ঙসি প্রধান মন্ত্রী শ্রী নরেন্দ্র মোদীনা গুজরাতকী অহমেদবাদতা লুপা করোর ৮,০০০ হেনবগী রেলৱেজ, লম্বী, পৱার, য়ুম শাবা অমসুং ফাইনান্স সেক্তরশিংগী তোঙান-তোঙানবা চাউখৎ-থৌরাংগী প্রোজেকশিং শঙ্গাখ্রে অমসুং উরেপ-উয়ুং তমখ্রে। মসিগী মমাঙদা, শ্রী মোদীনা অহমেদবাদ অমসুং ভুজগী মরক্তা ভারতকী অহানবা নমো ভারত রেপিদ রেল শঙ্গাখ্রে। মহাক্না নাগপুরদগী সিকন্দরবাদ, কোলহাপুরদগী পুনে, অগ্রা কেন্তদগী বরানাস, দুর্গতগী বিশাখাপত্নম, পুনেদগী হুববালি লম্বীশিংদা বন্দে ভারত ত্রেন কয়া লমথাখ্রে অমসুং বরানাসীদগী দিল্লি ফাওবগী অহানবা কোচ ২০গী বন্দে ভারত ত্রেনশু লমথাখ্রে। মখা তানা মহাক্না ইন্তরনেসনেল ফাইনান্সিএল সর্বিসেস সেন্তরস ওথোরিতিগী শিঙ্গল ৱিন্দো আই.তি সিস্তেম(এস দব্লিউ আই তি এস) হৌদোকখ্রে।
থৌরম অদুদা তিনখিবা মীয়ামদা ৱা ঙাংবদা, প্রধান মন্ত্রীনা লৈবাক শীনবা থুংনা পাংথোক্লিবা গনপতি মহোৎসব অমসুং মিলাদ-উন-নবী অমসুং তোঙান-তোঙানবা শেংলবা কুহ্মৈশিংগী মরমদা পনখি। শ্রী মোদীনা হায়খি মদুদি কুহ্মৈশিংগী মরক অসিদা, লুপা করোর ৮,৫০০ রোমগী রেল, লম্বী অমসুং মেত্রোগী প্রোজেকশিং শঙ্গাদুনা অমসুং উরেপ-উয়ুং তমদুনা ভারতকী চাউখৎপগী কুহ্মৈশু পাংথোক্লি। ইমুং লিশিং কয়া ঙসি মখোয়গী অনৌবা য়ুমশিংদা চঙলে অমসুং অতোপ্পা ইমুং লিশিং কয়াগী অহানবা ইন্সতোলমেন্ত থাদোক্লে। হায়রিবা ইমুংশিং অসি লাক্লিবা নাবরাত্রি, দুসেহরা, দুর্গা পুজা, ধান্তেরাস, দিৱালি কুহ্মৈশিংদা মখোয়গী অনৌবা য়ুমশিংদা লৈরগনি। শেংলবা গৃহ প্রভেস অমগীদমক অদোমগী মফমদা ঐনা য়াইফ-পাউজেল পীজরি। ঙসিগী চাউখৎ-থৌরাংগী প্রোজেকশিং অসিগীদমক ভারত অমসুং ভারতকী মীয়াম, মরুওইনা হৌজিক য়ুমশিংগী মপু ওইরবী নুপীশিংগী মফমদা হরাওবা ফোঙদোকচরি।
নুংঙাইতবা ফোঙদোক্লদুনা, শ্রী মোদীনা হায়খি মদুদি কুহ্মৈগী নুংঙাইবা মরক্তা, গুজরাতকী তোঙান-তোঙানবা মফমশিংদা অচৌবা ঈশিং ইচাউ মায়োক্নরে। গুজরাতকী কাচিন-কোয়া শীনবা থুংনা তেনখ্রবা মতম অমদা অকনবা নোং চুখিবা অসি হন্দক্কী অসিনা অহানবনি। ইচাউনা মরম ওইদুনা লৈখিদ্রবা মীওইশিংগী মফমদা অৱাবা ফোঙদোকচরি। অৱাবা তারবশিং মতেং পাংনবা অমসুং খুন্দা-লৈতানবা কেন্দ্র সরকার অমসুং রাজ্য সরকারশিংনা পায়খৎপা য়াবা থবকশিং পায়খৎলে। অশোকপশিং অথুবা মতমদা ফগৎলক্নবা ঈশ্বরগী মফমদা থৌনিজরি।
প্রধান মন্ত্রীনা হায়খি, অহুমলকশুবা ওইনা প্রধান মন্ত্রী ওইরবা মতুংদা হন্দক্কী অসিনা ঐনা অহানবা ওইনা গুজরাত্তা লাকপনি। গুজরাত অসি মহাক্কী পুন্সিগী পারা কয়া তমখিবা মহাক্কী পোক্নফম লমদমনি। গুজরাতকী মীয়াম্না মহাক্কী মফমদা নুংশিবা উৎলে অমসুং অনৌবা থৌনা অমসুং হরাওবা অমুক হন্না ফংনবা মচানুপা অমনা য়ুমদা হল্লকপা অদুগা মান্নবা ৱাখল্লোনা ফাওরে। মহাক্কী মফমদা থৌজাল পীনবা অসুক্কী মতিক মশিং য়াম্লবা মীয়াম থোক্লকপা অসি মহাক্কী ওইনা লাইবক ফবনি। অহুমলকশুবা ওইনা ৱাশক লৌরবা মতুংদা রাজ্য অসিদা লাক্নবা গুজরাতকী মীয়ামগী অপাম্বা লৈবদগী মহাক রাজ্য অসিদা লাকখিবনি। মসি লাকফম থোকপনি। চহি ৬০গী মতুংদা চপ মান্নবা সরকার অমা অহুমলকশুবা ওইনা মীয়ামগী থবক তৌনবা খুদোংচাবা পীদুনা ভারতকী মীয়াম্না পুৱারি শেম্লে। মসি ভারতকী গনতন্ত্রদা শিংথানিঙাই ওইবা থৌদোক অমনি। লৈবাক্কী থবক্না হান্না পাংথোকপা হায়রিবা ৱাশক অসিগা লোয়ননা গুজরাতকী মীয়াম্না ঐ দিল্লিদা থারকখিবনি।
সরকারগী অহানবা নুমিৎ ১০০দা মরুওইবা ৱারেপশিং লৌবগী মতাংদা লোক সভা মীখল মনুংদা ভারতকী মীয়ামদা থাজবা পীখিবা অদু নিংশিংলদুনা, প্রধান মন্ত্রীনা হায়খি মদুদি ভারত নত্ত্রগা মপান লৈবাকশিংদা মহাক্না পায়খৎপা য়াবা থবকশিং পায়খৎলে। মীয়াম য়াইফনবা অমসুং লৈবাক্কীদমক থৌশিলশিং শেম্নবা অমসুং ৱারেপশিং লৌনবা মহাক্না অহানবা নুমিৎ ১০০ কৎথোক্লে।
অহানবা নুমিৎ ১০০ অসিদা লুপা করোর লাখ ১৫ হেনবগী প্রোজেকশিং থবক হৌরে। মীখল মনুংদা লৈবাক অসিদা অনৌবা য়ুম করোর ৩ হেন্না শাগনি হায়না ৱাশকখি। মসিগীদমক থবকশিং য়াংনা পায়খৎলে। মখোয়গী পাক্কা য়ুমশিং ফংনবা থৌরম অসিদা গুজরাতকী ইমুং লিশিং কয়া শরুক য়াবা অসিদা হরাওবা ফোঙদোকচরি। ঝারখন্দদশু ইমুং লিশিং কয়া নৌবা পাক্কাগী য়ুমশিং ফংলগনি হায়না প্রধান মন্ত্রীনা ফোঙদোকখি। শ্রী মোদীনা হায়খি মদুদি খুঙ্গংশিং নত্ত্রগা সহরশিং ওইগেরা, মীওই খুদিংমক্তা হেন্না ফিবম অমা ফংহন্নবা মহাক্কী সরকারনা লেপ্তনা হোৎনরি। সহরগী মিদল ক্লাসগী য়ুমশিং শাবদা মতেং পাংনবা, চুনবা ভারাদা শীন্মিশিংদা অফবা য়ুমশিং ফংহন্নবা কেম্পেনগীদমক, নত্ত্রগা ফেক্তরিশিংদা থবক শুরিবশিংগী অখন্নবা য়ুম শানবা নত্ত্রগা থবক তৌবী নুপীশিংগী লৈবাক অসিদা অনৌবা হোস্তেলশিং শানবা সরকারনা লুপা করোর লিশিং কয়া চাদিং তৌরে।
লায়রবশিং অমসুং মিদল ক্লাসকী হকশেলগী মতাংদা নুমি খরনিগী মমাঙদা অচৌবা ৱারেপ লৌখিবা অদু নিংশিংলদুনা, প্রধান মন্ত্রীনা হায়খি মদুদি চহি ৭০গী মথক্তা লৈবা অহলশিংদা লুপা লাখ ৫ ফাওবগী লেম্না লায়েংবগী খুদোংচাবা পীনবা মহাক্না ৱাশকখি। মখোয়গী মমা-মপাশিং লায়েংবগীদমক মিদল ক্লাসকী মচানুপাশিং অমসুং মচানুপীশিংনা ৱানিঙাই ওইদ্রে।
নহারোলশিং থবক পীনবা অমসুং মশানা মশাবু থবক পীজনবা অমসুং মখোয়গী স্কিল হেনগৎহন্নবা হৌখিবা নুমিৎ ১০০দা লৌখিবা ৱারেপশিংগী মতাংদা, প্রধান মন্ত্রীনা হায়খি মদুদি লুপা করোর লাখ ২ গী অখন্নবা পি.এম পেকেজ অমা লাউথোকখিবা অসিনা নহারোল করোর ৪ হেনবদা কান্নবা পীরগনি। করিগুম্বা কম্পেনিশিংনা নহারোলশিং থবক নেক্লবদি অহানবা থবক্কী অহানবা তোলোব সরকারনা পীগনি। মুদ্রা লোনগী শেনফম লুপা লাখ ১০ দগী লুপা লাখ ২০দা হেনগৎলে।
নুপীশিংগী ফিবম ফগৎনবা পায়খৎলিবা থবকশিংগী মতাংদা, প্রধান মন্ত্রীনা হায়খি মদুদি লাখপতি দিদি করোর ৩ শেমগৎনবা থাজবা পীরি। হৌখিবা চহি অমদা লাখপতি দিদি করোর ১ য়ৌরে অমসুং সরকার অসিগী অহানবা নুমিৎ ১০০দা লৈবাক অসিদা অনৌবা লাখপতি দিদি লাখ ১১ শেমগৎলে। এম.এস.পিদগী হেন্না ৱাংবা মমল অমদা য়োন্নবা থাউ থোকপা মরুশিং থাবা লৌমীশিংগী য়াইফনবা হন্দক সরকারনা ৱারেপশিং লৌরে। নুঙহৱাই অমসুং নুমিৎলৈ থারিবা লৌমীশিংগী পুক্নিং থৌগৎনবা মপান লৈবাকশিংদগী পুশিল্লকপা অচাথাউদা ইম্পোর্ত দ্যুতি হেনগৎলে অমসুং অচাথাউ পুথোকপদা অত্মানির্ভর ওইনবা খোঙজেল য়াংখৎহল্লে। মপান লৈবাকশিংদা ভারতকী চেঙ অমসুং তিলহৌ পাম্নবা হেনগৎলকপদগী বাসমাতি চেঙ অমসুং তিলহৌ মপান্দা থাদোকপদা থম্বা অথিংবা সরকারনা লৌথোক্লে।
শ্রী মোদীনা হায়খি মদুদি হৌখিবা নুমিৎ ১০০দা রেল, লম্বী, হিথাংফম, এয়রপোর্ত অমসুং মেত্রোগা মরী লৈনবা প্রোজেক কয়া অয়াবা পীখ্রে। হায়রিবা থবকশিং অদুগা মান্নবা শক্তম অমা ঙসিগী থৌরম অসিদসু উবা ফংলে। ঙসি গুজরাত্তা লম্বী-থোংগা মরী লৈনবা প্রোজেক কয়া উরেপ-উয়ুং তম্লে। থৌরম অসিগী মমাঙদা মহাক মেত্রো তোংদুনা গিফ সিতি স্তেসন ফাওবা চৎখি। মোত্রো তোংলিঙৈ মনুংদা মীওই কয়ানা মখোয়গী ৱারি কয়া লীরকখি অমসুং অহমেদবাদ মেত্রো শাংদোকপদা মীওই খুদিংমক হরাওবা ফোঙদোকখি। হৌখিবা নুমিৎ ১০০গী মনুংদা, লৈবাক শীনবা থুংনা সহর কয়াদা মেত্রো পাকথোক-চাউথোক্নবা ৱারেপশিং লৌখ্রে।
ঙসি অসি গুজরাতকী অখন্নবা নুমিৎ অমনি হায়বা ৱাফম থম্লদুনা, প্রধান মন্ত্রীনা হায়খি মদুদি অহমেদবাদ অমসুং ভুজগী মরক্তা নমো ভারত রেপিদ রেল চেনবা হৌরে। নুমিৎ খুদিংগী লৈবাক অসিদা অতোপ্পা সহর অমদগী সহর অমদা চৎথোক-চৎশিন তৌরিবা মিদল ক্লাস ইমুংশিংদা নমো ভারত রেপিদ রেলনা খুদোংচাবা য়াম্না পীরগনি। থবক তৌরিবশিং, ললোন-ইতিক তৌবশিং অমসুং লাইরিক লাইশুগী থবক তৌরিবশিংদা মসিনা য়াম্না চাউনা কান্নবা পীরগনি। মতম খরগী মতুংদা, লৈবাক অসিগী সহর কয়া নমো ভারত রেপিদ রেলনা শম্নদুনা মীওই কয়াদা কান্নবা পীরগনি।
প্রধান মন্ত্রীনা হায়খি মদুদি অহানবা নুমিৎ ১০০ দা বন্দে ভারত নেতৱার্ক পাকথোক-চাউথোকপা অসি মমাঙদা অমুক্তা থোকখিদ্রি। লম্বীশিংদা অনৌবা বন্দে ভারত ত্রেন ১৫ হেন্না চেল্লে। ঙসি মহাক্না ঝারখন্দদগী অমসুং নাগপুরদগী সিকন্দরবাদ, কোলহাপুরদগী পুনে, অগ্রা কেন্তদগী বরানাস, দুর্গতগী বিশাখাপত্নম, পুনেদগী হুববালি লম্বীশিংদা বন্দে ভারত ত্রেন কয়া লমথাখ্রে। বরানাসীদগী দিল্লি ফাওবগী অহানবা কোচ ২০গী বন্দে ভারত ত্রেন লমথাখিবা অদুশু প্রধান মন্ত্রীনা পনখি। মহাক্না হায়খি মদুদি লৈবাক অসিদা বন্দে ভারত ত্রেন ১২৫ হেনবনা নোংমদা মীওই লিশিং কয়া য়াংনা চৎথোক-চৎশিন তৌবা ঙমহল্লে।
গুজরাতকী মীয়াম্না মতমগী মমল খঙবগী মতাংদা পল্লদুনা, প্রধান মন্ত্রীনা হায়খি মদুদি চৎলিবা মতম অসি ভারতকী সনাগী যুগ নত্ত্রগা অমৃত কালনি। মথং চহি ২৫ দা ভারতকী মীয়াম্না চাউখৎলবা ভারত অমা ওইহনগনি অমসুং মসিদা গুজরাতকী মীয়াম্না মরুওইবা থৌদাং অমা লৌগনি। ঙসি গুজরাত মেনুফেকচরিংগী অচৌবা মফম অমা ওইরকপদা অমসুং ভারতকী রাজ্যশিংগী মনুংদা লম্বী-থোং খ্বাইদগী ফবা রাজ্য অমা ওইরকপদা হরাওবা ফোঙদোক্লি। লৈবাক অসিগী অহানবা মেদ-ইন-ইন্দিয়া ত্রান্সপোর্ত এয়রক্রাফ সি-২৯৫ গুজরাতনা ভারত্তা পীগদবা নুমিৎ অদু কুইরক্ত্রে।
মমাঙদা অমুক্তা ওইখিদ্রিবা মওংদা সেমিকন্দক্তর মিসন্দা গুজরাতনা মাংজিল থাবদা হরাওবা ফোঙদোক্লদুনা, প্রধান মন্ত্রীনা হায়খি মদুদি ঙসি গুজরাত্তা পেত্রোলিয়ম, ফোরেন্সিক, ৱেলনেস য়াওনা হিরম কয়াদা য়ুনিভর্সিতি কয়া লৈরে অমসুং অনৌবা সবজেক্ত খুদিংমক তম্নবা গুজরাত্তা অফবা খুদোংচাবশিং লৈরে। মপান লৈবাকশিংগী য়ুনিভর্সিতিশিংনা মখোয়গী কেম্পসশিং গুজরাত্তা হাংদোক্লে। কলচরদগী হৌরগা লৌউ-শিংউ ফাওবগী লমদা মালেম শীনবা থুংনা গুজরাতনা মশক অমা তাক্লে। কনাগুম্বা অমনা কৈদৌঙৈদা খনখিবদা অমা ওইনা হৌজিক গুজরাতনা মপান লৈবাকশিংদা মহৈ-মরোংশিং থাদোক্লে অমসুং মসি গুজরাতকী মীয়ামগী হৈথোই-শিংথোইবা অমসুং থবক কন্নবা শুবা-নোম্বদগী ওইরকপনি। প্রধান মন্ত্রীনা হায়খি মদুদি রাজ্য অসি চাউখৎনবা কৎথোকখিবা মীরোল অমা হৌখ্রে অমসুং রাজ্য অসি অনৌবা থাকশিংদা পুখৎনবা মখা তানা থাজবা থম্লি। ভারত্তা পুথোক্লিবা পোৎথোকশিং মগুন লৈহন্নবা মহাক্না লাল কিলাদা মহাক্কী ৱারোল ফোঙদোকপদা থমখ্রে। মপান্দা থাদোক্তবা পোৎ-চৈশিং ফত্তবা ঙাক্তনি হায়না খনবগী ৱাখল্লোন অমা লৈরিবা অসি মীয়াম্না লৌথোক্কদবনি। ভারত অমসুং মপান লৈবাকশিংদা অৱাংবা থাক্কী মগুন লৈবা পোৎ-চৈশিং শাবদা গুজরাতনা মৈরা অমা ওইগদবনি।
প্রধান মন্ত্রীনা হায়খি মদুদি অনৌবা ৱাশকশিংগা লোয়ননা, লৈবাক অসি মালেমদা মশক তাক্নবা ভারত থবক তৌরি। লৈবাক কয়াদা অচৌবা মফমশিংদা ভারতকী ইকায়খুম্নবা য়াম্না ফংলে। মালেমদা মীওই খুদিংমক্না ভারত তরাম্না ওক্লে অমসুং মখুৎ তিংথোক্তুনা ভারতমচাশিং ওক্লে। লৈবাক খুদিংমক ভারতকা অফবা মরীশিং থম্নবা পাম্লে। অৱাবা তারকপা মতমদা ভারতকী পাম্বৈশিং ফংনবা মালেমগী মীয়াম্না ভারতকী মাইকৈদা য়েংনরক্লে। ভারতকী মীয়াম্না অহুমলকশুবা ওইনা তুংদু-লৈতাবা সরকার অমা শেম্বদগী মালেম্না থাজবা মখা তানা হেনগৎলক্লে। হৈথোই-শিংথোইবা নহারোলশিং পাম্নবা হেনগৎলকপগা লোয়ননা থাজবা হেনগৎলকপা অসিগী কান্নবশিং লৌমীশিং অমসুং নহারোলশিংনা ফংলে। থাজবা অমা হেনগৎলকপা অসিনা মপান্দা থাদোকপা হেনগৎলে অমসুং মপান লৈবাকশিংগী ইনভেস্তরশিংগী খুদোংচাবা পীরে।
প্রধান মন্ত্রীনা হায়খি মদুদি মখোয়গী লৈবাক্কী মপাঙ্গল উৎতুনা মালেম অসিদা ভারতকী ব্রান্দ এম্বেসেদর অমা ওইনবা লৈবাক অসিগী নাগরিক খুদিংমক পাম্লিঙৈদা, লৈবাক অসিদা ফত্তবা ৱাখল খনবা অমসুং ওন্ন-তৈনবা থবক তৌবা মীওই খর লৈরি। অসিগুম্বা মীওইশিংনা লৈবাক অসিগী অপুনবদা শিংনরকখি। নিংথৌ পানবা লৈবাক ৫০০ হেন্না পুনশিন্দুনা সারদার পতেলনা অপুনবা ভারত শেমগৎখি। শক্তি পাম্বা মীওই খরনা ভারত অসি মচেৎ কয়া থোক্না থুগায়বা পাম্লে। অসিগুম্বা মীওইশিংদগী গুজরাতকী মীয়াম্না চেকশিন্না লৈগদবনি। ভারত চাউখৎপগী লম্বীদা চৎলি অমসুং অসিগুম্বা ফত্তবা ফোর্সশিং থৌনা লৈনা থেংনবা ঙম্মী। হৌজিক ভারতকী কোমথোক্নবা মতম লৈতে, ঐখোয়না ভারতকী তৌবা ঙম্বা হেনগৎহনগদবনি অমসুং ভারতমচা খুদিংমক্তা পুন্সি অমগী ইকায়খুম্নবশু ফংহনগদবনি। হিরম অসিদশু গুজরাতনা লুচিংবা অমা ওইনা চোংথোরক্কনি। ঐখোয় ময়ামগী থবকশিংনা ৱাশক খুদিংমক ঙাক্কদবনি। সবকা প্রায়াসকা লোয়ননা ৱাশক খুদিংমক ঙাক্কদবনি।
থৌরম অদুদা শরুক য়াখিবশিংগী মনুংদা গুজরাতকী রাজ্যপাল অচার্য়া দেবব্রাত অমসুং গুজরাতকী চীফ মিনিস্তর শ্রী ভুপেন্দ্র পতেল য়াওখি।
নুঙগীৱারোল
প্রধান মন্ত্রীনা মরু ওইবা প্রোজেক্ত কয়া অমা সামাখ্যালি – গান্ধিধাম অমসুং গান্ধিধাম – আদিপুর রেলৱে লাইনশিং ক্বাদ্রুপ্লিং তৌবা, এহ্মদবাদকী এ.এম.সিদা মমিং লৈরবা লৈম্বিশিং শেমগৎপা, অমসুং বাক্রোল, হাথিজান, রামোল, অমসুং পঞ্জারপোল জঙ্কশনগী মথক্তা ফ্লাইওভর ব্রিজশিং শাবনচিংবা প্রোজেক্তশিং অসিগী উরেপ-উয়ুং তমখ্রে।
প্রধান মন্ত্রীনা মেগাৱাত ৩০গী সোলার সিস্তেম শঙ্গাখ্রে। মহাক্না কচকী কচ লিগ্নাইত থর্মল পাৱর স্তেসনদা মেগাৱাত ৩৫গী বেস সোলর পি.ভি প্রোজেক্ত অমসুং মোর্বি অমসুং রাজকোততা ২২০ কিলোভোল্তকী সবস্তেসনশিং শঙ্গাখ্রে।
প্রধান মন্ত্রীনা ফাইনান্সিয়েল সর্বিসশিং স্ত্রীলাইন তৌনবা শেম্বা ইন্তরনেসনেল ফাইনান্সিএল সর্বিসেস সেন্তরস ওথোরিতিগী শিঙ্গল ৱিন্দো আই.তি সিস্তেম(এস দব্লিউ আই তি এস) হৌদোকখ্রে।
প্রধান মন্ত্রীনা প্রধান মন্ত্রী আৱাস য়োজনা-গ্রামিনগী মখাদা য়ুম ৩০,০০০ হেন্না সেঙ্কসন তৌখ্রে অমসুং মসিগী য়ুমশিং অসিগী অহানবা ইনস্তোলমেন্ত থাদোকখ্রে। মহাক্না স্কীমগী মখাদা য়ুমশিং শাবা হৌদোকখ্রে। মহাক্না রাজ্য অসিগী বেনিফিসরীশিংদা, পি.এম.এ.ৱাইগী অর্বান অমসুং রুরল সেগমেন্তশিংগী মখাদা শাবা লোইরবা য়ুমশিং খুৎশীন্নখ্রে।
তুংদা, মহাক্না ভুজদগী এহ্মদবাদ ফাওবা ভারতকী অহানবা বন্দে মেত্রো অমসুং নাগপুরদগী সিকন্দরাবদ, কোলহাপুরদগী পুনে, এগ্রা কেন্ততগী বনারস, দুর্গদগী ৱিশাখাপত্নম, পুনেদগী হুবল্লি চেনবা বন্দে ভারত ত্রেনশিং অমসুং বরানসিদগী দিল্লী ফাওবা খ্বাইদগী অহানবা কোচ-২০গী বন্দে ভারত ত্রেন লমথাখি।
ৱা ঙাংখিবগী মপুংফাবা ৱারোল পানবা মসিদা নম্বীয়ু
गरीब और मिडल क्लास के स्वास्थ्य से जुड़ा बहुत बड़ा फैसला... pic.twitter.com/SKJnu9aeqr
— PMO India (@PMOIndia) September 16, 2024
नमो भारत रैपिड रेल मिडिल क्लास परिवारों को बहुत सुविधा देने वाली है। pic.twitter.com/rUFnko3Tbr
— PMO India (@PMOIndia) September 16, 2024
भारत के लिए ये समय... भारत का golden period है... भारत का अमृतकाल है: PM @narendramodi pic.twitter.com/6oqSPRrMDN
— PMO India (@PMOIndia) September 16, 2024
दुनिया में भारत को कितना मान-सम्मान मिल रहा है: PM @narendramodi pic.twitter.com/OnMXWfuGHW
— PMO India (@PMOIndia) September 16, 2024
