ঙসি প্রধান মন্ত্রী শ্রী নরেন্দ্র মোদীনা নোংচুপ বেঙ্গলগী অরামবাগ, হুগলিদা লুপা করোর ৭,২০০ রোমগী তোঙান-তোঙানবা চাউখৎ-থৌরাংগী প্রোজেকশিং শঙ্গাখ্রে, মীয়ামদা কৎথোকখ্রে অমসুং উরেপ-উয়ুং তমখ্রে। ঙসিগী চাউখৎ-থৌরাংগী প্রোজেকশিং অদু রেল, হিথাংফম, থাউগী পাইপলাইন, এল.পি.জি ফংহনবা অমসুং অমোৎপা ঈশিং শেংদোকপগা মরী লৈনবা সেক্তরশিংগা মরী লৈনৈ।
থৌরম অদুদা তিনখিবা মীয়ামদা ৱা ঙাংবদা প্রধান মন্ত্রীনা হায়খি ২১শুবা চহিচাগী ভারত য়াংনা চাউখৎলি। ২০৪৭ ফাওবদা চাউখৎলবা ভারত অমা ওইহন্নবা পান্দম ফংনবা ঐখোয় অপুনবা ওইনা পান্দম থম্লসি। সরকারনা নহারোলশিং, নুপীশিং, লৌমীশিং অমসুং লায়রবশিংগী ফিবম ফগৎনবা মীৎয়েং চঙলি। ঐখোয়না মতম পুম্নমক্তা লায়রবশিংগী য়াইফনবা থবক পায়খৎলি অমসুং মসিগী ফলশিং হৌজিক মালেম অসিদা উবা ফংলে। মীওই করোর ২৫ লায়রবা কোকহনখিবা অসিনা সরকারগী মাইকৈ, থৌশিলশিং অমসুং ৱারেপশিংগী অচুম্বা তাক্লে। মসিগী মরুওইবা মরমদি পুকচেল শেংনা অচুম্বা ৱাখলগা লোয়ননা থবক তৌবদগীনি।
প্রধান মন্ত্রীনা হায়খি নোংচুপ বেঙ্গল চাউখৎনবা লুপা করোর ৭,০০০ হেনবগী চাউখৎ-থৌরাংগী প্রোজেকশিং শঙ্গারিবা অমসুং উরেপ-উয়ুং তম্লিবা অসিদা রেল, হিথাংফমশিং, পেত্রোলিয়ম অমসুং জল শক্তিগী হিরমশিং য়াওরে। লৈবাক অসিগী অতৈ মফমশিংগী খোঙজেলগুম নোংচুপ বেঙ্গলদা রেলৱেজ মতমগা চুনবা মওংদা শেমগৎনবা কেন্দ্র সরকারনা থবক পায়খৎলে। ঝারগ্রাম-সালগাঝারি শম্নবা অহুমশুবা রেল লাইন্না লমদম অসিদা তুরিজম অমসুং উদোগ চাউখৎপা হেনগৎহনবগা লোয়ননা রেলদা চৎথোক-চৎশিনগী খুদোংচাবা হেনগৎহল্লগনি। সোন্দালিয়া-চাম্পাপুকুর অমসুং দানকুনি-ভাত্তনগর-বালতিকুরি রেল লাইনশিং দবল ওইহনবগী থবক পায়খৎলে। লুপা করোর ১০০ রোম চঙনা শেমগৎপা কোলকাতাগী স্যামা প্রসাদ মুখর্জি পোর্তকী ইনফ্রাস্ত্রকচর ফগৎহন্নবা অমসুং তোঙান-তোঙানবা প্রোজেক অহুম হৌদোক্লে।
প্রধান মন্ত্রীনা হায়খি কমদৌনা চাউখৎপগা মহৌশাগী অকোয়গী ফিবমগা চৎমিন্নবগে হায়বা ভারতনা মালেমদা উৎলে। হালদিয়া বরাউনি ক্রুদ পাইপলাইন অসিনা খুদম অমা ওইরে। রাজ্য মরি-বিহার, ঝারখন্দ, ওরিসা অমসুং নোংচুপ বেঙ্গল ফাওরগা পুরকপা শুংদোক্ত্রিবা থাউ অসি পাইপলাইন্দা রিফাইনরি অহুমদা য়ৌহন্দুনা, শেন য়াম্না চঙহন্দ্রে অমসুং মহৌশাগী অকোয়বগী ফিবম ঙাক-শেল্লে। এল.পি.জি বোত্তলিং প্লান্তনা রাজ্য ৭ কান্নবা পীগনি অমসুং লমদম অসিগী দরকার ওইবা এল.পি.জি ফংহনগনি। সিৱেরেজ ত্রিৎমেন্ত প্লান্তশিংনা জিলা কয়াগী মীওই লাখ কয়া কান্নবা পীগনি।
প্রধান মন্ত্রীনা হায়খি রাজ্য অমদা ইনফ্রাস্ত্রকচরগী প্রোজেক অমা হৌদোকপা অসিনা থবক ফংনবগী খুদোংচাবা কয়া পীরগনি। চহি অসিগী বজেত্তা নোংচুপ বেঙ্গলদা রেলৱেজ চাউখৎনবা লুপা করোর ১৩,০০০গী শেনফম অমা খাক্তুনা থম্লে, মসি ২০১৪গী বজেত্তগী শরুক অহুম হেল্লবনি। লাইনশিং মৈ ফংহন্নবা, পেসেঞ্জরশিংগী খুদোংচাবশিং ফগৎহন্নবা অমসুং রেলৱে স্তেসনশিং অমুক হন্না শেমগৎনবা সরকারনা মরুওইনা থবক পায়খৎলে। পন্দুনা লাকপা প্রোজেকশিং হৌখিবা চহি ১০ অসিদা লোইশিল্লে। নোংচুপ বেঙ্গলদা কিমি ৩,০০০ হেনবগী রেল লাইনশিং মৈ ফংহনখ্রে অমসুং অমৃত স্তেসন স্কিমগী মখাদা তারাকেশ্বর রেলৱে স্তেসন য়াওনা রেলৱে স্তেসন ১০০ রোম অমুক হন্না শেমগৎলে অমসুং অনৌবা বন্দে ভারত এক্সপ্রেস ৫ লমথারে।
নোংচুপ বেঙ্গলগী মীয়ামগী মতেংগা লোয়ননা বিকসিত ভারতকী ৱাশকশিং থবক ওইনা পাংথোকপা ঙমগনি অমসুং ঙসিগী চাউখৎ-থৌরাংগী প্রোজেকশিংগীদমক মীয়ামদা য়াইফ-পাউজেল পীজরি হায়না প্রধান মন্ত্রীনা ফোঙদোকখি।
থৌরম অদুদা শরুক য়াখিবশিংগী মনুংদা নোংচুপ বেঙ্গলগী রাজ্যপাল দোক্তর সি.ভি অনন্দ বোস অমসুং পোর্তস, সিপ্পিং অমসুং ৱাতরৱেজগী রাজ্য মন্ত্রী শ্রী সান্তনু থাকুর য়াওখি।
নুঙগীৱারোল
প্রধান মন্ত্রীনা লুপা করোর ২,৭৯০ রোম চঙনা শেমগৎপা ইন্দিয়ান ওইলগী কিমি ৫১৮ শাংবা হালদিয়া-বরাউনি ক্রুদ ওইল পাইপলাইন শঙ্গাখ্রে। মসিগী পাইপলাইন অসি বিহার, ঝারখন্দ অমসুং নোংচুপ বেঙ্গল ফাউদুনা চৎকনি। পাইপলাইন অসিনা বরাউনি রিফাইনরি, বোঙ্গাইগাউন রিফাইনরি অমসুং গুৱাহাতি রিফাইনরিদা অশোই-অঙাম থোক্তবা, শেন য়াম্না চঙদবা অমসুং মহৌশাগী অকোয়বগী ফিবম শোকহন্দবা ফিবম অমদা শুংদোক্ত্রিবা থাউ পীগনি।
প্রধান মন্ত্রীনা লুপা করোর ১০০ রোম চঙনা শেমগৎপা কোলকাতাগী স্যামা প্রসাদ মুখর্জি পোর্তকী ইনফ্রাস্ত্রকচর ফগৎহন্নবা তোঙান-তোঙানবা প্রোজেকশিং মীয়ামদা কৎথোকখি অমসুং উরেপ-উয়ুং তমগখি। উরেপ-উয়ুং তমখিবা প্রোজেকশিংগী মনুংদা কোলকাতা দোক সিস্তেমগী বার্থ নম্বর ৮ এন.এস.দি অমুক হন্না শেমগৎপা অমসুং বার্থ নম্বর ৭ অমসুং ৮ এন.এস.দি মেকানাইজেসন য়াওরি। প্রধান মন্ত্রীনা স্যামা প্রসাদ মুখর্জি পোর্ত, হালদিয়া দোক কমপ্লেক্সকী মৈ চাকপা কন্নবা থবকশিং ফগৎহন্নবা প্রোজেক লৈবাক মীয়ামদা কৎথোকখি।
নৌনা শেমগৎপা মৈ চাকপা কন্নবা খুদোংচাবশিং অসি খ্বাইদগী নৌবা মপুংফানা ওতোমেতিক ওইরবা গ্যাস অমসুং মৈরি সেন্সরশিং, খুদক্তা অমা-অতা খঙদোকপা ঙম্বা সিস্তেম য়াওরি। প্রধান মন্ত্রীনা হালদিয়া দোক কমপ্লেক্সকী তোন ৪০ ফাওবা থাংগৎপা ঙম্বা অহুমশুবা রেল মাউনতেদ ক্বে ক্রেন(আর এম ক্বিউ সি) লৈবাক মীয়ামদা কৎথোক্কনি। স্যামা প্রসাদ মুখর্জি পোর্ত, কোলকাতাগী অনৌবা প্রোজেকশিং অসিনা খোঙলৈ থুনা অমসুং অশোই-অঙাম থোকহন্দনা কার্গো হাপ্পা অমসুং লৌথবদা মতেং পাংদুনা হিথাংফম অসিগী কান্নবা হেনগৎহনগনি।
প্রধান মন্ত্রীনা লুপা করোর ২৬৮০ রোমগী মরুওইবা রেল প্রোজেকশিং লৈবাক মীয়ামদা কৎথোকখি। প্রোজেকশিংগী মনুংদা ঝারগ্রাম-সালগাঝারি(কিমি ৯০) শম্নাব অহুমশুবা রেল লাইন; সোন্দালিয়া-চম্পাপুকুর রেল লাইন(কিমি ২৪) দবল ওইহনবা অমসুং দানকুনি-ভাত্তনগর-বালতিকুরি রেল লাইন(কিমি ৯) দবল ওইহনবা য়াওরি। হায়রিবা প্রোজেকশিং অসিনা লমদম অসিদা রেল ত্রান্সপোর্তকী খুদোংচাবা হেনগৎহনগনি, ফ্রেদ ত্রাফিক্কী খুদোংচাবা হেনগৎহন্দুনা লমদম অসিগী শেন-থুম অমসুং উদোগ চাউখৎহনগনি।
প্রধান মন্ত্রীনা বিদ্যসাগর ইন্দস্ত্রিএল পার্ক, খারাগপুরদা ১২০ তি.এম.তি.পি.এ কেপাসিতিগী ইন্দিয়ান ওইলগী এল.পি.জি বোত্তলিং প্লান্ত শঙ্গাখ্রে। লুপা করোর ২০০ হেন্না চঙনা শেমগৎপা এল.পি.জি বোত্তলিং প্লান্ত অসি লমদম অসিগী অহানবা এল.পি.জি বোত্তলিং প্লান্ত ওইরগনি। মসিনা নোংচুপ বেঙ্গলগী কস্তমর লাখ ১৪.৫ রোমদা এল.পি.জি ফংহনগনি।
প্রধান মন্ত্রীনা নোংচুপ বেঙ্গলদা অমোৎপা ঈশিং শেংদোক্নবা অমসুং সিৱেরেজগা মরী লৈনবা প্রোজেক অহুম শঙ্গাখ্রে। লুপা করোর ৬০০ রোমগী হায়রিবা প্রোজেকশিং অসি ৱার্ল্দ বেঙ্কনা শেন্থং পীবনি। প্রোজেকশিংগী মনুংদা ইন্তরসেপসন অমসুং দাইভর্জন(আই অমসুং দি)গী থবকশিং আমসুং হরাওদা ৬৫ এম.এল.দি কেপাসিতিগী সিৱেজ ত্রিৎমেন্ত প্লান্তস(এস তি পি) অমসুং কিমি ৩.৩গী সিৱেজ নেতৱার্ক অমা; বাল্লিদা কেপাসিতি ৬২ এম.এল.দিগী আই অমসুং দি থবকশিং অমসুং এস.তি.পিশিং ; অমসুং কেপাসিতি ৬০ এম.এল.দি অমসুং কিমি ৮.১৫গী সিৱেজ নেতৱার্ক অমগা লোয়ননা কমারহাতি অমসুং বারানগরদা কিমি ১১.৩গী সিৱেজ নেতৱার্ক অমা অমসুং আই অমসুং দি থবকশিং অমসুং এস.তি.পিশিং য়াওরি।
21वीं सदी का भारत तेज गति से आगे बढ़ रहा है।
— PMO India (@PMOIndia) March 1, 2024
हम सभी ने मिलकर 2047 तक विकसित भारत बनाने का लक्ष्य तय किया है: PM @narendramodi pic.twitter.com/7XWbTmIqKw
हमारा प्रयास है कि पश्चिम बंगाल में रेलवे का आधुनिकीकरण उसी रफ्तार से हो, जैसे देश के दूसरे हिस्सों में हो रहा है: PM @narendramodi pic.twitter.com/sNW5La8Qhf
— PMO India (@PMOIndia) March 1, 2024
भारत ने दुनिया को दिखाया कि पर्यावरण के साथ तालमेल बिठाकर विकास कैसे किया जा सकता है: PM @narendramodi pic.twitter.com/kJXrEkmbNl
— PMO India (@PMOIndia) March 1, 2024
