ঙসি অঙনবদা 7 লোক কল্যঅন মার্গতা ভারত অমসুং জাপানগী মরক্তা ইকনোমিক কোওপরেসন চেৎশিনহন্নবা মখোয়গী ৱাখল্লোনশিং অমসুং আইদিয়াশিং খন্ননবা প্রধান মন্ত্রী শ্রী নরেন্দ্র মোদীনা কৈজাই দোয়ুকাইগী চিয়রপর্সন, শ্রী তাকেশি নিনামি, অমসুং অতৈ অতোপ্পা বিজিনেস দেলিগেৎ 20না লুচিংবা কৈজাই দোয়ুকাই (জাপান এসোসিএসন ওফ কোর্পোরেৎ একজিক্যুতিব)গী হায়-পাৱর দেলিগেসনগা উনখ্রে।
খন্ন-নৈনখিবা অদুদা নাকল অনিগী ওইবা ললোন-ইতিক মপাঙ্গল কনখৎহনবা, ইনভেস্তমেন্তগী খুদোংচাবশিং হেনগৎহনবা, অমসুং লৌউ-শিংউ, মেরিন প্রদক্তশিং, স্পেস, দিফেন্স, ইন্সুরেন্স, তেক্নোলোজী, ইনফ্রাস্ত্রকচর, সিভিল এভিএসন, ক্লিন ইনর্জী, ন্যুক্লিয়র ইনর্জী অমসুং MSMEগী পার্তনরশিপশিংগুম্বা মরু ওইবা সেক্তরশিংদা তেংবাং পীনবগী হিরমশিং কোনশিনখি।
প্রধান মন্ত্রী মোদীনা ভারত-জাপান স্পেসিএল স্ত্রেতেজিক অমসুং গ্লোবেল পার্তনরশিপকী মতাংদা পনখি অমসুং ললোন-ইতিক তৌবদা নুংঙাইবা ফীভম অমা পীনবা ভারতকী ফিরেপ অদু অমুক হন্না ফোংদোকখি। মহাক্না ভারত্তা জাপানিজ ইনভেস্তমেন্তশিং লায়থোকহন্নবা অমসুং খোংজেল য়াংশিনহন্নবা ভারত্তা শেমগৎখিবা জাপান প্লস সিস্তেমগী মতাংদা পনখি। মহাক্না মখা তানা ইনভেস্তরশিংগীদমক চয়েৎনবা লৈহল্লোইদবনি নৎত্রগা চিংনবা লৈহল্লোইদবনি হায়না অকনবা ৱাফম থমখি। ভারতকী গভর্নান্স অসি পোলিসী দ্রিভন ওই, অমসুং সরকারনা মনুং মপান ফাওনা উবা ঙম্বা অমসুং তম্বা ঙমবা এনভাইর্নমেন্ত অমা লৈহন্নবা হোৎনরি।
প্রধান মন্ত্রীনা লৈবাক অসিদা এভিএসন সেক্তরগী চাউখৎপগী অচৌবা স্কেলগী মতাংদা পনখি। ভারতনা অনৌবা এয়রপোর্তশিং শেমগৎপা অমসুং লোজিস্তিক কেপাসিতীশিং পাকথোক চাউথোকহনবা য়াওনা মরু ওইবা ইনফ্রাস্ত্রকচর শেমগৎনবা থবক পায়খৎলি হায়নসু মহাক্না পনখি।
প্রধান মন্ত্রীনা হায়খি মদুদি ভারতকী পাক চাউরবা দাইভর্সিতী য়েংলগা, লৈবাক অসিনা AIগী লমদা অচৌবা থৌদাং অমা লৌগনি। মহাক্না AIদা শরুক য়াবা মীওইশিংগা পুন্না থবক তৌমিন্নবগী মরুওইবা অদু পনখি। মহাক্না মখোয়বু ভারতকা পুন্না থবক তৌমিন্নবা পুক্নিং থৌগৎখি।
প্রধান মন্ত্রীনা হায়খি মদুদি ভারতনা গ্রীন ইনর্জীগী লমদা য়াম্না চাউনা খুমাং চাউশিন্দুনা বাইওফ্যুএলদা মীৎয়েং থম্বা মিসন অমা হৌদোকখি। মহাক্না হায়খি মরুওইনা এগ্রিকলচর সেক্তরনা মরুওইবা ভেল্যু এদিসন অমা ওইনা বাইওফ্যুএলশিংদগী কান্নবা ফংগনি।
প্রধান মন্ত্রীনা ইন্সুরেন্স সেক্তর হাংদোকপগী মতাংদা অমসুং স্পেস অমসুং ন্যুক্লিয়র ইনর্জীগী অৱাংবা থাক্কী সেক্তরশিংদা খুদোংচাবশিং হেনগৎলকপগী মতাংদা পনখি।
জাপানগী মকোক থোংবা বিজিনেস লিদরশিং য়াওবা কৈজাই দোয়ুকাই দেলিগেসননা ভারতকীদমক মখোয়গী থৌরাংশিং অদু শেয়র তৌখি। মখোয়না হ্যুমেন রিসোর্স অমসুং স্কিল দিবেলপমেন্তদা ভারত অমসুং জাপানগী মরক্তা লৈরিবা কমপ্লিমেন্তরীশিং শীজিন্নবা পাম্মি হায়নসু ফোংদোকখি। নাকল অনিমক্না তুংগী ওইবা কোলাবোরেসনগী মতাংদা থাজবা ফোংদোকখি অমসুং লাক্কদৌরিবা চহিশিংদা ললোন-ইতিক অমসুং ইনভেস্তমেন্তকী মরী হেন্না চেৎশিলহন্নবা হোৎনগনি হায়না ফোংদোকখি।।
সন্তোরি হোল্দিংস লিমিতেদকী প্রসিদেন্ত অমসুং CEOগী রিপ্রজেন্তেতিব দাইরেক্তর, নিনামি তেকেশিনা প্রধান মন্ত্রী মোদীগী মখাদা ভারত অমসুং জপানগী মরক্তা মরী ফগৎলকপগী থাগৎপা ফোংদোকখি। মহাক্না হায়খি মদুদি মহাক্না জাপানগীদমক ভারত্তা শেল থাদনবগী অচৌবা খুদোংচাবা অমা উরি। মহাক্না মেক ইন ইন্দিয়া, মেক ফোর ৱার্ল্দগী পি.এম. মোদীগী ভিজনদা মরুওইবা পীখি।
NEC কোর্পোরেসনগী কর্পোরেৎ সেনিয়র একজিক্যুতিব ভাইস প্রসিদেন্ত অমসুং চিফ গবর্নমেন্ত এফেয়র্স ওফিসর তানাকা শিগেহিরোনা হায়খি মদুদি পি.এম. মোদীনা ভারত্তা শেন থাদনবা জাপানিজ ইন্দস্ত্রীগীদমক মহাক্কী ভিজন অমসুং এক্সপেক্তেসনশিং অদু য়াম্না ময়েক শেংনা তাকখি।
মীফম অদুদা ভিক্সিৎ ভারত @2047গী ভিজনগীদমক মগুন লৈবা অমসুং নাকল অনিমক্তা কান্নগদবা মওংদা জাপানিজ বিজিনেসকী সপোর্ত অমসুং কম্মিৎমেন্ত অদু ফোংদোকখি।
