ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ପଶ୍ଚିମବଙ୍ଗର ହୁଗଳିର ଆରାମବାଗ ଠାରେ ୭,୨୦୦ କୋଟି ଟଙ୍କାର ଏକାଧିକ ବିକାଶମୂଳକ ପ୍ରକଳ୍ପର ଶିଳାନ୍ୟାସ କରିଛନ୍ତି । ଆଜିର ଉନ୍ନୟନମୂଳକ ପ୍ରକଳ୍ପଗୁଡ଼ିକ ରେଳ, ବନ୍ଦର, ତୈଳ ପାଇପଲାଇନ, ଏଲପିଜି ଯୋଗାଣ ଏବଂ ବର୍ଜ୍ୟ ଜଳ ବିଶୋଧନ ଭଳି କ୍ଷେତ୍ର ସହିତ ଜଡିତ ।
ସଭାକୁ ସମ୍ବୋଧିତ କରି ପ୍ରଧାନମନ୍ତ୍ରୀ ଏକବିଂଶ ଶତାବ୍ଦୀର ଭାରତର ଦ୍ରୁତ ଅଭିବୃଦ୍ଧି ଏବଂ ୨୦୪୭ ସୁଦ୍ଧା ଭାରତକୁ ବିକଶିତ କରିବାର ସଂକଳ୍ପ ବିଷୟରେ ଉଲ୍ଲେଖ କରିଥିଲେ । ଯୁବ, ମହିଳା, କୃଷକ ଏବଂ ଗରିବଙ୍କ ସଶକ୍ତିକରଣକୁ ପ୍ରାଥମିକତା ପ୍ରଦାନ କରାଯିବା ସମ୍ପର୍କରେ ସେ ଦୋହରାଇ କହିଥିଲେ ଯେ, ଆମେ ସବୁବେଳେ ଗରିବଙ୍କ କଲ୍ୟାଣ ପାଇଁ ପ୍ରୟାସ କରିଆସୁଛୁ ଏବଂ ଏହାର ଫଳାଫଳ ଏବେ ସାରା ବିଶ୍ୱ ଦେଖୁଛି ବୋଲି ସେ କହିଛନ୍ତି । ୨୫ କୋଟି ଲୋକ ଦାରିଦ୍ର୍ୟରୁ ମୁକୁଳିବା ସରକାରଙ୍କ ଦିଗ, ନୀତି ଓ ନିଷ୍ପତ୍ତିର ସଠିକତାକୁ ସୂଚାଉଛି ବୋଲି ସେ ଗୁରୁତ୍ୱାରୋପ କରିଥିଲେ । ଏସବୁର ମୁଖ୍ୟ କାରଣ ହେଉଛି ଏହା ପଛରେ ରହିଥିବା ମହତ ଉଦ୍ଦେଶ୍ୟ ବୋଲି ସେ କହିଛନ୍ତି ।
ପ୍ରଧାନମନ୍ତ୍ରୀ କହିଥିଲେ ଯେ ପଶ୍ଚିମବଙ୍ଗର ବିକାଶ ଉଦ୍ଦେଶ୍ୟରେ ରେଳ, ବନ୍ଦର, ପେଟ୍ରୋଲିୟମ ଏବଂ ଜଳ ଶକ୍ତି ଭଳି ଅନେକ କ୍ଷେତ୍ରରେ ୭,୦୦୦ କୋଟିରୁ ଅଧିକ ଟଙ୍କାର ଉନ୍ନୟନ ମୂଳକ ପ୍ରକଳ୍ପର ଉଦଘାଟନ ଏବଂ ଶିଳାନ୍ୟାସ କରାଯାଇଛି । ଏହି ଅଞ୍ଚଳରେ ପର୍ଯ୍ୟଟନ ଏବଂ ଶିଳ୍ପକୁ ପ୍ରୋତ୍ସାହିତ କରିବା ସହିତ ରେଳ ଯୋଗାଯୋଗରେ ଉନ୍ନତି ଆଣିବା ପାଇଁ ଝାରଗ୍ରାମ - ସାଲଗାଝରୀକୁ ସଂଯୋଗ କରୁଥିବା ତୃତୀୟ ରେଳ ଲାଇନ ବିଷୟରେ ଉଲ୍ଲେଖ କରି ପ୍ରଧାନମନ୍ତ୍ରୀ କହିଥିଲେ, "କେନ୍ଦ୍ର ସରକାର ପଶ୍ଚିମବଙ୍ଗରେ ରେଳବାଇର ଆଧୁନିକୀକରଣ ପାଇଁ ଦେଶର ଅନ୍ୟ ସ୍ଥାନଗୁଡିକ ଭଳି ଦ୍ରୁତ ଗତିରେ ରେଳବାଇର ଆଧୁନିକୀକରଣ କରିବାକୁ ଚେଷ୍ଟା କରୁଛନ୍ତି । ସେ ସୋନଡାଲିଆ - ଚମ୍ପାପୁକୁର ଏବଂ ଦାନକୁନି - ଭଟ୍ଟନଗର - ବାଲଟିକୁରି ରେଳ ଲାଇନର ଦୋହରୀକରଣ ବିଷୟରେ ମଧ୍ୟ କହିଥିଲେ । କୋଲକାତାର ଶ୍ୟାମା ପ୍ରସାଦ ମୁଖାର୍ଜୀ ବନ୍ଦରରେ ଭିତ୍ତିଭୂମିକୁ ସୁଦୃଢ଼ କରିବା ପାଇଁ ବିକାଶ ପ୍ରକଳ୍ପ ଏବଂ ୧୦୦୦ କୋଟି ଟଙ୍କାରୁ ଅଧିକ ମୂଲ୍ୟର ଅନ୍ୟ ତିନୋଟି ପ୍ରକଳ୍ପ ବିଷୟରେ ମଧ୍ୟ ପ୍ରଧାନମନ୍ତ୍ରୀ କହିଥିଲେ ।
ହଳଦିଆ ବରାଉଣି ଅଶୋଧିତ ପାଇପଲାଇନର ଉଦାହରଣ ଦେଇ ପ୍ରଧାନମନ୍ତ୍ରୀ ମୋଦୀ କହିଛନ୍ତି, "ପରିବେଶ ସହ ସମନ୍ୱୟ ରକ୍ଷା କରି କିପରି ବିକାଶ କରାଯାଇପାରିବ ତାହା ଭାରତ ବିଶ୍ୱକୁ ଦେଖାଇ ଦେଇଛି । ବିହାର, ଝାଡ଼ଖଣ୍ଡ, ଓଡ଼ିଶା ଓ ପଶ୍ଚିମବଙ୍ଗ ଭଳି ୪ଟି ରାଜ୍ୟ ଦେଇ ପାଇପ୍ ଲାଇନ୍ ଜରିଆରେ ୩ଟି ବିଶୋଧନାଗାରକୁ ଅଶୋଧିତ ତୈଳ ପରିବହନ କରାଯାଉଛି, ଯାହା ଫଳରେ ସଞ୍ଚୟ ଓ ପରିବେଶ ସୁରକ୍ଷା ହୋଇପାରିବ । ସେ କହିଛନ୍ତି ଯେ ଏଲ୍ପିଜି ବଟଲିଂ ପ୍ଲାଣ୍ଟ ୭ଟି ରାଜ୍ୟକୁ ଉପକୃତ କରିବ ଏବଂ ଏହି ଅଞ୍ଚଳରେ ଏଲପିଜିର ଚାହିଦାକୁ ପୂରଣ କରିବ । ବର୍ଜ୍ୟ ଜଳ ଉପଚାର ପ୍ଲାଣ୍ଟ ଦ୍ୱାରା ଅନେକ ଜିଲ୍ଲାର ଲକ୍ଷ ଲକ୍ଷ ଲୋକ ଉପକୃତ ହେବେ ।
ପଶ୍ଚିମବଙ୍ଗରେ ରେଳବାଇର ବିକାଶ ପାଇଁ ଚଳିତ ବର୍ଷ ୧୩,୦୦୦ କୋଟି ରୁ ଅଧିକ ଟଙ୍କାର ବଜେଟ୍ ଆବଣ୍ଟନ , ଯାହା ୨୦୧୪ ତୁଳନାରେ ତିନି ଗୁଣା ବୋଲି ସୂଚନା ଦେଇ ପ୍ରଧାନମନ୍ତ୍ରୀ କହିଥିଲେ, "ରାଜ୍ୟରେ ଏକ ଭିତ୍ତିଭୂମି ପ୍ରକଳ୍ପ ଆରମ୍ଭ କରିବା ଦ୍ୱାରା ନିଯୁକ୍ତି ପାଇଁ ଏକାଧିକ ବାଟ ଖୋଲିଥାଏ" । ସେ କହିଛନ୍ତି ଯେ ସରକାର ରେଳ ଲାଇନର ବିଦ୍ୟୁତିକରଣ, ଯାତ୍ରୀ ସୁବିଧାର ଉନ୍ନତିକରଣ ଏବଂ ରେଳ ଷ୍ଟେସନର ପୁନଃବିକାଶକୁ ପ୍ରାଥମିକତା ଦେଉଛନ୍ତି । ପୂର୍ବରୁ ଅଟକି ରହିଥିବା ପ୍ରକଳ୍ପ ଗୁଡ଼ିକ ୧୦ ବର୍ଷ ମଧ୍ୟରେ ଶେଷ ହୋଇଥିବା ସମ୍ପର୍କରେ ଆଲୋକପାତ କରି ପ୍ରଧାନମନ୍ତ୍ରୀ ସୂଚନା ଦେଇଥିଲେ ଯେ , ପଶ୍ଚିମବଙ୍ଗରେ ୩,୦୦୦ କିଲୋମିଟରରୁ ଅଧିକ ରେଳ ଲାଇନକୁ ବିଦ୍ୟୁତିକରଣ କରାଯାଇଛି, ଅମୃତ ଷ୍ଟେସନ ଯୋଜନା ଅଧୀନରେ ତାରକେଶ୍ୱର ରେଳ ଷ୍ଟେସନ ସମେତ ୧୦୦ଟି ଷ୍ଟେସନ୍ର ପୁନଃନିର୍ମାଣ , ୧୫୦ରୁ ଅଧିକ ନୂତନ ଟ୍ରେନ୍ ସେବା ଆରମ୍ଭ କରାଯାଇଛି ଏବଂ ୫ଟି ନୂଆ ବନ୍ଦେ ଭାରତ ଏକ୍ସପ୍ରେସକୁ ପତାକା ଦେଖାଇ ଶୁଭାରମ୍ଭ କରାଯାଇଛି ।
ପଶ୍ଚିମବଙ୍ଗବାସୀଙ୍କ ଅବଦାନରେ ବିକଶିତ ଭାରତର ସଂକଳ୍ପ ସମ୍ପୂର୍ଣ୍ଣ ହେବ ବୋଲି ପ୍ରଧାନମନ୍ତ୍ରୀ ବିଶ୍ୱାସ ବ୍ୟକ୍ତ କରିବା ସହ ଆଜିର ବିକାଶ ମୂଳକ ପ୍ରକଳ୍ପ ପାଇଁ ନାଗରିକ ମାନଙ୍କୁ ଶୁଭେଚ୍ଛା ଜଣାଇଥିଲେ ।
ଅନ୍ୟମାନଙ୍କ ମଧ୍ୟରେ ପଶ୍ଚିମବଙ୍ଗ ରାଜ୍ୟପାଳ ଡ. ସି ଭି ଆନନ୍ଦ ବୋଷ ଏବଂ କେନ୍ଦ୍ର ବନ୍ଦର, ଜାହାଜ ଚଳାଚଳ ଏବଂ ଜଳପଥ ରାଷ୍ଟ୍ର ମନ୍ତ୍ରୀ ଶ୍ରୀ ଶାନ୍ତନୁ ଠାକୁର ଉପସ୍ଥିତ ଥିଲେ ।
ପୃଷ୍ଠଭୂମି
ପ୍ରଧାନମନ୍ତ୍ରୀ ଇଣ୍ଡିଆନ ଅଏଲର ୫୧୮ କିଲୋମିଟର ହଳଦିଆ - ବରାଉଣି ଅଶୋଧିତ ତୈଳ ପାଇପଲାଇନକୁ ଉଦଘାଟନ କରିଥିଲେ ଯାହା ପ୍ରାୟ ୨,୭୯୦ କୋଟି ଟଙ୍କା ବ୍ୟୟରେ ବିକଶିତ ହୋଇଛି । ଏହି ପାଇପ୍ଲାଇନ୍ ବିହାର, ଝାଡ଼ଖଣ୍ଡ ଓ ପଶ୍ଚିମବଙ୍ଗ ଦେଇ ଯାଇଥାଏ । ଏହି ପାଇପଲାଇନ୍ ବାରାଉଣି ବିଶୋଧନାଗାର, ବଙ୍ଗାଇଗାଓଁ ବିଶୋଧନାଗାର ଏବଂ ଗୌହାଟୀ ବିଶୋଧନାଗାରକୁ ସୁରକ୍ଷିତ, ସୁଲଭ, ପରିବେଶ ଅନୁକୂଳ ଉପାୟରେ ଅଶୋଧିତ ତୈଳ ଯୋଗାଣ କରିବ ।
ଖଡ଼ଗପୁରର ବିଦ୍ୟାସାଗର ଇଣ୍ଡଷ୍ଟ୍ରିଆଲ ପାର୍କରେ ପ୍ରଧାନମନ୍ତ୍ରୀ ଇଣ୍ଡିଆନ ଅଏଲର ୧୨୦ ଟିଏମଟିପିଏ କ୍ଷମତା ବିଶିଷ୍ଟ ଏଲପିଜି ବଟଲିଂ ପ୍ଲାଣ୍ଟକୁ ଉଦଘାଟନ କରିଥିଲେ । ୨୦୦ କୋଟିରୁ ଅଧିକ ଟଙ୍କା ବ୍ୟୟରେ ନିର୍ମିତ ଏହି ଏଲପିଜି ବଟଲିଂ ପ୍ଲାଣ୍ଟ ଏହି ଅଞ୍ଚଳର ପ୍ରଥମ ଏଲପିଜି ବଟଲିଂ ପ୍ଲାଣ୍ଟ ହେବ । ଏହା ପଶ୍ଚିମବଙ୍ଗର ପ୍ରାୟ ୧୪.୫ ଲକ୍ଷ ଗ୍ରାହକଙ୍କୁ ଏଲପିଜି ଯୋଗାଣ କରିବ ।
ପ୍ରଧାନମନ୍ତ୍ରୀ କୋଲକାତାର ଶ୍ୟାମା ପ୍ରସାଦ ମୁଖାର୍ଜୀ ବନ୍ଦରରେ ଭିତ୍ତିଭୂମି ସୁଦୃଢ଼ କରିବା ପାଇଁ ପ୍ରାୟ ୧୦୦୦ କୋଟି ଟଙ୍କା ମୂଲ୍ୟର ଏକାଧିକ ପ୍ରକଳ୍ପର ଶିଳାନ୍ୟାସ କରିଥିଲେ ଏବଂ ରାଷ୍ଟ୍ର ଉଦ୍ଦେଶ୍ୟରେ ସମର୍ପିତ କରିଥିଲେ । ଯେଉଁ ପକଳ୍ପ ଗୁଡ଼ିକର ଶିଳାନ୍ୟାସ ହୋଇଛି ସେଗୁଡ଼ିକ ମଧ୍ୟରେ ରହିଛି ବର୍ଥ ନମ୍ବର ୮ ଏନଏସଡିର ପୁନଃନିର୍ମାଣ ଏବଂ କୋଲକାତା ଡକ୍ ସିଷ୍ଟମର ବର୍ଥ ନମ୍ବର ୭ ଓ ୮ ଏନଏସଡିର ଯାନ୍ତ୍ରିକୀକରଣ । ପ୍ରଧାନମନ୍ତ୍ରୀ ଶ୍ୟାମା ପ୍ରସାଦ ମୁଖାର୍ଜୀ ବନ୍ଦରର ହଳଦିଆ ଡକ୍ କମ୍ପେ୍ଲକ୍ସର ତୈଳ ଜେଟିରେ ଅଗ୍ନିନିର୍ବାପକ ବ୍ୟବସ୍ଥାର ଉନ୍ନତି ପାଇଁ ଉଦ୍ଦିଷ୍ଟ ପ୍ରକଳ୍ପକୁ ରାଷ୍ଟ୍ର ଉଦ୍ଦେଶ୍ୟରେ ଉତ୍ସର୍ଗ କରିଥିଲେ ।
ନୂତନ ଭାବେ ସ୍ଥାପିତ ଏହି ଅଗ୍ନିନିର୍ବାପକ କେନ୍ଦ୍ର ହେଉଛି ଅତ୍ୟାଧୁନିକ ଗ୍ୟାସ୍ ଏବଂ ଫ୍ଲେମ୍ ସେନ୍ସର୍ରେ ସଜ୍ଜିତ ଏକ ଅତ୍ୟାଧୁନିକ ସମ୍ପୂର୍ଣ୍ଣ ସ୍ୱୟଂଚାଳିତ ସେଟ୍ ଅପ୍, ଯାହା ତୁରନ୍ତ ବିପଦ ଚିହ୍ନଟକୁ ସୁନିଶ୍ଚିତ କରେ । ପ୍ରଧାନମନ୍ତ୍ରୀ ହଳଦିଆ ଡକ୍ କମ୍ପେ୍ଲକ୍ସର ତୃତୀୟ ରେଳ ମାଉଣ୍ଟେଡ୍ କ୍ୱାଏ କ୍ରେନ୍ (ଆର୍ଏମ୍କ୍ୟୁସି)କୁ ୪୦ ଟନ୍ ଉତ୍ତୋଳନ କ୍ଷମତା ବିଶିଷ୍ଟ କରିବା ନିମନ୍ତେ ଉଦ୍ଦିଷ୍ଟ ପ୍ରକଳ୍ପକୁ ଲୋକାର୍ପଣ କରିଥିଲେ । କୋଲକାତାର ଶ୍ୟାମା ପ୍ରସାଦ ମୁଖାର୍ଜୀ ବନ୍ଦରରେ ଏହି ନୂତନ ପ୍ରକଳ୍ପ ଗୁଡିକ ଦ୍ରୁତ ଏବଂ ସୁରକ୍ଷିତ କାର୍ଗୋ ପରିଚାଳନା ଏବଂ ସ୍ଥାନାନ୍ତରରେ ସାହାଯ୍ୟ କରି ବନ୍ଦରର ଉତ୍ପାଦକତାକୁ ଯଥେଷ୍ଟ ବୃଦ୍ଧି କରିବ ।
ପାଖାପାଖି ୨୬୮୦ କୋଟି ଟଙ୍କାର ଗୁରୁତ୍ୱପୂର୍ଣ୍ଣ ରେଳ ପ୍ରକଳ୍ପକୁ ପ୍ରଧାନମନ୍ତ୍ରୀ ରାଷ୍ଟ୍ର ଉଦ୍ଦେଶ୍ୟରେ ଉତ୍ସର୍ଗ କରିଥିଲେ । ଏହି ପ୍ରକଳ୍ପଗୁଡ଼ିକ ମଧ୍ୟରେ ଝାରଗ୍ରାମ - ସାଲଗାଝରି (୯୦ କିଲୋମିଟର)କୁ ସଂଯୋଗ କରୁଥିବା ତୃତୀୟ ରେଳ ଲାଇନ ଅନ୍ତର୍ଭୁକ୍ତ । ସୋନଡାଲିଆ - ଚମ୍ପାପୁକୁର ରେଳ ଲାଇନ ଦୋହରୀକରଣ (୨୪ କିଲୋମିଟର); ଏବଂ ଦାନକୁନି - ଭଟ୍ଟନଗର - ବାଲଟିକୁରି ରେଳ ଲାଇନର ଦୋହରୀକରଣ (୯ କିଲୋମିଟର) ଅନ୍ତର୍ଭୁକ୍ତ । ଏହି ପ୍ରକଳ୍ପ ଗୁଡ଼ିକ ଏହି ଅଞ୍ଚଳରେ ରେଳ ପରିବହନ ସୁବିଧାକୁ ସମ୍ପ୍ରସାରଣ କରିବ, ଗତିଶୀଳତାରେ ଉନ୍ନତି ଆଣିବ ଏବଂ ମାଲ ପରିବହନର ନିରବଚ୍ଛିନ୍ନ ସେବାକୁ ସୁଗମ କରିବ ଯାହା ଦ୍ୱାରା ଏହି ଅଞ୍ଚଳରେ ଅର୍ଥନୈତିକ ଏବଂ ଶିଳ୍ପ ଅଭିବୃଦ୍ଧି ଘଟିବ ।
ପ୍ରଧାନମନ୍ତ୍ରୀ ପଶ୍ଚିମବଙ୍ଗରେ ବର୍ଜ୍ୟଜଳ ବିଶୋଧନ ଏବଂ ସ୍ୱେରେଜ୍ ସମ୍ବନ୍ଧୀୟ ତିନୋଟି ପ୍ରକଳ୍ପର ଉଦଘାଟନ କରିଥିଲେ । ପାଖାପାଖି ୬୦୦ କୋଟି ଟଙ୍କା ବ୍ୟୟରେ ବିକଶିତ ହୋଇଥିବା ଏହି ପ୍ରକଳ୍ପଗୁଡ଼ିକୁ ବିଶ୍ୱବ୍ୟାଙ୍କ ପାଣ୍ଠି ଯୋଗାଉଛି । ଏହି ପ୍ରକଳ୍ପଗୁଡ଼ିକ ମଧ୍ୟରେ ଇଣ୍ଟରସେପ୍ସନ୍ ଆଣ୍ଡ ଡାଇଭର୍ସନ୍ (ସୂଚନା ଓ ବିକାଶ) କାର୍ଯ୍ୟ ଏବଂ ହାୱଡ଼ାରେ ୬୫ ଏମଏଲଡି କ୍ଷମତା ବିଶିଷ୍ଟ ସ୍ୱେରେଜ୍ ଟ୍ରିଟ୍ମେଣ୍ଟ ପ୍ଲାଣ୍ଟ (ଏସ୍ଟିପି) ଏବଂ ୩.୩ କିଲୋମିଟରର ସ୍ୱେରେଜ୍ ନେଟୱାର୍କ ଅନ୍ତର୍ଭୁକ୍ତ; ବାଲିଠାରେ ୬୨ ଏମଏଲଡି କ୍ଷମତା ବିଶିଷ୍ଟ ସୂଚନା ଓ ବିକାଶ କାର୍ଯ୍ୟ ଏବଂ ଏସଟିପି ଏବଂ ୧୧.୩ କିଲୋମିଟରର ସ୍ୱେରେଜ୍ ନେଟୱାର୍କ ଏବଂ କମାରହାଟି ଏବଂ ବରନଗରରେ ୬୦ ଏମଏଲଡି କ୍ଷମତା ବିଶିଷ୍ଟ ସୂଚନା ଓ ବିକାଶ କାର୍ଯ୍ୟ ଏବଂ ଏସଟିପି ଏବଂ ୮.୧୫ କିଲୋମିଟରର ସ୍ୱେରେଜ୍ ନେଟୱାର୍କ ଅନ୍ତର୍ଭୁକ୍ତ।
21वीं सदी का भारत तेज गति से आगे बढ़ रहा है।
— PMO India (@PMOIndia) March 1, 2024
हम सभी ने मिलकर 2047 तक विकसित भारत बनाने का लक्ष्य तय किया है: PM @narendramodi pic.twitter.com/7XWbTmIqKw
हमारा प्रयास है कि पश्चिम बंगाल में रेलवे का आधुनिकीकरण उसी रफ्तार से हो, जैसे देश के दूसरे हिस्सों में हो रहा है: PM @narendramodi pic.twitter.com/sNW5La8Qhf
— PMO India (@PMOIndia) March 1, 2024
भारत ने दुनिया को दिखाया कि पर्यावरण के साथ तालमेल बिठाकर विकास कैसे किया जा सकता है: PM @narendramodi pic.twitter.com/kJXrEkmbNl
— PMO India (@PMOIndia) March 1, 2024
