“ঐ মফম অসিদা প্রধান মন্ত্রীনা ওইনা লাকপা নত্তে, মীরোন মরিগী ইমুং অসিগী ইমুং-মনুংগী মীওই অমা ওইনা লাকপনি”
“হোঙলক্লিবা মতম অমসুং চাউখৎপা অসিগা চুশিন্ননবা থবকশিংদা, দাৱুরি বোহরা ফুরুপ্না মশামক মশক তাক্লে। অলজিমিয়া-তুস-সাইফিয়াহ অসি মসিগী অহিংবা খুদম অমনি”
“অনৌবা নেসনেল ইজুকেসন পোলিসিগুম্বা অহোংবশিংগা লোয়ন্না অমৃত কালদা মাঙলোমদা চঙশিন্নবা লৈবাক অসিনা ৱারেপশিং লৌরে”
“ভারতকী চৎন-লোনচৎশিংগা লোয়ন্না অনৌবা মতমগী লাইরিক-লাইশু তম্বগী থবক অসি লৈবাক অসিগী মরুওইবনি”
“লাইরিক-লাইশু তম্বগী মচাক-মথুমশিং শেমগৎপগী খোঙজেল অমসুং পাক-চাউবা অসিদগী খঙলে মদুদি মালেমগী ফিবম শেম্নবা ভারত অসি হৈথোই-শিংথোইবা নহারোলশিংগী মফম অমা ওইরক্লে”
“মালেম্না তশেংনা মায়োক্নরিবা অৱাবশিংগীদমক ঐখোয়গী নহারোলশিং লৈরি অমসুং থৱায় য়াওনা পাম্বৈশিং থিরি”
“ঙসিদি লৈবাক অসি থবক পীবা ঙম্বশিংগা লৈমিন্নরি অমসুং থাজনবগী ফিবম অমা শেমগৎলে”
“ভারতগুম্বা লৈবাক অমগীদমক চাউখৎপা অমসুং হেরিতেচ চপ মান্ননা মরুওই”

ঙসি মুম্বাইগী মারোলদা প্রধান মন্ত্রী শ্রী নরেন্দ্র মোদীনা অলজামিয়া-তুস-সাইফিয়াহ(সাইফি একাদেমী)গী অনৌবা কেম্পস শঙ্গাখ্রে। অলজামিয়া-তুস-সাইফিয়াহ অসি দাৱুরি বোহরা ফুরুপকী মরুওইবা মহৈলোয়শঙনি। সয়েদনা মুফাদ্দাল সাইফুদ্দিনগী লমজিং মখাদা, ফুরুপ অসিগী চৎন-লোনচৎশিং অমসুং সাহিত্য তম্নবা মহৈলোয়শঙ অসিনা থবক তৌরি।

মীয়ামদা ৱা ঙাংবদা প্রধান মন্ত্রীনা হায়খি মহাক মফম অসিদা প্রধান মন্ত্রীনা ওইনা লাকপা নত্তে, মীরোন মরিগী ইমুং অসিগী ইমুং-মনুংগী মীওই অমা ওইনা লাকপনি। কাংলুপ, ফুরুপ নত্ত্রগা লুপ খুদিংমক, মতমগী হোংলকপা মতুংইন্না মসিগী মরী লৈনবশিং লেংদনা থম্বা ঙম্বদা শকখঙলি। হোঙলক্লিবা মতম অমসুং চাউখৎপা অসিগা চুশিন্ননবা থবকশিংদা, দাৱুরি বোহরা ফুরুপ্না মশামক মশক তাক্লে। অলজিমিয়া-তুস-সাইফিয়াহ অসি মসিগী অহিংবা খুদম অমনি।

প্রধান মন্ত্রীনা হায়খি মহাক্না চৎলুবা মফম খুদিংদা ফুরুপ অসিনা মহাক নুংশিবা হেনগৎলক্লি। দোক্তর সয়েদনা চহি ৯৯শুবা মতমদা তাকপী-তম্বীখিবা অমসুং গুজরাতকী মীয়ামগা মহাক্কা অচেৎপা মরী লৈনখিবা অদু নিংশিংলি। সুরত্তা পাংথোকখিবা দোক্তর সয়েদনাগী সেন্তেনরি থৌরমদা স্পিরিচুএল লুচিংবা অসিনা গুজরাতকী ঈশিংগী ফিবমদা ৱাফম কয়া ফোঙদোকখি অমসুং মখোয়না ঈশিংগীদমক থবক কয়া পাংথোকখিবা অদুগীদমক থাগৎলি। মসি ঈশিং ফংদবদগী হৌরগা মচি ওইবা চীঞ্জাক চাবা ৱাৎপা থেংন্নবা খুন্নাই অমসুং সরকার পুন্না থবক তৌমিন্নবগী খুদম অমনি।

প্রধান মন্ত্রীনা হায়খি ঐনা লৈবাক অসিদা খক নত্তনা মপান লৈবাক্তা চৎপা মতমদা,ঐগী বোহরা ইচিন-ইনাওশিং অমসুং ইচল-ইচেশিংনা ঐ উনবা শোইদনা লাকই। ভারত্তা লৈরিবা বোহরা ফুরুপ অসি মহাক্না য়াম্না নুংশিজৈ অমসুং মখোয়গী য়াইফনা খল্লি। অচুম্বা ৱাখল্লোন অমগা লোয়ন্না মঙবা মঙলানশিং মতম পুম্নমক্তা মঙফাওনৈ অমসুং মুম্বাইদা অলজিমিয়া-তুস-সাইফিয়াহ শানবা মঙলান অসি নিংতম্বা ফংদ্রিঙৈদগী লৈরক্লবনি। দান্দি খোঙচৎ মমাঙদা, মহাত্মা গান্ধীনা দাৱুরি বোহরা ফুরুপকী লুচিংবগী য়ুমদা লৈখি। মহাক্না হায়জবদগী য়ুম অদু মিউজম ওইনবা সরকারদা পীখ্রে। মীয়াম্না হায়রিবা য়ুম অদু য়েংবা চৎপীয়ু।

প্রধান মন্ত্রীনা হায়খি অনৌবা নেসনেল ইজুকেসন পোলিসিগুম্বা অহোংবশিংগা লোয়ন্না অমৃত কালদা মাঙলোমদা চঙশিন্নবা লৈবাক অসিনা ৱারেপশিং লৌরে। নুপীশিং অমসুং নুপীমচাশিংদা অনৌবা মতমগী লাইরিক-লাইশু তম্বগী অনৌবা খুদোংচাবশিং ফংহল্লে। মসিগী মাইকৈ অসিদা অলজিমিয়া-তুস-সাইফিয়াহশু চঙশিল্লি। ভারতকী চৎন-লোনচৎশিংগা লোয়ন্না অনৌবা মতমগী লাইরিক-লাইশু তম্বগী থবক অসি লৈবাক অসিগী মরুওইবনি। নালান্দা অমসুং তকশিলাগুম্বা মহৈলোয়শঙশিং লৈদুনা মতম অমদা ভারত অসি লাইরিক তমফম অমা ওইরমদুনা মালেমগী মফম কয়াদগী মহৈরোয় কয়া লাকখি। করিগুম্বা ঐখোয়না ভারতকী মপান ফরিঙৈ মতম অদু হঞ্জিল্লকপা পাম্লবদি লাইরিক-লাইশু তম্বগী মপান ফরিঙৈ মতম অদু হঞ্জিন্নবা হোৎনগদবনি।

প্রধান মন্ত্রীনা হায়খি মদুদি হৌখিবা চহি ৮দা য়ুনিভর্সিতি মশিং য়াম্না হেনগৎলে অমসুং জিলা খুদিংমক্তা মেদিকেল কোলেজশিং লৈরে। ২০০৪-২০১৪গী মনুংদা কোলেজ ১৪৫ লিংখৎখি অমসুং ২০১৪-২০২২গী মনুংদা মেদিকেল কোলেজ ২৬০ হেন্না লিংখৎখি। হৌখিবা চহি ৮দা চয়োল খুদিংগী য়ুনিভর্সিতি অমা অমসুং কোলেজ অনি লিংখৎখি।লাইরিক-লাইশু তম্বগী মচাক-মথুমশিং শেমগৎপগী খোঙজেল অমসুং পাক-চাউবা অসিদগী খঙলে মদুদি মালেমগী ফিবম শেম্নবা ভারত অসি হৈথোই-শিংথোইবা নহারোলশিংগী মফম অমা ওইরক্লে।

ভারত্তা লাইরিক-লাইশু তম্বগী লমদা লাক্লিবা অহোংবশিংগী মতাংদা প্রধান মন্ত্রীনা হায়খি লাইরিক-লাইশু তম্বদা লম-লমগী লোনশিং শীজিন্নবা হায়বসি মরুওই। হৌজিক ইঞ্জিনিয়ারিং অমসুং মেদিকেল লম-লমগী লোনশিংদা তম্বা য়ারে। পেতন্ত লৌবগী থবকশিং লাইহনবনা পেতেন্তগী থবকশিংদা চাউনা মতেং পাংগনি। ঙসিগী নহারোলশিং অসি তেক্নোলোজি অমসুং ইন্নোবেসনগী লৌশিং কয়া লৈরে। মালেম্না তশেংনা মায়োক্নরিবা অৱাবশিংগীদমক ঐখোয়গী নহারোলশিং লৈরি অমসুং থৱায় য়াওনা পাম্বৈশিং থিরি।

প্রধান মন্ত্রীনা হায়খি লৈবাক অমগীদমক লাইরিক-লাইশু তম্বা অমসুং ইন্দস্ত্রিগী থবক অনিমক চপ মান্না মরুওই। হায়রিবা সিস্তেম অনি অসি নহারোলগী তুংগী য়ুম্ফম্নি। হৌখিবা চহি ৮-৯দা পুৱারি ওইনা ললোন-ইতিক তৌবা য়াম্না লাইরে অমসুং লৈবাক অসিনা ইনফম থোকপা নিয়ম ৪০ হেন্না মুৎথৎলে অমসুং প্রোবিজন চা কয়া ক্রিমিনেল ওইহন্দ্রে। মতম অমদা হায়রিবা আইনশিং অসিনা ওন্ত্রেপ্রেনিউয়র কয়া লাক্নখি অমসুং মখোয়গী ললোন-ইতিক্কী থবকশিংদা অকায়বা পীখি। ঙসিদি লৈবাক অসি থবক পীবশিং হিংমিন্নরে। সেন্ত্রেল এক্ত ৪২ শেমদোক্নবা জন বিশ্বাস বিল পুথোক্লে অমসুং  বিপার সে বিশ্বাস স্কিম্না ললোনবশিংগী মরক্তা থাজবা লৈহনগনি। চহি অসিগী বজেত্তা তেক্স রেতকী অহোংবা পুরক্লে অমসুং মসিনা সরকারগী থবক তৌবশিং অমসুং ওন্ত্রেপ্রেনিউয়রশিংগী মখুত্তা অহেনবা শেনফম লাকহল্লগনি।

শ্রী মোদীনা হায়খি ভারতগুম্বা লৈবাক অমগীদমক চাউখৎপা অমসুং হেরিতেচ চপ মান্ননা মরুওই। ভারত্তা অনৌবা চাউখৎপা অমসুং হেরিতেচকী লম্বীদা লাকপদা ফুরুপ খুদিংমক্কী তোপ-তোপ্পা অমসুং ৱাখল্লোন অসি মরুওই। ফিজিকেল ইনফ্রাস্ত্রকচর অমসুং সোসিএল ইনফ্রাস্ত্রকচর অনিমক্কী মাইকৈদা লৈবাক অসি থবক পায়খৎলি। ঐখোয়না মমাঙঙৈগী কুহ্মৈশিং পাংথোকপা মতমদা দিজিতেল পেমেন্তশিং শীজিন্নরি। অনৌবা তেক্নিকশিং শীজিন্নদুনা অরিবা রেকোর্দশিং দিজিতেল ওন্থোক্নবা লাউথোকখ্রে অমসুং খুন্নাইগী মীওই খুদিংমক্না মখোয়গী অরিবা তেক্স খুদিংমক দিজিতেল ওন্থোকপীয়ু।

মহাক্না হায়খি খোঙজং অসিদা নহারোলশিং শরুক য়াহন্দুনা বোহরা ফুরুপ্না মতেং পাংবা য়াই। অকোয়গী ফিবম ঙাক-শেনবা, মিল্লেতশিং য়োকখৎপা অমসুং ভারতনা জি-২০গী প্রসিদেন্ত ওইবা অসিদা মীয়াম শরুক য়ানবা বোহরা ফুরুপ্না পু্ক্নিং থৌগৎপা য়াই।

মহাক্কী লোইশিল্লকপগী ৱারোলদা প্রধান মন্ত্রীনা হায়খি মপান লৈবাকশিংদা লৈরিবা বোহরা ফুরুপকী মীওইশিংনা ঙান্থোইরিবা ভারতকী ব্রান্দ এম্বেসেদর ওইনা থবক তৌবা য়াই। চাউখৎলবা ভারত অমগী পান্দম ফংবদা দাৱুরি বোহরা ফুরুপ্না মরুওইবা থৌদাং অমা মখা তানা লৌগনি।

ঐখোয়না মমাঙঙৈগী কুহ্মৈশিং পাংথোকপা মতমদা দিজিতেল পেমেন্তশিং শীজিন্নরি। অনৌবা তেক্নিকশিং শীজিন্নদুনা অরিবা রেকোর্দশিং দিজিতেল ওন্থোক্নবা লাউথোকখ্রে অমসুং খুন্নাইগী মীওই খুদিংমক্না মখোয়গী অরিবা তেক্স খুদিংমক দিজিতেল ওন্থোকপীয়ু।

থৌরম অদুদা মহারাস্ত্রাগী চীফ মিনিস্তর একনাথ সিন্দে, মহারাস্ত্রাগী দিপুতি চীফ মিনিস্তর দেবেন্দ্র ফদনাবিস, সয়েদনা মুফাদ্দাল সাইফুদ্দিন অমসুং মহারাস্ত্রা সরকারগী মিনিস্তরশিং শরুক য়াখি।

ৱা ঙাংখিবগী মপুংফাবা ৱারোল পানবা মসিদা নম্বীয়ু

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
Unstoppable bull run! Sensex, Nifty hit fresh lifetime highs on strong global market cues

Media Coverage

Unstoppable bull run! Sensex, Nifty hit fresh lifetime highs on strong global market cues
NM on the go

Nm on the go

Always be the first to hear from the PM. Get the App Now!
...
Unimaginable, unparalleled, unprecedented, says PM Modi as he holds a dynamic roadshow in Kolkata, West Bengal
May 28, 2024

Prime Minister Narendra Modi held a dynamic roadshow amid a record turnout by the people of Bengal who were showering immense love and affection on him.

"The fervour in Kolkata is unimaginable. The enthusiasm of Kolkata is unparalleled. And, the support for @BJP4Bengal across Kolkata and West Bengal is unprecedented," the PM shared in a post on social media platform 'X'.

The massive roadshow in Kolkata exemplifies West Bengal's admiration for PM Modi and the support for BJP implying 'Fir ek Baar Modi Sarkar.'

Ahead of the roadshow, PM Modi prayed at the Sri Sri Sarada Mayer Bari in Baghbazar. It is the place where Holy Mother Sarada Devi stayed for a few years.

He then proceeded to pay his respects at the statue of Netaji Subhas Chandra Bose.

Concluding the roadshow, the PM paid floral tribute at the statue of Swami Vivekananda at the Vivekananda Museum, Ramakrishna Mission. It is the ancestral house of Swami Vivekananda.