ঙসি প্রধান মন্ত্রী শ্রী নরেন্দ্র মোদীনা দমন্দা নমো পথ, দেবকা সিফ্রন্ত মীয়ামদা কৎথোকখ্রে। মফম অদুদা থুংলবগা, প্রধান মন্ত্রীনা শেমগৎ-শাগৎপদা শরুক য়াখিবা শিন্মীশিংগা ৱারি শানখি অমসুং মখোয়গা লোয়ন্না ফোতো অমসু নম্মিন্নখি। মহাক্না নয়া ভারত সেলফি পোইন্তসু য়েংখি।
লুপা করোর ১৬৫ রোম চঙনা শেমগৎপা কিলোমিতর ৫.৪৫ শাংবা দেবকা সিফ্রন্ত অসি লৈবাক অসিগী অসিগুম্বা মখলগী সমুদ্র মপানগী লম্বীনি। মসিনা মফম অসিগী শেন্মীৎলোন ফগৎহনগনি অমসুং পোথাফম অমা ওইনা লমদম অসিদা লমকোয়বা মীওই কয়া চিংশিনগনি। সিফ্রন্ত অসি মালেম থাক্কী লমকোয়বশিংগী মফম অমা ওইনা শেমগৎলি অমসুং মসিদা স্মার্দ লাইত্তিং, গারি খাম্ফম, লৈকোলশিং, অচা-অথক য়োনফমশিং, পোথাফমশিং লৈরে অমসুং তুংদা অনানবা তেন্ত সিতিশিং শেমগৎনবা খুদোংচাবা য়াওরে।
থৌরম অদুদা প্রধান মন্ত্রীনা লোয়ন্না দদ্রা অমসুং নগর হাভেলি অমসুং দমন অমসুং দিয়ু অমসুং লাক্ষদ্বিপ য়ুনিয়ন তেরিতোরিগী এদমিনিস্ত্রেতর শ্রী প্রফুল পতেলসু শরুক য়াখি।
