“ঐখোয়না ঐখোয়গী হেল্থকেয়র সিস্তেমদা পুম্নমক শুপচিল্লবা পরিং অমদা চঙশিল্লি। ঙসিদি ঐখোয়গী মীৎয়েঙসি হকশেলখক্তদা নত্তনা নুংঙাই য়াইফনা লৈবদসু থম্লি”
“হেল্থ এন্দ ৱেলনেস সেন্তর লাখ ১.৫গী থবক খোঙলৈ থুনা চঙশিল্লি। হৌজিক ফাওবদা সেন্তর ৮৫০০০ হেনবনা চাং নাইনা চত্থবা চেকঅপ, তিকা থাবা অমদি তেস্ত তৌবগী খুদোংচাবা পীরি”
“কোৱিনগুম্বা ফম্বাকশিংনা দিজিতেল হেল্থ সোলুসনগী মতাঙদা মালেমগী মফমদা ভারতকী মফম কল্লি”
“অয়ুস্মান ভারত দিজিতেল হেল্থ মিসন্না কঞ্জ্যুমর অমসুং হেল্থকেয়র প্রোভাইদরশিংগী মরক্তা অরায়বা ইন্তরফেস অমা পীরি। মসিগা লোয়ননা, লৈবাকসিদা লায়েং ফংবা অমদি পীবগী থবক য়াম্না লায়থোকহল্লগনি”
“রিমোত হেল্থকেয়র অমসুং তেলিমেদিসিন্না ভারতকী ময়োল্লম অমসুং খুঙ্গঙগী মরক্তা হকশেলগী খুদোংচাবা ফংবগী চাং খেন্নরমবদু হন্থহল্লগনি”
“ঐখোয়গীদমক্তা লোয়ন-লোয়ননা মালেমগীদমক্তা হেন্না ফবা অয়ুসকী পাম্বৈ কমদৌনা শেমগৎকদগে হায়বসি ঐখোয় পুম্নমক্কী মফমদা লৈরে”

প্রধান মন্ত্রী শ্রী নরেন্দ্র মোদীনা হকশেল অমসুং য়াইফ-য়ুম্বাল মন্ত্রালয়গী পোস্ত য়ুনিয়ন বজেৎ ৱেবিনার হৌদোকখ্রে‍। মসি বজেৎ মতুংগী প্রধান মন্ত্রীনা ৱারোল পীদুনা পাঙথোকপা ৱেবিনার পরিংগী মঙাসুবা ৱেবিনারনি‍। কেন্দ্র মন্ত্রীশিং, লৈঙাক্কী অমদি লনাই সেক্তরদগী হকশেলগী প্রোফেস্নেলশিং, অমসুং পেরা-মেদিক, নর্সিং, হেল্থ মেনেজমেন্ত, তেক্নোলোজী অমসুং রিছর্চকী লমদা লৈরিবা প্রোফেসনেলশিংনা থৌরমদুদা শরুক য়াখি‍।

ওইরক্লিবা ফীভমসিদা, প্রধান মন্ত্রীনা ভারতকী হেল্থকেয়র সিস্তেমদা মতিক চাবা অমদি পান্দমগী মখাদা চঙশিনবা মতৌ পুরক্লিবা মালেমগী খ্বাইদগী চাউবা তিকা থাবগী থবক মায় পাক্না পাঙথোক্লিবসিগীদমক হকশেলগী সেক্তরগী মফমদা নুংঙাইবা ফোঙদোকখি‍।

বজেৎ অসি হৌখিবা চহি ৭সিদা পায়খত্তুনা লাক্লিবা হেল্থকেয়র সেক্তরদা অওনবা অমদি অহোংবা পুরক্নবগী থৌরাংদা মীৎয়েঙ থমদুনা শেমগৎলকখিবনি হায়না প্রধান মন্ত্রীনা হায়খি‍। “ঐখোয়না ঐখোয়গী হেল্থকেয়র সিস্তেমদা পুম্নমক শুপচিল্লবা পরিং অমদা চঙশিল্লি‍। ঙসিদি ঐখোয়গী মীৎয়েঙসি হকশেলখক্তদা নত্তনা নুংঙাই য়াইফনা লৈবদসু থম্লি”, হায়বা ৱাফম মহাক্না থমখি‍।

প্রধান মন্ত্রীনা হকশেলগী সেক্তরবু পুম্নমক কোনশিনবা ফীভমদা থম্নবা লৌখৎলিবা থৌরাংশিংগী মরুওইবা মচাক অহুমগী মরমদা শন্দোক্না ৱাফম কয়া থমখি‍। অহানবদা, মতমগী মেদিকেল সাইন্সকা মরী লৈনবা মচাক মথুম অমসুং হ্যুমেন রিসোর্সশিংনি‍। অনিসুবদা, অয়ুসনচিংবা ভারতকী মহৌশাগী লায়েং পথাপশিংগী মরমদা থিজিন হুমজিনবগী থৌওং য়োকখৎপা মখোয়বু হেল্থকেয়র সিস্তেমদা ইচঙ থৌনা শীজিন্নবনি‍। অহুমসুবদা, মতমগা চুনবা অমদি তুংলমচৎকী ওইবা তেক্নোলোজীশিং শীজিন্নদুনা লৈবাকসিগী মীপুম খুদিংদা, মফম খুদিংদা অহোঙবা মমলদা হকশেলগী খুদোংচাবা পীবনি‍। “মরুওইবা হকশেলগী খুদোংচাবশিং ব্লোক্কী থাক্তা, দিস্ত্রিক্তকী থাক্তা, খুঙ্গঙ ময়াদা লৈহনগদবনি হায়বসি ঐখোয়গী ফিরেপ্নি‍। হায়রিবা মচাক মথুমশিং অসি মতম মতমগী মতুং ইন্না শেমজিন শাজিন্দুনা অমদি মতমগা চুনবা শিন্দুোক্তুনা থমবা মথৌ তাই‍। মসিগীদমক্তা লনাই অমদি অতৈ সেক্তরশিংসু ইচঙ থৌনা মাঙদা থোরকপা মথৌ তাগনি”, হায়না মহাক্না হায়খি‍।

প্রাইমারী হেল্থকেয়র নেইৱর্ক মপাঙ্গল কনখৎহন্নবা, হেল্থ এন্দ ৱেলনেস সেন্তর লাখ ১.৫গী থবক খোঙলৈ থুনা চঙশিল্লি‍ হায়না প্রধান মন্ত্রীনা পাউদমখি‍। হৌজিক ফাওবদা সেন্তর ৮৫০০০ হেনবনা চাং নাইনা চত্থবা চেকঅপ, তিকা থাবা অমদি তেস্ত তৌবগী খুদোংচাবা পীরি‍‍। বজেৎ অসিদা হায়রিবা সেন্তরশিং অসিদা মেন্তেল হেল্থকেয়রগী খুদোংচাবসু হাপচিলনলে, হায়না মহাক্না ফোঙদোকখি‍।

মেদিকেল হ্যুমেন রিসোর্স মপাঙ্গল কনখৎহনবগী মতাঙদা প্রধান মন্ত্রীনা ফোঙদোকখিবদি, “হেল্থকেয়র সর্ভিসকী দিমান্দ হেনগৎলকপগা লোয়ননা, ঐখোয়না হৈ-শিংলবা হকশেলগী প্রোফেসনেলশিংসু শেমগৎনবা হোৎনরি‍। মরম অদুনা, মমাঙ চহিগা চাঙদম্নবদা হকশেলগী মহৈ মশিং অমদি হেল্থকেয়রগা মরী লৈনবা হ্যুমেন রিসোর্স শেমগৎপগী মতাঙদা বজৎ অসিদা মশক থোক্না হেনগৎহল্লে‍।” মেদিকেল এজুকেসনগী মতিং হেনগৎহনবা অমদি মসিবু হেন্না মপুং ফাবা অমদি পু-থাংবা ঙমবা ওইহনবা হায়বসিদা মীৎয়েঙ থম্লগা হায়রিবা অওনবশিং অসি পুরক্নবগীদমক তেক্নোলোজীগী মতেং লৌদুনা অকক্নবা মতম অমা থমদুনা মাঙদা চঙশিন্নবা প্রধান মন্ত্রীনা হেল্থকেয়র কম্ম্যুনিতীগী মফমদা হায়খি‍।

মেদিকেলগী লমদা মতমগী ওইবা অমদি তুংলমচৎকী ওইবা তেক্নোলোজীশিংগী মতাঙদা, প্রধান মন্ত্রীনা দিজিতেল হেল্থ সোলুসনগী মতাঙদা ভারতকী মফম অমা মালেমগী থাক্তা শেমগৎলিবা কোৱিনগুম্বা ফম্বাকশিংবু থাগৎখি‍। মতৌ অসুম্না, অয়ুস্মান ভারত দিজিতেল হেল্থ মিসন্না কঞ্জ্যুমর অমসুং হেল্থকেয়র প্রোভাইদরশিংগী মরক্তা অরায়বা ইন্তরফেস অমা ফংহল্লি হায়না মহাক্না হায়খি‍। “মসিগো লোয়ননা লৈবাকসিদা লায়েং ফংবা অমদি পীবগী থৌওং য়াম্না লায়থোকহল্লগনি‍। মসিদসু নত্তনা, ভারতকী মতিং লৈবা অমদি অহোঙবা হেল্থকেয়র সিস্তেম অসি মালেমগী মফমদা ফংহনবসু ঙমহনগনি”, হায়না প্রধান মন্ত্রীনা অয়ুস্মান ভারত দিজিতেল হেল্থ মিসনগী কান্নবশিংগী মরমদা ফোঙদোকখি‍।

প্রধান মন্ত্রীনা লাইচৎ মনুংদা রিমোৎ হেল্থকেয়র অমসুং তেলিমেদিসিনগী অফবা থৌদাংশিংগী মতাঙদসু ৱাফমশিং থমখি‍। ভারতকী ময়োল্লম অমসুং খুঙ্গঙগী মরক্তা হকশেলগী খুদোংচাবা ফংবদা লৈরিবা খেন্নবশিং হন্থহনবদা হায়রিবা তেক্নোলোজীশিং অসিগী থৌদাংগী মতাঙদসু মহাক্না ফোঙদোকখি‍। হৌজিক পায়খৎলক্কদৌরিবা খুঙ্গঙ খুদিংদা ৫জি নেতৱর্ক অমসুং ওপ্তিকেল ফাইবর নেতৱর্ক প্রোজেক্তী মতাঙদা পল্লদুনা, প্রধান মন্ত্রীনা লনাই সেক্তরশিংদা হীরমসিদা মখোয়গী খোঙবু ওইবগী চাং হেনগৎহন্নবা ৱাফম থমখি‍। অনা-লায়েংগীদমক্তা দ্রোন তেক্নোলোজী শীজিন্ননবা ৱাফমসু মহাক্না থমখি‍।

অয়ুসপু মালেম্না য়ানবা হেনগৎলক্লি হায়বা ৱাফম থম্লদুনা, দব্লিউ.ঐচ.ও.না মাগী অমত্তা ঙায়রবা গ্লোবেল সেন্তর ওফ ত্রেদিসনেল মেদিসিন ভারত্তা লিংখৎনবা থবক পায়খৎলিবসিদা প্রধান মন্ত্রীনা অপেনবা ফোঙদোকখি‍। “ঐখোয়গীদমক্তা লোয়ন-লোয়ননা মালেমগীদমক্তা হেন্না ফবা অয়ুসকী পাম্বৈ কমদৌনা শেমগৎকদগে হায়বসি ঐখোয় পুম্নমক্কী মফমদা লৈরে”, হায়না মহাক্না মখা তাখি‍।

 

 

 

 

 

 

 

 

 

ৱা ঙাংখিবগী মপুংফাবা ৱারোল পানবা মসিদা নম্বীয়ু

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
India's Q3 GDP grows at 8.4%; FY24 growth pegged at 7.6%

Media Coverage

India's Q3 GDP grows at 8.4%; FY24 growth pegged at 7.6%
NM on the go

Nm on the go

Always be the first to hear from the PM. Get the App Now!
...
West Bengal CM meets PM
March 01, 2024

The Chief Minister of West Bengal, Ms Mamta Banerjee met the Prime Minister, Shri Narendra Modi today.

The Prime Minister’s Office posted on X:

“Chief Minister of West Bengal, Ms Mamta Banerjee ji met PM Narendra Modi.”