“Shri Kalki Dham Temple will emerge as a new center of India’s spirituality”
“Today’s India is moving fast with the mantra of ‘Vikas bhi Virasat Bhi’ - Development along with heritage”
“Chhatrapati Shivaji Maharaj is the inspiration behind India’s cultural revival, the pride in our identity and the confidence to establish it”
“Divine experience of Ram Lala’s presence, that divine feeling, still makes us emotional”
“What was beyond imagination has now become a reality”
“Today, on one hand, our pilgrimage centers are being developed, while on the other hand, hi-tech infrastructure is also being created in the cities”
“Kalki is the initiator of change in the kaal chakra and is also a source of inspiration”
“India knows how to snatch victory from the jaws of defeat”
“Today, for the first time, India is at a stage where we are not following, we are setting an example”
“In today’s India our power is infinite, and the possibilities for us are also immense”
“Whenever India takes big resolutions, divine consciousness definitely comes among us in some form or the other to guide it”

ঙসি প্রধান মন্ত্রী নরেন্দ্র মোদীনা উত্তর প্রদেসকী সম্ভাল জিলাদা শ্রী কালকি ধাম লাইশঙ শানবা উরেপ-উয়ুং তমখ্রে। প্রধান মন্ত্রীনা শ্রী কালকি ধাম লাইশঙগী নমুনাশু মাইখুম হাংদোকখি।  শ্রী কালকি ধাম নির্মন ত্রস্তনা শ্রী কালকি ধাম লাইশঙ শাগনি অমসুং মসিগী চিয়ার্মেন্না অচার্য়া প্রামোদ কৃষ্ণমনি। থৌরম অদুদা সাধুশিং, ধর্মগী লুচিংবশিং অমসুং অতোপ্পা শক্নাইরবশিং শরুক য়াখি।

 

থৌরম অদুদা মীয়ামদা ৱা ঙাংবদা, প্রধান মন্ত্রীনা হায়খি ঙসি অতোপ্পা মরুওইবা লাইফম অমগী উরেপ-উয়ুং তম্বদগী ভাগবন শ্রী রাম অমসুং ভাগবন শ্রী কৃষ্ণগী লমদম অসি অমুক হন্না ভক্তি, হরাওবা অমসুং অধ্যাতিক্না পীক থল্লে। সম্ভালদা শ্রী কালকি ধাম লাইশঙ শানবা উরেপ-উয়ুং তম্বা ফংবা অসি লাইবক ফবনি। শ্রী কালকি ধাম লাইশঙ ভারতকী অধ্যাতিক্কী অনৌবা মফম অমা ওইরক্লগনি। মালেম শীনবা থুংবগী মীয়াম অমসুং লাইখুরুম্বা লাকপা মীওইশিংদা প্রধান মন্ত্রী মোদীনা মহাক্কী য়াইফ-পাউজেল পীখি।

প্রধান মন্ত্রীনা হায়খি ধাম অসি শঙ্গানবা চহি ১৮ ঙাইদুনা লাকখি অমসুং মহাক্না পাংথোক্কদবা থবক কয়া লৈরি। লোইশিন্দ্রিবা থবকশিং পাংথোক্নবা মীয়াম অমসুং সাধুশিংনা মখা তানা থৌজাল পীগনি। ঙসি অসি ছত্রপতি সিবাজী মহারাজগী মপোক নুমিৎনি। ভারতকী নাৎ অমুক হিঙ্গৎহনবা, ঐখোয়গী শক্তমগী চাউথোকচবা অমসুং মসি হিংহন্নবা থাজবগী মতুংদা ছত্রপতি সিবাজী মহারাজনা ইথিল পীখি। প্রধান মন্ত্রীনা ছত্রপতি সিবাজী মহারাজগী মফমদা ইকায়খুম্নবা উৎখি।

 

লাইশঙগী য়ুমশারোলগী মতাংদা প্রধান মন্ত্রীনা হায়খি লাইশঙ অসিদা গর্ভ গ্রিহা ১০ লৈগনি অমসুং ভাগবানগী শাইওন ১০ মক ফমগনি। শাইওন ১০ অসিগী খুৎথাংদা অরিবা লাইরিকশিংদা মীওইবগী শক্তম য়াওনা ভাগবানগী শক্তমশিং উৎলে। পুন্সিদা কনাগুম্বা অমনা ভাগবানগী অচুম্বা ৱাখল ফংবা ঙমগনি। ঐখোয়না ঈশ্বর অসি‘সিনহা(নোংশা), বারাহ(শাওম) অমসুং কছাপ(থেঙ্গু)গী মওংদা উরে।

মহাক্না হায়খি হায়রিবা মওং অসিদা ঈশ্বর লৈহনবা অসিনা মীয়াম্না অচুম্বা মওং অমদা ঈশ্বর মশক খঙগনি। শ্রী কালকি ধাম লাইশিং উরেপ-উয়ুং তম্নবা খুদোংচাবা পীবগীদমক ঈশ্বর থাগৎচরি। মখোয়না লমজিংবগীদমক থৌরম অদুদা শরুক য়াখিবা সাধুশিংদা প্রধান মন্ত্রীনা ইকায়খুম্নবা উৎখি অমসুং শ্রাই অচার্য়া প্রমোদ কৃষ্ণমশু থাগৎপা ফোঙদোকখি।

প্রধান মন্ত্রীনা হায়খি ঙসিগী থৌরম অসি ভারতকী চৎনবী অমুক হিঙ্গৎলকপগী অতোপ্পা অঙকপা মশক অমনি। হন্দক অযোধ্যাদা রাম মন্দির শঙ্গাখ্রে অমসুং অবু ধাবীদা লাইশঙ অমা শঙ্গাখ্রে। ৱাখলনা লাম্বদা ফংখিদবা অদু হৌজিক থবক ওইনা পাংথোক্লে।

 

প্রধান মন্ত্রীনা হায়খি অসিগুম্বা থৌরমশিং অসিগী মগুনশিং অসি অথুবা মতমদা মাইপাকপনা ওইগনি। লৈবাক অসিদা হৌজিক অধ্যাতিক্কী অনৌবা ৱাখল্লোল অমা লাক্লে অমসুং কাসিদা বিশ্বনাথ ধাম লৈরে, কাসি, মহাকাল মহালোক, সোমনাথ অমসুং কেদরনাথ ধামদা অওনবা কয়া পুরক্লে। ঙসিগী ভারত ‘বিকাস ভি বিরাসত ভি’-নাৎকী চৎনবীশিংগা লোয়ননা চাউখৎপগী লাইৱাগা লোয়ননা য়াংনা চঙশিল্লি। অৱাংবা তেক্নোলোজিগী সহরগী ইনফ্রাস্ত্রকচরশিং শেমগৎপগা লোয়ননা অমুক হন্না অধ্যাতিক্কী মফমশিং হিঙ্গৎহল্লে, লাইশঙশিংগা লোয়ননা অনৌবা মেদিকেল কলেজশিং লিংখৎলে, মপান লৈবাকশিংদগী শেন থাদরকপগা লোয়ননা মীতমশিং অমুক পুরক্লে। মতমগী খোঙচৎ অমুক হল্লক্লে হায়বা মসিনা তাক্লে। মহাক্না লাল কিলাদা-হৌজিক অসি চপ চাবা মতমনি হায়খি অমসুং মসিগী মতম অসি য়ৌরকপদা কান্নবা লৌবা দরকার ওইরে।

অযোধ্যাদা রাম মন্দির শঙ্গাখিবা অদু নিংশিংলদুনা, প্রধান মন্ত্রীনা হায়খি জনুৱারি ২২,২০২৪দগী অনৌবা ‘কাল চক্র’ অমা হৌরে অমসুং শ্রী রামগী লৈঙাক চহি লিশিং কয়া লৈগনি। রাম লালা লেঙশিনখিবগা লোয়ননা, হৌজিক ভারতকী অনৌবা খোঙচৎ অমা হৌরে, অজাদি কা অমৃত কালদা বিকসিত ভারত অমগী ৱাশক অসি ইচম চম্বা অপাম্বা অমা নত্তে। মসিগী ৱাশক অসিগা লোয়ননা মতম খুদিংমক্তা ভারত নাৎ অমসুং চৎনবী লৈরি। অচার্য়া প্রমোদ কৃষ্ণম জিনা শ্রী কালকিগী শক্তম কয়া নৈনখি অমসুং থিজিনখি। মসিনা ভাগবান শ্রী রামগা চপ মান্নবা মওংদা, চহি লিশিং কয়াগী লম্বী তাক্কনি।

 

প্রধান মন্ত্রীনা হায়খি কালকি অসি কাল চক্রদা অহোংবা পুরক্নবা অহৌবনি অমসুং ইথিলগী হৌরকফম অমনি। কালকি ধাম অসি হৌজিক শাইওন্দ্রিবা ঈশ্বরগী মফমদা কৎথোক্লবা মফম অমা ওইরগনি। তুংলমচৎকী অসিগুম্বা ৱাখল্লোন অসি অরিবা লাইরিকশিংদা চহি লিশিং কয়াগী মমাঙদা ইরমখি। অসিগুম্বা লাইনিংশিং অসি মপুংফাবা থাজবগা লোয়ননা চাউখৎনবা হোৎনবগীদমক অমসুং মসিগীদমক পুন্সি কৎথোকপগীদমক অচার্য়া প্রমোদ কৃষ্ণম থাগৎপা ফোঙদোকচরি। কালকি লাইশঙ শেমগৎনবগীদমক অচার্য়া জিনা মমাঙগী সরকারশিংগা মতম য়াম্না শাংনা লান্থেংনখি অমসুং হায়রিবা মতম অদুদা কোর্ততা কয়ারক চৎখি।

হন্দক মহাক্কা অচার্য়া জিগা উনখিবা অদু নিংশিংলদুনা, প্রধান মন্ত্রীনা হায়খি মহাক রাজনিতিগী মীওই অমা ওইনা শক খঙখি অদুবু ধর্মা অমসুং অধ্যাতিক্তা মহাক্কী কৎথোকপা অদু খঙলকখি। ঙসিদি, প্রমোদ কৃষ্ণম জিনা পুক্নিং-ৱাখলদা শান্তি লৈনবা লাইশঙগী থবক পাংথোকপা হৌবা য়ারগনি। হৌজিক পাল্লিবা সরকার অসিনা তুংগী য়াইফনবগীদমক অচুম্বা মীৎয়েং অমা য়েংলিবা অদু লাইশঙ অসিনা খুদম অমনি।

প্রধান মন্ত্রীনা হায়খি মাইথিবগী খায়াত্তগী কমদৌনা মাইপাকপা মুনগদবা হায়বা ভারতনা খঙলে। ঙসি ভারতকী অমৃত কালদা, ভারতনা মাইপাকপা, চাউখৎপা অমসুং থৌনাগী মরুশিং মতোল চোঙলে। সাধুশিং অমসুং লাইনিংগী লুচিংবশিংনা অনৌবা লাইশঙশিং শেমগৎপগুম, লৈবাক অসিগী লাইশঙ শেমগৎনবা মহাক্না থবক পায়খৎলে। লৈবাক অসিগী লাইশঙগী ফজবা হেনগৎহন্নবা মহাক্না অহিং অমসুং নুংথিল থবক শুরি। ঙসিদি, অহানবা ওইনা, ভারত অসি ঐখোয়না তুংইন্নদবা তাঙ্কক অমদা লৈরে, ঐখোয় খুদম অমা ওইরে।

 

থাজবা অসি থবক ওইনা পাংথোকখিবা অদু পল্লদুনা, প্রধান মন্ত্রীনা হায়খি ভারত দিজিতেল তেক্নোলোজি অমসুং ইন্নোবেসনগী মফম অমা ওইরক্লে, ভারত ৫শুবা খ্বাইদগী চাউবা ইকোনোমি ওইরে, চন্দ্রয়ান মাইপাক্লে, বন্দে ভারত অমসুং নমো ভারতগুম্বা অনৌবা ত্রেনশিং চেল্লে, বুল্লেত ত্রেন চেল্লগনি, অৱাংবা থাক্কী তেক্নোলোজিগী হায়ৱেশিং অমসুং এক্সপ্রেসৱেশিং লৈরে। মসিগী মাইপাকপশিং অসিগা লোয়ননা ভারতমচাশিং চাউথোকচবা ফাওরে অমসুং লৈবাক অসিদা লৈরিবা মসিগী অচুম্বা ৱাখল অমসুং থাজবা অসি অঙকপনি। মরম অদুনা ঙসিগী ভারত ঐখোয়গী শক্তি মপান নাইদ্রে অমসুং ঐখোয়গী খুদোংচাবা কয়াশু মরাংকাইনা লৈরে।

 

প্রধান মন্ত্রীনা হায়খি অপুনবগী খুৎথাংদা লৈবাক অমা মাইপাক্নবা থৌনা ফংই। ঙসি ভারত্তা মহাক্না অচৌবা অপুনবা ৱাখল তামিন্নবা অমা উবা ফংলে। নাগরিক খুদিংমক সবকা সাথ, সবকা বিকাস, সবকা বিশ্বাস, সবকা প্রয়াসকী থৌনাগা লোয়ননা থবক তৌরি। হৌখিবা চহি ১০দা পি.এম অৱাস য়োজনাগী মখাদা পাক্কাগী য়ুম করোর ৪ হেন্না শাখ্রে, তোইলেত করোর ১১ শাখ্রে, ইমুং করোর ২.৫ দা মৈ ফংহনখ্রে, য়ুমথোং করোর ১০ হেনবদা তোতি ঈশিং ফংহনখ্রে, মীওই করোর ৮০ হেনবদা লেম্না চেঙ ফংহনখ্রে, নুপী করোর ১০ হেনবদা অতাবা মমলদা গ্যাস সিলিন্দরশিং ফংহনখ্রে, অয়ুস্মান কার্দ করোর ৫০ শাখ্রে, লৌমী করোর ১০দা কিষান সম্মান নিধি য়োজনাগী কান্নবা ফংহনখ্রে, লাইচৎ মনুংদা লেম্না তিকা থাখ্রে অমসুং শ্বাছ ভারত অভিয়ান মাইপাক্না পায়খৎলে।

 

প্রধান মন্ত্রীনা হায়খি মীয়ামগী মতেংদগী সরকারনা অচৌবা থবকশিং য়াংনা অমসুং পাক-চাউনা পায়খৎপা ঙম্বনি। হৌজিক সরকারগী স্কিমশিংগী কান্নবশিং লায়রবশিংদা ফংহনবদা মীয়াম্না মতেং পাংলি অমসুং কেম্পেন্দা শরুক য়াবদগী চাদা ১০০ স্কিমশিংগী কান্নবশিং ফংলে। লায়রবশিংগী সেবা তৌবা হায়বসি ভারতনা অধ্যাতিক্কী গুনশিংনি অমসুং মসিনা ‘নার মৈ নরায়ন’(মীয়াম মরক্তা ঈশ্বর লৈবা) অদু ফোঙদোক্লি। বিকসিত ভারত অমা শেমগৎনবা অমসুং ঐখোয়গী নাৎকী চাউথোকচবা ফাওনবা অচুম্বা ফিদম মঙা মহাক্না লৈবাক মীয়ামদা থমখি।

প্রধান মন্ত্রীনা হায়খি ভারতনা অচৌবা ৱারেপশিং লৌবা মতমদা, মওং অমদা নত্ত্রগা অমদা লৈবাক অসি লমজিংনবা ঐখোয়গী মরক্তা ঈশ্বরগী ওইবা ৱাখল তামিন্নবা শোইদনা লাকই। গীতাগী ৱাঙুলোনগী মতুংইন্না লেপ্তনা থবক পায়খৎপা অমা দরকার ওই। মথং চহি ২৫গী কর্তব্যা কাল অসিদা ঐখোয়না থবক কন্না শুগদবনি। লৈবাক অসি মাঙদা থম্লগা ওইজবা থাদোক্তুনা ঐখোয় থবক তৌগদবনি। ঐখোয়গী থবক খুদিংমক্তগী লৈবাক অসিনা করি কান্নবা ফংগনি হায়বা ৱাহং অসি অহানবদা ঐখোয়গী ৱাখলদা হংগদবনি। মসিগী ৱাহং অসিনা লৈবাক অসিগী অপুনবা খুদোংচাদবশিং থেংননবা পাম্বৈশিং পীগনি।

থৌরম অদুদা শরুক য়াখিবশিংগী মনুংদা উত্তর প্রদেসকী চীফ মিনিস্তর শ্রী য়োগী অদিত্যনাথ, শ্রী কালকি ধামগী পিথাধীশ্বর অচার্য়া প্রমোদ কৃষ্ণম য়াওখি।

 

Click here to read full text speech

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
India is a top-tier security partner, says Australia’s new national defence strategy

Media Coverage

India is a top-tier security partner, says Australia’s new national defence strategy
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 22 এপ্ৰিল, 2024
April 22, 2024

PM Modi's Vision for a Viksit Bharat Becomes a Catalyst for Growth and Progress Across the Country