প্রধান মন্ত্রী, শ্রী নরেন্দ্র মোদীনা ভিদিও কনফরেন্সকী থোংদা জিলা ৭৫দা দিজিতেল বেঙ্কিং য়ুনিৎ (দি.বি.য়ু.) ৭৫ জাতিদা কত্থোকখ্রে।
থৌরম অদুদা ৱা ঙাংলদুনা প্রধান মন্ত্রীনা দিজিতেল বেঙ্কিং য়ুনিৎ (দি.বি.য়ু.) ৭৫না প্রজাশিংগীদমক ফাইনান্সিএল ইনক্লুজন অমসুং বেঙ্কিং এক্সপরিয়েন্স হেনগৎহনগনি। মহাক্না হায়, “দি.বি.য়ু. অসি মীচম প্রজাশিংগীদমক ইজ ওফ লিবিংগী মাইকৈদা চংশিল্লিবা অচৌবা খোঙথাং অমনি”। প্রধান মন্ত্রীনা হায় মদুদি অসিগুম্বা বেঙ্কিং সেৎঅপ অসিদা সরকারনা মিনিমম ইনফ্রাস্ত্রকচরগা লোয়ননা মেক্সিমম সর্ভিসশিং পীনবা পান্দম থম্মি অমসুং পুম্নমক অসি পেপরৱার্ক য়াওদনা দিজিতেলগী খুত্থাংদা চৎথরগনি। মসিনা বেঙ্কিং সিস্তেম মপাঙ্গল কনখৎহনবা অমসুং সেক্যুর ওইহনবগা লোয়ননা বেঙ্কিংগী থৌওং অসিবুসু লাইথোকহনগনি। মহাক্না মখা তারদুনা হায়খি, “অপীকপা সহরশিং অমসুং খুঙ্গংশিংদা লৈরিবা মীওইশিংনা শেল ত্রান্সফর তৌবদগী হৌরগা লোনশিং লৌবগী কান্নবশিং ফংলগনি। দিজিতেল বেঙ্কিং য়ুনিৎশিং অসি লৈবাক অসিদা ভারতকী মীচম মীয়ামগী পুন্সিবু লাইথোকহন্নবগী মাইকৈদা চংশিল্লিবা অতোপ্পা অচৌবা খোঙথাং অমনি”।
প্রধান মন্ত্রীনা হায়খি মদুদি সরকারগী পান্দম অসি মীচম প্রজাবু মপাঙ্গল কনখৎহনবনি অমসুং মখোয়বু শক্তি লৈহনবনি, মসিনা মরম ওইদুনা খ্বাইদগী অকোনবদা লৈরিবা মীওই অদুগী খল্লগা পোলিসীশিং শেমখি অমসুং অপুনবা সরকার অসিনা মখোয়গী য়াইফনবা মাইকৈদা চংশিল্লি। মহাক্না সরকারনা অমুক্তংদা লম অনিদা মীৎয়েং চংকি হায়না ফোঙদোকখি। অহানবদা রিফোর্ম তৌবা, মপাঙ্গল কনখৎহনবা অমসুং বেঙ্কিং সিস্তেম ত্রান্সপরেন্ত ওইহনবা অমসুং অনিশুবদা ফাইনান্সিএল ইনক্লুজন লৈহনবনি।
মীয়াম্না বেঙ্কতা চৎপা মথৌ তারম্বা হৌখ্রবা মতমগী অরিবা চৎনবী অদুবু নীংশিংলদুনা প্রধান মন্ত্রীনা হায়খি মদুদি সরকারনা মীয়ামদা বেঙ্ক নকশিনহন্দুনা এপ্রোচতা অহোংবা পুরকখি। মহাক্না হায়, “বেঙ্কিং সর্ভিসশিংনা লাস্ত মাইল য়ৌহন্নবা হোৎনবা হায়বা অসিদা ঐখোয়না খ্বাইদগী মরু ওইবা মীৎয়েং চংখি”। লায়রবশিংনা বেঙ্ককী থোংজিলদা চৎকনি হায়না খল্লম্বদগী বেঙ্কশিংনা লায়রবশিংগী থোংজিলদা ওইনা চৎলি, হায়রিবা ফীভম অসিদা অচৌবা অহোংবা লাক্লে। মসিদা লায়রবা অমসুং বেঙ্কশিংগী মরক্তা লৈরিবা অরাপ্পা হন্থহনবা তাখি। মহাক্না হায়, “ঐখোয়না ফিজিকেল দিস্তেন্স হন্থহনবা খক্তা নত্তনা মরু ওইনা ঐখোয়না সাইকোলোজিকেল দিস্তেন্স লৌথোকখি”। মনুং হঞ্জিনবা মফমশিংদা বেঙ্কিংনা কোনশিন্নবা হোৎনবদা খ্বাইদগী মরু ওইবা মীৎয়েং চংখি। প্রধান মন্ত্রীনা হায়খি মদুদি ঙসি ভারতকী খুঙ্গংশিংগী চাদা ৯৯ হেনবদা কিমি ৫গী রেদিয়স গী মনুংদা বেঙ্ক ব্রাঞ্চ, বেঙ্কিং আউতলেৎ নত্ত্রগা ‘বেঙ্কিং মিত্রা’ অমা লৈরি। মহাক্না হায়, “ঙসি ভারত্তা মীয়াই চল্লবা প্রজা লাখ অমদা লৈবা ব্রাঞ্চশিংগী মশিং অসিনা জর্মনী, চিনা অমসুং খা অফ্রিকাগুম্বা লৈবাকশিংদগী হেল্লি”।
সেক্সন খরদা অহানবদা চীংনবশিং লৈজরবসু প্রধান মন্ত্রীনা হায়খি মদুদি “ঙসি লৈবাক পুম্বনা জন ধন বেঙ্ক একাউন্তশিংগী শক্তি উবা ফংলি”। মহাক্না হায়খি একাউন্তশিং অসিনা সরকারনা য়াম্না তাবা প্রিমিয়মদা শোত্থরবশিংদা ইন্সুরেন্স ফংহনবা ঙমখি। “কোল্লাতরেল য়াওদনা লায়রবশিংগীদমক লোনশিং পীনবা লম্বী মসিনা পীখি অমসুং তার্গেৎ বেনিফিসরীশিংগী একাউন্তশিংদা দাইরেক্ত বেনিফিত ত্রান্সফর তৌখি। একাউন্তশিং অসিনা য়ুমশিং, অমাংশঙশিং, গ্যাস সবসিদী পীনবগী অমসুং লৌমীশিংগীদমক স্কিমশিংগী কান্নবা অপনবা লৈতনা ফংহন্নবগী মরু ওইবা মোদেলিতী ওইরি”, হায়না মহাক্না ফোঙদোকখি। প্রধান মন্ত্রীনা ভারতকী দিজিতেল বেঙ্কিং ইনফ্রাস্ত্রকচরগীদমক গ্লোবেল রিকগনিসন ফংবা ঙমখিববু থাগৎখি। মহাক্না হায়, “আই.এম.এফ.না ভারতকী দিজিতেল বেঙ্কিং ইনফ্রাস্ত্রকচর অসিবু থাগৎখি। মসিগী মনা অসি অনৌবা তেক্নোলোজীশিংবু মখোয়গী পুন্সিগী শরুক অমা ওইহনবগীদমক ভারতকী লায়রবা, লৌমীশিং অমসুং শিন্মীশিংদা পীফম থোকই”।
“য়ু.পি.আই. অসি ভারতকীদমক অনৌবা ওইথোকপা য়াবশিংগী লম্বী য়াৎলি” প্রধান মন্ত্রীনা মখা তারদুনা হায়খি, “ফাইনান্সিএল পার্তনরশিপশিং অসিনা দিজিতেক পার্তনরশিপশিংগা পুনশিল্লবা মতমদা ওইথোকপা য়াবগী অনৌবা মালেম অমা থোরকই। মসিগী অচৌবা খুদম অসি ঐখোয়গী মাংদা লৈরিবা য়ু.পি.আই. অসিনি। ভারতনা মসিগীদমক চাউথোকচবা পোকই মরমদি মসি মালেমগী ওইনা মখল অসিদা অহানবা তেক্নোলোজী ওইরি”। মহাক্না হায় মদুদি ঙসি লমদম অসিগী রুপে কার্দ করোর ৭০ শীজিন্নরি, ফোরেন প্লেয়রশিং অমসুং অসিগুম্বা প্রদক্তশিংগী অৱাংবা থাক্কী মওং-মতৌ অদুদগী চাউনা খেন্নবা লাক্লে। মহাক্না হায়, “তেক্নোলোজী অমসুং ইকনোমীগী অপুনবা অসিনা লায়রবশিংগীদমক ইকাই খুম্নবা অমসুং এফোর্দেবিলিতী হেনগৎহল্লি অমসুং মিদল ক্লাস্তা শক্তি পীরি অমরোমদা মসিনা লৈবাক অসিগী দিজিতেল দিভাইদ লৌথোকখি”। মহাক্না শেঞ্জা-থুমজা মুত্থৎপদা দি.বি.তি.না লৌখিবা থৌদাংবু থাগৎখি অমসুং দি.বি.তি.গী খুত্থাংদা তোঙান-তোঙানবা স্কিমশিংগীদমক লুপা করোর লাখ ২৫ হেন্না ত্রান্সফর তৌখি। মহাক্না হায়খি মদুদি লৌমীশিংগী মথংগী ইনস্তোলমেন্ত হয়েং ত্রান্সফর তৌরগনি। প্রধান মন্ত্রীনা হায়, “ঙসি মালেম পুম্বনা ভারতকী দি.বি.তি. অমসুং দিজিতেলগী শক্তি অসিবু থাগৎনরক্লি। ঙসি মসিবু গ্লোবেল মোদেল ওইনা উরি। ৱর্ল্দ বেঙ্কনা ফাওবা দিজিতাইজেসনগী খুত্থাংদা সোসিএল সেক্যুরিতী পীবদা লুচিংবা ওইরক্লি হায়না ফোঙদোকখি”।
প্রধান মন্ত্রীনা মদুদি ফিনতেক অসি ভারতকী পোলিসীশিং অমসুং খোঙথাংশিংগী থৱায় ওইরি অমসুং মসিনা তুংলমচৎকী লম্বী য়াৎপদা মরু ওইবা থৌদাং লৌরি। দিজিতেল বেঙ্কিং য়ুনিৎশিং অসিনা ফিনতেক্কী মতিক-ময়াই হেন্না হেনগৎহনগনি। মহাক্না হায়, “করিগুম্বা জন ধন একাউন্তশিং অসিনা লৈবাক অসিদা ফাইনান্সিএল ইনক্লুজনগী য়ুম্ফম থোল্লবদি ফিনতেক অসিনা ফাইনান্সিএল রিভোল্যুসনগী য়ুম্ফম ওইগনি”।
ব্লোকচেন তেক্নোলোজীদা য়ুম্ফম ওইবা দিজিতেল করেন্সী অমা লোঞ্চ তৌবগী সরকারনা লাউথোকখিবা অদু পল্লদুনা প্রধান মন্ত্রীনা হায় মদুদি, “তুংদা লাক্কদবা দিজিতেল করেন্সী ওইরবসু নত্ত্রগা ঙসিগী দিজিতেল ত্রাঞ্জেক্সনশিং ওইরবসু শেন্মীৎলোনগী মথক্তা মখোয়গা মরু ওইবা হীরম কয়াগসু মরী লৈনরি”। মহাক্না শেল তুংশিনবা, ফিজিকেল করেন্সীগী মথৌ তাবা হন্থহনবা অমসুং অকোইবগী ফীভমদা কান্নবা পীবা অসিনা মরু ওইবা খুদোংচাবশিংনি হায়না ফোঙদোকখি। প্রধান মন্ত্রীনা শেনয়েক নম্নবা চে অমসুং মুক অসি মপালদগী পুশিল্লকই অমসুং দিজিতেল ইকনোমী চৎনহন্দুনা ঐখোয়না মরোমদোম লেপচবা ঙম্বা ভারতকীদমক শরুক তম্লি অমসুং মসিনা চে শীজিন্নবা হন্থহন্দুনা অকোইবদা কান্নবা পীরি।
প্রধান মন্ত্রীনা হায়খি মদুদি বেঙ্কিং অসি ঙসিদি ফাইনান্সিএল ত্রাঞ্জেক্সনশিংগী মথক্তা মসিনা ‘গুদ গভর্নান্স’ অমসুং ‘বেত্তর সর্ভিস দেলিবরী’গী মীদিয়ম অমসু ওইখি। ঙসি সিস্তেম অসিনা প্রাইবেৎ সেক্তর অমসুং স্মোল-স্কেল ইন্দস্ত্রীশিংদসু শাহৌ পীনবগী চাউনা ওইথোকপা য়াবা ফংহল্লি। মহাক্না মখা তারদুনা হায়খি মদুদি তেক্নোলোজীগী খুত্থাংদা প্রদক্ত অমসুং দেলিভরী সর্ভিসনা অনৌবা স্তার্তঅপকী ইকোসিস্তেম শেমগৎতবা লম অমত্তা ভারত্তা লৈতে। মহাক্না হায়, “ঙসি দিজিতেল ইকনোমী অসিনা ঐখোয়গী শেন্মীৎলোনগী, স্তার্তঅপকী লমগী, মেক ইন ইন্দিয়াগী অমসুং মরোমদোম লেপচবা ঙম্বা ভারতকীদমক অচৌবা মপাঙ্গল অমা ওইরি”। মহাক্না মখা তারদুনা হায় মদুদি, “ঙসি ঐখোয়গী অপীকপা ইন্দস্ত্রীশিং, ঐখোয়গী এম.এস.এম.ই.শীংনস জি.ই.এম. গুম্বা সিস্তেম অমগীন খুত্থাংদা সরকারগী তেন্দরশিংদা শরুক য়ারি। মখোয়না অনৌবা থবক্কী খুদোংচাবশিং ফংলি। হৌজিক ফাওবদা জি.ই.এম.দা লুপা করোর লাখ ২.৫রোমগী ওর্দরশিং তৌখ্রে। দিজিতেল বেঙ্কিং য়ুনিৎশিংগী খুত্থাংদা মাইকৈ অসিদা হৌজিক অনৌবা খুদোংচাবা কয়া থোরক্লগনি”।
প্রধান মন্ত্রীনা হায়খি, “বেঙ্কিং সিস্তেমগা চপ মান্না খুমাং চাউশিল্লিবা লৈবাক অমা হেক্তগী শেন্মীৎলোন অসি মপাঙ্গল কল্লি”। মহাক্না হায়, লৈবাক অসিনা হৌখিবা চহি ৮ অসিদা প্রি-২০১৪ ‘ফোন বেঙ্কিং’ সিস্তেমদগী দিজিতেল বেঙ্কিংদা হোংখি অমসুং মসিনা মরম ওইদুনা ভারতকী শেন্মীৎলোন অসি লেপ্পা লৈতনা খুমাং চাউশিল্লি। অরিবা মওংশিং অদুবু নীংশিংলদুনা প্রধান মন্ত্রীনা হায়খি ২০১৪গী মমাংদা বেঙ্কশিংনা মখোয়গী ফঙ্কসন তৌনবগী মতাংদা ৱারেপ লৌনবা ফোন কোলশিং লাকখি। মহাক্না মখা তারদুনা হায়খি মদুদি ফোন বেঙ্কিং পোলিতিক্স অসিনা বেঙ্কশিংবু শাফবা ওইহন্দে অমসুং স্কেম করোর লিশিং কয়াগী মরু হুলহন্দুনা লৈবাক অসিগী শেন্মীৎলোন অসি খুদোংথিহল্লি।
হৌজিক পাল্লিবা সরকার অসিনা সিস্তেমদা করম্না অহোংবা পুরকখিবগে হায়বগী মতাংদা প্রধান মন্ত্রীনা হায়খি মদুদি ত্রান্সপরেন্সী অসিদা মপুং ওইবা মীৎয়েং থম্লি। মহাক্না হায়, “এন.পি.এ.শিং মশক খঙদোকপদা ত্রান্সপরেন্সী লৈহল্লবা মতুংদা লুপা করোর লাখ কয়া বেঙ্কিং সিস্তেমদা অমুক হন্না পুরকপা ঙমহনখি। ঐখোয়না বেঙ্কশিং অমুক হন্না কেপিতেলাইজ তৌখি, দিফোলতরশিংগী মায়োক্তা এক্সন লৌখৎখি অমসুং প্রিভেন্সন ওফ করপসন এক্ত রিফোর্ম তৌখি”। মহাক্না হায়খি মদুদি এন.পি.এ.গা মরী লৈনবা সমস্যাশিংগী রিজোল্যুসন অসি লোনশিংগীদমক অমসুং ত্রান্সপরেন্ত অমসুং সাইন্তিফিক সিস্তেম শেমনবগীদমক তেক্নোলোজী শীজিন্নদুনা অমসুং এলাইতিক্স তৌদুনা আই.বি.সি.গী মতেংগা লোয়ননা খোঙজেল য়াংখৎহনখি। মহাক্না মখা তারদুনা হায়খি, “বেঙ্কশিং মর্জ তৌবা অসিগুম্বা ৱারেপশিং অসি পোলিসী পেরালাইসিসকী ভিক্তিমশিংনি অমসুং লৈবাক অসিনা মখোয়বু থৌনা ফনা মায়োক্নখি। ৱারেপশিং অসিগী ফলশিং ঙসি ঐখোয়গী মাংদা উবা ফংলে”। মহাক্না হায় মদুদি অনৌবা সেল্ফ-দ্রাইব মেকানিজম অমা দিজিতেক বেঙ্কিং য়ুনিৎশিং অমসুং ফিনতেক ইনোভেতিব ওইনা শীজিন্নবা অসিগুম্বা অনৌবা থৌশিলশিংগী খুত্থাংদা বেঙ্কিং সিস্তেমগীদমক শেমখি। কঞ্জুমরশিংগীদমক ওতোনোমী অদুক্কী মতিক লৈরে, বেঙ্কশিংগীদমক্তসু চপ মান্ননা খুদোংচাহল্লি অমসুং ত্রান্সপরেন্সী লৈহল্লি হায়না ফোঙদোক্লদুনা মহাক্না স্তেকহোল্দরশিংদা ইহৌ অসি মাংদা পুখৎনবা হায়খি।
লোইশিল্লকপদা প্রধান মন্ত্রী খুঙ্গংশিংগী অপীকপা বিজিনেকী মপুশিংদা দিজিতেল ত্রাঞ্জেক্সনশিংগী মাইকৈদা মপুং ফানা চংশিন্নবা হায়খি। মহাক্না বেঙ্কশিংদা মখোয়া লোয়ননা মর্চেন্ত ১০০ কন্নেক্ত তৌদুনা লৈবাক অসিদা কান্নবা পীনবা মপুং ফানা দিজিতেল ওইহন্নবা হায়খি। শ্রী মোদীনা হায়খি, “ঐহাক্না থাজৈ থৌশিল অসিনা ঐখোয়গী বেঙ্কিং সিস্তেম অমসুং শেন্মীৎলোন অসি ফ্যুচর রেদী ওইবা থাক অমদা পুখৎকনি অমসুং গ্লোবেল ইকনোমীদা লমজিংনবগী মতিক ময়াই লৈরক্কনি”।
থৌরম অদুদা কেন্দ্রগী শেল-থুম মন্ত্রী, শ্রীমতি নির্মলা সিতারামন অমসুং রিজর্ব বেঙ্ক ওফ ইন্দিয়াগী গভর্নর, শ্রী শক্তিকান্তা দাসনা শরুক য়াখি। মুখ্য মন্ত্রীশিং, কেন্দ্রগী মন্ত্রীশিং, রাজ্য মন্ত্রীশিং, মেম্বর ওফ পার্লিয়ামেন্তশিং, বেঙ্কিংগী লুচিংবশিং, এক্সপর্তশিং অমসুং বেনিফিসরীশিংনা ভিদিও কনফরেন্সকী থোংদা শরুক য়াখি।
বেকগ্রাউন্দ
ফাইনেন্সিএল ইনক্লুজন হেন্না মরা চেৎশিলহন্নবগী থৌরাং অমগী মখাদা, প্রধান মন্ত্রী শ্রী নরেন্দ্র মোদীনা ভিদিও কন্ফরেন্সিংগী খুত্থাঙদা দিজিতেল বেঙ্কিং য়ুনিৎ (দি.বি.য়ু.) ৭৫ লৈবাক মীয়ামদা কত্থোকখ্রে।
২০২২-২৩গী কেন্দ্রগী বজেৎ ৱারোলগী শরুক অমা ওইনা শেলথুম মন্ত্রীনা লৈবাকসিগী নীংতম্বা চহি ৭৫ শুরকপবু নীংশিংবা ওইনা লৈবাকসিগী দিস্ত্রিক্ত ৭৫দা দি.বি.য়ু. ৭৫ লিংখৎনবা ৱাফম লাউথোকখি। দি.বি.য়ু.শিং অসি লৈবাকসিগী কাচিন কোয়া শিনবা থুংনা দিজিতেল বেঙ্কিংগী কান্নবা ফংহন্নবা পান্দমদা লিংখৎপনি অমদি মসিনা স্তেত অমসি য়ুনিয়ন তেরিতরী পুম্নমক কোনশিনগনি। থৌরাং অসিদা পব্লিক সেক্তর বেঙ্ক ১১, প্রাইভেৎ সেক্তর বেঙ্ক ১২ অমদি স্মোল ফাইনান্স বেঙ্ক অমনা শরুক য়ারি।
দি.বি.য়ু.শিং অসি সেভিং একাউন্ত হাংদোকপা, বেলেন্স চেক তৌবা, পাসবুক নম্বা, ফন্দ থাদোক থাজিন তৌবা, ফিক্স দিপোজিত্তা শেল থাদবা, লোনগী চে থাবা, ইসু তৌখ্রবা চেক্কী স্তোপ পেমেন্তকী ইন্সত্রকসন শেম্বা, ক্রেদিৎ/দেবিৎ কার্দ এপ্লাই তৌবা, একাউন্ত স্তেতমেন্ত য়েংবা, খাজনা থীবা, বিল থীবা, নোমিনেসন তৌবনচিংবা মখল মখা কয়াগী দিজিতেল বেঙ্কিং ফেসিলিতীশিং মীয়ামদা ফংহন্নবা আউতলেৎশিংনি।
দি.বি.য়ু.শিংনা কস্তমরশিংদা চহি চুপ্পা বেঙ্কিং প্রদক্তশিং অমসুং সর্ভিসশিং মমল হন্থবা, লায়না ফংবা ঙম্বা অমদি ফীভম ফগৎলবা দিজিতেল বেঙ্কিং এক্সপরিএন্সশিং ফংহনগনি। মখোয়না দিজিতেল ফাইনেন্সিএল লিতরেসী শন্দোক্কনি অমদি কস্তমরশিংদা সাইবর সিক্যুরিতী এৱ্যারনেস অমসুং সেফগার্দশিংগী মরমদা খঙহনবদা অখন্নবা মীৎয়েং থমগনি। লোয়ননা মফমশিং অসিদা রিএ তাইম এসিস্তেন্স পীননবা অমদি দি.বি.য়ু.শিংনা হকথেংননা নৎত্রগা বিজিনেস ফেসিলিতেতরশিং/করেসপোন্দেন্তশিংগী খুত্থাঙদা পীরিবা বিজিনেস অমসুং সর্ভিসশিংগী মরমদা পেন্দবা লৈবশিংগী ৱাখৈ পুরক্নবা দিজিতেল মেকানিজম মতিক চানা লৈগনি।
Today, 75 Digital Banking Units are being launched across India. These will significantly improve banking experience for the citizens. pic.twitter.com/2ZSSrh3EEc
— PMO India (@PMOIndia) October 16, 2022
Ensuring maximum services with minimum digital infrastructure. pic.twitter.com/9PoSireTca
— PMO India (@PMOIndia) October 16, 2022
हमारी सरकार का लक्ष्य भारत के सामान्य मानवी को empower करना है, उसे powerful बनाना है। pic.twitter.com/cs8Y22pdvi
— PMO India (@PMOIndia) October 16, 2022
Two aspects have been focused on to improve the banking services. pic.twitter.com/7mIzim4U63
— PMO India (@PMOIndia) October 16, 2022
We have given top priority and ensured that banking services reach the last mile. pic.twitter.com/iTLZPsg81P
— PMO India (@PMOIndia) October 16, 2022
We are moving ahead with the resolve to transform the standard of living of every citizen. pic.twitter.com/YZRQyEZANq
— PMO India (@PMOIndia) October 16, 2022
The credit for success of India's banking infrastructure goes to the citizens. pic.twitter.com/UbRHpNNcYq
— PMO India (@PMOIndia) October 16, 2022
UPI has opened up new possibilities for India. pic.twitter.com/56mwfd8flO
— PMO India (@PMOIndia) October 16, 2022
JAM trinity has significantly helped curb corruption. pic.twitter.com/cRqNMXW0RN
— PMO India (@PMOIndia) October 16, 2022
Today the whole world is appreciating DBT and digital prowess of India. pic.twitter.com/qAFZeBHkH3
— PMO India (@PMOIndia) October 16, 2022
आज Fintech भारत की नीतियों के, भारत के प्रयासों के केंद्र में है, और भविष्य को दिशा दे रहा है। pic.twitter.com/oP9fdPq2pf
— PMO India (@PMOIndia) October 16, 2022
Banking sector has become a medium of 'Good Governance' and 'Better Service Delivery'. pic.twitter.com/bBapxlhXXE
— PMO India (@PMOIndia) October 16, 2022
डिजिटल इकॉनमी आज हमारी इकॉनमी की, हमारे स्टार्टअप वर्ल्ड की, मेक इन इंडिया और आत्मनिर्भर भारत की बड़ी ताकत है। pic.twitter.com/fcFB0zd6LB
— PMO India (@PMOIndia) October 16, 2022
