“অম্মা অসি নুংশিবা, মীনুংশি, শেবা অমসুং কত্থোকপগী অপুনবা শক্তম অমনি। মহাক্না ভারতকী স্পিরিচুএল ত্রেদিসনগী কেরিয়র ওইরি”
“ভারত অসি অনাবা ফহনবনা শেবা ওইরিবা, হকচাং ফনা থম্বনা দান ওইরিবা জাতি অমনি। হকশেল অমসুং স্পিরিচুএলিতী, অনিমক্না অমগা অমগা মরী লৈনৈ”
“ঐখোয়গী ধর্ম অমসুং সামাজকী লৈরিবা সংস্থানশিংগী মহৈ-মশিং অমসুং হীদাক-লাংথক অসি পব্লিক-প্রাইবেৎ-পার্তনরশিপ কৌই অদুবু ঐহাক্না মসি ‘পরস্পার প্রয়াস’ ওইনসু উরি’”
“স্পিরিচুএলগী গুরুশিংনা পীরম্বা পাউজেলনা মরম ওইদুনা ভেক্সিন কাপ্পদা চীংনবা পোকপগী ৱাখল্লোন অতোপ্পা লৈবাকশিংদা উবা ফংখিবা অদুমক ভারত্তদি উবা ফংখিদে”
“ঐখোয়না মীখা পোনবগী ৱাখল্লোন অসি থাদোক্লবা মতমদা ঐখোয়গী খোঙথাংগী মায়োলদসু অহোংবা লাক্কনি”

প্রধান মন্ত্রী, শ্রী নরেন্দ্র মোদীনা ঙসি ফরীদাবাদতা স্তেৎ-ওফ-দি-আর্ত অমৃতা হোস্পিতাল শঙ্গাখ্রে। হরিয়ানাগী রাজ্যপাল, শ্রী বন্দারু দত্তাত্রেয়, মুখ্য মন্ত্রী শ্রী মনোহর লাল, উপ মুখ্য মন্ত্রী শ্রী দুশ্যন্ত চৌতালা, কেন্দ্রগী মন্ত্রী, শ্রী কৃষ্ণ পাল গুর্জর, শহরী মাতা অমৃতানন্দময়ীনা থৌরম অসিদা শরুক য়াখি।

থৌরম অসিদা ৱা ঙাংলদুনা প্রধান মন্ত্রীনা হায়খি মদুদি লৈবাক অসিনা অমৃত কালদা চংশিল্লক্লি অমসুং অপুনবগী অনীংবা-অপাম্বশিং অমসুং ফিরেপশিং মায়োল চুমলক্লি, মসিনা লৈবাক অসিনা শ্রী মাতা অমৃতানন্দময়ীগী থৌজালশিংগী অমৃত ফংলি হায়না তাক্লি। মহাক্না হায়খি হোস্পিতাল অসি মোদর্নিতী অমসুং স্পিরিচুএলিতীগী অপুনবা অমনি অমসুং মসিনা লায়রবা পেসেন্তশিংগীদমক লাইনা অমসুং হোংনা লায়েং ফংনবগী পাম্বৈ অমা ওইরক্লগনি। “অম্মা অসি নুংশিবা, মীনুংশি, শেবা অমসুং কত্থোকপগী অপুনবা শক্তম অমনি। মহাক্না ভারতকী স্পিরিচুএল ত্রেদিসনগী কেরিয়র ওইরি”, হায়না মহাক্না ফোঙদোকখি।

ভারতকী শেবা অমসুং হীদাক-লাংথক্কী ফজরবা চৎনবীগী মতাংদা পল্লদুনা প্রধান মন্ত্রীনা হায়খি, “ভারত অসি অনাবা ফহনবনা শেবা ওইরিবা, হকচাং ফনা থম্বনা দান ওইরিবা জাতি অমনি। হকশেল অমসুং স্পিরিচুএলিতী, অনিমক্না অমগা অমগা মরী লৈনৈ। ঐখোয়গী মেদিকেল সাইন্সকী বেদ লৈজৈ। ঐখোয়গী মেদিকেল সাইন্স অসিবু ঐখোয়না আয়ুর্বেদ হায়না মমিংসু থোল্লি”। থৌরম অদুদা মহাক্না ভারতনা মাগী স্পিরিচুএল অমসুং সর্ভিস লেগেসী অসি চহিচা কয়া মীখা পোন্দুনা লৈরকখিবা অৱাবা মতম অদু ফাওবদা লেম্না মাংহনখিদে হায়না নীংশিংহনখি।

মহাক্না জাতি অসি মরৈবাক ফৈ হায়না ফোঙদোক্লুনা হায়খি লৈবাক অসিগী কাচিন কোয়া পুম্নমক্তা পুজ্য অম্মাগুম্বা সন্তশিংগী শকলোন লৌদুনা স্পিরিচুএল ইনর্জী মতম চুপ্পদা লৈখি। প্রধান মন্ত্রীনা মখা তারদুনা হায়খি মদুদি ঐখোয়গী ধর্ম অমসুং সামাজকী লৈরিবা সংস্থানশিংনা মহৈ-মশিং অমসুং হীদাক-লাংথক্কা মরী লৈনবা থৌদাংশিং লৌরিবগী সিস্তেম অসি অমরোমদা অরিবা মতমগী পি.পি.পি. মোদেল অদুনি। পি.এম.না হায়খি, “মসি পব্লিক-প্রাইবেৎ-পার্তনরশিপ কৌই অদুবু ঐহাক্না মসি ‘পরস্পার প্রয়াস’ (ম্যুচুএল এফোর্ত) ওইনসু উরি”।

মন্ত্রীনা মেদ ইন ইন্দিয়া ভেক্সিন, অমসুং মীওই খরনা শন্দোক্লিবা প্রোপেগেন্দা মখলশিং অদুগী মতাংদা ফোঙদোকখি। মসিনা মরম ওইদুনা খুন্নাইদা মখল কয়াগী তোকঙা শন্দোকপা হৌরকখি। পি.এম.না মখা তারদুনা হায়, ধর্মগী লুচিংবশিং অমসুং খুন্নাইগী স্পিরিচুএলগী গুরুশিংনা পুনশিল্লগা মীয়ামদা তোকঙাশিং অসি লৌবীগনু হায়না হায়রুবদা মসি লেপখি। ভেক্সিন কাপ্পদা চীংনবা পোকপগী ৱাখল্লোন অতোপ্পা লৈবাকশিংদা উবা ফংখিবা অদুমক ভারত্তদি উবা ফংখিদে।

লাল কিলাদগী লানবন্দগী জাতিদা মহাক্না ৱা ঙাংখিবা অদু নীংশিংলদুনা প্রধান মন্ত্রীনা হায়খি মদুদি লৈবাক মীয়ামগী মাংদা অমৃত কালগী ৱাশক মঙা শকপগী বিজন অমা মহাক্না থমখি অমসুং ৱাশক (প্রান) মঙা অদুগী মনুংদা অমদি মীখা পোনবগী ৱাখল্লোন মপুং ফানা মুৎথৎপা হায়বা অসি অমনি। তানফম অসিদা ৱাফম অসি লৈবাক অসিদা য়াম্না খন্ন-নৈনরি হায়নসু মহাক্না ফোঙদোকখি। প্রধান মন্ত্রীনা হায়, “ঐখোয়না ৱাখল্লোন অসি থাদোক্লবা মতমদা ঐখোয়গী খোঙথাংগী মায়োলদসু অহোংবা লাক্কনি”। লৈবাক অসিগী ত্রেদিস্নেল নোলেজতা থাজবা থম্বা হেনগৎলক্লিবা অসিগা লোয়ননা লৈবাক অসিগী হেল্থকিয়র সিস্তেমদা লাক্লিবা অহোংবা অসি ময়েক শেংনা উবা ফংলি হায়না মহাক্না মখা তাখি। য়োগ অসি ঙসি মালেম্না খঙনরে অমসুং মালেমদা মথং চহিদা ইন্তর্নেস্নেল মিলেৎ ইয়র পাঙথোক্লগনি।

ৱা ঙাংবা লোইশিনবা প্রধান মন্ত্রীনা হায়খি, ঙসি হরিয়ানা অসি য়ুম খুদিংমকপু পাইপকী খুত্থাংদা ঈশিংগী খুদোংচাবা ফংহন্নবা কন্নেক্ত তৌবা ঙমখ্রবা লৈবাক অসিগী মাংজিল থারিবা রাজ্যশিংগী মনুংদা অমা ওইরি। প্রধান মন্ত্রীনা হরিয়ানাগী মীয়াম্না বেতি বচাও, বেতি পরাও অভিয়ানদা নীংথিনা শরুক তমখিবগীদমক থাগৎপা ফোঙদোকখি। মহাক্না মখা তারদুনা হায়, মশা-মউ ফবা অমসুং শান্ন-খোৎনবা অসিগুম্বা হীরমশিং অসি হরিয়ানগী নাৎতা য়াওজরি।

 

 

 

 

 

 

বেকগ্রাউন্দ

প্রধান মন্ত্রীনা ফরীদাবাদতা অমৃতা হোস্পিতাল শঙ্গাবা অসিনা নেস্নেল কেপিতেল রিজন (এন.সি.আর.)দা মোদর্ন মেদিকেল ইনফ্রাস্ত্রকচর ফংলিবা অসিদা শাহৌ পীরগনি। মাতা অমৃতানন্দময়ী মথনা য়েংশিনবা সুপর-স্পেসিএলিতী হোস্পিতাল অসিদা ফমুং ২৬০০ থাগনি। লুপা করোর ৬০০০ চংনা শাখিবা হোস্পিতাল অসিনা ফরীদাবাদ অমসুং অপুনবা এন.সি.আর. লমদম অসিগী মীয়ামদা স্তেৎ-ওফ-দি-আর্ত হেল্থকিয়র ফেসিলিতীশিং ফংহল্লগনি।

 

 

 

 

 

 

 

ৱা ঙাংখিবগী মপুংফাবা ৱারোল পানবা মসিদা নম্বীয়ু

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
Indian bull market nowhere near ending, says Chris Wood of Jefferies

Media Coverage

Indian bull market nowhere near ending, says Chris Wood of Jefferies
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 18 জুলাই, 2024
July 18, 2024

India’s Rising Global Stature with PM Modi’s Visionary Leadership