Mera Saansad
Search Search
Manipuri language

প্রধান মন্ত্রীনা দেহরাদুনদা লুপা কোতি ১৮,০০০রোমগী মমল ওইগদবা প্রোজেক্ত কয়ামরোম শঙ্গাখ্রে অমদি উরেপ-উয়ুং তমখ্রে

Published By : Admin | December 4, 2021 | 12:34 IST
“ঙসিদি, ভারতনা মতমগা চুনরবা ইনফ্রাস্ত্রকচরদা লুপা কোতি লাখ ১০০ হেন্না থাদনিংবগী অপাম্বগা লোইননা চংশিল্লক্লি৷ অনিরক নত্রগা অহুমলক হেক থুরিবা মখৈ হোৎনবা, ‘গতি শক্তি’না ভারতকী পোলিসী ওইরি৷”
“ঐখোয়গী চিংজাওশিং অসি থাজবা অমদি ঐখোয়গী কল্চরগী মফমশিং ওইবতা নত্তনা, মখোয় অসি ঐখোয়গী লৈবাক্কী সেক্যুরিতীগী লানবনশিং ওইরি৷ চিংজাওশিংদা হিংলিবা মীওইশিংগী পুন্সিবু লাইথোকহনবা হায়বসিনা লৈবাক অসিগী মরু ওইবা প্রাইয়োরিতীশিংগী মনুংদা অমা ওইরি”
“ঙসি পাল্লিবা সরকার অসিনা মালেম অসিদা লৈরিবা লৈবাক অমা হেক্তদগী লাকপা প্রেসরগী মখাদা লৈবা য়ারোই৷ লৈবাক্কী হান্না, মতম পুম্নমক্তা হান্না হায়বা মন্ত্র অসিবু ইল্লিবা মীয়াম অদু ঐখোয়নি”
“ঐখোয়না পুরকপা স্কিম অমা হেক্তা ওইরবসু, তুহৎপিবা লৈতনা মদুবু ঐখোয়না মীয়ামগীদমক য়ৌহল্লক্কনি৷ ঐখোয়না মরু ওইনা ভোত বেঙ্ক পোলিতিক্স তৌখিদে, মীয়ামগী সেবা তৌবদা প্রাইয়োরিতী পীখি৷ লৈবাক অসিবু মপাঙ্গল লৈহনবা হায়বিনা ঐখোয়গী খোংথাং ওইখ্রে”

প্রধান মন্ত্রী শ্রী নরেন্দ্র মোদীনা দেরাদুনদা লুপা কোতি ১৮,০০০রোমগী মমল ওইগদবা প্রোজেক্ত কয়ামরোম শঙ্গাখি অমদি উরেপ-উয়ুং তমখি৷ মসিগী মনুং চল্লিবশিং অদুদি দিল্লী-দেরাদুন ইকোনোমিক কোরিদোর (ইস্তর্ন পেরিফেরেল এক্সপ্রেসৱে জঙ্কসনদগী দেরাদুন ফাওবা), হালগোৱা, সহারনপুর ফাওরিবা দিল্লী-দেরাদুন ইকোনোমিক কোরিদোরদগী ভদ্রবাদ, হরিদৱার ফাওবগী গ্রীনফিল্দ এলাইনমেন্ত প্রোজেক্ত, হরিদৱার রিং রোদ প্রোজেক্ত, দেরাদুন-পাউন্তা হিব(হিমাচল প্রদেশ) রোদ প্রোজেক্ত, নাজিববদ-কোতদ্বর রোদ ৱাইদনিং প্রোজেক্ত অমদি লক্সমন ঝুলাগী হেক নাকনদা গঙ্গা তুরেলগী মথক্তা থোং অমা য়াওরি৷ মহাক্না দেরাদুনগী চাইল্দ ফ্রেন্দলী সিতী প্রোজেক্ত, দেরাদুনদা ইশিংগী সপ্লাই, রোদ অমসুং দ্রেনেজ সিস্তেম শেমগৎপা, শ্রী বদ্রিনাথ ধম অমসুং গঙ্গোত্রি-য়ামুনোত্রি ধমদা ইনফ্রাস্ত্রকচর শেমগৎ-শাগৎপগী থবকশিং অমদি হরিদৱারদা মেদিকেল কোলেজ অমগী উরেপ-উয়ুংসু তমখি৷

লমদম অসিদা ক্রোনিক লেন্দস্লাইদশিংগী প্রোব্লেম লৈরিবা অসি থেংনদুনা হেন্না শাফবা মওংদা চৎথোক-চাশিন য়াহনবা, এন.ঐচ.-৫৮দা ব্রহমপুরিদগী কোদিয়ালা ফাওবা অমদি দেবপ্রায়গতগী শ্রীকোত ফাওবা লম্বী পাকথোকপগী প্রোজেক্ত, য়ামুনা তুরেল মথক্তা শারিবা এম.দবল্যু. ১২০গী ব্যাসি হাইদ্রোইলেক্ত্রিক প্রোজেক্ত, দেরাদুনদা হিমালয়ন কল্চর অমদি দেরাদুনদা স্তেত ওফ আর্ত পর্ফ্যুমরী অমসুং এরোমা লেবোরেতরী(সেন্তের ফোর এরোমেতিক প্লান্তশিং)দা মীৎয়েং থমদুনা মহাক্না প্রোজেক্ত তরেৎ শঙ্গাখি৷

থৌরম অসিদা ৱা ঙাংলদুনা, উত্তরখন্দ অসি থাজনবগী মফম ওইবতা নত্তনা হোৎনবা কনবা অমদি ৱাখল চেৎপগী সিম্বোল অমসু ওইরি হায়না প্রধান মন্ত্রীনা ফোংদোকখি৷ মরম অদুনা রাজ্য অসিবু চাওখৎহনবা হায়বসিনা কেন্দ্র অমদি রাজ্যগী ‘দবল ইঞ্জিন গভর্মেন্ত’গী খ্বাইদগী মরু ওইবা প্রাইয়োরিতীশিংগী মনুংদা অমা ওইরি৷ চহি-চা অসিগী হৌরকপা শরুক্তা, ভারত্তা লম্বী-থোং শম্নবা হেনগৎনবা অতল জীনা কেম্পেন্দ অমা হৌদোকখি হায়না মহাক্না ফোংদোকখি৷ অদুমওইনমক, মদুগী মতুং তারকপা চহি ১০দা, লৈবাক অসিগী অমদি উত্তরখন্দগী মমল য়াওরবা মতমবু মাংহনখিবা অদুগুম্বা সরকার অমা লৈবাক অসিদা লৈরমখি হায়না মহাক্না ফোংদোকখি৷ “চহি ১০ অসিদা, লৈবাক অসিদা ইনফ্রাস্ত্রকচরগী মিংদা স্কেমশিং তৌরমখি৷ লৈবাক অসিদা মাংহনখিবশিং অদু মেনখৎনবা ঐখোয়না শরুক য়াদুনা য়াম্না কন্না হোৎনখি অমদি ঙসি ফাওবা হোৎনদুনা লাক্লি” হায়না মহাক্না মখাতাখি৷ হোংলক্লিবা ৱার্কিং স্তাইল অসিগী মতাংদা পল্লদুনা, প্রধান মন্ত্রীনা হায়খি “ঙসিদি, ভারতনা মতমগা চুনরবা ইনফ্রাস্ত্রকচরদা লুপা কোতি লাখ ১০০ হেন্না থাদনিংবগী অপাম্বগা লোইননা চংশিল্লক্লি৷ অনিরক নত্রগা অহুমলক হেক থুরিবা মখৈ হোৎনবা, ‘গতি শক্তি’না ভারতকী পোলিসী ওইরি৷”

কন্নেক্তিবিতীগী কান্নবশিং অদু পল্লদুনা, কেদর্নাথ ত্রেজিদীগী মমাংদা, ২০১২দা, মীওই লাখ ৫গা লিশিং ৭০না দর্শন তৌবা লাক্লমখি হায়না প্রধান মন্ত্রীনা ফোংদোকখি৷ মদুনা মতম অদুগী ওইনদি রেকোর্দ ওইখি৷ কোরোনা পেরিয়র্দ লাক্ত্রিঙৈগী মমাংদা, ২০১৯দা, মীওই লাখ ১০না কেদর্নাথতা লাক্লমখি৷ “কেদর ধম অমুক হন্না শেমগৎলকপা অসিনা দর্শন ফংনবগীদমক লাক্লিবা থৱাই লুচরবা মীওইশিংগী মশিং হেনগৎলকপা খক্তা নত্তনা, মফম অদুদা লৈরিবা মীয়ামদা থবক্কী খুদোংচাবা কয়া অমসু ফংহনখ্রে”, হায়না মহাক্না মখাতাখি৷

দিল্লী-দেরাদুন ইকোনোমিক কোরিদোর উরেপ-উয়ুং তম্লিবা অসিদা প্রধান মন্ত্রীনা নুংঙাইবা ফোংদোকখি৷ “মসিনা শেম-শাবা লোইরকপদা, দিল্লদগী দেরাদুন ফাওবা চৎপদা চংলিবা মতম অদু তংখায়মুক্কী চাংদা হন্থরক্কনি”, হায়না মহাক্না ফোংদোকখি৷ “ঐখোয়গী চিংজাওশিং অসি থাজবা অমদি ঐখোয়গী কল্চরগী মফমশিং ওইবতা নত্তনা, নখোয় অসি ঐখোয়গী লৈবাক্কী সেক্যুরিতীগী লানবনশিং ওইরি৷ চিংজাওশিংদা হিংলিবা মীওইশিংগী পুন্সিবু লাইথোকহনবা হায়বসিনা লৈবাক অসিগী মরু ওইবা প্রাইয়োরিতীশিংগী মনুংদা অমা ওইরি৷ লাইবক থিবদি, চহি খুজিং কয়া অমা সরকারদা লৈরমখিবা মীওইশিং অদুগী ওইনদি, অসিগুম্লবা ৱাখল্লোন অসি পোলিসী-থোতকী মফম অমতদা লৈখিদে”, হায়না মহাক্না ফোংদোকখি৷

চাওখৎপগী লম্বী অসিবু চাংদম্নরদুনা, প্রধান মন্ত্রীনা পনখ্রে মদুদি ২০০৭ অমসুং ২০১৪গী মনুংদা, কেন্দ্র সরকারনা চহি তরেৎতা উত্তরখন্দদা কি.মি. ২৮৮ খক্তমক শাংবা নেস্নেল হাইৱেশিং শেমলমখি৷ অদুবু হৌজিক পাল্লিবা সরকার অসিনদি মহাক্কী চহি তরেৎকী মতমদা উত্তরখন্দদা কিলোমীতর লিশিং ২ হেন্না শাংবা নেস্নেল হাইৱে অমা শেমখ্রে৷

মমাংগী সরকারশিংনা হকচিন্না খন্দুনা বোর্দর হিল এরিয়াশিংদা ইনফ্রাস্ত্রকচর শেমগৎ-শাগৎপগী থবক তৌরমখিদে হায়না প্রধান মন্ত্রীনা পেন্দবা ফোংদোকখি৷“ঙমখৈ মনাক্তা লম্বীশিং শেমগদবনি, থোংশিং শাগদবনি, মখোয়না মসিদা মীৎয়েং চংখিদে”, হায়না মহাক্না ফোংদোকখি৷ মরু ওইবা ইসুশিং খুদম ওইনা ৱান রেঙ্ক, ৱান পেন্সন, মোদর্ন ৱেপনশিং, তেরোরিস্তশিংদা চপ-চাবা পাউখুম পীবদা নিংথিনা মাই ওনশিল্লমদে, মসিনা আর্মীবু লেবেল খুদিমক্তা থাজবা মাংহল্লে হায়না শ্রী মোদীনা ফোংদোকখি৷ “ঙসি পাল্লিবা সরকার অসিনা মালেম অসিদা লৈরিবা লৈবাক অমা হেক্তদগী লাকপা প্রেসরগী মখাদা লৈবা য়ারোই৷ লৈবাক্কী হান্না, মতম পুম্নমক্তা হান্না হায়বা মন্ত্র অসিবু ইল্লিবা মীয়াম অদু ঐখোয়নি”, হায়না মহাক্না মখাতাকি৷

জাতি অমা, ধর্ম অমা খক্তদা মীৎয়েং চংবা অমদি দিবেলপমেন্ত পোলিসীশিং নাথৈদুনা থম্বিবগী পোলিতিক্স অসি প্রধান মন্ত্রীনা পামদে হায়না ফোংদোকখি৷ ময়ামগা মান্নদবা লম্বী অমা শিজিন্নরিবা মহাক্কী সরকারগী ৱাখল্লোন অদু প্রধান মন্ত্রীনা পনখি৷ “অসি অরুবা লম্বী অমনি, য়াম্না লুই, অদুবু মদু লৈবাক অসিগী ফনবনি, মদু লৈবাক অসিদা লৈরিবা প্রজাগী ফনবনি৷ লম্বী অদু-সবকা সাথ-সবকা বিকাস অসিনি৷ ঐখোয়না পুরকপা স্কিমশিং অমা হেক্তা ওইরবসু, তুহৎপিবা লৈতনা মদুবু ঐখোয়না মীয়ামগীদমক পুরক্কনি৷ ঐখোয়না মরু ওইনা ভোত বেঙ্ক পোলিতিক্স তৌখিদে, মীয়ামগী সেবা তৌবদা প্রাইয়োরিতী পীখি৷ লৈবাক অসিবু মপাঙ্গল লৈহনবা হায়বিনা ঐখোয়গী খোংথাং ওইখ্রে”, হায়না প্রধান মন্ত্রীনা ফোংদোকখি৷

“অমিৃত কালগী মতমদা, লৈবাক অসিনা থাংখিবা চাওখৎপগী লমজেল অদু লেপ্পা নত্রগা হন্থবা তৌরোই, মদুগী মহুৎতা হেন্না থাজবা থমদুনা অমদি ৱাখল চেৎনা ঐখোয়না মাংলোমদা চংশিনগনি” হায়বগী থাজবা পীদুনা প্রধান মন্ত্রীনা ৱারোইশিন পীখি৷

ফজরবা শৈরেং অসি থিদুনা প্রধান মন্ত্রীনা ৱারোইশিন পীখি

"ৱাশক শক্তুনা নুংশিৎনা শিৎলিবা মফম

চিংনা চাউথোকচবা তম্বিরিবা মফম, অনেম্বা-অৱাংবা পুম্নমক লম্বিঙাক্তা ওইবা মফম

শুপ্নতগী ভক্তিগী তান্থাদা ইশৈ শক্লিবা মফম

মদুগী লাইগী লৈবাক অদু নিংজবতনা

মদুগী লাইগী লৈবাক অদু নিংজবতনা

ঐহাক মতম পুম্বদা য়াইফবা ওইজৈ

হে ঐহাক্কী লাইবক

ফরবা ইরাইবক

ঐহাক্না নহাকপু খুরুমজরি

নঙদি ভারত ইমাগী মশাইকোন্নি

পুন্সিগী শারবা নুংশাদা উরুম্নি নহাক্তি

শোকপা খক্তদা চৎখিবা খ্বাইদগী শেংলবা ইচেলনি নহাক্তি

থৱাই হকচাং য়াওনা কৎথোক্তুনা

ঐহাক লাইরৈবাক্তা লাকচরি

ঐহাক লাইরৈবাক্তা লাকচরি

ঐহাক্কী লাইবক ফবনি

লাইবক ফবা ঐহাক্কী

ঐহাক্না নহাকপু খুরুমজরি

অঞ্জুলিদা গঙ্গাগী ঈশিং লৈবা মফম অদুদা

থম্মোয় খুদিংদা লৌনম য়াওদ্রবা মফম অদুদা

খুঙ্গং-খুঙ্গং খুদিংদা মরৈবাক নিংবগী মফম ওইরবা

নুপীদা অশেংবা থৌনা লৈবা মফম ওইরবা

মদুগী লমদম অদুদা থৌজাল ফংনবগীদমক্তা ঐহাক চৎলি

মদুগী লাইরৈপাক অদুগী য়াইফ-থৌজালগীদমক্তা

ঐহাক চৎলি

হে ঐহাক্কী লাইবক

ঐহাক্কী ফরবা লাইবক

ঐহাক্না নহাকপু খুরুমজরি

মন্দৱেগী তল

হড়কে কী থাপ

মীপুম খুদিংমক্না পাম্নৈ

শিবজীবু শোঞ্জবা

ঋশি মুনিশিংগীনি 

মসি শেংলবা লমদম্নি

অথৌবা কয়াগী

পোক্নফম লমদম্নি

ঐহাক্না নহাকপু খুরুমজরি অদুগা য়াইফবা ওইজগে"

ৱা ঙাংখিবগী মপুংফাবা ৱারোল পানবা মসিদা নম্বীয়ু

Login or Register to add your comment
Explore More
প্রধান মন্ত্রীনা শ্রী রাম জন্মভুমি মন্দির দ্বাজরোহন উৎসবতা পীখিবা ৱারোলগী মৈতৈলোন্দা হন্দোকপা

Popular Speeches

প্রধান মন্ত্রীনা শ্রী রাম জন্মভুমি মন্দির দ্বাজরোহন উৎসবতা পীখিবা ৱারোলগী মৈতৈলোন্দা হন্দোকপা
View All
On Puri’s Grand Road, a devotee’s submission

Media Coverage

On Puri’s Grand Road, a devotee’s submission
View All
NM on the go

Nm on the go

Always be the first to hear from the PM. Get the App Now!
Download App
...
Prime Minister speaks with the Amir of Qatar
July 16, 2026
PM conveys heartfelt condolences on the passing of the Father Amir of Qatar
PM recalls the Father Amir’s visionary leadership and his contribution to strengthening India-Qatar relations
The two leaders reaffirm their resolve to carry forward the Father Amir’s legacy

Prime Minister Shri Narendra Modi had a telephone conversation today with the Amir of the State of Qatar, H.H. Sheikh Tamim bin Hamad Al Thani.

Prime Minister conveyed his heartfelt condolences on the passing of H.H. Sheikh Hamad bin Khalifa Al Thani, the Father Amir of Qatar.

Recalling the Father Amir’s significant contributions as the chief architect of modern Qatar, Prime Minister paid tribute to his visionary leadership, and recalled his pivotal role in strengthening India-Qatar relations over the years as well as his deep affection for India and the Indian community in Qatar.

The Amir of Qatar thanked Prime Minister for his call and conveyed his appreciation for the words of support in this difficult hour.

The two leaders reaffirmed their resolve to carry forward the Father Amir’s legacy and further strengthen the India-Qatar Strategic Partnership and people-to-people ties.

They agreed to remain in close touch.