প্রধান মন্ত্রী শ্রী নরেন্দ্র মোদীনা ঙসি প্রবসি ভারতিয়া দিবস কনভেন্সন হৌদোকখ্রে। থৌরম অসিদা ৱা ঙাংলদুনা প্রধান মন্ত্রা মাপল লৈবাকশিংদা কৈরিবা ভারত মচাশিংনা মখোয়না লৈরিবা লৈবাকশিংদা কোরোনা লাইচৎ মনুংদা মখোয়না লৌখিবা থৌদাং অদুবু থাগৎখি। মহাক্না হায় লৈবাকশিংগী মকোকশিংগা লোইননা মহাক্না খন্ন-নৈনবা মতমদা মকোক থোংবশিংনা মখোয়গী লৈবাক্তা লৈরিবা ভারত মচাশিংনা দোক্তরশিং, পেরামেদিক্স অমসুং মীচম প্রজা ওইনা মতেং পাংখিবা হায়না থাগৎলকপদা মহাক্না মখোয়গীসমক্তা চাউথোকচবা পোকখি। মহাক্না ভারতনা কোবিদকী মায়োক্তা লান্থেংনবদা মপাল লৈবাক্তা লৈবা ভারত মচাশিংনা মতেং পাংখিবা অদুসু নীংশিংখি।
রতনা ৱাই২কেগী খুদোংথিবা মায়োক্নবদা লৌখিবা থৌদাং অমসুং ভারতকী ফার্মা ইন্দস্ত্রীনা লৌখৎখিবা খোঙথাংশিংবু থাগৎলদুনা প্রধান মন্ত্রীনা হাব ভারতকী তৌবা ঙম্বশিংনা মতম পুম্বদা মীওইবা খুন্নাইদা পী। ভারতনা মালেমগী ওইবা শিংনবশিং হন্থহনবদা মতম পুম্বদা মাং থাদুনা হোৎনদুনা লাকখি। ভারতনা কোলোনিজম অমসুং তেরোরিজমগী মায়োক্তা লান্থেংনবদা মাংজিল থাদুনা খুদোংথিবশিং অসি মায়োক্নবদা মালেমদা থৌনা হাপখি।
প্রধান মন্ত্রীনা হায় মালেমনা ভারতকী চীঞ্জাক, ফিজেৎ, ফেমিলী ভেল্যুশিং অমসুং বিজিনেস ভেল্যুশিংদা থাজবা থম্লিবা অসি মপাল লৈবাক্তা লৈরিবা ভারত মচাশিংদা মনা পীফম থোকই। মপাল লৈবাক্তা লৈরিবা ভারত মচাশিংগী মতৌনা ভারতকী মওং মতৌ অসিদা পাম্নবা পোকহল্লি অমসিং খঙনিংবা অদু কনভেন্সন ওইনা ওন্থোকপা হৌখি। প্রধান মন্ত্রীনা হায় ভারতনা আত্মানির্ভর ভারতকী পান্দমগা লোইননা চংশিনবা অসিদা মপাল লৈবাক্তা লৈরিবা ভারত মচাশিংনা অচৌবা থৌদাং অমা লৌগনি মরমদি মখোয়না ভারত্তা শাবা প্রদক্তশিং শীজিন্নবনা ভারতকী প্রদক্তশিংদা হেন্না থাজবা থমহনগনি।
প্রধান মন্ত্রীনা দাইস্পোরাদা ভারতনা লাইচৎ অসিদা লৌখিবা থৌদাং অদু খঙহনখি। মহাক্না হায় মালেমগী ওইনা ভাইরস অসিগী মায়োক্তা দেমোক্রেতিক ওইবা অমত্তা ওইনা পুনশিনখিবা অসিগুম্বা মখলগী অতোপ্পা খুদম অমত্তা লৈতে। পি.পি.ই. কিৎশিং,মাস্কশিং, ভেন্তিলেতরশিং নত্ত্রগা তেস্তিং কিৎশিং অসিগুম্বা মরু ওইবা পোৎলমশিংদা মীপাল তাংজরবসু ভারতনা মরোমদোম লেপচনবা তৌবা ঙম্বা অদু পুথোকখিবা খক্তা নত্তনা অতোপ্পা পোৎলম কয়া মপাল লৈবাক্তা থাদোকপা ফাওবা হৌখি। ঙসি ভারত অসি লৈবাকশিংগী মরক্তা শীবগী চাং খ্বাসিদগী নেম্বা অমদি ফগৎলকপগী চাং খ্বাইদগী য়াংবা অমা ওইবা ঙম্লে। মালেমগী ফার্মাসী ওইনা ভারতনা খুন্নাই অসিবু মতেং পাংলি অমদি লৈবাক অসিনা লমদম অসিদা শাজবা বেক্সিন অনি পুথোকপগা লোইননা মালেমগী খ্বাইদগী চাউবা বেক্সিনেসন প্রোগ্রাম হৌনবা শেম শাবা অসিদা ভারত্তা মালেম পুম্বনা মীৎয়েং থম্নরক্লি।
প্রধান মন্ত্রীনা লৈবাক অসিনা লাইচৎকী মতমগী মনুংদা দাইরেক্ত বেনিফিৎ ত্রান্সফর (দি.বি.ত.)গী খুত্থাংদা শেনজা-থুমজা হন্থহনদুনা খুমাং চাউশিনখিবদা মালেমনা থাগৎনখিবা অদু থমখি। মসিগা চপ মান্না লাইরবশিং থৌগৎপা অমসুং রিন্যুএবল ইনর্জীগী লমদা থবক পাইখৎপনা লৈবাক অসিগী মীচৎ উরোন পুরকখি।
প্রধান মন্ত্রীনা ঙসি ভারতকী লৈরিবা স্পেস প্রোগ্রাম, তেক স্তার্ত-অপ ইকোসিস্তেম, মাগী ‘য়ুনিকোর্নশিং’ অসিনা ভারতবু চহি কয়াগী মমাংদগী মহৈ-মশিংগী মঙাল ফংদে হায়রম্বা অদু লানহনখ্রে হায়না ফোঙদোকখি। মহাক্না মপাল লৈবাক্তা লৈরিবা ভারত মচাশিংদা এজুকেসনদগী হৌরগা ইন্তরপ্রাইস ফাওবগী লমশিংদা হৌখিবা থা খরা অসিগী মনুংদা পাইখৎখিবা রিফোর্মশিংগী কান্নবা লৌনবা হায়খি। মহাক্না হিরম অসিদা মেন্যুফেচরিং থৌগৎনবা লৈরিবা প্রদক্সন লিঙ্ক সবসিদীস স্কীমবু অখন্ননা পনখি।
প্রধান মন্ত্রীনা দাইস্পোরাদা মখোয়গী মমালৈবাক্তগী অঙম্বা মতেং পীগনি হায়না থাজবা পীখি। মহাক্না কোরোনাগী মতমদা ভারত মচা লাখ ৪৫গী মথক্তা কনবা ঙমখিবা ভন্দে ভারত মিসন অদু পনখি। মহাক্না মপাল লৈবাক্তা লৈরিবা ভারত মচাশিংগী থবকশিং কন্নবা দিপ্লোমেতিক ওইনা হোৎনখিবা অদুগী মতাংদসু খঙহনখি। গল্ফ অমসুং অতোপ্পা লমশিংদগী হল্লকপা ইম্মিগ্রেন্তশিংগী ‘স্কিল ৱার্কর্স এরাইবেল দেতাবেস ফোর ইমপ্লোইমেন্ত সপ্পোর্ত ‘ (স্বাদেস)কী থৌরাং পাইখৎখি। মহাক্না প্রবসি ভারত্তিয়াগা লোইননা কন্নেক্তিবিতী অমদি কম্ম্যুনিকেসন ফগৎহন্নবা গ্লোবেল প্রবসি রিশতা পোর্তেলগী মরমদসু ৱা ঙাংখি।
প্রধান মন্ত্রীনা ঐচ.ই. মিস্তর চন্দ্রিকা প্রসান সন্তোখি, ইকাই খুম্নরবা সুরিনামগী রাস্ত্রপতিগী মহাক্কী লুচিংবগী মওং অমসুং মরু ওইবা ৱারোল পীখিবগীদমক্তা থাগৎখি। মহাকপু অথুবদা উন্নবা পাম্মি হায়না অপাম্বা ফোঙদোকখি। শ্রী মোদীনা প্রবসি ভারতিয়া সম্মানগী মকোক ওইখ্রবশিং অমসুং ক্বিজ কম্পিতিসনগী মকোক ওইখ্রবশিংবু থাগৎখি।
প্রধান মন্ত্রীনা লৈবাক অসিগী ৭৫শুবা নিংখা-তমখিবগী মপোক কুমওনদা দাইস্পোরাদা শরুক য়ান্নবা হায়খি। মহাক্না দাইস্পোরাগী মেম্বরশিং অমসুং ইন্দিয়ন মিসন ৱর্ল্দকী মীয়ামদা পোর্তেল অমা শেমদুনা ভারতকী নিংখা তম্বদা প্রবসি ভারতিয়ানা লৌখিবা থৌদাং অদু দিজিতেল প্লেৎফোর্মদা দোক্যুমেন্ত তৌনবা হায়খি।
