প্রধান মন্ত্রী, শ্রী নরেন্দ্র মোদীনা ঙসি বেঙ্কোক্তা BIMSTEC সম্মিতকী মনুংদা ম্যানমারগী স্তেত এদমিনিস্ত্রেশন কাউন্সিলগী চিয়রমেন অমসুং প্রধান মন্ত্রী, সেনিয়র জেনরেল মিন ওং হলেংগা উনখ্রে।
লুচিংবা অনি অদুনা ম্যানমারদা থোকখিবা অমাং-অতা থোকনিংঙাই ওইরবা য়ুহার হাবগী থৌদোক অদুগী মতুং তারকপা ফিভম অদুগী মতাংদা খন্নখি, মখোয়না ম্যানমারদা হ্যুমেনিতেরিয়ন এদ, দিজাস্তর রিলীফ অমসুং মেদিকেল এসিস্তেন্স পীনবা “ওপরেশন ব্রহ্মা”গী মখাদা ভারতনা হোৎনরিবশিং অদুগী মতাংদশু খন্নবা য়াওখি। সেনিয়র জেনরেল অদুনা ভারতকী তেংবাং অদুগীদমক্তা মহাক্কী মাইকৈদগী তৌবীমল খঙবা উৎখি। প্রধান মন্ত্রীনা খঙহল্লকখি মদুদি খ্বাইদগী ইহান-হান্না মতেং পাংবা অমা ওইনা, ভারতনা ম্যানমারগী ৱারবা মতম অসিদা মখোয়গী অৱাবদা শরুক বামিন্নগনি অমসুং করিগুম্বা মথৌ তারবদি পোৎ-চৈগী ওইবা তেংবাং অমসুং রিসোর্সশিং হেন্না পীনবগীদমক্তা শেম-শাদুনা লৈ হায়না হায়খি।
পি.এম.না ইনক্লুসিব ওইবা অমসুং ক্রেদিবল ইলেক্সনগী খুত্থাংদা দেমোক্রেতিক প্রোসেস অমা য়াম্না থুনা অমুক হঞ্জিনহনবগী মরুওইবগী মতাংদা পনখি, অমসুং মখা তাখি মদুদি ভারতনা থাজবা য়োকখৎনবগী পান্দমদা অমসুং ম্যানমারগী ওইবা অমসুং ম্যানমারনা লুচিংবা শান্তি লৈবা, তংদু-লৈতাবা অমসুং গনতন্ত্রগী ওইবা তুংলমচৎ অমগী মাইকৈ তম্না অহোংবা পুরকপদা ভারতনা মপুং ফানা মতেং পাংগনি হায়না হায়খি। ম্যানমারদা থোক্লিবা কাংলুপকী হিংশা অদুনা মরম ওইরগা মীওইবা কয়াগী পুনশি মাংলিবা অদুগী মতাংদা নাকোইননা পল্লদুনা, পি.এম.না নুঙাইনদবগী মতাংদা মিলিতরীগী ওইবা সোল্যুশন অমত্তা লৈতে অমসুং লিশাং-শিৎনা শান্তি পুরক্কে হায়রবদি ৱারি শানবা খক্তনা ওইথোক্কনি হায়খি।
প্রধান মন্ত্রীনা ম্যানমার-থাইলেন্দ বোর্দরদা লৈবা সাইবর-স্কেম সেন্তরশিংদগী ভারত মচাশিংবু লৌথোকপদা অমসুং ভাত্তা অমুক পুরকপদা ম্যানমার মতেং পাংখিবা অদুগীদমক্তা থাগৎপা ফোংদোকখি। নাকল অনিমক্না ভারত-ম্যানমারগী ঙমখৈদা থোক্লিবা ইনসর্জেন্ত এক্তিবিতীশিং, ত্রান্সনেস্নেল ক্রাইমশিং অমসুং হ্যুমেন ত্রাফিক্কিংবু কোকহন্নবগীদমক্তা খুৎশম্নদুনা থবক তৌমিন্ননবগী মতাংদা য়ানখি।
লুচিংবা অনি অদুনা ম্যানমারদা পাইখৎলিবা ভারতনা পাইখৎপা ইনফ্রাস্ত্রকচর দেবেলপমেন্ত প্রোজেক্তশিংগী মতাংদশু খন্নখি। প্রধান মন্ত্রীনা ম্যানমার কাংলুপ খুদিংমক্কী চাউখৎ-থৌরাংগী ওইবা তঙাইফদবশিংবু মতেং পাংনবগীদমক্তা ভারতনা মতম চুপ্পদা শেম-শাদুনা লৈ হায়না হায়খি।
Met Senior General Min Aung Hlaing of Myanmar on the sidelines of the BIMSTEC Summit in Bangkok. Once again expressed condolences on the loss of lives and damage of property in the wake of the recent earthquake. India is doing whatever is possible to assist our sisters and… pic.twitter.com/Hwwv4VxSpi
— Narendra Modi (@narendramodi) April 4, 2025
ထိုင်းနိုင်ငံ ဘန်ကောက်မြို့တွင် ကျင်းပသည့် BIMSTEC ထိပ်သီးအစည်းအဝေးတွင်မြန်မာနိုင်ငံမှ ဗိုလ်ချုပ်မှူးကြီး မင်းအောင်လှိုင်နှင့် သီးခြားတွေ့ဆုံခဲ့ပါသည်။ ပြင်းထန်သော ငလျင် လှုပ်ခတ်ခဲ့ခြင်းကြောင့် အသက်အိုးအိမ် စည်းစိမ်များ ပျက်စီးဆုံးရှုံးခဲ့ရသည့်အတွက် ဝမ်းနည်းကြောင်း ထပ်လောင်း… pic.twitter.com/Lb4JKHXelc
— Narendra Modi (@narendramodi) April 4, 2025
