Share
 
Comments

“হৌগৎলক্লিবা নহাশিংদা সাইন্সতা পুক্নিং চিংশিনবা অসি তানফম অসিদা খ্বাইদগী তঙাই ফদবা অমা ওইরি। মসিগীদমক ঐখোয়না ইতিহাসকী লৈরিবা সাইন্স অমসুং সাইন্সকী লৈরিবা ইতিহাসঅসি মমুৎ তাবা খঙবা তাই”, হায়না প্রধান মন্ত্রী শ্রী নরেন্দ্র মোদীনা ঙসি মীরৈবাক্কী অমসুং ভারত্তা লৈরিবা রিসর্সরশিং অমসুং একাদেমিসিয়নশিংগী ওইবা গ্লোবেল ভর্চ্যুএল সম্মিৎ অমা ওইরিবা বৈসবিক ভার্তিয়া বৈগ্যানিক (বৈভব) হৌদোকপদা ফোঙদোকখি।

“বৈভব ২০২০ সম্মিৎতা ভারত অমসুং মালেমগী লৈরিবা সাইন্স অমসুং ইন্নোবেসন অসি পাল্লন তৌরি। ঐহাক্না মসি লৌশিং লৈবা কয়াগী অশেংবা সঙ্গম নত্রগা মীফম অমনি হায়না লৌরি, মীফম অসিগী খুত্থাংদা ঐখোয়না পুন্না ফমদুনা ভারত অমসুং গ্রহ অসি ফগৎহন্নবগীদমক লোয়নাইদ্রবা মরী অসি থম্নবা হোৎনরি”, হায়না মহাক্না ফোঙদোকখি।

শ্রী নরেন্দ্র মোদীনা হায়খি, ভারত সরকারনা সাইন্তিফিক রিসর্স অমসুং ইন্নোবেসন খুমাং চাউশিন্নবা খোঙথাং কয়া লৌখৎখ্রে মরমদি সোসিও-ইকনোমিক্কী ওইবা অওনবশিং পুরক্নবা ঐখোয়না হোৎনরিবশিং অসিদা সাইন্স অসি মরু ওইবা অমা ওইরি।

প্রধান মন্ত্রীনা বেক্সিনশিং পুথোকপা অমসুং বেক্সিনেসন প্রোগ্রাম পাঙথোকপদা ভারতনা কন্না হোৎনরি হায়না ফোঙদোকখি।

মহাক্না হায়, বেক্সিন পুথোকপদা কুইনা লেপলুবা অসি হৌজিক মখা চত্থরে। ঐখোয়গী ইম্ম্যুনাইজেসন প্রোগ্রামদা অনৌবা বেক্সিন মরি হাপচিনখ্রে। মসিদা লৈবাক অসিদা শাজবা রোতাভাইরস বেক্সিন য়াওরি।

মহাক্না মালেমগী থম্লিবা পান্দম অসিদগী চহি মঙা ঙনখৎনবা ভারত্তা ২০২৫ ফাওবদা ত্যুবরক্যুলোসিস মুত্থৎনবা আশা লৈবা মিসন পাইখৎলিবা অসিগী মতাংদা ফোঙদোকখি।

শ্রী নরেন্দ্র মোদীনা চহি কুনথ্রাগী মতুংদা লৈবাক পুম্বদা কুপ্না খন্নরবা মতুংদা পুরকখিবা নেস্নেল এজুকেসন পোলিসি ২০২০গী মতাংদা পাউদমখি। পোলিসী অসিনা সাইন্সতা লৈরিবা খঙনীংবা-হৈনীংবগী থৌনা হাপতুনা মসিনা সাইন্তিফিক রিসর্স হেনগৎহন্নবদা মথৌ তাবা থৌনাঅদু পীরগনি। মসিনা নহা ওইরিবা তেলেন্তপু য়োকখৎনবা অচৌবা অমসুং অফবা মফম অমা ওইহনবা ঙম্লগনি।

ভারতকী স্পেসকী লমদা অনৌবা অওনবশিং লাকপনা ইন্দস্ত্রী অমসুং একাদেমিয়াদা খুদোংচাবশিং ফংহল্লগনি হায়না প্রধান মন্ত্রীনা ফোঙদোকখি।

লেজর ইন্তরফেরোমিতর গ্রেবিতেস্নেল ৱেফ ওবজর্বেতরী, সি.ই.আর.এন. অমসুং লেজর থর্মোন্যুক্লিয়র এক্সপরিমেন্তেল রিয়েক্তর (আই.তি.ই.আর.)দা ভারতকা খুৎশম্নদুনা চৎপনা মালেমগী থাক্তা সান্তিফিক রিসর্স অমসুং চাউখৎ থৌরাংদা কান্নবগী মতাংদা মহাক্না থমখি।

মহাক্না ভারতকী সুপরকম্প্যুতিং অমসুং সাইবর ফিজিকেল সিস্তেমশিংগী অচৌবা মিসনগী মতাংদসু ফোঙদোকখি। আর্তিফিসিএল ইন্তেলিজেন্স, রোবোতিকশিং, সেন্সরশিং অমসুং অচৌবা দেতা এনালাইসিসকী লমশিং অসিদা ফন্দামেন্তেল রিসর্স অমসুং এপ্লিকেসনশিংগী মতাংদা ৱা ঙাংলদুনা মহাক্না হায়খি মসিনা ভারতকী স্তার্তঅপ সেক্তরশিং অমসুং মেন্যুফেকচরিংদা অচৌবা থৌনা হাপলগনি।

মহাক্না ভারত্তা হান্না হৌদোকখ্রবা ইন্নোবেসন তেক্নোলোজিকেল হব ২৫গী মরমদা অমদি মসিনা স্তার্তঅপ ইকোসিস্তেম অসি মখা তানা করম্না চাউখৎহন্নবগে হায়বগী মতাংদা ফোঙদোকখি।

মহাক্না হায়খি, ভারতনা ঐখোয়গী লৌমীশিং মতেং পাংনবা অফবা ক্বালিতী রিসর্স তৌবা পাম্মি। ভারতকী সাইন্তিস্তশিংনা হৱায় অমসুং চেং পুথোকপা হেনগৎহনবগীদমক মহাক্না থাগৎখি।

প্রধান মন্ত্রীনা হায়খি ভারতনা চাউখৎলবা মতমদা মালেমসু চাউখৎকনি।

প্রধান মন্ত্রীনা হায়খি বৈভব অসিনা পাউ ফাওননবা অমসুং মতেং পাংননবা অচৌবা খুদোংচাবা অমা পীরি; ভারতনা চাউখৎলবা মতমদা মালেমসু মাংজিল থাবা ঙমগনি। বৈভব অসি লৌশিং লৈবা কয়াগী মীফম অমনি কৌরদুনা মহাক্না হায়খি খোঙথাংশিং অসিনা অফবা রিসর্স ইকোসিস্তেম অমা শেম্বা, চাউখৎপা পুরক্নবা য়েলহৌঙৈদগী লৈরক্লবা অদু মতম অসিগী চান্নবা মওংগা পুনশিনবদা মতেং পাংলগনি। মসি তশেংনা কান্নবা ওইরগনি অমসুং তাকপী-তম্বীবা অমদি রিসর্সকা পুন্না খুৎশম্নদুনা চৎমিনবদা মতেং পাংলগনি। সাইন্তিস্তশিং অমসুং রিসর্সরশিংনা হোৎনরিবশিং অসিনা অফবা রিসর্স ইকোসিস্তেম অমা শেম্বদা মতেং পাংলগনি।

প্রধান মন্ত্রীনা হায়খি ভারতকী দাইস্পোরানা মালেমগী থাক্তা ভারতকী খ্বাইদগী মতিক চাবা এম্বেসেদরশিং ওইরগনি। সম্মিৎ অসিনা হৌরক্লিবা চারোন অসিগী মরা চেৎবা অমসুং অফবা তুংলমচৎ অমা শেমগৎপগী মঙলান অসি মঙফাওনহনবদা মতেং পাংলগনি। ঐখোয়গী লৌমীশিং মতেং পাংনবা ভারতনা খ্বাইদগী অফবা থাক্কী সাইন্তিফিক রিসর্স পাম্মি। সম্মিৎ অসিনা তাকপী-তম্বীবা অমদি রিসর্স খুৎশম্নদুনা চৎহন্নবদা মতেং পাংলগনি। ভারতকী দাইস্পোরানা হোৎনবনা অফবা রিসর্স ইকোসিস্তেম শেম্বদা মতেং পাংলগনি।

বৈভব সম্মিৎ অসিদা ভারত্তগী হৌরকখিবা লৈবাক ৫৫দগী একাদেমিসিয়ন অমসুং সাইন্তিস্ত ৩০০০গী মথক অমসুং ভারতকী সাইন্তিস্ত ১০,০০০গী মথক্না শরুক য়াখি অমসুং মসি ভারত সরকারগী প্রিন্সিপল সাইন্তিফিক এদবাইজরনা লুচিংদুনা ইন্দিয়ন একাদেমিক ইন্সতিত্যুত ২০০ অমসুং এস অমসুং তি বিভাগশিংনা শিনখিবনি। চাউরাক্না লৈবাক ৪০দগী লাকপা মীরৈবাক্কী পেনেলিস্ত ৭০০ অমসুং ভারতকী একাদেমিয়া অমসুং এস অমসুং তি বিভাগশিংগি মমিং লৈরবা রেসিদেন্ত পেনেলিস্ত ৬২৯না তোঙান তোঙানবা ভর্তিকল ১৮ লোয়ননা সব-তোপিক ৮০ অমসুং সেসন ২১৩দা ৱা ঙাংগনি।

দেলিবরেসনশিং অসি ওক্তোবর ৩দগী ওক্তোবর ২৫, ২০২০ ফাওবা পাঙথোক্কনি লোয়ননা ওক্তোবর ২৮দা ফলশিং অদু পুনশিনগনি। সম্মিৎ অসি সদর বলাভ ভাই পতেল  জয়েন্তিগী থৌরমদা হায়বদি ওক্তোবর ৩১, ২০২০দা লোয়শিনগনি। থৌরাং অসিদা থা অমা শাংবা তৌগদবা ৱেবিনার সিরিজ অমা অমসুং ভিদিও কনফরেন্সকী খুত্থাংদা মীরৈবাক্কী এক্সপর্তশিং অমসুং মখোয়গী লম্বা ওইরিবা ভারক্কী এক্সপর্তশিংগী মরক্তা তোঙান তোঙানবা থাকশিংদা খন্ন-নৈনগনি।

সম্মিৎ অসিদা খন্নগদবা এস অমসুং তি ন্দ প্রোসেসিং তেক্নোলোজগী লমশিং অদুদি কম্প্যুতেস্নেল সাইন্সেস, ইলেক্ত্রোনিক্স অমসুং কম্ম্যুনিকেসন, ক্বান্তম তেক্নোলোজীশিং, ফোওনিক্স, এরোস্পেস তেক্নোলোজীশিং, মেদিকেল সাইন্সেস, বাইওতেক্নোলোজী, এগ্রিকলচর, মেতরিএল এন্দ প্রোসেসিং তেক্নোলোজীশিং, এদভান্স মেন্যুফেকচরিং, আর্থ সাইন্সেস, ইনর্জী, এনভাইরনমেন্তেল সাইন্সেস অমসুং মেনেজমেন্ত য়াওরি।

সম্মিৎ অসিগী পান্দমদি মালেম পুম্বগী চাউখৎ থৌরাংদা থেংনরিবা খুদোংচাদবশিং অসি কোকহন্নবা গ্লোবেল ইন্দিয়ন রিসর্সকী খঙ হৈজরিবা অমসুং লৌশিং অসি শীজিন্ননবা অচৌবা রোদমেপ অমা শেম্নবা পান্দম থম্লি। সম্মিৎ অসিনা ভারত অমসুং মপাল লৈবাক্কী একাদেমিয়া অমসুং সাইন্তিস্তশিংগা লোয়ননা খুৎশম্নদুনা অমসুং মতেং পাংনদুনা চৎমিন্ননবা পাম্বৈশিং অদু পুথোক্কনি। মসিগী পান্দমদি গ্লোবেল আউৎরীচকী খুত্থাংদা লৈবাক অসিদা লৌশিংগী অমসুং অনৌবা ৱাখল্লোনগী ইকোসিস্তেম অমা শেম্নবনি।

হৌদোকপগী সেসনদা প্রিন্সিপল সাইন্তিফিক এদবাইজর প্রোফেসর কে বিজেয়া রঘবন অমসুং তোঙান তোঙানবা দোমেনশিং খুদম ওইনা কম্প্যুতিং অমসুং ম্ম্যুনিকেসন, সোনো কেমিস্ত্রী, হায় ইনর্জী ফিজিক্স, মেন্যুফেকচরিং তেক্নোলোজীশিং, মেনেজমেন্ত, জিও-সাইন্স, ক্লাইমেৎ চেঞ্জেস, মাইক্রোবাইওলোজী, আই.তি. সেক্যুরিতী, নেনো-মেতরিএল, স্মার্ত ভিলেজেস অমসুং মেথমেতিকেল সাইন্সেকী লমদা থবক তৌরিবা য়ু.এস.এ., জপান, ওস্ত্রিলিয়া, য়ু.কে., ফ্রাঞ্চ, সিঙ্গাপুর, রিপাব্লিক ওফ কোরিয়া, ব্রজিল অমসুং স্বিৎজর্লেন্দ তোঙান তোঙানবা লৈবাকশিংদগি মীরৈবাক্কী পেনেলিস্ত ১৬কা লোয়ননা প্রধান মন্ত্রীগা ৱা ৱাতাই শাখি।

Pariksha Pe Charcha with PM Modi
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
Rs 49,965 Crore Transferred Directly Into Farmers’ Account Across India

Media Coverage

Rs 49,965 Crore Transferred Directly Into Farmers’ Account Across India
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 11 মে, 2021
May 11, 2021
Share
 
Comments

PM Modi salutes hardwork of scientists and innovators on National Technology Day

Citizens praised Modi govt for handling economic situation well during pandemic