ঙসি অজমরদা মীয়ামগী মীতিন অমদা প্রধান মন্ত্রী শ্রী নরেন্দ্র মোদীনা ৱা ঙাংখ্রে, রাজস্থানগী চাউখৎপগী খোঙচত্ত মরুওইবা খুমাঙচাউশিনবা অমনি হায়না শিংথাখ্রে। সুরসুরাগী তেজাজি ধাম অমসুং হাইফা নিংতম্বদা থৌদাং লৌখিবগীদমক হৌজিক ফাওবদা ইজরেলনা ইকায়খুম্নরিবা মেজর দালপাত সিংহ য়াওনা লমদম অসিগী অথৌবশিংগী পুৱারি অমসুং নাৎতা প্রধান মন্ত্রীনা ইকায়খুম্নবা উৎখি।
রাজস্থানগী দবল-ইঞ্জিন সরকার চহি অনি মপুংফারকপদা অপেনবা ফোঙদোক্লদুনা, প্রধান মন্ত্রীনা হায়খি মদুদি চাউখৎনবগী ৱাশকখিবশিং অদুনা সরকারনা থবক ওইনা পাংথোক্তুনা সরকার অসিনা মীয়ামগী সেবা তৌরি। ঙসি নুমিৎ অসি চাউখৎপগী খোঙজং অসি মখা তানা য়াংখৎনবা নুমিৎ অমনি। ঙসিগী থৌরম অসিদা লম্বীশিং, মৈ, ঈশিং, হকশেল অমসুং লাইরিক-লাইশু য়াওনা তোঙান তোঙানবা হিরমশিংদা লুপা করোর ১৭,০০০ রোমগী প্রোজেকশিং শঙ্গাবা অমসুং উরেপ-উয়ুং তম্বা উরে, মসিনা রাজস্থানগী মীয়াম খুদোংচাবা হেনগৎহনগনি অমসুং নহারোলশিংগী য়াম্লবা থবকশিং পীগনি।
প্রধান মন্ত্রীনা হায়খি মদুদি ঙসি নৌনা থবক খল্লবা নহারোল ২১,০০০ হেনবদা এপোইন্তমেন্ত লেত্তরশিং য়েন্থোক্তুনা রাজ্য অসিগী নহারোলশিংগী অনৌবা যুগ অমা ওইরে। মখা তানা, প্রধান মন্ত্রীনা অজমরদা লৈবাক শীনবা থুংনা চৎথগদবা ঐচ.পি.ভি তিকা থাবগী থবক হৌদোকখি, মসি মমাশিং অমসুং ইচানুপীশিংগী হকশেল ফহন্নবা অমসুং লৈবাক অসিগী নারী শক্তি ফগৎহন্নবা মরুওইবা খোঙথাং অমনি হায়না ফোঙদোকখি। প্রধান মন্ত্রীনা হায়খি মদুদি ইমুং অমদা মমা অমা নারকপদা মতমদা ইমুং অদু অৱাবা ফাওই হায়বা ঐখোয়না খঙলে। করিগুম্বা মমা অমনা হকচাং ফরবদি, ইমুং অদু খুদোংথিবা খুদিংমক মায়োক্নবা ঙম্মী। মসিগী ৱাখল্লোন অসিগা লোয়ননা নুপীশিং মতেং পাংনবা সরকারনা স্কিম কয়া পায়খৎপনি।
প্রধান মন্ত্রীনা হায়খি মদুদি নুপীশিংগী হকশেল ফনা থম্নবা অমসুং ইকায়খুম্নবা ঙাক্নবা মিসনগী মওংদা তোইলেতশিং, সেনিতরি পেদশিং অমসুং উজৱালা গ্যাস স্কিম মাইপাক্না পায়খৎলে। মীরোল্লিঙৈ মনুংদা নুপীশিং মচি ওইবা চীঞ্জাক চানবা সেফ মদরহুত স্কিমনা নুপীশিংগী একাউন্তদা লুপা ৫,০০০ হাপচিল্লে, মীরাইবগী চৎনবী অদু থাদোক্লে।
ইনফ্রাষ্ট্রকচরগী মতাংদা, প্রধান মন্ত্রীনা হায়খি লম্বীশিং, রেল অমসুং এয়রগী অনৌবা মতমগী চৎথোক-চৎশীন্না রাজস্থানগী মরাইবক হোংলে। চৎথোক-চৎশিনগী খুদোংচাবশিং ফগৎলকপদগী অজমর-পুস্কারগুম্বা মফমশিংদা তুরিজমগী খুদোংচাবশিং ফগৎলে, হকথেংননা মফম অদুগী ললোন-ইতিক, খুৎহৈবশিং অমসুং তেক্সি দ্রাইভরশিং শৌগৎলে। দিল্লি-মুম্বাই ইন্দষ্ট্রিয়েল কোরিদোরগী অকোয়বদা শেমগৎলিবা ইনফ্রাষ্ট্রকচর অসিনা রাজস্থান মালেমগী লৈবাকশিংনা শেন থাদনবা “খুদোংচাবশিংগী লমদম” অমা ওন্থোক্লে।
প্রধান মন্ত্রীনা হায়খি মদুদি মালেমদা ভারতকী ফিবম ফগৎলক্লি। মালেমগী খ্বাইদগী চাউবা এ.আই সম্মিৎ দিল্লিদা পাংথোকখ্রে, হন্দক মহাক ইজরেলদা চৎলুরে, মফম অদুদা ভারতকী চাউখৎপা অমসুং থৌনা থাগৎপা ফোঙদোক্নখি। মালেমগী লৈবাক কয়াগী প্রধান মন্ত্রীশিং অমসুং রাষ্ট্রপতিশিং সম্মিৎ অসিদা লাকখি; অচৌবা কম্পেনিশিংগী লুচিংবশিং লাকখি; মীওই খুদিংমক্না পুকচেল তিংনা ভারত থাগৎপা ফোঙদোকখি।
ভারতকী আর্মদ ফোর্সশিং থাগৎলদুনা, প্রধান মন্ত্রীনা হায়খি মদুদি হৌখিবা চহি ১১ দা, ভারত লান্মীনা মাইকৈ খুদিংমক্ত তেরোরিষ্টশিং অমসুং লৈবাক্কী য়েক্নবশিংদা অকনবা শাফু অমা পীখি। মিসন খুদিংমক্ত, মাইকৈ খুদিংমক্ত ঐখোয়গী লান্মী মাইপাকখি। সর্জিকেল ষ্ট্রাইকশিংদগী হৌরগা ওপরেসন সিন্দুর ফাওবদা, মখোয়না মখোয়গী থৌনা উৎখি।
মতম কুইরবা লৌমীশিংগী অৱাবা পল্লদুনা, প্রধান মন্ত্রীনা হায়খি ই.আর.সি.পি প্রোজেক হিঙ্গৎনবা হৌজিক পাল্লিবা সরকারনা থবক পায়খৎলে। পর্বতি-কালিসিন্ধি-চম্বল অমসুং যমুনা-রাজস্থান লিঙ্ক প্রোজেক অমুক শেমদোকপা য়াওনা তুরেলশিং শম্ননবা খোঙজং অসিনা ঝালাৱার, বারান, কোতা অমসুং বুন্দিগী লৌমীশিংদা শিংথাবা য়ানা কান্নবশিং পীগনি।
প্রধান মন্ত্রীনা হায়খি মদুদি নুমিত্তগী শেন তান্নবগী খুদোংচাবা কয়া রাজস্থানগী মরাংকাইনা লৈরি। য়ুম মথক্ত সোলার পেনেলশিং থম্নবা, পি.এম সুর্য়া ঘর ফ্রি ইলেক্ত্রিসিতি স্কিমগী মখাদা, সরকারনা লুপা ৭৮,০০০ গী মতেং পাংলি। রাজস্থান্দা ইমুং লাখ ১.২৫ রোম স্কিম অসি শরুক য়াখিবগা লোয়ননা, ইমুং কয়া মখোয়গী মৈগী বিলশিং জিরো ফাওবদা হন্থরক্লে। বিকসিত ভারত অমগীদমক বিকসিত রাজস্থান তঙাইফদে। রাজ্য অসিগী ইমুং খুদিংমক নুংঙাই য়াইফবা পুন্সি অমা লৈহন্নবা পান্দম থম্লি।
ৱা ঙাংখিবগী মপুংফাবা ৱারোল পানবা মসিদা নম্বীয়ু
अजमेर से HPV vaccination अभियान शुरू हुआ है।
— PMO India (@PMOIndia) February 28, 2026
ये अभियान देश की नारीशक्ति को सशक्त करने की दिशा में अहम कदम है: PM @narendramodi
डबल इंजन सरकार राजस्थान की विरासत और विकास दोनों को साथ लेकर चल रही है: PM @narendramodi in Ajmer
— PMO India (@PMOIndia) February 28, 2026
हमारी सरकार ने नदियों को जोड़ने का जो अभियान शुरु किया है... उसका बहुत अधिक फायदा राजस्थान को मिलना तय है: PM @narendramodi
— PMO India (@PMOIndia) February 28, 2026
राजस्थान में धूप की कोई कमी नहीं। अब यही धूप सामान्य मानवी के घर की बचत और कमाई का साधन बन रही है।
— PMO India (@PMOIndia) February 28, 2026
और इसमें बहुत बड़ी भूमिका है... प्रधानमंत्री सूर्यघर मुफ्त बिजली योजना की।
इस योजना में राजस्थान का भाग्य बदलने की ताकत है: PM @narendramodi
