প্রধান মন্ত্রীনা নেসনেল গ্রিন হায়দ্রোজেন মিসনগী মখাদা অহানবা গ্রিন হায়দ্রোজেন হবকী উরেপ-উয়ুং তমখ্রে
ঐখোয়না গ্রিন ইনর্জিগী থবকশিং অমসুং মরুওইবা ইনফ্রাস্ত্রকচর চাউখৎনবা প্রোজেকশিং হৌদোক্তুনা ঙসি অসি অন্ধ্র প্রদেসকী মরুওইবা নুমিৎ অমা ওইরে: প্রধান মন্ত্রী
অন্ধ্র প্রদেসকী মীয়াম চাউখৎহনবা হায়বসি ঐখোয়না পান্দমনি, অন্ধ্র প্রদেসকী মীয়ামগী থবক তৌবা হায়বসি ঐখোয়গী ৱাশক্নি: প্রধান মন্ত্রী
অন্ধ্র তুংগী তেক্নোলোজিশিংগী মফম অমা ওইরগনি: প্রধান মন্ত্রী
সহর শেমগৎপা অসি খুদোংচাবা অমনি হায়না ঐখোয়গী সরকারনা খল্লি: প্রধান মন্ত্রী
সমুদ্রগী খুদোংচাবশিং মপুংফানা লৌনবা ঐখোয়না ব্লু ইকোনোমি য়োকখৎলি: প্রধান মন্ত্রী
ঙসি প্রধান মন্ত্রী শ্রী নরেন্দ্র মোদীনা অন্ধ্র প্রদেসকী বিশাখাপত্নমদা লুপা করোর লাখ ২ হেনবগী চাউখৎ-থৌরাংগী থবকশিং উরেপ-উয়ুং তমখ্রে, শঙ্গাখ্রে। ভগবান সিমহাচালম বরাহা লক্ষ্মী নরাসিমহা শ্বামীদা মহাক্না ইকায়খুম্নবা উৎলদুনা, প্রধান মন্ত্রী মোদীনা হায়খি মীয়ামগী থৌজালদগী, চহি ৬০ গী মতুংদা, লৈবাক অসিদা কেন্দ্র সরকার অমা থংন থংননা অহুমলক খল্লে। ঙসিগী থৌরম অসিদা সরকার শেম্লবা মতুংদা অন্ধ্র প্রদেসতা পাংথোকপা অহানবা থৌরমনি। থৌরম অসিগী মমাঙদা পাংথোকখিবা রোদসোদা মহাক তরাম্না ওকপগীদমক রাজ্য অসিগী মীয়াম থাগৎপা ফোঙদোকচরি। শ্রী চন্দ্রবাবু নাইদুনা মহাক্কী ৱারোলদা পনখিবা ৱাহৈ খুদিংমক অমসুং অনিংবশিং মহাক্না ইকায়খুম্নবা উৎলি। অন্ধ্র প্রদেস অমসুং ভারতকী মীয়ামগী মতেংগা লোয়ননা শ্রী নাইদুনা মহাক্কী ৱারোলদা পনখিবা পান্দম খুদিংমক ফংবা ঙমগনি হায়বগী থাজবা লৈ।
প্রধান মন্ত্রী শ্রী নরেন্দ্র মোদীনা হায়খি ঐখোয়গী অন্ধ্র প্রদেস অসি খুদোংচাবা কয়ানা পীক থনবা রাজ্য অমনি। হায়রিবা খুদোংচাবশিং অসি থবক ওইনা পাংথোকপা মতমদা, অন্ধ্র প্রদেস চাউখৎকনি অমসুং ভারত চাউখৎপা লৈবাক অমা ওইগনি। অন্ধ্র প্রদেসকী মীয়াম চাউখৎহনবা হায়বসি ঐখোয়না পান্দমনি, অন্ধ্র প্রদেসকী মীয়ামগী থবক তৌবা হায়বসি ঐখোয়গী ৱাশক্নি। ২০৪৭ ফাওবগী মনুংদা দোল্লর ত্রিল্লিয়ন ২.৫ গী ইকোনোমি অমা লৈনবা অন্ধ্র প্রদেসনা পান্দম থম্লি। মঙলান অসি মঙফাওনবা ঙম্নবা শ্রী নাইদুনা ‘শ্বর্না অন্ধ্র@২০৪৭’ হৌদোক্লে। পান্দম খুদিংমক ফংনবা কেন্দ্র সরকারনা অন্ধ্র প্রদেস সরকারগা য়াম্না নকশিন্না থবক তৌমিন্নরি। কেন্দ্র সরকারনা অন্ধ্র প্রদেস মরুওইনা লৌদুনা লুপা করোর লাখ কয়াগী প্রোজেকশিং পীরে। ঙসি লুপা করোর লাখ ২ গী প্রোজেকশিং শঙ্গারে অমসুং চাউখৎ-থৌরাংগী প্রোজেকশিং অসিগীদমক লৈবাক শীনবা থুংবগী মীয়াম্না অন্ধ্র প্রদেসকী মীয়ামদা থাগৎপা ফোঙদোক্লি।
অন্ধ্র প্রদেস অসি আই.তি অমসুং তেক্নোলোজিগী শিংথানিঙাই ওইরবা মফম অমনি হায়না ফোঙদোক্লদুনা, প্রধান মন্ত্রী শ্রী নরেন্দ্র মোদীনা হায়খি অন্ধ্র প্রদেসকী তুংদা লাক্কদবা তেক্নোলোজিশিংগী মফম অমা ওইরক্নবগী মতম অদু হৌজিক য়ৌরক্লে। গ্রিন হায়দ্রোজেনশুম্বা অনৌবা তেক্নোলোজিশিংদা মাঙজিল থাবা অসি য়াম্না মরুওই। ২০৩০ ফাওবগী মনুংদা গ্রিন হায়দ্রোজেন মেত্রিক তন মিল্লিয়ন ৫ পুথোক্নবা পান্দম অমগা লোয়ননা, ২০২৩ দা নেসনেল গ্রিন হায়দ্রোজেন মিসন হৌদোকখি। অহানবা তাঙ্কক্তা, গ্রিন হায়দ্রোজেন হব অসি লিংখৎকনি, মদুগী মনুংদা অমা বিশাখাপত্নমদা লৈগনি। পাক-চাউনা গ্রিন হায়দ্রোজেন পুথোক্নবগী খুদোংচাবশিং লৈবা মালেমগী সহর খরগী মনুংদা বিশাখাপত্নম য়াওরগনি। গ্রিন হায়দ্রোজেন হব অসিনা থবক কয়া ফংহনগনি অমসুং অন্ধ্র প্রদেসতা মেনুফেকচরিংগী ইকোসিস্তেম অমা শেমগৎকনি।
প্রধান মন্ত্রী শ্রী নরেন্দ্র মোদীনা হায়খি নাক্কাপাল্লিদা ব্লক দ্রগ পার্ক প্রোজেক অমগী উরেপ-উয়ুং তম্নবগী খুদোংচাবা মহাক্না ফংলে। অসিগুম্বা পার্ক অমা লিংখৎপা লৈবাক অসিগী রাজ্য অহুমগী মনুংদা অন্ধ্র প্রদেস অমনি। পার্ক অসিনা মেনুফেকচরিং অমসুং রিছার্সকী অফবা ইনফ্রাস্ত্রকচর ফংহনগনি অমসুং লমদম অসিগী ফার্মা কম্পেনিশিং কান্নবা পীবগা লোয়ননা শেন থাদবা মীওইশিংগী পুক্নিং থৌগৎকনি।
প্রধান মন্ত্রী শ্রী নরেন্দ্র মোদীনা হায়খি সহর শেমগৎপা অসি খুদোংচাবা অমনি হায়না ঐখোয়গী সরকারনা খল্লি অমসুং অন্ধ্র প্রদেস অসি অনৌবা যুগকী সহর শেমগৎপগী খুদম অমা ওইহন্নবা পান্দম থম্লি। মঙলান অসি মঙফাওনবা ঙম্নবা, ঙসি, কৃস সিতি হায়না খঙনবা কৃষ্ণপাত্নম ইন্দস্ত্রিএল এরিয়াগীদমক উরেপ-উয়ুং তম্লে। স্মার্দ সিতি অসি চেন্নাই-বেঙ্গালুরু ইন্দস্ত্রিএল কোরিদোরগী শরুক অমা ওইগনি অমসুং লুপা করোর লিশিং কয়া থাদরক্নবা পুক্নিং চিংশিনগনি অমসুং অন্ধ্র প্রদেসতা উদ্যোগকী থবক লাখ কয়া ফংহনগনি।
প্রধান মন্ত্রী শ্রী নরেন্দ্র মোদীনা হায়খি মেনুফেকচরিংগী মফম অমা ওইনা অন্ধ্র প্রদেসনা মাংজৌননা শ্রী সিতিগী খুদোংচাবা ফংলে। অন্ধ্র প্রদেস অসি লৈবাক অসিগী ইন্দস্ত্রিএল অমসুং মেনুফেকচরিং সেক্তরশিংদা মাঙজিল থাবা রাজ্যশিংগী মনুংদা অমা ওইহন্নবা পান্দম থম্লি। প্রদক্সন লিঙ্ক ইন্সেনতিপ (পি এল আই) স্কিমগুম্বা থবকশিংগী খুৎথাংদা সরকারনা মেনুফেকচরিং য়োকখৎলি, মসিনা তোঙান-তোঙানবা পোৎথোকশিং পুথোকপা মালেমগী মকোক থোংবা লৈবাকশিংগী মনুংদা ভারত য়াওবা ঙম্লে।
প্রধান মন্ত্রী শ্রী নরেন্দ্র মোদীনা হায়খি বিশাখাপত্নমগী অনৌবা সহরদা সাউথ কোস্ত রেলৱে জোন হেদক্বাতরশিং শানবা উরেপ-উয়ুং তম্লে। মতম কয়াগী মমাঙদগী রাজ্য অসিদা তোখায়বা রেলৱে জোন অমা লৈহন্নবা তকশিন্দুনা লাকপা অদু থবক ওইনা পাংথোক্লে। সাউথ কোস্ত রেলৱে জোন অমা লিংখৎপা অসিনা লমদম অসিদা লৌউ-শিংউ অমসুং ললোন-ইতিক্কী থবকশিং হেনগৎহল্লগনি অমসুং তুরিজম অমসুং লমদম অসিগী শেন্মিৎলোন্দা অনৌবা খুদোংচাবশিং পীরগনি। লুপা করোর লিশিং কয়াগী লম্বী-থোংগী প্রোজেক কয়া শঙ্গারে অমসুং উরেপ-উয়ুং তম্লে। রেলৱে চাদা ১০০ ইলেক্ত্রিক ফংহনবা রাজ্যশিংগী মনুংদা অন্ধ্র প্রদেস য়াওরে অমসুং রেলৱে স্তেসন ৭০ হেন্না অমৃত ভারত স্তেসন স্কিমগী মখাদা শেমগৎলে। অন্ধ্র প্রদেসকী মীয়াম চৎথোক-চৎশিন নুংঙাইনবা বন্দে ভারত ত্রেন ৭ অমসুং অমৃত ভারত ত্রেন চেল্লে। হেন্না ফবা লম্বী-থোং অমসুং খুদোংচাবশিংগা লোয়ননা অন্ধ্র প্রদেসতা ইনফ্রাস্ত্রকচরগী অওনবা পুরকপা অসিনা রাজ্য অসি অওনবা লাক্লগনি। চাউখৎপা অসিনা হিংবদা লাইবা অমসুং ললোন-ইতিক পাংথোকপদা লাইবা হেনগৎলগনি অমসুং মসিনা অন্ধ্র প্রদেসকী দোল্লর ত্রিল্লিয়ন ২.৫ গী ইকোনোমিগী য়ুম্ফম থোল্লে।
বিশাখাপত্নম অমসুং অন্ধ্র প্রদেস চহি চা কয়া ভারতকী ললোন-ইতিক্কী থোঙজিল ওইদুনা লাক্লি হায়না ফোঙদোক্লদুনা, প্রধান মন্ত্রী শ্রী নরেন্দ্র মোদীনা হায়খি সমুদ্রগী খুদোংচাবশিং মপুংফানা লৌনবা মিসনগী মওংদা ব্লু ইকোনোমি য়োকখৎলি। শেন্থোক হেনগৎনবা অমসুং ঙা ফাবগী থবক তৌরিবশিংগী ললোন-ইতিক চাউখৎনবা বিশাখাপত্নম হিথাংফম মতমগা চুনবা মওংদা শেমগৎলে। ঙামীশিংদা কিষান ক্রেদিদ কার্দকী খুদোংচাবা ফংহল্লে অমসুং সমুদ্রগী শরুক ঙাক-শেন্নবা থবকশিং পায়খৎলে।
প্রধান মন্ত্রী শ্রী নরেন্দ্র মোদীনা হায়খি খুন্নাইগী কাংলুপ খুদিংমক চাউখৎপগী কান্নবশিং ফংনবা, কাংলুপ খুদিংমক কোনশিন্নবা অমসুং হিরম খুদিংমক চাউখৎহন্নবা সরকারনা থবক পায়খৎলে। নুংঙাই-য়াইফবা অমসুং অনৌবা অন্ধ্র প্রদেস অমা শেমগৎনবা কেন্দ্র সরকারনা কৎথোক্লি। অন্ধ্র প্রদেসকী মীয়াম নুংঙাইহনগদৌরিবা ঙসি শঙ্গারিবা প্রোজেকশিং অসিগীদমক মীয়ামদা থাগৎপা ফোঙদোকচরি।
থৌরম অদুদা শরুক য়াখিবা শক্নাইরবশিংগী মনুংদা অন্ধ্র প্রদেসকী রাজ্যপাল শ্রী এস.অবদুল নাজির, সিবিল এভিএসনগী য়ুনিয়ন মিনিস্তর শ্রী কিঞ্জারাপু রামমোহন নাইদু, অন্ধ্র প্রদেসকী চীফ মিনিস্তর শ্রী চন্দ্রবাবু নাইদু, দিপুতি চীফ মিনিস্তর শ্রী পাৱন কলয়ান য়াওখি।
নুঙগীৱারোল
গ্রিন ইনর্জি অমসুং তুং কোইনা চৎকদবা তুংলমচৎকীদমক মহাক্কী অচেৎপা ফিরেপকী মায়কৈদা অতোপ্পা মরুওইবা খোঙথাং অমদা, প্রধান মন্ত্রীনা অন্ধ্র প্রদেশকী বিশাখাপত্নমগী মনাক্তা পুদিমাদাকাদা লৈবা স্তেৎ-ওফ-দি-আর্ত এন.তি.পি.সি গ্রিন ইনর্জি লিমিতেদ গ্রিন হাইদ্রোজেন হব প্রোজেক্তকী উরেপ উয়ুং তমখ্রে। প্রোজেক্ত অসিদা চাউরাক্না লুপা করোর ১,৮৫,০০০ গী ইনভেস্তমেন্ত অমা য়াওরি। মসিগী মনুংদা মপুং ওইনা এক্সপোর্ত মার্কেৎতা তার্গেৎ তৌরিবা গ্রিন মিথানোল, গ্রিন য়ুরিয়া অমসুং সস্তেনেবল এভিএসন ফ্যুএল য়াওনা তি.পি.দি ১৫০০ গ্রিন হাইদ্রোজেন অমসুং তি.পি.দি ৭৫০০ গ্রিন হাইদ্রোজেন দিরাইভেতিবশিংগী পুথোকপা ঙমবগী কেপাসিতী লৈবা রিন্যুএবল ইনর্জি কেপাসিতীগী গিগাৱাত ২০ গী ইনভেস্তমেন্ত য়াওগনি, মসিনা ভারতকী খ্বাইদগী চাউবা ইন্তিগ্রেতেদ গ্রীন হাইদ্রোজেন প্রদক্সন ফেসিলিতী অমা ওইহল্লগনি। প্রোজেক্ত অসিনা ২০৩০ ফাওবদা ভারতকী নন-ফোসিল ইনর্জী কেপাসিতীগী পান্দম গিগাৱাত ৫০০ গী পান্দম ফংনবা হোৎনবদা চাউনা শরুক তমগনি।
প্রধান মন্ত্রীনা অন্ধ্র প্রদেশতা লুপা করোর ১৯,৫০০ হেনবগী রেলৱে অমসুং লম্বীগী প্রোজেক্ত কয়া জাতিদা কত্থোকখি, শঙ্গাখি অমসুং উরেপ উয়ুং তমখি। মসিদা তোঙান তোঙানবা প্রোজেক্তশিংগী মরক্তা বিশাখাপত্নমদা লৈবা সাউথ কোস্ত রেলৱেগী হেদক্বার্তরগী উরেপ উয়ুং তম্বগী থৌরম য়াওরি। প্রোজেক্তশিং অসিনা কঞ্জেসন হন্থহল্লগনি, কন্নেক্তিবিতী ফগৎহল্লগনি অমসুং রিজনেল সোসিএল অমসুং ইকনোমিক গ্রোথ হেনগৎহল্লগনি।
খুদোংচাবা ফংবা অমসুং মমল হোংবা হেল্থকেয়রগী মহাক্কী মঙলান অদু খুমাং চাউশিলহল্লদুনা, প্রধান মন্ত্রীনা অনাকাপল্লী জিলাগী নাক্কাপল্লীদা বাল্ক দ্রগ পার্ক্কী উরেপ উয়ুং তমখ্রে। বুল্ক দ্রগ পার্ক অসিনা বিশাখাপত্নম-চেন্নাই ইন্দস্ত্রীএল কোরিদোর অমসুং বিশাখাপত্নম-কাকিনাদা পেত্রোলিয়ম, কেমিকেল অমসুং পেত্রোকেমিকেল ইনভেস্তমেন্ত রিজনগা নক্না লৈবনা মরম ওইদুনা শেন্মিৎলোন চাউখৎহনবদা মতেং পাংগনি।
প্রধান মন্ত্রীনা অন্ধ্র প্রদেশকী তিরুপাতি জিলাগী চেন্নাই বেঙ্গালুরু ইন্দস্ত্রীএল কোরিদোরগী মখাদা কৃষ্ণপত্নম ইন্দস্ত্রীএল এরিয়া (কৃস সিতি)সু উরেপ উয়ুং তমখ্রে। নেস্নেল ইন্দস্ত্রীএল কোরিদোর দিবেলপমেন্ত প্রোগ্রামগী মখাদা ফ্লেগশিপ প্রোজেক্ত অমা ওইরিবা কৃষ্ণাপত্নম ইন্দস্ত্রীএল এরিয়া (কৃস সিতী) অসি গ্রীনফিল্দ ইন্দস্ত্রীএল স্মার্ত সিতী অমা ওইনা পান্দম থম্লি। প্রোজেক্ত অসিনা চাউরাক্না লুপা করোর ১০,৫০০গী মেনুফেকচরিং ইনভেস্তমেন্তশিং লাকহল্লগনি অমসুং মসিনা হকথেংননা অমসুং নাকোইননা থবক লাখ ১গী খুদোংচাবা ফংহল্লগনি, মসিনা পুন্সি মহিং হেনগৎহল্লগনি অমসুং লমদম অসিদা চাউখৎপা পুরক্কনি।
ৱা ঙাংখিবগী মপুংফাবা ৱারোল পানবা মসিদা নম্বীয়ু
The development of Andhra Pradesh is our vision. Serving the people of Andhra Pradesh is our commitment: PM @narendramodi pic.twitter.com/rmdbfEzMM0
— PMO India (@PMOIndia) January 8, 2025
Andhra will emerge as the centre for futuristic technologies. pic.twitter.com/zolvOnzcYp
— PMO India (@PMOIndia) January 8, 2025
Our government views urbanisation as an opportunity: PM @narendramodi pic.twitter.com/kwDChDViiw
— PMO India (@PMOIndia) January 8, 2025
We are promoting the blue economy to fully harness ocean-related opportunities. pic.twitter.com/DqbMweIFTc
— PMO India (@PMOIndia) January 8, 2025
