প্রধান মন্ত্রী শ্রী নরেন্দ্র মোদীনা ভিদিও কনফরেন্সকী খুৎথাংদা অন্ধ্র প্রদেসকী পুত্তপার্থিদা সাই হিরা গ্লোবেল কনভেন্সন সেন্তর শঙ্গাখ্রে। শঙ্গাবা থৌরম অদুদা মালেমগী মফম কয়াদগী লাকপা ভক্তশিং অমসুং শক্নাইরবা মীওইশিং শরুক য়াখি।
থৌরম অদুদা তিনখিবা মীয়ামদা ৱা ঙাংবদা প্রধান মন্ত্রীনা হায়খি ঙসি ঐখোয় সত্য সাই বাবাগী থৌজাল ফংলে। ঙসি লৈবাক অসিনা সাই হিরা গ্লোবেল কনভেন্সন সেন্তর কৌবা অনৌবা কনভেন্সন সেন্তর অমা ফংলে। অনৌবা সেন্তর অসিদা স্পিরিচুএলিতি অমসুং মতমগী অনৌবগী খুদোংচাবা ফংলগনি। সেন্তর অসি মখল কয়াগী কলচরশিংনা শেম্বনি অমসুং স্কোলারশিং অমসুং অখঙ-অহৈশিংনা লাইরিক-লাইশু অমসুং স্পিরিচুএলিতিগী ৱা খন্নফম অমা ওইরগনি।
প্রধান মন্ত্রীনা হায়খি সাই হিরা গ্লোবেল কনভেন্সন সেন্তর হাংদোকপগা লোয়ননা শ্রী সত্য সাই গ্লোবেল কাউন্সিলগী লুচিংবশিংগী মীফম পাংথোক্লি। থৌরম অসিগী থিমদি-‘থবক অমসুং ইথিল পীবা’ হায়বনি অমসুং মসি য়াম্না কান্নবা অমসুং চুনবা থৌরম অমনি। খুন্নাইনা লুচিংবশিংগী মতুংইনবা মরম্না খুন্নাইগী লুচিংবশিংগী অফবা থবকশিং য়াম্না মরুওই। শ্রী সত্য সাইগী পুন্সি অসি খুদম অমনি। ঙসি ভারত লৈবাক অসিগী থৌদাংশিংদা মরুওইবা মীৎয়েং থম্লি। ঐখোয়না অমৃত কাল অসি ‘কর্তভ্যা কাল’ হায়না মমিং থোল্লে। তুংগীদমক ঐখোয়গী স্পিরিচুএল গুনশিং অমসুং ৱারপশিং য়াওহন্নবা ৱাশক্লে। মসি বিকা অমসুং বিরাসাত অনিমক য়াওরে।
প্রধান মন্ত্রীনা মখা তানা হায়খি স্পিরিচুএলগী মরুওইবা মফমশিং নৌনা শেমগৎপগা লোয়ননা, ভারতনা তেক্নোলোজি অমসুং ইকোনোমিদশু মাংজিল থারি। মালেমদা অহুমশুবা খ্বাইদগী চাউবা স্তার্দঅপ ইকোসিস্তেম লৈদুনা হৌজিক ভারত মালেমদা মকোক থোংবা ইকোনোমি ৫গী মনুংদা য়াওরে। দিজিতেল তেক্নোলোজি অমসুং 5G গুম্বা হিরমশিংদা মালেমদা মাংজিল থারিবা লৈবাকশিংগা ভারতকা চাংদম্নরি। মালেমগী ওইনা রিএল-তাইম ওনলাইন ত্রান্সসেক্সনশিংগী চাদা ৪০ ভারত্তা পাংথোক্লি অমসুং ভক্তশিংনা পুত্তপার্থি জিলা শীনবা থুংনা দিজিতেল ইকোনোমি অমা ওন্থোক্কদবনি। করিগুম্বা মফম অসিদা পুল্লিবা মীয়াম্না মসি থবক ওইনা পাংথোক্নবা ৱারপ লৌরবদি, শ্রী সত্য সাই বাবাগী মথংগী মপোক নুমিত্তা জিলা অসি মপুংফানা দিজিতেল ওন্থোকপা ঙমগনি।
শ্রী মোদীনা হায়খি খুন্নাইগী কাংলুপ খুদিংমক্না হোৎনবদগী লৈবাক অসিদা অওনবা পুরকপা উরে। গ্লোবেল কাউন্সিল অসি ভারতকী মরমদা হেন্না খঙনবা অমসুং মালেমগা শম্ননবা লুপ অমন। সাধুশিং অসি ঈশিং ইচেলগুম্বনি, মখোয়গী ৱাখলশিং কৈদৌঙৈদা লেপ্তে অমসুং মখোয়গী লমচৎ-শাজত্তা কৈদৌঙৈদা অহোংবা লৈতে। সাধুশিংগী পুন্সি অসি মখোয়গী লেপ্তনা হোৎনবশিংনা মশক তাকই।
মহাক্না হায়খি সাধু অমগী পোক্নফম অসি মহাক্কী ভক্তনশিংনা লেপ্তে। ভক্তশিংগী ওইনা অশেংবা সাধু অমা মখোয়গী ওইখি অমসুং মহাক্না মখোয়গী লাইনিং অমসুং নাৎকী মীহুৎ অমা ওইরকই। ভারত্তা চহি কয়া সাধুশিংনা ‘এক ভারত শ্রেস্থা ভারত’কী ৱাখল্লোন য়োকখৎতুনা লাক্লি। শ্রী সর্ত সাই বাবা পুত্তাপার্থিদা পোকচরবসু মালেমদা মফম কয়াদা মহাক্কী তুংইনবশিং লৈরে অমসুং ভারতকী রাজ্য খুদিংমক্তা মহাক্কী মহৈলোয়শঙশিং অমসুং অশ্রামশিং লৈরে। লোল অমসুং নাৎকী খেন্নবশিং লৈতনা ভক্ত খুদিংমক প্রাসান্থি নিলায়মগা শম্নরে।
মহাক্না সাই বাবাগা উনবগী খুদোংচাবা অমা ফংখিবা অমসুং মহাক্কী থৌজাল ফংখিবা অদু প্রধান মন্ত্রীনা নিংশিংখি। ‘পুম্নমক নুংশিয়ু খুদিংমক সেবা তৌ’; মতম পুম্নমক্তা মতেং পাংউ কৈদৌঙৈদা চৈগনু’; ৱা খজিক্তং ঙাংউ থবক য়াম্না তৌ’; ‘ থবক খুদিংমক পারা অমনি- মাংখিবা খুদিংমক তোংজবা অমনি’ হায়বা পাউতাকশিং প্রধান মন্ত্রীনা নিংশিংখি। প্রধান মন্ত্রীনা হায়খি হায়রিবা পাউতাকশিং অসি পুন্সিগী অরুবা ৱাঙুলোন অমনি। গুজরাতকী য়ুহা হাবা মনুংদা সাই বাবানা মতেং পাংখিবা অদু প্রধান মন্ত্রীনা নিংশিংখি।
প্রধান মন্ত্রীনা হায়খি ভারতগুম্বা লৈবাক অমদা লাইনিং অমসুং স্পিরিচুএলগী মহৈলোয়শঙশিং মতম পুম্নমক্তা খুন্নাইগী য়াইফনবা মফম অমা ওইদুনা লাক্লি। অমৃত কালগী ৱারেপশিংগা লোয়ননা চাউখৎ-থৌরাংগী মরুওইবা থৌদাং অমা লৌরিবা সত্য সাই ত্রস্তগুম্বা মহৈলোয়শঙশিং চাউখৎহন্নবা ঐখোয়না মরুওইবা থবকশিং পায়খৎলি।
মহাক্না হায়খি খুন্নাইগী চাউখৎ-থৌরাংগী থবকশিংদা সত্য সাই ত্রস্তনা থবক কয়া পাংথোক্লি। অৱাংবা থাক্কী হোস্পিতালশিং অমসুং স্কুলশিং অমসুং কলেজশিং লেম্না চহি কয়া থবক তৌদুনা লাক্লি। সত্য সাইগা থবক তৌমিন্নরিবা লুপশিং কৎথোকপগা লোয়ননা থবক তৌরি। লৈবাক অসিগী মনুং হুঞ্জিনবা মফমশিংদা খুঙ্গংশিংদা অফবা থক্নবা ঈশিং পীনবা জল জিবন মিসন্না সত্য সাই সেন্ত্রেল ত্রস্তকা থবক তৌমিন্নরে।
প্রধান মন্ত্রীনা হায়খি য়ু.এন হেদক্বাতরদা মশিং য়াম্লবা মীওইশিং য়োগ শান্নবা পুন্দুনা ৱাল্দ রেকোর্দ অমা থমখ্রে। মালেমগী মীয়াম্না য়োগ শান্নবগা লোয়ননা অয়ুর্বেদা শীজিন্নরে অমসুং তুংকোইনা চৎনবা য়ারবা পুন্সি মহিং লৌরে। থায়না হুরানখিবা কলাগী পোৎলমশিং অমুক পীরক্লে। অসিগুম্বা থবকশিং অসিদা কলচর অমসুং স্পিরিচুএলিতিগী মহৈলোয়শঙশিং হায়বদি সত্য সাই ত্রস্তগুম্বনা মরুওইবা থৌদাং অমা লৌরি।
প্রধান মন্ত্রীনা হায়খি মথং চহি ২দা উ চারা করোর ১ হেন্না থানবা ‘প্রেম তারু’ পায়খৎলে। মসিগী থবক অসিদা মীওই খুদিংমক্না শৌগৎপীয়ু অমসুং উ থাবা নত্ত্রগা প্লাস্তিক লৈতবা ভারত অমা ওইনবা শরুক য়ারসি। মীয়াম্না সোলার ইনর্জি অমসুং মৈখু থাংদবা ইনর্জি শীজিন্নবদা শরুক য়াবীয়ু।
অন্ধ্রগী মহৈরোয় লাখ ৪০ হেনবদা চাক পীজবগীদমক সত্য সাই সেন্ত্রেল ত্রস্তকী থবক প্রধান মন্ত্রীনা থাগৎখি। মহাক্না হায়খি করিগুম্বা অতোপ্পা রাজ্যশিংনা অসিগুম্বা থবকশিং পায়খৎলবদি লৈবাক অসিগী ওইনা চাউনা কান্নবা ওইগনি। অসিগুম্বা ঐখোয়গী থবকশিংনা মালেমগী থাক্তা ভারতকী মিংচৎ হেনগৎহনগনি।
নুঙগীৱারোল
শ্রী সত্য সাই সেন্ত্রেল ত্রস্তনা প্রাসান্তি নিলায়ম, পুত্তপার্থিদা নৌনা সাই হিরা গ্লোবেল কনভেন্সন সেন্তর অমা শাগৎপনি। প্রসান্তি নিলায়ম অসি শ্রী সত্য সাই ববাগী মরুওইবা অশ্রামনি। ফিলানথ্রোপিস্ত শ্রী য়ুকো হিরানা কৎপা কনভেন্সন সেন্তর অসি কলচর পীথোক-পীশিন তৌনবা, স্পিরিচুএলিতি অমসুং মালেমগী নুংঙাই-য়াইফবা হেনগৎহন্নবা পান্দমগী খুদম অমনি। মফম অসিদা তোঙান-তোঙানবা মখলগী মীওইশিং পুন্নবগী খুদোংচাবা অমসুং শ্রী সত্য সাই ববাগী পাউতাকশিং খঙনবগী খুদোংচাবা পীরি। মফম অসিদা কনফরেন্সশিং, সেমিনারশিং অমসুং কলচরগী থৌরমশিং পাংথোক্নবা মালেম থাক্কী খুদোংচাবশিং ফংলি। পাক-চাউরবা কমপ্লেক্স অসিদা মেদিতেসন হোলশিং, লৈকোলশিং অমসুং লৈফমশিং য়াওরি।
श्री हीरा ग्लोबल convention सेंटर के रूप में देश को एक प्रमुख विचार केंद्र मिल रहा है: PM pic.twitter.com/qA632dZzGd
— PMO India (@PMOIndia) July 4, 2023
आज भारत कर्तव्यों को पहली प्राथमिकता बनाकर आगे बढ़ रहा है: PM @narendramodi pic.twitter.com/pPicNj7XeJ
— PMO India (@PMOIndia) July 4, 2023
आज एक ओर देश में आध्यात्मिक केन्द्रों का पुनरोद्धार हो रहा है तो साथ ही भारत economy और technology में भी lead कर रहा है: PM @narendramodi pic.twitter.com/soW0WBdJx3
— PMO India (@PMOIndia) July 4, 2023
हमारे संतों ने हजारों वर्षों से ‘एक भारत-श्रेष्ठ भारत’ की भावना का पोषण किया है। pic.twitter.com/Z7LTfSpN21
— PMO India (@PMOIndia) July 4, 2023
