ঐগী নুংশিরবা ইরৈচাশিং,
‘মন কি বাত’ লাকপদা মীয়াম উনরে, অদোমদগী তম্লে অমসুং ঐখোয়গী লৈবাক্কী মীয়ামগী মাইপাকপশিংগী মতাংদা খঙলে, মসি তশেংনা ঐগী নুংঙাইবা অমনি। ঐখোয়গী ৱাখলশিং অমগা অমগা ফাউদোক্নবা মতমদা, ঐখোয়গী ‘মন কি বাত’ শরুক য়ামিন্নবদা, থৌরম অসি তাঙ্কক ১২৬ মপুংফারে হায়বা ফাওবা ঐখোয় খঙদ্রে। ঙসি অসি থৌরম অসিগী ১২৬ শুবা তাঙ্কক্নি অমসুং নুমিৎ অসিগী মরুওইবা কয়া লৈরি। ঙসি ভারতকী শক্নাইরবা মীওই অনিগী মপোক নুমিৎনি। ঐনা পল্লিবা অসি সহিদ ভগৎ সিংহ অমসুং লতা দিদিনি।
মরুপশিং,
শিবা নাইদ্রবা অথৌবা ভগৎ সিংহ ভারতমচা খুদিংমক, মরুওইনা লৈবাক অসিগী নহারোলশিংগী ইথিল অমনি। মহাক্কী লমচত্ত অকিবা লৈতবা চেৎনা মমি তাখি। লৈবাক্কীদমক থৌরি য়ান্দুনা হাৎত্রিঙৈ মমাংদা, ভগৎ সিংহনা বৃতিসদা চিথি অমা ইখি।
মহাক্না হায়খি “ অদোম্না ঐ অমসুং ঐগী মরুপশিং লান্দা ফারকপা লান্মী অমা ওইনা লোইনবা পাম্মী। মরমদি, ঐখোয়গী থৱায়শিং থৌরি য়ান্দুনা হাৎলোইদবনি, নোংমৈ মরু অমনা হাৎকদবনি”। মসি মহাক্কী মাইথিবা পীবা ঙমদবা থৌনাগী খুদম অমনি। ভগৎ সিংহ মীয়ামগী অৱাবশিং ফজনা খঙখি অমসুং মখোয়গী মতেং পাংনবা মতম পুম্নমক্ত মাঙজিল থাখি। ঐনা সহিদ ভগৎ সিংহ জিগী মফমদা ঐগী ইকায়খুম্নবা উৎচরি।
মরুপশিং,
ঙসি অসি লতা মঙ্গেস্করগীসু মপোক নুমিৎনি। ভারতকী নাৎ অমসুং ঈশৈ পামজবা কনাগুম্বা মহাক্কী ঈশৈশিংনা কপহনবা ঙমগনি। লাতা দিদিগী ঈশৈশিংদা মীওইবগী থম্মোয় মথুম-মরাং হৌহনবা পোৎশক খুদিংমক য়াওরি। মহাক্না শকখিবা লৈবাক নিংবা ঈশৈশিংনা মীয়াম য়াম্না চাউনা ইথিল পীখি। মহাক ভারতকী নাৎকা অচেৎপা মরীসু লৈনরি। ঐনা লতা দিদিগী মফমদা ইকায়খুম্নবা উৎচরি। লতা দিদি ইথিল পীখিবা শক্নাইরবা মীওইশিংগী মনুংদা বীর সরভারকরসু অমনি। মহাক্না সরভারকরা তত্যা হায়না কৌখি। মহাক্না বীর সরভারকার জিগী ঈশৈ কয়া শকখি।
ঐগা লতা দিদিগা লৈনবা মরী মতম পুম্নমক্ত লেংদনা লৈখি। মহাক্না চহি খুদিংগী লেপ্তনা ঐঙোন্দা রাখি থারকখি। ঐহাক অহানবা ওইনা লতা দিদিগা শক খঙনহনখিবা মরাথি মতম ঈশৈগী শক্নাইরবা সুধির ফালকে ঐনা নিংশিংলি অমসুং সুধির জিনা শৈবানবা অমসুং মহাক্না শকপা ঈশৈ “ জয়তি কলাস ছালকে” ঐনা য়াম্না পাম্মী হায়না লতা দিদিদা হায়খি।
মরুপশিং, ঈশৈ অদুগা ঐগা লোয়ননা তামিন্নসি।
#Audio#
ঐগী নুংশিরবা ইরৈচাশিং,
নবরাত্রি মনুংদা ঐখোয়না শক্তি ইরাৎলি। ঐখোয়না নারী শক্তিগী কুহ্মৈ পাংথোক্লি। ললোন-ইতিক, শান্নবা, লাইরিক-লাইশু, সাইন্স য়াওনা হিরম কয়াদা ঐখোয়গী লৈবাক্কী নুপীমচাশিংনা মফম খুদিংমক্ত মশক থোকপা থবক পাংথোক্লে। ঙসিদি, ৱাখলনা খনবদা ৱারবা অৱাবা কয়া মখোয়না মায়োক্নরে। করিগুম্বা ঐনা অদোমদা ৱাহং অসি হংলববি: অদোম থা নিপান লেপ্তনা সমুদ্রদা লৈবা ঙমগদরা? নুংশিৎকী খোঙজেলগা লোয়ননা হোনমিন্নবা হি অমদা, নৌ য়াওবা হি অমদা অদোম কিলোমিতর ৫০,০০০ হোনবা ঙমগদরা অমসুং মদুসু মতম অমদা হেক্ত নোংলৈ-নুংশিৎনা সমুদ্র মথক-মথা ওনহনবা ঙম্বদা মতমদা?
থবক অসি তৌদ্রিঙৈদা অদোম লিশিং অমরক খনগদবনি, অদুবু নবিকা সাগর পরিক্রামা মনুংদা ভারত নেভিগী থৌনা ফরবা ওফিসার অনিনা থবক অসি পাংথোকখ্রে। থৌনা অমসুং অচেৎপা ফিরেপ করিনো হায়বা মখোয়না উৎখ্রে। ঙসিদি, থৌনা ফরবা ওফিসার অনি অদু মন কি বাত তারিবশিংদা শক তাকপা ঐনা পাম্মী। অমনা লেপ্তনেন্ত কমান্দর দিলনা অমসুং অতোপ্পা অমনা লেপ্তনেন্ত কমান্দর রুপানি। হায়রিবা ওফিসার অনিমক ঐখোয়গা লোয়ননা ফোন লাইন্দা লৈরে।
প্রধান মন্ত্রী – হেল্লো।
লেপ্তনেন্ত কমান্দর দিলনা – হেল্লো সার।
প্রধান মন্ত্রী – খুরুমজরি।
লেপ্তনেন্ত কমান্দর দিলনা – খুরুমজরি সার।
প্রধান মন্ত্রী - অদুদি, ঐগা লোয়ননা লেপ্তনেন্ত কমান্দর দিলনা অমসুং লেপ্তনেন্ত কমান্দর রুপা লৈরে
প্রধান মন্ত্রী- নখোয় অনিমক লৈরবরা ?
লেপ্তনেন্ত কমান্দর দিলনা অমসুং রুপা - হোই সার, ঐখোয় অনিমক লৈরে।
প্রধান মন্ত্রী –নখোয় অনিমক্ত নমস্কারম অমসুং বনাক্কম।
লেপ্তনেন্ত কমান্দর দিলনা - বনাক্কম সার।
লেপ্তনেন্ত কমান্দর রুপা – নমস্কারম সার।
প্রধান মন্ত্রী - য়াম্না ফরে, অহানবদা, মীয়ামনা নখোয় অনিদগী তাবা পাম্মী। ঐখোয়দা হায়রো।
লেপ্তনেন্ত কমান্দর দিলনা - সার, ঐ লেপ্তনেন্ত কমান্দর দিলনানি। ঐ ভারত নেভিগী লোজিষ্টিক্স কেদরদগীনি। সার, ২০১৪ দা নেভিদা চঙখি অমসুং ঐ কেরলাগী কোজিকোদদগীনি। সার, ঐগী ইপানা লান্মীনি অমসুং ঐগী ইমানা য়ুম্বুরেম্বীনি। ঐগী ইপুরোইবসু ভারত নেভিগী ওফিসারনি, সার, ঐগী ইনাওনুপীসু এন.সি.সিদা থবক তৌরি।
লেপ্তনেন্ত কমান্দর রুপা – জয় হিন্দ সার, ঐ লেপ্তনেন্ত কমান্দর রুপানি অমসুং নেভেল অর্মামেন্ত ইন্সপেক্সন কেদর ওইনা ঐ ২০১৭ দা নেভিদা চঙখি। ঐনা ইপানা তামিল নাদুদগীনি অমসুং ঐগী ইমানা পোন্দিচারিদগীনি। সার, ঐগী ইপা এয়র ফোর্সতা লৈরি, তশেংনা দিফেন্সতা চৎনবা ইথিল ঐনা ইপাদগী ফংখি অমসুং ঐগী ইমানা য়ুম্বুরেম্বীনি।
প্রধান মন্ত্রী – য়াম ফরে দিলনা অমসুং রুপা, সাগর পরিক্রামদা নখোয়না থেংনরকপশিং তাবা লৈবাক অসিনা অদোমদগী পাম্লে হায়বা ঐ খঙলে অমসুং মসি অরাইবা থবক অমা নত্তে হায়বা ঐ খঙই। অদোম খুদোংচাদবা কয়া থেংনরমগনি; অদোম্না খুদোংচাদবা কয়া মায়োক্নগদবনি।
লেপ্তনেন্ত কমান্দর দিলনা –হোই সার, ঐনা অদোমদা হায়নিংই সার, ঐখোয়গী পুন্সি অহোংবা পুরকপা পুন্সিদা অমুক্তং অসিগুম্বা খুদোংচাবা অমা ঐখোয়না ফংলে অমসুং ভারত নেভি অমসুং ভারত সরকারনা মালেম অসি কোইনবা অসিগুম্বা খুদোংচাবা অমা ঐখোয়দা পীরে অমসুং খোঙচৎ অসিদা ঐখোয়না চাউরাক্না কিলোমিতর ৪৭৫০০ রোম হোনখি সার। ঐখোয়না ওক্তোবর ২, ২০২৪ দা গৱা থাদোকখি অমসুং মে ২৯,২০২৫ দা হল্লকখি অমসুং খোঙচৎ অসি মপুংফাবদা ঐখোয়না নুমিৎ ২৩৮ লৌখি সার।
প্রধান মন্ত্রী – অঙকপনি!
লেপ্তনেন্ত কমান্দর দিলনা –সার, ঐখোয়না খোঙচৎ অসিগীদমক চহি অহুম শেম-শাখি। নেভিকেসন্দগী হৌরগা কমদৌনা ই-পাউ ফাওন্নবা খুৎলায়শিং শীজিন্নগনি, কমদৌনা ঈশিং লুপকনি অমসুং হিদা খুদোংথিবা অমা লাকপদা কমদৌনা থেংনগনি অমসুং মেদিকেল ইমর্জেন্সিগী মতাংদা। পুম্নমক অসি ভারত নেভিদা ঐখোয়দা তম্বীখি, সার অমসুং খোঙচৎ অসিদা ঐনা পন্নিংবা খ্বাইদগী নিংশিবা অমদি, সার, ঐখোয়না পোইন্ত নমোদা ভারতকী ফিরাল চিংখৎখিবা অদুনি সার। পোইন্ত নেমো অসি মালেমদা খ্বাইদগী মনুং-হুঞ্জিনবা মফমনি। মসিগা খ্বাইদগী নক্নবা মীওইদি ইন্তরনেসনেল স্পেস ষ্টেসন্দা লৈরিবা অদুনি। সেলবোদ অমদা মফম অদু য়ৌবা অহানবা ভারতমচা, অহানবা এসিয়ামচা অমসুং মালেমগী অহানবা মীওই ঐখোয়নি, সার, অমসুং মসি ঐখোয়গী ওইনা চাউথোকচবনি, সার।
প্রধান মন্ত্রী –য়াম ফরে, অদোম থাগৎচরি।
লেপ্তনেন্ত কমান্দর দিলনা –অদোম থাগৎচরি, সার।
প্রধান মন্ত্রী: অদোমগী মরুপসু করিগুম্বা খর হায়নিংলমগনি?
লেপ্তনেন্ত কমান্দর রুপা: সার, সেলবোদ হোন্দুনা মালেম মপুংফানা কোইখিবা মীওই মশিংদগী মাউন্ত এভরেষ্ট য়ৌখিবা মীওইনা মশিংনা হেল্লি। তশেংনা হায়রবদা, সেলোবদ অমা হোল্লগা মালেম কোইখিবা মীওই মশিংদগী স্পেসতা চৎখিবা মীওইনা মশিং হেল্লি।
প্রধান মন্ত্রী: ফরে, অসিগুম্বা অরুবা খোঙচত্ত পুন্না থবক তৌমিন্নবা য়াম্না দরকার ওই অমসুং তিম অদুদা নখোয় ওফিসার অনি খক শরুক য়াখি। কমদৌনা অদোম্না খোঙচৎ অসি পাংথোকখিবগে”
লেপ্তনেন্ত কমান্দর রুপা: হোই সার, অসিগুম্বা খোঙচৎ অমদা, ঐখোয় অনিমক য়াম্না কন্না হোৎনখি, অমসুং লেপ্তনেন্ত কমান্দর দিলনানা হায়খিবগুম্না, মসি মাইপাক্নবা, ঐখোয় অনি খক্ত হিদা লৈখি, অমসুং ঐখোয়না হি শেমজিনবা মীওই, ইঞ্জিন মেকানিক্স, সেল-মেকর, মেদিকেল এসিষ্টেন্স, কুক, ক্লিন্নর, দাইভর, নেভিকেতর অমসুং খুদিংমক ওইখি। ঐখোয়গী মাইপাকপদা ভারত নেভিনা অচৌবা থৌদাং অমা লৌখি। মখোয়না ঐখোয়দা মখল খুদিংমক্কী ত্রেনিং পীখি। সার, ঐখোয় চহি মরি পুন্না হোনমিন্নরকখি, ঐখোয় অমনা অমগী মপাঙ্গল অমসুং অশোনবা মপুংফানা খঙখি। মরম অদুনা ঐখোয়না মীয়ামদা হায়খি মদুদি ঐখোয়গী হিদা কৈদৌঙৈদা মাইথিদবা পোৎশক অমা খক য়াওখি, মদু ঐখোয় অনিগী পুন্না থবক তৌমিন্নবনি।
প্রধান মন্ত্রী: ফরে, নোং-চিংগী ফিবম ফৎলক্তবা মতমদা… মালেম অসি সমুদ্র ঙাক্ত ওইবনা তম্বা ঙমদে; ফিবম অদু কমদৌনা থেংনবগে?
লেপ্তনেন্ত কমান্দর রুপা: সার, ঐখোয়গী খোঙচৎ মনুংদা অৱাবা কয়া থেংনখি। খা থংবা সমুদ্রদা মতম পুম্নমক্ত নোং-চিংগী ফিবম ফত্তে, সার। ঐখোয়না নোংলৈ-নুংশিৎ অহুম থেংনখি অমসুং সার, ঐখোয়গী হি অসি মিতর ১৭ খক্ত শাংই অমসুং মসিগী অপাকপনা মিতর ৫ খক্তনি। মরম অদুনা, করিগুম্বা মফমদা মথোল অহুম হেন্না ৱাংবা ইথকশিং মায়োক্নখি, সার। ঐখোয়গী খোঙচৎ মনুংদা ঐখোয়না কা হেন্না শাবা অমসুং কা হেন্না ইংবা থেংনখি। সার, এন্তরতিকাদা, ঐখোয় অনিমক তেম্পেরেচর দিগ্রি সেলসিয়স ১ দা হি হোনখি অমসুং ঐখোয়না পুংদা কিমি ৯০ গী চাংদা শিৎপা নুংশিৎ মায়োক্নখি। ঐখোয় অইংবদগী ঙাকথোক্নবা ঐখোয়না মরোল ৬-৭ গী ফিরোল শীজিন্নখি অমসুং ঐখোয়না খা থংবা সমুদ্রগী শরুক লানবা মতমদা মরোল ৭ গী ফিরোল শীজিন্নখি। করিগুম্বা মতমদা গ্যাস ষ্টোব শীজিন্নদুনা ঐখোয়গী খুৎ-শা শাগৎহনখি, সার, অমসুং করিগুম্বা মতমদা, নুংশিৎ শিৎতবা মতম থেংনখি অমসুং মতম অদুদা ঐখোয় হি হোনবা চপ লেপখি। অসিগুম্বা ফিবম অমদা, ঐখোয়গী খাংবা কনবা চাংয়েং তৌখি, সার।
প্রধান মন্ত্রী - ঐখোয়গী লৈবাক্কী নুপীশিংনা অসিগুম্বা থৌনা উৎপদা মীয়াম ঙক্নগনি। ফরে, মালেম কোইনা হি হোনবা মনুংদা, অদোম লৈবাক কয়াদা লেপলমগনি। লৈবাকশিং অদুদা করি থেংনবগে? ভারতকী নুপী অনি উবদা মখোয়না ৱাফম কয়া হংলমগনি!
লেপ্তনেন্ত কমান্দর দিলনা - হোই সার, ঐখোয় নুংঙাইবা থৌদোক অমা থেংনখি। ঐখোয়না থা নিপান্দা মফম মরিদা লৈখি, সার; অষ্ট্রেলিয়া, ন্যু জিলেন্দ, পোর্ত ষ্টেনলি অমসুং খা অফ্রিকা, সার।
প্রধান মন্ত্রী - চাংচৎ অমদা মফম অমদা মতম কয়া য়াম্না লৈবগে?
লেপ্তনেন্ত কমান্দর দিলনা - সার, ঐখোয়না মফম অমদা নুমিৎ ১৪ লৈখি।
প্রধান মন্ত্রী - মফম অমদা নুমিৎ ১৪ নি ?
লেপ্তনেন্ত কমান্দর দিলনা - হোই সার, ঐখোয়না মালেমগী মফম পুম্নমক্ত ভারতমচাশিং উখি। ঐখোয়গী মাইপাক খুদিং, মসি মখোয় মশামক্কী মাইপাকপনি হায়না মখোয়না খনখি। অষ্ট্রেলিয়াদা, ৱেষ্টর্ন অষ্ট্রেলিয়ান পর্লিয়ামেন্তগী স্পিকরনা ঐখোয়দা চেপাউ পীরকপদগী উনখি, মহাক্না ঐখোয়গী পুক্নিং থৌগৎখি, সার, ঐখোয় য়াম্না চাউথোকচখি। ঐখোয়না ন্যু জিলেন্দা থুংবদা, মাউরি মীয়াম্না ঐখোয় তরাম্না ওকখি অমসুং ঐখোয়গী ভারতকী চৎনবী ইকায়খুম্নবা উৎখি। সার, পোর্ত ষ্টেনলি অসি মনুং-হুঞ্জিনবা ইথৎ অমনি। মসি খা অমেরিকা ময়াদনি। অপুনবা মীশিংনা শুপ্নগী ৩,৫০০ খক্তনি। অদুবু মফম অদুদা ঐখোয়না অপীকপা ভারত অমা উখি অমসুং মফম অদুদা ভারতমচা ৪৫ লৈরমখি। মখোয়না ঐখোয় মখোয়গী ইমুং-মনুংগুম্না তরাম্না ওকখি অমসুং ঐখোয় য়ুমদা লৈবগুম্না ফাওহনখি।
প্রধান মন্ত্রী: ফরে, করিগুম্বা খর পাংথোক্নিংবা, নখোয়গুম্বা লৈবাক অসিগী ইচানুপীশিংদা নখোয় অনিমক্না করি পাউজেল পীনিংবগে?
লেপ্তনেন্ত কমান্দর রুপা: সার, ঐ লেপ্তনেন্ত কমান্দর রুপা হৌজিক ৱা ঙাংজরি। অদোমগী খুৎথাংদা, মীওই খুদিংমক্ত ঐনা হায়নিংবদি কনাগুম্বা অমনা থৱায় হকচাং য়াওনা কন্না হোৎনরবদি, মালেম অসিদা ওইথোক্তবা অমতা লৈরোই। অদোম কদাইদগীনো নত্ত্রগা অদোম কদাইদা পোকপগে হায়বা দরকার ওইদে। সার, নহারোলশিং অমসুং ভারতকী নুপীশিংনা অচৌবা মঙ মঙবা হায়বসি ঐখোয়গী অপাম্বনি অমসুং তুংদা দিফেন্স, শান্নবা অমসুং এদভেঞ্চর শরুক য়াদুনা নুপীমচাশিং অমসুং নুপীশিং লৈবাক্কী মিংচৎ পুরক্কনি।
প্রধান মন্ত্রী: দিলনা অমসুং রুপা, নখোয় অনিনা উৎখিবা থৌনা অদু তাবদা ঐ হরাওরে। নখোয় অনিমক ঐনা থাগৎচরি। অদোমগী থবক কনবা, অদোমগী মাইপাকপনা লৈবাক অসিগী নহারোলশিং অমসুং নুপীমচাশিংদা ইথিল পীগনি। মতৌ অসিগুম্না অদোম্ন মখা তানা মচু অহুমগী ফিরাল পাইহনবা ওইরসনু। অদোমগী তুংগী থবক থৌরমশিংগীদমক ঐনা য়াইফ পাউজেল পীজরি।
লেপ্তনেন্ত কমান্দর দিলনা: অদোম থাগৎচরি, সার।
প্রধান মন্ত্রী: ভনাক্কম | নমস্কারম |
লেপ্তনেন্ত কমান্দর রুপা: খুরুমজরি সার |
মরুপশিং,
ঐখোয়গী কুহ্মৈশিং অমসুং থৌরমশিংনা ভারতকী নাৎ হিংহল্লি। ছথ পুজা দিৱালিগী মথংদা লাকপা শেংলবা কুহ্মৈ অমনি। কুহ্মৈ অসি নুমিৎ কৌবা লাইদা কৎথোক্লি। কুহ্মৈ অসিদা ঐখোয়না তারমদাইগী নুমিত্ত অর্ঘ্য কৎলি অমসুং মসি ইরাৎলি। ছথ অসি লৈবাক্কী মফম কয়াদা পাংথোকপতা নত্তনা, মসি মালেমগী মফম কয়াদা উবা ফংলে। হৌজিক মসি, মালেমগী কুহ্মৈ অমা ওইরক্লে।
মরুপশিং,
ছথ পুজাগী মতাংদা ভারত সরকারনা অচৌবা থবক অমা পাংথোক্লে হায়বা অদোমদা খঙহনবদা ঐ হরাওই। ছথ পুজা অসি য়ুনেস্কোগী ইনতেঞ্জিবল কলচরলে হেরিতেচ লিষ্টতা য়াওহন্নবা ভারত সরকারনা কন্না হোৎনরি। য়ুনেস্কোগী লিষ্টতা ছথ পুজা য়াওরকপা মতমদা, মসিগী ফজবা অমসুং ঈশ্বরগী ওইবা মশক মালেমগী মফম খুদিংমক্ত উবা ফংলগনি।
মরুপশিং,
মতম খরগী মমাঙদা, মসিগা মান্নবা থবকশিং ভারত সরকারনা পায়খৎপদগী, কোলকাতাগী দুর্গা পুজা য়ুনেস্কোগী লিষ্টতা য়াওরে। করিগুম্বা ঐখোয়গী নাৎকী থৌরমশিং মালেম্না শক খঙলবদি, মালেম্না মখোয়গী মরমদা খঙগনি অমসুং মখোয় শরুক য়ানবা থোক্লক্কনি।
মরুপশিং,
ওক্তোবর ২ অসি গান্ধী জয়েন্তিনি। গান্ধীজিনা মতম পুম্নমক্ত শ্বাদেসি শীজিন্ননবা তকশিনখি অমসুং মখোয়গী মরক্ত খাদিনা খ্বাইদগী পাম্নখি। লাইবক থিবদি, নিংতম্বা মতুংদা, খাদিগী পাম্নবা মাঙখি, অদুবু চহি ১১ গী মতুংদা, লৈবাক অসিদা খাদি পাম্নবা হেনগৎলক্লে। চহি খর অসিদা খাদি য়োনবা হেনগৎলক্লে। ওক্তোবর ২ দা খাদি নত্ত্রগা অতোপ্পা পোৎথোকশিং লৈনবা ঐনা অদোমগী মফমদা হায়জরি। মখোয় শ্বাদেসিনি হায়না চাউথোকচনা হায়সি। #Vocal for Local গা লোয়ননা মসি সোসিএল মেদিয়াদা সিয়ার তৌসি।
মরুপশিং,
খাদিগুম্না, ঐখোয়গী ইয়োং অমসুং হেন্দিক্রাফ সেক্তরসু অহোংবা লাকপা উরে। ঙসিদি, চৎনবী অমসুং অনৌবশিং পুনশিনবগী খুদম কয়া ঐখোয়গী লৈবাক্ত উবা ফংলে, অঙকপা ফলশিং ফংলে। খুদম অমদি তামিল নাদুগী য়াজ নেচরেলশিংনি। মফম অদুদা অশোক জগদিস জি অমসুং প্রেম সেলভারাজ জিনা মখোয়গী কোর্পোরেতকী থবকশিং থাদোকখি অমসুং অনৌবা থবক অমা পায়খৎখি। মখোয়না নাপী অমসুং লফু মশিংদগী য়োগ মেতশিং শাখি, ফিশিং মনা-মশিংদগী শুংবা মচুশিং শঙখি অমসুং মখোয় ত্রেনিং পীদুনা ইমুং ২০০ থবক পীখি।
জোহারগ্রাম ব্রান্দগী খুৎথাংদা ঝারখন্দগী অসিস সত্যব্রত সাহুনা ত্রাইবেলগী ফি শাবা অমসুং ফিরোলশিং মালেমদা মশক তাকখি। মহাক্কী থবকশিংগীদমক থাগৎচরি, অতোপ্পা লৈবাকশিংগী মীয়াম্না ঝারখন্দগী নাৎ খঙবা হৌরক্লে।
বিহারগী মধুবানি জিলাদগী শ্বেতি কুমারিনা সঙক্লপ পোৎথোকশিং পুথোকপা হৌরে। মহাক্না মিথিলা পেন্তিং নুপী কয়াগী হিংনবা লম্বী ওইহনখি। ঙসিদি, খুঙ্গংগী নুপী ৫০০ হেন্না মহাক্কী থবক য়াওরে অমসুং অত্মনির্ভরগী লম্বীদা চৎলে। ঐখোয়গী চৎনবীশিংদা শেন তানবা য়াবগী খুদোংচাবা কয়া লৈরি হায়বা মাইপাকপগী ৱারিশিং অসিনা ঐখোয়দা তাক্লে। করিগুম্বা ঐখোয়গী ৱাশক মপাঙ্গল কল্লবদি, মাইপাকপনা ঐখোয় থাদোক্তুনা চৎলোই।
ঐগী নুংশিরবা ইরৈচাশিং,
নুমিৎ খরগী মতুংদা, ঐখোয় বিজয়দশমী পাংথোক্লগনি। বিজয়দশমী অসি অতোপ্পা মরম অমগী অখন্নৈ। নুমিৎ অসিদা আর.এস.এস লিংখৎখিবগী চহি ১০০ শুবা থৌরম থোক্লে। চহি ১০০ গী খোঙচৎ অসি অঙকপা অমসুং মমাঙদা অমুক্ত ওইখিদ্রিবনি অমসুং মসি পুক্নিং থৌগৎনিঙাইনি। চহি ১০০ গী মমাঙদা আর.এস.এস লিংখৎপা মতমদা, লৈবাক অসি চহি চা কয়া মীনাইগী য়োৎহিংনা পুনখি।
চহি চা কয়া মীনাই ওইবদগী ঐখোয়গী ইশানা ইশাবু ইকায়খুম্নবা অমসুং ইশানা ইশা থাজবা য়াম্না শোকখি। মালেমগী খ্বাইদগী লিরবা সভেত্য শক্তম মাঙবগী অৱাবা অমা মায়োক্নখি। ঐখোয়গী মীয়াম মশা মথন্ত ইকায়জবগী অৱাবা ফংলবা মীওইশিং ওইখি। মরম অদুনা, লৈবাক অসি নিংতম্বগা লোয়ননা, লৈবাক অসি ৱাখল্লোন্দা মীনাই ওইবদগী মনিংতম্বসু দরকার ওইখি। মতাং অসিদা, দোক্তর হেদগেৱারনা ৱাফম অসি পুখৎলকখি; অমসুং অচৌবা থবক অসিগীদমক, মহাক্না ১৯২৫ দা শেংলবা বিজয়দশমী থৌরমদা আর.এস.এস লিংখৎখি।
দোক্তর সাহেব লৈখিদ্রবা মতুংদা, পারাম পুজ্য গুরুজিনা মসিগী অচৌবা থবক অসি লৈবাক্কীদমক মাঙলোমদা পুখৎখি। পরাম পুজ্য গুরুজিনা হায়খি “ রাষ্ট্রয়া শ্বাহা, ইদম রাষ্ট্রায়া ইদম নাম মাম”, হায়বদি “মসি ঐগী নত্তে, মসি লৈবাক্কীনি”। ইশাগী খন্দনা লৈবাক্কী থবক তৌনবা মসিনা ঐখোয়দা ইথিল পীখি। গুরুজি গোলৱালকারগী ৱারোলনা ভোলুন্তিয়ার মিল্লিয়ন কয়াদা কৎথোকপা অমসুং থবক তৌনবা লম্বী তাকখি। মসিনা তম্বীখিবা কৎথোকপা, থবক অমসুং থকসি-খাসিগী ৱাখল্লোন অসিনা সঙ্গগী অশেংবা মপাঙ্গল ওইখি। আর.এস.এসনা চহি ১০০ হেন্না লেপ্তনা অমসুং চোকথবা নাইদনা লৈবাক্কী থবক পাংথোকখ্রে।
ঐখোয়না লৈবাক্কী মফম অমদা মহৌশাগী অমাং-অতা অমা থোক্লকপদা, অহানবা ওইনা মফম অদুদা থুংলবা ভোলুন্তিয়ারশিং আর.এস.এসনা ওইরিবনি। “লৈবাক্কী থবক্না অহানবা” গী ৱাখল্লোন মতম পুম্নমক্ত ভোলুন্তিয়ার মিল্লিয়ন কয়াগী থবক খুদিংমক্কী মমাঙ থারি। লৈবাক্কী থবক তৌনবা অচৌবা থৌরম অসিদা মশামক কৎথোক্লবা ভোলুন্তিয়ার খুদিংমক ঐনা য়াইফ পাউজেল পীজরি।
ঐগী নুংশিরবা ইরৈচাশিং,
মথং থা, ওক্তোবর ৭ দা মহর্যি বালমিকি জয়েন্তি থোক্লে। মহর্যি বালমিকিনা ভারতকী নাৎ অমসুং চৎনবীদা কমদৌনা অচৌবা য়ুম্ফম থোল্লম্বগে হায়বা ঐখোয় পুম্নমক্না খঙলে। মহর্ষি বালমিকিনা ঐখোয়দা ভগবান রামগী অবতার কাথাশিং খঙহনখি। রামায়নগী অঙকপা মহাকব্যগা লোয়ননা মহাক্না ঐখোয়দা মীওইবা খুন্নাই মশক তাকখি।
মরুপশিং,
রামায়নগী ইথিল অসি ভগবন রামগী ফিদমশিং অমসুং গুনশিংনা ওইহনবনি। ভগবান রামনা মীওই খুদিংমক থবক, নুংশিনবা অমসুং মীওইবগী অৱাবা খঙবগী ৱাখল্লোনগা লোয়ননা লোইনখি। মরম অদুনা মাতা সাবাদরি অমসুং নিশাদ্রাজ খক্তনা মহর্ষি বালমিকিগী রামায়ন মপুংফাই হায়না ঐখোয়না খল্লিবনি।
মরম অদুনা, মরুপশিং, অয়োধ্যাদা রাম মন্দির শাবা মতমদা, নিসাদ্রাজ অমসুং মহর্ষি বালমিকিদা কৎথোক্লবা লাইশঙ অমা মসিগা লোয়ননা শাখিবনি। রাম লালা য়েংনবা অদোম্না অয়োধ্যদা চৎপা মতমদা, মহর্যি বালমিকি অমসুং নিসাদ্রাজগী লাইশঙশিং অদোম য়েংগদবনি।
ঐগী নুংশিরবা ইরৈচাশিং,
কলা, সাহিত্য অমসুং নাৎকী খ্বাইদগী অখন্নবা পোৎশক্তি মখোয় মফম অমতদা তুংশিন্দুনা লৈতবা অসিনি। মখোয়গী লৈনম লৈবাক কয়াদা শন্দোকখি অমসুং মীয়ামগী থম্মোয়শিং তিং লাওহনখি। হন্দক, পরিসতা লৈবা নাৎকী মহৈলোয়শঙ অমা, “সাউন্তখ মন্দপা” চহি ৫০ মপুংফারে। সেন্তর অসিনা ভারতকী জগোয় মমিং চৎহনবদা অচৌবা থৌদাং অমা লৌরি। চহি খরগী মমাঙদা পদ্ম শ্রী পীখ্রবা মিলেনা সালভিনা সেন্তর অসি লিংখৎপনি। “সাউন্তখ মন্দপা” গা লোয়নরিবা মীওই খুদিংমক ঐনা থাগৎপা ফোঙদোকচরি অমসুং মখোয়গী তুংগী থবক-থৌরমশিংগীদমক য়াইফ পাউজেল পীজরি।
মরুপশিং,
ঐনা হৌজিক অদোমগীদমক অতেনবা ওদিও ক্লিপ অনি শন্দোক্লি। মখোয় পুক্নিং চঙনা তাবীয়ু:
#Audio Clip 1#
হৌজিক অনিশুবা ক্লিপ তারসি:
#Audio Clip 2#
মরুপশিং,
ভুপেন হজারিকাগী ঈশৈশিংনা কমদৌনা মালেমগী লৈবাক কয়া শম্নহনবগে হায়বা খোঞ্জেলশিং অসিনা তাক্লে। তশেংনা হায়রবদা, শ্রী লঙ্কাদা য়াম্না থাগৎনিঙাই ওইবা থবক অমা পাংথোক্লে। ভুপেন দা জিগী মমিং চৎলবা ঈশৈ “মনুহে-মনুহার বাবা: শ্রী লঙ্কাগী কলাকারশিংনা সিনহালা অমসুং তামিলদা হন্দোক্লে। ঈশৈশিং অদু ঐনা অদোমদা তাহনখ্রে। নুমিৎ খরগী মমাঙদা, ঐ অসামদা মহাক্কী মপোক কুমওন থৌরম শরুক য়াখ্রে। মসি তশেংনা নিংশিংদুনা লৈহৌরগদবা থৌরম অমনি।
মরুপশিং,
অসামদা ভুপেন হজারিকাগী মপোক কুমওন থৌরম পাংথোক্লিঙৈ চৈরক্ত, নুমিৎ খরগী মমাংদা, অৱাবা মিকুপ অমসু থোকখ্রে। জুবিন গর্গ মতম চাদনা লৈখিদবদা মীয়াম তেংথারি। জুবিন গর্গ লৈবাক শীনবা থুংনা খঙনরবা শক্নাইরবা শৈশকপা অমনি। মহাক অসামগী নাৎ অমসুং চৎনবীগা অচেৎপা মরী লৈনখি। জুবিন গর্গ মতম পুম্নমক্ত ঐখোয়না নিংশিংদুনা লৈরগনি অমসুং মহাক্কী ঈশৈনা মখা তানা তুংগী মীরোলগী পুক্নিং হুগনি।
জুবিন গর্গ // অসিল
অহোমোর হামোসক্রিতির // উজজোল রাত্নো…
জনোতার রিদয়োত // তেয়ো হাদে জিয়ে // থাকিবো |
[ৱাহন্থোক: জুবিন অসামগী নাৎকী কোহিনুরনি। মহাক ঐখোয়গী ইরক্তগী চৎখ্রবসু, ঐখোয়গী থম্মোয়দা মহাক মতম পুম্নমক্ত লৈহৌরগনি]
মরুপশিং,
নুমিৎ খরগী মমাঙদা, ঐখোয়গী লৈবাক্না শক্নাইরা ফিলোসোফর এস.এল ভ্যরাপ্পাসু লৈখিদ্রে। ঐ হকথেংননা ভ্যরাপ্পাগা উনখ্রে অমসুং থৌরম কয়াদা হিরম কয়াদা মহাক্কা ৱারি শানখ্রে। মহাক্কী থবকশিংনা মখা তানা নহারোলশিংগী ৱাখল্লোন লমজিংগনি। মহাক্কী কন্নারা খুৎই কয়াগী হন্দোক্লবশিং ফংলে। ঐখোয়গী হৌরকফমশিং অমসুং নাৎকী চাউথোকচবা কয়া য়াম্না মরুওইবগে হায়বা মহাক্না ঐখোয়দা তম্বীখি। ঐনা এস.এল ভ্যরাপ্পাগী মফমদা ইকায়খুম্নবা উৎচরি।
ঐগী নুংশিরবা ইরৈচাশিং,
লাক্লিবা নুমিৎ খরনিদা, কুহ্মৈশিং অমসুং হরাওবা কয়া অমগী মথংদা অমা লাক্লগনি। থৌরম খুদিংগী ঐখোয়না পোৎ-চৈ য়াম্না লৈরি। হন্দক্কী অসিদা ‘জি.এস.তি বচত উৎসব’ অমা চৎথরি।
মরুপশিং,
ৱাশক অমা শক্তুনা অদোম্না অদোমগী কুহ্মৈশিং হেন্না অখন্নবা ওইহনবা ঙমগনি। শ্বাদেসিগী পোৎথোকশিং খক্তনা হন্দক্কী কুহ্মৈ অসি শরুক য়াগনি হায়না করিগুম্বা ঐখোয়না ৱাশক্লবদি, ঐখোয়গী কুহ্মৈশিংগী হরাওবা শরুক কয়া হেনগৎপা অদোম উগনি। ঐখোয়না ‘ভোকেল ফোর লোকেল’ পোৎ-চৈ লৈনবগী লাইৱা ওইহল্লসি। মতম পুম্নমক্কী মীয়ামগী ৱাশক অদুদি, অদোম্না লৈবাক অসিদা পুথোকপা খক্ত লৈগদবনি। ঐখোয়না মসি থবক ওইনা পাংথোকপদা, ঐখোয়না পোৎ-চৈ লৈদবা খক নত্তনা, ঐখোয়না ইমুং অমদা থাজবা পুরক্কনি, খুৎহৈবা অমগী থবক শুবা নোম্বা কনবা ইকায়খুম্নগনি অমসুং নহা ওইরিবা ওন্ত্রেপ্রেন্যুর অমগী মঙলানশিং মঙফাওনবা ঙমহনগনি।
মরুপশিং,
কুহ্মৈশিং মনুংদা, ঐখোয়না ঐখোয়গী য়ুমশিং শেংদোকই। অদুবু লু-নানবা হায়বসি ঐখোয়গী য়ুমশিংগী ফক্লাং মরি খক্তদা ওইরোইদবনি। ঐখোয়গী য়ুমশিংগী ৱাংমদসু লু-নানগদবনি- লম্বীশিং, কৈরোই-লৈকায়শিং, কৈথেলশিং অমসুং খুঙ্গংশিং য়াওনা মফম খুদিংমক ঐখোয়গী থৌদাং ওইরক্লে।
মরুপশিং,
হৌজিক ঐখোয়গী লৈবাক্ত কুহ্মৈশিংগী মতম অমনি অমসুং দিৱালি অচৌবা কুহ্মৈ অমনি। লাক্লিবা দিৱালিগীদমক ঐনা অদোমগী মফমদা য়াইফ পাউজেল পীজরি, অদুবু ঐনা অমুক্ক হন্না হায়রি: ঐখোয় অত্মনির্ভর ওইগদবনি, ঐখোয়না লৈবাক অসি অত্মনির্ভর ওইহনগদবনি; লম্বী অদু শ্বাদেসিগী খুৎথাং খক্তদা ঙমগনি।
মরুপশিং,
হন্দক্কী ‘মন কি বাত’ মসিনি। অনৌবা ৱারিশিং অমসুং ইথিলগা লোয়ননা মথংগী থাদা ঐনা অদোমগা অমুক উনগনি। মতম অদু ফাওবা, মীয়ামগী মফমদা য়াইফ পাউজেল পীজরি। অদোম থাগৎচরি।
Amar Shaheed Bhagat Singh is an inspiration for every Indian, especially the youth of the country. #MannKiBaat pic.twitter.com/6yE1a73H9e
— PMO India (@PMOIndia) September 28, 2025
Lata Didi's songs comprise everything that stirs human emotions. The patriotic songs she sang had a profound impact on people. #MannKiBaat pic.twitter.com/XCcbXLAEyH
— PMO India (@PMOIndia) September 28, 2025
India's Nari Shakti is making a mark in every field. #MannKiBaat pic.twitter.com/LGAH8xKplo
— PMO India (@PMOIndia) September 28, 2025
Lieutenant Commander Dilna and Lieutenant Commander Roopa have exemplified true courage and unshakable resolve during the Navika Sagar Parikrama. #MannKiBaat pic.twitter.com/McWDkNBTFT
— PMO India (@PMOIndia) September 28, 2025
Chhath Puja honours Surya Dev with offerings to the setting sun. Once local, it is now becoming a global festival. #MannKiBaat pic.twitter.com/KIgB6kdm05
— PMO India (@PMOIndia) September 28, 2025
Over the last 11 years, the attraction for Khadi has grown remarkably, with sales rising steadily. #MannKiBaat pic.twitter.com/AIHtbDT9rR
— PMO India (@PMOIndia) September 28, 2025
India's handloom and handicraft sector is undergoing a remarkable transformation. #MannKiBaat pic.twitter.com/5NrH8Kzt38
— PMO India (@PMOIndia) September 28, 2025
The RSS has been relentlessly and tirelessly engaged in national service for over a hundred years. #MannKiBaat pic.twitter.com/1tle1CRHWI
— PMO India (@PMOIndia) September 28, 2025
Remembering the noble ideals of Maharshi Valmiki. #MannKiBaat pic.twitter.com/AJ8t3Xadbn
— PMO India (@PMOIndia) September 28, 2025
Indian culture transcends all boundaries, touching hearts not just across India but around the world. #MannKiBaat pic.twitter.com/eadFE7S8PH
— PMO India (@PMOIndia) September 28, 2025
Let us make 'Vocal for Local' the shopping mantra. #MannKiBaat pic.twitter.com/yNUC3dBj4W
— PMO India (@PMOIndia) September 28, 2025
Cleanliness should extend beyond our homes, becoming our responsibility everywhere - in streets, neighbourhoods, markets and villages. #MannKiBaat pic.twitter.com/W08219X4HO
— PMO India (@PMOIndia) September 28, 2025
