ঙসি প্রধান মন্ত্রী শ্রী নরেন্দ্র মোদীনা অন্ধ্র প্রদেসকী কুরনুলদা লুপা করোর ১৩,৪০০ রোমগী চাউখৎ-থৌরাংগী প্রোজেকশিং উরেপ-উয়ুং তমখ্রে, শঙ্গাখ্রে অমসুং মীয়ামদা কৎথোকখ্রে। থৌরম অদুদা তিনখিবা মীয়ামদা ৱা ঙাংবদা, প্রধান মন্ত্রীনা অহোবিলমগী ভগবান নরসিমহা শ্বামী অমসুং মহানন্দিগী শ্রী মহানন্দিশ্বার শ্বামীদা ইকায়খুম্নবা উৎখি। মীয়ামগী য়াইফনবগীদমক মহাক্না মন্ত্রলায়মগী গুরু শ্রী রঘভেন্দ্র শ্বামীগী মফমদসু বর নিখি।
দ্বদাশা জয়তিরলিঙ্গ ষ্টত্রামদগী শৈরেং অমা -“সৌরাষ্ট্রে সোমনাথম চা শ্রীসাইলা মাল্লিকঅর্জুন”, থিরদুনা, প্রধান মন্ত্রীনা হায়খি জয়তিরলিঙ্গ ১২ গী মনুংদা, অহৌবদা ভগবান সোমনাথ অমসুং ভগবান মাল্লিকঅর্জুনগী মমিংশিং পুন্না য়াওরি। বাবা বিশ্বনাথকী লমদম কাসিগী থবক তৌনবা অমসুং ঙসি শ্রীসাইলামদা বরশিং ফংনবা, সোমনাথকী লমদম গুজরাত্ত পোকখিবা অসি লাইবক ফবনি হায়না ঐনা খল্লি। মহাক্কী শ্রীসাইলাম খোঙচৎ মতুংদা, প্রধান মন্ত্রী মোদীনা ফম্বাক্তগী শ্রী সিবাজী স্পুর্তি কেন্দ্রদা ইকায়খুম্নবা উৎখি অমসুং ছত্রপতি সিবাজী মহারাজদা কোক নোনখি। মহাক্না সাধুশিং হায়বদি অল্লামা প্রভু অমসুং অক্কামহাদেবীদা ইকায়খুম্নবা উৎখি। মহাক্না শ্রী উয়ালাৱারা নরসিমহা রেদ্দি গারু অমসুং শ্রী হরি সর্ভোত্তামো রাও য়াওনা শক্নাইরবা নিংতম লান্মীশিংদসু ইকায়খুম্নবা উৎখি।
প্রধান মন্ত্রীনা হায়খি অন্ধ্র প্রদেস ‘শ্বাভিমান’ অমসুং ‘সংস্কৃতি’ গী লমদমনি, লমদম অসি সাইন্স অমসুং ইন্নোবেসনগী মফম অমসুনি। রাজ্য অসিগী মপান নাইদ্রবা খুদোংচাবশিং অমসুং রাজ্য অসিগী নহারোলশিংগী মপান নাইদ্রবা তৌবা ঙম্বশিং লৈরি। অন্ধ্র প্রদেসনা দরকার ওইরিবা অসি অচুম্বা পান্দম অমসুং লুচিংবনি। ঙসিদি, কেন্দ্র সরকারনা মপুংফানা শৌগৎতুনা চন্দ্রবাবু নাইদু গারু অমসুং পাৱান কলয়ান গারুগুম্বা লুচিংবশিংগী অন্ধ্র প্রদেসগী লৈরে।
প্রধান মন্ত্রীনা হায়খি হৌখিবা থা ১৬ দা, কেন্দ্র অমসুং রাজ্যগী মখোয়গী সরকারশিংগী মখাদা মমাঙদা অমুক্ত উখিদ্রিবা মওংদা অন্ধ্র প্রদেস য়াংনা চাউখৎলকপা উরে। চাউখৎপা য়াংশিন্নবা দিল্লি অমসুং অমারাবাতি পুন্না থবক তৌমিন্নরি। ২০৪৭ ফাওবদা ভারত চাউখৎলবা লৈবাক অমা ওইরগনি অমসুং ২১ শুবা চহিচা অসি ভারত অমসুং মসিগী মীওই করোর ১৪০ গীনি। ঙসি লম্বীশিং, মৈ, রেলৱেশিং, হায়ৱেশিং অমসুং ললোন-ইতিক্কা মরী লৈনবা প্রোজেক কয়া শঙ্গারে অমসুং উরেপ-উয়ুং তম্লে। প্রোজেকশিং অসিনা রাজ্য অসিগী লম্বী-থোঙ ফগৎহনগনি, উদ্যোগ চাউখৎহনগি অমসুং মীয়াম হিংবদা লাইবা হেনগৎহনগনি। প্রোজেকশিং অসিনা কুরনুল অমসুং অকোয়বগী মফমশিংদা চাউনা কান্নবশিং পীগনি অমসুং মহাক্না রাজ্য অসিগী মীয়ামদা হরাওবা ফোঙদোকখি।
প্রধান মন্ত্রীনা হায়খি লৈবাক অমা নত্ত্রগা রাজ্য অমা চাউখৎনবগীদমক ইনর্জি মরাংকাইনা ফংহনবা হায়বসি তঙাইফদে। লৈবাক অসিনা মখা তানা ইনর্জি পুথোকপা হেনগৎহন্নবা পৱার সেক্তরদা লুপা করোর ৩,০০০ রোমগী ত্রান্সমিসন প্রোজেক অমা হৌদোক্লে। য়াংনা চাউখৎলক্লিবা মরক অসিদা মীয়াম্না হৌখিবা থৌদোকশিং কাউথোক্লোইদবনি। হৌখিবা চহি ১১ দা, ওপোজিসন্না লুচিংবা সরকারগী মখাদা মীকোক্ত ইলেক্ত্রিসিতি শীজিন্নবা য়ুনিত ১,০০০ গী মখাদা লৈখি অমসুং লৈবাক অসিনা মৈ মম্বগুম্বা খুদোংচাদবা কয়া মায়োক্নখি। খুঙ্গং লিশিং কয়া মৈ পুনবা পোষ্টশিং ফাওবা লৈখিদে। ঙসিদি ক্লিন ইনর্জিদগী হৌরগা অপুনবা ইনর্জি পুথোকপা ফাওবদা, হিরম খুদিংমক্ত ভারতনা অনৌবা রেকোর্দশিং থম্লে। খুঙ্গং খুদিংমক্ত মৈ ফংলে, মীকোক্ত মৈ শীজিন্নবা য়ুনিত ১,৪০০ দা হেনগৎলে অমসুং উদ্যোগ অমসুং য়ুমথোঙশিং অনিমক মৈ মরাংকাইনা ফংলে।
প্রধান মন্ত্রীনা হায়খি অন্ধ্র প্রদেস ভারতকী ইনর্জিগী য়াওলগী মরুওইবা মফম অমনি। চাউরাক্না য়ুমথোং লাখ ১৫ রোমদা গ্যাস ফংহনগদবা শ্রীকাকুলামদগী অঙ্গুল ফাওবগী নেচরেল গ্যাস পাইপলাইন প্রোজেক প্রধান মন্ত্রীনা হৌদোকখ্রে। মহাক্না চিত্তুরদা নোংমদা সিলিন্দর লিশিং ২০ হানবা ঙমগদবা এল.পি.জি বোত্তলিং প্লান্ত অমা শঙ্গাখ্রে। মসিনা লমদম অসিগী ত্রান্সপোর্ত অমসুং ষ্টোরেজ সেক্তরদা থবক পীগনি অমসুং নহারোলশিংগী অনৌবা থবক কয়া ফংহনগনি হায়বগী থাজবা থম্লি।
প্রধান মন্ত্রীনা হায়খি লৈবাক শীনবা থুংনা মল্তি-মোদাল ইনফ্রাষ্ট্রকচর য়াংনা চাউখৎলক্লি অমসুং খুঙ্গংদগী সহরশিং ফাওবা অমসুং সহরশিংদগী হিথাংফমশিং ফাওবা, ঐখোয়না অফবা লম্বী-থোঙদা মীৎয়েং থম্লি। সাববারাম অমসুং শিলানগরগী মরক্ত নৌনা শেমগৎলিবা হায়ৱেনা মখা তানা চৎথোক-চৎশিন ফগৎহনগনি। অনৌবা রেল লাইনশিং শেমগৎতুনা অমসুং রেল ফ্লাই ওভরশিং শাদুনা রেলৱে সেক্তরদা অনৌবা যুগ অমা হৌরে অমসুং মসিনা লমদম অসিদা মীওইশিং চৎথোক-চৎশিন্দা খুদোংচাবা হেনগৎহনগনি অমসুং উদ্যোগশিংদা অনৌবা ইনোৎশিং পীগনি।
প্রধান মন্ত্রীনা হায়খি ২০৪৭ ফাওবদা লৈবাক অসি চাউখৎলবা লৈবাক অমা ওইনবা থবক পায়খৎলে অমসুং মসিগী মঙলান অসি শ্বরনা অন্ধ্রগী মঙলান্না থৌনা হাপ্লি। অন্ধ্র প্রদেস অমসুং মসিগী নহারোলশিং মতম পুম্নমক্ত তেক্নোলোজিদা মাংজিল থারি অমসুং কেন্দ্র অমসুং রাজ্যগী মখোয়গী সরকারশিংগী মখাদা, মসিগী খুদোংচাবা অসি মখা তানা লৌরে অমসুং পাকথোক-চাউথোক্লে।
প্রধান মন্ত্রীনা হায়খি ঙসিদি মালেম্না ভারত অমসুং অন্ধ্র প্রদেস অনিমক্কী খোঙজেল অমসুং পাক-চাউবা উরে। নুমিৎ অনিনিগী মমাঙদা গুগলনা অন্ধ্র প্রদেসদা অচৌবা শেনফম অমা থাদনবা লাউথোকখ্রে। অন্ধ্র প্রদেসতা গুগলনা ভারতকী অহানবা আর্তিফিসিএল ইন্তিলিজেন্স হব লিংখৎলগনি। অনৌবা এ.আই হব অসিদা শক্তি লৈরবা এ.আই ইনফ্রাষ্ট্রকচর, দেতা সেন্তর, ইনর্জি সোর্সশিং অমসুং ফাইবর-ওপ্তিক নেতৱার্ক লৈগনি।
প্রধান মন্ত্রীনা হায়খি গুগলগী এ.আই হবতা শেন থাদবা অসিদা অনৌবা ইন্তরনেসনেল সবসি গেতৱে অমা শেমগৎপা য়াওগনি। মসিগী গেতৱে অসিদা ভারতকী নোংপোক থংবা সমুদ্র মপান্দা লৈবা বিশাখাপত্নম ফাওবা য়ৌবা ইন্তরনেসনেল সবসি কেবলশিং য়াওগনি। প্রোজেক অসিনা বিশাখাপত্নম এ.আই অমসুং গ্লোবেল কন্নেক্তিবিতিগী মরুওইবা মফম অমা ওইহনগনি অমসুং ভারত খক্তগী নত্তনা মালেমগী থবক তৌগনি। মাইপাকপা অসিগীদমক অন্ধ্র প্রদেসকী মীয়ামদা হরাওবা ফোঙদোকচরি।
প্রধান মন্ত্রীনা হায়খি ভারত চাউখৎনবগীদমক অন্ধ্র প্রদেসকী চাউখৎহনবা তঙাইফদে। অন্ধ্র প্রদেস চাউখৎনবগীদমক রায়ালাসিমা চাউখৎপা অসি তঙাইফদে। ঙসি হৌদোক্লিবা প্রোজেকশিং অসিনা কুরনুল লমদমগী রায়ালাসিমাগী জিলা খুদিংমক্ত থবক অমসুং নুংঙাই য়াইফবগী অনৌবা থোঙশিং হাংদোক্লগনি, লমদম অসিদা উদ্যোগ চাউখৎপা য়াংখৎহল্লগনি।
প্রধান মন্ত্রীনা হায়খি অন্ধ্র প্রদেসকী চাউখৎপা য়াংখৎনবা অনৌবা ইন্দষ্ট্রিএল কোরিদোরশিং অমসুং হবশিং লিংখৎপা দরকার ওইরে। সরকারনা ওরবাকাল অমসুং কোপ্পাতি অনৌবা উদ্যোগকী মফম অমা ওইনা শেমগৎলি। লমদমশিং অসিদা শেন থাদবা হেনগৎলকপনা অনৌবা থবক ফংনবা খুদোংচাবশিং পীরগনি।
প্রধান মন্ত্রীনা হায়খি ঙসিদি, মালেম্না ভারত অসি ২১শুবা চহিচাগী অনৌবা মেনুফেকচরিংগী সেন্তর ওইনা উরে, মাইপাকপা অসিদা অত্মনির্ভর ভারতকী মঙলান্না য়ুম্ফম ওইরে। অত্মনির্ভর ভারত মাইপাকপদা অন্ধ্র প্রদেসনা চাউনা মতেং পাংলি। হৌখিবা সরকারশিংনা অন্ধ্র প্রদেসগী তৌবা ঙম্বশিং মীরাইখি, মসিনা লৈবাক শীনবা থুংনা খুদোংচাদবা অমা থোকহনখি। লৈবাক্কী চাউখৎপদা মাংজিল থাগদবা রাজ্য অমা মশা মরোমদোম চাউখৎচনবা হোৎন্নবা থাদোক্তুনা থমখি। মখোয়গী সরকারগী মখাদা, অন্ধ্র প্রদেসগী মাইকৈ হোংলক্লে, মেনুফেকচরিংদা য়াংনা চাউখৎলক্লি। দিফেন্স সেক্তরদা অত্মনির্ভর ওইনবা মাইকৈদা থাংজিনবা অতোপ্পা খোঙথাং অমা ওইনা, নিম্মালুরুদা এদভান্স নাইত ভিজন ফেক্তরি অমা হৌদোক্লে। মসিনা ভারতনা নাইত ভিজন খুৎলায়শিং, মিসাইল সেন্সরশিং অমসুং দ্রোন গার্দ সিষ্টেমশিং পুথোকপা হেনগৎহনগনি অমসুং লৈবাক অসিনা ঙাক-শেনগী খুৎলায়শিং মপান্দা থাদোকপা হেনগৎহনগনি। ওপরেসন সিন্দুর মনুংদা লৈবাক অসিনা মশানা শাজবা খুৎলায়শিংগী মাইপাকপা মালেম শীনবা থুংনা উখ্রে।
প্রধান মন্ত্রীনা হায়খি কুরনুল ভারতকী দ্রোন হব অমা ওইনা শেমগৎনবা অন্ধ্র প্রদেস সরকারনা ৱারেপ লৌরে। দ্রোন ইন্দষ্ট্রিগী খুৎথাংদা, তুংগী তেক্নোলোজিশিংগা মরী লৈনবা অনৌবা সেক্তরশিং কুরনুল অমসুং অন্ধ্র প্রদেস শীনবা থুংনা থোক্লক্লগনি। ওপরেসন সিন্দুর মনুংদা দ্রোনশিং মাইপাকখি অমসুং লাক্লিবা চহিশিংদা দ্রোন সেক্তরদা কুরনুল লৈবাক অসিগী মপাঙ্গল অমা ওইরগনি। লেপ্তনা অওনবশিং পুরক্তুনা মীয়ামগী চাউখৎ-থৌরাং পায়খৎপা হায়বসি ঐখোয়গী সরকারগী পান্দমনি, ঐখোয়না মীয়াম হিংবদা লাইহল্লে। হৌজিক লুপা লাখ ১২ ফাওবা ইনকম তেক্স লৌদ্রে অমসুং মমল হোংবা হিদাকশিং, মমল হোংবা অনা-লায়য়েং অমসুং অহলশিংগী অয়ুস্মান কার্দশিংগুম্বা থবকশিংনা হিংবদা লাইনবা অনৌবা ষুগ অমা হৌরে।
প্রধান মন্ত্রীনা হায়খি নবরাত্রিগী অহানবা নুমিত্তগী জি.এস.তি হন্থরে। নারা লোকেস গারুগী লমজিং মখাদা জি.এস.তি বচত উৎসবগী হরাওবা ফোঙদোকপা উরে অমসুং মাইপাক্না “সুপর জি.এস.তি-সুপর সেভিংস” কেম্পেন পাংথোক্লে। জি.এস.তিগী অওনবশিং অসিনা অন্ধ্র প্রদেসকী মীয়ামগী লুপা করোর ৮,০০০ রোম কনবা ঙমগনি অমসুং মসিনা কুহ্মৈগী হরাওবা হেনগৎহল্লে। ‘ভোকেল ফোর লোকেল’ গী ৱাশক্কা লোয়ননা জি.এস.তি সেভিংস ফেষ্টিবেল পাংথোক্কদবনি। অন্ধ্র প্রদেস চাউখৎপগী খুৎথাংদা বিকসিত ভারত অমগী মঙলান মঙফাওনগনি অমসুং অনৌবা প্রোজেকশিং অসিগীদমক রাজ্য অসিগী মীয়াম অমুক হন্না থাগৎপা ফোঙদোকচরি।
থৌরম অসিদা শরুক য়াখিবা অতোপ্পা শক্নাইরবা মীওইশিংগী মনুংদা অন্ধ্র প্রদেসকী রাজ্যপাল শ্রী সয়েদ অবদুল নাজির, অন্ধ্র প্রদেসকী চীফ মিনিষ্টর শ্রী এন.চন্দ্রবাবু নাইদু, কেন্দ্রগী মন্ত্রীশিং, শ্রী রামমোহন নাইদু কিঞ্জারাপু, দোক্তর চন্দ্র সেখর পেম্মাসানি, শ্রী ভুপাতি রাজু শ্রীনিভাস ভর্মা য়াওখি।
নুঙগীৱারোল
ঙসি প্রধান মন্ত্রী শ্রী নরেন্দ্র মোদীনা লুপা করোর ১৩,৪৩০ রোমগী চাউখৎ-থৌরাংগী প্রোজেকশিং উরেপ-উয়ুং তমখ্রে, শঙ্গাখ্রে অমসুং মীয়ামদা কৎথোকখ্রে। প্রোজেকশিংগী য়াওরিবা হিরমশিংদি উদ্যোগ, পৱার ত্রান্সমিসন, লম্বীশিং, রেলৱেশিং, দিফেন্স মেনুফেকচরিং অমসুং পেত্রোলিয়ম অমসুং নেচরেল গ্যাসনি, মসিদা লমদম অসিগী ইনফ্রাষ্ট্রকচর চাউখৎনবা, উদ্যোগ লিংখৎপা য়াংশিন্নবা অমসুং রাজ্য অসিগী খুন্নাই অমসুং শেন-থুম চাউখৎনবা সরকারনা কন্না হোৎনবগী মমি তারে।
লুপা করোর ২,৮৮০ গী শেনফম অমা থাদদুনা, কুরনুল-৩ পুলিং ষ্টেসন্দা ত্রান্সমিসনগী থবকশিং ফগৎনবগীদমক প্রধান মন্ত্রীনা উরেপ-উয়ুং তমখ্রে। প্রোজেক অসিদা কে.ভি ৭৬৫ দবল-সর্কুইত কুরনুল-৩ পুলিং ষ্টেসন-চিলাকালুরিপেতা ত্রান্সমিসন লাইন য়াওরি, মসিনা ত্রান্সফোর্মেসন কেপাসিতি ৬,০০০ এম.ভি.এ হেনগৎহনগনি অমসুং লৈবাক অসিগী চাউখৎপদা মতেং পাংনবা রিন্যুএবল ইনর্জি য়াম্না পুবা ঙমহনগনি।
প্রধান মন্ত্রীনা অপুনবা লুপা করোর ৪,৯২০ হেন্না চঙনা কুরনুলদা পায়খৎকদবা ওরভাকাল ইন্দষ্ট্রিএল এরিয়া অমসুং কাদাপাদা কোপ্পারতি ইন্দষ্ট্রিএল এরিয়াগী উরেপ-উয়ুং তমখ্রে। নেসনেল ইন্দষ্ট্রিএল করোরিদোর দিবলপমেন্ত এন্দ ইমপ্লেমেন্তেসন ত্রষ্ট (এন আই সি দি আই তি) অমসুং অন্ধ্র প্রদেস ইন্দষ্ট্রিএল ইনফ্রাষ্ট্রকচর কোর্পোরেসন লিমিতেদ ( এ পি আই আই সি) না পুন্না পায়খৎপা অনৌবা, হিরম কয়াগী ইন্দষ্ট্রিএল হবশিং অসিদা প্লগ-এন্দ-প্লে ইনফ্রাষ্ট্রকচর অমসুং ৱাল্ক-তু-ৱার্কগী খুদোংচাবশিং য়াওরি। হবশিং অসিদা লুপা করোর ২১,০০০ থাদরক্কনি অমসুং চাউরাক্না থবক লাখ ১ পীগনি, অন্ধ্র প্রদেসকী রায়ালাসিমা লমদমদা উদ্যোগ চাউখৎপা অমসুং মালেমগা চাংদম্নবা হেনগৎহনগনি হায়বগী থাজবা থম্লি।
লম্বীগী ইনফ্রাষ্ট্রকচর ফগৎনবা, প্রধান মন্ত্রীনা লুপা করোর ৯৬০ হেনবগী সভাবারামদগী সিলানগর ফাওবা লেন তরুক্কী গ্রিন ফিল্দ হায়ৱেগী উরেপ-উয়ুং তমখ্রে, মসিনা ভিশাখাপাত্নমদা মী চিনবা হন্থহনগনি অমসুং ললোন-ইতিক অমসুং থবক ফংবগী খুদোংচবা হেনগৎহনগনি। মসিগী মথক্ত, লুপা করোর ১১৪০ গী লম্বীগী প্রোজেক ৬ শঙ্গাগনি, মখোয়গী মনুংদা পিলেরা-কালুর সেক্সন লেন মরি ওইহনবা, কাদাপা/নেল্লোর বোর্দরদগী সি.এস পুরম ফাওবা পাকথোকপা, এন.ঐচ-১৬৫ দা গুদিবাদা অমসুং নুজেলা রেলৱে ষ্টেসনগী মরক্ত লেন মরিগী রেল ওভর ব্রিজ, এন.ঐচ-৭১৬ দা পাপাগনি তুরেল মথক্ত থোঙ, এন.ঐচ-৫৬৫ দা কানিগিরি বাইপাস অমসুং এন.ঐচ-৫৪৪দিদিদা এন.গুন্দলাপাল্লিদা বাইপাস সেক্সন ফগৎহনবা য়াওরি। প্রোজেকশিং অসিনা অন্ধ্র প্রদেস শীনবা থুংনা অশোই-অঙাম থোক্তবা, লম্বী চৎপগী মতম হন্থহনবা অমসুং লমদম অসিগী লম্বী-থোঙ ফগৎহনগনি।
প্রধান মন্ত্রীনা মখা তানা লুপা করোর ১,২০০ হেনবগী মরুওইবা রেলৱে প্রোজেকশিং উরেপ-উয়ুং তমখ্রে অমসুং মীয়ামদা কৎথোকখ্রে। প্রোজেকশিং অদুগী মনুংদা য়াওরিবদি, কোত্তবালাসা-ভিজিয়ানগরমগী মরিশুবা লেন লাইন অমসুং পেন্দুরতি অমসুং সিমহাচালম নোর্থকী মরক্ত রেল ফ্লাইওভর উরেপ-উয়ুং তম্বা অমসুং লাইন অনিদা ওনখৎলবা কোত্তবালাসা-বোদাবারা সেক্সন অমসুং সিমিলিগুদা-গোরাপুর সেক্সন মীয়ামদা কৎথোকপনি। হায়রিবা প্রোজেকশিং অসিনা চিনবা হন্থহনগনি, চৎথোক-চৎশিন য়াংখৎহনগনি, পেসেঞ্জরশিং অমসুং পোৎ-চৈশিং নুংঙাইনা চৎহনগনি, লমদম অসি শীনবা থুংনা উদ্যোগ, ললোন-ইতিক অমসুং তুরিজম চাউখৎহনগনি অমসুং লমদম অসিগী মীয়াম থবক ফংবগী খুদোংচাবশিং পীগনি।
ইনর্জি সেক্তরদা, প্রধান মন্ত্রীনা লুপা করোর ১,৭৩০ রোম চঙনা পায়খৎপদা গেল ইন্দিয়া লিমিতেদকী শ্রীকাকুলম-অঙ্গুল নেচরেল গ্যাস পাইপলাইন মীয়ামদা কৎথোকখ্রে, মসি অন্ধ্র প্রদেসতা কিমি ১২৪ অমসুং উরিসাদা কিমি ২৯৮ রোম শাংলি। প্রধান মন্ত্রীনা লুপা করোর ২০০ চঙনা পায়খৎপা অন্ধ্র প্রদেসকী চিত্তুরদা ইন্দিয়ান ওইলগী ৬০ তি.এম.তি.পি.এ (থাউজন্দ মেত্রিক তন পর এন্নম) এল.পি.জি বোত্তলিং প্লান্তসু শঙ্গাখ্রে। প্লান্ত অসিনা অন্ধ্র প্রদেসকী জিলা ৪, তামিল নাদুগী জিআল ২ অমসুং কর্নাতকাগী জিলা ১ দা দিষ্ট্রিব্যুতর ৮০ গী খুৎথাংদা কষ্টমর লাখ ৭.২ দা গ্যাস ফংহনগনি। মসিনা লমদম অসিগী য়ুমথোঙশিং অমসুং ললোন-ইতিক্কী মফমশিংদা এল.পি.জি ফংহনবদা মরুওইবা থৌদাং অমা লৌগনি।
দিফেন্স মেনুফেকচরিং চাউখৎনবা, লুপা করোর ৩৬০ রোম চঙনা ভারত ইলেক্ত্রোনিক্স লিমিতেদনা কৃষ্ণনা জিলাগী নিম্মালুরুদা লিংখৎপা এদভান্স নাইত ভিজন প্রদক্স ফেক্তরি প্রধান মন্ত্রীনা মীয়ামদা কৎথোকখ্রে। ফেক্তর অসিদা ভারতকী দিফেন্স ফোর্সশিংগী অফবা মখলগী ইলেক্ত্রো-ওপ্তিকেল সিষ্টেমশিং পুথোক্কনি, মশাগী ওক্নবা ঙাক-শেনগী খুৎলায়শিং পুথোকপা হেনগৎহনগনি অমসুং লমদম অসিদা খুৎ-শা হৈবা মীওইশিং থবক ফংবা হেনগৎহনগনি।
ৱা ঙাংখিবগী মপুংফাবা ৱারোল পানবা মসিদা নম্বীয়ু
I feel blessed to be born in Gujarat, the land of Somnath, to serve in Kashi, the land of Baba Vishwanath and to receive the blessings of Srisailam today: PM @narendramodi pic.twitter.com/cM6j5B1Y0X
— PMO India (@PMOIndia) October 16, 2025
I had the opportunity to pay tribute at the Sree Shivaji Spoorthi Kendra. I bow to Chhatrapati Shivaji Maharaj: PM @narendramodi pic.twitter.com/Ka3JFgGITM
— PMO India (@PMOIndia) October 16, 2025
Andhra Pradesh is the land of 'Swabhimaan' and 'Sanskriti'. It is also a hub of science and innovation. pic.twitter.com/n2T3Uaxrn8
— PMO India (@PMOIndia) October 16, 2025
Today, from clean energy to total energy production, India is setting new records in every field. pic.twitter.com/KJoLC0Hx4P
— PMO India (@PMOIndia) October 16, 2025
Today, multi-modal infrastructure is developing rapidly across the country. We are focusing strongly on connectivity, from villages to cities and from cities to ports. pic.twitter.com/Uj3LE7k6wE
— PMO India (@PMOIndia) October 16, 2025
Today, the world is witnessing the speed and scale of both India and Andhra Pradesh. Google is set to establish India's first Artificial Intelligence Hub in Andhra Pradesh. pic.twitter.com/SfBNzsWMiE
— PMO India (@PMOIndia) October 16, 2025
Today, the world sees India as the new manufacturing centre of the 21st century. pic.twitter.com/cpuD4x9yYj
— PMO India (@PMOIndia) October 16, 2025
Our government's vision is citizen-centric development. Through continuous reforms, we are making people's lives easier. pic.twitter.com/OQe2MDHQLA
— PMO India (@PMOIndia) October 16, 2025
