ঙসি প্রধান মন্ত্রী শ্রী নরেন্দ্র মোদীনা ভিদিও কনফরেন্সকী খুৎথাংদা বন্দে ভারত এক্সপ্রেস ত্রেন মাপন লমথাখ্রে। অনৌবা বন্দে ভারত ত্রেনশিং অসি লৈবাক শীনবা থুংনা চৎথোক-চৎশিন ফগৎহন্নবা অমসুং রেল পেসেঞ্জরশিংদা মালেম থাক্কী খুদোংচাবশিং ফংহন্নবা প্রধান মন্ত্রীগী মঙলান মঙফাওন্নবা মাইকৈদা থাংজিনবা খোঙথাং অমনি। লমথাখিবা অনৌবা ত্রেনশিং অদুদি:
- উদয়পুর-জয়পুর বন্দে ভারত এক্সপ্রেস
- তিরুনেলভেলি-মদুরাই-চেন্নাই বন্দে ভারত এক্সপ্রেস
- হায়দ্রবাদ-বেঙ্গালুরু বন্দে ভারত এক্সপ্রেস
- বিজয়ৱাদা-চেন্নাই(ভাইয়া রেনিগুন্তা) বন্দে ভারত এক্সপ্রেস
- পাতনা-হাওরা বন্দে ভারত এক্সপ্রেস
- কাসারগোদ-তিরুবনন্তপুরুম বন্দে ভারত এক্সপ্রেস
- রৌরকেলা-ভুবনেশ্বর-পুরি বন্দে ভারত এক্সপ্রেস
- রাঞ্চি-হাওরা বন্দে ভারত এক্সপ্রেস
- জাম্নগর-অহমেদবাদ বন্দে ভারত এক্সপ্রেস
থৌরম অদুদা ৱা ঙাংবদা প্রধান মন্ত্রীনা হায়খি বন্দে ভারত এক্সপ্রেস মাপন লমথাবা অসি লৈবাক অসিদা অনৌবা চৎথোক-চৎশিনগী লমদা মমাংদা অমুক্তা থোকখিদ্রিবা থৌদোক্নি। লৈবাক অসিদা ইনফ্রাস্ত্রকচর চাউখৎহন্নবগী হৌজিক লৈরিবা খোঙজেল অমসুং পাক-চাউবা অসি ভারতমচা করোর 140গী অনিংবশিংগা চপ চানরে। ঙসি চেনবা হৌরিবা ত্রেনশিং অসি হেন্না নৌবা অমসুং নুংঙাইবা ঙাক্তনি। বন্দে ভারত ত্রেনশিং অসি অনৌবা ভারতকী অনৌবা নুংঙাইবগী খুদমশিংনি। বন্দে ভারত পাম্নবা হেনগৎলক্তুনা পেসেঞ্জর করোর 1.11 হেন্না বন্দে ভারত ত্রেনশিংদা চৎথোক-চৎশিন তৌখ্রে।
প্রধান মন্ত্রীনা হায়খি তোঙান-তোঙানবা রাজ্যশিং অমসুং য়ু.তিশিংদা বন্দে ভারত ত্রেন 25 চেল্লি। ঙসি অহেনবা বন্দে ভারত ত্রেন মাপন হাপচিল্লে। বন্দে ভারতনা লৈবাক অসিগী মফম খুদিং শম্নগদবা নুমিৎ অদু পংকুই কুইদ্রে। মতম মাংহন্নিংদবা অমসুং নোংমদা থুংবা পাম্বা মীওইশিংগী অনিংবশিং বন্দে ভারতনা থুংহল্লে। বন্দে ভারত ত্রেন য়ৌরবা মফমশিংদা তুরিজম চাউখৎলক্তুনা শেন-থুমগী থবকশিংশু ফগৎলে।
প্রধান মন্ত্রী মোদীনা হায়খি লৈবাক অসিদা থাজবা হেনগৎলকপগা লোয়ননা লৈবাক অসিগী মাইপাকপশিংদা নাগরিক খুদিংমক চাউথোকচবা ফাওরে। পুৱারি ওইনা চন্দ্রয়ান-3 অমসুং অদিত্য-11 মাইপাক্লে। G20 মাইপাকপা অসিনা ভারতকী গনতন্ত্র, মীওই কাংলুপশিং অমসুং খেন্নবশিংগী থৌনা অদু উৎথোক্লে। নুপীশিংনা লমজিংবা চাউখৎপা পুরক্নবা নারী শক্তি বন্দন এক্ত অসি মরুওইবা তাঞ্জা অমনি। রেলৱে স্তেসন কয়া নুপীশিংনা মথৌ পাংথোক্লে।
প্রধান মন্ত্রীনা হায়খি থাজবা লৈরবা ভারতনা লৈবাক অসিগী হৌজিক অমসুং তুংগী দরকার ওইবশিংগীদমক মতম অমতদা থবক তৌরি। পুথোক-পুশিন অমসুং মপান্দা থাদোকপগা মরী লৈনবা চার্জশিং হন্থহন্নবগীদমক ইনফ্রাস্ত্রকচর শেমগৎনবা অমসুং অনৌবা লোজিস্তিক্স পোলিসিগী মতেং পাংননবা পি.এম গতিশক্তি মাস্তরপ্লান লৈরে। মল্তিমোদাল কন্নেক্তিবিতি অসিনা অসিনা অতোপ্পা মওংগী চৎথোক-চৎশিনশিং শৌগৎনবা মওং অমা ওইগনি। হায়রিবা থবকশিং অসিনা মীচম মীয়ামশিং চৎথোক-চৎশিন্দা লাইহনগনি।
মীচম মীয়ামগী পুন্সিদা রেলৱেগী মরুওইবা পল্লদুনা, প্রধান মন্ত্রীনা হায়খি মমাঙদা মসিগী মরুওইবা সেক্তর অসি মীরাইদুনা থম্লমখি। হৌজিক পাল্লিবা সরকার অসিনা ভারত রেলৱেদা অওনবা পুরক্নবা থবকশিং পায়খৎতুনা, 2014গী রেল বজেত্তগী শরুক 8 হেন্না চহি অসিগী রেল বজেত হেনগৎলে। মসিগা লোয়ননা লাইন দবল ওইহনবা, মৈ ফংহনবা অমসুং অনৌবা রুতশিং শেমগৎপগী থবক পায়খৎলি।
প্রধান মন্ত্রীনা হায়খি চাউখৎপগী লম্বীদা চৎলিবা ভারত অমনা হৌজিক লৈবাক অসিগী রেলৱে স্তেসনশিংসু মতমগা চুনবা মওংদা শেমগৎকদবনি। মসি খন্দুনা, অহানবা ওইনা ভারত্তা রেলৱে স্তেসনশিং মতমগা চুনবা মওংদা শেমগৎনবা কেম্পেন অমা হৌদোক্লে। রেলৱে পেসেঞ্জরশিংগী নুংঙাইনবা লৈবাক অসিদা ঙসি মশিং য়াম্লবা ফুত ওভর ব্রিজশিং, লিফশিং অমসুং ইস্কালেতরশিং শেমগৎলে। নুমিৎ খরনিগী মমাংদা, লৈবাক অসিগী মরুওইবা স্তেসন 500 অমুক হন্না শেমগৎনবা থবক হৌখ্রে। অমৃত কাল মনুংদা শেমগৎলিবা অনৌবা স্তেসনশিং অসি অমৃত ভারত স্তেসনশিং হায়না কৌগনি। মতুং তারকপদা অমৃত ভারত স্তেসনশিংনা অনৌবা ভারতকী মশক তাক্লগনি।
ভারত রেলৱেনা রেলৱে স্তেসন লিংখৎখিবগী মপোক নুমিৎ থৌরম পাংথোকপা হৌরকপদা প্রধান মন্ত্রীনা হরাওবা ফোঙদোকখি অমসুং কোয়ম্বতুর, ছত্রপতি সিবাজী তর্মিনস মুম্বাইগী থৌরমশিং পাংথোকখ্রে। কোয়ম্বতুর রেলৱে স্তেসন চহি 150 মপুংফারে। মহাক্না হায়খি হৌজিক রেলৱে স্তেসনশিংগী মপোক নুমিৎ থৌরম পাংথোকপগী চৎনবী মখা তানা পাংথোক-চাউথোক্লগনি অমসুং মসিদা মীওইশিং হেন্না শরুক য়ারগনি।
প্রধান মন্ত্রীনা হায়খি সংকল সে সিদ্বীগী পাম্বৈ অমা ওইনা লৈবাক অসিদা এক ভারত শ্রেস্থা ভারতকী পান্দম লৈরে। 2047দা চাউখৎলবা ভারত অমগী পান্দম ফংবা ঙম্নবা, রাজ্য খুদিংমক অমসুং রাজ্য খুদিংমক্কী মীওইশিং চাউখৎপা দরকার ওই। রেলৱে মিনিস্তরগী রাজ্য খক্তদা রেলৱে চাউখৎহনবগী মশাগীতা খনবা অসিনা লৈবাক অসি য়াম্না শোকহনখি অমসুং হৌজিক ঐখোয়না রাজ্য অমা চাউখৎতনা লৈহনবা য়াদ্রে। সবকা সাথ সবকা বিকাসগী পান্দম অমগা লোয়ননা ঐখোয় মাঙলোমদা চঙশিনগদবনি।
থবক কনবা রেলৱে ইমপ্লোয়িদা প্রধান মন্ত্রীনা হায়খি খোঙচৎ খুদিংমক পেসেঞ্জরশিংনা নিংশিংদুনা লৈহৌনবা থবক তৌগদবনি। পেসেঞ্জরশিং চৎথোক-চৎশিন লাইহন্নবা অমসুং নুংঙাইবা অমা ফংহন্নবা রেলৱেগী ইমপ্লোয়ি খুদিংমক লেপ্তনা পুক্নিং চঙনা থবক তৌগদবনি।
প্রধান মন্ত্রীনা হায়খি নাগরিক খুদিংমক রেলৱেগী লু-নানবগী অনৌবা থাকশিং খঙলে। মহাত্মা গান্ধীদা ইকায়খুম্নবা উৎপা ওইনা মীওই খুদিংমক্না ওক্তোবর 1গী অয়ুক পুং 10 তাবদা শ্বাছতা অভিয়ান শরুক য়াগদবনি। লৈবাক অসিগী পোৎথোকশিং অমসুং খাদি লৈনবা মীওই খুদিংমক্না মশামক অমুক হন্না কৎথোক্কদবনি অমসুং ওক্তোবর ২দগী হৌরগা ওক্তোবর 31, সারদার পতেলগী মপোক নুমিৎ ফাওবগী মনুংদা ভোকেল ফোর লোকেল থবক ওইনা পাংথোক্কদবনি।
অরোইবদা মহাক্না হায়খি ভারত রেলৱেগী থাক খুদিংমক্তা অমসুং খুন্নাইদা অহোংবা পুরক্লিবা অসিনা চাউখৎলবা ভারত অমগী মাইকৈদা থাংজিনবা মরুওইবা খোঙথাং অমা ওইরগনি হায়না ঐনা থাজৈ।
থৌরম অদুদা রাজ্যপালশিং, চীফ মিনিস্তরশিং, মিনিস্তরশিং, এম.পিশিং অমসুং য়ুনিয়ন মিনিস্তর শ্রী অশ্বিনি বৈষ্ণব শরুক য়াখি।
নুঙগীৱারোল
ত্রেন মাপন অসিনা রাজ্য 11 হায়বদি রাজস্থান, তামিল নাদু, তেলঙ্গানা, অন্ধ্র প্রদেস, কর্নাতকা, বিহার, নোংচুপ বেঙ্গল, কেরলা, ওরিসা, ঝারখন্দ অমসুং গুজরাতকী চৎথোক-চৎশিন ফগৎহনগনি।
বন্দে ভারত ত্রেনশিং অসি মখোয়না চেল্লিবা লম্বীশিংদা খ্বাইদগী য়াংবা ত্রেনশিং ওইগনি অমসুং পেসেঞ্জরশিংগী মতম চঙহন্দবদা মতেং পাংগনি। রুত অসিগী হৌজিক চেল্লিবা খ্বাইদগী য়াংবা ত্রেনগা চাংদম্নবদা, রৌরকেলা-ভুবনেশ্বর-পুরি বন্দে ভারত এক্সপ্রেস অমসুং কাসারগোদ-তিরুবনন্তপুরুম বন্দে ভারত এক্সপ্রেসনা পুং 3 রোম হেন্না য়াংগনি; হায়দ্রবাদ-বেঙ্গালুরু বন্দে ভারত এক্সপ্রেসনা পুং 2.5 য়াংগনি; তিরুনেলভেলি-মদুরাই-চেন্নাই বন্দে ভারত এক্সপ্রেসনা পুং 2 হেন্না য়াংগনি; রাঞ্চি-হাওরা বন্দে ভারত এক্সপ্রেস, পাতনা-হাওরা বন্দে ভারত এক্সপ্রেস অমসুং জাম্নগর-অহমেদবাদ বন্দে ভারত এক্সপ্রেসনা পুং 1 হেন্না য়াংগনি অমসুং উদয়পুর-জয়পুর বন্দে ভারত এক্সপ্রেসনা মিনিত 30 হেন্না য়াংগনি।
লৈবাক শীনবা থুংনা লৈরিবা মরুওইবা লাইফমশিংগী চৎথোক-চৎশিন ফগৎহন্নবা প্রধান মন্ত্রীগী পান্দমগা লোয়ননা, রৌরকেলা-ভুবনেশ্বর-পুরি বন্দে ভারত এক্সপ্রেস অমসুং তিরুনেলভেলি-মদুরাই-চেন্নাই বন্দে ভারত এক্সপ্রেসনা লাইনিংগী মরুওইবা সহরশিং পুরি অমসুং মদুরাই শম্নহনগনি। বিজয়ৱাদা-চেন্নাই(ভাইয়া রেনিগুন্তা) বন্দে ভারত এক্সপ্রেসনা তিরুপতি লাইফম য়ৌনবগী খুদোংচাবা পীরগনি।
হায়রিবা বন্দে ভারত ত্রেনশিং চেনবা হৌবা অসিনা লৈবাক অসিদা রেল সর্বিসকী অনৌবা থাক অমা ৱাংখৎহল্লগনি। মালেম থাক্কী খুদোংচাবশিং য়াওরবা অমসুং কভচ তেক্নোলোজি য়াওনা অৱাংবা থাক্কী অশোই-অঙাম থোক্তনবা খুদোংচাবশিং ত্রেনিং অসিদা য়াওরে অমসুং মসিনা মীচম মীয়াম, শীনফম কয়াগী মীওইশিং, ললোনবশিং, মহৈরোয়শিং অমসুং লমকোয়বা মীওইশিংদা মতমগা চুনরবা, খোঙজেল য়াংবা অমসুং নুংঙাইবা চৎথোক-চৎশিনগী খুদোংচাবা ফংহনবা ঙম্লগনি।
New Vande Bharat trains will improve connectivity across the country. pic.twitter.com/Buj1AsoY9Q
— PMO India (@PMOIndia) September 24, 2023
वो दिन दूर नहीं, जब वंदेभारत देश के हर हिस्से को कनेक्ट करेगी। pic.twitter.com/39G8ZmkjxW
— PMO India (@PMOIndia) September 24, 2023
