প্ৰধানমন্ত্ৰী শ্ৰী নৰেন্দ্ৰ মোদীয়ে আজি ভিডিঅ' কনফাৰেন্সৰ জৰিয়তে উত্তৰপ্ৰদেশত এইচচিএল-ফক্সকনৰ অৰ্ধপৰিবাহী ইউনিটৰ আধাৰশিলা স্থাপন অনুষ্ঠানত অংশগ্ৰহণ কৰে। নতুন দিল্লীত অনুষ্ঠিত বিশ্ব এআই ইম্পেক্ট ছামিটৰ পিছত এই অনুষ্ঠানটো ভাৰতৰ অৰ্ধপৰিবাহী ক্ষেত্ৰৰ এক বিশ্ব কেন্দ্ৰ হিচাপে পৰিগণিত হোৱাৰ যাত্ৰাত এক ঐতিহাসিক মাইলৰ খুঁটি হিচাপে চিহ্নিত হৈছে।
অনুষ্ঠানত ভাষণ প্ৰদান কৰি প্ৰধানমন্ত্ৰীয়ে কয় যে ভাৰতে দ্ৰুতগতিত বিকশিত ভাৰত গঢ়াৰ লক্ষ্যৰে কাম কৰি আছে। "মই লালকিল্লাৰ পৰা কৈছো, ভাৰতৰ এতিয়া থমকি ৰোৱাৰ সময় নাই। ২০২৬ৰ আৰম্ভণিৰ পৰা ভাৰতে ইয়াৰ গতি ত্বৰান্বিত কৰিছে", প্ৰধানমন্ত্ৰীয়ে এইদৰে কয়। শ্ৰী মোদীয়ে সাম্প্ৰতিক মাইলৰ খুঁটিসমূহ যেনে- বিকশিত ভাৰত যুৱ নেতা সন্মিলন, ভাৰতত ষ্টাৰ্ট-আপ বিপ্লৱক সৱলীকৰণ কৰা ৰাষ্ট্ৰীয় ষ্টাৰ্ট-আপ দিৱস আৰু ভাৰতৰ শক্তি সন্মিলনৰ কথা উল্লেখ কৰে।
প্ৰধানমন্ত্ৰীয়ে কয় যে বিকশিত ভাৰত বাজেটে দেশৰ প্ৰগতিৰ ক্ষেত্ৰত এক নতুন গতি প্ৰদান কৰিছে আৰু এই সপ্তাহটো ভাৰতৰ বাবে এক ঐতিহাসিক সপ্তাহ হিচাপে পৰিগণিত হৈছে। তেওঁ উল্লেখ কৰে যে গ্ল'বেল এআই ইম্পেক্ট সন্মিলনত বিশ্বৰ নেতা, ৰাষ্ট্ৰৰ মুৰব্বী আৰু প্ৰযুক্তিৰ প্ৰতিষ্ঠানসমূহে ভাৰতৰ এআই ক্ষমতাৰ সাক্ষী হোৱাৰ বাবে একত্ৰিত হৈছিল আৰু অৱশেষত দেশৰ কৌশলগত দৃষ্টিভংগীক স্বীকৃতি আৰু প্ৰশংসা কৰিছিল। তেওঁ কয় যে কালি এআই সন্মিলন সামৰণি পৰাৰ লগে লগে, ভাৰতৰ অৰ্ধপৰিবাহী পৰিস্থিতিতন্ত্ৰ শক্তিশালী কৰাৰ বাবে দেশখনে এই বৃহৎ কাৰ্যসূচী লৈ আগবাঢ়িছে। শ্ৰী মোদীয়ে কয় যে ভাৰতে বৰ্তমান বিশ্বৰ শীৰ্ষ দেশসমূহৰ সৈতে আধুনিক বিশ্ব পৰিচালনাৰ বাবে প্ৰয়োজনীয় প্ৰক্ৰিয়াকৰণ ক্ষমতা প্ৰদানৰ বাবে প্ৰচেষ্টা চলাই আছে আৰু একে সময়তে ছফ্টৱেৰ আৰু হাৰ্ডৱেৰ দিশতো কাম কৰি আছে।
প্ৰধানমন্ত্ৰীয়ে এই দশকটোক ভাৰতৰ প্ৰযুক্তিৰ দশক হিচাপে গঢ়ি তোলাৰ সপোনৰ কথা দোঁহাৰে আৰু কয় যে সেউজ শক্তি, মহাকাশ প্ৰযুক্তি, ডিজিটেল প্ৰযুক্তি আৰু এআইত বিনিয়োগে একবিংশ শতিকাৰ সামৰ্থ্যৰ ভেটি গঠন কৰিব। তেওঁ লগতে কয় যে মানৱতাৰ ভৱিষ্যত নিৰ্ধাৰণ কৰিব পৰা প্ৰতিটো প্ৰযুক্তিৰ ক্ষেত্ৰত ভাৰতে অভূতপূৰ্ব বিনিয়োগ কৰি আছে আৰু ভাৰতত এই শক্তিশালী অৰ্ধপৰিবাহী পৰিস্থিতিতন্ত্ৰৰ বিকাশ ইয়াৰ এক উৎকৃষ্ট উদাহৰণ।
চিপছৰ কৌশলগত গুৰুত্বৰ কথা উল্লেখ কৰি প্ৰধানমন্ত্ৰীয়ে কয় যে একবিংশ শতিকাত চিপছৰ মূল্য বিংশ শতিকাৰ তেলৰ সৈতে তুলনা কৰিব পাৰি। "ক'ৰোনা মহামাৰীৰ সময়ত, বিশ্বই চিপছ যোগান শৃংখলাৰ ভঙ্গুৰতা দেখিছিল। শ্ৰী মোদীয়ে উল্লেখ কৰে যে যেতিয়া যোগান বন্ধ হয়, তেতিয়া বিশ্ব অৰ্থনীতিৰ অৱস্থা শোচনীয় হৈ পৰে। তেওঁ এই কথাও উল্লেখ কৰে যে ভাৰতে এই সংকটৰ পৰা শিক্ষা লৈ ইয়াক এক সুযোগলৈ ৰূপান্তৰিত কৰিছে আৰু সিদ্ধান্ত লৈছে যে ভাৰতে চিপ উৎপাদনত আত্মনিৰ্ভৰশীল হ'ব লাগিব। শ্ৰী মোদীয়ে কয়, "আজিৰ কাৰ্যসূচী এই দৃষ্টিভংগীৰ প্ৰতিফলন।
প্ৰধানমন্ত্ৰী মোদীয়ে কয় যে "মেড ইন ইণ্ডিয়া" চিপছ হৈছে বিকশিত ভাৰতৰ মেৰুদণ্ড, যিয়ে এআই আৰু ৬জিৰ পৰা প্ৰতিৰক্ষা আৰু ইভিৰ দৰে গুৰুত্বপূৰ্ণ ক্ষেত্ৰসমূহক শক্তি প্ৰদান কৰিব। এই দৃষ্টিভংগীৰ সমৰ্থনৰ বাবে তেওঁ চিপছ টু ষ্টাৰ্টআপৰ উদ্যোগৰ কথা উল্লেখ কৰে, যিয়ে ৮৫,০০০ বিশেষজ্ঞক প্ৰশিক্ষণ প্ৰদান কৰিব। তদুপৰি, অৰ্ধপৰিবাহী মিছনৰ দ্বিতীয় পৰ্যায় আৰু এণ্ড-টু-এণ্ড গৱেষণা আৰু বিকাশ আৰু নিৰ্মাণৰ সমৰ্থনৰ বাবে ৰেয়াৰ আৰ্থ কৰিড'ৰ স্থাপনৰ দৰে বাজেট-নেতৃত্বাধীন অগ্ৰগতিৰ কথাও উল্লেখ কৰে।
উত্তৰপ্ৰদেশৰ এজন সাংসদ হিচাপে প্ৰধানমন্ত্ৰীয়ে ৰাজ্যখনৰ পৰিৱৰ্তনৰ ওপৰত গৌৰৱ প্ৰকাশ কৰে। শ্ৰী মোদীয়ে কয় যে উত্তৰ প্ৰদেশে অৰ্ধপৰিবাহী ইকোছিষ্টেমৰ বাবে এক প্ৰধান কেন্দ্ৰ হৈ উঠিছে, যিয়ে অঞ্চলটোত ডিজাইন হাউচ, গৱেষণা আৰু বিকাশ কেন্দ্ৰ আৰু ষ্টাৰ্টআপ ইকোছিষ্টেম আনিব, যুৱক-যুৱতীসকলৰ বাবে ব্যাপক নিয়োগৰ সুযোগ সৃষ্টি কৰিব।
প্ৰধানমন্ত্ৰীয়ে উল্লেখ কৰে যে যোৱা ১১ বছৰত ভাৰতে ইয়াৰ ঔদ্যোগিক ক্ষেত্ৰখনত এক বৃহৎ পৰিৱৰ্তন দেখিবলৈ পাইছে, য'ত ইলেক্ট্ৰনিক্স নিৰ্মাণৰ পৰিমাণ ৬ গুণ বৃদ্ধি পাইছে। তেওঁ লগতে কয় যে এই বৃদ্ধি ম'বাইল বিপ্লৱত অধিক স্পষ্ট হৈ পৰিছে, য'ত ঘৰুৱা উৎপাদন ২৮ গুণ বৃদ্ধি পাইছে আৰু ৰপ্তানি ১০০ গুণ বৃদ্ধি পাইছে। শ্ৰী মোদীয়ে মন্তব্য কৰে যে উত্তৰপ্ৰদেশে এই সফলতাৰ ক্ষেত্ৰত এক শক্তিশালী স্তম্ভ হিচাপে আত্মপ্ৰকাশ কৰিছে আৰু বৰ্তমানে দেশত উৎপাদিত মুঠ ম'বাইল ফোনৰ অৰ্ধেকৰো অধিক উত্তৰপ্ৰদেশে উৎপাদন কৰিছে। এই পৰিৱৰ্তন ভাৰতৰ বিশ্ব নিৰ্মাণ কেন্দ্ৰ হোৱাৰ যাত্ৰাত এক গুৰুত্বপূৰ্ণ মাইলৰ খুঁটি হিচাপে চিহ্নিত হৈছে।
প্ৰধানমন্ত্ৰীয়ে "ডাবল ইঞ্জিন চৰকাৰ"ক কৃতিত্ব প্ৰদান কৰি কয় যে ইয়াৰ দ্বাৰা উত্তৰপ্ৰদেশৰ পৰিচয় ক্ৰমে অপৰাধ আৰু প্ৰব্ৰজনৰ সৈতে জড়িত হৈ থকা ৰাজ্যখনৰ পৰা এক্সপ্ৰেছৱে, প্ৰতিৰক্ষা কৰিডৰ আৰু জেৱাৰ আন্তঃৰাষ্ট্ৰীয় বিমানবন্দৰ আৰু ডেডিকেটেড ফ্ৰেইট কৰিডৰৰ দৰে বিশ্বমানৰ আন্তঃগাঁথনিৰ বাবে পৰিচিত হৈছে। বিশ্ব বিনিয়োগকাৰীসকল উত্তৰপ্ৰদেশলৈ আহিছে, কাৰণ তেওঁলোকে জানে যে তেওঁলোকৰ বিনিয়োগৰ পৰা তেওঁলোকে সুন্দৰ লাভ পাব। শ্ৰী মোদীয়ে লগতে ঘোষণা কৰে যে তেওঁ কাইলৈ দিল্লী-মীৰাচ নমো ভাৰত ৰে'ল কৰিড'ৰ উদ্বোধন কৰিব, যাৰ জৰিয়তে এই অঞ্চলৰ যোগাযোগ ব্যৱস্থা আৰু অধিক উন্নত হ'ব।
ভাষণৰ সামৰণিত প্ৰধানমন্ত্ৰীয়ে এইচচিএল টেকন'লজিছৰ অধ্যক্ষ ৰোশনি নাডাৰ আৰু ফক্সকনৰ অৰ্ধপৰিবাহী বিজনেছ গ্ৰুপৰ অধ্যক্ষ বব চেনৰ সহযোগিতাৰ বাবে ধন্যবাদ জ্ঞাপন কৰে। তেওঁ উল্লেখ কৰে যে ফক্সকনৰ উপস্থিতিয়ে এক বিশ্বজনীন বাৰ্তা প্ৰেৰণ কৰিছেঃ "গণতান্ত্ৰিক ভাৰত এখন বিশ্বাসযোগ্য অংশীদাৰ। মূল্য শৃংখলাত আমাৰ অংশগ্ৰহণে ইয়াৰ সুস্থিৰতা বৃদ্ধি কৰে, যিটো ভাৰত আৰু বিশ্বৰ বাবে এক জয়জয়-ময়ময় সময়।
সম্পূৰ্ণ ভাষণ পঢ়িবলৈ ইয়াত ক্লিক কৰক
भारत software और hardware... दोनों पहलुओं पर एक साथ काम कर रहा है।
— PMO India (@PMOIndia) February 21, 2026
हम सभी के लिए ये गर्व की बात है कि उत्तर प्रदेश भी भारत के semiconductor ecosystem का बड़ा centre बनने जा रहा है।
HCL और Foxconn की ये नई factory... technology powerhouse के रूप में यूपी की नई पहचान को और सशक्त…
ये Decade भारत का Techade है।
— PMO India (@PMOIndia) February 21, 2026
इस दशक में भारत technology के क्षेत्र में जो कुछ कर रहा है... वो 21वीं सदी के हमारे सामर्थ्य का आधार बनेगा: PM @narendramodi
भारत को chip manufacturing में आत्मनिर्भर बनाना है... इसके लिए... भारत में semiconductor ecosystem का निर्माण करना है: PM @narendramodi
— PMO India (@PMOIndia) February 21, 2026
भारत जैसा लोकतांत्रिक देश... दुनिया का एक भरोसेमंद partner है... किसी भी Value Chain में भारत की बढ़ती भागीदारी, उस Value Chain की resilience को ही बढ़ाएगी: PM @narendramodi
— PMO India (@PMOIndia) February 21, 2026
आज दुनिया भारत को tech future के centre के रूप में देख रही है: PM @narendramodi
— PMO India (@PMOIndia) February 21, 2026
