ঙসি প্রধান মন্ত্রী শ্রী নরেন্দ্র মোদীনা ভিদিও কনফরেন্সিংগী খুৎথাংদা উত্তর প্রদেসতা ঐচ.সি.এল-ফোক্সকোন সেমিকন্দক্তর য়ুনিত উরেপ-উয়ুং তম্বগী থৌরম শরুক য়াখ্রে। ন্যু দিল্লিদা গ্লোবেল এ.আই সম্মিৎ পাংথোকপগা লোয়ননা, মালেমগী সেমিকন্দক্তরগী মফম অমা ওইনবা ভারতকী খোঙচৎকী পুৱারি ওইরবা খুমাঙচাউনশিনবা অমা থৌরম অসিনা ওইরে।
থৌরম অদুদা তিনখিবা মীয়ামদা ৱা ঙাংবদা, প্রধান মন্ত্রীনা হায়খি মদুদি বিকসিত ভারত ওইনবা মাইকৈদা ভারত থবক পায়খৎলি। লাল কিলাদগী ঐনা হায়খি, ভারত পোথানবগী মতম লৈতে। ২০২৬ হৌরকপদগী, ভারতনা মসিগী খোঙজেল য়াংখৎলে। হন্দক পাংথোকখিবা বিকসিত ভারত য়ং লিদরস দাইলোগ, নেসনেল ষ্টার্দঅপ দেগুম্বা থৌরমশিংনা ভারত্ত ষ্টার্দ অপগী অওনবদা থৌনা হাপ্লে অমসুং ইন্দিয়া ইনর্জি সম্মিৎকী খুৎথাংদা ভারতনা মালেমগী পুক্নিং চিংশিল্লে।
প্রধান মন্ত্রীনা হায়খি মদুদি বিকসিত ভারতকী বজেতনা লৈবাক্কী চাউখৎপদা অনৌবা ইনোৎ হাপ্লে, মসি তশেংনা ভারতকী পুৱারি ওইরবা চয়োল অমা ওইরে। গ্লোবেল এ.আই ইম্পেক্ত সম্মিৎতা, ভারতকী এ.আইগী থবকশিং য়েংনবা মালেমগী লুচিংবশিং, রাজ্যগী লুচিংবশিং অমসুং তেক্নোলোজিগী লময়ানবশিং পুনখি, লৈবাক অসিগী মরুওইবা পান্দম মপুংফানা খঙলে অমসুং থাগৎনখি। ঙরাং এ.আই সম্মিৎ হেক লোইবগা, ভারতকী সেমিকন্দক্তরগী থবক মপাঙ্গল কনখৎহন্নবা অচৌবা থৌরম অসিগা লোয়ননা ঙসি লৈবাক অসি মাঙলোমদা চঙশিল্লি। অনৌবা মালেম অসি হিংনবা দরকার ওইবা থবক্কী শক্তি পীদুনা হৌজিক ভারত মালেমগী মকোক থোঙবা লৈবাকশিংগা লেপমিন্নরি অমসুং সোফৱায়ার অমসুং হার্দৱায়ারগী হিরমশিংদা চপ মান্না থবক পায়খৎলি।
প্রধান মন্ত্রীনা হায়খি মদুদি চৎলিবা দিগেদ অসি ভারতকী তেকগেদনি। গ্রিন ইনর্জি, স্পেস তেক, দিজিতেল তেক্নোলোজি অমসুং এ.আইদা শেন থাদবনা ২১শুবা চহিচাদা ঐখোয়গী পাঙ্গলগী য়ুম্ফম থোনগনি। তুংদা মীওইবা খুন্নাইগী মরাইবক লেপকদবা তেক্নোলোজি খুদিংমক্ত ঙসি মমাঙদা অমুক্ত ওইখিদ্রিবা মওংদা ভারতনা শেন থাদরে অমসুং ভারত্ত অফবা সেমিকন্দক্তর শানবা থবক অমা পায়খৎলকপা অসি মসিগী অচৌবা খুদম অমনি।
চিপশিংগী মরুওইবা পল্লদুনা, প্রধান মন্ত্রীনা হায়খি মদুদি ২১শুবা মখোয়গী মগুন অসি ২০শুবা চহিদা থাউগী মরুওইবা অদুগা চাংদম্নবা য়াই। কোরোনা লাইচৎ মনুংদা, চিপ সপ্লাই চেনদা খুদোংচাদবা মায়োক্নখিবা অদু মালেম্না উখ্রে। সপ্লাই তপথরকপা মতমদা, মালেমগী শেন্মিৎলোন তপথরকই। খুদোংথিবা অদু খুদোংচাবা অমা ওন্থোক্নবা ভারতনা পারা তমখি অমসুং চিপ শাবদা ভারতনা অত্মনির্ভর ওইনবা ৱারেপ লৌরে। ঙসিগী থৌরম অসিদা পান্দম অদুগী মমি তারে।
প্রধান মন্ত্রীনা হায়খি মদুদি এ.আইদগী হৌরগা ৬জি, দিফেন্স অমসুং ই.ভিশিংগুম্বা মরুওইবা হিরমশিংদা শক্তি পীদুনা, “মেদ-ইন-ইন্দিয়া” চিপশিংনা বিকসিত ভারতকী য়াংলেন শরুক ওইরি। পান্দম অসি শৌগৎনবা, সেমিকন্দক্তর মিসনগী অনিশুবা তাঙ্কক্কী বজেতশিংগা লোয়ননা চিপশিং অমসুং ষ্টার্দঅপ থবকশিংগীদমক অখন্নবা মীওই ৮৫,০০০ রোম ত্রেনিং পীগনি অমসুং অৱাংবা থাক্কী রিছার্স অমসুং দিবলপমেন্ত অমসুং মেনুফেকচরিং শৌগৎনবা রিয়ার আর্থ কোরিদোরশিং লিংখৎলে।
উত্তর প্রদেসকী সংসদকী মেম্বর অমা ওইনা, প্রধান মন্ত্রীনা হায়খি মদুদি রাজ্য অসি অওনবা পুরকপদা য়াম্না চাউথোকচৈ। ভারতকী সেমিকন্দক্তর পুথোক্নবা মরুওইবা মফম অমা ওইনবা উত্তর প্রদেস শেম-শারে, লমদম অসিদা দিজাইন হাওসশিং, আর অমসুং দি সেন্তরশিং অমসুং ষ্টার্দঅপ ইকোসিষ্টেমশিং লৈরগনি, নহারোলশিং থবক য়াম্লবা থবকশিং ফংনবা খুদোংচাবশিং পীরে।
প্রধান মন্ত্রীনা হায়খি মদুদি হৌখিবা চহি ১১ দা, ইলেক্ত্রোনিক্স মেনুফেকচরিং শরুক ৬ হেনগৎতুনা, লৈবাক অসিগী উদ্যোগকী থবকশিংদা অচৌবা অহোংবা পুরকপা ভারতনা উবা ফংলে। মসিগী চাউখৎপা অসি মোবাইল রিভোলুসন্দা উবা ফংলে, লৈবাক অসি পোৎথোক পুথোকপা শরুক ২৮ হেনগৎলে আমসুং মপান্দা থাদোকপা শরুক ১০০ হেনগৎলে। মাইপাকপগী ৱারি অসিদা উত্তর প্রদেস পৱারহাওস অমনি অমসুং অকনবা য়ুম্বী অমনি, হৌজিক লৈবাক অসিদা অপুনবা মোবাইল ফোনশিংগী তঙ্খায় অমা মফম অসিদগী পুথোক্লি। অওনবা অসি মালেমগী মেনুফেকচরিংগী মফম অমা ওইনবা মাইকৈদা চঙশিল্লিবা ভারতকী খোঙচৎকী শিংথানিঙাই ওইরবা মাইপাকপা অমনি।
প্রধান মন্ত্রীনা হায়খি মদুদি মতম অমদা মীহাৎ-মীপুনগা মরী লৈনবা রাজ্য অমা ওইরম্বা উত্তর প্রদেসগী শক্তমদা অহোংবা পুরক্তুনা জেৱার ইন্তরনেসনেল এয়রপোর্ত অমসুং দেদিকেতেদ ফ্রেদ কোরিদোরশিংগুম্বা মালেম থাক্কী ইনফ্রাষ্ট্রকচর, এক্সপ্রেসৱেশিং, দিফেন্স কোরিদোরশিংগীদমক মমিং চৎলিবা অসি “দবল-ইঞ্জিন সরকার”না ওইহনবনি। মখোয়না থাদখিবা শেনফম মপুংফানা হল্লক্কনি হায়বগী থাজবা অমা লৈবা অদু মখোয় খঙবদগী মালেমগী ইনভেষ্টরশিং উত্তর প্রদেসসতা লাকপনি। হয়েং মহাক্না দিল্লি-মেরুত নমো ভারত ত্রেন কোরিদোর শঙ্গাগনি, মখা তানা লমদম অসিগী চৎথোক-চৎশিন ফগৎহনগনি।
মহাক্কী ৱারোল লোইশিল্লকপদা, মখোয় পুন্না থবক তৌমিন্নবগীদমক প্রধান মন্ত্রীনা ঐচ.সি.এল তেক্নোলোজিস চিয়ার্মেন রোসনি নাদার অমসুং ফোক্সকোন সেমিকন্দক্তর ব্যুজিনেস গ্রুপ প্রসিদেন্ত থাগৎপা ফোঙদোকখি। মহাক্না হায়খি ফোক্সকোন শরুক য়াবা অসি মালেমদা পাউজেল অমা পীরে। গনতন্ত্র চৎপা ভারত মালেম্না থাজবা মরুপ অমনি; ঐখোয়না শরুক য়াবদগী মালেমগী ভেলু চেনশিং খুদোংথিবা মায়োক্নবা ঙম্বা হেনগৎলে, মালেম অমসুং ভারতকী কান্নবনি।
ৱা ঙাংখিবগী মপুংফাবা ৱারোল পানবা মসিদা নম্বীয়ু
भारत software और hardware... दोनों पहलुओं पर एक साथ काम कर रहा है।
— PMO India (@PMOIndia) February 21, 2026
हम सभी के लिए ये गर्व की बात है कि उत्तर प्रदेश भी भारत के semiconductor ecosystem का बड़ा centre बनने जा रहा है।
HCL और Foxconn की ये नई factory... technology powerhouse के रूप में यूपी की नई पहचान को और सशक्त…
ये Decade भारत का Techade है।
— PMO India (@PMOIndia) February 21, 2026
इस दशक में भारत technology के क्षेत्र में जो कुछ कर रहा है... वो 21वीं सदी के हमारे सामर्थ्य का आधार बनेगा: PM @narendramodi
भारत को chip manufacturing में आत्मनिर्भर बनाना है... इसके लिए... भारत में semiconductor ecosystem का निर्माण करना है: PM @narendramodi
— PMO India (@PMOIndia) February 21, 2026
भारत जैसा लोकतांत्रिक देश... दुनिया का एक भरोसेमंद partner है... किसी भी Value Chain में भारत की बढ़ती भागीदारी, उस Value Chain की resilience को ही बढ़ाएगी: PM @narendramodi
— PMO India (@PMOIndia) February 21, 2026
आज दुनिया भारत को tech future के centre के रूप में देख रही है: PM @narendramodi
— PMO India (@PMOIndia) February 21, 2026
