিংমকপু শুমহৎখি। অদুগা খুল পুম্বা অদু মহৌশাদগী লৈজরক্লবা খুৎহৈবগী কালা অদুদা য়াওশিনখি। খুলগী মীওইশিং অদুনা চহী চা কয়া লীরবা অদুগুম্লবা মশাগী কালা অদুবু য়োকখৎপদা নত্তনা অনৌবা ফেসনগী মহাও অমগসু শমজিন্নহল্লে। হৌজিক্তি অচৌ-অচৌবা দিজাইনশিং, অচৌ-অচৌবা দিজাইন ইন্সতিত্যুৎশিং অজরক প্রিন্ত শিজিন্নবা হৌরে। খুঙ্গংগী হোৎনবা কনবা কাংবুশিং অসিনা মরম ওইরগা ঙসিদি অজরক প্রিন্ত অসি অচৌবা ব্রান্দ অমা ওইরে। মালেম অসিগী অচৌবা লৈবাকশিংগী চাউনা লৈবিবশিং অসিগুম্বা প্রিন্ত অসিদী মীৎয়েং চিংশিল্লক্লি।

ঐগী নুংশিজরবা ইরৈবাকচাশিং, লৈবাক শিনবা থুংনা মহা শিবরাত্রিগী কুমহৈ নহান্দা পাংথোকখ্রে। ভগবান শিব অমসুং ইমা ইবেম্মা পার্বতিগী থৌজালনা মীয়াম্বু মীৎ-না শিংহল্লি। মহা শিবরাত্রিগী মতমদা মহাদেবনা পুম্নমক য়াইফ মঙ্গোল পীবিদুনা অপাম্বা অনিংবা পুম্বা থুংহনবিবা ওইসনু, পুম্নমক মশা মউ ফনা হকচাং নাদা য়েক্তনা নুঙাইবা য়াইফবা ওইদুনা ইমা লৈবাক্কীদমক্তা থৌদাং পাংথোকপা ঙম্বা ওইরসনু।

মরূপশিং, মহা শিবরাত্রি লাকখিবগা লোয়ননা য়েনিংথাগী নিংথিজবসু নোংমা নোংমগী হেঙ্গৎলক্লি। মচুগী কুমহৈ য়াওশংসু লাক্কদৌরে। মসিগী হেক মতুংদা গুরি পর্বসু লাক্লনি লোয়ননা নবরাত্রিগী কুহৈসু লাক্লনি, রাম নবমিসু লাক্লনি। কুমহৈ ফিয়োং হায়বসি ঐখোয়গী পুন্সীগী থাদোক্নবা য়াদ্রবা অমনি। হরাউ কুমহৈগী মরুমদা পাউজেল কয়া লোত্তুনা য়াওরি। মসিনা সমাজ খক্তা নত্তনা লৈবাক পুম্ববু অমত্তা ওইনা পুন্সিল্লি। য়াওশং মতিংদা শজিবুগী নোংমা পানবদা ভারতকী ভিক্রমি চৈচৎকী চহী হৌগদৌরিবনি। মসিগীদমক্তা ভারতকী চহী অনৌবা হৌবা অসিগীদমক্তা ময়াম পুম্নমকপু মাংজৌননা য়াইফ পাউজেল পীজরি।
ঐগী নুংশিজরবা ইরৈবাকচাশিং, মথংগী মন কী বাত্তদি মহৈরোইশিংগী পরিক্ষাগী মতম ওইবনিনা য়াম্নাচিনবা মতম ওইগনি। পরিক্ষা লোইখ্রবশিংদি কোমলবনিনা নুঙাইরমগনি। চিন্নবশিং, কোমলগা নুঙাইরবশিং পুম্নমকপু য়াইফ পাউজেল পীবগা লোয়ননা মথংগী মন কী বাত্তা অনৌবা তোপিক কয়াগা লোয়ননা অমুক হন্না উনসি হায়জরি।

হন্না-হন্না থাগৎচরি। খুরুমজরি।

 

 

 

 

 

 

 

 

 

 

 

 

 

ভারতকী ওলিম্পিয়নশিংবু পুক্নিং থৌগৎসি! #Cheers4India
Modi Govt's #7YearsOfSeva
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
Over 44 crore vaccine doses administered in India so far: Health ministry

Media Coverage

Over 44 crore vaccine doses administered in India so far: Health ministry
...

Nm on the go

Always be the first to hear from the PM. Get the App Now!
...
PM expresses happiness on UNESCO declaring Dholavira a World Heritage site
July 27, 2021
Share
 
Comments

The Prime Minister, Shri Narendra Modi has expressed happiness on UNESCO declaring Dholavira, Harappan city in India a World Heritage site. He also said that It is a must visit, especially for those interested in history, culture and archaeology. 

Reacting to a tweet by UNESCO, the Prime Minister, in a series of tweets said;

"Absolutely delighted by this news. 

Dholavira was an important urban centre and is one of our most important linkages with our past. It is a must visit, especially for those interested in history, culture and archaeology. 

I first visited Dholavira during my student days and was mesmerised by the place. 

As CM of Gujarat, I had the opportunity to work on aspects relating to heritage conservation and restoration in Dholavira. Our team also worked to create tourism-friendly infrastructure there."