নুপীশিংদা অখন্নবা মীৎয়েং থমখি: নুপী করোর ২ লাখপতি দিদি ওইহন্নবা স্কিমশিংদগী হৌরগা দ্রোনশিংনা নুপী সেল্ফ হেল্প গ্রুপশিং শক্তি পীনবা স্কিমশিং খন্নখি
জন ঔসাধি স্তোরশিং ১০,০০০দগী ২৫,০০০দা হেনগৎহন্নবা স্কিমশিংনা থবক তৌরি
মহাক্কী নিংতম্বা নুমিৎকী ৱারোলদা লাউথোকখিবা স্কিমশিংগী খুমাঙচাউশিনবশিং য়েংশিন্নবা প্রধান মন্ত্রী শ্রী নরেন্দ্র মোদীনা লুচিংদুনা অৱাংবা থাক্কী মীফম অমা পাংথোকখ্রে।
প্রধান মন্ত্রীনা লাখপতি দিদি করোর ২ হায়বদি সেল্ফ হেল্প গ্রুপশিংদা থবক তৌরিবা নুপী করোর ২ নত্ত্রগা অঙ্গনৱাদি লাখপতিশিংগী মরমদা ৱা ঙাংখি। পান্দম অসি ফংনবা তোঙান-তোঙানবা হিংনবগী লম্বী পীনবা থৌরাংশিংগী ফিবমশু মহাক্না য়েংশিনখি।
মহাক্কী নিংতম্বা নুমিৎকী ৱারোলদা সেল্ফ হেল্প গ্রুপ নুপী ১৫,০০০ রোমদা লৌউ-শিংউ অমসুং মরী লৈনবা থবকশিংগীদমক দ্রোনশিং পীনবা প্রধান মন্ত্রীনা ফোঙদোকখি। মসি থবক ওইনা পাংথোক্নবা নুপী সেল্ফ হেল্প গ্রুপশিং ত্রেনিং পীনবা অমসুং থবকশিং য়েংশিন্নবা পায়খৎলিবা থবকশিংগী ফিবমসু প্রধান মন্ত্রীনা য়েংশিনখি।
মীয়ামদা মমল হোংবা হিদাক-লাংথকশিং ফংবা হেনগৎহন্নবা ভারত্তা জন ঔসাধি স্তোরশিং ১০,০০০দগী ২৫,০০০দা হেনগৎহল্লিবা অসিগী মতাংদসু প্রধান মন্ত্রীনা ৱা ঙাংখি।
