প্রধান মন্ত্রী শ্রী নরেন্দ্র মোদীনা ঙসি ব্রাজিলগী রিও দি জেনেরোদা জুলাই ৬-৭, ২০২৫দা পাংথোক্লিবা ১৭শুবা BRICS সম্মিৎতা শরুক য়াখ্রে। লুচিংবশিংনা BRICS এজেন্দাগী তোঙান তোঙানবা হিরমশিংদা মহৈ য়াল্লবা খন্ন-নৈনবগী থৌরম অমা পাংথোকখি। মসিদা গ্লোবেল গভর্নান্সকী রিফোর্ম, গ্লোবেল সাউথকী ভোইস হেনগৎহনবা, শান্তি অমসুং সেক্যুরিতী, মল্তিলেতরেলিজম মপাঙ্গল কনখৎহনবা, দিবেলপমেন্ত ইসুশিং অমসুং আর্তিফিসিএল ইন্তেলিজেন্স য়াওরি। প্রধান মন্ত্রীনা ব্রাজিলগী রাস্ত্রপতিবু মহাক্কী মীয়োক মীচান ফবা মতৌ অমসুং সম্মিৎ অসি মায় পাক্না পাংথোকপগীদমক থাগৎপা ফোংদোকখি।
প্রধান মন্ত্রীনা "গ্লোবেল গভর্নান্স অমসুং শান্তি অমসুং সেক্যুরিতীগী রিফোর্ম"গী মতাংদা হৌদোকপগী মীফমদা ৱা ঙাংখি। মতুং তারকপদা, প্রধান মন্ত্রীনা "মলতিলেতরেল, ইকোনোমিক-ফাইনান্সিএল এফিয়র্স অমসুং আর্তিফিসিএল ইন্তেলিজেন্স মপাঙ্গল কনখৎহনবা" হায়বা মীফম অমদা ৱা ঙাংখি। সেসন অসিদা BRICS পার্তনর অমসুং বর্তন তৌখিবা লৈবাকশিংনা শরুক য়াখি।
গ্লোবেল গভর্নান্স অমসুং শান্তি অমসুং সেক্যুরিতীগী সেসনদা ৱা ঙাংলদুনা, প্রধান মন্ত্রীনা গ্লোবেল সাউথকী ৱা ঙাংবদা ভারতকী অচেৎপা ফিরেপ অদু অমুক হন্না ফোংদোকখি। চাউখৎলক্লিবা লৈবাকশিংদা ক্লাইমেৎ ফাইনান্সিং অমসুং তেক্নোলোজী ফংহনবগী মতাংদা সস্তেনেবল দিবেলপমেন্তকীদমক হেন্না চাউবা মতেং মথৌ তাই হায়না মহাক্না পনখি। ২০শুবা চহিচাগী মালেমগী ওর্গনাইজেসনশিংনা ২১শুবা চহিচাগী শিংনবশিং অসি থেংননবা ঙম্বগী মপাঙ্গল লৈতে হায়না পল্লদুনা মহাক্না মখোয়বু শেমদোকপগী তঙাইফদবা অদু পনখি। মল্তিপোলার অমসুং ইনক্লুসিব ওইবা মালেমগী চৎন-কাঙলোন অমা শেমগৎনবা হায়রদুনা প্রধান মন্ত্রীনা হায়খি মদুদি UN সেক্যুরিতী কাউন্সিল, IMF, ৱার্ল্দ বেঙ্ক অমসুং WTOগুম্বা মালেমগী লৈঙাক পায়বগী ইন্সতিত্যুসনশিং অসি হৌজিক্কী মতমগী ফিবমশিং অদু উৎনবগীদমক অথুবা মতমদা রিফোর্ম তৌগদবনি। মহাক্না লুচিংবশিংবু UN সেক্যুরিতী কাউন্সিল রিফোর্ম তৌবগী তঙাইফদবা অদু পুথোকপা অমসুং সম্মিৎ দিক্লেরেসনদা হীরম অসিগী মতাংদা অকনবা লোল অমা এদোপ্ত তৌবগীদমক থাগৎপা ফোংদোকখি।
শান্তি অমসুং সেক্যুরিতীগী মতাংদা, প্রধান মন্ত্রীনা হায়খি মদুদি তেরোরিজম অসি মীওইবা খুন্নাইনা থেংনরিবা অচৌবা খুদোংথীবনি। মতাং অসিদা মহাক্না পহলগাম তেরোরিস্ত এতেক এপ্রিল ২০২৫ অসি ভারত খক্তদা এতেক তৌরকপা অমা নত্তে, মসি মীওইবা খুন্নাই পুম্বদা তৌবা এতেক অমনি হায়না পনখি। তেরোরিজমগী মায়োক্তা মালেমগী ওইনা অকনবা থবক লৌখৎনবা প্রধান মন্ত্রীনা হায়খি মদুদি তেরোরিস্তশিংদা শেল থাদবা, পুক্নিং থৌগৎপা নৎত্রগা শাফবা মফমশিং পীরিবশিং অসি খ্বাইদগী অকনবা মওংদা থেংনগদবনি। তেরোরিজমগা মরী লৈনবা থবকশিংদা দবল স্তেন্দর্দ লৈরোইদবনি হায়না মহাক্না অকনবা ৱাফম থমখি। মহাক্না BRICS লুচিংবশিংবু পহলগাম তেরোরিস্ত এতেক্ত অদু অকনবা মওংদা য়ানিংদবা ফোংদোকপগীদমক থাগৎপা ফোংদোকখি। তেরোরিজমগী মায়োক্তা মালেমগী ওইনা লান্থেংনরিবা অসি মপাঙ্গল কনখৎহন্নবা মহাক্না BRICS লৈবাকশিংদা তকশিনখি।
হীরম অসিগী মতাংদা মখা তানা শন্দোক্না তাক্লদুনা, প্রধান মন্ত্রীনা হায়খি মদুদি নোংচুপ এসিয়াদগীনা য়ুরোপ ফাওবদা, লান হৌবা অসি চাউনা নুংনাংনীংঙাই ওইবা ৱাফম অমনি। মহাক্না মখা তারদুনা হায়খি মদুদি ভারতনা অসিগুম্বা অসিগী ৱারোইশিন পুরক্নবা দাইলোগ অমসুং দিপ্লোমেসীদা মতম পুম্নমক্তা মতেং পাংনবা হায়খি অমসুং অসিগুম্বা খোঙথাং অসিদা মতেং পাংনবা শেম-শারি।
"মলতিলেতরেলিজম, ইকোনোমিক-ফাইনান্সিএল এফিয়র্স অমসুং আর্তিফিসিএল ইন্তেলিজেন্স মপাঙ্গল কনখৎহনবা" হায়বা সেসন অদুদা ৱা ঙাংলদুনা প্রধান মন্ত্রীনা হায়খি মদুদি দাইভর্সিতী অমসুং মলতিপোলরিতী অসি BRICSকী মপাঙ্গল ওই। মহাক্না হায়খি মদুদি ৱার্ল্দ ওর্দর অসি প্রেসরগী মখাদা লৈরি অমসুং গ্লোবেল কম্ম্যুনিতীনা তম্বা ঙমদবা অমসুং শিংনবশিংগী মায়োক্নদুনা লৈরিঙৈ মতম অসিদা, BRICS কী মরুওইবা অদু ময়েক শেংলে। মহাক্না মখা তারদুনা হায়খি মদুদি BRICSনা মল্তিপোলার ওইবা মালেম অমা শেমগৎপদা মরু ওইবা থৌদাং অমা লৌবা য়াই। মসিগী মতাংদা মহাক্না ৱাফম মরি থমখি: অহানবদা, BRICS ন্যু দিবেলপমেন্ত বেঙ্কনা দিমান্দ দ্রিভন প্রিন্সিপল অমসুং প্রোজেক্তশিং গ্রান্ত তৌবদা মতম শাংনা চৎনগদবা সস্তেনেবিলিতী ঙাক্না চৎকদবনি; অনিশুবদা, গ্রুপ অসিনা গ্লোবেল সাউথকী লৈবাকশিংদা কান্নবা ফংহনগদবা সাইন্স অমসুং রিসর্চ রিপোজিৎরী অমা লিংখৎনবা খন্নগদবনি; অহুমশুবদা, ক্রিতিকেল মিনরেলশিংগী সপ্লাই চেনবু সেক্যুর অমসুং রেসিলিয়েন্ত ওইহন্নবা মীৎয়েং থমগদবনি; অমসুং মরিশুবদা, গ্রুপ অসিনা রেস্পোন্সিবল AIগীদমক থবক তৌগদবনি - AIগী গভর্নান্সকী নুংনাংনীংঙাই ওইবা ৱাফমশিং য়েংশিল্লিঙৈদা, মসিনা লম অসিদা ইন্নোবেসন প্রমোৎ তৌবদা চপ মান্নবা মরুওইবা পীগদবনি।
লুচিংবশিংগী মীফম লোইশিল্লকপদা, মেম্বর লৈবাকশিংনা রিও দি জেনেরো দিক্লেরেসন এদোল্ত তৌনবা য়াখি।
Click here to read full text speech of Reform of Global Governance
