প্রধান মন্ত্রী, শ্রী নরেন্দ্র মোদীনা ঙসি অহমেদবাদতা রাস্ত্রিয় রকশা য়ুনিভর্সিতীগী বিলদিংবু লৈবাক মীয়ামদা খুৎশিন্নখ্রে অমসুং মসিগী অহানবা কনভোকেসনগী ৱারোল থমখ্রে। হোম এফিয়র্স অমসুং কোওপরেসনগী কেন্দ্র মন্ত্রী, শ্রী অমিৎ শাহ, গুজরাতকী রাজ্যপাল অচার্য় দেবরাত অমসুং গুজরাতকী মুখ্য মন্ত্রী, শ্রী ভুপেন্দ্রভাই পতেলনা থৌরম অসিদা অতোপ্পা মীথুংলেনশিংগা লোয়ননা শরুক য়াখি।
খ্বাইদগী অহানবা ওইনা, প্রধান মন্ত্রীনা মহাত্মা গান্ধী অমসুং দান্দী মার্চতা শরুক য়াখিবশিংগী মফমদা ইকায় খুম্নবা উৎখি। ঙসিগী নুমিৎ অসিদা চাউরবা খোঙচৎ অসি হৌদোকখিবনি। “ব্রিতিশকী অরানবা ৱায়েলগী মাইয়োক্তা গান্ধিজীগী লুচিং মখাদা হৌখিবা ইহৌনা ব্রিতিশ সরকারগী মফমদা ভারতকী অপুনবগী মপাঙ্গল মশক খঙহনখি”, হায়না প্রধান মন্ত্রীনা পাউদমখি।
লোইলম লৈঙাক্কী মতমদা লৈবাক ঙাক-শেনবগী ৱাখল্লোন্না মীয়াম মরক্তা অকীবা ফাওহন্দুনা লোইলম মপুগীদমক্তা তংদু লৈতানা লৈহনবা হায়বা মমাংগী মতমদা চত্থরম্বা থৌওংদা য়ুম্ফম ওইরম্মি হায়না প্রধান মন্ত্রীনা ফোংদোকখি। মসিগা মান্নবা ওইনা, সেক্যুরিতী ফোর্সশিংনা মখোয়গী পথাপশিং শেম-শাবগী অহেনবা মতম কয়া ফংলম্বা থাইনগী মতমগা হৌজিক্কা য়াম্না খেন্নরে। হৌজিক্কী মতমদদি, তেক্নোলোজী অমদি ত্রান্সপোর্তেসনগা লোয়ননা কম্ম্যুনিকেসন্না মশক থোক্না ফগৎলকপনা হান্নগুম্না ওইদ্রে। ঙসিগী মতমগী থৌশিল থৌরাংদা গনতন্ত্রিক ওইবা মতাং কয়াদা থবক ওইনা পাংথোকপগী তঙাই ফদবা ৱা শন্দাইনবা অমসুং অতোপ্পা সোফ স্কিল কয়া অমগী মথৌ তারি হায়নসু মহাক্না ফোংদোকখি।
পুলিস অমসুং সেক্যুরিতীগী মীওইশিংগী শক্তমদা অহোংবা পুরকপগী তঙাই ফদবা লৈবদা প্রধান মন্ত্রীনা মিৎয়েং চঙখি। হৌজিক মতমগী চৎনবী অসিদা পুলিসকী শক্তম অমা লৈরিবা অসিনসু হীরম অসিগী মতাংদা কান্নবা ওইদ্রি। মহাক্না লাইচৎ মনুংদা পুলিসনা পাংথোকখিবা মীওই খুন্নাইগী তেংবাং কয়াবু অমুক হন্না নীংশিংখি। “নীংতম্বা ফংলবা তুংদা, লৈবাক্কী সেক্যুরিতীগী পথাপ্তা শেমদোকপগী থৌওংগী মথৌ তাখি। য়ুনিফোর্ম শেৎপা মীওইশিংদগী ঐখোয়না চেকশিন্না লৈগদবনি হায়বা ৱাখল্লোন অমা লৈরকখি। অদুবু, ঙসিদি, ফিভম অসিদা অহোংবা লাক্লে। য়ুনিফোর্ম শেৎপা মীওইশিং উবদা, মতেং ফংলগনি হায়বগী থাজবা হৌজিক্তি পোক্লে”, হায়না মহাক্না ফোংদোকখি।
পুলিসনা থেংনরিবা থবক্না পোকহনবা অৱাবা ৱাখল্লোনগা মাইয়োক্নবদা জোইন্ত ফেমিলীশিংনা মখোয়গা ৱারী ৱাতাই শাদুনা শৌগৎপগী মথৌ তাবশিংদা প্রধান মন্ত্রীনা মিৎয়েং চঙখি। ফোর্সশিংনা য়োগ তৌবা য়াওনা অখঙ-অহৈশিংনা অসিগুম্বা ফিভম অসিগা মাইয়োক্ননবা অমসুং পোত্থানবা হোৎনবদা তেংবাংবগী মথৌ তারিবা অসিদসু মিৎয়েং চঙখি। “ৱাখল ৱাহন্দবা ত্রেনিংগী থৌওং হায়বসি লৈবাক্কী ঙাক-শেলগী পথাপশিং মপাঙ্গল কনখৎহন্নবগীদমক্তা হৌজিক্কী মতমগী খ্বাইদগী লুবা তঙাই ফদবনি”, হায়না মহাক্না মখা তাখি।
সেক্যুরিতী অমসুং পুলিসকী তসেংবা মথৌ পাংথোকপদা তেক্নোলোজীগী মরু ওইবা লৈরিবা অসিগী মতাংদা মহাক্না অখন্ননা পনখি। অরানবা তৌবশিংনা করিগুম্বা তেক্নোলোজী শিজিন্নরবদি, মখোয়বু ফাবদসু তেক্নোলোজী শিজিন্নবা য়াই। তেক্নোলোজীদা অসিগুম্নবা মিৎয়েং চঙবগী থৌওংনা দিব্যাং মীওইশিংনসু হীরম অসিদা তেংবাংবা ঙমগনি হায়না মহাক্না ফোংদোকখি।
গান্ধীনগরগী মফমদা হৌজিক নেস্নেল লো য়ুনিভর্সিতী, রকশা য়ুনিভর্সিতী অমসুং ফোরেন্সিক সাইন্স য়ুনিভর্সিতী লৈরে হায়না মহাক্না ফোংদোকখি। অসিগুম্বা মরী লৈনবা হীরমশিং অসিদা এজুকেসনগী মপুং ওইবা পথাপ অমা শেমগৎনবগীদমক্তা কম্পোজিয়ম কয়া চাং নাইনা পাংথোকপগী খুত্থাংদা ইন্সতিত্যুসনশিং অসিগী মরক্তা তেংবাংনবগী মরী অমা শেমগৎপগী তঙাই ফদবা লৈবসিদা মহাক্না মিৎয়েং চঙখি। মহাক্না অসুম্না ফোংদোকখি, “মসিবু পুলিস য়ুনিভর্সিতী অমনি হায়না লান্না খনগনু। মসিদি লৈবাক্কী ঙাক-শেলগী পথাপ্পু মপুং ওইনা য়েংশিনবা রকশা য়ুনিভর্সিতী অমনি”। লোব অমসুং ক্রাউদ সাইকোলোজী, ৱাতাই শন্দাইনবা, ন্যুত্রিসন অমসুং তেক্নোলোজীখুম্বা হীরমশিংগী মরু ওইবশিংবু মহাক্না অমুক্কা হন্না নীংশিংহনখি।
মীওইবা খুন্নাই অমা ওইবগী ভেল্যুবু মখোয়গী য়ুনিফোর্মগী মনুং চনবা শরুক অমা ওইনা মতম পুম্বদা থম্নবা মহাক্না মহৈরোইশিংগী মফমদা হায়খিবগা লোয়ননা মখোয়না হোৎনবা খুদিংদা সেবা তৌনিংবগী ইথিলগী কৌদৌনুংদা অৱাৎপা লৈহন্দনবসু খঙহনখি। সেক্যুরিতীগী হীরমদা নুপীমচাশিংগী মশিং হেনগৎলকপা উবসিদা মহাক্না নুংঙাইবা ফাওবগী ৱারোলসু পাউদমখি। “ঐখোয়না দিফেন্স সেক্তরদা নুপীশিংনা শরুক য়াবগী চাং হেনগৎলকপগী মতৌ উরি। সাইন্স, শিকশা নত্ত্রগা সুরক্সা ওইরো, নুপীশিংনা হীরমশিং অসিদা লুচিংলি”, হায়না মহাক্না পাউদমখি।
ইন্সতিত্যুসন অমগী পান্দম্বু তুংলমচৎকীদমক্তা পুখৎপগী অসিগুম্বা ইন্সতিত্যুসনগী খ্বাইদগী অহানবা বেৎচতা লৈরিবা থৌদাংবু প্রধান মন্ত্রীনা মরু ওইনা পনখি। মহাক্না গুজরাতকী ফার্মাসীগী অরিবা কোলেজশিংনা রাজ্য অসিবু ফার্মাস্যুতিকেলগী হীরমদা খ্বাইদগী মকোক থোংবা ওইহনবদা তেংবাংখিবগী ৱাফম কয়া পনখি। মান্নবা ওইনা, আই.আই.এম. অহমেদবাদনা লৈবাক অসিদা এম.বি.এ.গী মহৈ তম্বগী পাক-চাউরবা পথাপ শেমগৎপদা লুচিংখিবনি।
রাস্ত্রিয় রকশা য়ুনিভর্সিতী (আর.আর.য়ু.) অসি পোলিসিং, ক্রিমিনেল জস্তিস অমসুং করেকস্নেল এদ্মিনিস্ত্রেসনগী তোঙানবা মশাশিংদা মগুন লৈবা অমসুং ত্রেন তৌরবা মেনপাৱরগী মশিং য়াম্না মথৌ তারিবা অসিবু য়েংদুনা লিংখৎখিবনি। গুজরাত সরকারনা ইং ২০১০দা লিংখৎখিবা রকশা শক্তি য়ুনিচর্সিতীবু অপগ্রেদ তৌদুনা রাস্ত্রিয় রকশা য়ুনিভর্সিতী হায়না মিংথোনবা নেস্নেল পুলিস য়ুনিভর্সিতীবু সরকারনা লিংখৎখি। লৈবাক্কীদমক্তা মরু ওইবা ইন্সতিত্যুসন অমা ওইরিবা য়ুনিভর্সিতী অসিনা ওক্তোবর ১, ২০২০দগী মথৌ পাংথোকপা হৌখি। য়ুনিভর্সিতী অসিনা ইন্দস্ত্রীশিংদগী লৌশিং অমসুং রিসোর্স শিজিন্নদুনা প্রাইভেৎ সেক্তরশিংগগী মরক্তা তেংবাংনবগী মরী শাগৎকনি অমসুং পুলিস অমসুং সেক্যুরিতীগা মরী লৈনবা হীরম কয়াদা সেন্তর ওফ এক্সেলেন্স কয়া অমসু শেমগৎকনি।
আর.আর.য়ু.না পুলিস সাইন্স অমসুং মেনেজমেন্ত, ক্রিমিনেল লো অমসুং জস্তিস, সাইবর সাইকোলোজী, ইনফোর্মেসন তেক্নোলোজী, আর্তিফিসিএল ইন্তেল্লিজেন্স অমসুং সাইবর সেক্যুরিতী, ক্রাইম ইনভেস্তিগেসন, স্ত্রেতজিক লেংগ্বেজ, ইন্তর্নেল দিফেন্স অমসুং স্ত্রেতজী, ফিজিকেল এজুকেসন অমসুং স্পোর্ত, কোস্তেল অমসুং মেরিতাইম সেক্যুরিতীগুম্বা পুলিসিং অমসুং ইন্তর্নেল সেক্যুরিতীগী তোঙানবা হীরমশিংদা দিপ্লোমাদগী হৌদুনা দোক্তোরেৎ ফাওবগী থাক্কী একাদমিক প্রোগ্রাম কয়া পীরি। হৌজিক্কী ওইনা, রাজ্য ১৮দগী মহৈরোই ৮২২না হায়রিবা প্রোগ্রামশিংদা অসিদা মিং চন্দুনা মহৈ তম্লি।
आज के ही दिन नमक सत्याग्रह के लिए इसी धरती से दांडी यात्रा की शुरुआत हुई थी।
— PMO India (@PMOIndia) March 12, 2022
अंग्रेजों के अन्याय के खिलाफ गांधी जी के नेतृत्व में जो आंदोलन चला, उसने अंग्रेजी हुकूमत को हम भारतीयों के सामूहिक सामर्थ्य का एहसास करा दिया था: PM @narendramodi
Post independence, there was a need of reforms in the country's security apparatus.
— PMO India (@PMOIndia) March 12, 2022
A perception was developed that we have to be careful of the uniformed personnel.
But it has transformed now. When people see uniformed personnel now, they get the assurance of help: PM
Stress-free training activities is need of the hour for strengthening the country's security apparatus: PM @narendramodi
— PMO India (@PMOIndia) March 12, 2022
We are seeing greater participation women in defence sector. Be it Science, Shiksha or Suraksha, women are leading from the front: PM @narendramodi
— PMO India (@PMOIndia) March 12, 2022
