দেদিকেতেদ ফ্রৈত কোরিদোরদা ন্যু খুর্জা – ন্যু রিৱারীগী মরক্তা কিমি 173 শাংবা দবল লাইন ইলেক্ত্রিফাইদ সেক্সন কত্থোকখ্রে
মথুরা – পলৱল সেক্সন অমসুং চিপিয়ানা বুজুর্গ – দাদরী সেক্সন শম্নহল্লিবা মরিশুবা লাইন কত্থোকখ্রে
রোদ দিবেলপমেন্ত প্রোজেক্ত কয়ামরুম কত্থোকখ্রে
ইন্দিয়ন ওইলগী তুন্দলা-গৱারিয়া পাইপলাইন শঙ্গাখ্রে
ইন্তিগ্রেতেদ ইন্দস্ত্রিএল তাউনশিপ এৎ গ্রেতর নোইদা’ (IITGN) কত্থোকখ্রে
রিনোবেৎ তৌরবা মথুরা সিৱেরেজ স্কিম শঙ্গাখ্রে
“কল্যান সিংহনা রাম কাজ অমসুং রাস্ত্র কাজ অনিমক্তা মহাক্কী পুন্সি কত্থোকলমখি”
“UPনা খোঙজেল য়াংনা চাউখৎত্রবদি চাউখৎপা ভারত অমা শেমগৎপা ওইথোক্তে”
“লৌমীশিং অমসুং লায়রবগী পুন্সি চাউখৎহনবা অসি দবল ইঞ্জিন সরকারগী মরু ওইবনি”
“সরকারগী স্কিমশিংগী কান্নবা প্রজা খুদিংমক্তা ফংহনবা অসি মোদীগী গরেন্তীনি। ঙসি লৈবাক অসিনা মোদীগী গরেন্তী অসি গরেন্তী অমা হেক্তা থুংহন্নব গরেন্তী ওইনা লৌরি”
“ঐহাক্কীদমক, নখোয় অসি ঐগী ইমুং মনুংনি। নখোয়গী মঙলান্না ঐগী ফিরেপনি”

প্রধান মন্ত্রী, শ্রী নরেন্দ্র মোদীনা ঙসি উত্তর প্রদেশকী বুলন্দশাহরদা লুপা করোর 19,100 হেনবগী চাউখৎ-থৌরাংগী প্রোজেক্তশিং শঙ্গাখ্রে অমসুং উরেপ-উয়ুং তমখ্রে। প্রোজেক্তশিং অসি রেল, রোদ, ওইল অমসুং গ্যাস অমদি অর্বান দিবেলপমেন্ত অমসুং হাউসিংগুম্বা মরু ওইবা সেক্তর কয়াগা মরী লৈনৈ।

থৌরম অসিদা ৱা ঙাংলদুনা প্রধান মন্ত্রীনা বুলন্দশাহরগী মীয়াম মরু ওইনা ইমা অমদি ইচে-ইচলশিংনা মশিং য়াম্না থোরক্তুনা মীনুংশিং অমদি থাজবা উৎপীখিবগীদমক থাগৎপা ফোঙদোকখি। শ্রী মোদীনা জনুৱারী 22দা ভগৱান শ্রী রামগী দর্শন তৌবা ফংজবা অসি মাগী লাইবক ফবনি অমসুং ঙসিগী থৌরমদা উত্তর প্রদেশকী মীয়ামনা শরুক য়াবীবগীদমক থাগৎপা ফোঙদোকখি। মহাক্না বুলন্দশাহর অমসুং অপুনবা নোংচুপ থংবা উত্তর প্রদেশকী মীয়ামবু রেলৱেজ, হায়ৱেজ, পেত্রোলিয়ম, পাইপলাইন, ৱাতর, সিৱেজ, মেদিকেল কোলেজ অমসুং ইন্দস্ত্রিএল তাউনশিপকী সেক্তরশিংদা লুপা করোর 19,000 হেনবগী ঙসিগী চাউখৎ-থৌরাংগী প্রোজেক্তশিং অসিগীদমক নুংঙাইবা ফোঙদোকখি। মহাক্না য়মুনা অমসুং রাম গঙ্গা তুরেলশিংদা লুনানহনবগী কেম্পেনশিংগা মরী লৈনবা প্রোজেক্তশিং শঙ্গাখি হায়নসু ফোঙদোকখি।

 

প্রধান মন্ত্রীনা হায়খি মদুদি রিজন অসিনা রাম কাজ অমসুং রাস্ত্র কাজ (রামগী থবক অমসুং জাতিগী থবক) অনিমক্তা মহাক্কী পুন্সি কত্থোকখিবা কল্যান সিংহগুম্বা মপারী অমা পীবিখি। প্রধান মন্ত্রীনা লৈবাক অসিনা শ্রী কল্যান সিংহ অমসুং অয়োধ্যা ধামদা মহাকগুম্বা মীওইশিংগী মঙলান থুংহনখিবদা নুংঙাইবা ফোঙদোকখি। “ঐখোয়না শক্তি লৈবা লৈবাক অমসুং তশেংবা সোসিএল জস্তিস অমগী মহাক্কী মঙলান থুংহনবদা হেন্না ইনোৎ হাপলগনি” হায়না পি,এম. মোদীনা ফোঙদোকখি।

অয়োধ্যাদা প্রান প্রতিস্থা থৌরম লোইশিনখিবগী মতাংদা পল্লদুনা প্রধান মন্ত্রীনা ‘রাস্ত্র প্রতিস্থা’ মরু ওইনা লৌবা অমসুং মসিবু অনৌবা পনখৈশিং তম্না পুখৎপগী মতাংদা ফোঙদোকখি। “ঐখোয়না দেবতগী দেশ অমসুং রামদগী রাস্ত্রগী লম্বেলদা শাহৌ পীগদবনি” হায়না ফোঙদোক্লদুনা শ্রী মোদীনা সরকারগী ফিরেপ অসি ভারতপু 2047 ফাওবদা ভিকসিৎ ভারত অমা ওইহনবনি। অচৌবা পান্দমশিং থুংহনবগী মতাংদা ফোঙদোক্লদুনা প্রধান মন্ত্রীনা সবকা প্রয়সকী ৱাখল্লোনগা লোয়ননা মথৌ তাবা রিসোর্স পুম্নমক খোমজিন্নবা হায়খি। “উত্তর প্রদেশ খোঙজেল য়াংনা চাউখৎহনবা অসি ভিকসিৎ ভারত শেমগৎপদা মরু ওই” হায়না পল্লদুনা পি.এম. মোদীনা এগ্রিকলচর, সাইন্স, এজুকেসন, ইন্দস্ত্রী অমসুং এন্তর্প্রাইজকী সেক্তরশিংদা শাহৌ পীবা মথৌ তাই হায়না ফোঙদোকখি। “ঙসিগী থৌরম অসি মাইকৈ অসিদা অচৌবা খোঙথাং অমনি” হায়না মহাক্না মখা তাখি।

নীংতম্বা ফংলবা মতুংগী ভারত্তা চাউখৎ থৌরাং পুরকপদা লৈরিবা রিজনেল ইমবেলেন্সকী মতাংদা পল্লদুনা প্রধান মন্ত্রীনা হায়খি মদুদি মীশিং খ্বাইদগী য়াম্বা রাজ্য, উত্তর প্রদেশ অসি নাথৈবীদুনা লাক্লি। প্রধান মন্ত্রীদা ‘লৈঙাকপগী’ ৱাখল্লোন অদুবু য়ানীংদবা ফোঙদোকখি অমসুং মমাংদা শক্তিগীদমক খুন্নাইবু তোখাই তোখাই তাহনলমখিবা অসিনা রাজ্য অমসুং লৈবাক অসিদা চাউনা অমাংবা লাকহল্লি। “করিগুম্বা লৈবাক্কী খ্বাইদগী চাউবা রাজ্যনা শোনবা তারবদি লৈবাক অসি করম্না শক্তি লৈবা ওইবা ঙমগনি?” হায়না প্রধান মন্ত্রীনা হংখি।

 

2017দা উত্তর প্রদেশতা দবল-ইঞ্জিন সরকার শেমখিবগা লোয়ননা রাজ্য অসিনা অরিবা শীংনবশিং থেংননবা অনৌবা লম্বীশিং ফংখি অমসুং শেন্মীৎলোন চাউখৎহনবদা শাহৌ পীখি অমসুং ঙসিগী থৌরম অসিনা সরকারগী ফিরেপকী খুদম ওইরি হায়না প্রধান মন্ত্রীনা ফোঙদোকখি। নোংচুপ থংবা উত্তর প্রদেশতা হন্দক্তা পাইখৎখিবা চাউখৎ থৌরাংশিংগী খুদমশিং পীরদুনা প্রধান মন্ত্রীনা ভারত্তা দিফেন্স কোরিদোর অনিগী মনুংদা অমা শেমগৎপা অমসুং অনৌবা নেস্নেল হায়ৱেজ কয়ামরুম শেমখিবগী মতাংদা পনখি। মহাক্না হায় সরকার অসিনা মোদর্ন এক্সপ্রেসৱেজশিংগী খুত্থাংদা UPগী শরুক পুম্নমক্তা কন্নেক্তিবিতী শাহৌ পীরি, অহানবা নমো ভারত ত্রেন প্রোজেক্ত হৌখি, সহর কয়ামরুমদা মেত্রো কন্নেক্তিবিতী পাইখৎখি অমসুং রাজ্য অসিনা ইস্তর্ন অমসুং ৱেস্তর্ন দেদিকেতেদ ফ্রৈত কোরিদোরশিংগী হব অমা ওইরক্লি। “চাউখৎ থৌরাংগী প্রোজেক্তশিং অসিনা লাক্কদৌরিবা চহিচাশিংদা কান্নবা অদুমক পীরগনি” হায়না মহাক্না ফোঙদোকখি। পি.এম.না মখা তারদুনা হায়খি মদুদি রিজন অসিনা জেৱর এয়রপোর্ত লোইশিনবগা লোয়ননা অনৌবা শক্তি অমসুং ফ্লাইৎ অমা লৈরগনি।

প্রধান মন্ত্রীনা হায়খি, “ঙসি সরকারগী খোঙথাংশিংনা নোংচুপ থংবা উত্তর প্রদেশনা লৈবাক অসিদা থবক খ্বাইদগী পীরিবা রিজনশিংগী মনুংদা অমা ওইরক্লি”। প্রধান মন্ত্রীনা হায়খি মদুদি সরকার অসিনা মালেমগী থাক্কী ইন্দস্ত্রিএল স্মার্ত সিতী 4 শেমগৎলি। সহরশিং অসিগী মনুংদা নোংচুপ থংবা উত্তর প্রদেশকী গ্রেতর নোইদা অমা য়াওরি। প্রধান মন্ত্রীনা ঙসি মরু ওইবা তাউনশিপ অসি শঙ্গাখি। মসিনা রিজন অসিগী ইন্দস্ত্রী, অমসুং স্মোল এন্দ কোতেজ বিজিনেসশিংদা কান্নবা পীরগনি। পি.এম. মোদীনা হায়খি তাউনশিপ অসিনা এগ্রো-বেজ ইন্দস্ত্রীগীদমক অনৌবা এভেন্যুশিং পীরগনি অমসুং লমদম অসিগী লৌমী অমসুং শিন্মীশিংদা চাউনা কান্নবা পীরগনি।

 

মমাংদা লৌউশিংউদা কন্নেক্তিবিতীগী অৱাৎপা লৈরম্বগী অচৌবা শাফুশিংগী মতাংদা পল্লদুনা প্রধান মন্ত্রীনা হায়খি মদুদি অনৌবা এয়রপোর্ত অমসুং অনৌবা দেদিকেতেদ ফ্রৈত কোরিদোরদা মসিগী সোল্যুসন উবা ফংখি। প্রধান ন্ত্রীনা চুগী মমলশিং হেনগৎহনবা অমসুং মন্দীদা পোৎ য়োনবগা লৌমীশিংগী একাউন্তশিংদা শেল হকথেংননা থুনমক চংহনবগীদমক দবল ইঞ্জিন সরকারপু থাগৎখি। মতৌ অসুম্না ইথানোলদা মীৎয়েং চংবনা চু থারিবা লৌমীশিংদা শাহৌ অমা পীরি।

“লৌমীশিংগী য়াইফনবা তৌবা হায়বনা সরকারগী খ্বাইদগী মরু ওইবা ওইরি” হায়না শ্রী মোদীনা ফোঙদোকখি। মহাক্না হায়খি সরকার অসিনা লৌমীশিংগীদমক চুঙ্গোই অমা শেম্নবা হোৎনরি অমসুং ভারতকী লৌমীশিংগীদমক অহোংবা মমলদা হারশিং ফংহন্নবা লুপা করোর কয়া চাদিং তৌরি হায়না ফোঙদোকখি। মহাক্না হায়খি ভারতকী মপালদা য়ুরিয়া বেগ অমদা লুপা 3,000 পীরিবা অদু ভারত্তা লুপা 300দগী তানা ফংহল্লি। পি.এম.না হার ভোরা অমগা অপীকপা বোত্তল অমগা মান্নরিবা নেনো য়ুরিয়া পুথোকপগী মতাংদসু ফোঙদোকখি, মসিনা কঞ্জুম্পসন হন্থহল্লি অমসুং শেল তুংশিনবা ঙমহল্লি। শ্রী মোদীনা হায়খি সরকারনা পি.এম. কিসান সম্মান নিধি স্কিমগী মখাদা লৌমীশিংগী বেঙ্ক একাউন্তশিংদা লুপা করোর লাখ 2.75 ত্রান্সফর তৌখি।

লৌমীশিংনা লৌউ-শিংউ  অমসুং এগ্রো-ইকনোমীদা শরুক তম্মিবা অদুগী মতাংদা পল্লদুনা প্রধান মন্ত্রীনা কোওপরেতিবশিংগী মশিং লেপ্পা লৈতনা হেনগৎহল্লিবা অসিগী মতাংদা ফোঙদোকখি। মহাক্না PACশিং, কোওপরেতিব সোসাইতীশিং অমসুং FPOশিং অসি অপীকপা লৌমীশিং মপাঙ্গল কনখৎহন্নবা খোঙথাংশিংনি হায়খি। কোওপরেতিব বোদীশিং অসি সেল পর্চেস, লোনশিং, ফুদ প্রোসেসিং নত্ত্রগা এক্সপোর্তশিংগীদমক প্রমোৎ তৌরি। শ্রী মোদীনা মালেমগী খ্বাইদগী চাউবা স্তোরেজকা মরী লৈনবা স্কিমগী মতাংদসু পনখি, মসিগী মখাদা লৈবাক শিনবা থুংবদা কোল্দ স্তোরেজকী নেৎৱার্ক অমা শেমগৎলি।

 

প্রধান মন্ত্রীনা সরকারনা লৌউ-শিংউগী সেক্তর অসি মতমগা চুনবা ওইহন্নবা পীরিবা সরকারগী শাহৌগী মতাংদা নৌহৌননা ফোঙদোকখি অমসুং হায়খি মদুদি নারী শক্তিনা মসিগী খ্বাইদগী চাউবা মেদিয়ম ওইরগনি। মহাক্না হায়খি মদুদি নমো দ্রোন দিদি স্কিম অসিগী মখাদা নুপী সেল্ফ হেল্প গ্রুপশিং অসি দ্রোন পাইলোৎশিং ওইনবা ত্রেন তৌরি। ‘নমো দ্রোন দিদিনা তুংলমচৎতা খুঙ্গংগী শেন্মীৎলোন অমসুং লৌউ-শিংউগীদমক অচৌবা শক্তি অমা ওইরগনি” হায়না মহাক্না মখা তাখি।

অপীকপা লৌমীশিং অমসুং নুপীশিং শক্তি পীনবা হৌখিবা চহি 10 অসিদা পাইখৎখিবা মীয়ামগী য়াইফ থৌরাংগী স্কিমশিংগী মতাংদা পল্লদুনা প্রধান মন্ত্রীনা পক্কা য়ুম, লোইলেৎ করোর কয়া শাখিবা, তোতি ঈশিংগী কন্নেক্সনশিং পীখিবা, লৌমী অমসুং শিন্মীশিংগীদমক পেন্সনগী খুদোংচাবশিং পীখিবা, ক্রোপ ফেলিয়রদা থোকপদা লৌমীশিংদা লুপা করোর লাখ 1.5 হেন্না পীখিবা পি.এম. ক্রোপ ইন্সুরেন্স স্কিম, লেম্না রাসন পীবগী স্কিম অমসুং আয়ুশ্মান ভারত স্কিমগী মতাংদা পনখি। “বেনিফিসরী অমত্তা সরকারগী স্কিমগী খুদোংচাবা ফংদবা তৌহনদবা অসি সরকারগী পান্দমনি অমসুং মসিগীদমক মোদীগী গরেন্তীগী গারীনা খুঙ্গং খুদিংমক য়ৌশিল্লি অমসুং উত্তর প্রদেশতা মীওই লাখ কয়ানা এনরোল তৌরি” হায়না শ্রী মোদীনা ফোঙদোকখি।

“প্রজা খুদিংমক্না সরকারগী স্কিমশিংগী কান্নবা ফংহনবা হায়বা অসি মোদীগী গরেন্তীনি। ঙসি লৈবাক অসিনা মোদীগী গরেন্তীবু গরেন্তী অমা হেক্তা থুংহন্নবা গরেন্তী ওইনা লৌরি” হায়না প্রধান মন্ত্রীনা ফোঙদোকখি। “ঙসি সরকারগী স্কিমগী কান্নবশিংনা বেনিফিসরী খুদিংমক্তা য়ৌহন্নবা খোঙথাং খুদিংমক পাইখৎলি। মরম অসিনা মোদীনা সেচুরেসন ফংনবা গরেন্তী পীরি। মোদীনা বেনিফিসরী চাদা 100 য়ৌশিন্নবা হোৎনরি” হায়না প্রধান মন্ত্রীনা ফোঙদোকখি। মসিনা খেন্নবা লৈবা নত্ত্রগা শেঞ্জা-থুমজাগী ওইথোকপা য়াবা খুদিংমক লৌথোক্লি। “মসি তশেংবা সেক্যুলরিজম অমসুং সোসিএল জস্তিসনি” হায়না মহাক্না মখা তাখি। মহাক্না হায়খি খুন্নাই খুদিংমক্তা লৌমীশিং, নুপীশিং, নহারোলশিং অমসুং লায়রবশিংগী মঙলান অসি চপ মান্নৈ। মহাক্না হায়খি সরকারগী পুকচেল শেংব খোঙথাংশিংনা মরম ওইরগা মীওই করোর 25না হৌখিবা চহি 10 অসিদা লায়রবদগী থোরকপা ঙমখি।

 

ৱারোল পীবা লোইশিনবদা প্রধান মন্ত্রীনা হায়খি “ঐগীদমক নখোয় অসি ঐগী ইমুং মনুংনি। নখোয়গী মঙলান অদু ঐগী ফিরেপনি”। মহাক্না হায়খি মোদীগীদমক লন অসি লৈবাক্কী মীচম মীয়ামদা শক্তি পীরবা মতমদা লেংদনা লৈগনি। মহাক্না মীপুম খুদিংমক, খুঙ্গংশিং, লায়রবা, নহা, নুপী নত্ত্রগা লৌমীশিং ওইরবদু শক্তি পীনবা কেম্পেন অসি মখা চত্থখিগনি হায়না থাজবা পীখি।

থৌরম অসিদা উত্তর প্রদেশকী রাজ্যপাল, শ্রীমতি অনন্দিবেন পতেল, উত্তর প্রদেশকী মুখ্য মন্ত্রী, শ্রী য়োগী অদিত্যানাথ, উত্তর প্রদেশকী উপ মুখ্য মন্ত্রী, শ্রী ব্রজেশ পথক অমসুং রোদ ত্রান্সপোর্ত অমসুং হায়ৱেজকী কেন্দ্রগী রাজ্য মন্ত্রী, জেনরেল (রিতায়র্দ) ভি কে সিংহনা থৌরম অসিদা শরুক য়াখি।

 

বেকগ্রাউন্দ

লৈবা কিমি 173 শাংবা দবল লাইন ইলেক্ত্রিফাইদ সেক্সন অসিবু স্তেসন অনিগী মরক্তা গুদ ত্রেনশিং ভিদিও কনফরেন্সিংগী খুত্থাংদা লম্থাদুনা লৈবাক মীয়ামদা খুৎশিন্নখ্রে। মসিগী অনৌবা DFC সেক্সন অসি য়াম্না মরু ওইবনি, মসিনা নোংপোকথংবা অমসুং নোংচুপথংবা DFCগী মরক্তা মরু ওইবা কন্নেক্তিবিতী পীরিবনি। মখা তারকপদা, মসিগী সেক্সন অসিবু মসিদা পাংথোক্লিবা ইঞ্জিনিয়রিংগী মশক থোকপা থবকশিং অসিগীদমক্তসু মমিং চৎলিবনি। মসিদা হাই রাইস ইলেক্ত্রিফিকেসন তৌবা কিলোমীতর অমা শাংবা দবল লাইন রেল তন্নেল য়াওরি। মসিদি মালেমদা অমখক্তং লৈবা থৌওংনি। তন্নেল অসি দবল স্তেক কন্তেনর ত্রেন শেন্নবা ঙম্নবা দিজাইন তৌখিবনি। মসিগী অনৌবা DFC সেক্সন অসিনা গুদ ত্রেনশিংবু DFC ত্রেক্তা হোংজিনহনখিবদগী পেসেঞ্জর ত্রেন চেনবদা য়াম্না হেন্না নুংঙাইহল্লগনি।

প্রধান মন্ত্রীনা লৈবাক মীয়ামগী মফমদা মথুরা-পলৱল সেক্সন অমসুং চিপিয়ানা বুজুর্গ-দাদ্রি সেক্সন শম্নহনবা মরিশুবা লাইন অমসু খুৎশিন্নখ্রে। মসিগী অনৌবা লাইনশিং অসিনা লৈবাক্কী কোনুংদগী খা-নোংচুপ অমসুং নোংপোকথংবা ভারত ফাওবগী রেল কন্নেক্তিবিতী হেন্না ফগৎহনগনি।

প্রধান মন্ত্রীনা লৈবাক মীয়ামদা রোদ দিভেলপমেন্ত প্রোজেক্ত কয়া অমসু খুৎশিন্নখ্রে। প্রোজেক্তশিং অসিদা অলিগরদগী ভদৱা ফাওবগী লেন মরি ওন্থোকপা পেকেজ-1 (NH34গী অলিগর-কানপুর সেক্সনগী শরুক অমা); শাম্লি (NH-709A) ফাওদুনা চৎপা মীরত্তগী কর্নাল ফাওবগী লম্বী পাকথোকহনবা; NH-709 AD পেকেজ-IIগী শাম্লি-মুজাফর্নগর সেক্সনবু লেন মরি ওন্থোকপগী থবক য়াওরি। মসিগী রোদ প্রোজেক্তশিং অসি পুন্না লুপা করোর 5000 হেন্না চঙদুনা পায়খৎপনি অমসুং মসিনা লমদমসিগী কন্নেক্তিবিতী ফগৎহনবগা লোয়ননা শেন্মিৎলোনগী থবক থৌরমশিংবুসু চাউখৎহনগনি।

প্রধান মন্ত্রীনা থৌরম অসিগী মনুংদা ইন্দিয়ন ওইলগী তুন্দলা-গৱারিয়া পাইপ্লাইন শঙ্গাখ্রে। লুপা করোর 700 চঙনা শাখিবা কিলোমীতর 255 শাংবা পাইপ্লাইন প্রোজেক্ত অসি পানরম্বা মতমদগী য়াম্না মাংজৌননা লোইশিনখিবনি। প্রোজেক্ত অসিনা মথুরা অমসুং তুন্দলাগী মরক্তা তুন্দলাদগী বারাউনী-কানপুর পাইপ্লাইনগী গৱারিয়া T পোইন্ত ফাওবদা পেত্রোলিয়মগী পোত্থোকশিংবু পম্পিং ফেসিলিতীগা লোয়ননা পুথোক পুশিন তৌবদা মশক থোক্না তেংবাংগনি। মসিনা তুন্দলা, লক্ষনৌ অমসুং কানপুরগী দেলিভরী ফেসিলিতীশিংদসু তেংবাংগনি।

প্রধান মন্ত্রীনা লৈবাক মীয়ামদা ‘ইন্তিগ্রেতেদ ইন্দস্ত্রীএল তাউনশিপ এত গ্রেতর নোইদা’ (IITGN) অমসু খুৎশিন্নখ্রে। প্রোজেক্ত অসি পি.এম.-গতিশক্তিগী মখাদা লৈবা কন্নেক্তিবিতী প্রোজেক্তশিংবু ইন্তিগ্রেতেদ ওইনা প্লান তৌবা অমসুং থবক পায়খৎপা হায়বা প্রধান মন্ত্রীগী পান্দমগা মরী লৈননা পায়খৎপনি। লুপা করোর 1714 চঙনা শাবা প্রোজেক্ত অসি একর 747 হেন্না শন্দোক্না লৈবনি অমসুং মসিদি ইস্তর্ন পেরিফরেল এক্সপ্রেসৱেনা খা লৈদুনা অমসুং দিল্লী-হৌরা ব্রোদ গেজ রেলৱে লাইন্না নোংপোক্তা লৈদুনা, ইস্তর্ন অমসুং ৱেস্তর্ন দেদিকেতেদ ফ্রৈত কোরিদোরগী ইন্তর্সেক্সন মনাক্তা লৈবনি। IITGNগী স্ত্রেতজিক ওইবা লৈফম অসিনা অয়েৎপা লৈতবা কন্নেক্তিবিতী পীগনি, মলতিমোদেল কন্নেক্তিবিতীগী অতোপ্পা ইনফ্রাস্ত্রকচর কয়াসু প্রোজেক্ত অসিগা নক্ননা লৈরি। মখোয়শিং অদুদি – নোইদা – গ্রেতর নোইদা এক্সপ্রেসৱে (5 km), য়মুনা এক্সপ্রেসৱে (10 km), দিল্লী এয়রপোর্ত (60 km), জেৱর এয়রপোর্ত (40 km), অজেবপুর রেলৱে স্তেসন (0.5 km) অমসুং ন্যু দাদ্রি DFCC স্তেসন (10 km) অসিনি। প্রোজেক্ত অসিনা লমদম অসিগী ইন্দস্ত্রীএল গ্রোথ হেনগৎহনবা, শেন্মিৎলোন্না য়াইফবা অমসুং সস্তেনেবল ওইনা চাউখৎপদা মশক থোক্না মতেং পাংগনি।

প্রধান মন্ত্রীনা থৌরম মনুংদা লুপা করোর 460 চঙনা শাখিবা সিৱেজ ত্রিতমেন্ত প্লান্ত (STP) য়াওনা নৌনা শেমদোক্লবা মথুরা সিৱরেজ স্কিম শঙ্গাখ্রে। থবকশিং অসিদা মসানীদা MLD STP 30 শাবা, ত্রান্স য়মুনাদা লৈবা MLD 30 অমসুং মসানীদা লৈবা 6.8 MLD STPবু রিহেবিলিতেত তৌবা অমসুং MLD TTRO (তর্সিএরী ত্রিতমেন্ত এন্ড রিভর্স ওস্মোসিস প্লান্ত) প্লান্ত 20 শাবা য়াওরি। প্রধান মন্ত্রীনা মোরাদাবাদ (রামগঙ্গা) সিৱরেজ সীস্তেম অমসুং STP ৱর্ক (ফেজ-I) অসিবুসু শঙ্গাগনি। লুপা করোর 330 চঙনা শাখিবা প্রোজেক্ত অসিদা MLD STP 58, কিমি 264মুক শাংবা সিৱরেজ নেতৱর্ক অমসুং মোরাদাবাদকী রামগঙ্গা তুরলদা হেন্না মোৎশিলহনবা থিংনবা সিৱেজ পম্পিং স্তেসন মাপন শাবগী থৌরাং য়াওরি।

 

ৱা ঙাংখিবগী মপুংফাবা ৱারোল পানবা মসিদা নম্বীয়ু

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
India among the few vibrant democracies across world, says White House

Media Coverage

India among the few vibrant democracies across world, says White House
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 18 মে, 2024
May 18, 2024

India’s Holistic Growth under the leadership of PM Modi