ইকায়খুম্নরবা প্রধান মন্ত্রী মার্ক কারনি,
লৈবাক অনিমক্কী মীহুৎ কাংবু,
মেদিয়াগী মরুপশিং,
খুরুমজরি!
প্রধান মন্ত্রী মার্ক কারনি ভারত্ত তরাম্না ওকপদা ঐ অপেনবা ফাওই। মসি প্রধান মন্ত্রী ওইনা মহাক্কী অহানবা ভারত খোঙচৎনি। মসি মরুওইবা মাইপাকপা অমনি হায়না ঐখোয়না লৌরি।
হৌখিবা চহিদা কনাদাদা পাংথোকখিবা জি-৭ মীফমদা ঐ অমসুং ঐগী মীহুৎকাংবু মহাক্না তরাম্না ওকখি। মদুগা চপ মান্ননা ঙসি ঐনা মহাক ওকপা অসিগী ঐগী লাইবক ফবনি। মখোয়গী সি.ভিদা লৈবাক অনিগী সেন্ত্রেল বেঙ্কিংগী মরুওইবা থৌদাং লৌবা মীওই খর খক মালেম অসিদা লৈরি।
ঐখোয় মফম অসিদা অহানবা উনবা অসি অনৌবা থৌনা, অমনা অমবু থাজনবা অমসুং ঐখোয়গী মরীগী অফবা ওইরে। হিরম খুদিংমক্ত মতেং পাংনবা হেনগৎলকপগীদমক মসিগী মনা ঐনা ঐগী মরুপ প্রধান মন্ত্রী মার্ক কারনিদা পীরি।
মরুপশিং,
ভারত অমসুং কনাদা গনতন্ত্রগী গুনশিংদা অচেৎপা থাজবা থম্লি। ঐখোয়না খেন্নবশিং হরাওবা ফোঙদোক্লি। মীওইবা খুন্নাইগী য়াইফবা থবক পায়খৎপা হায়বসি ঐখোয়গী পান্দমনি। মসিগী পান্দম অসিনা ইথিল পীদুনা হিরম খুদিংমক্ত ঐখোয় মাঙলোমদা চঙশিল্লি। মসিগী পান্দম অসি মথংগী থাক অমগী মরীদা পুখৎনবা ঙসি ঐখোয় ৱা খন্নরে।
ঐখোয়গী পান্দমদি শেন-থুমগী মতেং পাংনবগী খুদোংচাবা মপুংফানা লৌনবা ললোন-ইতিক্কী থবক দোল্লর বিল্লিয়ন ৫০ য়ৌহনবনি। মরম অদুনা, অথুবা মতমদা কমপ্রেহেন্সিপ ইকোনোমিক পার্তনরশিপ য়ানবা পুরক্নবা ঐখোয়না ৱারেপ লৌরে। মসিনা লৈবাক অনিমক্ত নৌনা শেন থাদবা হেনগৎহনগনি অমসুং থবক ফংনবগী খুদোংচাবশিং পীগনি।
কনাদগী পেন্সন ফন্দশিংনা ভারত্ত দোল্লর বিল্লিয়ন ১০০ থাদরে। ভারতকী চাউখৎপগী ৱারিদা মখোয়না থাজবা থম্বা অদু মসিনা খুদম ওইরে।
ঙসি লৈবাক অনিমক্কী ললোন-ইতিক্কী লুচিংবশিংগা ঐখোয়গা উনগনি। মখোয়গী পাউতাকশিংনা ঐখোয়গী শেন-থুমগী মরীগী লম্বী শেমগনি।
মরুপশিং,
তেক্নোলোজি অমসুং ইন্নোবেসনগী লমদা ঐখোয়গী হান্নগী মরুপশিংনি। ভারত অমসুং কনাদা পুন্না থবক তৌমিন্নদুনা, ঐখোয়না অনৌবা ৱাখল্লোনশিং মালেমগী পাম্বৈশিং ওন্থোক্কনি।
হৌখিবা থাদা ভারত্ত পাংথোকখিবা এ.আই ইন্দিয়া সম্মিৎ মাইপাকহনবদা কনাদানা মতেং পাংখিবগীদমক ঐনা প্রধান মন্ত্রী কারনি থাগৎপা ফোঙদোকচরি। ঐখোয়না এ.আই, ক্বান্তম, সুপর কম্পুতিং অমসুং সেমিকন্দক্তরশিংদা মতেং পাংনবা হেনগৎহনগনি।
ঙসি ক্রিতিকেল মিনরেলশিংগী এম.ও.য়ু খুৎয়েক পীনখিবা অসিনা সপ্লাই চেনশিং ফগৎহনগনি। স্পেস সেক্তরদা, ঐখোয়না লৈবাক অনিমক্কী ষ্টার্দঅপশিং অমসুং উদ্যোগশিং পুন্না থবক তৌমিন্নগনি।
মরুপশিং,
প্রধান মন্ত্রী কারনিগীদমক, মহৌশাগী অকোয়বগী ফিবম অসি শেন-থুমগী ফিবম ফগৎনবা শরুক অমনি, তোখায়বা পান্দম অমা নত্তে। ইনর্জিগী লমদা, হায়দ্রোকার্বোনশিং, রিন্যুএবল ইনর্জি, গ্রিন হায়দ্রোজেন অমসুং ইনর্জি ষ্টোরেজদা মীৎয়েং থমদুনা, ঐখোয়গী তুংগী মীরোলগী মরী অমা শেমগৎলি।
কনাদানা ইন্তরনেসনেল সোলার এল্লাইন্স অমসুং গ্লোবেল বাইওফ্যুএল এল্লাইন্স শরুক য়ারকপদা ঐখোয় অপেনবা ফাওই। ঐখোয়গী মান্নবা থবকশিং চাউখৎনবা, চহি অসিদা ইন্দিয়া-কনাদা রিন্যুএবল ইনর্জি অমসুং ষ্টোরেজ সম্মিৎ পাংথোক্কনি।
সিবিল ন্যুক্লিয়ার ইনর্জিগী লমদা, মতম শাংনা য়ুরানিয়ম ফংহন্নবা ঐখোয় য়ানরে। অপীকপা মোদুলার রিয়েক্তরশিং অমসুং এদভান্স রিয়েক্তরশিংদা ঐখোয় পুন্না থবক তৌমিন্নগনি।
লৌউ-শিংউ, লৌউ-শিংউগী তেক্নোলোজিগী মগুন হেনগৎহনবা অমসুং চীঞ্জাক ফংহনবা হায়বসি ঐখোয়গী মান্নবা মরুওইবা থবকশিংনি। মাইকৈ অসিদা, ভারত্ত ইন্দিয়া-কনাদা প্লস প্রোতিন সেন্তর ওফ এক্সলেন্স লিংখৎকনি।
মরুপশিং,
দিফেন্স অমসুং সেকুরিতিগী লমদা মতেং পাংনবা হেনগৎলকপা অসি ঐখোয়গী অমনা অমবু থাজনবা অমসুং মপুংফাবা মরীশিংগী খুদম অমনি। দিফেন্স ইন্দষ্ট্রিশিং, মেরিতাইম অমসুং মিলিতরি একচেঞ্জশিংদা ঐখোয় থবক পায়খৎকনি। মসিগীদমক ইন্দিয়া-কনাদা দিফেন্স দাইলোগ লিংখৎনবা ঙসি ঐখোয় ৱারেপ লৌরে।
মরুপশিং,
মীগা-মীগা লৈনবা মরীশিং অসি ঐখোয়গী মরীশিংগী অশেংনবা মপাঙ্গলনি। মখোয় মখা তানা ফগৎনবা ঙসি ঐখোয়না মরুওইবা ৱারেপ কয়া লৌরে। এ.আই, অনা-লাইয়েং, লৌউ-শিংউ অমসুং ইন্নোবেসন্দা অনৌবা মরীশিং শেমগৎনবা ঙসি তোঙান তোঙানবা য়ুনিভর্সিতিশিংগী মরক্ত লাউথোক্লে। কনাদাগী য়ুনিভর্সিতিশিংগী কেম্পসশিং ভারত্ত হাংদোকপা ঐখোয়না অয়াবা পীরে।
য়েলহৌমীশিং অমসুং ত্রাইবেল ফুরুপশিং ঐখোয়গী নাৎ অমসুং চৎনবীগী মরুওইবা শরুক অমনি। কলচরেল একচেঞ্জগী থবকশিং ফগৎনবা ঙসি নাকল অনিগী মরক্ত এম.ও.য়ু অমা খুৎয়েক পীনরে।
মরুপশিং,
ইন্দো-পেসিফিক্ত কনাদা ভারতকী মরুওইবা মরুপ অমনি। ইন্দিয়ান ওসিন রিম এসোসিএসন্দা মখোয়না দাইলোগ পার্তনর অমা ওইনিংবা অসিদা ঐখোয়না তরাম্না ওক্লি। মসিনা ঐখোয় সমুদ্রগী শরুক্ত মতেং পাংনবা হেন্না ফগৎহনগনি।
তেরোরিজম, এক্সত্রিমিজম অমসুং রেদিকেলাইজেসন লৈবাক অনিমক্কী মান্নবা শিংনবশিং খক ওইবতা নত্তনা, অপুনবা মীওইবা খুন্নাইগীনি হায়বা ঐখোয় য়ারে। মালেমগী শান্তি অমসুং তুংদু-লৈতাবা পুরক্নবগীদমক মখোয়গী মথক্ত ঐখোয় য়াম্না কন্না মতেং পাংনরে।
মালেমদা চৎথিরবা মুক্নবশিং অসিদা ভারতকী ৱাখল্লোন নাখৈ শেংলি। শান্তি অমসুং তুংদু-লৈতাবা পুরক্নবা ঐখোয়না মতম পুম্নমক্ত তকশিল্লি। গনতন্ত্র চৎপা লৈবাক অনি পুন্না চৎমিন্নবা মতমদা, শান্তিগী খোঞ্জেল হেন্না মপাঙ্গল লৈগনি।
নোংচুপ এসিয়াগী হৌজিক ওইরিবা ফিবম ঐখোয়দা হেন্না নুংনাংবা পোকহল্লে। ৱারি শানদুনা অমসুং কুতিনিতিগী খুৎথাংদা য়ানদবা খুদিংমক ৱারোইশিন পুরকপদা ভারতনা শৌগৎলি। লমদম অসিদা লৈরিবা ভারতমচাশিং অশোই-অঙাম থোক্তনবা ঐখোয়না লৈবাক খুদিংমক্কা মখা তানা থবক তৌমিন্নগনি।
ইকায়খুম্নরবা,
অদোমগী খোঙচৎ অসিনা হিরম খুদিংমক্ত ঐখোয় মতেং পাংনবা অসিদা অনৌবা ইনোৎ অমা হাপ্লে। অদোমগী অচেৎপা থাজবা অমসুং ভারত্ত য়েংলিবা মীৎয়েং অদুগীদমক অমুক হন্না ঐনা অদোম থাগৎপা ফোঙদোকচরি।
অদোম থাগৎপা ফোঙদোকচরি।
With Canada and India innovation partnership, we will turn ideas into global solutions: PM @narendramodi
— PMO India (@PMOIndia) March 2, 2026
कृषि में value addition, agri-technology और खाद्य सुरक्षा हमारी साझा प्राथमिकताएं हैं।
— PMO India (@PMOIndia) March 2, 2026
इस दिशा में भारत में India-Canada Pulse Protein Centre of Excellence स्थापित किया जाएगा: PM @narendramodi
Civil Nuclear Energy में हमने long term uranium supply की landmark deal की है।
— PMO India (@PMOIndia) March 2, 2026
हम Small Modular Reactors और advanced reactors पर भी मिलकर काम करेंगे: PM @narendramodi
हमें ख़ुशी है कि कैनेडा ने International Solar Alliance और Global Biofuel Alliance से जुड़ने का निर्णय लिया है।
— PMO India (@PMOIndia) March 2, 2026
हमारे साझा प्रयासों को आगे बढ़ाने के लिए हम इस वर्ष India-Canada Renewable Energy and Storage Summit आयोजित करेंगे: PM @narendramodi
हम defence industries, maritime domain awareness और military exchanges बढ़ाने पर काम करेंगे।
— PMO India (@PMOIndia) March 2, 2026
इसी उद्देश्य से आज हमने India-Canada Defence Dialogue की स्थापना करने का निर्णय लिया है: PM @narendramodi
हम सहमत हैं कि Terrorism, Extremism और Radicalisation दोनों देशों के लिए ही नहीं, पूरी मानवता के लिए साझा और गंभीर चुनौतियाँ हैं।
— PMO India (@PMOIndia) March 2, 2026
इनके विरुद्ध हमारा करीबी सहयोग वैश्विक शान्ति और स्थिरता के लिए अत्यंत महत्वपूर्ण है: PM @narendramodi
पश्चिम एशिया की वर्तमान स्थिति हमारे लिए गहरी चिंता का विषय है।
— PMO India (@PMOIndia) March 2, 2026
भारत dialogue और diplomacy के माध्यम से सभी विवादों के समाधान का समर्थन करता है।
इस क्षेत्र में मौजूद सभी भारतीय नागरिकों की सुरक्षा के लिए हम सभी देशों के साथ मिलकर काम करते रहेंगे: PM @narendramodi
