Share
 
Comments

প্রধান মন্ত্রী শ্রী নরেন্দ্র মোদীনা গ্লোবেল হাউজিং তেক্নোলোজী চেলেঞ্জ (জি.ঐচ.তি.সি.)গী মখাদা রাজ্য তরুক্কী মফম তরুক্তা, ঙসি ভিদিও কনফরেন্সকী থোংদা লাইৎ হাউস প্রোজেক্ত (এল.ঐচ.পি.)গী উরেপ-উয়ুং তমখ্রে। মহাক্না এফোর্দেবল সস্তেনেবল হাউজিং এক্সেলেতর্স-ইন্দিয়া (আশা-ইন্দিয়া)গী মখাদা মায় পাক্লবশিং লাওথোকখি অমসুং প্রধান মন্ত্রী অৱাস য়োজনা – অরবান (পি.এম.এ.ৱাই.) মিশন থবক্তা ওন্থোকপদা থোইদোক-হেন্দোকপগীদমক্তা চহিগী ওইবা মনাশিংসু লান্থোকখি। মহাক্না এন.ভি.এ.আর.আই.তি.আই.ঐচ. (ইন্দিয়ন হাউজিংগীদমক্তা অনৌবা, অহোংবা, চৎনরবা, রিসর্স ইনোবেসন তেক্নোলোজীশিং)কী মমিংদা ইনোবেসন কন্সত্রক্সন তেক্নোলোজীশিংগী সর্তিফিকেৎ কোর্স অমসু হৌদোকখি। থৌরম অদুদা কেন্দ্রগী মন্ত্রী হরদীপ সিংহ পুরী, উত্তর প্রদেশ, ত্রিপুরা, ঝারখন্দ, তমিলনাদু, গুজরাত, আন্ধ্র প্রদেশ অমসুং মধ্য প্রদেশকী মুখ্যমন্ত্রীশিংনা শরুক য়াখি।

থৌরম অদুদা ৱা ঙাংলদুনা, প্রধান মন্ত্রীনা হায়খি মদুদি ঙসি অনৌবা ইনর্জীগা লোইননা মাংদা চংশিন্নবা, অনৌবা ৱাশকশিং অদু মপুং ফাহন্নবগী নুমিৎ অদুনি অমসুং ঙসি লৈবাক অসিনা লাইরবা ময়াই ওইবা থাক্কীদমক য়ুম শাননবা অনৌবা তেক্নিক ফংলি। মহাক্না হায়খি মদুদি য়ুমশিং অদুবু তেক্নিকেলগী ওইবা লোন্দা লাইৎ হাউস প্রোজেক্ত হায়না কৌই অদুবু মসিগী প্রোজেক্ত তরুক অসি তশেংনা লৈবাক অসিগী হাউজিং সেক্তরদা অনৌবা মায়কৈ অমা তাক্লিবা লাইৎহাউস অদুগুম্বনি।

প্রধান মন্ত্রীনা লাইৎহাউস প্রোজেক্তশিং অসি লৈরিবা সরকার অসিগী মিৎয়েং অদুগী খুদম অমনি হায়না ফোংদোকখি। মহাক্না হায়খি মদুদি মতম অমদা হাউজিং স্কিমশিং অসি কেন্দ্র সরকারগী মরুওইবা থবক অমা ওইরমদে, য়ুম শাবদা মশক-মগুনগী থোইনা খন্নরমদে। ঙসি, লৈবাক অসিনা প্রোজেক্তশিং অসি খোংজেল য়াংশিন্না মপুং ফাহন্নবা তোঙানবা লম্বী অমসুং হেন্না ফবা তেক্নিক শিজিন্নবগা লোইননা, তোঙানবা মিৎয়েং অমা থম্লে। মহাক্না সরকারগী মন্ত্রালয়শিংগীদমক্তা অচৌবা অমসুং অমসুং তপকনবা মওং অদুগী নত্তনা, স্তার্তঅপকুম্না ফিৎ ওইগদবা মওংদা পুক্নীং চংলি। মহাক্না মালেম অপুনবা অসিদগী ৫০দগী হেনবা ইনোবেতিব কন্সত্রক্সন কম্পনীশিংনা অচেৎপা মওংদা শরুক য়ারকপদা অপেনবা ফোংদোকখি। মহাক্না হায়খি মদুদি মালেমগী শিংনবা অসিনা ঐখোয়দা অনৌবা তেক্নিক্কা লোইননা অনৌবা তৌননবা অমসুং চাউখৎপা হেনগৎহন্নবা তাঞ্জা পীরে।

প্রধান মন্ত্রীনা হায়খি মদুদি থৌওং অসিমক্কী মথংগী তাঙ্কক্তা, তোঙান তোঙানবা মফমশিংদা লাইৎ হাউস প্রোজেক্ত ৬কী থবক ঙসিদগী হৌরে। মসিগী লাইৎ হাউস প্রোজেক্ত অসি অনৌবা তেক্নিক অমসুং অনৌবা থৌওংশিংনা শেমগনি অমসুং শেমগৎ-শাগৎপদা মতম চংবা হন্থহনগনি অমসুং লাইরবশিংগীদমক্তা অহোংবা অমদি হেন্না খুদোংচাবা য়ুম ওইহনগনি। মহাক্না হায়খি মদুদি লাইৎ হাউসশিং অসিগী কন্সত্রক্সনতেক্নোলোজীদা ইনোবেসন তৌরি। খুদম ওইনা ইন্দোরদা প্রোজেক্ততা চেক অমসুং মোর্তারগী ফক্লাং য়াওরোই, মদুগী মহুত্তা হান্না শেমদোক্লবা সেন্দৱিচ পেনেল সিস্তেম শিজিন্নগনি। রাজকোত্তা লাইৎ হাউসশিং অসি ফ্রেন্স তেক্নিক শিজিন্নদুনা শাগনি অমসুং তনেল হুৎতুনা মোনোলিথিক কংক্রিৎ কন্সত্রক্সন তেক্নোলোজীদা শাগনি। য়ুমশিং অসি মহৌশানা থোকহনবা অমাং-অতাশিং খাংবদা হেন্না মপাঙ্গল লৈগনি। চেন্নৈদা, য়ু.এস.এ. অমসুং ফিনলেন্দগী তেক্নোলোজীশিং প্রিকাস্ত কংক্রিৎ সিস্তেম শিজিন্নগনি, মসিদগী শেমগৎ-শাগৎপগী খোংজেল য়াংশিনগনি অমসুং হেন্না অহোংবা ওইগনি। জর্মনীগী ৩ দি. কন্সত্রক্সন সিস্তেম শিজিন্নদুনা রাঞ্চীদা য়ুম শাগনি। কা খুদিংমক তোঙান তোঙান্না শাগনি অমসুং মওং পুম্নমক অদু শান্নপোৎ শমজিন্নবগুম শমজিন্নগনি। মহাক্না হায়খি মদুদি অগরতলাদা স্তীলগী ফ্রেমশিংগা লোইননা ন্যুজিলেন্দগী তেক্নিক শিজিন্নরদুনা য়ুম শারি মসি য়ুহা হাবগী অকনবা শাফু ঙাকথোকপা ঙমগনি। কনাদাগী তেক্নোলোজী শিজিন্নদুনা লখনৌদা শেমগৎ-শাগৎলিবা অসিদা প্লাস্তর অমসুং পেন্ত মথৌ তাররোই অমসুং খোংজেল য়াংনা য়ুম শাননবা হান্নদগী শেম-শারবা ফক্লাংশিং শিজিন্নগনি। মহাক্না মসিসু হায়খি মদুদি মফম পুম্নমক্তা থা ১২গী মনুংদা য়ুম লিশিং কয়া শাগনি মদুনা ইনক্যুবেস সেন্তর ওইনা থবক তৌগনি, মদুগী থোংদা ঐখোয়গী প্লানরশিং, আর্কিতেকচরশিং, ইঞ্জিনীয়রশিং অমসুং মহৈরোইশিংনা অনৌবা তেক্নিক্কা লোইননা রিসর্স তৌবা অমদি শিজিন্নবা ঙমগনি। মহাক্না লাওথোকখি মদুদি মসিগা লোইননা শেমগৎ-শাগৎপগী লমদা অনৌবা তেক্নিক্কা মরী লৈনবা স্কিলশিং অপগ্রেদ তৌনবগীদমক মীয়ামগী ওইবা সর্তিফিকেৎ কোর্স অমা হৌদোক্লগনি, মসিদগী মীয়াম্না য়ুম শাবদা মালেমগী খ্বাইদগী ফবা তেক্নিক অমসুং মচাকশিং ফংবা ঙম্লগনি।

প্রধান মন্ত্রীনা ফোংদোকখি মদুদি লৈবাক অসিগী মনুংদা অনৌবা হাউজিং তেক্নোলোজীগা মরী লৈনবা রিসর্স অমসুং স্তার্তঅপ য়োকখৎনবা আশা-ইন্দিয়াগী থৌরম পাংথোক্লি। মসিগী থোংদা, ১২শুবা চহি চাগী য়ুম শাবগী অনৌবা অমসুং অহোংবা তেক্নিক ভারত্তগী পুথোক্কনি। মহাক্না হায়খি মদুদি খোংজং অসিগী মখাদা খ্বাইদগী অথোইবা তেক্নিক মঙাসু খল্লে। মহাক্না হায়খি মদুদি শহরদা লৈবা লাইরবা নত্ত্রগা ময়াই ওইবা থাক্কী মীওইশিংগী খ্বাইদগী চাউবা মঙলান মখোয়গী য়ুম লৈবনি। অদুবু চহি কয়াদগী, মীয়াম্না মখোয়গী য়ুম লৈবগী মতাংদা থাজবা মাংদুনা লাক্লি। মহাক্না হায়খি মদুদি থাজবা ফংলবসু মমল ৱাংবনা মরম ওইদুনা পাম্নবা হন্থরকখি। মীয়ামগী থাজবা মাংখি মদুদি মখোয় হিরম অমা হেক্তদা লিগেল ওইনা লেপ্পা ঙম্লরোই। বেঙ্ককী অৱাংবা শেন্দোইগী চাং অমসুং লোন ফংবদা থেংনরিবা অৱাবশিংনসু য়ুমগী মপু ওইবগী অপাম্বা হন্থহনখি। মহাক্না মীচম অমগী থাজবা কাইহন্দনবা হৌখিবা চহি ৬তা হোৎনখিবশিং অদুদা অপেনবা ফোংদোকখি মদুদি মহাক্কীসু মশাগী য়ুম অমা লৈবা ফংলগনি। প্রধান মন্ত্রী হাউজিং স্কিমগী মখাদা শহরশিং য়াম্না তেনবা মতমগী মনুংদা য়ুম কয়া শাখ্রে।

প্রধান মন্ত্রীনা হায়খি মদুদি প্রধান মন্ত্রী অৱাস য়োজনাগী শেমগৎ-শাগৎপদা য়ুম-মপুশিংগী মফম অদুগী ওইবা মথৌ তাবশিং অমসুং অপাম্বশিংগী মতুং ইন্না ইনোভেসন অমসুং ইম্প্লিমেন্তেসন অনিমক্তা মিৎয়েং থম্লি। মসি মপুং ফাবা পেকেজ অমনি মরমদি য়ুনিৎ খুদিংমক্না ইলেক্ত্রিক-ঈশিংঃগ্যাস কনেক্সন য়াওরে। বেনিফিসরীশিংগীদমক্তা জিও তেগিং অমসুং দাইরেক্ত বেনিফিৎ ত্রান্সফর (দি.বি.তি.)গুম্বা তেক্নোলোজীশিংগী থোংদা নুং-পান উবা ফংহল্লি।

ময়াই ওইবা কাংলুপশিংগী কান্ননবগীদমক ৱাফম ফোংদোক্লদুনা, শ্রী মোদীনা হায়খি মদুদি মখোয়দা ঐখোয়না হোম লোনগী শেন্দোইদা কোমথোক্লি। মপুং ফাদ্রিবা হাউজিং প্রোজেক্তশিংগীদমক শেম্বা অখন্নবা ফন্দগী থোংদা ময়াই ওইবা কাংলুপশিংগী মতেংসু পাংলি। রেরাগুম্বা পাম্বৈশিংনা মপুং ওইরিবশিংগী থাজবা অমুক হন্না হঞ্জিলহনবা ঙম্লে অমসুং মখোয়দা থাজবা পীরে মদুদি মখোয়না তাঞ্জশিং অদুদা মীনম্বা অমত্তা তৌরোই। রেরাগী মখাদা প্রোজেক্ত লিশিং ৬০ রেজিস্তার তৌরি অমসুং ৱাকৎ লিশিং কয়া কাংলোনগী মতুং ইন্না লোইশিনখ্রে।

প্রধান মন্ত্রীনা হায়খি মদুদি য়ুম অমগী শো ফংবা অসি শুপ্নগী হাউজিংগী শরুক অমখক লৌশিনবা অদু নত্তে, মসি ইকাইখুম্নবা, ইশানা ইশাবু থাজজবা, শোইদ-ঙামদবা তুংলমচৎ, অনৌবা শক্তাক অমসুং হেন্না শন্দোকহনবগী ওইথোকপশিংগী থোং হাংবসুনি। ‘পুম্নমক্কী য়ুম’ (হাউজিং ফোর ওল)গীদমক্তা পায়খৎলিবা নাকল মরিগী ওইবা থবক অসিনা লাইরবা অমসুং ময়াই ওইবা থাক্কী ইমুং করোর কয়াগী পুন্সিদা অফবা অহোংবা পুরক্লি।

প্রধান মন্ত্রীনা কোরোনা লাইচৎ হায়বদি এফোর্দেবল রেতিং হাউজিং কোম্প্লেক্স স্কিমশিংগী মনুংদা হৌখিবা অনৌবা স্কিমশিংগী মতাংদসু পনখি। সরকারনা রাজ্য অমদগী রাজ্য অমদা থবক তৌনবগীদমক্তা লাক্লিবা শিন্মীশিংদা মতিক চাবা মমলদা য়ুম ফংহন্নবা ইন্দস্ত্রী অমসুং অতৈ ইনভেস্তরশিংগা লোইননা থবক তৌরি। মখোয়গী হাউজিংগী ফিভম মতম পুম্নক্তা নাতৈ চাদবা ওই। শ্রী মোদীনা হায়খি মদুদি মখোয়দা মখোয়গী থবক শুফম ময়াদা মতিক চাবা মমলদা য়ুম ফংহন্নবা হোৎনরি। ঐখোয়গী থবক শুবা শিন্মীশিংনা ইজৎ লৈনা হিংবা অসি ঐখোয়গী থৌদাংনি।

প্রধান মন্ত্রীনা রিএল ইস্তেত সেক্তরগী মতেং পাংনবগীদমক্তা হন্দক্তা পায়খৎখিবা পাম্বৈশিং অদুসু নীংশিংখি। অহোংবা য়ুমগী তেক্সতা চাদা ৮দগী ১ ফাওবা তাবা, জি.এস.তি.দা চাদা ১২দগী ৫ ফাওবা তাবা অসিগুম্বা পাম্বৈশিং, অহোংবা লোনগীদমক্তা লম অসিবু ইনফ্রাস্ত্রকচর ওইনা মশক খঙবদগী শেমগৎ-শাগৎপগী অয়াবা পীবদা ঐখোয়গী রেঙ্কিং ১৮৫দগী ২৭ ওইখ্রে। প্রধান মন্ত্রীনা হায়খি মদুদি শহর ২০০০ হেনবদা শেমগৎ-শাগৎপগী অয়াবা ওনলাইন ওইনা লৌশিনখি।

প্রধান মন্ত্রীনা মসিসু হায়খি মদুদি ভারতকী খুঙ্গংদা করোর ২দগী হেনবা হাউজিং য়ুনিৎ শাখ্রে। চহি অসিদা রুরেল হাউজিংগী খোংজেল য়াংশিন্ননবা হোৎনগনি।

ৱা ঙাংখিবগী মপুংফাবা ৱারোল পানবা মসিদা নম্বীয়ু

Modi Govt's #7YearsOfSeva
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
How Modi government’s flagship missions have put people at the centre of urban governance (By HS Puri)

Media Coverage

How Modi government’s flagship missions have put people at the centre of urban governance (By HS Puri)
...

Nm on the go

Always be the first to hear from the PM. Get the App Now!
...
PM remembers those who resisted Emergency
June 25, 2021
Share
 
Comments
Let us pledge to do everything possible to strengthen India’s democratic spirit, and live up to the values enshrined in our Constitution: PM

The Prime Minister, Shri Narendra Modi, has remembered all those greats who resisted the Emergency and protected Indian democracy.

In a series of tweets on the anniversary of Emergency, the Prime Minister said.

“The #DarkDaysOfEmergency can never be forgotten. The period from 1975 to 1977 witnessed a systematic destruction of institutions.

Let us pledge to do everything possible to strengthen India’s democratic spirit, and live up to the values enshrined in our Constitution.

This is how Congress trampled over our democratic ethos. We remember all those greats who resisted the Emergency and protected Indian democracy. #DarkDaysOfEmergency"

https://www.instagram.com/p/CQhm34OnI3F/?utm_medium=copy_link