প্রধান মন্ত্রী, শ্রী নরেন্দ্র মোদীনা ঙসি দাহোদতা অদিজাতি মহা সম্মেলন্দা শরুক য়াখি, মসিদা মহাক্না লুপা করোর ২২০০০রোমগী প্রোজেক্ত কয়ামরুম শঙ্গাখি অমসুং উরেপ-উয়ুং তমখি। প্রধান মন্ত্রীনা লুপা করোর ১৪০০ রোম ওইবা প্রোজেক্তশিং শঙ্গাখি। মহাক্না লুপা করোর ৮৪০ চংনা নর্মদা তুরেল খোঙনুংদা শাখিবা দাহোদ দিস্ত্রিক্ত সাউথদর্ন এরিয়া রিজনেল ৱাতর সপ্লাই স্কিম শঙ্গাখি। মসিনা দাহোদ জিলা অমসুং দেবগর বারিয়া শহরদা লৈবা খুঙ্গং ২৮০রোমদা মথৌ তাবা ঈশিংগী সপ্লাই তৌরগনি। প্রধান মন্ত্রীনা লুপা করোর ৩৩৫রোমগী দাহোদ স্মার্ত সিতীগী প্রোজেক্ত মঙা শঙ্গাখি। প্রোজেক্তশিং আসিদা ইন্তিগ্রেতেদ কম্মান্দ এন্দ কন্ত্রোল সেন্তর (আই.সি.সি.সি.) বিল্দিং, স্তোর্ম ৱাতর দ্রেনেজ সিস্তেম, সিৱেরেজকী থবকশিং, সোলিদ ৱেস্ত মেনেজমেন্ত সিস্তেম অমসুং রেন ৱাতর হর্বেস্তিং সিস্তেম য়াওরি। প্রধান মন্ত্রী আৱাজ য়োজনাগী মখাদা লুপা করোর ১২০গী কান্নবশিং পঞ্চমহাল অমসুং দাহোদ জিলাশিংগী ত্রাইবেল ১০,০০০দা ফংহনখি। প্রধান মন্ত্রীনা কে.ভি. ৬৬গী ঘোরিয়া সবস্তেসন, পঞ্চায়ৎ হাউসশিং, অঙ্গনৱাদীশিংসু শঙ্গাখি।
প্রধান মন্ত্রীনা দাহোদতা লৈবা প্রদক্সন য়ুনিৎতা ঐচ.পি. ৯০০০গী ইলেক্ত্রিক লোকোমোতিব শানবা উরেপ-উয়ুং তমখি। প্রোজেক্ত অসিগী অচংমল লুপা করোর ২০,০০০নি। স্তীম লোকোমোতিবশিং পেরিওদিক ওইনা শেমজিন্নবা ইং কুমজা ১৯২৬তা লিংখৎখিবা দাহোদ ৱর্কশোপ অসি ইনফ্রাস্ত্রকচর ফগৎহনবগা লোয়ননা ইলেক্ত্রিক লোকোমোতিব শানবা য়ুনিৎ অমা ওইনা অপগ্রেদ তৌরগনি। মসিনা মীওই ১০,০০০ হেনবদা দাইরেক্ত অমসুং ইনদাইরেক্ত এমপ্লোইমেন্ত পীরগনি। প্রধান মন্ত্রীনা রাজ্য সরকারগী লুপা করোর ৫৫০গী তোঙান-তোঙানবা প্রোজেক্তশিংগী উরেপ-উয়ুংসু তমখি। মসিদা ৱাতর সপ্লাইগা মরী লৈনবা লুপা করোর ৩০০গী প্রোজেক্তশিং, দাহোস স্মার্ত সিতীগী লুপা করোর ১৭৫গী প্রোজেক্তশিং, দধিমতি রিভর প্রোজেক্তকা মরী লৈনবা থবকশিং, ঘোরিয়াদা জি.ই.তি.সি.ও. সবস্তেসন য়াওখি। কেন্দ্রগী মন্ত্রী শ্রী অশ্বিনি ভৈশ্নব, শ্রীমতি দরশাবা জর্দোশ, গুজরাতকী মুখ্য মন্ত্রী শ্রী বুপেন্দ্র ভাউ পতেল অমসুং গুজরাত সরকারগী মন্ত্রী কয়ানা থৌরম অসিদা শরুক য়াখি।
থৌরম অসিদা ৱা ঙাংলদুনা, প্রধান মন্ত্রী, শ্রী নরেন্দ্র মোদীনা লোকেল ত্রাইবেলগী ফুরুপকা লোয়ননা মতম শাংনা লৈরক্লবা মরী অসি নীংশিংখি অমসুং জাতি অসিগী শেবা তৌনবা মহাক্না ফংখিবা ইথিল অদুগী মনা মখোয়গী থৌজালশিংদা মনা পীখি। মহাক্না কেন্দ্র অমসুং রাজ্যদা লৈরিবা দবল ইঞ্জিন সরকারনা ত্রাইবেলগী ফুরুপশিং অমসুং অখন্ননা নুপীশিংগী সমস্যা পুম্নমক কোকহনবা ঙম্লিবা ফীভম অসিগী মনা মখোয়গী সপ্পোর্ত অমসুং থৌজালদা মনা পীখি। ঙসি শঙ্গাখিবা প্রোজেক্তশিং অদুগী মরক্তা অমদি থক্নবা ঈশিংগা মরী লৈনবা স্কিমনি অমসুং অতোপ্পা অদুনা দাহোদপু স্মার্ত সিতী ওলহন্নবগা মরী লৈনবা প্রোজেক্ত অমনি, হায়না মহাক্না ফোঙদোকখি। মসিনা লমদম অসিগী ইমাশিং অমসুং ইচানুপীশিংগী পুন্সিদা অৱাবা কোকহল্লগনি। মহাক্না দাহোদকী প্রদক্সন য়ুনিৎতা শাগদৌরিবা লুপা করোর লিশিং ২০ রোমগী ঐচ.পি. ৯০০০গী ইকেক্ত্রিক লোকোমোতিবশিং অসিনা মেক ইন ইন্দিয়া কেম্পেন্দা শরুক তম্লগনি হায়না ফোঙদোকখি। মতম শাংলবগী মমাংদা সর্ভেন্ত ক্বাতরশিংদা চৎলম্বা মতমদা মহাক্না দাহোদকী রেলৱেগী মফম অদু করম্না শোত্থনা লৈরম্বগে হায়বা অদু নীংশিংখি। মহাক্না মফম অদুদা শেমখিবা রেলৱে অদু হিংগৎহন্নবা ৱাশকখি অমসুং মহাক্না মঙলান অসি মঙ ফাওনবা মতমদা নুংঙাইবা ফোঙদোকখি। মহাক্না মসিগী অচৌবা ইনভেস্তমেন্ত অসিনা মফম অসিগী নহাশিংদা অনৌবা খুদোংচাবশিং পীরগনি হায়খি। রেলৱে অসি হীরম খুদিংমক্তা অপগ্রেদ তৌরি অমসুং অসিগুম্বা এদভান্স লোকোমোতিব অসি ভারতকী তৌবা ঙম্বগী মশক তাক্লি হায়না মহাক্না ফোঙদোকখি। “ইলেক্ত্রিক লোকোমোতিবকী দিমান্দ অসি মপাল লৈবাকশিংদসু হেনগৎলক্লি। মসিগী দিমান্দ অসি থুংহনবদা দাহোদনা অচৌবা থৌদাং লৌরগনি। ভারত অসি মালেমগী ওইনা হোর্স পাৱর লিশিং ৯গী শক্তি লৈরবা লোকো শারিবা লৈবাক খরগী মনুংদা হৌজিক অমা ওইবা ঙম্লে” হায়না মহাক্না মখা তাখি।
গুজরাতি লোলদা ঙাংলদুনা প্রধান মন্ত্রীনা চাউখৎ-থৌরাংগী খোঙচৎতা ঐখোয়গী ইমা অমসুং ইচানুপীশিংবু নাথৈদুনা থমদনবা ঐখোয়না হোৎনগদবনি হায়খি। মরম অসিদা সরকারগী স্কিম পুম্নমক্না নুপীশিংগী পুন্সি লাইথোকহল্লি অমসুং শক্তি পীরি হায়না হাবখি। মহাক্না ঈশিং তাংবনা অহানবদা নুপীদা অৱাবা চৈথেং পী মরম অসিনা সরকারনা য়ুমথোং খুদিংদা তোতি ঈশিং পীনবা হোৎনখি। হৌখিবা চহি খরা অসিদা য়ুমথোং করোর ৬না তোতি ঈশিংগী খুদোংচাবা ফংখ্রে। গুজরাত্তা ত্রাইবেলগী ইমুং লাখ ৫না তোতি ঈশিংগী খুদোংচাবা ফংলে। কেম্পেন অসি লাক্কদৌরিবা মতমশিংদা খোঙজেল য়াংখৎহল্লগনি। লাইচৎ অমদি লানগী অৱাবা মতমদা সরকারনা এস.তি., এস.সি., ও.বি.সি.শিং অমসুং মাইগ্রেন্ত শিন্মীশিং অসিগুম্বা শোত্থরবা ফরুপশিংগী য়াইফনাবা থবক পাইখৎখি। লায়রবা ইমুং অমত্তনা চারা হেল্লগা তুমদনবা অমসুং হৌখিবা চহি অনি হেনবা অসিদা মীওই করোর ৮০ হেনবদা লেম্না রাসন পীখি। ত্রাইবেলগী য়ুমথোং খুদিংমক্তা তোইলেৎ, গ্যাস কন্নেক্সন, ইলেক্ত্রিসিতী, ৱাতর কন্নেক্সন য়াওবা পক্কাগী য়ুম ফংহন্নবা মহাক্না ৱাশকখিবা অদু মহাক্না নৌহৌনা নীংশিংখ্রে। মসি ফংনবগীদমক কেন্দ্র অমসুং রাজ্য সরকারশিংনা চোকথবা লৈতনা হোৎনরি। মহাক্না নেচরেল ফার্মিং অসিগুম্বা জাতিগী শেবাগী ওইবা প্রোজেক্তশিংদা বেনিফিসরীশিংনা চংশিনবা অসি উবদা য়াম্না নুংঙাইবা ফোঙদোকখি। সরকারনা সিক্কল সেল দিজিসকী সমস্যাসু কোকহনখি।
অজাদী কা অমৃত মহোতসবকী কন্তেক্সতা তশেংবা নীংতম লান্মী কয়ামরুম ঐখোয়না মশক খংবিদ্রী হায়না প্রধান মন্ত্রীনা ফোঙদোকখ্রে। মহাক্না বগৱান বির্সা মুন্দাগুম্বা ইকাই খুম্ননীংঙাই ওইরবা মীশক অসিবু মশক খংবীবা উৎখিবগী মতাংদা ফোঙদোকখি। মহাক্না মহাক্না মফম অদুগী ওজাশিংদা জালিয়ানৱালা বাগকী মীহাৎকুম্না দাহোদতা চত্থখিবা মীহাৎ অদুগী থৌদোকশিং অদুগী মতাংদা হৌরক্লিবা মীরোলশিংনা খংনবা তম্বীনবা ফোঙদোকখি। মতম অমদা মফম অসিদা সাইন্স স্কুল অমা ফাওবা লৈরমদবা অদুগা চাংদম্নবদা মফম অসিদা হৌজিক খুমাং চাউশিল্লিবা অসিগী মতাংদসু মহাক্না ফোঙদোকখি। হৌজিক্তি মেদিকেল অমসুং নর্সিং কোলেজশিং মফম অসিদা লাক্লগনি, নহারোলশিংনা মপান লমদমদা মহৈ তম্বা চৎলগনি অমসুং একলাভ্য মোদেল স্কুলশিংসু লিংখৎলি। ত্রাইবেল রিসর্স ইন্সতিত্যুতশিংগী মশিং অসিসু অঙকপা ফংনা হেনগৎলে। মহাক্না ইমুং ১০৮কী মনুংদা লিন্না চিকপগী ইনজেক্সনশিং করম্না কাপখিবগে হায়বগী মতাংদা ফোঙদোকখি।
ৱারোইশিন ওইনা জিলা অসিদা অজাদী কা অমৃত মহোতসবনা লাকপদা ৭৫ সরোবা শানবা মহাক্কী ফোঙদোকখিবা অদু অমুক হন্না নিংশিংখি।
आज दाहोद और पंचमहाल के विकास से जुड़ी 22 हज़ार करोड़ रुपए से अधिक की परियोजनाओं का लोकार्पण और शिलान्यास किया गया है।
— PMO India (@PMOIndia) April 20, 2022
जिन परियोजनाओं का आज उद्घाटन हुआ है, उनमें एक पेयजल से जुड़ी योजना है और दूसरी दाहोद को स्मार्ट सिटी बनाने से जुड़ा प्रोजेक्ट है: PM @narendramodi
दाहोद अब मेक इन इंडिया का भी बहुत बड़ा केंद्र बनने जा रहा है।
— PMO India (@PMOIndia) April 20, 2022
गुलामी के कालखंड में यहां स्टीम लोकोमोटिव के लिए जो वर्कशॉप बनी थी, वो अब मेक इन इंडिया को गति देगी।
अब दाहोद में 20 हज़ार करोड़ रुपए का कारखाना लगने वाला है: PM @narendramodi
इलेक्ट्रिक लोकोमोटिव की विदेशों में भी डिमांड बढ़ रही है।
— PMO India (@PMOIndia) April 20, 2022
इस डिमांड को पूरा करने में दाहोद बड़ी भूमिका निभाएगा।
भारत अब दुनिया के उन चुनिंदा देशों में है जो 9 हज़ार हॉर्स पावर के शक्तिशाली लोको बनाता है: PM @narendramodi
