“অতেনবা মতম অমদা মীওই করোর ১.২৫ ‘মোদী কি গরেন্তি’ গারিগা উনরে”
“বিকসিত ভারত সংকল্প যাত্রানা ভারত শীনবা থুংবগী মীয়াম সরকারগী কান্নবশিং মপুংফানা ফংহন্নবা মীৎয়েং চঙলি”“মীয়াম্না ‘মোদী কি গরেন্তি’দা থাজবা থম্বা হায়বসি পীখিবা থাজবা থবক ওইনা পাংথোক্লে হায়বনি”“হৌজিক ফাওবা সরকারগী স্কিমশিংগী কান্নবা ফংবা ঙমদ্রিবা মীয়ামদা কান্নবা য়ৌহন্নবা অচৌবা পাম্বৈ অমা বিকসিত ভারত সংকল্প যাত্রানা ওইরে”“ঐখোয়গী সরকার অসি মাই-বাপ সরকার অমা নত্তে, মসি ইপাশিং অমসুং ইমাশিংগী সেবা তৌনবা লৈবা সরকারনি”“লায়রবা, নুপী, নহারোল অমসুং লৌমী খুদিংমক ঐগী মফমদা ভি.আই.পিনি”“মসি নারী শক্তি ওইগেরা, যুব শক্তি ওইগেরা, লৌমীশিং নত্ত্রগা লায়রবা ওইগেরা, বিকসিত ভারত সংকল্প যাত্রাদা মখোয়না শৌগৎপা অসি শিংথানিঙাইনি”খুরুমজচরি!
ভারতকী কাচিন কোয়া খুদিংদা, অৱাং, খা, নোংপোক, নোংচুপ, অপীকপা খুঙ্গংশিং নত্ত্রগা অচৌবা খুঙ্গংশিং ওইবা য়াই, মোদী কি গরেন্তি গারি উবদা খুঙ্গং খুদিংদা হরাও-তয়াম্বা উরে। মীয়াম্না খুঙ্গংগী লম্বীদা লেপশিনবা অমসুং গারি খাম্বা অমসুং ই-পাউ লৌবা অমসুং গারি চৎনবা লম্বী ফাওবা লৈতবা ঐ উরে। মসি তশেংনা অঙকপা অমনি। বেনিফিসরি খরগা ঐনা ৱারি শানরে। খোঙচৎ মনুংদা, বেনিফিসরি লাখ ১.৫ হেনবগী মখোয়গী এক্সপেরিয়েন্সশিং পাউদম্লে অমসুং হায়রিবা এক্সপেরিয়েন্সশিং অদু রেকোর্দ তৌশিল্লে হায়বা ঐ খঙলে। থৌরাংশিং য়ৌরবরা, নত্ত্রগা মখোয় মপুংফানা পাংথোক্লবরা নত্ত্রগা পাংথোক্ত্রিবরা হায়বগী মতাংদা খুঙ্গংগী মীয়াম্না খল্লিবা অদু হৌখিবা নুমিৎ ১০-১৫ দা মতম মতমগী ওইনা ঐনা উরে। মখোয়না অকুপ্পা মরোল খুদিংমক খঙলে। ঐনা অদোমগী ভিদিওশিং য়েংবা মতমদা,ঐগী খুঙ্গংগী মীয়াম্না মখোয়না ফংলিবা সরকারগী স্কিমশিং অদু ফজনা শীজিন্নবা উবদা ঐ য়াম্না হরাওই। কনাগুম্বা অমনা য়ুম অমা ফংবা মতমদা, মহাক্কী পুন্সিদা অনৌবা মপোক অমা হৌরে হায়না মহাক্না খনখি। কনাগুম্বা অমনা তোতি ঈশিং ফংবা মতমদা, হৌজিক ঈশিংগীদমক ৱারগা হিংলি, ঙসিদি ঐখোয়গী য়ুমদা ঈশিং তারে হায়না মহাক্না খল্লে। কনাগুম্বা অমনা তোইলেত শারবদি, মহাক্কী ইজৎ লৈরবা য়ুম অমা লৈরে হায়না মহাক্না খনগনিঅমসুং মতম অমদা শক্নাইরবা মীওইগী য়ুমশিং খক্তদা তোইলেতশিং লৈরমখি, হৌজিক ঐখোয়গী য়ুমশিংদা ঐখোয়গী তোইলেতশিং লৈরে। মরম অদুনা মসি খুন্নাইগী ইজৎকী ৱাফম অমনি। কনাগুম্বা অমা লেম্না লায়য়েংলে, কনাগুম্বা অমা লেম্না চেঙ ফংলে, কনাগুম্বা অমা গ্যস ফংলে, কনাগুম্বা অমা মৈ ফংলে, কনাগুম্বা অমা বেঙ্ক একাউন্ত হাংদোক্লে, কনাগুম্বা অমা পি.এম কিষান সম্মান নিধি ফংলে, কনাগুম্বা অমা পি.এম ক্রোপ ইন্সুরেন্স ফংলে। কনাগুম্বা অমা পি.এম শ্বানিধি য়োজনাগী কান্নবা ফংলে, কনাগুম্বা অমা পি.এম শ্বামভাতি য়োজনাগী মখাদা প্রোপর্তি কার্দশিং ফংলে, করিগুম্বা ঐনা স্কিমশিংগী মমিংশিং হায়রকপদা, মখোয় ভারতকী মফম খুদিংমক্তা য়ৌরে। খুঙ্গংশিংগী ইমুং করোর কয়া ঐখোয়গী সরকারগী স্কিম খরগী কান্নবশিং ফংলে। কনাগুম্বা অমান মসিগী কান্নবশিং ফংবা মতমদা কনাগুম্বা অমগী থাজবা হেনগৎহল্লে। থাজবনা কান্নবা খর ফংবা মতমদা, পুন্সিদা হিংনিংবগী অনৌবা থৌনা অমা ফংলে। মসিগীদমক মহাক্না সরকারগী ওফিস অমা হঞ্জিন হঞ্জিন চৎপা দরকার ওইদ্রে। নিবগী ৱাখল্লোল লৈত্রে। সরকারনা বেনিফিসরশিং মশক খঙদোক্লে অমসুং কান্নবশিং মখোয়দা য়ৌহন্নবা থবকশিং পায়খৎলে। মরম অদুনা ঙসি মীয়াম্না মোদীনা পীখিবা থাজবা অসি থবক ওইনা পাংথোক্লে হায়রিবনি।
ঐগী নুংশিরবা ইমুং-মনুংগী মীওইশিং,
হৌজিক ফাওবা সরকারগী স্কিমশিংগী কান্নবা ফংবা ঙমদ্রিবা মীয়ামদা কান্নবা য়ৌহন্নবা অচৌবা পাম্বৈ অমা বিকসিত ভারত সংকল্প যাত্রানা ওইরে। মসি শুপ্নগী চয়োল অনি-অহুম খক্তা ঙাইরি, অদুবু বিকসিত ভারত সংকল্প যাত্রানা খুঙ্গংগী পঞ্চায়ত লিশিং ৪০ হেন্না য়ৌবা ঙম্লে অমসুং থা অমা ফাদনা সহর কয়া য়ৌবা ঙমদুনা ‘মোদী কি গরেন্তি’ গারিনা মীওই করোর ১.২৫ হেনবগা উনরে। মীয়াম্না থাগৎনরি অমসুং মোদী কি গরেন্তি গারি তরাম্না ওক্নরে, মসি খঙনবা হোৎনরি, মসিগা শম্ননবা হোৎনরি অমসুং মসি মাইপাক্নবা থবক পাংথোক্লি। থৌরম হৌদ্রিঙৈ মমাংদা মফম কয়াদা থৌরম কয়া পাংথোক্লে। অসিগুম্বা থৌরম অমা ঐ উরে, থৌরম অসি ভারত চাউখৎনবা, ঐখোয়গী খুঙ্গং চাউখৎনবা, ঐখোয়গী ইমুং চাউখৎনবা, সরকারগী স্কিমশিংগী কান্নবশিং লৌনবা অমসুং মাঙলোমদা চঙশিন্নবনি। গরেন্তি গারি য়ৌরক্ত্রিঙৈদা খুঞ্জাশিংনা পাংথোকপা থবকশিংগী পাউ ঐ ফংলে। খুদম ওইনা, খুঙ্গং খরদা চয়োল অমা লম-তু শেংবগী থবক পাংথোকখি, মোদী কি গরেন্তি গারি লাক্লগনি হায়দুনা খুঙ্গং শীনবা থুংনা লম-তুং শেংবগী থবক শরুক য়াখি। খুঙ্গং খরদা মখোয়না অয়ুক্তা পুং ১ প্রাভাত ফেরি পাংথোকখি, খুঙ্গংদগী খুঙ্গংশিংদা পাউজেল শন্দোকখি। মফম খরদা, স্কুলশিংগী প্রেয়ার মীতিংশিংদা অঙাংশিং চাউখৎলবা ভারতকী মরমদা খন্ন-নৈনখি অমসুং ওজাশিংনা চাউখৎলবা ভারত অমসুং নিংতম্বা ফংলবা চহি ১০০গী মতুংদা কমদৌনা মাঙলোমদা চঙশিনগনি হায়বগী মতাংদা ৱারি লীখি।
হায়রিবা অঙাংশিং অসিনা চহি ২৫-৩০ শুরকপদা মখোয়গী তুংদা করি ওইগনি? হায়রিবা হিরমশিং অসি স্কুলদা খন্নরে। হায়বদি মসি খঙলবা ওজাশিংনা মীয়াম ৱাখল তাহল্লে। গরেন্তি গারি তরাম্না ওক্নবা স্কুলগী অঙাংশিংনা রঙ্গোলিশিং শেমখি, লৈ পরেং শেমখি অমসুং অফবা শ্লোগানশিং ইখি অমসুং স্কুল খরদা শ্লোগান ইবা চাংদম্নবা পাংথোকখি। খুঙ্গং খরদা গরেন্তি গারি য়ৌরকপদা মীয়াম্না মখোয়গী য়ুমগী থোঙ্গালদা থাউমৈশিং থানখি। মসি মীয়ামগী হরাওবনি অমসুং গারি লাকপদা মীওই খরনা মখোয়গী খুঙ্গংগী ৱাংমদা থৌরকপা, মখোয়না পুজাগী পোৎলমশিং পুরক্তুনা খুঙ্গংগী ৱাংমদা হৌবা নাকা কৌবা উ পাম্বী মনাক্তা চৎপগী পাউ ঐনা তারে। মখোয়না মফম অদুদা গারি তরাম্না ওকখি অমসুং গারি অদু শ্লোগানশিং লাউদুনা খুঙ্গং মনুংদা পুনশিনখি। মসিনা তাকপদি খুঙ্গং শীনবা থুংনা হরাওরে হায়বনি।
পঞ্চায়তশিংনা স্পিসিএল কম্মিতিশিং শেমখিবা অমসুং বিকসিত ভারত সংকল্প যাত্রা তরাম্না ওকপদা মরুওইবা থৌদাং লৌখিবদা ঐ য়াম্না হরাওই। ৱেলকম কম্মিতিশিংদা খুঙ্গংগী অহল-লমনশিং অমসুং খুন্নাইগী কাংলুপ খুদিংমক্কী মীওইশিং য়াওরে। কম্মিতিগী মীওইশিংনা তরাম্না ওক্নবা থৌরাং তৌখি অমসুং মদু পাংথোক্নবা থৌদাং লৌখি। মোদী কি গরেন্তি গারি লাক্লগনি হায়না নোংমা নত্ত্রগা নুমিৎ নিনিগী মমাঙদা লাউথোকখি। হায়রিবা থৌরম অসিদা স্কুলগী মহৈরোয়শিং অমসুং অহলশিং শরুক য়ারে।
সেলফি পোইন্তশিং শেম্বা ঐ উরে, মীয়াম্না সেলফি কয়া নম্নখি অমসুং খুঙ্গংগী ইমাশিং অমসুং ইচলশিং ফাওবা মোবাইল ফোনশিং শীজিন্নখি অমসুং সেলফি নমখি অমসুং হায়রিবা সেলফিশিং অদু থাগৎখি। মীয়াম অসুক্কী মতিক হরাওবা ঐ উরে। মসিগী যাত্রা অসি লৈবাক্কী মফম খুদিং য়ৌবা অমসুং মীয়ামগী হরাওবা মখা তানা হেনগৎলকপদা ঐ অপেনবা ফাওই। বিকসিত ভারত সংকল্প যাত্রা অসি ওরিসাগী তোঙান-তোঙানবা মফমশিংদা ত্রাইবেলগী জগোয়শিং শাদুনা তরাম্না ওকখি
ৱেস্ত খাসি হিলগী মীওই খরনা যাত্রা অসি ফোতোশিং অমসুং ভিদিও ঐঙোন্দা থারকখি। ৱেস্ত খাসি হিলদা রামব্রাইদা মফম অদুগী মীয়াম্না নাৎকী থৌরম অমসুং জগোয়গা লোয়ননা থৌরম পাংথোকখি। অন্দমান অমসুং নিকোবর ইথৎশিং, লাক্ষদ্বিপ অমসুং কার্গিলদা নাৎকী থৌরমশিং পাংথোক্তুনা মীওই ৪,০০০ হেনবনা বিকসিত ভারত সংকল্প যাত্রা তরাম্না ওকখি।
মশিং থিবা ঙমদ্রবা অসিগুম্বা খুদম কয়া নুমিৎ খুদিংগী উরে। ভিদিও উরে, সোসিএল মেদিয়া পুম্নমক থৌরম অসিনা পীক থল্লে। হায়রিবা থবকশিং অমসুং শেম-শারিবা কয়া অসি ঐ ফাওবা মপুংফানা খঙদ্রে। মীয়াম্না মখল মখা কয়া পাংথোক্লে, অনৌবা মচু কয়া হাপচিল্লে অমসুং অনৌবা হরাওবা কয়া লৈরে। পাংথোক্কদবা থবকশিং পরেং অমা শেম্নবা মেনুএল অমা শেমগদবনি অমসুং বিকসিত ভারত সংকল্প যাত্রা থুংলদ্রিঙৈ অমসুং থুংলবা মতুংদা লৈবা অহোংবা অদু ওনগদবনি। মসিনা গরেন্তিত গারি য়ৌদ্রিবা মফমশিংগী মীয়াম মতেং পাংগনি।
মরুপশিং,
মোদী কি গরেন্তি গারি থুংলবা মতমদা খু্ঙ্গংগী মীওই খুদিংমক গারি মনাক্তা থুংলনবা সরকারনা লেপ্তনা হোৎনরি। কনাগুম্বা অমনা পুং ১ লৌবুক্কী থবক থাদোক্কদবনি। ঐখোয়না লৈবাক অসি চাউখৎহনবগা মরম্না, অঙাংশিং, অহল য়াওনা মীওই খুদিংমক শরুক য়াগদবনি। মসি পাংথোক্লবা মতমদা ঐখোয়না বেনিফিসরি খুদিংমক উনবা ঙমগনি অমসুং সরকারগী স্কিমশিং চাদা ১০০ ফংহনবা ঙমগনি। ঐখোয়গী থবকশিংগী কান্নবশিং খুঙ্গং খুদিংমক্তা উবা ফংলে। মোদী কি গরেন্তি গারি থুংলরবা মতুংদা উজৱালা স্কিমগী মখাদা অনৌবা বেনিফিসরি লাখ ১ রোম লেম্না গ্যাস কন্নেক্সন ফংলে। বিহারদগী ঐখোয়গী প্রিয়ানক জিনা হায়খি, গারি অসি ঐখোয়গী খুঙ্গংদা থুংলবা ঐ হরাওখি, অদুবু শুপ্নগী মীওই অমা নত্ত্রগা অনি খক লৈহৌবা খুঙ্গং খর লৈরে। যাত্রা মনুংদা থৌরম মফমদা অয়ুস্মান কার্দ লাখ ৩৫ হেন্না য়েন্থোকখ্রে। অয়ুস্মান কার্দ অসি অনাবা মীওই অমা হেন্না ফবা পুন্সি অমদা হিংনবা লায়য়েংনবা অচৌবা খুদোংচাবা অমা পীনবা লম্বী অমনি। গরেন্তি গারি লাক্লবা মতুংদা মীওই লাখ কয়া মখোয়গী হকশেল চেক-অপ তৌরে অমসুং যাত্রা অসিগা লোয়ননা রাজ্য খুদিংমক্তা লায়য়েংবগী কেম্পেশিং পাংথোকপদা ঐ হরাওই। মীওই খুদিংমক মেদিকেল চেক তৌনবা মেছিনশিংগা লোয়ননা অচৌবা দোক্তর কয়া খুঙ্গংদা লাক্লে। মমাঙদা হেল্থ অমসুং ৱেলনেস সেন্তর হায়না খঙনরম্বা, অদুগা হৌজিক্না অয়ুস্মান অরোগ্যা মন্দির কৌরবা মফম অসিদা মশিং য়াম্লবা মীওই কয়া মখল কয়াগী তেস্তশিং পাংথোক্লে।
মরুপশিং,
কেন্দ্র সরকার অমসুং লৈবাক অসিগী মীয়ামগী মরক্তা হকথেংনবা মরী অমা, থম্মোয়গী মরী অমা ঐখোয়না শেমগৎলে অমসুং অদোম ঐগী ইমুংগী মীওইশিংনা হায়না ঐনা হায়বা মতমদা, মসি ঐগী ইমুং-মনুংগী মীওইশিংদা অদোমগী মীনাইনা নোল্লুক্না পাংথোকপা থবক অমনি। গারিদা ঐনা অদোমগী খুঙ্গংদা লাক্লি। অৱাবা অমসুং নুংঙাইবদা ঐনা অদোমগী মরুপ ওইগনি, অদোমগী অনিংবশিং অমসুং অপাম্বশিং খঙগনি, মখোয় ফংনবা ঐনা সরকারগী লৈজবা শক্তি শীজিন্নগনি। ঐখোয়গী সরকার অসি মাই-বাপ সরকার অমা নত্তে, মসি ইপাশিং অমসুং ইমাশিংগী সেবা তৌনবা লৈবা সরকারনি। অঙাং অমনা মহাক্কী মমা-মপা সেবা তৌবগুম, মসিগা মান্নবা মওংদা মোদীনা অদোমগী সেবা তৌরি। মোদীগী ভি.আই.পিদি সরকারগী ওফিসশিং ফাওবনা থোঙ লোনশিনখ্রবা লায়রবশিং, তোল্লবশিং অদুনি। লৈবাক অসিদা লৈরিবা লায়রবা মীওই খুদিংমক মহাক্কী মফমদা ভি.আই.পিনি হায়না মহাক্না খল্লি। লৈবাক অসিগী ইচানুপী খুদিংমক, ইমা খুদিংমক অমসুং ইচল খুদিংমক ঐগী মফমদা ভি.আই.পিনি। লৈবাক অসিগী লৌমী খুদিংমক ঐগী ভি.আই.পিনি। লৈবাক অসিগী নহারোল খুদিংমক ঐগী মফমদা ভি.আই.পিনি।
ঐগী ইমুং-মনুংগী মীওইশিং,
হন্দক লৈবাক অসিদা পাংথোকখিবা এশেমব্লি মীখলশিংগী ফলশিং হৌজিক ফাওবা কন্না খন্ন-নৈনরি। মোদীগী গরেন্তিগী চন্নফম লৈরে হায়বা মীখলগী ফলশিংনা ময়েক শেংনা তাক্লে। মোদীগী গরেন্তিদা থাজবা থমখিবা ভোত্তর খুদিংমক ঐনা তৌবীমল খঙবা উৎচরি।
অদুবু মরুপশিং,
ঐখোয়গী সরকারগী মায়োক্তা লৈরিবশিং করিগীদমক লৈবাক অসিনা থাজবা লৈত্রিবনো হায়বসি ৱাহং অমা ওইরে। মখোয়না অরানবা থাজবা কয়া পীরবসু মখোয়না করিগুম্বা অমতা ফংবা ঙমদ্রে হায়বা অচম্বা ৱাফম অসি রাজনিতি দল খরনা খঙবা ঙমদ্রে। মীখলশিং সোসিএল মেদিয়াদা মাইপাক্কদবা নত্তে, মীয়াম্না য়ারবা মতুংদা মাইপাক্কদবনি। মীখল কাদ্রিঙৈ মমাঙদা,মীয়ামগী থম্মোয়শিং জয় তৌবা দরকার ওই। মীয়ামগী ৱাখল্লোন লাইনা লৌবা অচুম্বা নত্তে। করিগুম্বা ওপোজিসন দলশিংনা রাজনিতিগী খুদোংচাবশিংগী মহুত্তা থবক তৌবগী ৱাখল্লোল চেল্লবদি, লৈবাক অসিগী মশিং য়াম্লবা কাংলুপ অমা লায়রনা লৈরম্লোই অমসুং ঙসি মোদীনা পীরিবা থাজবা অসি চহি ৫০গী মমাঙদা ফংলমগনি।
ঐগী ইমুং-মনুংগী মীওইশিং,
বিকসিত ভারত সংকল্প যাত্রাদা মশিং য়াম্লবা ঐখোয়গী নারীশক্তি শরুক য়ারি। মোদী কি গরেন্তি গারিগা লোয়ননা মখোয়গী ফোতো নম্নবা মখোয়গী মরক্তা মুন্নরি। লায়রবশিংগী য়ুম করোর ৪ হেন্না শাখিবা অদোম উরে। তেল্লবা মতমদা ঐখোয়গী লৈবাক্না লায়রবশিংদা য়ুম করোর ৪ ফংহনখ্রে হায়বা কননা থাজগনি অমসুং য়ুম করোর ৪ ফংহনখিবা অমসুং বেনিফিসরিশিংগী চাদা ৭০ নুপীশিংনা ওইবদা ঐ য়াম্না হরাওই। মসিনা তাক্লিবদি, করিগুম্বা খুঙ্গং অমদা য়ুম ১০ শাবা মতমদা, য়ুম ৭ ইমাশিংগী মিংদা রেজিস্তার তৌরে হায়বনি। হান্না লুপা ১ ফাওবা পায়রমদবশিং ঙসিদি মখোয়গী মিংদা লন-থুম লৈরে। মুদ্রা বেনিফিসরি ১০গী মনুংদা বেনিফিসরি ৭ নুপীশিংনি। খরনা দুকান ফম্লে, খরনা ফি তুবা অমসুং লোনবা হৌরে, খরনা সেলুন অমসুং পার্লরশিং হাংদোক্লে অমসুং কয়া অমনা ললোন-ইতিকশিং পাংথোক্লে। সেল্ফ হেল্প গ্রুপশিংদা চাউরাক্না নুপী করোর ১০ রোম শরুক য়ারি। হায়রিবা গ্রুপশিং অসিনা ইচলশিং অহেনবা শেন তান্নবগী লম্বীশিং পীরি অমসুং লৈবাক অসি চাউখৎপদা শরুক য়ানবা খুদোংচাবা অমা মখোয়দা পীরে। নুপীশিংগী স্কিল হেনগৎহন্নবা সরকারনা পুক্নিং চঙলে। রক্ষবন্ধন কয়া পাংথোক্লবা ফাওবদা মবুং অমতনা লৌখিদ্রিবা অসিগুম্বা ৱাশক অমা মোদীনা লৌরে।
ঐগী খুঙ্গংশিংদা থবক তৌরিবা সেল্ফ হেল্প গ্রুপদগী ঐগী ইচল করোর ২ লাখপতি দিদি ওইহন্নবা মোদীনা ৱারেপ লৌরে। মহাক্না চাউথোক্না লেপখি অমসুং হায়খি, ঐ লাখপতি দিদি অমনি। ঐগী ইনকম লুপা লাখ অমা হেল্লে। সরকারনা ‘নমো দ্রোন দিদি’ কৌবা থৌরাং অমা পায়খৎলে। কনাগুম্বা অমনা নমো দিদি হায়না খঙনবা কেম্পেন অসি থবক হৌরে। ঐখোয়না সেল্ফ হেল্প গ্রুপ লিশিং ১৫ ত্রেন তৌগনি অমসুং মখোয় নমো দ্রোন দিদি ওইহনগনি অমসুং মখোয়দা দ্রোনশিং পীগনি অমসুং মখোয়না খুঙ্গংদা ত্রেক্তর অমনা পাংথোকপা লৌ উবগী থবকশিং হায়বদি তিলহাৎ হিদাকশিং চাইবগী থবক পাংথোক্কনি। হার চাইবা, লৌ য়েংশিনবা, ঈশিং ফংবা নত্ত্রগা ফংদবা য়েংশিনবা, হায়রিবা থবকশিং অসি হৌজিক দ্রোনশিংনা পাংথোকপা য়ারগনি। খুঙ্গংদা লৈরিবা ঐখোয়গী ইচলশিং অমসুং ইচানুপীশিং দ্রোনশিং পাইনবা ত্রেনিং পীরগনি। ত্রেনিং মতুংদা, ইচলশিং অমসুং ইচানুপীশিং নমো দ্রোন দিদি হায়না খঙনগনি। খুঙ্গং খুদিংমক্তা, নমো দিদি অসিনা লৈবাক অসিগী লৌউ-শিংউগী থবকশিং অনৌবা তেক্নোলোজিগা শম্নহনগনি অমসুং মখোয়না অহেনবা শেন তানবা ঙম্লগনি অমসুং মসিনা মরম ওইদুনা লৌউ-শিংউদা অচৌবা অহোংবা অমা লাক্লগনি। ঐখোয়গী লৌউ-শিংউগী থবক সাইন্তিফিক ওইবা, অনৌবা, তেক্নোলোজি শীজিন্নবা ওইগদবনি অমসুং ঐখোয়গী ইচলশিং অমসুং ইচানুপীশিংনা মসি পাংথোক্লবা মতমদা, মীওই খুদিংমক্না মসি য়াগনি।
ঐগী ইমুং-মনুংগী মীওইশিং,
বিকসিত ভারত সংকল্প যাত্রাদা নুপীশিংগী শক্তি, নহারোলগী শক্তি, লৌমীশিং অমসুং লায়রবশিংনা শৌগৎপা অসি থাগৎনিঙাইনি। খোঙচৎ অসিগী মনুংদা, শান্নবা চাউখৎনবা খুঙ্গং খুদিংমক্তা থবক তৌরিবা ঐখোয়গী নহা ওইরিবা শান্নরোয় লাখ অমা হেনবা মনা পীদুনা ইকায়খুম্নবা উৎখি। মসি শান্নবগী তাইবংদা নহা ওইরিবা শান্নরোয়শিং মাঙলোমদা চঙশিন্নবা অচৌবা পুক্নিং থৌগৎপা অমনি। মীয়াম্না নমো এপ্প দাউনলোদ তৌবা অদোম উরম্লগনি। মসিগা মান্নবা মওংদা, খুঙ্গং খুদিংমক্তা নহারোলশিং ‘মাই ভারত কে ভোলুন্তিয়ারস’ ওইরে। থৱায় য়াওনা ঐখোয়গী ইচানুপাশিং অমসুং ইচানুপীশিং ‘মাই ভারত ভোলুন্তিয়ার’দা শরুক য়ারে, ঐখোয়গী নহারোলশিং শরুক য়ারে অমসুং রেজিাস্তার তৌরে, মখোয়গী থৌনা অদু তুংদা লৈবাক অসিদা অমসুং খুঙ্গংদা অহোংবা পুরকপদা য়াম্না কান্নগনি। মসিনা চাউখৎলবা ভারত অমা শেম্নবগী ৱাশক ঙাকপা ঙমহনগনি। বিকার ভারত এম্বেসেদর ওইনা অদোম মসিদা রেজিস্তার তৌবীয়ু। চাউখৎলবা ভারতকী এম্বেসেদর ওইনা, অদোম্না দাইত্ব লৌরে অমসুং মসিদা পল্লিবশিং পাংথোক্কদবনি। নুমিৎ খুদিংগী অনৌবা মীওই ১০-১০ খঙনগদবনি অমসুং ইহৌ অমা ওইহনগদবনি। ঐখোয় মহাত্মা গান্ধীগী মতমদা সত্যগ্রাহ শরুক য়াখিবা অদুগুম্বা মীওইশিং অদুগা মান্নরে। অদুবু, চাউখৎলবা ভারত অমা শেমগৎনবা দরকার লৈবা খুদিংমক পাংথোক্নবা ঐখোয়না ভোলুন্তিয়ার এম্বেসেদরশিং থৌরাং তৌগদবনি।
অনিশুবদা, ভারত চাউখৎকনি, অদুবু ঐগী নহারোল মীরোলশিং মশা শোল্লি অমসুং নুমিৎ চুপ্পা অমা তি.ভি মমাঙদা ফম্লি। মখোয়না নুমিৎ চুপ্পা অমা মোবাইল ফোন পাইদুনা লৈরি অমসুং মশাগী মখোঙ অমসুং মখুৎশিং ফাওবা লেংদে। মরম অদুনা, লৈবাক অসি নুংঙাইবা হেনগৎলক্কনি, অমসুং ঐগী নহারোলশিং মশা ফদ্রবদি কমদৌনা লৈবাক অসি চাউখৎকনি, কনা কনা কান্নবা মীওই ওইগনি অমসুং নমো এপ্পতা অদোম বিকাস ভারতকী এম্বেসেদর ওইবগুম ঐখোয়না ফিত ইন্দিয়া মুভমেন্তদা খুঙ্গংশিং শরুক য়াগদবনি।
ঐগী লৈবাক অসিগী ইচানুপীশিং অমসুং ইচানুপাশিং মপাঙ্গল কনগদবনি। করিগুম্বা মখোয়না কিমি ২ দগী কিমি ৪ ফাওবা খোঙনা চৎকদবা ওইরবদি, মহাক বস নত্ত্রগা তেক্সিদা চৎকনি, মসি তৌরোইদবনি। নহারোলশিংনা মখোয় মশামক ‘মাই ভারত ভোলুন্তিয়ার’ ওইনা রেজিস্তার তৌরি অমসুং মসিনা চাউখৎলবা ভারত অমগী ৱাশক মপাঙ্গল কনখৎহল্লে। হায়রিবা ভোলুন্তিয়ারশিং অসিনা হৌজিক ফিত ইন্দিয়াগী লাইৱাগা লোয়ননা মাঙলোমদা চঙশিনগনি। পোৎলম মরি হায়বদি ঈশিং, মচি ওইবা চীঞ্জাক, শাজেল নত্ত্রা হকচাং ফনা লৈবা অমসুং মপুংফাবা তুম্বা হায়বসি মরুওইনা লৌগদবনি। হায়রিবা মরি অসি হকচাং ফনা লৈবা তঙাইফদবনি। করিগুম্বা ঐখোয়না হায়রিবা মরি অসিদা পুক্নিং চঙলবদি, ঐখোয়গী নহারোল হকচাং ফগনি অমসুং ঐখোয়গী নহারোলশিং হকচাং ফরবদি লৈবাক অসি হকচাং ফগনি। ঐখোয় মিল্লেত চাবগী হৈনবা থমগদবনি।
ঐখোয়গী অকোয়দা হকচাং ফবা মীওই কয়া উরে, মসিগী খুদোংচাবা ঐখোয়না লৌগদবনি। চাউখৎলবা ভারত অমগীদমক, শেন তাবা তানবা খক্তা পাংথোক্কদবা নত্তে, মখল কয়াগী থবক পাংথোক্কদবনি। ঐখোয়না ফিত ইন্দিয়াগী থবক পাংথোক্কদবনি। ঐগী ইচানুপীশিং অমসুং ইচানুপাশিং মশা ফনা লৈহনগদবনি। ঐখোয় লাল শোক্নবা লানফমদা চৎগদবা নত্তে, অদুবু ঐখোয় লায়না থেংননবা মশা ফনা লৈগদবনি। করিগুম্বা অদোম্না পুং ২ দগী পুং ৪ থবক তৌরবদি অদোম পাঙ্গল কনগনি।
ঐগী ইমুং-মনুংগী মীওইশিং,
বিকসিত ভারত সংকল্প যাত্রা মনুংদা ঐখোয়না ৱাশক লৌরিবা অসি শুপ্নগী ৱাহৈপরেং খর নত্তে। ৱাহৈ পরেশিং অসি ঐখোয়গী পুন্সিগী লাইৱাশিং ওইহনগদবনি। সরকারগী থবক তৌবা মীওই ওইগেরা, মীয়ামগী মীহুৎশিং ওইগেরা নত্ত্রগা মীয়াম ওইগেরা, মীওই খুদিংমক মপুংফানা কৎথোক্তুনা অমতা ওইগদবনি। মীওই খুদিংমক হোৎনরবা মতমদা চাউখৎলবা ভারত অমা শেমগৎপা ঙমগনি। ঐখোয়না চাউখৎলবা ভারত অমগী মঙলান মঙফাওনহনগদবনি। মসিগীদমক ঐখোয় পুন্না থবক তৌমিন্নগদবনি। লৈবাক শীনবা থুংনা লৈরিবা ঐগী ইমুং মনুংগী মীওই লাখ কয়াগা হকথেংননা ৱারি শানবগী খুদোংচাবা অমা ফংবা অসিদা ঙসি ঐ য়াম্না হরাওই। থৌরম অসি অঙকপা অমনি, নুমিৎ খরনিগী মতুংদা করিগুম্বা ঐনা মতম ফংলবদি যাত্রা মনুংদা ঐ শরুক য়াগনি অমসুং যাত্রা পাংথোক্লিবা খুঙ্গংগী মীয়ামগা ৱারি শানবগী খুদোংচাবা অমা লৌগনি। ঐনা ময়াম পুম্নমক য়াইফ-পাউজেল পীজরি। অদোম থাগৎচরি!
