وزیراعظم جناب نریندر مودی نے آج اجمیر میں ایک عوامی اجتماع سے خطاب کیا، جو راجستھان کی ترقی کے سفر میں ایک اہم سنگ میل تھا۔ وزیراعظم نے اس خطے کی ثقافتی اور بہادری کی وراثت کو خراج تحسین پیش کیا، جس میں سرسرا کے تیجاجی دھام اور میجر دَلبات سنگھ کی بہادری شامل ہے، جن کا حائفہ کو آزاد کرنے میں کردار اسرائیل میں آج بھی عزت سے یاد کیا جاتا ہے۔
وزیراعظم نے اطمینان کا اظہار کیا کہ راجستھان میں "ڈبل انجن حکومت" نے تیز رفتار ترقی کے دو سال مکمل کیے ہیں۔ جناب مودی نے زور دیا کہ"حکومت عوام کی خدمت کے وعدوں کو پورا کر رہی ہے جن کی بنیاد پر یہ اقتدار میں آئی تھی۔ اور آج کا دن اس ترقیاتی مہم کو مزید تیز کرنے کا دن ہے۔" وزیراعظم نے مزید کہا کہ آج کے پروگرام میں تقریباً 17,000 کروڑروپئے مالیت کے مختلف شعبوں میں منصوبوں کا افتتاح کیا گیا اور سنگ بنیاد رکھا گیا، جن میں سڑکیں، بجلی، پانی، صحت اور تعلیم شامل ہیں، جو راجستھان کے لوگوں کی سہولت میں اضافہ کریں گی گے اور نوجوانوں کے لیے بے شمار روزگار کے مواقع پیدا کریں گے۔
جناب مودی نے ریاست کے نوجوانوں کے لیے ایک نئے دور کا ذکر کیا کیونکہ آج 21,000 سے زائد نئے بھرتی ہونے والوں کو تقررنامے تقسیم کئے گئے۔ مزید برآں، وزیراعظم نے اجمیر سے ملک گیر ایچ پی وی ٹیکہ کاری مہم کا آغاز کیا، جسے ہندوستان کی "ناری شکتی" (خواتین کی طاقت) کو بااختیار بنانے اور ماؤں اور بیٹیوں کی صحت کو یقینی بنانے کی جانب ایک اہم قدم قرار دیا۔ جناب مودی نے اس بات پر زور دیا کہ"ہم سب جانتے ہیں کہ جب کنبے میں کوئی ماں بیمار ہوتی ہے، تو گھر منتشر ہو جاتا ہے۔ اگر ماں صحت مند ہو توکنبہ ہر بحران کا سامنا کرنے کے قابل رہتا ہے۔ اسی جذبے کے تحت حکومت نے خواتین کومدد فراہم کرنے کے لیے کئی اسکیمیں چلائی ہیں۔"
وزیراعظم نے خواتین کی صحت اور عزت کے حوالے سے حکومت کے حساس نقطہ نظر کو تفصیل سے بیان کیا، اور بیت الخلاء، سینٹری پیڈز، اور اُجولا گیس اسکیم کے "مشن موڈ" کے حل کو کامیابی کے ساتھ لاگو کرنے کا ذکر کیا۔ انہوں نے یہ بھی ذکر کیا کہ محفوظ ماں بننے کی اسکیم کے تحت 5,000 روپئے کا تعاون بہنوں کے کھاتوں میں جمع کیا جاتا ہے تاکہ حمل کے دوران انہیں غذائیت والی خوراک مل سکے، اور غفلت کے کلچر سے حساسیت کے کلچر کی طرف ایک تبدیلی کا آغاز ہو۔
بنیادی ڈھانچے پر بات کرتے ہوئے، وزیراعظم نے کہا کہ سڑکوں، ریل اور ہوائی راستوں کے ذریعے جدید رابطے راجستھان کی تقدیر بدل رہے ہیں۔ انہوں نے بتایا کہ کس طرح بہتر سفر اجمیر-پشکر جیسے مقامات میں سیاحت کو فروغ دے رہا ہے، جو مقامی کاروباروں، دستکاروں اور ٹیکسی ڈرائیوروں کو براہ راست فائدہ پہنچا رہا ہے۔جناب مودی نے کہا کہ "جوبنیادی ڈھانچہ دہلی-ممبئی صنعتی کوریڈور کے ارد گرد تعمیر ہو رہا ہے، وہ راجستھان کو عالمی سرمایہ کاری کے لیے 'مواقع کی سرزمین' بنا رہا ہے،"
ہندوستان کی عالمی حیثیت کے بارے میں بات کرتے ہوئے، جناب مودی نے دلّی میں حال ہی میں ہونے والی دنیا کی سب سے بڑی اے آئی سمٹ اور اسرائیل کے اپنے دورے کا ذکر کیا، جہاں ہندوستان کی ترقی اور بہادری کی تعریف کی گئی۔ جناب مودی نے کہا کہ "دنیا کے کئی ممالک کے وزرائے اعظم اور صدور اس میں شامل ہوئے؛ بڑی کمپنیوں کے سربراہان آئے؛ سب نے کھلے دل سے ہندوستان کی تعریف کی۔"
ہندوستانی افواج کی کامیابیوں کو اجاگر کرتے ہوئے جناب مودی نے کہا، "گزشتہ 11 سالوں میں، بھارتی فوج نے دہشت گردوں اورملک کے دشمنوں کو ہر محاذ پر زبردست ضرب دی ہے۔ ہماری فوج نے ہر مشن میں، ہر محاذ پر کامیابی حاصل کی ہے۔ سرجیکل اسٹرائیک سے لے کر آپریشن سندور تک، انہوں نے اپنی صلاحیت کا لوہا منوایا۔"
کسانوں کے دیرینہ مسائل کو حل کرتے ہوئے وزیراعظم نے کہا کہ موجودہ حکومت ای آر سی پی منصوبے کو حقیقت بنانے کے لیے پرعزم ہے۔ انہوں نے کہا کہ ندیوں کومربوط کرنے کی مہم، بشمول ترمیم شدہ 'پاروتی-کالی سندھ چنبل' اور 'جمنا-راجستھان' لنک منصوبے، جھالاواڑ، باران، کوٹا اوربوندی کے کسانوں کو خاص اور اہم فائدے پہنچائے گی۔
وزیراعظم نے راجستھان کی سورج سے خوشحالی حاصل کرنے کی صلاحیت کو اجاگر کیا۔ پی ایم سوریا گھر مفت بجلی اسکیم کے تحت حکومت چھتوں پر سولر پینلز نصب کرنے کے لیے 78,000 روپئےکی امداد فراہم کرتی ہے۔ راجستھان میں پہلے ہی 1.25 لاکھ سے زائدکنبے اس اسکیم میں شامل ہو چکے ہیں، اور کئی گھروں کے بجلی کے بل تقریباً صفر ہو چکے ہیں۔ جناب مودی نے اختتام کرتے ہوئے "ترقی یافتہ بھارت کے لیے ترقی یافتہ راجستھان" کے نعرے کا اعادہ کیا، جس میں ریاست کے ہر کنبے کے لیے خوشحال زندگی کا تصور کیا گیا۔
تقریر کا مکمل متن پڑھنے کے لیے یہاں کلک کریں
अजमेर से HPV vaccination अभियान शुरू हुआ है।
— PMO India (@PMOIndia) February 28, 2026
ये अभियान देश की नारीशक्ति को सशक्त करने की दिशा में अहम कदम है: PM @narendramodi
डबल इंजन सरकार राजस्थान की विरासत और विकास दोनों को साथ लेकर चल रही है: PM @narendramodi in Ajmer
— PMO India (@PMOIndia) February 28, 2026
हमारी सरकार ने नदियों को जोड़ने का जो अभियान शुरु किया है... उसका बहुत अधिक फायदा राजस्थान को मिलना तय है: PM @narendramodi
— PMO India (@PMOIndia) February 28, 2026
राजस्थान में धूप की कोई कमी नहीं। अब यही धूप सामान्य मानवी के घर की बचत और कमाई का साधन बन रही है।
— PMO India (@PMOIndia) February 28, 2026
और इसमें बहुत बड़ी भूमिका है... प्रधानमंत्री सूर्यघर मुफ्त बिजली योजना की।
इस योजना में राजस्थान का भाग्य बदलने की ताकत है: PM @narendramodi
