ঙসি প্রধান মন্ত্রী শ্রী নরেন্দ্র মোদীনা কর্নাতকাগী মন্দিয়াদা শ্রী ক্ষেত্র আদিচুঞ্চনগিরিদা শ্রী গুরু ভৈরবৈক্য মন্দির শঙ্গাখ্রে। থৌরম অসিগী অধ্যতিক্কী ওইবা মরুওইবা পল্লদুনা, শ্রী গুরু ভৈরবৈক্য মন্দির শঙ্গাবগী অচৌবা থৌরম শরুক য়ানবগী খুদোংচাবা ফংবদা প্রধান মন্ত্রীনা মহাক্কী তৌবীমল খঙবা উৎখি অমসুং শক্নাইরবা সাধুশিংগা উনখি। মহাক্না হায়খি মদুদি পুৱারি ওইরবা জৱালা পীথদা লৈবা অমসুং মশিং য়াম্লবা ভক্তশিংদা ৱা ঙাংবা অসি ফোঙদোক্নবা ৱাহৈশিং লৈত্রে। ঈশ্বরগী ওইবা নুংঙাইবা অসি মতম পুম্নমক্ত মহাক নিংশিংদুনা লৈহৌরগনি।
প্রধান মন্ত্রীনা হায়খি মদুদি ৱাঙুলোন (ফিলোসোফি) অমসুং তেক্নোলোজি তোপ-তোপ্পা মওংদা পুনশিনবা অসিনা কর্নাতকা মশক তাক্লি, মন্দিয়াগী সাক্করে নগারাদা মীয়াম্না তরাম্না ওকপগী থৌওং অদুনা পুক্নিং চিংশিল্লে। লমদম অসিদা শ্রী আদিচুঞ্চনগিরি মহাসংস্থা মথগুম্বা লোয়শঙশিংনা অচুম্বা ৱাখল অমসুং অধ্যতিক্কী কম্পাস ওইনা থবক তৌরি। কর্নাতকা অসি অনৌবা তেক্নোলোজিগী শক্তিগা অরুবা ৱাঙুলোনগা মপুংফানা উনবা মফম অমনি।
চহি লিশিং কয়া শুরবা অমসুং ফজরবা ভারতকী সভেত্য পল্লদুনা, প্রধান মন্ত্রীনা হায়খি মদুদি চহি ২০০০ শুবা পুৱারিগী শ্রী আদিচুঞ্চনগিরি মথকী অতাংবা অমসুং লেপ্তনা চৎথরকপা চৎনবীশিং লৈরি। ডাঃ এ.এস. বালগঙ্গাধরনাথ মহাস্বামীজীগুম্বা শক্নাইরবশিংগী অধ্যতিক্কী লমজিংবা থাগৎনিঙাইনি অমসুং অনৌবা থৌনাগা লোয়ননা মসিগী চৎনবী অসি হৌজিক্কী লুচিংবশিংনা চাউখৎহল্লিবা অসি থাগৎলি। শেংলবা লোয়শঙ অসিনা মীয়ামগী থবক তৌনবা মসিগী চৎনবীগা লোয়ননা ঐখোয়গী লমদম ফগৎহল্লে।
খুন্নাইদা শক্নাইরবা সাধুশিংগী থৌদাং পল্লদুনা, প্রধান মন্ত্রীনা হায়খি মদুদি ডাঃ এ.এস. বালগঙ্গাধরনাথ মহাস্বামীজী অধ্যতিক্কী শক্তিগা মীচম মীয়াম অমসুং খুঙ্গংগী নহারোলশিংগী অৱাবশিং কোকহনবগা অচেৎপা মরী লৈনৈ। ঈশ্বরগী গুন চেনবা মীওইশিংনা চঙজবা অসি নান্থোকপা অমনি হায়না লৌদে, মসি মীয়াম ফগৎনবা থৱায় য়াওনা থৌদাং লৌবা অমনি হায়না খল্লি। অশেংবা চঙজবা হায়বসি খুন্নাইগী য়াইফনবা থৌদাং লৌনবা মাঙলোমদা থোক্লকপনি।
ডাঃ এ.এস. বালগঙ্গাধরনাথ মহাস্বামীজীনা মীয়ামগী য়াইফনবা পায়খৎলম্বা য়াম্লবা থবকশিং পল্লদুনা, প্রধান মন্ত্রীনা হায়খি মদুদি মহৈলোয়শঙ কয়া লিংখৎতুনা লায়রবা অঙাংশিংদা প্রাইমারিদগী হৌরগা প্রোফেসনেল দিগ্রিশিং ফাওবা ফংহনখি। মথ অসিনা মীচং মীখায় নাইদনা মীওই খুদিংমক্ত অফবা মখলগী অনা-লাইয়েংগী খুদোংচাবশিং ফংহনখি। অফবা অনা-লাইয়েং মীওই খুদিংমক্ত ফংহনগদবনি অমসুং মসি অখন্নবা মীওই খর খক্তগী খুদোংচাবা নত্তে।
মীওইবগী য়াইফনবা মথকী থবকশিং অমসুং সরকারগী য়াইফ থৌরাংশিংগী মান্নবা পল্লদুনা, প্রধান মন্ত্রীনা হায়খি মদুদি অয়ুস্মান ভারত স্কিমনা মাইপাক্না লায়রবা মীওই করোর কয়াদা লেম্না লাইয়েংবগী খুদোংচাবশিং ফংহল্লে। হন্দক স্কিম অসিনা চহি ৭০ গী মথক্ত লৈবা অহলশিং কোনশিল্লে। ঐখোয়গী অহলশিং ইকায়খুম্নবগা লোয়ননা মরুওইবা অনা-লাইয়েংগী খুদোংচাবশিং ঐখোয়না ফংহল্লে।
থৱায় পানবা খুদিংমক নুংশিবা মহাস্বামীজীগী মীনুংশি পল্লদুনা, প্রধান মন্ত্রীনা হায়খি মদুদি ৱাহোংশিং ঙাক-শেন্নবা খুন্নাইগী ইহৌদা মহাক্না কৎথোকখিবা অদু থাগৎনিঙাইনি অমসুং মসিগা মহৌশাগী অকোয়বগী ফিবম ঙাক-শেনবা অমসুং ভারতকী নাৎ অমসুং চৎনবী ঙাক-শেনবগা মরী লৈনৈ। মহাক্না মহাক্কী দিল্লিগী য়ুমদা জাতিগী উচেক অসিগা নুংশিনা লোয়নখি। ৱাহোং অসি ঐখোয়গী লৈবাক্কী চাউথোকচবা অমা ওইবা খক নত্তনা মসি ফজরবা অমসুং ইং-তপ্পা উচেক অমনি।
হৌজিক্কী গুরু ডাঃ এ.এস. নির্মলানন্দনাথ মহাস্বামীজী থাগৎলদুনা, প্রধান মন্ত্রীনা হায়খি মদুদি মহাক্কী গুরুগী মতুংইন্দুনা মীয়ামগী পুন্সিদা অফবা অহোংবশিং পুরক্নবা মহাক্না কৎথোকখি। নৌনা শাগৎলিবা শ্রী গুরু ভৈরবৈক্য মন্দির আসি ইচম চম্বা য়ুম অমদগী অচেৎপা অধ্যতিক্কী কৎথোকপা মশক খঙনবা মফম অমা ওইরে। লাইশঙ অসিনা চিংনবা লৈতনা মীয়ামগী থবক তৌবা অমসুং ইথিল পীনবা তুংকোইবা মৈরা অমা ওইনা থবক তৌগনি।
চীঞ্জাক, লাইরিক-লাইশু, হকশেল, অধ্যতিক অমসুং মীনুংশি য়াওনা শ্রী আদিচুঞ্চনগিরি মথকী অচুম্বা ফিদম ৯ গী মতাংদা প্রধান মন্ত্রীনা হায়খি মদুদি লৈবাক্কী অপুনবা ৱারেপ অমা লৌনবা ইথিল ফংলে। খুন্নাইগী য়াইফনবা অকক্নবা হিরম মপান অসিদা মীৎয়েং থমদুনা মীয়াম্না হায়রিবা গুনশিং অসি চেনগদবনি। ঐখোয়গী অপুনবা ৱারেপ মপাঙ্গল কনখৎহন্নবা ঙসি ঐনা অদোমগী মফমদা মরুওইবা ৱাফম ৯ হায়জরি।
অহানবা হায়জবা মঙা পল্লদুনা, প্রধান মন্ত্রীনা হায়খি মন্দিয়াগী মীয়াম ঈশিং য়োকশিনবদা মাঙজিল থাগদবনি, ‘এক পের মা কে নাম’ খোঙজংগী মখাদা উ পাম্বীশিং থাগদবনি অমসুং মীয়াম অমসুং লাইনিংগী মফমশিং লু-নান্না থমগদবনি। ভারতকী পোৎথোকশিং শীজিন্নদুনা অত্মনির্ভরদা অমুক হন্না মীৎয়েং চঙগদবনি অমসুং লৈবাক অসিগী অঙকপা ফজবশিং য়েংনবা লৈবাক মনুংগী তুরিজম য়োকখৎকদবনি। ঐখোয়না মালেম ইমা ঙাক-শেনগদবনি অমসুং ঐখোয়গী লৈবাক্কী উদ্যোগশিং থৱায় য়াওনা মপাঙ্গল কনখৎহনগদবনি।
হকশেল অমসুং লৌউ-শিংউগী মরুওইবা পল্লদুনা, প্রধান মন্ত্রীনা হায়খি মদুদি লৌমীশিংনা মহৌশাগী ওইবা লৌউ-শিংউগী থবক পায়খৎকদবনি অমসুং শ্রী ঐচ.দি দেবে গৌরানা কন্না হোৎনখিবা লমদম অসিগী মরুওইবা চীঞ্জাক ওইরিবা মিল্লেতশিং অমসুং রাগী মুদল নহারোলশিংনা থাগদবনি। হকচাং নোইবা হন্থহন্নবা থাউ চাবা চাদা ১০ হন্থহনগদবনি অমসুং হকচাং ফনা লৈবা অসি নুমিৎ খুদিংগী পুন্সিগী শরুক অমা ওইহনগদবনি অমসুং মীয়ামগী থবক তৌনবা পুন্সি চুপ্পা থৌনা লৈগদবনি। ঐখোয়গী নুমিৎ খুদিংগী পুন্সিদা য়োগ অমসুং হকচাং ফনবা চাবা অসি তঙাইফদে।
মহাক্কী ৱারোল লোইশিল্লকপদা, প্রধান মন্ত্রীনা হায়খি মদুদি লায়রবশিংগী থবক তৌবনা পুন্সিগী অচৌবা পান্দম অমা ফংহল্লি অমসুং খুন্নাইগী ফিবম ফগৎহল্লি। মহাক্না হায়জখিবা ৱাফম ৯ থবক ওইনা পাংথোকপনা বিকসিত কর্নাতকা অমসুং বিকসিত ভারত অমা ওইনবগী মাইকৈদা চঙশিল্লিবা খোঙচৎ য়াংশিনহনগনি। পুকচেল শেংনা ৱারেপ লৌবনা, বিকসিত ভারত অমগী মঙলান ঐখোয়না য়াংনা খুমাঙচাউশিনহনগনি।
ৱা ঙাংখিবগী মপুংফাবা ৱারোল পানবা মসিদা নম্বীয়ু
भारत, हजारों वर्षों से चलती आ रही एक जीवंत सभ्यता है।
— PMO India (@PMOIndia) April 15, 2026
दुनिया में बहुत कम ऐसे उदाहरण मिलते हैं जहां परंपराएं इतनी लंबी अवधि तक निरंतर बनी रहती हैं: PM @narendramodi
हमारे समाज में समय-समय पर ऐसे महान व्यक्तित्व आते रहे हैं,
— PMO India (@PMOIndia) April 15, 2026
जो केवल आध्यात्मिक मार्गदर्शन तक सीमित नहीं रहे।
वे लोगों के बीच रहे, उन्होंने लोगों के सुख-दुख को समझा, उनके संघर्ष को महसूस किया और समाज को दुख से, पीड़ा से, कठिनाई से बाहर निकालने का रास्ता दिखाया: PM @narendramodi
मेरा आठवां आग्रह योग, खेल और फिटनेस से जुड़ा है। हम सभी को इन्हें अपने जीवन का हिस्सा बनाना चाहिए।
— PMO India (@PMOIndia) April 15, 2026
मेरा नौवां आग्रह सेवा भावना से जुड़ा है: PM @narendramodi
मेरा छठा आग्रह किसानों से है कि वे प्राकृतिक खेती की ओर बढ़ें।
— PMO India (@PMOIndia) April 15, 2026
मेरा सातवां आग्रह स्वस्थ खानपान से जुड़ा है। हमारे बीच आदरणीय श्री देवेगौड़ा जी मौजूद हैं। वे ‘रागी मुद्दे’ को लोकप्रिय बनाने के लिए जाने जाते हैं। ये पूरा क्षेत्र रागी के महत्व को समझता है। युवा पीढ़ी भी मिलेट्स को…
मेरा पहला आग्रह है कि हम सभी पानी बचाने और उसके बेहतर प्रबंधन का संकल्प लें।
— PMO India (@PMOIndia) April 15, 2026
मेरा दूसरा आग्रह पेड़ और प्रकृति से जुड़ा है। ‘एक पेड़ मां के नाम’ अभियान के तहत करोड़ों लोगों ने अपनी माताओं के नाम पर पेड़ लगाए हैं। हम भी अपनी मां के सम्मान में पेड़ लगाएं और धरती माता की रक्षा का…
