প্রধান মন্ত্রী শ্রী নরেন্দ্র মোদীনা ঙসি গুজরাতকী রাজকোৎতা কচ্ছ অমসুং সৌরাস্ত্রা লমদমগীদমক ভাইব্রেন্ত গুজরাত রিজনেল কনফরেন্স হৌদোকখ্রে। থৌরম অদুদা তিনখিবা মীয়াম অদুদা ৱা ঙাংলদুনা শ্রী মোদীনা হায়খি মদুদি ২০২৬কী হৌখিবদগী মহাক্না গুজরাত্তা অহানবা ওইনা লাকপনি। মহাক্না হায়খি মদুদি মহাক্না অয়ুক অঙনবদা ভগৱান সোমনাথকী লাইশঙদা দর্শন ফংখি অমসুং হৌজিক রাজকোৎকী অচৌবা প্রোগ্রামদা শরুক য়াখি। মহাক্না হায়খি মদুদি "বিকাস ভী, বিরাসত ভী"গী মন্ত্র অসি মফম পুম্নমক্তা শন্দোরক্লি। প্রধান মন্ত্রীনা ভাইব্রেন্ত গুজরাত রিজনেল সম্মিততা শরুক য়ানবা লৈবাক শিনবা থুংবদগী অমসুং মালেমগী মফম কয়াদগী লাকখিবা ইচিল-ইনাও পুম্নমকপু তরাম্না ওকখি অমসুং য়াইফ-পাউজেল পীখি।
ভাইব্রেন্ত গুজরাত সম্মিতকী থৌরম পাংথোকপা মতমদা, শ্রী মোদীনা হায়খি মদুদি মহাক্না মসিবু মীফম অমা ওইনা খক লৌদে অদুবু ২১শুবা চহি চাগী মোদর্ন ভারতকী খোঙচৎ অমা ওইনা লৌই। মসি মঙলান অমগা লোয়ননা হৌরকখি অমসুং হৌজিক্তি থাজবা অমগা লোয়ননা কাইররোইদবা মওংদা লৈরে। মহাক্না ফোংদোকখি মদুদি চহী তরাগী মনুংদা ভাইব্রেন্ত গুজরাতকী খোঙচৎ অসি মালেমগী বেঞ্চমার্ক অমা ওইরক্লি অমসুং হৌজিক ফাওবদা এদিসন তরা পাংথোকখিবা অসিদা অমমম্না সম্মিত অসিগী মশক অমসুং থৌদাং অদু মপাঙ্গল কনখৎহল্লি।
মহাক্না অহানবা পাংথোকখিবা নুমিৎতগী হৌনা ভাইব্রেন্ত গুজরাত সম্মিতকী ভিজনগা মরী লৈনদুনা লাকখিবা অদুগা মরী লৈননা শ্রী মোদীনা হায়খি মদুদি অহানবা তাঙ্কক্কী পান্দমদি গুজরাতকী পোতেন্সিএল অদু মালেমদা খঙহন্নবা, মীয়াম লাক্নবা পাউজেল পীবা, ইনভেস্ত তৌনবা অমসুং মসিনা ভারত অমসুং মালেমগী ইনভেস্তরশিংদা কান্নবা ফংহন্নবা পাউজেল পীবনি। ঙসি সম্মিত অসি ইনবেস্তমেন্ততা হেন্দোক্তুনা মালেমগী চাউখৎপা, মালেমগী ওইবা তেংবাং পীনবা অমসুং পার্তনরশিপকী প্লেৎফোর্ম অমা ওইরক্লি হায়না মহাক্না ফোংদোকখি। প্রধান মন্ত্রীনা হায়খি মদুদি চহি কয়া অসিদা গ্লোবেল পার্তনরশিংগী মশিং লেপ্তনা হেনগৎলক্লি অমসুং সম্মিত অসি ইনক্লুজনগী মরুওইবা খুদম অমা ওইরক্লি। মহাক্না হায়খি মদুদি কোর্পোরেৎ গ্রুপশিং, কোওপরেতিবশিং, এম.এস.এম.ই.শিং, স্তার্ত-অপশিং, মল্তিলেতরেল অমসুং বাইলেতরেল ওর্গনাইজেসনশিং, অমসুং ইন্তর্নেস্নেল ফাইনান্সিএল ইন্সতিত্যুসনশিং পুম্নমক্না মফম অসিদা পুন্না ৱারী শাননবা, খন্ন-নৈনবা অমসুং গুজরাতকী চাউখৎ থৌরাংগা লোয়ননা খোংজেল য়াংশিন্ননবা মফম অসিদা লাক্লি।
প্রধান মন্ত্রী মোদীনা হায়খি মদুদি হৌখিবা দিকেদ অনি অসিদা ভাইব্রেন্ত গুজরাত সম্মিতনা লেপ্পা লৈতনা অনৌবা অমসুং অখন্নবা অমা পুথোক্লি, অমসুং ভাইব্রেন্ত গুজরাত রিজনেল সম্মিত অসি চৎনবী অসিগী অতোপ্পা খুদম অমা ওইরে। শ্রী মোদীনা হায়খি মদুদি রিজনেল সম্মিত অসিগী মিৎয়েং অসি গুজরাতকী তোঙান তোঙানবা মফমশিংগী শীজিন্নদ্রিবা পোতেন্সিএলশিংবু থবক ওইনা পাংথোক্নবা শেমগৎপনি। শ্রী মোদীনা হায়খি মদুদি লমদম খরদা কোস্তেল লাইন অমগী মপাঙ্গল লৈ, খরদা অশাংবা ত্রাইবেল বেল্ত লৈ, খরদা ইন্দস্ত্রীএল ক্লস্তরশিংগী অচৌবা ইকোসিস্তেম লৈ, অদুগা খরদা লৌউ-শিংউ অমসুং শা-ষন য়োকপগী চৎনবী লৈ। গুজরাতকী লমদম খুদিংমক্কী মশাগী মপাঙ্গল লৈ অমসুং লমদম অসিগী ওইথোকপা য়াবশিং অসিদা মীৎয়েং থমদুনা রিজনেল সম্মিত অসি মাংলোমদা চংশিল্লি হায়না মহাক্না ফোংদোকখি।
প্রধান মন্ত্রীনা হায়খি মদুদি ২১শুবা চহীচাগী ক্বার্তর অমা মপুং ফারক্লে অমসুং হৌখিবা চহিশিংদা ভারতনা খোঙজেল য়াংনা খুমাং চাউশিল্লে, মসিদা গুজরাত অমসুং মসিগী মীয়াম পুম্নমক্না মরুওইবা থৌদাং লৌরি। মহাক্না হায়খি মদুদি ভারতনা মালেমগী খ্বাইদগী চাউবা অহুমশুবা ইকোনোমী ওইবগী মায়কৈদা চংশিল্লি অমসুং দেতা অসিনা ময়েক শেংনা উৎলি মদুদি ভারত্তা মালেমগী ওইবা আশা অসি লেপ্তনা হেনগৎলক্লি। শ্রী মোদীনা হায়খি মদুদি ভারত অসি খোংজেল য়াংনা চাউখৎলক্লিবা অচৌবা শেন্মিৎলোন অমনি, ইফ্লেসন লাকশিন্নবা হোৎনরি, লৌউ-শিংউগী পোৎথোক পুথোকপদা অনৌবা রেকোর্দশিং থম্বা ঙম্লি, ভারত অসি শঙ্গোম পুথোকপদা মঅআনবা থাক্তা লৈরি, জেনেরিক হিদাক পুথোকপদা অআনবা থাক্তা লৈরি, অমসুং মালেমদা ভেক্সিন পুথোকপদা খ্বাইদগী চাউবা লৈবাক ওইরি।
শ্রী মোদীনা হায়খি মদুদি ভারতকী গ্রোথ ফেক্স শিৎ অসি রিফোর্ম, পর্ফোর্ম অমসুং ত্রান্সফোর্মগী মায় পাকপগী ৱারীনি। মহাক্না হায়খি মদুদি হৌখিবা চহি ১১ অসিদা ভারত অসি মালেমগী খ্বাইদগী চাউবা মোবাইল দেতা কঞ্জুমর ওইরক্লি অমসুং য়ু.পি.আই.না মালেমগী ওইনা রিএল-তাইম দিজিতেল ত্রাঞ্জেক্সন প্লেৎফোর্ম অমা ওইরক্লি। মহাক্না ফোঙদোকখি মদুদি মমাংদা মোবাইল ফোন ১০গী মনুংদা ৯দি ইমপোর্ত তৌই, অদুবু ঙসিদি ভারত অসি মালেমগী অনিশুবা খ্বাইদগী চাউবা মোবাইল ফোন মেন্যুফেকচরর ওইরে। প্রধান মন্ত্রীনা মখা তাখি মদুদি ভারতনা হৌজিক মালেমগী খ্বাইদগী চাউবা অহুমশুবা স্তার্ত-অপ ইকোসিস্তেম লৈরে, সোলার পাৱর জেনরেসনদা খ্বাইদগী চাউবা লৈবাক অহুমগী মনুংদা লৈরি, খ্বাইদগী চাউবা এভিএসন মার্কেত্তা অহুমশুবনি, অমসুং মালেমগী খ্বাইদগী চাউবা মেত্রো নেতৱর্ক অহুমগী মনুংদা অমা ওইরি।
ঙসি মালেমগী এক্সপর্ত অমসুং ইন্সতিত্যুসন খুদিংমক্না ভারতকীদমক থাজবা থম্লি হায়না পল্লদুনা প্রধান মন্ত্রীনা হায়খি মদুদি আই.এম.এফ.না ভারতপু মালেমগী গ্রোথকী ইঞ্জিননি হায়না লৌরি, এস.এন্দ.পি.না চহি ১৮গী মতুংদা ভারতকী রেতিং হেনগৎহনখ্রে, অমসুং ফিৎচ রেতিংসনা ভারতকী মেক্রো স্তেবিলিতী অমসুং ফিস্কেল ক্রেদিবিলিতীবু থাগৎপা ফোংদোকখ্রে। মহাক্না হায়খি মদুদি ভারতকী মতাংদা মালেমগী ওইনা থাজবা অসি লৈরিবগী মরমদি, মালেমগী ওইনা অচৌবা শিংনবশিংগী মরক্তা, ভারতনা মমাংদা অমুক্তা ওইখিদ্রিবা মওংদা মাই পাকপা পুরকপা ঙমখি। মহাক্না হায়খি মদুদি ভারতনা রাজনিতীগী ওইবা অরেপ্পা লৈবা, পোলিসী কন্তিন্যুইতি অমসুং ক্রেদিং পাৱর হেনগৎলক্লিবা নিও-মিদল ক্লাস অমা ওইরদুনা ভারত অসি ঙমখৈ লৈতবা ওইথোকপা য়াবা লৈবাক অমা ওইহল্লি। লাল কিল্লাদগী মহাক্না হায়রম্বা "মসি মতমনি, অচুম্বা মতমনি" অদু নীংশিংলদুনা শ্রী মোদীনা হায়খি মদুদি লৈবাক অসিদা অমসুং মালেমদা লৈরিবা ইনভেস্তর খুদিংমক্না ভারতকী ওইথোকপা য়াবশিংগী খুদোংচাবা লৌনবা অচুম্বা মতমনি। মহাক্না মখা তারদুনা হায়খি মদুদি ভাইব্রেন্ত গুজরাত রিজনেল সম্মিত অসিনা ইনভেস্তর পুম্নমক্তা সৌরাস্ত্রা-কচ্চতা ইনভেস্তমেন্ত তৌনবগীদমক্তা, মসি অচুম্বা মতমনি হায়বগী পাউজেল পীরি।
প্রধান মন্ত্রী মোদীনা হায়খি মদুদি সৌরাস্ত্র অমসুং কচ্ছ অসি শিংনবশিং অসি কয়া য়াম্না চাউরবসু, কনাগুম্বা অমনা ইকাইখুম্নবা অমসুং কন্না হোৎনরবদি মাই পাকপা ঙমগনি হায়না থাজবা থম্লিবা গুজরাতকী মফমশিংনি। মহাক্না ফোঙদোকখি মদুদি কচ্ছ অসি চহীচা অসিগী হৌরকপদা য়াম্না তমথিরবা জুৱার হাবগী অৱাবা মাইয়োক্নখি অমসুং সৌরাস্ত্রনা চহী কয়া ঈকং মাইয়োক্নখি, মফম অসিদা মমাশিং অমসুং ইচিল-ইনাওশিংনা থক্নবা ঈশিংগীদমক কিলোমিতর কয়া চৎপা তাখি, ইলেক্ত্রিসিতী লৈখিদে, অমসুং খুদোংচাদবা মফম পুম্নমক্তা লৈখি। মহাক্না ফোংদোকখি মদুদি ঙসিগী চহি ২০-২৫গী নহারোলশিংনা মতম অদুগী ৱারী খক্তমক তাখ্রে, মতম অদুদা মীওইশিংনা কচ্ছ নৎত্রগা সৌরাস্ত্রাদা মতম শাংনা লৈবা পামদে, অমসুং হায়রিবা ফিভমশিং অদু করিগুম্বা অমত্তদা হোংদোক্লোই হায়না উবা ফংখি। মহাক্না ফোংদোকখি মদুদি পুৱারীনা মতমগী অহোংবা লাকপগী খুদম ওইরি, অমসুং তশেংনমক অহোংবা লাক্লি, অমসুং সৌরাস্ত্রা অমসুং কচ্ছকী মীয়াম্না মখোয়গী কন্না হোৎনবগী খুত্থাংদা মখোয়গী মরাইবক হোংদোকখ্রে।
ঙসি সৌরাস্ত্রা অমসুং কচ্ছ অসি খুদোংচাবগী মফম খক্তা নত্তনা ভারতকী চাউখৎপগী মরুওইবা রিজনশিং ওইরে হায়না পল্লদুনা শ্রী মোদীনা হায়খি মদুদি হায়রিবা রিজনশিং অসি আত্মানির্ভর ভারত কেম্পেনগী মরুওইবা সেন্তরশিং ওইরক্লি অমসুং ভারতপু মালেমগী মেনুফেকচরিং হব অমা ওইহনবদা মরুওইবা থৌদাং লৌরি। প্রধান মন্ত্রীনা হায়খি মদুদি রাজকোৎ খক্তদা এম.এস.এম.ই. লাখ ২.৫ হেন্না লৈরি অমসুং মসিগী তোঙান-তোঙানবা ইন্দস্ত্রীএল ক্লস্তরশিংদা স্ক্রু দ্রাইভরদগী হৌদুনা ওতো পার্তশিং, মেছিন তুলশিং, লকজরি কার লাইনরশিং, এয়রপ্লেনশিং, ফাইতর প্লেনশিং অমসুং রোকেত কম্পোনেন্তশিং পুথোকই। মহাক্না হায়খি মদুদি লমদম অসিনা মমল হোংবা মেনুফেকচরিংদগী হৌরগা অৱাংবা থাক্কী, অৱাংবা তেক্নোলোজীগী মেনুফেকচরিং ফাওবগী ভেল্যু চেন পুম্নমক্তা মতেং পাংলি। মসিগী জুৱেলরী ইন্দস্ত্রী অসি মালেমদা মমিং চৎলি, মসিনা স্কেল, হৈশিংবা অমসুং মালেমগী মরীশিং উৎলি।
প্রধান মন্ত্রীনা হায়খি মদুদি অলঙ্গদা মালেমগী খ্বাইদগী চাউবা শিপ ব্রেকিং য়ার্দ লৈরি, মসিদা মালেমগী শিপশিংগী শরুক অহুম থোকপগী অমা রিসাইকল তৌই, মসিন সর্ক্যুলর ইকোনোমীদা ভারতনা লুচিংবা ওইবগী খুদম অমনি। মহাক্না হায়খি মদুদি ভারত অসি তাইল পুথোকপা খ্বাইদগী চাউবা লৈবাকশিংগী মরক্তা অমনি অমসুং মোরবি দিস্ত্রিক্তনা মরুওইবা থৌদাং অমা লৌরি অদুগা মসিদা মেনুফেকচরিং মমল হোংবা অমসুং মালেমগী থাক্তা বেঞ্চমার্ক তৌবা ঙম্বা ওইরি। শ্রী মোদীনা হায়খি মদুদি মহাক্না মতম অমদা মোর্বি, জামনগর অমসুং রাজকোৎনা পুন্না 'মিনি জপান' ওইগদবা ত্রাইএঙ্গল অমা শেমগদবা মতম অদু মহাক্না উবা ফংখি। মহাক্না হায়খি মদুদি মতম অদুদা মীওই কয়ানা মহাক্কী ৱারোল অদুবু ইকায় খুম্নখিদে, অদুবু ঙসিদি মহাক্না মহাক্কী মমিৎতা উখিবাবা অদু মখোয়গী মমিৎতা উবা ফংহল্লে।
অনৌবা মেনুফেকচরিংগী মরুওইবা মফম অমা ওইরক্লিবা ধোলেরা স্পিসিএল ইনভেস্তমেন্ত রিজন অসিগী চাউথোকচবা ফোংদোক্লদুনা শ্রী মোদীনা হায়খি মদুদি ধোলেরাদা ভারতকী অহানবা সেমিকন্দক্তর ফেসিলিতী লিংখৎলি, মসিনা রিজন অসিদা তুংগী তেক্নোলোজীশিংদা অহানবা খোঙথাং লৌবগী খুদোংচাবা পীরি। ইনফ্রাস্ত্রকচর শেম-শারিবা, পোলিসী মাংজৌননা উবা ঙম্বা অমসুং অশাংবা মতমগী ওইবা মিৎয়েংগা লোয়ননা লমদম অসিদা ইনবেস্তমেন্ত তৌনবগীদমক লমদম অসিনা মপুং ফানা শেম-শারি হায়না মহাক্না মখা তাখি।
শ্রী মোদীনা হায়খি মদুদি সৌরাস্ত্র অমসুং কচ্ছ অসি ভারতকী গ্রীন গ্রোথ, গ্রীন মোবিলিতী অমসুং ইনর্জী সেক্যুরিতীগী মরুওইবা হবশিং ওইনা থোরক্লি। মহাক্না হায়খি মদুদি কচ্ছতা জিগাৱাৎ ৩০গী কেপাসিতীগী রিন্যুএবল ইনর্জী পার্ক অমা শেমগৎলি অমসুং মসি পেরিস শহরদগী শরুক মঙা হেন্না চাউবা মালেমগী খ্বাইদগী চাউবা হাইব্রিদ ইনর্জী পার্ক ওইগনি। মহাক্না ফোংদোকখি মদুদি লমদম অসিদা ক্লিন ইনর্জী অসি অচেৎপা ৱাফম অমা খক্তা নত্তে, মসি কম্মর্সিএল স্কেলদ অমসু ওইরে। প্রধান মন্ত্রীনা হায়খি মদুদি কচ্ছ অমসুং জামনগর অসি গ্রীন হাইদ্রোজেন পুথোকপগী মরুওইবা সেন্তরশিং ওইরক্লি অমসুং রিন্যুএবল ইনর্জীগা লোয়ননা গ্রিদকী স্তেবিলিতী অমসুং রিলাইএবিলিতী লৈহন্নবা কচ্ছতা অচৌবা বেতরী ইনর্জী স্তোরেজ সিস্তেম অমা শেমগৎলি।
সৌরাস্ত্রা অমসুং কচ্ছকী অতোপ্পা অচৌবা শক্তি অমা হায়রগদি মখোয়গী মালেমগী থাক্কী পোর্তশিং অসিদা ভারতকী এক্সপোর্তকী শরুক কয়া অমা চৎলিবা অসিগী মতাংদা পল্লদুনা পিপাভভ অমসুং মুন্দ্রা পোর্তশিং অসি ওতোমোবাইল এক্সপোর্তকী মরুওইবা মফম অমা ওইরে হায়না প্রধান মন্ত্রীনা ফোংদোকখি। হৌখিবা চহিদা গুজরাতকী পোর্তশিংদগী ভেহিকল লাখ ১.৭৫ রোম এক্সপোর্ত তৌখি। পোর্ত-লেদ দিবেলপমেন্তকী হিরম খুদিংমক্তা লোজিস্তিক্সকী মথক্তা ইনবেস্তমেন্তগী লোইবা নাইদ্রবা খুদোংচাবশিং লৈ হায়না মহাক্না ফোংদোকখি। শ্রী মোদীনা হায়খি মদুদি গুজরাত সরকারনা সিফুদ প্রোসেসিং ইনভেস্তরশিংগীদমক অচৌবা ইনফ্রাস্ত্রকচর দিবেলপমেন্ত অমসুং মপাঙ্গল কনবা ইকোসিস্তেম অমা শেমগৎতুনা ফিসরিজ সেক্তরদা অখন্নবা মীৎয়েং চংলি।
ইনফ্রাস্ত্রকচরগী মথক্তা, ইন্দস্ত্রীগীদমক শেম-শারিবা শিন্মীগী মচাক অমা ঙসি খ্বাইদগী চাউবা মথৌ তাবগা লোয়ননা গুজরাতনা ইনভেস্তরশিংদা মসিগী মায়কৈ অসিদা মপুং ফানা থাজবা পীরি হায়না প্রধান মন্ত্রীনা ফোংদোকখি। মহাক্না হায়খি মদুদি গুজরাত্তা এজুকেসন অমসুং স্কিল দিবেলপমেন্তকীদমক ইন্তর্নেস্নেল ইকোসিস্তেম লৈরি। মহাক্না হায়খি মদুদি কৌশল্যা স্কিল য়ুনিভর্সিতীনা ওস্ত্রেলিয়া অমসুং সিঙ্গাপুরগী য়ুনিভর্সিতীশিংগা খুৎশম্নদুনা নহাশিংবু তুংলমচৎকীদমক শেম-শারবা স্কিলশিংগা লোয়ননা শেম-শারি। নেস্নেল দিফেন্স য়ুনিভর্সিতী অসি ভারতকী অহানবা নেস্নেল লেভেল দিফেন্স য়ুনিভর্সিতীনি হায়না মহাক্না পনখি। অদুগা গতিশক্তি য়ুনিভর্সিতীনা লম্বী, রেলৱে, এয়রৱে, ৱাতরৱে অমসুং লোজিস্তিক সেক্তরশিংগীদমক হৈ-শিংলবা মেনপাৱর শেমগৎলি। শ্রী মোদীনা হায়খি মদুদি গুজরাত্তা ইনভেস্তমেন্ত তৌবদা তেলেন্ত পাইপলাইন অমা লৈগনি। মহাক্না মখা তাখি মদুদি মপান লৈবাক্কী য়ুনিভর্সিতী কয়ানা ভারত্তা খুদোংচাবশিং উরি, গুজরাত অসি মখোয়গী পাম্নবা মফম অমা ওইরক্লি, অমসুং ওস্ত্রেলিয়াগী মরুওইবা য়ুনিভর্সিতী অনিদি রাজ্য অসিদা কেম্পসশিং হান্ননা হাংবা হৌখ্রে, তুংলমচৎতা অতোপ্পা কেম্পসশিংসু থোরক্লগনি হায়না থাজরি।
প্রধান মন্ত্রীনা হায়খি মদুদি গুজরাতনা মহৌশা, এদভেঞ্চর, কলচর অমসুং হেরিতেজ পীরি, মসিনা মপুং ফাবা তুরিজম এক্সপরিয়েন্স অমা ওইহল্লি। মহাক্না হায়খি মদুদি লোথাল অসি ভারতকী চহি ৪৫০০গী মেরিতাইম হেরিতেজকী খুদম্নি। মসিদা মালেমগী খ্বাইদগী লিরবা মীওইবনা শাবা দোকয়ার্দ অমা লৈরি অমসুং মসিদা নেস্নেল মেরিতাইম হেরিতেজ কমপ্লেক্স শেমগৎলি। মহাক্না হায়খি মদুদি রন উৎসব অসি হৌজিক কচ্ছতা পাংথোক্লি অমসুং তেন্ত সিতী অসিনা তোপ তোপ্পা এক্সপরিয়েন্স অমা পীরি। মহাক্না হায়খি মদুদি লম্লক্কী শা-ঙা পামজবশিংনা এসিয়ণ লাইয়নশিং য়েংবগী থোইদোক হেন্দোকপা এক্সপরিয়েন্সকীদমক গির ফোরেস্তদা চৎপা য়াই অমসুং মসিদা চহি খুদিংগী তুরিস্ত লাখ মাপন হেন্না লাকই। মহাক্না মখা তাখি মদুদি সমুদ্রবু নুংশিজবা মীওইশিংনা মন্দবী, সোমনাথ অমসুং দ্বারকাগা লোয়ননা ব্লু ফ্লেগ সর্টিফাইদ ওইবা শিৱরাজপুর সমুদ্র মপানগী নুংঙাইবা মফম য়েংবা য়াগনি। মহাক্না পনখি মদুদি নক্নবা দিয়ু অসি ৱাতর স্পোর্তস অমসুং সমুদ্র মপানগী শান্ন-খোৎনবগী মরুওইবা মফম অমা ওইরক্লি।
সৌরাস্ত্রা অমসুং কচ্ছ অসি শক্তি অমসুং ওইথোকপা য়াবা মফমশিংনি হায়না পল্লদুনা শ্রী মোদীনা ইনভেস্তরশিংদা মখোয়গী খুদোংচাবা মপুং ফানা লৌনবা হায়খি। সৌরাস্ত্রা-কুচ্চতা শেল থাদবা খুদিংমক্না গুজরাতকী চাউখৎপা অমসুং লৈবাক অসিগী চাউখৎপদা খোংজেল য়াঙখৎহল্লগনি হায়না মহাক্না ফোংদোকখি।
প্রধান মন্ত্রীনা হায়খি মদুদি ঙসিদি ভারতনা চাউখৎলবা লৈবাক অমা ওইবগী পান্দমগী মায়কৈদা খোঙজেল য়াংনা চংশিল্লি অমসুং মসিগী খোঙচৎ অসিদা রিফোর্ম এক্সপ্রেসনা মরুওইবা থৌদাং অমা লৌরি। মহাক্না হন্দক্তা সেক্তর খুদিংমক্তা, মরুওইনা এম.এস.এম.ই.শিংদা কান্নবা পীরিবা নেক্স জেনরেসন জি.এস.তি.গী মতাংদা পল্লদুনা রিফোর্ম এক্সপ্রেস হায়বসি সেক্তর খুদিংমক্কী নেক্স জেনরেসন রিফোর্ম অদুনি হায়না ফোঙদোকখি। মহাক্না হায়খি মদুদি ভারতনা ইন্সুরেন্স সেক্তরদা ১০০% এফ.দি.আই. চৎনহন্দুনা নাগরিকশিংদা য়ুনিভর্সেল ইন্সুরেন্স কভরেজ ফংহন্দুনা অচৌবা অহোংবা অমা পুরক্লে হায়না ফোঙদোকখি। মহাক্না হায়খি মদুদি চহী হুম্ফুগী মতুংদা, ইনকম তেক্সকী আইন অসি মোদর্নাইজ তৌখ্রে, মসিনা তেক্স থীরিবশিং মিলিয়ন কয়াদা কান্নবা ফংহল্লে। ভারতনা পুৱারী ওইরবা লেবর রিফোর্মশিংসু পায়খৎলি হায়না মহাক্না ফোংদোকখি। মসিনা শেন-থুম, সোসিএল সেক্যুরিতী অমসুং ইন্দস্ত্রীদা য়ুনিফাইদ ফ্রেমৱার্ক অমা পীদুনা শিন্মীশিং অমসুং ইন্দস্ত্রী অনিমক্তা কান্নবা ফংহল্লগনি।
ভারত অসি দেতা-দ্রিভন ইন্নোবেসন, এ.আই. রিসর্স অমসুং সেমিকন্দক্তর মেনুফেকচরিংগী মালেমগী হব অমা ওইরক্লি হায়না পল্লদুনা শ্রী মোদীনা হায়খি মদুদি ভারতকী হেনগৎলক্লিবা ইনর্জীগী দিমান্দনা মরম ওইদুনা, ইনর্জীগী অচেৎপা থাজবা অসি য়াম্না মরু ওই অমসুং মসি ফংনবগী মরুওইবা পাম্বৈদি ন্যুক্লিয়র পাৱরনি। মহাক্না পনখি মদুদি ন্যুক্লিয়র পাৱর সেক্তরদা অনেক্স জেনরেসন রিফোর্মশিংসু হৌদোক্লে অঞসুং সিবিল ন্যুক্লিয়র ইনর্জী অসি শান্তী এক্তকী খুত্থাংদা প্রাইবেৎ পার্তিসিপেসনগীদমক হাংদোক্লে। মসিনা ইনভেস্তরশিংগীদমক অচৌবা খুদোংচাবা কয়া অমা লৈহল্লে।
শ্রী মোদীনা মফম অসিদা লৈরিবা ইনভেস্তর পুম্নমক্তা থাজবা পীখি মদুদি ভারতকী রিফোর্ম এক্সপ্রেস অসি লেপ্লরোই, অমসুং লৈবাক অসিগী রিফোর্মগী খোঙচৎ অসি ইন্সতিত্যুস্নেল ত্রান্সফোর্মেসনগী মায়কৈদা মাংলোমদা চংশিল্লি। শরুক য়ারিবশিং অসি এম.ও.য়ু. অমখক্তগা লোইননা মফম অসিদা লাকপা নত্তে, সৌরাস্ত্রা-কচ্চকী চাউখৎপা অমসুং হেরিতেজগা মরী লৈননবা লাকপনি হায়না মহাক্না ফোংদোকখি। মফম অসিদা থাদবা লুপা খুদিংমক্না অফবা মহৈ অমা পীগনি হায়না মহাক্না থাজবা পীরদুনা মহাক্না ময়াম পুম্নমক্তা য়াইফ পাউজেল পীখি অমসুং মখোয় পুম্নমক্তা থাগৎপা ফোংদোক্লদুনা মহাক্কী ৱারোল অদু তেনশিনখি।
থৌরম অদুদা রাজকোৎকী শক্নাইরবা ইন্দস্ত্রীএলিস্ত, জ্যোতি সি.এন.সি. ওতোমেসনগী চেয়রমেন অমসুং মেনেজিং দাইরেক্তর শ্রী পরাক্রমসিং জি. জাদেজানা মহাক্কী ৱারোলদা প্রধান মন্ত্রী শ্রী নরেন্দ্র মোদীনা গুজরাতপু ভাইব্রেন্ত গুজরাত ইনিসিয়েতিবকী খুত্থাংদা ভারতকী গ্রোথ ইঞ্জিনদা ওন্থোকপদা মহাক্কী অখন্নবা মিৎয়েং অমসুং লুচিংবগী মগুন অদু ফোংদোকখি। মহাক্কী লমজিং মখাদা ভারতনা মালেমগী ভি.য়ু.সি.এ.গী ফিভম - অহোংবা, অচেৎপা, কমপ্লেক্সিতী, অমসুং এজিলিতী - অসি মিৎয়েং, খঙ-হৈবা, ক্লেরিতী অমসুং এজিলিতীদা অমুক হন্না ৱাহন্থোক পীদুনা অৱাবা মালেমগী ফিভমদা ফাওবা স্তেবিলিতী লৈহন্নবা হোৎনরি হায়না মহাক্না ফোংদোকখি। লাক্কদৌরিবা চহি মঙা অসিদা, জ্যোতি সি.এন.সি.না মেনুফেকচরিং অমসুং আর.এন্দ.দি. অমসুং স্কিলশিংদা লুপা করোর ১০,০০০ হেন্না ইনভেস্ত তৌরগনি। মহাক্না ইনোবেসন অমসুং স্কিল দিবেলপমেন্তনা লমজিংদুনা ভারতপু মেনুফেকচরিংদা মকোক থোংবা অমা ওইহন্বগীদমক প্রধান মন্ত্রীগী লুচিংবগী মতৌবু থাগৎপা ফোংদোকখি। শ্রী মোদীগী আত্মানির্ভর ভারত অমসুং বিক্সিত ভারত ২০৪৭গী মিৎয়েং অসি সরকার, ইন্দস্ত্রী, ইন্সতিত্যুসন অমসুং খুন্নাইগী অপুনবা থৌদাং অমনি হায়না মহাক্না ফোংদোকখি। মোদীগী পোলিসীশিং অমসুং রিফোর্মশিংনা অচৌবা ইনভেস্তমেন্তশিং, তেক্নোলোজিকেল এদভান্স অমসুং মালেমগী ওইনা চাংদম্নবা ঙম্বগী ফীভম অমা শেমগৎলে। মসিনা ভারতকী মেন্যুফেকচরিং ইকোসিস্তেম অসি মপাঙ্গল কনখৎহল্লগনি অমসুং লৈবাক্কী চাউখৎপদা চাউনা তেংবাংগনি হায়বা থাজবা থম্লি।
আদানী পোর্তস অমসুং এস.ই.জেদকী এম.দি. শ্রী করন আদানীনা ৱা ঙাংবদা প্রধান মন্ত্রী শ্রী নরেন্দ্র মোদীগী ত্রান্সফোর্মেতিব লিদরশিপনা ভারতকী স্কেল অমসুং মাইন্দসেৎপু নৌনা শেমগৎলে হায়না ফোংদোকখি। শ্রী মোদীনা লৈবাক মীয়ামদা তুংলমচৎকী খনবা, ইন্সতিত্যুসন শেম্বা অমসুং চাউখৎপা অসি সিভিলাইজেস্নেল মিসন অমা ওইনা য়েংনবা তাকপীখি। শ্রী মোদীগী মখাদা গুজরাত অসি ভারতকী খ্বাইদগী ইন্দস্ত্রীগী ওইনা খুমাং চাউশিল্লবা অমসুং মালেমগী ওইনা শম্নরবা রাজ্য অমা ওইরক্লি। মসিনা জি.দি.পি., ইন্দস্ত্রীএল আউতপুত, কার্গো হেন্দলিং অমসুং রিন্যুএবল ইনর্জীদা চাউনা কন্ত্রিব্যুৎ তৌরি। শ্রী আদানীনা ফোংদোকখি মদুদি "ইজ ওফ দুইং ব্যুজিনেস" অসি নেস্নেল কন্সেপ্ত অমা ওইদ্রিঙৈগী মমাংদা, মুখ্য মন্ত্রী ওইনা, শ্রী মোদীনা অফবা লৈঙাকপা অমসুং থবক পাংথোকপগী খোঙজেলনা রাজ্য অমা ওন্থোকপা ঙম্মি হায়বা উৎখি। প্রধান মন্ত্রী অমা ওইনা, মহাক্না মসিগী ৱাখল্লোন অসিবু ভারত শীনবা থুংনা শন্দোকখি অমসুং কোওপরেতিব অমসুং কম্পিতিতিব ফেদরেলিজমগী খুত্থাংদা পোলিসী স্তেবিলিতী, চাউনা ইনফ্রাস্ত্রকচর শেমগৎতুনা রাজ্যশিং অসি গ্রোথকী ইঞ্জিন ওইহনখি। মহাক্না ফোংদোকখি মদুদি মোদীগী লুচিং মখাদা ভারত অসি মচেৎ মচেৎ তারবা মালেমগী শেন্মিৎলোনগী মনুংদা মঙাল থোকপা মফম অমা ওইনা থোরক্লি, ভারতকী শেন্মিৎলোন অসি চাদা ৮গী চাংদা চাউখৎলি। মসিনা মেনুফেকচরিং বেজ পাকথোক চাউথোকহল্লি অমসুং $৫ ত্রিলিয়ন দোল্লরগী শেন্মিৎলোন অমসুং মালেমগী খ্বাইদগী চাউবা অহুমশুবা ওইবগী মায়কৈদা থাজবগা লোয়ননা খুমাং চাউশিল্লি। শ্রী আদানীনা কচ্ছ অমসুং মুন্দ্রাবু শক্তি লৈরবা খুদমশিং ওইনা পনখি। মসিদা জি.দবল্যু. ৩৭গী খবদা রিন্যুএবল ইনর্জী পার্ককুম্বা প্রোজেক্তশিং য়াওরি। মহাক্না কচ্ছতা লাক্কদৌরিবা চহী মঙাদা লুপা করোর লাখ ১.৫গী এপ্রোচ লাওথোকখি। মসি থবক ফংহন্নবা, ইন্দস্ত্রীএল কম্পিতিতিবনেস, সস্তেনেবিলিতী অমসুং রেসিলিয়েন্সকী নেস্নেল প্রাইওরিতীশিংগা লোয়ননা ভিক্সিৎ ভারত ২০৪৭ খোঙচৎতা গুজরাতকী থৌদাং অদু ফোংদোকখি।
শ্রী বি.কে. ৱেলস্পুন গ্রুপকী চেয়রমেন, গোয়ঙ্কানা গুজরাত, মরু ওইনা কচ্ছ অমসুং সৌরাস্ত্রাদা অহোংবা পুরকপদা প্রধান মন্ত্রী শ্রী নরেন্দ্র মোদীগী মীৎয়েং শানবা লুচিংবগী থৌদাং অদু ফোংদোকখি। মতম অমদা অৱাবা অমসুং খুদোংথীবশিংগীদমক্তা মমিং চৎলম্বা মফমশিং অসি ঙসিদি মালেমগী থাক্কী রিফাইনরীশিং, পোর্তশিং, তেক্সতাইলশিং অমসুং রিন্যুএবল ইনর্জীগী খুদম্নি। প্রধান মন্ত্রী মোদীগী মীৎয়েং অমসুং অচেৎপা ফিরেপ্না গুজরাতকী অনৌবা মশক অমা পীখিবগীদমক মহাক্না মসিগী অহোংবা অসি মপুংফানা থাগৎপা ফোংদোকখি। ২০০৩দা, অহানবা ভাইব্রান্ত গুজরাত সম্মিৎকী মতমদা, শ্রী মোদীনা ৱেলস্পুনবু য়ুহার হাবগী চৈথেং ফংখ্রবা কচ্ছতা মাগী এক্সপান্সন প্লান্ত অমা লিংখৎনবা হায়খি। মহাক্না থাজবা পীখি মদুদি শেল থাদবা লুপা খুদিংমক্না মশিং য়াম্লবা রিতর্ন ফংলগনি। ৱেলস্পুনগী গুজরাতকী ফেসিলিতী অসি মালেমগী খ্বাইদগী মকোক থোংবা হোম তেক্সতাইল কম্পনী অমা ওইহনখি, মীওই লাখ অমা হেন্না থবক পীখি অমসুং য়ু.এস. অমসুং য়ু.কে.দা মার্কেত শেয়র ২৫% হেন্না লৈখি, মসিগী পোত্থোকশিং অসি ৱিম্বলদোন ফাওবা য়ৌখি। মালেমগী খ্বাইদগী চাউবা মেনুফেকচরর অমা ওইনবগীদমক লুপা করোর ৫,০০০গী শেনফম থাদদুনা ৱেলস্পুনগী পাইপলাইন বিজিনেসকী মতাংদা শ্রী গোয়ঙ্কানা পনখি। শ্রী মোদীগী ৱারেপপু মহাক্না থাগৎখি। "অদোমগী মঙলান অদুগুম্না ঐহাক্কী থৌনা অদুসু চাউই।" অনৌবা মঙলানশিং, অনৌবা ৱারেপশিং অমসুং লেপ্তনা মাই পাকপা পুরক্নবা প্রধান মন্ত্রীনা তকশিনখিবা অদুগা লোইননা মহাক্না হায়খি মদুদি খুদোংচাদবা অসি ২০৪৭ ফাওবদা ভারতপু মশা-মরোমদোম লেপচবা ওইহনবদা নত্তনা চাউখৎলবা লৈবাক অমা ওইহন্নবা হোৎনবনি।
রিলাইন্স ইন্দস্ত্রীজ লিমিতেদকী চেয়রমেন, শ্রী মুকেশ অম্বানিনা মহাক্কী ৱাখল্লোনশিং অদু পল্লদুনা হায়খি মদুদি ভাইব্রেন্ত গুজরাত রিজনেল সম্মিৎ অসিনা প্রধান মন্ত্রী শ্রী নরেন্দ্র মোদীগী লুচিংবা অমসুং মীৎয়েংবু থাগৎপা ফোংদোকখি। মহাক্না ভারতকী সভ্যতাগী মশাদা থাজবা অমুক হন্না শেমগৎলকপা অমসুং মমাংদা অমুক্তা ওইখিদ্রিবা থাজবা অমসুং ভাইব্রেন্তীগী মতম অমা হৌদোকখিবগীদমক মহাকপু থাগৎপা ফোংদোকখি। ভারতনা পোতেন্সিএলদগী পর্ফোমেন্সতা, এস্পিরেসনদগী এক্সনদা, অমসুং ফোলোৱর অমদগী গ্লোবেল ফোর্স অমদা ওন্থোকখিবা মতম অমা ওইনা পুৱারীদা মোদীগী মতম অসি নিংশিংলগনি হায়না শ্রী অম্বানিনা অকনবা ৱাফম থমখি। মহাক্না রিলাইন্সকীদমক গুজরাতকী অখন্নবা মফম অদু শন্দোক্না তাক্লদুনা মদুবু কম্পনীগী হকচাং, থম্মোয় অমসুং থৱায়নি হায়না ফোংদোকখি অমসুং মোদীগী মীৎয়েংগা চুনবা অচেৎপা ফিরেপ মঙা লাউথোকখি।
অহানবদা, রিলাইন্সনা গুজরাত্তা মথংগী চহি মঙাদা থবক পীবা অমসুং চাউখৎপা পুরক্নবা লুপা করোর লাখ ৭দা শেল থাদবা হেনগৎলগনি। অনিশুবদা, জামনগরদা, সোলর, বেতরী স্তোরেজ, গ্রীন হায়দ্রোজেন, ফর্তিলাইজর, সস্তেনেবল ফ্যুএল অমসুং এদভান্স মেতিরিএলশিং য়াওনা মালেমগী খ্বাইদগী চাউবা ইন্তিগ্রেতেদ ক্লিন ইনর্জী ইকোসিস্তেম অসি কম্পনী অসিনা শেমগৎলি। অহুমশুবদা, রিলাইন্সনা গুজরাত্তগী হৌরগা ভারতকী খ্বাইদগী চাউবা এ.আই.-রেদি দেতা সেন্তর শেমগৎলি। মসিনা নাগরিক খুদিংমক্তা এ.আই. মরিশুবদা, রিলাইন্স ফাউন্দেসননা গুজরাত সরকারগা শরুক য়ামিন্নদুনা বীর সাভারকর মল্তি-স্পোর্তস কমপ্লেক্স মেনেজ তৌনবা অমসুং তুংগী চেম্পিয়নশিং ত্রেনিং তৌনবা ভারতকী ওলিম্পিক এম্বিসনশিং মতেং পাংগনি। মঙাশুবদা, রিলাইন্সনা জামনগরদা মালেমগী থাক্কী হোস্পিতাল অমা য়াওনা হেল্থকেয়র অমসুং এজুকেসন ফেসিলিতীশিং হেনগৎহল্লগনি।
শ্রী অম্বানিনা লোইশিনবদা হায়খি মদুদি মালেমগী অৱা-অনা লৈরবসু, শ্রী মোদীগী লুচিং মখাদা ভারতনা শাফনা লৈরি, মহাক্না শ্রী মোদীবু লৈবাক অসিগী " মায়থিবা পীবা ঙমদবা ঙাকশেলগী ফক্লাং" হায়না শন্দোক্না তাকখি। মহাক্না হায়খি মদুদি মোদীনা লৈবাক অসিবু তুংলমচৎকীদমক্তা শেম-শাবা খক নত্তনা মসিদা থৌদাং লৌদুনা শেমগৎলিবা অসিনা ভারতকী মশক তাক্লিবা চহি তরাগী খুজিং অমা ওইরি। মহাক্না গুজরাত অমসুং ভিক্সিৎ ভারত ২০৪৭কীদমক রিলায়েন্সকী ফিরেপ অদু অমুক হন্না ফোংদোকখি।
থৌরম অদুদা ৱা ঙাংলদুনা, ভারত্তা লৈবা রৱান্দাগী হাই কম্মিস্নর, ঐচ.ই. শ্রীমতী জেক্লিন মুকনগিরানা গুজরাতকী মুখ্য মন্ত্রীদা রৱান্দাবু ভাইব্রেন্ত গুজরাত রিজনেল সম্মিৎতা পার্তনর লৈবাক অমা ওইনা কৌখিবগীদমক অমসুং প্রধান মন্ত্রী শ্রী নরেন্দ্র মোদীগী মফমদা ৱা ঙাংবগী খুদোংচাবা ফংহনখিবগীদমক থাগৎপা ফোংদোকখি। মহাক্না গুজরাত সরকারবু কনফরেন্স অসি মায় পাক্না পাংথোকপগীদমক থাগৎপা ফোংদোকখি অমসুং রৱান্দা অমসুং ভারতকী মরক্তা লৈনরিবা মপাঙ্গল কনবা লৈবাক অনিগী ওইবা মরীশিং ফোংদোকখি। মহাক্না ২০১৮দা প্রধান মন্ত্রী মোদীনা রৱান্দাদা চৎখিবা পুৱারী ওইরবা খোঙচৎ অদু নীংশিংখি, মদুদা এম.ও.য়ু. তরুক খুৎয়েক পীনখি অমসুং লায়রবা ইমুংশিংদা ষন ২০০ পীখি, থৌওং অসি মহাক্কী পুকচেল চাউবা অমসুং লুচিংবা ওইবগী ঝুদম অমা ওইনা মহাক্না থাগৎখি। মহাক্না মসিসু পনখি মদুদি রাস্ত্রপতি পোল কাগামেনা ২০১৭দা ভাইব্রান্ত গুজরাত সম্মিৎ য়াওনা ভারত্তা মঙারক লাকখ্রে। লুচিংবা অনিমক্না রৱান্দা-ভারত মরী অসি স্ত্রেতেজিক লেভেল অমদা পুখৎখ্রে হায়না মহাক্না ফোংদোকখি।
শ্রীমতী মুকনগিরিনা রৱান্দা খোঙজেল য়াংনা চাউখৎলক্লিবা, শেঞ্জা-থুমজাগীদমক্তা জেরো তোলরেন্সী লৈবা, গবর্নান্স ত্রান্সপরেন্সী অমসুং ললোন-ইতিক তৌবদা লায়বা অমসুং ২০২৫গী ক্যু৩দা ১১.৮%গী ইকোনোমিক গ্রোথ রেকোর্দ তৌবদা আফ্রিকাদা অহানবা মফমদা লৈরবা, স্তেবল ওইবা লৈবাক অমা ওইনা শন্দোক্না তাকখি। মহাক্না ভারতপু রৱান্দাগী অনিশুবা খ্বাইদগী চাউবা ফোরেন ইনভেস্তর অমসুং ত্রেদ পার্তনর ওইনা শকখঙখি অমসুং মেনুফেকচরিং, ইনফ্রাস্ত্রকচর, আই.সি.তি., লৌউ-শিংউ, মাইনিং, তুরিজম, হকশেল অমসুং এজুকেসনগুম্বা সেক্তরশিংদা ভারতকী ইনভেস্তমেন্তশিং হেন্না থাদনবা হায়খি। প্রধান মন্ত্রী মোদীগী লুচিং মখাদা রৱান্দাগা লোয়ননা মপাঙ্গল কনখৎহন্নবগীদমক রৱান্দাগী অচেৎপা ফিরেপ অদু অমুক হন্না ফোংদোক্লদুনা মহাক্না মমিং লৈরবা গোরিলা অমসুং বিগ ফাইভ এনিমেলশিংগী য়ুম ওইরিবা রৱান্দাদা চৎনবা মীহুৎশিংবু কৌদুনা ৱারোল লোইশিনখি।
ঐচ.ই. দোক্তর. ওলেকসন্দ্র পোলিসচুক, ভারত্তা লৈবা য়ুক্রেনগী এম্বেসেদর এক্সত্রাওর্দিনরী অমসুং প্লেনিপোতেনসিয়রীনা প্রধান মন্ত্রী শ্রী নরেন্দ্র মোদীগী লুচিংবগী মতৌ অসিবু থাগৎপা ফোংদোকখি, মহাক্না রিজনেল লুচিংবদগী নেস্নেল ফিগর অমসুং হৌজিক মালেমগী স্তেৎস্মেন ওইরকপগী মহাক্কী খোঙচৎ অমসুং শান্তি থম্নবা হোৎনবদা মহাক্কী থৌদাং অদু পনখি। শ্রী মোদীগী ভিজনগী মখাদা গুজরাত অসি মালেমগী ওইনা মাগী দিবেলপমেন্ত মোদেলগীদমক শকখঙনরক্লি হায়না মহাক্না অকনবা ৱাফম থমখি। মসিগী মোদেল অসি ভারত শিনবা থুংনা শন্দোরক্লি অমসুং মালেমগী লুচিংবা অমা ওইনবা অমসুং ২০৪৭দা ভিক্সিৎ ভারতকী পান্দম ফংনবা লৈবাক অসিদা লমজিংলি।
মহাক্না গুজরাত সরকার অমসুং মুখ্য মন্ত্রী ভুপেন্দ্র পতেলবু মখোয়গী তেংবাংগীদমক থাগৎপা ফোংদোকখি, তেংবাং পীনবগী লমশিং হায়বদি এজুকেসন, ইন্সতিত্যুস্নেল পার্তনরশিপ অমসুং স্কিল দিবেলপমেন্ত, মসিনা মীয়ামগা মীয়ামগা অমসুং লৌশিং-জ্ঞানদা য়ুম্ফম ওইবা মরীশিং মপাঙ্গল কনখৎহল্লি হায়না মহাক্না ফোংদোকখি। মহাক্না নিংশিংখি মদুদি ২০২৩গী ভাইব্রেন্ত গুজরাত সম্মিৎতা য়ুক্রেননা মপাং ওইবা লৈবাক অমা ওইনা থৌনা ফনা থবক তৌখি। মহাক্না মসি শেন্মিৎলোনগী মতেং পীনবা হেনগৎহন্নবা স্ত্রেতেজিক ওইরবা খুদোংচাবা অমনি হায়না লৌখি। য়ুক্রেনগী ইন্দস্ত্রীশিংনা লৌউ-শিংউ, ইঞ্জিনীয়রিং, আই.তি., ইনর্জী, অমসুং লোজিতিক্সকুম্বা সেক্তরশিংদা ভারতকা এক্তিব ওইনা থবক তৌমিন্নরি লোয়ননা বাইলেতরেল ত্রেদ অসি দোল্লর বিল্লিয়ন ৪ য়ৌরে।
দোক্তর. পোলিসচুকনা পোলেন্দদা পাংথোক্কদৌরিবা য়ুক্রেন রিকভরি কনফরেন্সতা শরুক য়ানবা ভারতকী কম্পনীশিং কৌখি অমসুং মেক ইন ইন্দিয়া ফ্রেমৱার্ক্কী মখাদা ঙাকশেল য়াওনা ইন্দস্ত্রীএল অমসুং তেক্নোলোজিকেল কোওপরেসন হেনগৎহন্নবগী ওইথোকপশিং অদু পনখি। মহাক্না পনখি মদুদি ২০২৪দা প্রধান মন্ত্রী মোদীনা লানগী মতমদা য়ুক্রেনদা চৎখিবা পুৱারী ওইরবা খোঙচৎ অসিনা রাস্ত্রপতি ভোলোদিমির জেলেনস্কীগা লোয়ননা লৈবাক অনিগী মরী অসি স্ত্রেতেজিক পার্তনরশিপ অমদা হেনগৎহন্নবগী অপাম্বা অদু অমুক হন্না ফোংদোকখি।
মহাক্না থাজবা থমখি মদুদি য়ুক্রেনদা তুংকোইনা চৎনগদবা শান্তি ফংহনবা অসিনা গুজরাত য়াওনা ভারত-য়ুক্রেনগী মরী হেন্না চেৎশিলহল্লগনি। মহাক্না ভাইব্রেন্ত গুজরাত সম্মিৎ অসিদা মহৈ-মশিংগী ওইবা খন্ন-নৈনবা অমসুং মপাঙ্গল লৈবা অনৌবা পার্তনরশিপ অমা শেমগৎপদা মাই পাকপা ওইরসনু হায়না ৱারোল পীবা লোইশিনখি।
থৌরম অদুদা গুজরাতকী মুখ্য মন্ত্রী, শ্রী ভুপেন্দ্রভাই পতেল অমসুং অতোপ্পা মশক নাইবা মীওইশিংনা শরুক য়াখি।
নুংগী ৱারোল
থৌরম অদুগী মনুংদা, প্রধান মন্ত্রীনা গুজরাত ইন্দস্ত্রীয়েল দিবেলপমেন্ত কোরপোরেসন লিমিতেদ (জি.আই.দি.সি.)গী গ্রীনফিল্দ স্মার্ত ইস্তেৎ ১৪ শেমগৎপগী ৱাফমসু লাউথোকখ্রে অমসুং রাজকোৎতা জি.আই.দি.সি.গী মেদিকেল দিভাইস পার্কসু শঙ্গাখ্রে।
ভাইব্রেন্ত গুজরাত রিজনেল কনফরেন্স অসি ২০২৬গী জনুৱারী ১১-১২ ফাওবদা পাংথোক্কনি। মসিদা কচ্ছ অমসুং সৌরাস্ত্রাগী জিলা ১২না শরুক য়াখ্রে। হায়রিবা লমদমশিং অসি খক্তদা অখন্ননা কৎথোকপগা লোয়ননা কনফরেন্স অসিনা নোংচুপ গুজরাত্তা ইনভেস্তমেন্ত অমসুং ইন্দস্ত্রিএল গ্রোথকীদমক অনৌবা শাহৌ অমা পীনবা পান্দম থম্লি। কনফরেন্স অসিগী ফোকস সেক্তরশিংদা সেরামিক্স, ইঞ্জিনীয়রিং, পোর্তস অমসুং লোজিস্তিক্স, ফিসরিজ, পেত্রোকেমিকেলস, এগ্রো অমসুং ফুদ প্রোসেসিং, মিনরেল্স, গ্রীন ইনর্জী ইকোসিস্তেম, স্কিল দিবেলপমেন্ত, স্তার্তঅপশিং, এম.এস.এম.ই.শিং, তুরিজম অমসুং কলচর য়াওরি। জপান, খা কোরিয়া, রাৱান্দা অমসুং য়ুক্রেন অসি কনফরেন্স অসিগী পার্তনর লৈবাকশিং ওইগনি।
ভাইব্রেন্ত গুজরাতকী মায় পাক্লবা মোদেল অসি হেন্না পাকথোক চাউথোকহন্নবগীদমক, রাজ্য অসিদা ভাইব্রেন্ত গুজরাত রিজনেল কনফরেন্স মরি পাংথোক্লি। অৱাং গুজরাতকী লমদমগী অহানবা রিজনেল কনফরেন্স অসি ২০২৫গী ওক্তোবর ৯ অমসুং ১০দা মেহসানাদা পাংথোকখি। হৌজিক পাংথোক্লিবা ইদিসন অসি কচ্ছ অমসুং সৌরাস্ত্রা লমদমগী ওইনা পাংথোক্লি। মথংদা সুরত অমসুং ভদোদারাদা সাউথ গুজরাত (এপ্রিল ৯-১০, ২০২৬) অমসুং সেন্ত্রেল গুজরাত (জুন ১০-১১, ২০২৬) লমদমশিংগী রিজনেল কনফরেন্সশিং পাংথোক্কনি।
প্রধান মন্ত্রীগী ভিক্সিৎ ভারত @ ২০৪৭গী মঙলান অদুগী পরিং মখাদা অমসুং ভাইব্রেন্ত গুজরাত গ্লোবেল সম্মিৎকী মাইপাকপা অমসুং লিগেসীদা য়ুম্ফম ওইদুনা, লমদম অসিগী ওইবা ইন্দস্ত্রীগী চাউখৎপা, তোঙান তোঙানবা সেক্তরশিংদা শেল থাদবা পুক্নিং চিংশিনবা অমসুং মালেমগী ওইবা থৌদাং হেনগৎহন্নবা রিজনেল কনফরেন্সশিং অসিনা পান্দম থম্লি। ভাইব্রেন্ত গুজরাত প্লেতফোর্ম অসি লমদমশিংদা হেন্না নকশিন্নহন্দুনা, খোঙথাং অসিনা দিসেন্ত্রেলাইজ দিবলপমেন্ত, ইজ ওফ দুইং বিজিনেস, ইন্নোবেসন-দ্রিভন গ্রোথ অমসুং সস্তেনেবল এমপ্লোইমেন্তগী খুদোংচাবশিং শেমগৎপদা প্রধান মন্ত্রীনা মরুওইবা পীরিবা অদু উৎলি।
রিজনেল কনফরেন্সশিং অসি রিজনেল এচিবমেন্তশিং উৎনবা অমসুং অনৌবা খোঙথাংশিং লাউথোক্নবগী প্লেৎফোর্ম অমা ওইবতা নত্তনা রিজনেল ইকোনোমীশিং মপাঙ্গল কনখৎহন্দুনা, ইন্নোবেসন প্রমোৎ তৌদুনা অমসুং রাজ্য অসিগী শরুক খুদিংমক্তা স্ত্রেতেজিক ইনভেস্তমেন্তশিং লাইথোকহন্দুনা গুজরাতকী গ্রোথ স্তোরী পুন্না শেমগৎনবগী খুৎলাই অমসু ওইগনি। রিজনেল কনফরেন্সশিংগী এচিবমেন্তশিং অসি ২০২৭গী জনুৱারীদা পাংথোক্কদৌরিবা ভাইব্রান্ত গুজরাত গ্লোবেল সম্মিৎকী মথংগী ইদিসনদা উৎকনি।
ৱা ঙাংখিবগী মপুংফাবা ৱারোল পানবা মসিদা নম্বীয়ু
India is the world's fastest-growing large economy. pic.twitter.com/HlhiPzjkNx
— PMO India (@PMOIndia) January 11, 2026
The fact sheet on India's growth is a success story of the Reform-Perform-Transform mantra. pic.twitter.com/NVqWs8UqW7
— PMO India (@PMOIndia) January 11, 2026
At a time of great global uncertainty, India is moving ahead with remarkable certainty. pic.twitter.com/bbvyoIlFmz
— PMO India (@PMOIndia) January 11, 2026
Along with infrastructure, an industry-ready workforce is today's biggest need. pic.twitter.com/dNnMFn6lr8
— PMO India (@PMOIndia) January 11, 2026
Today's India is moving rapidly towards becoming a developed nation. The Reform Express is playing a crucial role in achieving this objective. pic.twitter.com/nKpNTNtR6E
— PMO India (@PMOIndia) January 11, 2026
