প্রধান মন্ত্রী, শ্রী নরেন্দ্র মোদীনা ঙসি তামিল নাদুগী তিরুচিরাপল্লীদা লুপা করোর 20,000 হেনবগী চাউখৎ-থৌরাংগী প্রোজেক্তশিং শঙ্গাখ্রে, জাতিদা কত্থোকখ্রে অমসুং উরেপ-উয়ুং তমখ্রে। চাউখৎ-থৌরাংগী প্রোজেক্তশিং অদুদা তামিল নাদুগী রেল, রোদ, ওইল অমসুং গ্যাস অমদি শিপ্পিং অসিগুম্বা সেক্তরশিং য়াওরি।
থৌরম অদুদা ৱা ঙাংলদুনা প্রধান মন্ত্রীনা মীপুম খুদিংমক্তা অফবা অমসুং চাউখৎপা অনৌবা চহি অমগীদমক য়াইফ-পাউজেল পীখি অমসুং তামিল নাদুদা 2024গী মহাক্কী অহানবা পব্লিক প্রোগ্রাম পাঙথোকপদা নুংঙাইবসু ফোঙদোকখি। মহাক্না রাজ্য অসিগী মীয়ামদা রোদৱেজ, রেলৱেজ, পোর্তস, এয়রপোর্তস, ইনর্জী অমসুং পেত্রোলিয়ম পাইপলানশিংগী সেক্তরশিং কোনশিল্লিবা প্রোজেক্তশিংগীদমক নুংঙাইবা ফোঙদোক্লদুনা ঙসিগী লুপা করোর 20,000 হেনবা প্রোজেক্তশিং অসিনা তামিল নাদুগী চাউখৎ-থৌরাং মপাঙ্গল কনখৎহল্লগনি হায়না ফোঙদোকখি। মহাক্না হায়খি মদুদি প্রোজেক্তশিং অসিনা চত্থোক চৎশিন তৌবদা খুদোংচাহল্লগনি অমসুং রাজ্য অসিদা থবক্কী খুদোংচাবা লিশিং কয়াসু পীরগনি।
নোং কন্না চুবনা মরম ওইদুনা মীওই কয়ানা পুন্সি মাংখিবা অমসুং লন-থুমশিং চাউনা অমাং অতা থোকখিবা তামিল নাদুগী হৌখিবা অৱাবনা থল্লবা চয়োল অহুম অদুগী মতাংদা পনখি। প্রধান মন্ত্রীনা মহাক্কী অৱাবা ফোঙদোকখি অমসুং কেন্দ্র সরকারনা তামিল নাদু মীয়ামগীদমক লেপ্পীসু হায়খি। “ঐখোয়না রাজ্য সরকারদা অঙম্বা মতেং পুম্বা পাংলি” হায়না মহাক্না ফোঙদোকখি।
হন্দক্তা লৈখিদবা তিরু বিজ্যকান্থতা ইকাই খুম্নবা উৎলদুনা পি.এম. মোদীনা হায়খি, “মহাক অসি সিনামাগী লমদা খক্তা নত্তনা পোলিতিক্সকী লমদসু ‘কেপ্তেন’ অমা ওইরমখি। মহাক্কী ৱার্ক অমসুং ফিল্মশিংগী মতেংনা মীয়ামগী থমোয়শিং জয় তৌখি অমসুং লৈবাক্কী ইন্তরেস্তনা পুম্নমক্তগী মরু ওইনা লৌখি”। মহাক্না লৈবাক্কী ফুদ সেক্যুরিতীদা মরু ওইবা থৌদাং লৌখিবা দা. এম.এস. স্বামিনাথননা শরুক তমখিবশিং অদুসু নীংশিংখ্রে অমসুং লৈখিদ্রবা থৱায়দা ইকাই খুম্নবা উৎখি।
প্রধান মন্ত্রীনা আজাদী কা অমৃত কালগী মথংগী চহি 25 অসিনা ভারতপু চাউখৎপা লৈবাক অমা ওইহনবদা মরু ওইবা থৌদাং অমা লৌগনি হায়না নৌহৌননা ফোঙদোকখি। মহাক্না তামিল নাদু অসি ভারতকী চাউখৎপা অমসুং নাৎকী মমি অমনি হায়না ফোঙদোক্লদুনা ভিকসিৎ ভারতকী মতাংদা লাকপদা ইকনোমিক অমসুং কলচরেলগী লম অনিমক্কী মতাংদা পনখি। “তামিল নাদু অসি অরিবা লোল তামিলগী হৌরকফমনি অমসুং মসি কলচরেল হেরিতেজকী পুখৈ অমনি” হায়না ফোংদোক্লদুনা প্রধান মন্ত্রীনা অথোইবা সহিত্যা শেমলমখিবা মহা কবী তিরুবল্লুবর অমসুং সুব্রহ্মনিয়া ভারতীগী মতাংদা পনখি। মহাক্না হায়খি মদুদি তামিল অসি মহাক্না রাজ্য অসিদা চৎপা খুদিং মঙোন্দা আনৌবা ইথিল পীখিবা সি.ভি. রামন অমসুং অতৈ বিজ্ঞানিকশিংগুম্বা সাইন্তিফিক অমসুং তেক্নোলোজিকেল ব্রেনশিংগী ময়ুম লমদম ওইরি।
তিরুচিরাপল্লীগী ইনাক খুল্লবা হেরিতেজকী মতাংদা পল্লদুনা পি.এম. মোদীনা হাবখি মফম অসিদা ঐখোয়না পল্লবা, চোলা, পান্দ্যাস অমসুং নায়ক দাইনাস্তীশিংগুম্বা দাইনাস্তীশিংগী গুদ গভর্নান্সকী মোদেলশিংগী মমিং ফংবা ঙম্মি। মহাক্না হায়খি মদুদি মহাক্না মপালদা চৎপদা খুদোংচাবা ফংবা খুদিংদা তামিলগী নাৎকী মতাংদা অদুমক পনখি। “ঐহাক্না লৈবাক্কী চাউখৎ-থৌরাং অমসুং হেরিতেজ অসিদা তামিল কলচরনা ইথিল পীখিবা অসি লেপ্পা লৈতনা হেনগৎলকপদা ঐহাক্না থাজবা থম্মি”হায়না মহাক্না ফোঙদোকখি। মহাক্না অনৌবা পার্লিয়ামেন্তদা শেংবা সেঙ্গোল থমখিবা, কাশী তামিল অমসুং কাশী সৌরাস্ত্র সঙ্গামম অসি লৈবাক শিনবা থুংবদা তামিলগী নাৎকীদমক পুক্নিং চংবা হেনগৎহন্নবা খোঙথাংশিংনি হায়না ফোঙদোকখি।
প্রধান মন্ত্রীনা সরকারনা ফিজিকেল ইনফ্রাস্ত্রকচরদা মীৎয়েং থম্মি হায়রদুনা হৌখিবা চহি 10 অসিদা রোদৱেজ, রেলৱেজ, পোর্তস, এয়রপোর্তস, লায়রবশিংগী য়ুম অমসুং হোস্পিতালশিংগুম্বা সেক্তরশিংদা ভারতনা চাউনা ইনভেস্তমেন্তশিং তৌরি ফোঙদোকখি। মহাক্না মালেমগীদমক আশাগী মঙাল অমা ওইদুনা মালেমগী মকোক থোংবা ইকনোমী 5গী মনুংদা ভারতনা চনবা ঙমখিবা অদুসু ফোঙদোওকখি। মালেম শিনবা থুংবদগী ভারত্তা চাউনা ইনভেস্তমেন্তশিং লাক্লিবা অসি পল্লদুনা প্রধান মন্ত্রীনা হায়খি মদুদি মগী কান্নবশিং হকথেংননা তামিল নাদুনা ফংলি অমসুং রাজ্য অসিগী মীয়ামনা মেক ইন ইন্দিয়াগী মরু ওইবা ব্রান্দ এম্বেসেদর ওইরি।
প্রধান মন্ত্রীনা লৈবাক্কী চাউখৎ-থৌরাংদা রাজ্যগী চাউখৎ-থৌরাংগী মমি তারিবা সরকারগী এপ্রোচকী মরমদা নৌহৌননা ফোঙদোকখি। মহাক্না হায়খি মমাং চহিদা কেন্দ্র সরকারগী কেন্দ্র মন্ত্রী 40 হেনবনা তামিল নাদুদা 100রক হেন্না চৎখি। “তামিল নাদু চাউখৎপগা লোয়ননা ভারতনা চাউখৎকনি” হায়না শ্রী মোদীনা ফোঙদোক্লদুনা হায় কন্নেক্তিবিতীনা চাউখৎ-থৌরাংগী মেদিয়ম ওইদুনা মসিনা বিজিনেসশিংদা শাহৌ পীরি অমসুং মীয়ামগী পুন্সি লাইথোকহল্লি। ঙসিগী প্রোজেক্তশিংগী মতাংদা পল্লদুনা প্রধান মন্ত্রীনা তিরুচিরাপল্লি ইন্তরনেস্নেল এয়রপোর্তকী অনৌবা তর্মিনেল বিল্দিংনা কেপাসিতী শরুক অহুম হেনগৎহল্লগনি অমসুং ইস্ত এসিয়া, মিদ্দল ইস্ত অমসুং মালেমগী অতৈ শরুকশিংগা কন্নেক্তিবিতী মপাঙ্গল কনখৎহল্লগনি। মহাক্না হায়খি অনৌবা তর্মিনেল বিল্দিং শঙ্গাবা অসিনা ইনভেস্তমেন্তশিং, বিজিনেসশিং, এজুকেসন, হেল্থ অমসুং তুরিজমগীদমক অনৌবা খুদোংচাবশিং পীরগনি। মহাক্না হায়খি ইলিবেতেদ রোদকী খুত্থাংদা এয়রপোর্ত্তগী নেস্নেল হায়ৱেজকী কন্নেক্তিবিতী হেনগৎহনখি। মহাক্না ত্রিচী এয়রপোর্তনা মাগী ইনফ্রাস্ত্রকচরগা লোয়ননা মালেমদা তামিলগী কলচর অমসুং হেরিতেজ উৎথোক্লগনি হায়না অপেনবা ফোঙদোকখি।
অনৌবা রেলৱে প্রোজেক্ত মঙাগী মতাংদা পল্লদুনা পি.এম. মোদীনা হায়খি মদুদি মখোয়না ইন্দস্ত্রী অমসুং ইলেক্ত্রিসিতী জেনরেসন প্রমোৎ তৌরগনি। অনৌবা রোদ প্রোজেক্তশিং অসিনা শ্রীরঙ্গম, চিদমবম, রামেশ্বরম অমসুং ভেল্লোরগুম্বা ঈশ্বরগী মফম অমসুং তুরিজমগী মরু ওইবা সেন্তরশিং অসি কন্নেক্ত তৌরগনি।
হৌখিবা চহি 10দা কেন্দ্র সরকারনা হীথাংফমনা লমজিংবা চাউখৎ থৌরাংদা মীৎয়েং থমখিবগী মতাংদা পল্লদুনা প্রধান মন্ত্রীনা সমুদ্র তোর্বানগী মফমশিং অমসুং ঙামীশিংগী পুন্সিদা অওনবা পুরক্নবা প্রোজেক্তশিংগী মতাংদা পনখি। মহাক্না ফিশরীজকীদমক তোখাইবা মন্ত্রালয় অমসুং বজেৎ থমখিবা, ঙামীশিংদা কিসান ক্রেদিৎ কার্দ পীব, দীপ সী ফিশিংগীদমক হী মোদর্নাইজেসন তৌনবা তেংবাং অমসুং পি.এম. মতস্যা সম্পদা য়োজনাগী মতাংদা পনখি।
সাগরমালা য়োজনাগী মতাংদা পল্লদুনা প্রধান মন্ত্রীনা হায়খি লৈবাক অসিদা লৈরিবা হীথাংফমশিং অসি অফবা লম্বীশিংগা শম্নহল্লি। মহাক্না হায়খি মদুদি পোর্ত কেপাসিতী অমসুং জহাজশিংগী তর্ন-অরাউন্দ তাইম অসি শীংথানীংঙাই ওইনা হেনগৎহনখি, অমদি কামরাজার পোর্তকী কেপাসিতী লঅসি শরুক অনি হেনগৎহনখি। মহাক্না কামরাজার পোর্তকী জেনরেল কার্গো বর্থ-II শঙ্গাবা অসিনা তামিল নাদুগী ইমপোর্ত অমসুং এক্সপোর্ত মরু ওইবা ওতোমোবাইল সেক্তর মপাঙ্গল কনখৎহল্লগনি হায়খি। মহাক্না থবক্কী খুদোংচাবশিং পীগদৌরিবা ন্যুক্লিয়র রিএক্তর অমসুং গ্যাস পাইপলাইনশিংগী মতাংদসু পনখি।
প্রধান মন্ত্রীনা কেন্দ্র সরকারনা তামিল নাদুদা তৌখিবা রেকোর্দ ওইবা এক্সপেন্দিচরগী মতাংদা ফোঙদোকখি। মহাক্না হায়খি 2014গী মমাং দিকেদতা রাজ্য অসিদা লুপা করোর লাখ 30 পীখি অদুবু হৌখিবা চহি 10 অসিদা লুপা করোর লাখ 120 পীখি। তামিল নাদুনা 2014গী মমাংগী মতম অসিদা পীখিবা অদুগা হৌখিবা চহি 10গা চাংদম্নবদা শেল শরুক 2.5 হেন্না ফংখি। নেস্নেল হায়ৱে শেম্নবা রাজ্য অসিদা চাদিং শরুক অহুম হেন্না তৌখি অমসুং রেলৱে সেক্তরদা শরুক 2.5 হেন্না তৌখি হায়না মহাক্না ফোংদোকখি। রাজ্য অসিদা ইমুং লাখ কয়ানা লেম্না রাসন ফংলি, অনা লায়েং ফংলি, অমসুং পক্কাগী য়ুম, তোইলেৎ অমসুং তোতি ঈশিং অসিগুম্বা খুদোংচাবশিং ফংলি।
ৱারোল পীবা লোইশিনবা প্রধান মন্ত্রীনা ভিকসিৎ ভারতকী পান্দমশিং ফংনবা হোৎনবদা সবকা প্রয়াসকী মথৌ তাবা অদু থমখি। মহাক্না তামিল নাদুগী নহারোল অমসুং মীয়ামগী মতিক ময়াইদা থাজবা থমখি। “তামিল নাদুগী নহারোলদা ঐহাক্না অনৌবা আশা অমাগী মঙাল উবা ফংই। মসিগী আশা অসিনা ভিকসিৎ ভারতকী শক্তি ওইগনি”, হায়না ফোঙদোক্তুনা প্রধান মন্ত্রীনা ৱা ঙাংবা লোইশিনখি।
থৌরম অসিদা তামিল নাদুগী রাজ্যপাল, শ্রী আর এন রবী, তামিল নাদুগী মুখ্য মন্ত্রী , শ্রী এম কে স্তেলিন, সিভিল এভিএসনগী কেন্দ্র মন্ত্রী, শ্রী জ্যোতিরাদিত্যা সিন্ধিয়া অমসুং ইনফোর্মেসন অমসুং ব্রোদকাস্তিংগী কেন্দ্রগী রাজ্য মন্ত্রী, শ্রী এল মুরুগন্না শরুক য়াখি।
বেকগ্রাউন্দ
তিরুচিরাপল্লীদা পাংথোকপা মীয়ামগী থৌরম অমদা, প্রধান মন্ত্রীনা তিরুচিরাপল্লী ইন্তরনেস্নেল এয়রপোর্ততা অনৌবা তর্মিনেল বিল্দিং শঙ্গাখি। লুপা করোর 1100 হেন্না চঙনা শেমগৎপা লেবল অনিগী অনৌবা ইন্তরনেসনেল তর্মিনেল অসিদা চহি অমদা পেসেঞ্জর লাখ 44 হেন্না সেবা তৌবা ঙমগনি অমসুং মী য়াম্না চিনবা মতমদা পেসেঞ্জর 3500 রোম সেবা তৌবা ঙমগনি। অনৌবা তর্মিনেল অসিদা মতমগা চুনরবা খুদোংচাবশিং অমসুং পেসেঞ্জরশিংগী খুদোংচাবশিং য়াওরি।
প্রধান মন্ত্রীনা তোঙান-তোঙানবা রেলৱে প্রোজেকশিং মীয়ামদা কৎথোক্খি। প্রোজেকশিংগী মনুংদা কিমি 41.4 শাংবা সালেম-মেগ্নেসাইত জঙ্কসন-ওমালুর-মেত্তুর দাম সেক্সন দবল ওনখৎপা; মদুরাই-তুতিকোরিনগী কিমি 160গী রেল লাইন সেক্সন দবল ওনখৎপা; তুরিচিপ্পল্লী-মনামদুরাই-বিরুধুনাগর; বিরুধুনাগর-তেনকাসি জঙ্কসন; সেঙ্গোত্তাই-তেনকাসি জঙ্কসন-তিরুনেলভেলি-তিরুচেন্দুর রেল লাইন ইলেক্ত্রিক পীনবা প্রোজেক অহুম য়াওরি। রেল প্রোজেকশিং অসিনা রেলনা পোৎ-চৈ অমসুং পেসেঞ্জরশিং পুবা ঙম্বা হেনগৎহনগনি অমসুং তামিল নাদুদা শেন-থুম চাউখৎপা অমসুং থবক ফংবদা মতেং পাংগনি।
প্রধান মন্ত্রীনা লম্বীগী প্রোজেক 5 মীয়ামদা কৎথোকখি। প্রোজেকশিংগী মনুংদা NH91গী ত্রিচি-কাল্লাগাম সেক্সনগী কিমি 39গী লেন মরীগী লম্বী; NH81গী কাল্লাগম-মীনসুরুত্তি সেক্সনগী কিমি 60 শাংবা 4/2-লেন শেমগৎপা; NH785গী চেত্তিকুলাম-নাথাম সেক্সনগী কিমি 29গী লেন 4গী লম্বী; NH536গী কারাইকুদি-রমানথাপুরম সেক্সনগী কিমি 80 গী লম্বী পেব সোলচরগা লোয়ননা লেন অনি ওইহনবা; অমসুং NH179Aগী সালেম-তিরুপাথর-বানিয়ামবাদি লম্বীগী কিমি 44 শাংবা শরুক লেন মরি ওনখৎপা য়াওরি। লম্বীগী প্রোজেকশিং অসিনা লমদম অসিগী মীয়াম য়াংনা চৎথোক-চৎশিন তৌবা ঙমহল্লগনি অমসুং ত্রিচি, শ্রীরাঙ্গম, চিদাম্বরম, রামেশ্বরম, ধানুসকোদি, উতিরাকোসামঙ্গাই, দেবীপত্তিনম, ইরৱাদি, মদুরাইগুম্বা উদোগ অমসুং ললোন-ইতিক্কী মফশিংগী চৎথোক-চৎশিনগী খুদোংচাবা হেনগৎহল্লগনি।
থৌরম মনুংদা, প্রধান মন্ত্রীনা মরুওইবা লম্বীগী চাউখৎ-থৌরাংগী প্রোজেকশিং উরেপ-উয়ুং তমখি। হায়রিবা প্রোজেকশিংগী মনুংদা NH332Aগী মুগাইয়ুরদগী মারাক্কানম ফাওবগী কিমি 31 শাংবা লেন মরিগী লম্বী শেমগৎপা য়াওরি। লম্বী অসিনা তামিল নাদুগী সমুদ্র খোঙবাদা হিথাংফমশিং শম্নহনগনি, ৱার্ল্দ হেরিতেচ সাইত- মমাল্লাপুরম য়ৌবা লম্বী ফগৎহনগনি অমসুং কালপাক্কাম এতোমিক পৱার প্লান্ত য়ৌবা লম্বী হেন্না নুংঙাইহনগনি।
প্রধান মন্ত্রীনা কমারাজার হিথাংফমগী জেনেরেল কার্গো বার্থ-II(ওতোমোবাইল এক্সপোর্ত/ইমপোর্ত তর্মিনেল-II অমসুং কেপিতেল দ্রেদজিং ফেজ-V) মীয়ামদা কৎথোকখি। জেনেরেল কার্গো বার্থ-II শঙ্গাবা অসি লৈবাক অসিগী শেন-থুম চাউখৎনবা অমসুং থবক ফংবা হেনগৎহন্নবা মাইকৈদা থাংজিনবা খোঙথাং অমনি।
থৌরম মনুংদা, প্রধান মন্ত্রীনা মীয়ামদা লুপা করোর 9000 হেনবগী পেত্রোলিয়ম অমসুং নেচরেল গ্যাস প্রোজেকশিং মীয়ামদা কৎথোকখি অমসুং উরেপ-উয়ুং তমখি। মীয়ামদা কৎথোক্কদবা প্রোজেক অনিগী মনুংদা ইন্দিয়ান ওইল কোওপরেসন লিমিতেদগী কিমি 488 শাংবা নেচরেল গ্যাস পাইপলাইনগী ইন্নোর-তিরুবাল্লুর-বেঙ্গালুরু-পুদুচেরি-নাগাপত্তিনম-মদুরাই-তুতিকোরিন পাইপলাইনগী IP 101(চেঙ্গালপাত) দগী IP 105 (সায়ালকুদি) সেক্সন অমসুং হিন্দস্থান পেত্রোলিয়ম কোওপরেসন লিমিতেদকী কিমি 697 শাংবা বিজয়াৱাদা-ধর্মপুরি মল্তিপ্রদক(POL) পেত্রোলিয়ম পাইপলাইন(VDPL) য়াওরি।
মখা তানা, উরেপ-উয়ুং তমগদবা প্রোজেকশিংগী মনুংদা গ্যাস ওথোরিতি ওফ ইন্দিয়া লিমিতেদ(গেল)গী কোচি-কোত্তানাদ-বেঙ্গালুরু-মঙ্গালোর গ্যাস পাইপলাইন II(KKBMPL-II)গী কৃষ্ণগিরিদগী কোয়ম্বতুর সেক্সনগী কিমি 323 শাংবা নেচরেল গ্যাস পাইপলাইন শেমগৎপা অমসুং চেন্নাইগী বাল্লুরদা শেমগৎকদৌরিবা গ্রাস রুত তর্মিনেলগীদমক কম্মন কোরিদোরা POL পাইপলাইনশিং ফুম্বা য়াওরি। পেত্রোলিয়ম অমসুং নেচরেল গ্যাসকী প্রোজেকশিং অসিনা লমদম অসিগী উদোগ, ইমুং-মনুং অমসুং ললোন-ইতিক্কী দরকার ওইবা ইনর্জি ফংহন্নবা মাইকৈদা থাংজিনবা খোঙথাং অমনি। প্রোজেকশিং অসিনা লমদম অসিদা থবক ফংবা হেনগৎহনগনি।
প্রধান মন্ত্রীনা ইন্দিরা গান্ধী সেন্তর ফোর এতোমিক রিছার্স(IJCAR), কালপাক্কমদা দিমোন্সত্রেসন ফাস্ত রিয়েক্তর ফুয়েল রিপ্রোসেসিং প্লান্ত( DFRP) মীয়ামদা কৎথোকখি। লুপা করোর 400 চঙনা শেমগৎপা দিমোন্সত্রেসন ফাস্ত রিয়েক্তর ফুয়েল রিপ্রোসেসিং প্লান্ত অসি মালেমদা অমতা ঙাইরবা দিজাইন অমনি অমসুং ফাস্ত রিয়েক্তরশিংদগী থাদোরকপা কার্বাইদ অমসুং ওক্সাইদ ফুয়েল অনিমক রিপ্রোসেস তৌবা ঙম্মী। মসি ভারতকী সাইন্তিস্তশিংনা দিজাইন তৌবনি অমসুং শেন্দোং তান্নবা ফাস্ত রিয়েক্তর ফুয়েল রিপ্রোসেসিং প্লান্তশিং শানবা মাইকৈদা থাংজিনবা মরুওইবা খোঙথাং অমনি।
অতোপ্পা প্রোজেকশিংগী মনুংদা, প্রধান মন্ত্রীনা নেসনেল ইন্সতিতুৎ ওফ তেক্নোলোজি(NIT)-তিরুচিপ্পলীগী ফমুং 500 লৈবা নুপীমচাশিংগী হোস্তেল ‘অমেথিস্ত’ শঙ্গাখি।
The next 25 years are about making India a developed nation. pic.twitter.com/BK2neBlyJb
— PMO India (@PMOIndia) January 2, 2024
India is proud of the vibrant culture and heritage of Tamil Nadu. pic.twitter.com/90hkMDQD1U
— PMO India (@PMOIndia) January 2, 2024
Our endeavour is to consistently expand the cultural inspiration derived from Tamil Nadu in the development of the country. pic.twitter.com/RZHl8o8SH2
— PMO India (@PMOIndia) January 2, 2024
India is making unprecedented investment in physical and social infrastructure. pic.twitter.com/TQvTPtAxTH
— PMO India (@PMOIndia) January 2, 2024
India - a ray of hope for the world. pic.twitter.com/A9161SmbEB
— PMO India (@PMOIndia) January 2, 2024
Transforming the lives of fishermen. pic.twitter.com/GgagWNhzM0
— PMO India (@PMOIndia) January 2, 2024
