প্রধান মন্ত্রী শ্রী নরেন্দ্র মোদীনা ঙসি কানানাস্কিস, অলবর্তাদা পাংথোকপা G7 সম্মিৎকী নাকলদা কানাদাগী প্রধান মন্ত্রী, দি রাইৎ ওনরেবল ঐচ.ই. মিস্তর মার্ক কার্নীগা বাইলেতরেলগী মীফম অমা পাংথোকখ্রে।
কানাদাগী হন্দক পাংথোকখিবা জেনরেল ইলেক্সনগী মতুংদা প্রধান মন্ত্রী কার্নীনা ওফিস পায়রকপদগী লুচিংবা অনিগী মরক্তা ইহান হান্না হকথেংননা উনদুনা ৱারী শাবনি। মীফম অসিনা নাকল অনিমক্না ভারত-কানাদাগী মরীগী ফিভম অমসুং মাংলোমদা চংশিনগদৌরিবা লম্বীগী মতাংদা ময়েক শেংনা অমসুং কান্নগদবা খন্ন-নৈনবশিং পাংথোক্নবা খুদোংচাবা অমা পীখি।
মান্নবা দেমোক্রেতিক ভেল্যুশিং, রুল ওফ লোবু ইকাই খুম্নবা অমসুং সোভরেন্তী অমসুং তেরিতোরিয়েল ইন্তিগ্রিতীগী প্রিন্সিপলশিং ঙাক্নবা চৎপদা য়ুম্ফম ওইবা ভারত-কানাদাগী মরীশিংগী মরু ওইবা অদু লুচিংবশিং অমুক হন্না ফোংদোকখি। মখোয়না নুংনাংবশিং অমসুং সেন্সিতিবিতীশিংগীদমক নাকল অনিমক্না ইকায় খুম্নবা, মীয়ামগী মরক্তা লৈরিবা অচেৎপা মরী অমসুং শেন্মিৎলোনগী মরী হেনগৎহনবদা য়ুম্ফম ওইবা কন্সত্রক্তিব অমসুং বেলেন্স তৌরবা পার্তনরশিপ অমা থম্বগী তঙাইফদবা অদুদা অকনবা ৱাফম থমখি। হীরম অসিগী মতাংদা নাকল অনিমক্না মরী অসিদা স্তেবিলিতী অমুক হন্না পুরক্নবগীদমক্তা অখন্নবা অমসুং কন্সত্রক্তিব ওইবা খোংথাংশিং লৌখৎনবা য়ানখি, অহৌবদা হায় কম্মিস্নরশিং অসি অমনা অমগী কোনুংশিংদা অথুবা মতমদা হনগনি।
লুচিংবা অনিনা মরী অসিদা থাজবা অমুক হন্না শেমগৎনবা অমসুং খোঙজেল য়াংশিনহন্নবা তোঙান তোঙানবা লমশিংদা সেনিয়র মিনিস্তরিএল অমসুং ৱার্কিং-লেভেল এনগেজমেন্তশিং অমুক হন্না হৌদোকপগী মরুওইবা অদু ফোংদোকখি।
লুচিংবা অনিনা ক্লিন ইনর্জী, দিজিতেল ত্রান্সফোর্মেসন, আর্তিফিসিএল ইন্তেলিজেন্স, LNG, ফুদ সেক্যুরিতী, ক্রিতিকেল মিনরেলস, হায়র এজুকেসন, মোবিলিতী অমসুং সপ্লাই চেন রেসিলিয়েন্সকুম্বা লমশিংদা তুংগী ওইনা তেংবাং পীনবগী খুদোংচাবশিং অদু খন্নখি। মখোয়না ফ্রী অমসুং ওপন ইন্দো-পেসিফিকপু প্রমোৎ তৌবদা মখোয়গী মান্নবা অপাম্বশিং অদু অমুক হন্না ফোংদোক্নখি। লুচিংবশিংনা কমপ্রেহেন্সিব ইকোনোমিক পার্তনরশিপ এগ্রীমেন্ত (CEPA) অমগী লম্বী য়াৎনবা আর্লী প্রোগ্রেস ত্রেদ এগ্রীমেন্ত (EPTA)গী মতাংদা পন্দুনা লৈরিবা নেগোসিএসনশিং অমুক হন্না হৌদোকপগী মরুওইবা অদুসু খন্নখি। মখোয়না মসিগী মতাংদা মখা তানা থবক পায়খৎনবা মখোয় মখোয়গী ওফিসিএলশিংদা থৌদাং লৌনবা য়ানখি।
লুচিংবা অনিমক্না G7 সম্মিৎতা মরুওইবা খুমাং চাউশিল্লকপা অমসুং ক্লাইমেৎ এক্সন, ইনক্লুসিব গ্রোথ অমসুং সস্তেনেবল দিবেলপমেন্তগুম্বা মালেমগী মরুওইবা হিরমশিংদা পুন্না কন্সত্রক্তিব ওইবা মওংদা থবক তৌমিন্ননবা অপাম্বা ফোংদোক্নখি।
লুচিংবা অনিনা লৈবাক অনিগী মরক্তা লৈনরিবা অচেৎপা মরী অদু ফোংদোকখি অমসুং লৈবাক অনিগী কান্ননবগীদমক লিভিং ব্রিজ অসি শীজিন্ননবা য়ানখি।
লুচিংবশিং অসিনা অদুমক পাও ফাওনদুনা লৈনবা য়ানখি অমসুং অথুবা মতমদা অমগা অমগা অমুক্কা হন্না উন্নবা থাজবা থমখি।
Had an excellent meeting with Prime Minister Mark Carney. Complimented him and the Canadian Government for successfully hosting the G7 Summit. India and Canada are connected by a strong belief in democracy, freedom and rule of law. PM Carney and I look forward to working closely… pic.twitter.com/QyadmnThwH
— Narendra Modi (@narendramodi) June 17, 2025
