প্রধান মন্ত্রী, শ্রী নরেন্দ্র মোদীনা ঙসি ভিদিও কনফরেন্সকী থোংদা মালেমগী খ্বাইদগী শাংবা রিভর ক্রুজ – এম.ভি. গঙ্গা বিলাস লমথাখ্রে অমসুং বারানসীদা তেন্ত সিতী শঙ্গাখ্রে। মহাক্না থৌরম অদুদা লুপা করোর ১০০০ হেনবা অতোপ্পা ইনলেন্দ ৱাতরৱেজ প্রোজেক্ত কয়ামরুম শঙ্গাখি অমসুং উরেপ-উয়ুং তমখি। প্রধান মন্ত্রীনা রিভর ক্রুজ তুরিজম শাহৌ পীনবা হোৎনরিবা অসিগী পরিং মখাদা রিভর ক্রুজশিংগী তেপ তৌদ্রিবা অচৌবা মতিক-ময়াই অসি সর্ভিস অসি হৌদোকপনা অনলোক তৌরগনি অমসুং মসিনা ভারতকী রিভর তুরিজমগী অনৌবা চহিচা অমা পুরক্লগনি।
থৌরম অদুদা ৱা ঙাংলদুনা প্রধান মন্ত্রীনা ভগৱান মহাদেববু থাগৎখি অমসুং লোহরিগী য়াইফরবা নুমিৎনা লাকপদা মীপুম খুদিংমক্তা য়াইফ পাউজেল পীখি। প্রধান মন্ত্রী ঐখোয়গী কুহ্মৈদা য়াওরিবা শেবা তৌবা, থাজবা, তপস্য অমসুং লাইনিংগী মতাংদা অমসুং মখোয়বু পাঙথোকপদা তুরেলশিংগী থৌদাংদা মীৎয়েং চংখি। মসিনা তুরেলগী ৱাতরৱেজকা মরী লৈনবা প্রোজেক্তশিং অসি হেন্না মরু ওইহল্লি হায়না মহাক্না ফোঙদোকখি। মহাক্না হায়খি মদুদি ঙসি লমথারিবা কাশীদগী দিব্রুগর ফাওবগী খ্বাইদগী শাংবা রিভর ক্রুজ অসিনা মালেমগী তুরিজমগী মেপতা অৱাং ভারতপু মাংদা পুখৎকনি অমসুং তুরিজমদা মফম কনগনি। মহাক্না হায়খি ঙসি বারানসী, ৱেস্ত বেঙ্গোল, উত্তর প্রদেশ অমসুং বিহার, অসামদা লুপা করোর ১০০রোমগী অতোপ্পা প্রোজেক্তশিং কত্থোকখিবা অসিনা নোংপোক থংবা ভারত্তা তুরিজম অমসুং থবক পীবগী মতিক-ময়াইদা শাহৌ পীরগনি।
ভারত মচা খুদিংমক্কী পুন্সিদা গঙ্গা তুরেলনা লৌরিবা মরু ওইবা থৌদাংগী মতাংদা পল্লদুনা প্রধান মন্ত্রীনা তোর্বান মনাক্তা লৈবা মফম অসি নীংতম্বা ফংলবা মতুংগী মতমদা চাউখৎপা ৱাৎনা লৈবনা লমদম অসিদগী মীয়াম্না চাউনা মফম হোংদুনা চৎপা তাখি হায়না নীংঙমদবা ফোঙদোকখি। প্রধান মন্ত্রীনা লাইবক থিবা ফীভম অসি কোকহন্নবা ত্বিন এপ্রোচ অমগী মতাংদা শন্দোক্না থমখি। নাকল অমরোমদা নমামি গঙ্গেগী খুত্থাংদা গঙ্গা লুনানহন্নবা কেম্পেন পাইখৎখি অমসুং নাকল অমদনা ‘অর্থ গঙ্গা’ পাইখৎখি। ‘অর্থ গঙ্গা’দা গঙ্গানা ফাওদুনা চেল্লিবা রাজ্যশিংদা ইকনোমিক দাইনামিজমগী এনভাইর্নমেন্ত অমা শেম্নবা খোঙথাংশিং লৌখৎখি।
ক্রুজ অসিগী অহানবা খোঙচৎতা তোংদুনা চৎলিবা মীরৈবাক্তগী লাকপা লমকোইবশিংদা হকথেংননা ৱা ঙাংবদা প্রধান মন্ত্রীনা হায়খি, “ঙসি ভারত্তা পুম্নমক লৈরে অমসুং নখোয়না খল্লুবগী ৱাংমদা লৈরে”। মহাক্না মখা তারদুনা হায় মদুদি ভারত অসি থমোয়দগী খক্তা এক্সপরিয়েন্স তৌবা ফংগনি মরমদি লৈবাক অসিনা লমদম নত্ত্রগা ধর্ম, জাৎ-বিজাৎ নত্ত্রগা লৈবাক্তা য়ুম্ফম ওইদনা মীপুম খুদিংমকপু থমোয় চাউথোক্না তরাম্না ওক্লি অমসুং মালেমগী শরুক পুম্নমক্তগী লাকপদা লমকোইবশিংবু তরাম্না ওক্লি।
রিভর ক্রুজকী এক্সপরিয়েন্সকী মতাংদা পল্লদুনা প্রধান মন্ত্রীনা হায়খি মদুদি মীপুম খুদিংমক্কীদমক মসিদা করিগুম্বা অখন্নবা অমা লৈ। মহাক্না মখা তারদুনা হায় মদুদি স্পিরিচুএলিতী থীবা লাকপশিংনা কাশী, বোধ গয়া, বিক্রমশিলা, পতনা সাহিব অমসুং মজুলিগুম্বা লমথুংফমশিং কোনশিনগনি, মলতিনেস্নেল ক্রুজকী এক্সপরিয়েন্স পাম্বা লমকোইবশিংগীনা ধাকাগী খুত্থাংদা বাংলাদেশ চৎপগী খুদোংচাবা ফংগনি অমসুং ভারতকী মহৌশাগী মখল-মথেল য়েংবা পাম্বশিংনা সুন্দরবন্স অমসুং অসামগী উমংশিং ফাওদুনা চৎপা ফংগনি। ক্রুজ অসিনা তোঙান-তোঙানবা তুরেলগী ইচেল ২৫ ফাওদুনা চৎপগী মতাংদা প্রধান মন্ত্রীনা হায়খি মদুদি ক্রুজ অসি ভারতকী রিভর সিস্তেমশিং খঙবা পাম্বা মীওইশিংগীদমক্তা য়াম্না মরু ওই। মহাক্না হায়খি মদুদি মসি ভারতকী মশিং লাকঙমদ্রবা মথেল লুকোইশিং খঙনীংবা মীওইশিংগীদমক অতাংবা খুদোংচাবা অমনি। প্রধান মন্ত্রীনা লৈবাক্কী নহারোলশিংগীদমক অনৌবা থবক্কী খুদোংচাবশিং পীগদৌরিবা ক্রুজ তুরিজমগী অনৌবা চহিচাগী মতাংদা পল্লদুনা হায় “কনাগুম্বা অমনা ভারতকী হেরিতেজকী তোপ-তোপ্পা অপুনবা অমসুং মাগী মোদর্নিতী অদু ক্রুজ অসিদা উবা ফংগনি”। প্রধান মন্ত্রীনা হায়খি, “অসিগুম্বা এক্সপরিয়েন্স ফংনবা তোঙান-তোঙানবা লৈবাকশিংদা চৎলিবা মীরৈবাক্কী লমকোইবশিং খক্তা নত্তনা ভারত মচাশিংনসু হৌজিক্তি অৱাং ভারত্তা চৎপা য়ারগনি”। মহাক্না হায় বজেৎ লোয়ননা লকজরী এক্সপরিয়েন্স অসি য়েংলগা ক্রুজ তুরিজমদা শাহৌ পীনবা লৈবাক্কী অতোপ্পা ইনলেন্দ ৱাতরৱেজতা মসিগী মান্নবা এক্সপরিয়েন্সশিং ফংহন্নবা শেম-শারি।
প্রধান মন্ত্রীনা হায়খি মদুদি ভারতনা হেনগৎলক্লিবা গ্লোবেল প্রোফাইল, ভারতকী মরমদা খঙনীংবা হেনগৎলক্লিবা অসিগা লোয়ননা মপাঙ্গল কনবা তুরিজমগী তাঙ্কক অমদা ভারতনা চংশিল্লি। প্রধান মন্ত্রীনা হায়খি মরম অসিনা হৌখিবা চহি ৮দা লৈবাক অসিদা তুরিজম সেক্তর চাউখৎহন্নবা খোঙথাং কয়ামরুম লৌখৎখি। লাইফমলেনশিংদা মরু ওইবা মীৎয়েং চংদুনা শেমগৎখি অমসুং অসিগুম্বা খোঙথাংশিং অসিগী কাশীনা অচৌবা খুদম অমা ওইরি। ফেসিলিতীশিং ফগৎহনবা অমসুং কাশী বিশ্বানাথ ধাম নৌনা শেমজিন শাজিনবা অসিগা লোয়ননা কাশীদা ভক্তা লাকপগী মশিংদা চাউনা হেনগৎলকপা উবা ফংখি। মসিনা লোকেল ইকনোমীদা অচৌবা শাহৌ অমা পীখি। মোদর্নিতী, স্পিরিচুএলিতী অমসুং লাইনিং য়াওরবা অনৌবা তেন্ত সিতীনা লমকোইবশিংদা অচৌবা এক্সপরিয়েন্স অমা পীরগনি।
প্রধান মন্ত্রীনা হায়খি ঙসিগী থৌরম অসি লৈবাক অসিদা ২০১৪গী মতুংদা পাইখৎখিবা পোলিসীশিং, ৱারেপশিং অমসুং মাইকৈদা চংশিনগী মমি অমনি। “২১শুবা চহিচাগী দিকেদ অসি ভারত্তা ইনফ্রাস্ত্রকচরদা অওনবা পুরকপা দিকেদ অমনি। ভারতনা চহি খরগী মমাংদা ৱাখলনা লাম্বা ফংবা ইনফ্রাস্ত্রকচরগী থাক অমা য়ৌবা ঙম্লি”। মহাক্না হায়খি য়ুমশিং, তোইলেৎশিং, হোস্পিতালশিং, মৈ, ঈশিং, চাকথোং গ্যাস, এজুকেস্নেল ইন্সতিত্যুতশিংগুম্বা সোসিএল ইনফ্রাস্ত্রকচরদগী দিজিতেল ইনফ্রাস্ত্রকচর, মসিদগী রেলৱেজ, ৱাতরৱেজ, এয়রৱেজ অমসুং লম্বীশিংগুম্বা ফিজিকেল কন্নেক্তিবিতী ইনফ্রাস্ত্রকচর ফাওবা পুম্নমক অসি ভারতকী খোঙজেল য়াংনা খুমাং চাউশিন্নবা মপাঙ্গল কনবা ইন্দিকেতরশিং ওইরি। লম পুম্নমক্তা ভারতনা খ্বাইদগী ফবা অমসুং খ্বাইদগী চাউবা উবা ফংলি হায়না মহাক্না ফোঙদোকখি।
লৈবাক অসিদা চৎথোক-চৎশিনগী পাম্বৈদা মতিক-ময়াই লৈবা পুৱারী লৈজরবসু ২০১৪গী মমাংদা ভারত্তা রিভর ৱাতরেজ শীজিন্নবা হন্থরম্বগী মতাংদা প্রধান মন্ত্রীনা ফোঙদোকখি। ২০১৪গী মতুংদা ভারতনা মতমগা চুনবা ভারতকী মতিক ময়াইদা অরিবা শক্তি অসি শীজিন্নরি। লৈবাক্কী অচৌবা তুরেলশিংদা ৱাতরৱেজশিং শেমগৎনবগী অনৌবা আইন অমসুং অকুপ্পা ৱারোল য়াওবা এক্সন প্লান লৈরে। প্রধান মন্ত্রীনা হায়খি মদুদি ২০১৪দা লৈবাক অসিদা নেস্নেল ৱাতরৱেজ ৫ খক্তা লৈরমখি হৌজিক লৈবাক অসিদা নেস্নেল ৱাতরৱেজ ১১১ লৈরে অমসুং ২৪রোমদি হান্নদগী মথৌ তৌবা হৌখ্রে। মতৌ অসুম্না রিভর ৱাতরৱেজকী খুত্থাংদা চহি নিপালগী মমাংদা কার্গো ত্রান্সপোর্তেসন মেত্রিক তন লাখ ৩০ ওইরম্বদগী শরুক ৩ হেনগৎলকখি।
নোংপোক থংবা ভারতকী চাউখৎ-থৌরাংগী থিমগী মতাংদা লাক্লদুনা প্রধান মন্ত্রীনা হায়খি ঙসিগী থৌরম অসিনা নোংপোক থংবা ভারতপু চাউখৎপা ভারতকী গ্রোথ ইঞ্জিন ওইহনবদা মতেং পাংগনি। মসিনা হলদিয়া মলতিমোদেল তর্মিনেলগা বারানসীগা শম্নহল্লি অমসুং ইন্দিয়া বাংলাদেশ প্রোতোকোল রুৎ অমসুং অৱাং নোংপোক্কসু শম্নহল্লি। মসিনা কোলকাতাগী হীথাংফমগা বাংলাদেশকা শম্নহল্লি। মসিনা উত্তর প্রদেশ, বিহার, ঝারখন্দ অমসুং ৱেস্ত বেঙ্গোলদগী বাংলাদেশতা লালোন ইতিক তৌবা য়াহল্লগনি।
স্তাফকী ত্রেনিং অমসুং স্কিল লৈবা ৱার্কফোর্সকী মথৌ তাবশিংগী মতাংদা পল্লদুনা প্রধান মন্ত্রীনা হায়খি গুৱাহাতিদা স্কিল দিবেলপমেন্ত সেন্তর অমা হাংদোকখি অমসুং জহাজ শেমজিন্নবগী গুৱাহাতিদা অনৌবা ফেসিলিতী অমসু শারি। প্রধান মন্ত্রীনা হায়খি, “ক্রুজ জহাজ নত্ত্রগা কার্গোগী জহাজ ওইরবসু মখোয়না ত্রান্সপোর্ত অমসুং তুরিজমদা শাহৌ পীবা খক্তা নত্তনা মখোয়গী সর্ভিসকা মরী লৈনবা অপুনবা ইন্দস্ত্রীদসু অনৌবা খুদোংচাবশিং পীরগনি”।
পাংথোকখিবা স্তদী অমগী মতাংদা পল্লদুনা প্রধান মন্ত্রীনা হায়, ৱাতরৱেশিং অসিনা অকোইবগী ফীভমদা কান্নবা পীবতা নত্তনা শেল চংহন্দবদসু মতেং পাংলগনি। ৱাতরৱেশিং অসি মথৌ পাংথোকপদা চংবা শেনফম অসি রোদৱেশিংদা পাংথোকপদা চংবা শেনফম অদুদগী শরুক অনি তংখাই হন্থৈ অমসুং রেলৱেজদগীনা শরুক অমা তংখাই হন্থৈ হায়না মহাক্না ফোঙদোকখি। প্রধান মন্ত্রীনা নেস্নেল লোজিস্তিক পোলিসীগী মতাংদা পনখি অমসুং কিলোমীতর লিশিং কয়াগী ৱাতরৱে নেতৱর্ক অমা শেমগৎপগী ভারতকী শক্তি লৈ হায়না মহাক্না ফোঙদোকখি। ত্রান্সপোর্ত গুদশিং অমসুং মী পুথোক পুশিনগী শেমগৎপা য়াবা ভারতকী তুরেল অমসুং তুরেলগী খোংলম ১২৫ লৈ অমসুং তুংদা হীথাংফম ওইনা শেমগৎপা য়াবা মফমশিংদসু কান্নবা পীবা য়াগনি হায়না মহাক্না পুক্নিং চিংশিনখি। মহাক্না ৱাতরৱেশিংগী মলতি মোদেল নেৎৱর্ক অমা শেমগৎপগী মথৌ তাবা অদুগী মতাংদা ফোঙদোকখি অমসুং অৱাং নোংপোক্তা ঈশিংগী লম্বেলগী মপাঙ্গল কনখৎহন্নবা বাংলাদেশ অমসুং অতোপ্পা লৈবাকশিংগা পুন্না চৎমিন্নবগী মতাংদা পনখি।
ৱারোল অদুবু তেনশিল্লদুনা ভারত্তা লেপ্পা লৈতনা ৱাতরৱেশিং শেমগৎনবা লৌখৎখিবা থৌরাংশিং অদুগী মতাংদা পল্লদুনা চাউখৎলবা ভারত অমা ওইহনবদা “মপাঙ্গল কনবা কন্নেক্তিবিতী অমা তঙাই ফদে” হায়না প্রধান মন্ত্রীনা ফোঙদোক্লি। ভারতকী তুরেলশিং অসিনা লৈবাক অসিগী ৱাতর পাৱর অমসুং ললোল ইতিক অমসুং তুরিজমদা অনৌবা পনখৈ অমা ফংহল্লগনি হায়না প্রধান মন্ত্রী থাজবা ফোঙদোকখি অমসুং ক্রুজ পেসেঞ্জরশিংদা নুংঙাইবা খোংচৎ অমা ওইনবা য়াইফ-মঙ্গোল পীখি।
থৌরম অদুদা শরুক য়াখিবশিংগী মরক্তা উত্তর প্রদেশকী মুখ্য মন্ত্রী, শ্রী য়োগী অদিত্যনাথ, অসামগী মুখ্য মন্ত্রী, শ্রী হিমন্ত বিশ্বা সর্মা, পোর্ত শিপ্পিং অমসুং ৱাতরৱেজকী কেন্দ্রগী মন্ত্রী, শ্রী সর্বানন্দ সোনোৱল য়াওরি।
বেকগ্রাউন্দ
এম.ভি গঙ্গা বিলাস
এম.ভি গঙ্গা বিলাসগী খোঙচৎ উত্তর প্রদেসকী বারানসীদগী হৌগনি অমসুং বাংলাদেস ফাওরগা কিলোমিতর ৩,২০০ রোম হোল্লগা নুমিৎ ৫১দা অসামগী দিব্রুগরদা থুংগনি, মসিনা ভারত অমসুং বাংলাদেসকী রিভর সিস্তেম ২৫ ফাওরগা হোনগনি। এম.ভি গঙ্গা বিলাসতা মথোল অহুম লৈরি অমসুং লকজরীগী পোৎলমশিংনা লৈতেংবা লমকোয়বা ৩৬ চনবা সুত ১৮ য়াওরি। অহানবা হৌদোকপা খোঙচৎ অসিদা স্বিতজরলেন্দগী লমকোয়বা মীওই ৩২না খোঙচৎ অসি লোইবা ফাওবা শরুক য়াগনি।
এম.ভি গঙ্গা বিলাসনা লৈবাক অসিগী খ্বাইদগী অফবা অদু মালেমদা উৎকনি। নুমিৎ ৫১গী খোঙচৎ মনুং অসিদা ৱার্ল্দ হেরিতেচ সাইতশিং, নেসনেল পার্কশিং, তুরেলগী ঘাতশিং য়াওনা মফম ৫০ হেন্না য়েংহন্নবা থৌরাং তৌরি। য়েংহন্নবা থৌরাং তৌরিবা মরুওইবা সহরশিংগী মনুংদা বিহারগী পতনা, ঝারখন্দগী সাহিবগঞ্জ, নোংচুপ বঙ্গালগী কোলকতা, বাংলাদেসকী ধাকা অমসুং অসামগী গুৱাহাতি য়াওরি। খোঙচৎ অসিনা লমকোয়বশিংদা চাংয়েংগী খোঙচৎ অসিগী খুদোংচাবা অমা ফংগনি অমসুং ভারত অমসুং বাংলাদেসকী কলা, কলচর, পুৱারি অমসুং স্পিরিচুএল খঙবা ঙমগনি।
রিভর ক্রুইজ তুরিজম চাউখৎহন্নবা প্রধান মন্ত্রীগী পান্দম ফংনবা, মসিগী থবক অসি হৌদোকপা অসিনা রিভর ক্রুইজগী শীজিন্নদনা লৈরিবা খুদোংচাবশিংগী কান্নবা লৌবা য়ারগনি অমসুং মসিনা ভারত্তা রিভর ক্রুইজ তুরিজমগী অনৌবা যুগ অমা হৌদোক্লগনি।
বারানসীদা তেন্ত সিতি
মফম অসিদা তুরিজমগী কান্নবশিং লৌনবা গঙ্গা তুরেল মপান্দা তেন্ত সিতিগী থবকশিং পায়খৎলকপনি। কাসি বিশ্বনাথ ধাম হৌদোকপদগী বারানসী সহরদা লমকোয়বা মীওইশিং থোমজিল্লকলিবা অসিদা মখোয়গী মথৌ তাবা লৈফম পীনবা প্রোজেক অসি সিতী ঘাতশিংগী মায়োক্নবদা পায়খৎপনি। প্রোজেক অসি পি.পি.পিগী মওংদা বারানসী দিবলপমেন্ত ওথোরিতিনা পায়খৎপনি। অনকপদা লৈবা তোঙান-তোঙানবা ঘাতশিংদগী হি তোংলগা লমকোয়বশিংনা তেন্ত সিতি অসিদা য়ৌরক্কনি। চহি খুদিংগী ওক্তোবরদগী জুন ফাওবা তেন্ত সিতি অসি থবক তৌগনি অমসুং নোংজুথা মতমদা তুরেলগী ঈশিং ইমাই ৱাংখৎলকপদগী থা অহুম তেন্তশিং লৌথোক্কনি।
ইনলেন্ত ৱাতরৱেজ প্রোজেকশিং
প্রধান মন্ত্রীনা নোংচুপ বঙ্গালদা হলদিয়া মল্তি মোদেল তর্মিনেল শঙ্গাগনি। জল মার্গ বিকাস প্রোজেক্কী মখাদা পায়খৎপা হলদিয়া মল্তি মোদেল তর্মিনেল অসিনা চাউরাক্না ৩ মিল্লিয়ন মেত্রিক তন পর এন্নম (এম.এম.তি.পি.এ.)গী কার্গো পুথোক-পুশিন তৌবা ঙমগনি অমসুং ৩০০০ দেদৱেত তোন্নেজ (দি.দব্লিউ.তি.) ফাওবগী জহাজশিং হোনজিল্লকপা য়ানবা বার্থশিং শেম্লে।
প্রধান মন্ত্রীনা উত্তর প্রদেসকী ঘাজিপুর জিলাগী সাইদপুর, চোচাকপুর, জামানিয়া অমসুং বালিয়া জিলাগী কান্সপুরদা অতাউবা হিথাংফম মরি শঙ্গাখ্রে। মসিগী মথক্তা প্রধান মন্ত্রীনা বিহারগী দিঘা, নাকতা দিয়ারা, বারহ, পতনা জিলাগী পনাপুর অমসুং সমাস্তিপুর জিলাগী হাসনপুরদা মীয়ামগী হিথাংফম মঙা শানবা উরেপ-উয়ুং তমখ্রে। মফম অদুগী মীয়ামগী হিংনবগী লম্বী ফগৎনবা অমসুং শেন-থুমগী থবকশিং চাউখৎনবা উত্তর প্রদেস, বিহার, ঝারখন্দ অমসুং নোংচুপ বঙ্গাল রাজ্যশিংদা গঙ্গা তুরেল পরিংদা মীয়াগী হিথাংফম ৬০ হেন্না শাখ্রে। মীয়ামগী হিথাংফমশিং অসিনা লৌমীশিং, ঙাগী পোৎথোক পুথোকপা য়ুনিতশিং, লৈ য়োনবশিং, উহৈ-ৱাহৈ পুথোকপশিং অমসুং খুৎহৈবশিংদা ইরাই লাইনা পোৎ-চৈ পুথোক-পুশিন তৌনবা খুদোংচাবশিং পীদুনা মীয়ামগী হিংনবগী লম্বী ফগৎহনবা মতেং পাংগনি অমসুং গঙ্গা তুরেলগী মনুং-হুজিনবা মফমশিংদা য়ৌবা ঙমগনি।
প্রধান মন্ত্রীনা গুৱাহাতিদা অৱাং-নোংপোক্কী মেরিতাইম স্কিল দিবলপমেন্ত সেন্তর শঙ্গাখ্রে। সেন্তর অসিনা অৱাং-নোংপোক লমদমগী হৈশিংবা হেনগৎহনগনি অমসুং লোজিসতিক্স ইন্দস্ত্রিদা থবক ফংনবগী খুদোংচাবা কয়া পীরগনি।
হায়রিবশিং অসিগী মথক্তা, প্রধান মন্ত্রীনা গুৱাহাতিদা জহাজ শেমজিন্নবা মফম অমা শানবা উরেপ—উয়ুং তমখ্রে অমসুং পান্দু তর্মিনেলদা অৱাংবা লম্বী অমা শঙ্গাখ্রে। পান্দু তর্মিনেলদা লৈগদৌরিবা জহাজ শেমজিন্নবা মফম অসিনা কোলকাতাগী জহাজ শেম্নবা মফমদা জহাজ পুবা অমসুং অমুক পুরকপদা থা অমগী মতম চংবা অদু কনবা ঙম্লগনি। মসিগী মথক্তা, জহাজ পুবদা য়াম্লবা শেনফম অমা চংবা অদু কনবা ঙম্লগনি। পান্দু তর্মিনেলদগী এন.ঐচ-২৭ য়ৌবা লম্বী অসি পুং ২৪ মথৌ পাংথোকপা য়াগনি।
Today, the world's longest river cruise - Ganga Vilas, has embarked on a journey between Kashi and Dibrugarh.
— PMO India (@PMOIndia) January 13, 2023
Due to this, many tourist places of Eastern India are going to benefit. pic.twitter.com/SlE4pvd2Or
गंगा जी हमारे लिए सिर्फ एक जलधारा भर नहीं है।
— PMO India (@PMOIndia) January 13, 2023
बल्कि ये भारत की तप-तपस्या की साक्षी हैं। pic.twitter.com/iJGA4OqXqE
India welcomes all our tourist friends from different parts of the world.
— PMO India (@PMOIndia) January 13, 2023
Come, explore the vibrancy of our country! pic.twitter.com/7LiA2beUkq
क्रूज जहां से भी गुजरेगा वहां विकास की एक नई लाइन तैयार करेगा। pic.twitter.com/HcKxwy3Cz3
— PMO India (@PMOIndia) January 13, 2023
This is the decade of transforming India's infrastructure. pic.twitter.com/bb0pyirjfd
— PMO India (@PMOIndia) January 13, 2023
नदी जलमार्ग, भारत का नया सामर्थ्य बन रहे हैं। pic.twitter.com/pGB1hrwK27
— PMO India (@PMOIndia) January 13, 2023
