গুজরাতকী গবর্নর, অচার্য় দেৱৱ্রত জী, হোম মন্ত্রী, শ্রী অমিত শাহ, মুখ্য মন্ত্রী, শ্রী ভুপেন্দ্র পতেল, রাস্ত্রিয়া রক্সা য়ুনিভর্সিতীগী ভাইস চান্সেলর, ৱিমল পতেল জী, ওফিসরশিং, ওজাশিং, য়ুনিভর্সিতী মহৈরোইশিং, মমা-মপাশিং, অতোপ্পা দিগ্নিতরীশিং, , নুপীশিং অমসুং নুপাশিং!
রাস্ত্রিয়া রক্সা য়ুনিভর্সিতীদা লাকপা হায়বসি ঐগী ওইনদি য়াম্না নুংঙাইরবা থৌরম অমা য়াওবগী খুদোংচাবনি। লৈবাক অসিগী নহাশিংনা দিফেন্সকী লমদা মখোয়গী করিয়র শেম্বা পাম্লিবশিং অমসুং দিফেন্সকী লম অসি য়ুনিফোর্ম অমসুং চৈ খক্তা নত্তে, মসিগী লম অসি য়াম্না পাক চাউই। অমসুং মসিদা ৱেল ত্রেনদ মেনপাৱর হায়বসি মতম অসিগী তঙাইফদবনি। মরম অদুনা দিফেন্সকী লমদা ২১দা শুবা চহি চাদা মায়োক্নরিবা শিনবীশং অদুবু মঅয়োক্নবা ঙম্নবা মায়োক্নগদৌরিবশিং অদুবুশু মতিক চাহনবা হায়সি তঙাইফদবনি, মরম অদুনা মসিগী ৱাখ্লোন অসিনা মরম ওইরগা রাস্ত্রিয়া রক্সা য়ুনিভর্সিতী অসি ওইরকখিবনি। অহানবা হৌদোরকপা মতমদা গুজরাত্তা মসিবু রক্সা শক্তি য়ুনিভর্সিতী হায়না কঙনরম্মি। অকোনবদা ভারত সরকারনা মসিবু লৈবাক অসিগী ওইনা য়াম্না মরু ওইবা য়ুনিভর্সিতী অমা ওইনা রিকোগ্নাইজ তৌরদুনা ঙসিদি মসি লৈবাক অসিগী খুদোল অমা ওইরে, মনি অমা ওইরে, লৈবাক অসিগী দিফেন্সকীদমক্তা মফম অসিদা খল্লিবা, তম্বীরিবা, ত্রেনিং তৌরিবা অদুনা লৈবাক অসিগী দিফেন্সকীদমক্তা তুংদা লাক্কদবা মতমশিংদা লৈবাক অসিদা অনৌবা থাজবা অমা পোকহল্লগনি। ঙসি মফম অসিদগী তম্বা লোইরদুনা থোকখ্রিবা মহৈরোইশিং অমসুং মখোয়গী ইমুং-মনুংশিংদা ঐগী মাইকৈদগী য়াইফ-পাউজেল পীরি।
ঙসি অসি য়াম্না য়াইফবা থৌরম অমসুনি। ঙসিগী নুমিৎ অসিমক্তদা থুমগী স্ত্যগ্রহগীদমক্তা মফম অসিমক্তগী দান্দি খোংচৎ হৌখি। ব্রিতিশশিংগী অরানবা ৱায়েল শাসনগী মায়োক্তা গান্ধিজীনা লুচিংদুনা চত্থখিবা আন্দোলন অদুনা ব্রিতিশ শাসনবু ঐখোয় ভারতমাচশিংগী অপুনবগী শক্তি অসিবু খঙহনখি। ঐহাক্না দান্দি কোংচৎ অদুদা শরুক য়াখিবা সত্যগ্রহি পুম্নমকপু ইকাইখুম্নবা উৎচরি অমসুং ঐখোয়না নিংখা তম্বগী চহি ৭৫ শুবগী থৌরম পাংথোকপা মতম অসিদা থৌনা ফরবা নিংতম লান্মীশিং অদুবু বাম্না নোল্লুক্না শ্রধাঞ্জলি কৎচরি।
মরুপশিং,
ঙসিগী নুমিৎ অসি মহৈরোইশিং, ওজাশিং, মমা-মপা ওইবশিংগীদমক্তা য়াম্না অচৌবা নুমিৎনি, অদুবু ঐগী ওইনদি য়াম্না নিংশিংনিংঙাই ওইবা নুমিৎনি। অমিত ভাইনা হায়খিবা অদুগুম্না – মসিগী ৱাখল্লোন অসিগা লোইননা য়ুনিভর্সিতী অসি হৌদোরকখি অমসুং মসিগীদমক্তা ঐহাক্না মতম শাংনা খন্থদুনা লাকখি, এক্সপার্ত কয়া অমগা তাথোক-তাশিন তৌখি। মালেম অসিদা মসিগী মাইকৈ অসিদা করি করি থোক্লিবগে হায়বদু নৈনখি অমসুং কয়া অমা হোৎনরবা মতুংদা, য়াম্না পীক্লবা শক্তম অমা গুজরাতকী লমদম অসিদা ওইরকখি। ব্রিতিশকী মতমদা লৈবাক অসিদা দিফেন্সকী লমদা, মতম অদুগী ওইনা লো অমসুং ওর্দরগী শরুক অমা ওইরম্মি। ব্রিতিশশিংনা মখোয়গী থবক-ইংখাংশিং অদুবু অথিংবা–অপনবা অমত্তা লৈতনা পাংথোকপা ঙম্নবা স্তেমিনা লৈবা, অৱাংবা মী অমনা চৈ পাইরবদি ময়াম্না মদু কনানো হায়বা খঙই। মসিগী ৱাখল্লোন অসিদা মীশিংবু রেক্রুত তৌখি। রেসিয়েল মাসশিংদগী শিংনবা অমা লৈবা মতমদা মখোয়গী থবক অসি চে শিজিন্নবনি, মসিনা মখোয়গী থবক অমা ওইরম্মি মসিনা মরম ওইরগা ব্রিতিশশিংনা মখোয়গী থবক অদু নিংথিনা পাংথোকপা ঙম্লিবনি। অদুবু নিংখা তম্লবা মতুংদা অওনবা কয়া অমা পুরকপগী মথৌ তাখি, য়াম্না চাউনা অহোংবা অমা পুরকপগী মথৌ তাখি। অদুবু লাইবকথিবদি মসিগী লমসিদা ঐখোয়না য়াম্না শোত্থদুনা লৈহোরে, মরম অদুনা ময়মগী ওইবা ৱাখলদা ঙসিদি মরু ওইনা পুলিসকা মরী লৈননা, মসিগী ৱাখল্লোনা অসিসা য়রিবমখৈদি মখোয়শিং অসিদগী থাপতোক্না লৈবা হায়সিনি।
য়ুনিফোর্মদা লৈরিবসি ঐখোয়গী লৈবাক অসিগী লানম্মীশুনি, লানম্মীগীদমক্তা করি পর্সেপ্সন লৈবগে, করিগুম্বা মফম অমদা খুদোংথিবা থৌদোক অমদা লাপ্না লান্মী লাকপা উবদা খুদোংথিবা লৈত্রে হায়না লৌবা, মখোয় লাক্লে হায়বসি পর্সেপ্সন অমনি। মরম অদুনা ভারত্তা অসিগুম্বা মেনপাৱর অসিবু সেক্যুরিতীগী লমসিদা নিংথিনা ত্রেন তৌদুনা পুরকপা হায়বসি য়াম্না মরু ওই। মরম অদুনা ত্রেনিংগী মোদ্যুল পুম্বা হোংদোকপগী য়াম্না মথৌ তাখি। য়াম মুন্না খন্থরবা মতুংদা অহানবা ওইনা অসিগুম্বা মখলগী চাংয়েং অসি পাংথোক্লিবনি, হায়রিবা অসি হৌজিক্তি য়াম্না চাউথোরক্তুনা রাস্ত্রিয়া রক্সা য়ুনিভর্সিতী অমগী মওংদা ওইরক্লি।
করিগুম্বা নিংতথিনা ত্রেন তৌরবা মেনপাৱরনা সেক্যুরিতীগী লমসিদা লৈতবা তারবদি, মখোয়গী নেগোসিয়েশনগী কেপাসিতী অদু মাংঙি অমসুং মহাক্না মরম ওইরগা বেত তৌখিবা অদু ৱাহৈ অমখক্না মরম ওইরগা অরোইবা মতাংদা হেক্তা শোইহল্লি। মসিদা ঐহাক্না হায়নিংলিবা অসি দেমোক্রেতিক সীস্তেম অসিগী মনুংদা মী অমনা অমবু য়াম্না মরু ওই হায়না খন্দুনা খুনাই অসিদগী তোখাইনা তাবা এলিমেন্তশিং অদুদা য়াম্না চৈরাক কন্না চৎপা অমসুং খুনাই অসিদনা য়াম্না ইং তপ্না চৎপা, মসিগী মন্ত্র অসিগা লোইননা ঐখোয়না হ্যুমেন রিসোর্সশিং অসি দেবেলপ তৌবা তাবনি। ঐখোয়না উরম্লগনি অতোপ্পা লৈবাকশিংদা পুলিসকা মরী লৈননা য়াম্না অফ-অফবা পাউশিং তাগনি। ঐখোয়গী লৈবাক্তদি লাইইবক থিবা অমনা ফিলম পুথোক্লবসু খ্বাদগী হেন্না ফত্তবশিংগী মতাংদা উৎলবসু পুলিস ওইবশিং ওইনা উৎলি, পাউ-চেদা ফত্তবশিংদগী খ্বাইদগী হেন্না ফত্তবা অমগী মরমদা ফোংলবদি মদু পুলিস ওইবা মীশিংগী হেক্তা ওইরম্মি। হৌজিক্কী মতম অসিদা সোসিয়েল মীদিয়ানা মরম ওইরগা কোরোনা মনুংদা য়ুনিফোর্মদা পুলিসকী থবকশিং অদু পুলিসকী থবক তৌবশিংনা ভাইরল মখোয়গী ভীদিও কয়া অমা ভাইরল ওইহল্লে। মখোয়না অথিং অথেংবদা চাকলাম খৌরাবশিং চাক-ঈশিং পীজবা, হিদাক-লাংথক লৈতবশিংদা মোতরসাইকলদা লাক্তুনা হিদাক-লাংথকশিং পীরি। মসিনা মখোয়বু মীওইবা অমা ওইবগী শক্তম অদু কোরোনা মনুংদা মীয়ামগী ৱাখলদা ফাওহনখি অদুবু হৌজিক্তি মদু অমুক লেপখ্রে।
হৌজিক্কী মতম অসি, ইমুংশিং অসি পিকশিল্লকই। হান্নদি পুলিস ওইবা মীশিং অদুনা এক্সত্রা দ্যুতী তৌরগা ৱানা য়ুমদা হল্লকপা মতমদা, য়াম্না চাউবা অপুনবা ইমুং অমা ওইবনা ইমুংগী অহল-লমন, ইচিল-ইনাও অমসুং অঙাংশিংনা অমসুং ইমুংগী অতোপ্পা মীওই কয়া অমনা শেন্নদুনা অৱাবশিং অদুবু কাওহল্লি অমসুং নোংঙাল্লকপদা হৌগত্তুনা থবক তৌবা চৎখি। হৌজিক্তি মাইক্রো ফেমিলী ওইবনা নহা ওইরিবশিংনা পুং ৬, পুং ৮, পুং ১২, করিগুম্বা মতমদা খুদোংচাদবা মতমদদি পুং ১৬ ফাওবা থবক তৌই। মসিওগি মতুংদা য়ুমদা হল্লকপা মতমদা য়ুমদদি কনামত্তা লৈতে। কনামত্তা লৈতবনিনা হংবিনবসু লৈতে, ৱাবীনবসু লৈতে, অতোপ্পা মী অমত্তসু লৈতে অদুনা চাক চাবা খক্তমক তৌবা তৌবনি।
অসিগুম্বা মতমদা স্ত্রেস লৈবনা ঐখোয়গী সেক্যুরিতী ফোর্সশিংদা য়ম্না চাউবা শিংনবা অমা ওইহল্লি। য়ুম পানবগী অৱাবা, থবক তৌবগী অৱাবনা, মশাদা য়াম্না চাউবা স্ত্রেস অমা লৈহল্লি। অসিগুম্বা মতমদা স্ত্রেস ফ্রি এক্তিবিতীগী ত্রেনিং তৌবা হায়বসি য়াম্না তঙাইফদে। মসিগীদমক্তা ত্রেনরশিং মথৌ তাগনি। মসিগী রক্সা শক্তি য়ুনিভরসইতী অসিনা অসিগুম্বা ত্রেনরশিং অসিবু তম্বীদুনা পুথোক্তুনা য়ুনিফোর্মগী থবক্তি তৌরোই অদুবু য়ুনিফোর্ম শেৎপশিংগী অৱাবা অদু কোকহন্নবা মফম অসিদা ত্রেন তৌবদি য়াগনি।
ঙসিদি আর্মীদসু মশিং য়াম্লবা য়োগাগী ওজাশিংগী মথৌ তারি। ঙসিদি পুলিসতসু য়োগা অমসুং রেলেক্সেশন তেক্নিক্কী ওজাশিংগী মশিং য়াম্না মথৌ তাই, মসিগী স্কোপশিং অসি হৌজিক্তি দিফেন্স সেক্তরগী মনুং চল্লগনি। অসিগা চপ মান্ননা তেক্নোলোজী অসিসু য়াম্না চাউবা শিংনবা অমনি। মসিদা এক্সপর্তিীজ লৈতবনা মতম চানা তৌগদবা থবক পুম্বা তৌবা ঙমদনা থেংখিবনা হাল্লি। খুদম সাইবর সেক্যুরিতীগী লৈরিবা ইসুশিং, ফত্তবা থবক তৌবদা তেক্নোলোজী হেন্না শিজিন্নরকপা, অসুম্না ওইজরবসু তেক্নোলোজী অসিনসু ক্রাইম দিতেক্সন তৌবদা খ্বাইদগী হেন্না মতেং পাংলি। হান্নদি হুরানবা অমা ফানবা হোৎনবদা মতম য়াম্না চংলম্মি অদুবু হৌজিক্তি সি.সি.তি.ভি. কেমেরা লৈরবনিনা মসিদা য়াওরিবা ফুতেজ অদু য়েংলগা লোইনা খংবা ঙম্লে। নখোয়না লঙ্ক পীবা মতমদা নখোয়দা আর্তিফিসিয়েল ইন্তেলিজেন্সকী নেতৱার্ক লৈরবদি য়াম্না লাইনা মীশক অমবু থিবা ঙমগনি।
ক্রিমিনল ৱার্ল্দনা তেক্নোলোজী শিজিন্নবগুম্না দিফেন্স ফোর্সশিংগীসু তেক্নোলোজী অসি য়াম্না লিংবা খুৎলাই অমনি। অদুবু মতিক চাবা মীগী মখুত্তদি য়াম্না ফবা খুৎলাইনি অদুবু হায়রিবা অসি মতম চানা থবক তৌবা ঙম্নবগী ত্রেনিং মতিক চানা তৌদ্রবদি মসি ওইথোকপা ঙম্লোই। মালেম অসিদা য়াম্না চাউরবা থৌদোক কয়া অমা মসিগী লমসিদা নখোয়না থেংনরম্লগনি, নখোয়না কেস স্তদী তৌরবদি করম্না তেক্নোলোজী শিজিন্নদুনা ক্রাইম তৌবগে অমসুং তেক্নোলোজী শিজিন্নদুনা ক্রাইম দিতেক তৌবগে হায়সু থেংনরম্লগনি।
অমসুং হৌজিক্তা হোম মিনিস্তরনা হায়খিবা হৌজিক্তি গান্ধিনাগর অসি মহৈ-মশিংগী লমদা য়াম্না ভাইব্রেন্ত ওইবা এরিয়া অমা ওইরক্লি। মফম অমখক্তদা য়ুনিভর্সিতী ময়াম অমা অমসুং ঐখোয়গী মফম অসিদা মালেম অসিগী খ্বাইদগী অহানবা য়ুনিভর্সিতী অনি লৈ। মালেম অসিগী অমত্তা ঙাইরবা, অতোপ্পা মফমদা অমত্তা লৈতবা ফোরেন্সিক সাইন্স য়ুনিভর্সিতী লৈতে। মালেম অসিদা মফম অমত্তদা চিলদ্রেন য়ুনিভর্সিতী লৈতে। গান্ধিনাগর অমসুং হিন্দুস্তাননা খক্তদা য়ুনিভর্সিতী অনি অসি লৈ।
অমসুং অসিগুম্না নস্নেল লো য়ুনিভর্সিতী, হায়বদি ক্রাইম দিতেক্সনদগী হৌরগা জস্তিস ফাওবা, মসিগী থবক পুম্নমক অসি মসিদা পুনশিনবা, পুনশিল্লবা অসি য়ুনিভর্সিতী অহুম অসিনা সাইলোসতা থবক তৌবা মতমদা কান্নবা পুরক্কনি। রাস্ত্রিয়া রক্সা য়ুনিভর্সিতী, ফোরেন্সিক য়ুনিভর্সিতী অমসুং নেস্নেল লো য়ুনিভরর্সিতীনা মশা-মশাগী থবকশিং তৌদুনা লৈখিবা মতমদা ঐনা পাম্লিবা ফল অসি ফংবা ঙম্লোই।
মরম অদুনা ঐহাক্না নখোয়গী মরক্তা লাক্লি, য়ুনিভর্সিতী চলাইরিবা মীশিংশু মফম অসিদা ফম্লি, ঐনা মখোয়দা হায়নিংবদি, চহি অমদা থা অহুম খুদিংগী য়ুনিভর্সিতী অহুম অসিগী মহৈরোইশিং, ফেক্ল্তীশিংগী ওইবা কমন সীমপোজিয়ম পাংথোকপা য়াগদ্রা , মসিদা হীরম অহুম অসিদা খন্ন-নৈনদুনা অমসুং দিফেন্সপু অমুক হেন্না কনখৎহন্নবগীদমক্তা অনৌবা মোদেল অমা পুথোকপা য়াই। ফোরেন্সিক সাইন্সনা জস্তিসকীদমক্তা খরম্না মতেং পাংগনি হায়বদু নস্নেল য়ুনিভর্সিতীশিংনা মহৈরোইশিংনা পাবগী মথৌ তাগনি।
ঐহাক্তি শক্তি য়ুনিভর্সিতীদা জেলগী সীস্তেমগা মরী লৈননা মাস্ত্রী লৈনবা মীশিং শেমগৎহনবসু পাম্লি। জেলগী সীস্তেম অসিবু খ্বাইদগী অনৌবা মখলগী করম্না ওইহনগনি, জেলগী মনুংদা লৈরিবা ফাদোকশিং নত্রগা অন্দর ত্রায়েলদা লৈরিবশিং অদুগী সাইকী অদুবু করম্না এতেন্দ তৌদুনা থবক শুবা মীশিং ওইহন্নবা, মখোয়শিং অদুনা অরানবা থবক তৌবদগী করম্না তোকহনগনি, করম্বা ফিভমদা অরানবা থবক তৌখিবগে, অসিগুম্বা সাইকোলোজিকেল স্তদীশিং অসিনা ফোরেন্সিক য়ুনিভর্সিতীদসু ক্রিমিনেল মেন্তেলিতী নৈননবগী য়াম্না চাউবা স্তদী অমা ওইগদৌরিবনি। মসিগী মতাংদা রক্সা সশক্তি য়ুনিভর্সিতীদসু য়াওরমগনি।
ঙসি ঐনা রক্সা য়ুনিভর্সিতী অসিগী য়াম্না চাউরবা বিল্দিং অমা শঙ্গাবগী খুদোংচাবা ফংলে। ঐখোয়না মসিগীদমক্তা মফম খঙদোকপা মতমদা, নখোয়গী ৱাখলদা য়াম্না চাউবা ৱাহং অমা লাকখি, য়াম্না চাউবা প্রেসর লাকখি। মীপুম খুদিংমক্না, সাহেব নহাক্না অসুক লাপ্পা মফম অসিদা করিগী থারিবনো, করিগী তৌরিবনো হায়না হংলমগনি। অদুবু ঐগী মোদতদি গান্ধিনাগরদগী ২৫-২০ কিলোমিতর থাপ্না চৎপা তারবসু য়ুনিভর্সিতী অসিগী মরু ওইবা অদু কৈদৌনুংদা হন্থরোই। করিগুম্বা য়ুনিভর্সিতী অসিদা মতিক লৈরবদিগান্ধিনাগরগী খ্বাইদগী চাউবা ফোকস অদু মসি ওইগদৌরিবনি অমসুং বিল্দিং অসি উরবা মতুংদা হায়রিবা অসি হৌখ্রবনি।
অদুবু অসিগী বিল্দিং অসিবু মতিক মঙাল লৈনা নিংথিনা থম্বা হায়বসি কন্ত্রেক্তরনা বিল্দিং শেম্লগা চৎখিবনা ওইরোই, সরকারগী বজেত থাধবনা ওইরোই।হায়রিবা অসি মসিদা লৈরিবা মীপুম খুদিংমক্না মফম অসিবু মখোয় মশাগীনি হায়না খন্দুনা মসিগীদমক্তা ফনবগীদমক্তা করিগুম্বা থবক কয়া অমা তৌদুনা লৈবা মতমদতা বিল্দিং অসি মশানা ফদুনা অদুম লৈগনি।
মতম অমদা এহমদাবাদতা আই.এম. শাবা মতম দা, চহি ৫০গী মমাংদা; চহি ৫০-৬০গী মমাংদা মদুগী বিল্দিং অদু ভারত পুম্বদা মোদেল অমা ওইনা খন্নরম্মি । তুংদা নেস্নেল লো য়ুনিভর্সিতীগী বিল্দিং শেম্বা মতমদা ভারত পুম্বদা নেস্নেল লো য়ুনিভর্সিতীদা ময়ামগী মিৎয়েং লৈখি। ঐহাক্না খল্লি মদুদি রক্সা য়ুনিভর্সিতীগী কেমপসসু মীয়ামগী পুক্নিং চিংশিনগনি। ঐখোয়গী মতম অসিদা আই.আই.তি. কেমপস, ইনর্জী য়ুনিভর্সিতী কেমপস, নেস্নেল লো য়ুনিভর্সিতী কেমপস, ফোরেন্সিক সাইন্স য়ুনিভর্সিতী কেমপস শেমখ্রে, ঐনা খল্লি মদুদি মসিগী মনি ময়াম অসিগী মনুংদা রক্সা য়ুনিভর্সিতীগী কেমপস অসিসু অনৌবা মনিং অমা ওইদুনা মসিদা য়াওরগনি অমসুং মসিগীদমক্তা নখোয় ময়ামদা নুংঙাইবা ফোংদোক্লি।
ঐহাক্না থাজৈ মদুদি মফম অসিদা অনৌবা ইনর্জী, অনৌবা এন্থুসিয়াজমগা লোইননা লৈবাক অসিগী ক্বালিতী হায়বদি অমরোমদা সোসাইতীগী ক্রীমিং অঙাংশিং অদুবু চেবাউ পীরি মদুদি মসিগী থবক অসিবু অপিকপনি হায়না লৌগনু। মসিদা লৈবাক অসিগী সেবা তৌনবগী য়াম্না চাউবা সেক্তর লৈ। অমসুং ঐখোয়গী পুলিসকী জৱানশিংসু, ঐখোয়গী হোম মিনিস্ত্রীসু মসিগী অসোইবা অসি তৌগনু, ঐখোয়না অসোইবা অসি তৌখিদে, মসি পুলিস য়ুনিভরসইতী নত্তে, মসি রক্সা য়ুনিভর্সিতীনি, মসি লৈবাক পুম্বগী দিফেন্সকা মরী লৈননা মেন পাৱর শেম্নবগী য়ুনিভর্সিতীনি।
অমসুং ঐনা খল্লম্বা অদুগুম্না ফোরেন্সিক সাইন্স য়ুনিভর্সিতী অসি লৈবাক অসিগী মফম খুদিংদা শন্দোক্কদবনি, রক্সা শক্তি য়ুনিভর্সিতী লৈবাক অসিগী মফম খুদিংদা শন্দোক্কদবনি অমসুং মহৈরোই ওইরিঙৈদগী হৌনা অঙাংশিংগী থমোইদা.. অঙাং খরদি অঙাং ওইরিঙৈদগী হৌনা মহাক স্পোর্তস পার্সন ওইনি, দোক্তর ওইনি হায়না খল্লি। কনাগুম্বা খরদি অঙাং ওইরিঙৈদগী হৌনা ইঞ্জিনীয়র ওইনি হায়না খল্লি, মসি হীরম অমনি। য়ুনিফোর্মগী মতাংদা সেক্সন খরদা পামদবা লৈজরবসু ঐখোয়না ঐখোয়গী ইথৌ নিংথিনা তৌদুনা, কন্না হোৎনদুনা মীওইবা অমা ওইবগী মমল খঙনা ইজত ঙাক্না থবক তৌবা মতমদা প্রোপর সেক্সন শেমদুনা লৈরিবা অদুদা অহোংবা অমা পুরক্তুনা, চম্লবা মীয়ামদা থাজবা অমা ঐখোয়গী য়ুনিফোর্ম ফোর্সশিংনা পুরকপা ঙমগনি হায়বসি ঐগী থাজবনি অমসুং য়ুনিফোরম ফোর্সশিংনা থবক তৌবা মতমদা সরকারগী স্ত্রেপ অমসুং কেপ উপ্পা কাংলিপশিং অদু মসিদা য়াওদে। ঙসিদি প্রাইভেত সেক্যুরিতীসু মশিং য়াম্না হেনগৎলক্লি। অমসুং ঐনা থেংনবদা সেক্যুরিতীগী লমসিদা খক্তমক থবক তৌবা স্তার্তঅপ কয়া অমা দেবলপ তৌরক্লি। নখোয়গী অসিগ ত্রেনিং অসি অসিগুম্বা অনৌ-অনৌবা স্তার্তঅপকী লমসিদসু লাক্নবগীদমক্তা কৌরি।
ঐহাক্না থাজৈ মদুদি নখোয়গুম্বা মরুপশিং, ঐহাক্কী নহা ওইরিবা মরুপশিংনা লৈবাক অসিবু ঙাক-শেনবদা মরু ওইবা থমদুনা চোংথোরক্লবনিনা, ঐখোয়না খঙগদবা য়াম্না চাউবা হীরম অমা লৈরে। ঐনা অহৌবদা নগোসিয়েশন অসিসু আর্ত অমনি হায়খিবা অদু ত্রেনিং তৌরবা মতুংদা খক্তমক অফবা নেগোসিয়েতর অমা ওইবা ঙমগদৌরিবনি। অমসুং নেগোসিয়েতর অমা ওইবা মতমদা মদু মালেমগি থাক্তা কান্নরক্কনি। তপ্না-তপ্না নখোয়না চাউখৎলক্তুনা মালেমগী থাক্তা লৈবা নেগোসিয়েতর অমা ওইবা ঙমগনি।
ঐহাক্না খল্লি মদুদি মসিসু খুনাইগী পুনশিদা য়াম্না তঙাইফদবা অমনি। অসিগা চপ মান্ননা মোব সাইকোলোজী, ক্রাউদ সাইকোলোজী, মসিবু নখোয়না সাইন্তিফিক ওইবা মওংদা নৈনদ্রবদি নখোয়না মসিবু হেন্দল তৌবা ঙম্লোই। রক্সা য়ুনিভর্সিতীগী খুত্থাংদা ঐখোয়না অসিগুম্বা ফিভমশিংদা মসিবু শেন্নবদা নিংথিনা হৈ-শিংলবা মীওইশিংবু শেমগৎপা পাম্লি। ঐখোয়না লৈবাক অসিবু ঙাক-শেন্নবগীদমক্তা দেদিকেতে ৱার্ক ফোর্স অসি থাক খুদিংমক্তা শেমগৎকদবনি। ঐনা থাজৈ মদুদি ঐখোয় ময়াম পুন্দুনা মসিগী মাইকৈ অসিদা কন্না হোৎনগনি।
ঙসি ঐহাক্না তম্বা লোইরগা চৎনবগী কুদোংচাবা ফংলিবা মহৈরোইশিংদা য়াইফ-পাউজেল পীরি। অদুবু মখোয়শিংদা ঐহাক্না হায়নিংবদি, নখোয়না অসিদা লাকপা মতমদা খল্লমগনি মদুদি য়ুনিফোর্ম অসি শেৎখিসনু , মসিবু হে শেৎলবদি মালেম পুম্বা ঐগী ইখুত্তা লৈরগনি হায়বগী অশোইবা অসি তৌগনু ঐগী মরুপশিং। মসিগী য়ুনোইফোর্ম অসিগী ইজত হেনগৎহনগদবা থবক লৈতে, য়ুনিফোর্মগী ইজত অসি থমোইনুংদা ফাওরিবা মীওইবা অমা ওইবগী ৱাখল্লোন অদু লেংদনা লৈবা মতমদা হেনগৎলি, য়ুনিফোর্ম অসিগী ইজত অসি মীনুংশি লৈবা মতমদা হেনগৎলি, য়ুনিফোর্ম অসিগী মমল অসি ইমাশিং, ইচে-ইচলশিং, তোল্ল-তারবশিং, শোত্থরবশিং, নমহৎপীরবশিং, কনা লৈজদ্রবশিংগীদমক্তা করিগুম্বা খরা তৌনবগীদমক্তা থমোইনুংদা ফাওরকপা মতমদা য়ুনিফোর্ম অসিগী মপাঙ্গল কনখৎলকই অমসুং মসিগীদমক্তা ঐগী মরুপশিং, নখোয়গী পুনশিদা মসিমদি শোইদনা লাক্লগনি মরমদি মসিগী লম অসিদা চৎলবদি নখোয়না মীওইবা অমা ওইবগী মরু ওইবা অসিবু খ্বাইদগী হেন্না মরু ওইনা হায়না খল্লগা চৎকদবনি। ঐখোয়না ইশাগী ওইবা ৱাখল্লোন অসি চেনগদবনি। মরম অদুনা য়ুনিফোর্মগী মরু ওইবা অদু অদুমক ওইদুনা লৈগদবনি কৈদৌনুংদা মীওইবা অমা ওইবগী ৱাখল্লোন অসি থাদোক্লোইদবনি। মসিগী ৱাখল্লোনা অসিগা লোইননা ঐখোয়গী নহাশিংনা চৎলবদি য়াম্না চাউবা ফল অমা পুরক্কনি।
ঐগী ওইনদি য়াম্না হরাওনিংঙাই ওইবা ৱাফম অমনা মফম অসিদা ঐহাকপু ইকাইখুম্নবা উৎলিঙৈ মতমদা মহৈরোই খরা, মশিংদি থিরুদ্রে অদুবু ঐনা খনবদদি নুপীশিংগী মশিংনা হেন্না বাম্বগুম তৌই। মসিনা তাকপদি দিফেন্সকী লমদা ঙসিদি ঐখোয়গী নুপীমচাশিং অসিনা পুলিসকী লুপ অসিদা মশিং য়াম্না ঐখোয়গী নুপীমচাশিংনা ফম অমা কন্দুনা লৈরি। ঐখোয়গী নুপীমচাশিংনা মশিং য়াম্না মসিদা য়াওরক্লি। মসিদা নত্তনা আর্মীদা অচৌ-অচৌবা ফমদা ঙসিদি ঐখোয়গী নুপীমচাশিং অসিনা মাংজিল থাদুনা চৎলি। অসিগা চপ মান্ননা এন.সি.সি.দসু এন.সি.সি.কেদেত কবা অমা মশিং য়াম্না শরুক য়ারি। ঙসি ভারত সরকারনা এন.সি.সি.গী স্কোপ অসি য়াম্না চাউথোকহনখ্রে, হান্নদগী য়াম্না হেন্না চাউথোকহনখ্রে অমসুং ময়াই ওইরপ লৈবা স্কুলশিংনা মরক-মরক্তা নখোয়সু এন.সি.সি.গী শক্তমদা স্কুলশিংদা তপ্না-তপ্না দেবেলপ তৌবা য়াই, নখোয়না স্কুলশিংগী এন.সি.সি. শেন্নবদা য়াম্না চাউনা মতেং ওইগনি।
অসিগা চপ মান্ননা সাইনিক স্কুল লৈরি, ভারত সরকারনা মসিগী সাইনিক স্কুলশিং অসিদসু নুপীমচাশিং তমহন্নবগী মতাংদা য়াম্না চাউবা ফিরেপ অমা লৌখি। মরম অদুনা ঐখোয়গী নুপীমচাশিংগী শক্তি অমসুং ঐখোয়না উখ্রে মদুদি ঐখোয়গী পুনশিদা নুপীমচাশিং অসিনা মরু ওইবা থৌদাং লৌখিদবা হীরম অমত্তা লৈতে। হায়রিবা অসি ওলীমপিক্তা ভিক্ত্রি ফংবগী ওইরবদি মদুদসু ঐখোয়গী নুপীমচাশিং অসিনা হেল্লি, সাইন্সকী লমদা য়েলবদি ঐখোয়গী নুপীমচাশিং অসিনা হেল্লি। অসিগা চপ মান্ননা লাইরিক-লাইসুগী লমদসু ইখোয়গী নুপীমচাশিংনা হেল্লি, দিফেন্সকী মতাংদসু ঐখোয়গী নুপীমচাশিংনা মসিদসু অদুমক চপ মান্ননা ময়ামদগী মীথোই মীহেনগনি, ঐহাক্না থাজৈ মদুদি লৈবাক অসিদা ইমা-ইবেনশিংদা সেক্যুরিতীগী ৱাখল্লোনা অমা ফাওগনি। মসিগী ৱাখল্লোন অমসুং মসিগী থৌদাং অসিগা লোইননা চোংথরকউ। ঐখোয়না অসুক চাউরবা ইনিসিয়েতিব অমা লৌরবনিনা, মসিগী ইনিসিয়েতিব অসিবু মাইপাকহনবা হায়বসি অহানবা বেচতনা হেন্না হেল্লি।
মসিগী য়ুনিভরর্সিতী অসিনা কয়া য়াম্না অহোংবা পুরকপা ঙমগনি, হ্যুমেন রিসোর্স দেবেলপমেন্তকী ইন্সতিত্যুত অমনা কয়া য়াম্না চাউবা অহোংবা অমা পুরকপা ঙমগনি, গুজরাতকী লৈবাক অসিগী থৌদোক অনিখক নখোয় ময়ামদা থম্বা পাম্লি। মতম কয়াগী মমাংদা অমসুং মতম অদুদা গুজরাত সরকারগী রোল অমত্তা লৈতে, অদুবু এহমদাবাদকী মফম অসিগী মহাজনশিং, খুনাইগী মশক নাইবশিং, লাল্লোনবশিং, মখোয় ময়াম্না পুন্দুনা গুজরাত্তা ফার্মসীগী কোলেজ অমা লৈহন্নবা ফিরেপ অমা লৌখি। ঙসিদগী চহি ৫০গী মমাংদা ফার্মসীগী কোলেজ অমা লিংখৎখি। মতম অদুদা য়াম্না চম্বা কোলেজ অমা হৌদোরকখি অদুবু ঔজিক্তি ফার্মস্যুতিকেল ঈন্দস্ত্রীদা গুজরাতনা লীদ তৌরিবা অসিগী হৌরকফমদি মদুগী য়াম্না পিকপা ফার্মসী কোলেজ অদুনা ওইখি, মদুদগী তমদুনা থোরকপশিং অদুনা তুংদা গুজরাত ফার্মস্যুতিকেল ইন্দস্ত্রীগী য়াম্না চাউবা হব অমা ওইরে। অমসুং মদুগী ফার্মা অদুনা হোজিক্তি মালেম অসিগী ওইনা কোরোনাগী মতুংদা মালেম অসিদা ভারত আসি ফার্মাগী হবনি হায়না খঙনরে, মসিগী থবক অসি অপিকপা কোলেজ অমদগী হৌরকখিবনি।
অসিগা চপ মান্ননা এহমদাবাদ আই.আই.এম., য়ুনিভর্সিতী নত্তে, দিগ্রী কোর্স নত্তে, য়ুনিভর্সিতী অমগী সেক্সসন নত্তে, সার্তিফিকেত কোর্স নত্তে, হৌদোরকপা মতমদা মসিবু মীয়াম্না থা তরেত-নিপাল, তারানিথোইগী সার্তিফিকেত কোর্সনা পুনশিদা করি ওইগদৌরিবনো হায়না খল্লম্বা য়াই। অদুবু আই.আই.এম.না মশাগী ওইবা ফিদম্নিংঙাই ওইবা মশক অমা উৎদুনা, ঙসিদি মালেম অসিদা চাউ-চাউরবা সি.ই.ও.শিংগী মরক্তগী কনাগুম্বা খরদি আই.আই.এম.দগী পাস তৌদুনা থোকখ্রে।
মরুপশিং, য়ুনিভর্সিতী অমনা করি তৌবা ঙম্বগে, ঐহাক্না মদুগী মঙলান অদু রক্সা য়ুনিভর্সিতীদা মঙলি, মসিনা ভারত পুম্বগী দিফেন্সকী সেক্তরদা লৈরিবা ফিভমদা অহোংবা পুরক্লগনি, দিফেন্সকী ৱাখল্লোন অসিবু অহোংবা পুরক্লগনি অমসুং রক্সাগী মনুংদা লাক্কদবা ঐখোয়গী নহা ওইরিবা মীরোলশিংগীদমক্তা অনৌবা ফল অমা শোইদনা পুরক্লগনি। মসিগী থাজবা অসিগা লোইননা অহানবা মীরোলগী থৌদাং অসি য়াম্না চাউই। ফার্সত কনভোকেশনগী কাংবুগী মথৌদাং অসি অমুক্কসু হেন্না এনগৎলি অমসুং মরম অদুনা ফার্সত কনভোকেশন অসিগী মনুংদা ঙসি থাদোক্কদৌরিবা মীশিং অদুদা ঐহাক্না হায়রি মদুদি নখোয়না মফম অসিদগী ফংলকপা অদুবু পুনশি চুপ্পা নখোয়গী মন্ত্র ওইনা ওইহন্দুনা নখোয়না লৈবাক ঞঅসিদা মসিগী রক্সা বুনিভর্সিতী অসিবু হেন্না মগুন লৈহনগদবনি। মসিগী লমশিদা মাং থাদুনা চৎনবগীদমক্তা মতিক চারবা নহাশিংবু থৌগৎকদবনি। নুপীশিংবু থৌগৎকদবনি, নখোয়গী পুনশিদগী পুক্নিং থৌগৎকনি। নখোয়না খুনাইগী পুনশিদা য়াম্না চাউনা শরুক য়াবা ঙমগনি।
করিগুম্বা মদুগী থবক অদু নখোয়না তৌবা তারবদি, ঐহাক্না থাজৈ মদুদি, অজাদি কে অমৃত মহোতসবতা অনৌবা খোংচৎ অমা হৌদোকখ্রে, মসিনা লৈবাক অসিগী নিংখা তম্বগী চহি চাম শুবগী থৌরম পাংথোকপা মতমদা দিফেন্সকী সেক্তরগী মশক অসি হোংলমলগনি, দিফেন্স সেক্তরগী মীশিংনা য়েংবগীমওং অদু হোংলম্লগনি অমসুং লৈবাক অসিগী মীচম প্রজাশিং, হায়রিবা অসি ঙমখৈদা লৈবা ওইগেরা নত্রগা য়ুমলক্কী ৱাচমেন ওইগেরা, মখোয় পুম্নমক্না অমত্তা ওইবা মিৎয়েংদা য়েংলমগনি অমসুং লৈবাক অসিগী দিফেন্সকীদমক্তা খুনাই অমসুং সীস্তেম অনিমক্না পুন্না খুৎশম্নদুনা থবক তৌরগনি, লৈবাক অসিনা নিংখা তম্বগী চহি চাম শুবগী থৌরম পাংথোকপা মতমদা ঐখোয়না মদুগী পাঙ্গল অদুগা লোইননা লেপকদৌরিবনি। মসিগী থাজবা অসিগা লোইননা ঐহাক্না নহাশিংদা য়াইফ-পাউজেল পীরি। মখোয়গী ইমুং-মনুংশিংদসু য়াইফ পাউজেল পীরি।
হন্না হন্না থাগৎচরি।
