ঙসি ভিদিও কনফরেন্সিংগী খুৎথাংদা প্রধান মন্ত্রী শ্রী নরেন্দ্র মোদীনা বিকসিত ভারত সংকল্প যাত্রা(ভি বি এস ৱাই) গী বেনিফিসরিশিংগা ৱারি শানখ্রে। পান্দম থম্লিবা বেনিফিসরি খুদিংমক অকক্নবা মতম অমগী মনুংদা সরকারগী স্কিমশিংগী কান্নবশিং ফংহন্নবা বিকসিত ভারত সংকল্প যাত্রা অসি লৈবাক শীনবা থুংনা পাংথোক্লি।
মীয়ামদা ৱা ঙাংবদা প্রধান মন্ত্রীনা হায়খি খুঙ্গং খুদিংমক্তা ‘মোদী কি গরেন্তি’ গারিনা হরাও-তয়াম্বা পোকহনবা উবা ফংলে। ঙাইহাক্কী মমাংদা মহাক্কা বেনিফিসরশিংগা ৱারি শানখিবা অদু নিংশিংলদুনা, প্রধান মন্ত্রীনা হায়খি খোঙচৎ মনুংদা বেনিফিসরি লাখ ১.৫ হেনবগী মখোয়গী এক্সপেরিয়েন্সশিং লৌশিল্লে।
য়ুম অমগী, তোতি ঈশিং শম্বগী, তোইলেত, লেম্না লায়য়েংবা, লেম্না চেঙ পীবা, গ্যাস পীবা, মৈ পীবা, বেঙ্ক একাউন্তশিং হাংদোকপা, পি.এম কিষান সম্মান নিধি, পি.এম ফাসাল বিমা য়োজনা, পি.এম শ্বানিধি য়োজনা অমসুং পি.এম শ্বামিতভা প্রোপর্তি কার্দশিং য়াওনা কান্নবা কয়া মীয়াম্না ফংলে। সরকারগী ওফিস অমদা হঞ্জিন হঞ্জিন চৎতনা লৈবাক শীনবা থুংনা লৈরিবা খুঙ্গংশিংগী ইমুং করোর কয়া সরকারগী স্কিম খরগী কান্নবশিং ফংলে। সরকারনা বেনিফিসরশিং মশক খঙদোক্লে অমসুং মখোয়দা কান্নবশিং য়ৌহন্নবা থবকশিং পায়খৎলে। মরম অদুনা, মীয়াম্না ‘মোদী কি গরেন্তি’দা থাজবা থম্বা হায়বসি পীখিবা থাজবা থবক ওইনা পাংথোক্লে হায়রিবনি।
প্রধান মন্ত্রীনা হায়খি হৌজিক ফাওবা সরকারগী স্কিমশিংগী কান্নবা ফংবা ঙমদ্রিবা মীয়ামদা কান্নবা য়ৌহন্নবা অচৌবা পাম্বৈ অমা বিকসিত ভারত সংকল্প যাত্রানা ওইরে। বিকসিত ভারত সংকল্প যাত্রানা খুঙ্গংগী পঞ্চায়ত লিশিং ৪০ হেন্না য়ৌবা ঙম্লে অমসুং থা অমা ফাদনা সহর কয়া য়ৌবা ঙমদুনা ‘মোদী কি গরেন্তি’ গারিনা মীওই করোর ১.২৫ হেনবগা উনরে। ‘মোদী কি গরেন্তি’ গারি তরাম্না ওকপগীদমক মহাক মীয়ামদা তৌবীমল খঙবা উৎখি।
প্রধান মন্ত্রীনা হায়খি থৌরম অসি হৌদ্রিঙৈ মমাংদা তোঙান-তোঙানবা থবক কয়া পাংথোকখি অমসুং লম-তু শেংবগী থবকশিং পাংথোকখি। ৱাখল তাহন্নবা প্রাভাত ফেরিশিং পাংথোকখি, স্কুলশিংগী প্রেয়ার মীতিংশিংদা অঙাংশিং চাউখৎলবা ভারতকী মরমদা খন্ন-নৈনখি, রঙ্গোলিশিং শেমখি অমসুং য়ুমথোং খুদিংদা থাউমৈশিং থানখি। পঞ্চায়তশিংনা স্পিসিএল কম্মিতিশিং শেমখিবা অমসুং বিকসিত ভারত সংকল্প যাত্রানা তরাম্না ওকপদা মরুওইবা থৌদাং লৌখিবদা প্রধান মন্ত্রীনা হরাওবা ফোঙদোকখি। স্কুলগী মহৈরোয়শিং অমসুং অহলশিং শরুক য়াবদা মহাক্না থাগৎখি অমসুং লৈবাক অসিগী মফম খুদিংদা বিকসিত ভারত সংকল্প যাত্রা য়ৌবদা অপেনবা ফোঙদোকখি।
প্রধান মন্ত্রীনা হায়খি বিকসিত ভারত সংকল্প যাত্রা অসি ওরিসাগী তোঙান-তোঙানবা মফমশিংদা ত্রাইবেলগী জগোয়শিং শাদুনা তরাম্না ওকখি অমসুং ৱেস্ত খাসি হিলদা রামব্রাইদা মফম অদুগী মীয়াম্না নাৎকী থৌরম অমসুং জগোয়গা লোয়ননা থৌরম পাংথোকখি। অন্দমান অমসুং নিকোবর ইথৎশিং, লাক্ষদ্বিপ অমসুং কার্গিলদা নাৎকী থৌরমশিং পাংথোক্তুনা মীওই ৪,০০০ হেনবনা বিকসিত ভারত সংকল্প যাত্রা তরাম্না ওকখি। পাংথোক্কদবা থবকশিং পরেং অমা শেম্নবা মেনুএল অমা শেমগদবনি অমসুং বিকসিত ভারত সংকল্প যাত্রা থুংলদ্রিঙৈ অমসুং থুংলবা মতুংদা লৈবা অহোংবা অদু ওনগদবনি। মসিনা গরেন্তিত গারি য়ৌদ্রিবা মফমশিংগী মীয়াম মতেং পাংগনি।
প্রধান মন্ত্রীনা হায়খি খুঙ্গংদা মীওই খুদিংমক মোদী কি গরেন্তি গারি মনাক্তা লাকহন্নবা সরকারনা থবক পায়খৎকদবনি, মসিনা সরকারগী স্কিমশিংগী কান্নবশিং মপুংফানা ফংহন্নবা ৱারেপ অদু থবক ওইনা পাংথোকপা ঙমগনি। সরকারনা পায়খৎলিবা থবকশিংগী কান্নবা খুঙ্গং খুদিংমক্তা উবা ফংগনি। উজৱালা য়োজনাগী মখাদা অনৌবা বেনিফিসরি লাখ ১ রোম লেম্না গ্যাস কন্নেক্সন লৌনবা এপ্লাইদ তৌরে, অয়ুস্মান কার্দ লাখ ৩৫ হেন্না য়েন্থোকখ্রে, মীওই লাখ কয়া হেল্থ চেক-অপ পাংথোকখ্রে, হৌজিক মশিং য়াম্লবা মীওই কয়া অয়ুস্মান অরোগ্যা লাইশঙশিংদা লাক্নরে অমসুং তেস্ত কয়া পাংথোক্লে।
শ্রী মোদীনা হায়খি কেন্দ্র সরকার অমসুং লৈবাক অসিগী মীয়ামগী মরক্তা হকথেংনবা মরী অমা, থম্মোয়গী মরী অমা ঐখোয়না শেমগৎলে। ঐখোয়গী সরকার অসি মাই-বাপ সরকার অমা নত্তে, মসি ইপাশিং অমসুং ইমাশিংগী সেবা তৌনবা লৈবা সরকারনি। মোদীগী ভি.আই.পিদি সরকারগী ওফিসশিং ফাওবনা থোঙ লোনশিনখ্রবা লায়রবশিং, তোল্লবশিং অদুনি। লৈবাক অসিদা লৈরিবা লায়রবা মীওই খুদিংমক মহাক্কী মফমদা ভি.আই.পিনি হায়না মহাক্না খল্লি। লৈবাক অসিগী ইচানুপী খুদিংমক, ইমা খুদিংমক অমসুং ইচল খুদিংমক ঐগী মফমদা ভি.আই.পিনি। লৈবাক অসিগী লৌমী খুদিংমক ঐগী ভি.আই.পিনি। লৈবাক অসিগী নহারোল খুদিংমক ঐগী মফমদা ভি.আই.পিনি।
হন্দক পাংথোকখিবা এশেমব্লি মীখলশিংগী মতাংদা প্রধান মন্ত্রীনা হায়খি মোদীগী গরেন্তিগী চন্নফম লৈরে হায়বা মীখলগী ফলশিংনা ময়েক শেংনা তাক্লে। মোদীগী গরেন্তিদা থাজবা থমখিবা ভোত্তর খুদিংমক মহাক্না মহাক্কী তৌবীমল খঙবা উৎখি।
সরকারগী মায়োক্তা লৈবশিংদা মীয়াম্না থাজবা থমদ্রিবা অসিগী মতাংদা প্রধান মন্ত্রীনা হায়খি অরানবা ঙাংবা হায়বসি মখোয়গী হৈনবীনি। মীখলশিং সোসিএল মেদিয়াদা মাইপাক্কদবা নত্তে, মীয়াম্না য়ারবা মতুংদা মাইপাক্কদবনি। মীখল কাদ্রিঙৈ মমাঙদা,মীয়ামগী থম্মোয়শিং জয় তৌবা দরকার ওই। করিগুম্বা ওপোজিসন দলশিংনা রাজনিতিগী খুদোংচাবশিংগী মহুত্তা থবক তৌবগী ৱাখল্লোল চেল্লবদি, লৈবাক অসিগী মশিং য়াম্লবা কাংলুপ অমা লায়রনা লৈরম্লোই অমসুং ঙসি মোদীনা পীরিবা থাজবা অসি চহি ৫০গী মমাঙদা ফংলমগনি।
নুপীশিংনা লমজিংবা চাউখৎপগী মতাংদা প্রধান মন্ত্রীনা হায়খি বিকসিত ভারত সংকল্প যাত্রাদা মশিং য়াম্লবা নারীশক্তি শরুক য়ারি। পি.এম অৱাস য়োজনাগী মখাদা য়ুম করোর ৪ শাবগী মনুংদা চাদা ৭০ নুপী বেনিফিসরিশিংনি। মুদ্রা বেনিফিসরি ১০গী মনুংদা ৭ নুপীশিংনি অমসুং সেল্ফ হেল্প গ্রুপশিংদা চাউরাক্না নুপী করোর ১০ রোম শরুক য়ারি। স্কিল দিবলপমেন্তগী খুৎথাংদা নুপী করোর ২ লাখপতি দিদিশিং ওইহনখ্রে অমসুং নমো দ্রোন দিদি অভিয়ানগী মখাদা সেল্ফ হেল্প গ্রুপ লিশিং ১৫দা দ্রোনশিং ফংহনখ্রে।
প্রধান মন্ত্রীনা হায়খি বিকসিত ভারত সংকল্প যাত্রাদা নুপীশিংগী শক্তি, নহারোলগী শক্তি, লৌমীশিং অমসুং লায়রবশিংনা শৌগৎপা অসি থাগৎনিঙাইনি। খোঙচৎ মনুংদা শান্নরোয় লাখ ১ হেন্না মনা পীখিবা অসিদা অপেনবা পোকই। নহারোলশিংনা মখোয় মশামক ‘মাই ভারত ভোলুন্তিয়ার’ ওইনা রেজিস্তার তৌরি অমসুং মসিনা চাউখৎলবা ভারত অমগী ৱাশক মপাঙ্গল কনখৎহল্লে। হায়রিবা ভোলুন্তিয়ারশিং অসিনা হৌজিক ফিত ইন্দিয়াগী লাইৱাগা লোয়ননা মাঙলোমদা চঙশিনগনি। পোৎলম মরি হায়বদি ঈশিং, মচি ওইবা চীঞ্জাক, শাজেল নত্ত্রা হকচাং ফনা লৈবা অমসুং মপুংফাবা তুম্বা হায়বসি মরুওইনা লৌগদবনি। হায়রিবা মরি অসি হকচাং ফনা লৈবা তঙাইফদবনি। করিগুম্বা ঐখোয়না হায়রিবা মরি অসিদা পুক্নিং চঙলবদি, ঐখোয়গী নহারোল হকচাং ফগনি অমসুং ঐখোয়গী নহারোলশিং হকচাং ফরবদি লৈবাক অসি হকচাং ফগনি।
প্রধান মন্ত্রীনা হায়খি বিকসিত ভারত সংকল্প যাত্রা মনুংদা ৱাশক লৌখিবা অসি পুন্সিগী লাইৱা ওইরগনি। সরকারগী থবক তৌবা মীওই ওইগেরা, মীয়ামগী মীহুৎশিং ওইগেরা নত্ত্রগা মীয়াম ওইগেরা, মীওই খুদিংমক মপুংফানা কৎথোক্তুনা অমতা ওইগদবনি। সবকা প্রয়াস লৈরবা মতম খক্তদা ভারত চাউখৎকনি।
নুঙগীৱারোল
লৈবাক শীনবা থুংনা বিকসিত ভারত সংকল্প যাত্রা বেনিফিসরি লিশিং কয়া থৌরম অসি ভর্চুএল ওইনা শরুক য়াখি। থৌরম মনুংদা বিকসিত ভারত সংকল্প যাত্রা ভেন ২,০০০, কৃষি বিগ্যান কেন্দ্রশিং অমসুং কম্মন সর্বিস সেন্তরশিং শরুক য়াখি। থৌরম অদুদা মশিং য়াম্লবা মিনিস্তরশিং, এম.পিশিং, এম.এল.এশিং অমসুং লোকেল থাক্কী মীয়ামগী মীহুৎশিং শরুক য়াখি।
विकसित भारत संकल्प यात्रा, ऐसे लोगों तक पहुंचने का बहुत बड़ा माध्यम बनी है, जो अब तक सरकार की योजनाओं से नहीं जुड़ पाए। pic.twitter.com/d2TReubUHU
— PMO India (@PMOIndia) December 9, 2023
देश का हर गरीब मेरे लिए VIP है।
— PMO India (@PMOIndia) December 9, 2023
देश की हर माता-बहन-बेटी मेरे लिए VIP है।
देश का हर किसान मेरे लिए VIP है।
देश का हर युवा मेरे लिए VIP है: PM @narendramodi pic.twitter.com/dnJbssGrVx
Be it Nari Shakti, Yuva Shakti, farmers or the poor, their support towards Vikas Bharat Sankalp Yatra is remarkable. pic.twitter.com/qxnvbzZ8KR
— PMO India (@PMOIndia) December 9, 2023
सबका प्रयास लगेगा, तो ही भारत विकसित होगा। pic.twitter.com/x9ZIeeZzCD
— PMO India (@PMOIndia) December 9, 2023
