ভারত ইমানা য়াইফরে!
ভারত ইমানা য়াইফরে!
উত্তর প্রদেশকী রাজ্যপাল আনন্দীবেন পতেল, মফমসিগী মীয়াম্না পাম্নবা মুখ্য মন্ত্রী, শ্রীমান য়োগী অদিত্যনাথজী, উপ-মুখ্য মন্ত্রী, বৃজেশ পাথকজী, কেন্দ্র মন্ত্রী, শ্রী বি.কে. সিংহজী, উত্তর প্রদেশ ভারতিয় জনতা পার্তীগী প্রসিদেন্ত, শ্রীমান ভুপেন্দ্র চৌধুরীজী, অতোপ্পা মন্ত্রীশিং অমসুং বুলন্দশহরগী নুংশিরবা ইচিল ইনাওশিং!
অদোমগী মসিগুম্বা নুংশিবা অমসুং থাজবসিদগী হেন্না লাইবক ফবা পুন্সিদা করি লৈরিবগে। ঐহাক্না অদোমগী মীনুংশি অসিবু থাগৎচরি। অদোম্না মশিং য়াম্না লাক্তুনা ঐখোয়বু থৌজানবীরিবা অসিগীদমক্তা ঐহাক্না পুম্নমকপু থাগৎচরি।
জনুৱারী 22দা ভগৱান শ্রী রামগী দর্শন তৌবা ফংজবা অসি ঐহাক্কী লাইবক ফবনি অমসুং ঙসিগী থৌরমদা উত্তর প্রদেশকী মীয়ামনা শরুক য়াবীবগীদমক থাগৎচরি। বুলন্দশাহর অমসুং অপুনবা নোংচুপ থংবা উত্তর প্রদেশকী মীয়ামবু রেলৱেজ, হায়ৱেজ, পেত্রোলিয়ম, পাইপলাইন, ৱাতর, সিৱেজ, মেদিকেল কোলেজ অমসুং ইন্দস্ত্রিএল তাউনশিপকী সেক্তরশিংদা লুপা করোর 19,000 হেনবগী ঙসিগী চাউখৎ-থৌরাংগী প্রোজেক্তশিং অসিগীদমক লমদমসিগী মীয়াম্বু থাগৎচরি।
রিজন অসিনা রাম কাজ অমসুং রাস্ত্র কাজ (রামগী থবক অমসুং জাতিগী থবক) অনিমক্তা মহাক্কী পুন্সি কত্থোকখিবা কল্যান সিংহগুম্বা মপারী অমা পীবিখি। লৈবাক অসিনা শ্রী কল্যান সিংহ অমসুং অয়োধ্যা ধামদা মহাকগুম্বা মীওইশিংগী মঙলান থুংহনখিবদা ঐহাক্না নুংঙাইবা ফাওই। ঐখোয়না শক্তি লৈবা লৈবাক অমসুং তশেংবা সোসিএল জস্তিস অমগী মহাক্কী মঙলান থুংহনবদা হেন্না ইনোৎ হাপলগনি।
অয়োধ্যাদা প্রান প্রতিস্থা থৌরম লোইশিনখিবগা লোয়ননা ঐখোয়না ‘রাস্ত্র প্রতিস্থা’ অসিবু মরু ওইনা লৌগদবনি অমসুং মসিবু অনৌবা পনখৈশিং তম্না পুখৎকদবনি। ঐখোয়না দেবতগী দেশ অমসুং রামদগী রাস্ত্রগী লম্বেলদা শাহৌ পীগদবনি। সরকারগী ফিরেপ অসি ভারতপু 2047 ফাওবদা ভিকসিৎ ভারত অমা ওইহনবনি। অচৌবা পান্দমশিং থুংহনবগী মতাংদা ওইরবদি, সবকা প্রয়াসকী ৱাখল্লোনগা লোয়ননা মথৌ তাবা রিসোর্স পুম্নমক খোমজিন্নবা হোৎনসি। উত্তর প্রদেশ খোঙজেল য়াংনা চাউখৎহনবা অসি ভিকসিৎ ভারত শেমগৎপদা মরু ওই অমসুং এগ্রিকলচর, সাইন্স, এজুকেসন, ইন্দস্ত্রী অমসুং এন্তর্প্রাইজকী সেক্তরশিংদা শাহৌ পীবা মথৌ তাই। ঙসিগী থৌরম অসি মাইকৈ অসিদা অচৌবা খোঙথাং অমনি।
নীংতম্বা ফংলবা মতুংগী ভারত্তা চাউখৎ থৌরাং পুরকপদা লৈরিবা রিজনেল ইমবেলেন্সকী মতাংগী ওইনদি, মীশিং খ্বাইদগী য়াম্বা রাজ্য, উত্তর প্রদেশ অসি নাথৈবীদুনা লাক্লি। ঐহাক্না মমাংগী ‘লৈঙাকপগী’ ৱাখল্লোন অদু য়ানীংদে অমসুং মমাংদা শক্তিগীদমক খুন্নাইবু তোখাই তোখাই তাহনলমখিবা অসিনা রাজ্য অমসুং লৈবাক অসিদা চাউনা অমাংবা লাকহল্লি। করিগুম্বা লৈবাক্কী খ্বাইদগী চাউবা রাজ্যনা শোনবা তারবদি লৈবাক অসি করম্না শক্তি লৈবা ওইবা ঙমগনি?”
2017দা উত্তর প্রদেশতা দবল-ইঞ্জিন সরকার শেমখিব, মদুদগী রাজ্য অসিনা অরিবা শীংনবশিং থেংননবা অনৌবা লম্বীশিং ফংখি অমসুং শেন্মীৎলোন চাউখৎহনবদা শাহৌ পীখি অমসুং ঙসিগী থৌরম অসিনা সরকারগী ফিরেপকী খুদম ওইরি। নোংচুপ থংবা উত্তর প্রদেশতা হন্দক্তা পাইখৎখিবা চাউখৎ থৌরাংশিংগী খুদম ওইনা ভারত্তা দিফেন্স কোরিদোর অনিগী মনুংদা অমা শেমগৎপা অমসুং অনৌবা নেস্নেল হায়ৱেজ কয়ামরুম শেমখ্রে। সরকার অসিনা মোদর্ন এক্সপ্রেসৱেজশিংগী খুত্থাংদা UPগী শরুক পুম্নমক্তা কন্নেক্তিবিতী শাহৌ পীরি, অহানবা নমো ভারত ত্রেন প্রোজেক্ত হৌখি, সহর কয়ামরুমদা মেত্রো কন্নেক্তিবিতী পাইখৎখি অমসুং রাজ্য অসিনা ইস্তর্ন অমসুং ৱেস্তর্ন দেদিকেতেদ ফ্রৈত কোরিদোরশিংগী হব অমা ওইরক্লি। চাউখৎ থৌরাংগী প্রোজেক্তশিং অসিনা লাক্কদৌরিবা চহিচাশিংদা কান্নবা অদুমক পীরগনি। রিজন অসিনা জেৱর এয়রপোর্ত লোইশিনবগা লোয়ননা অনৌবা শক্তি অমসুং ফ্লাইৎ অমা লৈরগনি।
ঙসি সরকারগী খোঙথাংশিংনা নোংচুপ থংবা উত্তর প্রদেশনা লৈবাক অসিদা থবক খ্বাইদগী পীরিবা রিজনশিংগী মনুংদা অমা ওইরক্লি। সরকার অসিনা মালেমগী থাক্কী ইন্দস্ত্রিএল স্মার্ত সিতী 4 শেমগৎলি। সহরশিং অসিগী মনুংদা নোংচুপ থংবা উত্তর প্রদেশকী গ্রেতর নোইদা অমা য়াওরি। ঐহাক্না ঙসি মরু ওইবা তাউনশিপ অসি শঙ্গাখি। মসিনা রিজন অসিগী ইন্দস্ত্রী, অমসুং স্মোল এন্দ কোতেজ বিজিনেসশিংদা কান্নবা পীরগনি। তাউনশিপ অসিনা এগ্রো-বেজ ইন্দস্ত্রীগীদমক অনৌবা এভেন্যুশিং পীরগনি অমসুং লমদম অসিগী লৌমী অমসুং শিন্মীশিংদা চাউনা কান্নবা পীরগনি।
মমাংদা লৌউশিংউদা কন্নেক্তিবিতীগী অৱাৎপা লৈরম্বদগী অচৌবা অয়েৎপা কয়া লৈরম্মি। অনৌবা এয়রপোর্ত অমসুং অনৌবা দেদিকেতেদ ফ্রৈত কোরিদোরদা মসিগী সোল্যুসন উবা ফংখি। চুগী মমলশিং হেনগৎহনবা অমসুং মন্দীদা পোৎ য়োনবগা লৌমীশিংগী একাউন্তশিংদা শেল হকথেংননা থুনমক চংহনবগীদমক দবল ইঞ্জিন সরকারবু ঐহাক্না থাগৎচরি। মতৌ অসুম্না ইথানোলদা মীৎয়েং চংবনা চু থারিবা লৌমীশিংদা শাহৌ অমা পীরি।
লৌমীশিংগী য়াইফনবা তৌবা হায়বনা সরকারগী খ্বাইদগী মরু ওইবা ওইরি। সরকার অসিনা লৌমীশিংগীদমক চুঙ্গোই অমা শেম্নবা হোৎনরি অমসুং ভারতকী লৌমীশিংগীদমক অহোংবা মমলদা হারশিং ফংহন্নবা লুপা করোর কয়া চাদিং তৌরি। ভারতকী মপালদা য়ুরিয়া বেগ অমদা লুপা 3,000 পীরিবা অদু ভারত্তা লুপা 300দগী তানা ফংহল্লি। হার ভোরা অমগা অপীকপা বোত্তল অমগা মান্নরিবা নেনো য়ুরিয়া পুথোকপা ঙম্লে। মসিনা কঞ্জুম্পসন হন্থহল্লি অমসুং শেল তুংশিনবা ঙমহল্লি। সরকারনা পি.এম. কিসান সম্মান নিধি স্কিমগী মখাদা লৌমীশিংগী বেঙ্ক একাউন্তশিংদা লুপা করোর লাখ 2.75 ত্রান্সফর তৌখি।
মসিদা নত্তনা, লৌমীশিংনা লৌউ-শিংউ অমসুং এগ্রো-ইকনোমীদা শরুক কয়া অমা তম্লি। ঐখোয়না হৌজিক কোওপরেতিবশিংগী মশিং লেপ্পা লৈতনা হেনগৎহল্লি। অদুগা PACশিং, কোওপরেতিব সোসাইতীশিং অমসুং FPOশিং অসিদি অপীকপা লৌমীশিংবু মপাঙ্গল কনখৎহন্নবা খোঙথাংশিংনি। কোওপরেতিব বোদীশিং অসি সেল পর্চেস, লোনশিং, ফুদ প্রোসেসিং নত্ত্রগা এক্সপোর্তশিংগীদমক প্রমোৎ তৌরি। মালেমগী খ্বাইদগী চাউবা স্তোরেজকা মরী লৈনবা স্কিম অমসু ঐখোয়না হৌদোক্লে। মসিগী মখাদা লৈবাক শিনবা থুংবদা কোল্দ স্তোরেজকী নেৎৱার্ক অমা শেমগৎলি।
সরকারনা লৌউ-শিংউগী সেক্তর অসি মতমগা চুনবা ওইহন্নবা অহেনবা মিৎয়েং চঙলি। নারী শক্তিনা মসিগী খ্বাইদগী চাউবা মেদিয়ম ওইরগনি। নমো দ্রোন দিদি স্কিম অসিগী মখাদা নুপী সেল্ফ হেল্প গ্রুপশিং অসি দ্রোন পাইলোৎশিং ওইনবা ত্রেন তৌরি। ‘নমো দ্রোন দিদিনা তুংলমচৎতা খুঙ্গংগী শেন্মীৎলোন অমসুং লৌউ-শিংউগীদমক অচৌবা শক্তি অমা ওইরগনি।
অপীকপা লৌমীশিং অমসুং নুপীশিং শক্তি পীনবা হৌখিবা চহি 10 অসিদা পাইখৎখিবা মীয়ামগী য়াইফ থৌরাংগী স্কিমশিংগী ওইনা, পক্কা য়ুম, তোইলেৎ করোর কয়া শাখি, তোতি ঈশিংগী কন্নেক্সনশিং পীখি, লৌমী অমসুং শিন্মীশিংগীদমক পেন্সনগী খুদোংচাবশিং পীখি, ক্রোপ ফেলিয়রদা থোকপদা লৌমীশিংদা লুপা করোর লাখ 1.5 হেন্না পীখি, পি.এম. ক্রোপ ইন্সুরেন্স স্কিম, লেম্না রাসন পীবগী স্কিম অমসুং আয়ুশ্মান ভারত স্কিম কয়া হৌদোকখি। বেনিফিসরী অমত্তা সরকারগী স্কিমগী খুদোংচাবা ফংদবা তৌহনদবা অসি সরকারগী পান্দমনি অমসুং মসিগীদমক মোদীগী গরেন্তীগী গারীনা খুঙ্গং খুদিংমক য়ৌশিল্লি অমসুং উত্তর প্রদেশতা মীওই লাখ কয়ানা এনরোল তৌরি।
প্রজা খুদিংমক্না সরকারগী স্কিমশিংগী কান্নবা ফংহনবা হায়বা অসি মোদীগী গরেন্তীনি। ঙসি লৈবাক অসিনা মোদীগী গরেন্তীবু গরেন্তী অমা হেক্তা থুংহন্নবা গরেন্তী ওইনা লৌরি। ঙসি সরকারগী স্কিমগী কান্নবশিংনা বেনিফিসরী খুদিংমক্তা য়ৌহন্নবা খোঙথাং খুদিংমক পাইখৎলি। মরম অসিনা মোদীনা সেচুরেসন ফংনবা গরেন্তী পীরি। মোদীনা বেনিফিসরী চাদা 100 য়ৌশিন্নবা হোৎনরি। মসিনা খেন্নবা লৈবা নত্ত্রগা শেঞ্জা-থুমজাগী ওইথোকপা য়াবা খুদিংমক লৌথোক্লি। মসি তশেংবা সেক্যুলরিজম অমসুং সোসিএল জস্তিসনি। খুন্নাই খুদিংমক্তা লৌমীশিং, নুপীশিং, নহারোলশিং অমসুং লায়রবশিংগী মঙলান অসি চপ মান্নৈ। সরকারগী পুকচেল শেংব খোঙথাংশিংনা মরম ওইরগা মীওই করোর 25না হৌখিবা চহি 10 অসিদা লায়রবদগী থোরকপা ঙমখি।
ঐগীদমক নখোয় অসি ঐগী ইমুং মনুংনি। নখোয়গী মঙলান অদু ঐগী ফিরেপনি। মোদীগীদমক লন অসি লৈবাক্কী মীচম মীয়ামদা শক্তি পীরবা মতমদা লেংদনা লৈগনি। মীপুম খুদিংমক, খুঙ্গংশিং, লায়রবা, নহা, নুপী নত্ত্রগা লৌমীশিং ওইরবদু শক্তি পীনবা কেম্পেন অসি মখা চত্থখিগনি।
মোদীনা বুলন্দশহরদা য়াম্না চাউনা ভোত খোমগনি হায়না মীদিয়াগী মীওই খরনা হায়বা ঐহাক তারে। মোদীদি চাউখৎ থৌরাংগীদমক্তা খোলাও লাওবনি। মোদীদি খ্বাইদগী অকোনবা মীওইদা কান্নবা য়ৌহন্নবা খোল্লাও লাওবনি। মোদীনা ঙসি ফাওবদা ভোত খোম্বগী মথৌ তাদনা লাক্লি। ঐহাক্তি মীয়াম্না থাজবা অসিনা হেন্না পেঞ্জরে। মীয়াম্না থাজবা থম্বনিনা মোদীনা ভোত খোম্বগী মথৌ তাদ্রিবনি। ঐহাক্তি মীয়ামগীদমক্তা লাকপনি, মীয়ামগী সেবা তৌগনি।
অদুনা, অদোমসু ঐহাক্কা লোয়ননা হৌনা অমুক্তা লাওমিন্নসি।
ভারত ইমানা য়াইফরে।
ভারত ইমানা য়াইফরে।
ভারত ইমানা য়াইফরে।
ভারত ইমানা য়াইফরে।
